مملكة تعيش على أمل (مكتمله)

البارت الثاني

ام احمد :لتكمل ابو احمد لتكمل اني لتلث بنات ولد الي عندي كافي عليه وزيادة وهستوني ارتاحيت من عذاب التربية وانت تريدني اربي بعد ...لا والاه عيني اعذرني ما أكدر
ابو احمد :كرمينه بسكوتج والي اشوفه مناسب اسوي .
ابو احمد :خليت رأسي ع المخدة ومأدري شوكت نمت واني افكر بالملاك الي عدنا

ام احمد :ابو احمد .....ابو احمد
ابو احمد :خير شبيج .....تكهربتي ..لحتركتي ؟؟؟!
جر نفس استغفر الله
ام احمد : شبيك عيني غير سويت ريوك وكعدتك تتريك وياي
ابو احمد : روحي شوية واجي وراج
ام احمد :خوش لتتأخر
ابو احمد :طلعت من الغرفة رحت للصالة وجااان طيح عيني ع الطفلة محللة وتناغي وتلعب بايديها
رحت كعدت يمها واكول بكلبي يا بلا كلب الي تركج  بهل طريقة ومرة ثانية استغفر الله واكول يمكن الظروف جبرتهم يسون هيج بس شنو هل الظروف الي تخلي الواحد يستغني عن ضنا ويتركا وهو ميعرف شنو حيكون مستقبلة
ام احمد :جبت الريوك ولكيت ابو احمد يحجي وي الطفلة كعدت من وكت فرضعتها وغيرتلها ملابسها وخليتها بالصاله
ام احمد :خير ابو احمد شبيك ؟؟اشوفك تحجي وي الطفلة
ابو احمد : شال راسى وابتسم ام احمد قررت احنه نعتني بالطفلة ونتحمل مسؤوليتها
ام احمد :لا انت اكيد تخبلت لو صار لعقلك شي شلون تريد نربي وحدة جبتها من الشارع وما نعرف حتى اصلها هاا؟
ابو احمد :ابو احمد اني كلت كلمتي وما اغيرها لو طكين راسج بالحايط سامعه .الطفلة تربا ويانا واسجلها باسمي وحالعا من حال خواتها واخوها
ام احمد : بصوت "الله...الله .البنات خواتها خوش بس احمد شلون اخوها شلون تقبل بت غريبا تربا وي ابنك هاا؟؟!لو انت تحجي بلا متفكر
ابو احمد :بصوت"يا تضلين بالبيت وتعاملين هاي الطفلة مثل خوانها لو طلعين دورين لروحج غير هذا البيت والقرار قرارج
وخل يكون بعلمج اكو عشرة غيرج يساعدوني بتربيتها ...
ام احمد : وهيج بعتني بسهولة ؟
ابو احمد : مو هذا القصد انتي مرتي وام جهالي شلون افرط بيج بس الله اختارنا من بين كل هاي الناس وهو ديختبرنا فحنا شلون من اول خطوة نستغني عنها هذا قدرنا واحنا قدر هذي الطفلة لازم نتقبل هاا؟
يلا تعالي نتريك
ام احمد :ماأريد اشبعت رزايل
ابو احمد: ههه.تعالي تعالي