مملكة تعيش على أمل (مكتمله)

البارت العاشر

زهرة :معرفت شرد ع امل كلامها هز كياني نقهرت حسيت الله ديعاقبني بالوقت الي اجت لامل فرصة تعيش بسعادة اني سرقت منها هل فرصة وبسرعة امل عقدت وكطعت مهر وتزوجت وعرسها جان حيل بسيط يعني بيناتنا مو هوسة وبدلتها وصالونها مو غاليات يعني ع كد الي نطوهيا بس طلعت حيل حلوة حاولت اني وخواتي نفرحها ونركص بعرسها ونعتني بيها حتى تحس انو هي عروس

امل :واجه اليوم الي رحت بي لبيت زوجي فرحت كلت راح انسى كل الي صار ويايا بهذا البيت وراح ابدي حيات جديدة مثل كول بت تتزوج بيت عيالي الي هو بيت خالي حيل بسيط واثاثه بسيط حتى غرفتي بسيطه بس الحمدلله ع كولشي هو هاذا قدري وبديت حياتي الجديدة مرت الايام وخالي وحالتي مو كادرين ينسون اصلي وكل شويه يعيروني وينغزوني بكلامهم جنت اسكت ماردت انزل نفسي لمستوة النسوان الي تشكي لزوجها من اهله وامه جنت اسكت واتحمل اكول اكيد راح تمضي كول هاي الايام اما علي فما جنت اشوفه اله بنهايه النهار جان يشتغل هوااي عبن هوة المسؤول عن البيت ويرجع للبيت تعبان وبسرعة ينام
أمل :دأغسل بالمواعين وجان يطيح ماعون وينكسر اخت خالتي تركض ع الصوت وبدت تسمعني كلام ولا يم الموضوع
ام علي:"بصوت "انتي ثوله وين عقلج
امل:والله خاله مو قصدي هو طاح من ايدي
ام علي:وخلخالة تهد حيلج وتخلصني منج ...كولي آمين
امل:خالة كول ماعون والله ميسوه
ام علي:والله الشي الوحيد الي ميسوة هو انتي بسلى نسيتي وين لكوج
أمل:بصوت"واني اناشغ بصوتي ...لاء منسيت والله منسين حتلو افكر انسى لحظة تذكروني
رحت اركض ع غرفتي لكيت علي ع الجربايه ويتصفح بالموبايل
علي :شبيج صاير؟؟
امل:والله مليت يا علي اكول خل اسكت لخاطرك لخاطر ماأشغلك وياي بس والله بعد ماأتحمل امك تكومني برزاله وتكعدني برزاله احس نفسي مذلوله بهذا البيت وكل شويه وكلتلي نسيتي وين لكوج بعد ما أكدر اتحمل عتقوني دخيلكم
علي:جرتها لحضني "كافي لتبجين روحي غسلي وجهج مو تكولين اتحمل لخاطرك تحملي شويه بعد لخاطري
أمل:اول مرة بحياتي التجألك حتى تنصفني وانت تكولي هيج
علي:وشتردين اسوي مثلا اروح اضرب امي حتى ارضيج
امل:بصوت"لاء لتضربها بس كولها مرتي خطية كلها كافي خليني احس بأمان بس اني اعرف كولشي اعرف انت تدري امك شدسوي بيه بس انت ساكت ومتحجي تشوف بعينك وتسكت لانك بلا شخصيه
اني كلت هيج واهيس اصابع علي طبعا ع خدي ومن قوة الراجدي طحت بالارض وضل يضربني بكولشي يجي بايدة والوجعني اكثر جان يكول امي ممتبليه عليج ولا مجذبه هاي حقيقتج لازم تتقبلينها لحد مأغمة علية وره شويه سمعت صوت حماتي الصغير تصيح باسمي وتذب ع وجهي مي وعيت ع نفسي واهيس جسمي متكسر والدم مالي وجهي ساعدتي حماتي بدلت وسبحت ونمت كعدت الصبح وما بودي اكوم واشوف واحد منهم
علي :كاعد ع الجربايه ودخلت امل تبجي سألتها شصاير ؟ بدت تبجي وتشكيلي من امي وضلت تحجي كلام اكبر منها مسيطرت ع روحي ضربتها وصرت احجي كلام حتى استفزها واحرك كلبها نثل محركت كلبي ضربتها لحد مأغمي عليها بس شفت وضعها صحت لفاطمة حتى تساعدها ...آه يا أمل لو تعرفين شكد احبج لو تعرفين شكد خايف عليج من كل الي حولج حتى كمت اخاف عليج من روحي صرت اني من الناس الي يكسرون كلبج ويأذونج ....سامحيني
امل :كعدت الصبح بدلت وغسلت وطلعت
امل:صباح الخير
ام علي:صباح النور حبيبتي ....هه...اشوف وجهج الحلو مشوه.
امل:اكيد بفضل جهودج وجهود ابنج
ام علي:صدك طالعلج اللسان شسوية ربايه ام احمد
....لا عبالج انسالج السالفة الي سويتيها امس تروحين تشكين لابني عليه
امل:جريت نفس ...اني مشكيت لاحد واصلا ما عندي واحد اشكيلة 😑