مملكة تعيش على أمل (مكتمله)

البارت الرابع عشر والاخير

ام علي:يمه انته عريس
علي:اهووو ....بدينه..الله وياج
ام علي:علي ...لك تعال وين رايح
علي:طلعت برة البيت احس البيت صار يخنكني من جهة امل الي كول ماأشوفها استحي من روحي ومن جهة منى الي مأريد اباوع بوجهه
امل:ضليت بالغرفة قررت مأطلع ...مأريد اشوفها ..واني اعرف كولش زين اذا مو اليوم باجر اشوفها بالتالي احنا بنفس البيت
ام علي:امل...امل
امل:سمعت خالتي صاحتلي فإطريت اطلع وطلعت
امل:هاا خاله
امل:طلعت وشفت منى الي هي مرت رجلي منكوة سيطرت ع دموعي كلبي نقبض وجسمي كوله كام يرجف حيل ختنكت
امل:خير خاله
ام علي:سوي غدة....يلا ع سريع
امل:رحت للمطبخ اتلاطم وابجي ...تريدني اسوي غدة للعرسان ..والله بس هاي الي مسووها ناقص والله ادور يأمل خدمي الهانم مرت رجلج ...
امل:فاطمة ..فاطمة
فاطمة:هاا ..شبيج
امل:راح اسؤلج سؤال بس عليج الاه جاوبي بصراحه
فاطمة :سألي
امل:منو الاحلى ..اني لو منى
فاطمة:يااا...والله العظيم انتي احله منها بمليون مرة
امل:صدك
فاطمة:والله .... شبيج
امل:جاا علي ليش زوجها عليه
علي:لان ميشوف ...واني متأكدة اخوي ميشوف هو لو يشوف جان شاف جمالج
امل:داحضر بالغدة وانقله للصاله ومنى كاعدة يم عمتي وضحكهن واصل الاخر الدنيا ومنى كل ماأدخل الصاله تباوعلي من فوك ليجوة عبالك اني الي ماخذة رجلها مو هي ...ولشويه دخل علي للبيت
علي:امي خابرتي كلتلي اجي اتغدة وي مرتي لحت عليه هواي فرديت للبيت دخلت وشفت امل دتحضر بالغدة سلمت كولها ردت ما عدى امل راحت للمطبخ فرحت وراها
علي:امل..
امل:هاا
علي :وجعا ..ليش تنترين ..تعالي اخذيلج راجدي بعد
امل:هه....صدك والله شبيه ؟؟قابل رجلي مزوج عليه لو اني حاليا داسوي غدة للعرسان الي هم زوجي ومرته الجديد ....
علي:امل..حيل متغيرة..منشوكت وانتي هيج
امل:بالوكت الي اتوسلت بيك لتتزوج ودرت وجهك وطلعت ...تدري علي حتى بعد معليه بيك تتزوج طلك شسوي معليه بيك استسلمت خليك الهن
علي:امل .... لتخسريني
امل:تعبانه يا علي والاه تعبانه ..مابيه حيل اقاتل ع مودك ...لان متأكدة اني الي حخسر ... ولو عندي مكان اروح عليه جان طلعت من حياتك بهدوء وريحتك مني
علي:الحمدلله ...ما عندج مكان غيري
امل:هو كال هيج واني ضليت ساكته معرفت شنو حجاوبه ...اخذت المواعين ورحت ع الصاله
مرت الايام والاشهر ومنى وخالتي كل يوم مسوياتلهن سالفة عليه كلبي شيب من خالتي ومنى وعلي ..كل مرة يحاول يذكرني انو يحبني ....مرت الايام وحبلت وراي بشهرين حبلت منى ..واني طلع بيه بت ومنى طلع بيها ولد ....وهاي السالفة بعد زادت من تفرقة وظلم خالتي الي ...بس علي جان حيل فرحان بيه دائما يسأل عليه ويفكر باسمها ودللني حيل بذيج الفترة ..ومنى جانت دلوعة خالتي..بعد هي ام الولد بين قوسين ولي العهد"مرت الايام وجبت بت مثل القمر جماله مينوصف ماخذة مني ومن ابوها واني الي سميتها ""مملكة""
وبيوم من الايام منى دتغسل الطارمة وتكهربت بالماطور وللاسف ماتت وبصعوبه كدروا ينقذون الطفل الي بطنها على الرغم من كل المشاكل الي حطتني بيها الى اني حيل نقهرت عليها وعلى ابنها الي نولد ع دنيا من غير ميشوف امه مرت تلث تيام العزة هوسة وبجي وعلي جان بين العزة وبين ابنه الي بالمستشفى بس اني جنت اروح للمستشفى اعتني بابنه واعوف مملكة يم فاطمة ومرات اخذها وياي واصير اعتني بيهم ثنينهم ....المهم ورة لتلث ايام اجت ام منى
ام منى :ام علي..عندي موضوع واريد احجي بوجود امل وعلي
ام علي:خير ان شاء الله
ان منى :ان شالله خير لتخافين
ام علي:خالتي نادتني ونادت ع علي ورحنى للاستقبال
ام منى:اني اجيت واريد اكللكم وصيت المرحومه يا يمه امل ....منى قبل لتموت كلتلي انو محد غيرها يربي ابنها
امل:اني بهلحظة نسطرت ...حيل جنت مصدومه ..باوعت ع علي هو هم باوعلي وهز براسه يعني اقبل اعتني بي واني وافقت اكون اله ام واقسمت كدام الكل اني اعتني بي واحبا مثل ماأعتني واحب بتي ....خالتي حضنتني وكام تبجي
ام علي:سامحيني يمه ...امل
امل:مسحت ت راسها...مسموحه عمه ...
امل:ومن ذاك اليوم وحياتي تغيرت خالتي وخالي صاروا يحبوني حيل وفطومه ونست البيت ....اما علي...هه فصار الي وبس زوجي وحبيبي وابو بنتي
...واحله اضافة صارت بحياتي هم "مملكة وابني الي سميته شمس "وصاروا هل ثنين مملكة وشمس امل
صرت اداوم بالكلية وعلاقتي باهلي اكثر من جيدة صرنا نجمع اني وخواتي بيت اهلي فرحتي متنوصف الحمدلله ع هاي العائلة الي الله ختارها الي الحمدلله من زهرة طلعت للشخص الي خطبني واني طلعت للشخص الي خطبها وهو علي الحمدلله لان تمسكت بزوجي وبيتي وعائلتي لهاي اللحظة ..الحمدلله ع كولشي
علي:امل...امل حبيبتي
امل:😊ها حبيبي
علي:امل...تردين ندور ع اهلج ؟؟
امل :شنو؟؟
علي :اي امل .
امل:علي....لسا يهمك هذا الموضوع
علي:لتحجين هيج ...انتي مرتي وام بتي وميهمني اي شي ثاني
امل:دام ميهمك فاني مأريد اعرف شي "اكو اشياء من الافضل منعرفها"
علي:حبيبتي

.....امنوا بهذا المقولة "اذ لم يظهر الحق فأن النهاية لم تأتي بعد "النهايات السعيدة ليست في القصص فقط ...لا..بل هي موجودة حتى بالواقع ولكن تحتاج هذه النهايات المثالية الصبر ثم الصبر ثم الصبر ...كما في القصص حين يتألم الابطال ويصبر حتى يظهر الحق ..... فإصبر حتى يعلم الصبر انك صبرت على شي اعظم منه ....

التفاعل ضعيف حيل ....شجعوني حتى انشر قصص اخرى