مملكة تعيش على أمل (مكتمله)

البارت التاسع

علي :كاعد باليل وسمعت ابوي صاحلي رحتلا وجان يكلي زهرة مخطوبة وعمتي تريد تنطيني امل مكانها لمن ابوي يحجي عن امل حيل ضجت حيل حبيتها بس لمن عرفت طفولة امل كمت احاول اتناسها واتناسى مشاعري تجاها متستاهل هيج يصير بيها متستاهل تنظلم وتنعزل بزويه وما جنت ارضى ع نفسي ازوج وحدة طاريها ع كل لسان ضليت هواي افكر بالموضوع وصار وافقت لمن امي ورة كم يوم صارت حتى هيه تقنعني اتزوج امل بس اني عرفت انو ابوي قنعها ع اساس امل تصير دكتورة وتصرف علينا وامي حاطه بالها انو حتزوجني ع امل يعني هل شي محيضرها واجى اليوم الي خطبت بي امل....
رحنا اني وامي وابوي لبيت عمتي حتى نطلب ايدها
وبعد مدخلنا للببت وسلمنا ع عمتي بدا ابوي يفتح الموضوع وي عمتك...
ابو علي :ام احمد خويه احنا جاين ونريد نطلب ايد اموله لعلي
علي :اعتقد عمتي تعرف احنا ليش جايين مو؟
ام احمد:هااا....اي اعرف يعني....ابوك كلي ع التلفون
علي :ابوي كلج لو انت كلتيله
ام احمد:ويعني
ابو علي:علي بابا عيب مو وكت هلسوالف
امل:امي ولاول مرة بحياتها شترتلي ثوب جديد وطلبت مني ارتب نفسي واقدم لخوالي عصاير واني اصلا اعرف ليش جاين جاين حتى يخطبوني لعلي وحتى محد فكر ياخذ رأيي امي تفكر بابنها وبتها ونست مستقبلي ونستني اني جنت اخر همها لمن امي صاحتلي حضرت العصير والمي ودخلت الاستقبال وبديت اقدم لخالي ومرته وعلي المي والعصير وابد مشلت عيني قدمت العصير وردت اطلع وكفت ع صوت خالي بابا اموله ضلي يم خطيبج هههه...يعني تتعرفون ع بعض المهم
كعدت مقابيل علي والكل طلع بس ضليت مدنكه راسي وابد مباوعتله
علي :عمتي اخذت رأيج ؟
امل:رفعت راسي وباوعت بعين علي .....لاء
علي :خوش....هسه اني اسألج شنو رأيج موافقه لو لاء
امل:وكفت ع حيلي وكتلة ....ومن شوكت واني عندي رأي ...هه...شسون سو
علي:بس اني يهمني اعرف رأيج
امل :ما ريد ابقى بهذا البيت ولو بهل لحظة يكلولي طلعي اطلع...بس هم ما اريد اتزوجك لانك مفروض عليه ...بس تدري شنو احسن بمليون مرة من الضله بهل بيت
علي:لمن سمعتها تحجي هيج حيل ضجت طول عمري واني احبها صح معترفتلها بس متوقعت هذا الرد منها .....لا عبالج كاتل روحي ع الزواج منج
امل:شكو هخطبتي هاا ؟؟ اذا مكاتل روحك  ......
لو جبروك عليه ...جبروك مو؟؟
علي:اريدج تعرفين شي واحد بس محد جبرني لو مو برضاي فمستحيل اتزوجج واخطو هاي الخطوة
امل:يعني برضاك اجيت
علي"هههه"يعني هاي مشكلتج ؟؟
امل:اكيد اكيد ما اقبل ع نفسي ازوج واحد ميريدني
علي:من هذا الجانب اطمئني
امل:😿شكرا
علي:عليمن
امل:اني طالعة
علي:بس مجاوبتيني
امل:باوعت علي وطلعت ورحت ع المطبخ
كلامه خلاني احس انو زواجي منة اهون من ضلتي بهاذا البيت كلامه حيل طمني والاول مرة بحياتي تلقائيه حسيت بالامان ما أدري ليش بس فعلا حسيت انو يحبي مو متأكدة اذا احساسي كاذب لو صادق بس هون عليه هواي

زهرة :امل
امل:ها زهرة رايدة شي
زهرة:خالي جاي ع مودج مو؟
امل :شنو قصدج ؟
زهرة :مو تتغابين عليا جاي يخطبج لعلي لا عبالج ما ادري
امل:استغفر الله منج زهرة ...والمطلوب
زهرة:احب اذكرج انو علي اجه خطبني الي بالاول بس علمود الفكر الي هم بي امي نطتج لعلي مكاني مرادت ترد اخوها ....بحياتج لتنسين هل الكلام
امل:بصوت "لا اني مناسيا شي حتى اذكر وخطيبج اجه عليه بس امي طلعتج لاهلة مكاني وخل يكون بعلمج لا هامني علي ولا انتي وعسى ما اروح لجهنم بس اطلع من هذا البيت هم عادي
زهرة:والله طالعلج لسان بسلا نسيتي منين جابوج ؟؟
امل:لا منسيت زهرة بس الظاهر انتي الي نسيتي الايام الي عشناها سوة ع اساس احنا خوات نسيتي شلون جنت افزعلج وتفزعيلي بكل مصيبا انتي الي تنسين مو اني