مملكة تعيش على أمل (مكتمله)

البارت الحادي عشر

نقول الحمدلله فيضن الناس
اننا بخير .....
ولا يعلمون اننا نقول الحمدلله
في السراء والضراء ....
فلم يتعبوا انفسهم بسأل ثاني .....
التهوا براحتهم ونسوا همومنا ....

أمل:درت وجهي وكملت طريقي ع المطبخ وسألت فاطمة اذا متريكه لو لاء
فاطمة :لاء لسه متانيتج
أمل:يلا حياتي هسه اسوي ريوك ونتريك سوة
فاطمة :يلا واني اساعدج
فاطمة :امل....أريد اكولج شي
امل:كولي حياتي
فاطمة :وعديني متكولين اني كتلج
امل:وعد يلا كولي خوفتيني
فاطمة :راح اكول....أمل امس لمن علي طلع من غرفتج كال لامي خطبيلي وحدة ع ذوقج
امل:فاطمة متأكدة من الي دتحجينا
فاطمة:والله يا امل متأكدة سمعتا بذاني يكول لامي هل حجي ولو ممتأكدة اصلا مجان كتلج
امل:فاطمة تحجي واني احس فلك طاح عليه كسر ظهري ليش شسويتله مو مقسوملي ارتاح شنو سويت حتى يصير كول هذا بيه مكدرت الزم اعصابي وبسرعة رحت لخالتي وضليت اعيط عليها شنو ذنبي اذا اهلي مرادوني شنو ذني ....اني مختاريت اجي ع الدنيا بلا اب ولا ام مختاريت تكونلي هاي الحياة فشنو الذب الي سويتا
حرام عليج والله حرام عليج
ام علي:حرمت عليج عيشتج ألهي...اذا انتي ممسويه شي فأبني هم ممسوي شي حتى يبتلي بيج

امل:آآآه ......  ضليت ابجي واندب بحظي كرهت اهلي الي ذبوني ومسؤلوا عليه كرهت امي الي زوجتني لانها خايفه ع اولادها كرهت اليوم الي شفت بي علي واليوم الي دخلت بي الهاذا البيت طول عمري واني وحيدة ومحد يسأل عني محد بيوم كالي شلونج ..شلون عايشه الاسوء من الحياة العايشتها الوحدة والانعزال الي اني بي ما راح اسامح واحد منهم .....ميهموني كولهم اني مو بحازنت اهل جبناء تخلوا عني اول مخلقت مو بحازت عائلة مزيفة مو بحازت زوج ميفكر بس بنفسه اني مو بحاجه واحد  طول عمري عايشة ومعتمدت ع احد ابدا مشفت شي من طفولتي ولا من شبابي وبالليل رد علي للبيت وجان عندي فضول قوي  اسأله ليش سويت هيج
امل:علي شنو هذا الي سمعته
علي:وشسمعتي؟؟
امل:ابجي واحجي " ليش علي إسويتلك قصرت وياك بشنو حتى تريد تتزوج عليه صارلنا تلث اشهر مزوجين وانت حارمني من اهلي ومن كولشي واني ساكته ومتحمله امك وابوك تحملت كولشي وسكتت وانتة هيج جازيني هاا؟؟
علي :هي تحجي وتبجي واني بودي احضنها وامسح ادموعها واكلها انتي مسويتي شي خطا ...احنا الي خطأنه بودي اروح وياها لجزيرة مابيها واحد واسعدها لاخر نفس بيه ...ظلمناها هوااي ...بس مجنت متقبل انو زوجتي وحدة ما ألها اهل صعب حيل هذا الشعور ومو كل واحد يتحمله .....طلعت برة الغرفة وتركتها تبجي دموعها كطعت كلبي ...

ام علي:شفت علي طلع برة غرفتة وصحتله " علي ..علي
علي:هاا
ام علي:سودة عليه كل متدخل هاي الغرفة وتطلع ضايج بس ييمة اني رحت وخطبتلك بت ام امير وكالت امها يومين واردلج الجواب
علي:ماشاء الله عليج يمه شبسرعة لحكتي ؟؟
ام علي:لا تكولها يمه بسلا هونت؟؟
علي:جريت نفس وكلت ..لا كملي الي بديتي
ام علي: يمه شنو من بت اخلاق وجمال واصل وفصل وتخبل
علي :ديري بالج لتتخبلين
ام علي:وين رايح يمه
علي:أنام بالاستقبال
ام علي:سودة عليه ييمه كلها جم يوم وتنام بغرفة مرتك الجديدة
علي:يمه.......تصبحين ع خير
ام علي:وانت من اهله
امل:طلع علي وما رد للغرفة للصبح ضليت ابجي للصبح ابد منمت صارت الساعة سبعة غسلت وطلعت للمطبخ كلت اكمل شغلي من وكت الهي نفسي طلعت للمطبخ شفت علي وسويت روحي مشايفته دخلت المطبخ ارتب بي مبين علي مسوي ريوك لروحه وكالب المطبخ كلاب
علي :يكولون صباح الخير..مو هيج يجفتون جفت
...مو احجي وياج ....أمل احجي لتنرفزيني
سحلتها من ايدها وقربتها مني ...شبيج هاا
امل:طلكني
علي :شنو
امل:طلكني متسمع.....اذا تريد تتزوج إطلكني بالاول
علي:واذا طلكتج وين ترحين وهم اهلج انطوج الي عطيه
امل:معليك انت ...شنو خايف عليه ...ان شاء الله اعيش بالشارع انت لتدخل
علي :اش اش ...اسكتي لا اطلع لسانج واكصه
أمل:ماأسكت ...شسوي ها تضربني .... والله متتزوج واني ع ذمتك
علي:حظنتها حيل وهي تبجي
امل:اتركني شبيك انت اتركني
علي :لمن اسكتين اتركج
امل:سكتت يلا تركني
علي :كلتي تلث كلمات ...شلون اسكتي
علي:ليش سكتي هيج تردين تخلصين مني
تركتها
امل:يعني تريدني الزك بيك وانت تبعد بيه بكل تصرفاتك شنو مأعندي كرامة
علي:روحي لمي ملابسج
خل اوديج لاهلج ....نشوف شلون يرحبون بيج
امل:ذل اهلي ولا ذلكم
رحت لميت غراضي وابجي ماأريد ارد لبيت اهلي اريد ابقى يم علي اعرفه يحبني بس الظروف متسمح لهذا الحب يستمر  المهم لميت ملابسي واخذني علي لبيت اهلي

لمى:منو
امل:اني امل

😊تابعوني حتى كل بارت جديد انزله يوصلكم 😻