مملكة تعيش على أمل (مكتمله)

البارت الثالث عشر

وصلنا للبيت دخلنا لكيناهم نايمين دخلت للغرفة خليت اغراضي بالجنطة تعاجزت ارتبهن
أمل:علي
علي:هاا
امل:راح تتزوج عليه مو؟؟
علي:هواي لحيتي بالموضوع ....كافي
امل:بس جاوبني ...والله بعد مأسألك
علي:أمل...مأريد اسمع صوتج بعد طفي الضوة وأنطمري
أمل:كلما اسؤلك تغير الموضوع
طفيت الضوة ونمت وكعدت ع صوت خرخشة درت وجهي جاان اشوف علي كاشخ ومبدل ويريد يطلع كمت وسألته
امل:صباح الخير
علي :صباح النور
أمل:علي وين رايح؟؟
علي:ها...لا ماكو شي طالع عندي شغله
امل:شنو هاي الشغلة
علي:درت وجهي عليها وكتلها "صايرة تسألين هواي مو ؟؟
أمل:علي....
علي :استغفر الله ...
امل:والله كلبي ممرتاح
علي:شلون شغله هااي طلعي سولي ريوك ....بسرعة
امل:اهمس:والله لو اكو سم جان انطيتك ايا وخلصت
علي:شتميني بكلبج مو؟؟
امل:باوعتله وطلعت ع المطبخ حتى احضر ريوك جان تشوف خالتي وخالي كاشخين وكفتني خالتي وكلتلي احنا رايحين للمحكمه خلي بالج من فطومة
أمل:ان شاء الله خاله...بس خير شسون بالمحكمه
ام علي:هههه.....كول الخير ان شاء الله
علي:يمه ..كافي
امل:باوعت لعلي ولخالتي نغزني كلبي فهمت الموضوع
أمل:ابجي واناشغ بصوتي:والله حرام عليكم...ليش هاا؟يعني اني مو مرة...ليش تردين تزوجي ليش
ام علي:حرمت عليج عيشتج ...خربتي عليه فرحتي
علي :يمه كافي..جريت امل ودخلتها للغرفة
علي:امل انتي تدرين بالسالفة ماكو داعي لهذا الحجي ...وانتي رديتي وياي
امل:لاء...لاء مرديت وياك لو عندي بيت يضفني مجان رديت وياك جان مزوجتك من الاساس ...واحد استغلالي بلا رحمه ويعني اذا دريت بالسالفة هاا؟حرام ابجي ع الاقل ارتاح شويه لو حرام الراحه تتقرب لامل؟شوف انت شلون كاعد من الصبح تعدل بنفسك وامك وابوك شلون فرحانين ....بس اريد اسؤلك سؤال واحد علي ..لمن تزوجتني هم سويتوا هيج لو لاء ؟؟
علي:كاافي امل....لخاطر الله كافي.....متدرين كلامج شديسوي بيه
امل:حطيت راسي ع صدر علي وكتله ...لتتزوج علي لخاطري لتتزوج والله اسوي الي تردونه بس للتتزوج ..
علي:بست امل من راسها وكلتلها...آسف امل أتاخر الوقت عفتها وطلعت وكلبي وروحي يمها طلعت وهيا تبجي ورايه ....آه يا امل لو تدرين شكد احبج
علي:طلعنا من البيت ومرينا بالسيارة ع منى الي هي حتصير مرتي واخذناها ويانه للمحكمة أمها  وياها البت تضحك هواي وصوتها عالي اصلا طول مرحنا وردينا واني افكر بامل المهم عقدنا واخذناها ويانا ع البيت بلا عرس رجعنا نزلنا امها بيتهم وكملنا وطبعا امي كعدتها بالكدام يمي وكعدت هي وابوي بالورة
وضلت طول الطريق تهلهل وتكفل لحد موصلنا للبيت
امل:فطومة وين يودون العروس
فاطمة:يا عروس
امل:شنو يا عروس
فاطمة:قصدج مرت ع...
امل:جريت نفس.....اي كملي
فاطمة :يعني وين يودوها طلعوني بالصاله واخذوا غرفتي
امل:شنو؟؟
فاطمة :اي والله
امل...اتمنى لو بيدي اسويلج شي والله انتي حبابة ومتستاهلين
امل:الحمدلله ع كولشي ع الاقل اكو واحد بالدنا هاي يحبني
...وبلنسبا لغرفتج يلا ع السريع خل ننقل اغراضج لغرفتي ومن يوم ورايح نتشارك الغرفة اني وياج
فاطمة:لا امولة شلون
امل:معليج بس ساعديني حتى ننقل غراضج ومنها نحرك كلب علي
فاطمة :اذا هيج يلا
أمل:نقلنا الغراض ع غرفتي وبدينا نرتب بيها اني وفاطمة ورة شويه سمعنا ضحك وهلاهل عرفت هم وصلوا كلبي بذيج اللحظة حسيتا وكف وجسمي كام يرجف كوة كمشت دموعي لان مت ابين ضعيفة وخاصة بعد مترجيت علي الصبح ميتزوج وطلع وعافني وحتى مدار وجها
علي:دخلنا للبيت اني وامي وابوي ومنى بدت امي تعرف منى ع البيت ومنى تباوع عليه ابد مشالت عينها عبالك هي العريس مو اني واني ضليت اتلفت منى ومنى عيوني ادور ع أمل عرفتها بالغرفة فغافلتهم ورحت
علي :امل
امل:امسح بدموعي واحجي:والله الف مبروك ...اشوفك عايف العروس ...دطلع لتجي امك تهد علينا
علي:كافي...شنو هاذي الغراض
امل:ذني غراض فاطمة
علي:وشيسون هنا؟؟
امل:مو فرغتوا غرفتها ع مود الهانم الجديدة. ومحد فكر بيها منيميها بالصاله متكولون تخاف وبعدها صغيرة ...من يوم ورايح تنام يمي وبس تنقل ملابسك لغرفتك الجديدة ملابسها احطهن بكنتورها
علي:فاطمة ..طلعي
فاطمة:مأطلع ...حتى تضربها
علي:...تخافين عليها منى
فاطمة:اي
علي :طلعي لا اجي اكسر راسج
كلام فاطمة حيل جرحني طلعت سحلت امل من ايدها ....دتحركين كلبي مو؟؟تردين تنتقمين مني
امل:ولا شي من الحركه الي بكلبي ...واذا ع الانتقام فالله هو الي حينتقم منكم
علي:ملابسي يظلن هنا وشوكت ميعجبني طلعين انتي وفاطمة وانام بيها
امل:ان شاء الله ...عود اذا عجبك ...
علي:طالع امل ...طالع .مأريد ازعجج ..متحملت استفزاز املالي فطلعت وجان الكه امي ومنى خازراتني ومنى تباوع صفح مبين عليها قويه خفت ع امل منها حيل
ام علي:يمه وين رايح
علي:لجهنم الحمرة ...تجين وياي