مملكة تعيش على أمل (مكتمله)

البارت الثاني عشر

لمى:منو؟؟
امل:اني امل فتحي الباب
لمى :امل.....شلونج ؟؟حياتي مشتاقتلج
امل"الحمدلله بخير
لمى :تعالي تعالي ندخل للبيت
ام احمد :دأتريك وشفت امل جايه وياهة جنطة استغربت عبن هي مجايتنا من يوم تزوجت كعدتها وبديت افتهم منها السالفة وكلتلي علي يريد يتزوج
واصلا اني الي نطيتهم الحق يزوجونا ع امل ضليت حايرة شلون اصرف بهل موضوع .....امل كافي لتبجين اخابر علي وافتهم منه لموضوع
امل:ماما لتنطين بيه لخاطر ابوي ...نصفيني
ام احمد: ان شالله ما اقصر
امل:مسحت دموعي ورحت اني ولمى ع المطبخ
لمى:الثول ثوله لعلي الي مثله يبوس ايدة من ورة وكدام عليج مو زين متحملتا ومتحمله امه الغثيثه....... الله يساعدج بس عليهم
لتضوجين امولة امي تعرف دروبهم
امل:اخاف تنطي بيه
لمى:لاء ..مو لهل درجة
امل:لمى وين صارن خواتي ...اشوف البيت صفه بيج
لمى:هههه والله فاتتج هوااي احداث نوال حامل ...ماأعتقد هذا شي جديد الله يسلمها كول سنه ذبلها واحد سوتهم فريق كرة سلة.
امل:ههه ...يمه من سوالفج
لمى :والله يأموله الضحكة تلوكلج ..اللع ليشوفج هم ان شاء الله ...
امل:وزهرة
لمى : زهرة ...تزوجت من شهر وهسه هي مسافرة شهر عسل
أمل:دريت لحيت هواي عليهم علي كلي روحي بس خالتي الشفية مقبلت
لمى:والحدث الاهم ...اني نخطبت وافقت
امل:شنو؟؟هههه وأخيرا وافقتي
لمى :شمتانيه بعد انتي اصغر مني وزوجتي وهو ولد حباب ويحبني
انل:ههه .... وتمدح بي بعد
لمى:خجلتيني😜
امل:احمد وين صار ؟؟مشتاقتله كومه
لمى :وهو اكو واحد يعرف احمد وين ...اسم الله مينشاف بس ع الاكل
امل:ههه...والله مشتاقتلج يا لمى ومشتاقه اسوالفج
لمى :حبيبتي"اكلج اموله صار صار ع التقديم مال الكلية الطلاب من زمان بدت تقدم
امل:آه ...علي ميقبل اكمل
لمى :ليش ؟؟
امل:الي اعرفه انو خالي وخالتي يردوني اكمل حتى اصرف عليهم واعتقد لهذا السبب
لمى :هسه منا لخمس سنين منو يعرف شيصير ..
امل:هي بقت ع الكليه
لمى :حضنت امل وكلت:لتضوجين حبيبتي كولشي يسوي ربنا بي صالح

ام احمد:بعد مسمعت امل رحت وخابرت ع علي افتهم منا صار ..هلو يمه علي شلونك
علي :الحمدلله
ام احمد:يمه علي انت تدري ليش اتصلت بيك
علي :كلتلج مو؟؟
ام احمد:اي يمه كلتلي ... تره امل ييمه تحبك لتكسر بخاطرها
علي:هه...خطية ؟؟منو الي يحجي هيج معقول عمتي...مو انتي نفسج الي عاملتيها مثل الاثاث وكلتي تزوج عليها اذا متعجبك وأمل معجبتني ...
ام احمد:وافترض تزوجت والله امل تموت ..
علي:مفكرتي بهاذا الشي قبل لتكولينا هاا؟
واني ادري محد الها غيري لهيج اذا تريد هسه اجي واخذها....
ام احمد:لا... لا تجي هسة خليها لليل وتعال اخذ مرتك .
علي :الله وياج عمه .. الله ياخذج شنو من ضمير عندج راحت تستند عليج وهديتيها .. ..أوف يا أمل ...شكد نظلمتي بحياتج
علي:رحت لبيت عمتي حتى اخذ امل
علي:هلا عمه
ام احمد:هلا بيك يمه ...ادخل للاستقبال
علي :لا عمه ماعندي وقت صيحي امل حتى نروح
ام احمد:يمه ادخل حتى تتفاهم انت ومرتك
ام احمد :امل ..امل تعالي يمه
امل :دخلت للاستقبال جان اشوف علي تفاجئت
ام احمد :تعالي يمه كعدي
امل :ماأريد اكعد ...عندي شغل
علي:هذا ياا شغل كعدي بسرعة
امل:انتة منو اطاك الحق حتى تتامر عليه هاا؟
وعناد بيك ماأكعد
علي :كمت وكلت بصوت:لسانج طولان منتبها لروحج
امل:انت طلعتني عن طوري
ام احمد:حرف واحد مأريد اسمع منج روحي ع السريع حضري نفسج
امل:يمه
ام احمد:وغمه ...يلا بسرعه
امل :ما ...ما اروح ويا
ام احمد:بصوت "أمل
علي:عمه عادي تخلينا وحدنا
امل:لا مو عادي ضلي يمه
ام احمد:اكيد يمه ...
امل:طلعت امي ودفعتني قربتني من علي
أمل:لو عندي سند مجان فكرت تتزوج عليه بس انت تدري محد الي شسوي بيه مسموحلك والله حرام عليك ترة من اجيت خطبتني سألتك وكلتلي خطبتج برضاي ....تزوجتك وكلت حأخلص من الظلم الي عشته بهل بيت بس الظلم الي عيشتني ايا من نوع ثاني "لا تظلم من لم يجد عليك نصيرا الا الله "
علي:كافي سكتي ....كافي
هي تحجي واني بودي الارض تنشك وتبلعني ع الخجل الي اني بي من نفسي شكد ظلموها اهلها واني اجيت حتى اكمل عليها ... اوف يا ربي لو مزوجين بظروف غير هاي الظروف
جريت نفس:أمل رايح للسيارة الج عشر دقايق تحضرين نفسج
امل:لا والله انت مو انسان
علي:بصوت "جريتها من ايدها "شنو قصدج هاا؟؟
امل:بجيت وسحلت ايدي من ايدة تدري ما الي غيرك لهيج تعاملني بهاي الطريقة ....
امل:لميت ملابسي وحضرت نفسي سلمت ع لمى وامي وطلعت اركب بالسيارة ركبت ورة
علي :تعالي امل كعدي بالكدام ليش كعدتي ورة ؟
امل:والله يزعجني الكدام أكو مانع ؟الله ..الله
علي:شنو رأيج تصيرين حبابة وبأدب تجين تكعدين بالكدام ...تدرين اذا اتخبل شسوي
امل :بلله شسوي
علي :طلعت من السيارة فتح الباب مال السيارة الي كاعدة يمه امل وجريتها من ايدها وكعدتها بالكدام ...هاا نشاء الله عرفتي شسوي بس اتخبل
امل:بعد امنع مني الهوة ترة عادي والله محد يمنعك
علي:وشلون تعيشين بلا هوة
امل:عسني لا عشت
علي:اش لتحجين ع روحي هيج ...
امل:منيه روحك
علي :انتي ...والله انتي شوكت تصدكين
امل:تدري ليش مأصدك لان افعالك تثبتلي العكس
علي:أمل .....مأريد اسمعلج صوت