تزوجت زير نساء (قصة بالدارجة كاملة لاصحاب الدوق الراقي )

الاجزاء الاولى

🌙رمضان كريم 🌙
🎩تزوجت زير نساء 🎩
🕴oumaima mega🕴
❄1❄
في العصور الوسطى ...في هوامش روما العظيمة بلاد الارستقراطية و الالقاب النبيلة ...في أحد المناطق الراقية الفخمة لي كتواجد بلقرب من السكة الحديدية لي كيتمشاو فيها القطارات الفحمية ....كان تما منزل فخم عملاق من اضخم منازل المنطقة  لي منتاشرين فيها الخدم كيخدمو نظامو بشكل منضم كلهم على اللباس الموحد النساء كيرتاديو فساتين سوداء طويلة فوق منها الطابليات البيضاء و الخدم الرجال كيرتديو بدلات سوداء أنيقة و كيتمشاو في حدائق  هاد المنزل الكبير لي بنيانو من العود الثقيل لي كيرجع الاصل ديالها للدوق زارال المعروف بتجارة الملاحة بروما العضيمة ... وسط هاد الجو المتعم و البارد وقفت قدام الباب الضخم ديال هاد المنزل عربة بمثابة غرفة خمس نجوم كيسوقها سائق بأربع خيول من الطراز الرفيع ...توجه بسرعة خادم المنزل و هو كيتمشى بانتظام و انظباط طلع يدو للباب ديال العربة و فتحو و نزل راسو بكل احترام ...تحطت قدم أنثى لابسة بوت بكعب عالي فوق الدرج و خرجت منو جسدها كتعرف على نفسها جاكيلين ابنة الدوق الصغرى الجميلة وقفت كتمشى بفستانها الانيق كلاسيكي و المعطف ديالها مزير على خسرها النحيف ...قفزات اليد ديالها و قبعة انيقة فوق راسها ...و ملامح ديالها مرسومة بضبط تام سبحان البديع لي خلقها و ابدع فيها بدات كتمشى بشوية حتى نزلات الارض بهدوء و دخلات كتخطي خطوات انثوية رقيقة و الخدم كيوسعو ليها طريق الممر و خادمة جات من موراها ضامة يديها و منزلة راسها كتمشى معاها هي خادمتها الشخصية
جاكلين بصوت عدب كينافس العندليب : ليلي ؟ واش رجع بابا من السفر ديالو ؟
ليلي (الخادمة ) : لا أسنيورا (سنيورا = انسة )
جاكلين هزات حجبانها كدور راسها و كترمق كلشي بتواضع لمحت عينيها الصحيفة في المكان ديالها و وقفت و شيرت بصبعها ليها و كلامها متازن فحال المكانة ديالها : جيبي ليا الصحيفة من فضلك
ليلي : حاضر سنيورا ....دارت جاكلين كتكمل المشي ديالها و تبتاسم للخدم لي كيرحبو بوجودها و يحنيو ليها الراس ديالهم ...انسانة انيقة و بابهى الرقي و كتزين راسها بحلة التواضع
ليلي هزات الصحيفة و كتمشى للعندها بخطوات سريعة حتى وقفت عليها عطاتها الصحيفة ....شداتها جاكلين من عندها باش تشوف اهم العناوين ديالها و كتمشى للداخل ...شنو كتقرى عينيها كترفع احد الحاجب ديالها و كل نظراتها شمأزاز و هي كتقرا علاقات غرامية مابين كونتيس كاسبر لي كيتسمى برسام روما المرموق و سينيورا جويليا من اجمل عارضات الموضى متصدرة العناوين الرئيسية شنو هاد القرف لي كيكتبوه هاد الجرائد لهاد الدرجة انقطعت اخبار الدنيا حتى يكتبو على هاد الاشياء التافهة طلعت في الدرج كتسمع الخطوات ديالها و هي كتقلب في الصحيفة و الخادم فتح ليها الباب ...في الصفحة الثانية كتقرا على خيانة الدوق برادلي و ارملة البارون سيلفيا ....كتقلب الاوراق بسرعة كتقلب على ملاذ لثقافة النقية او شيء من هاد القبيل كتلقا على وجهها غير فساد نبلاء المجتمع و هي تسد الصحيفة و رفعت راسها و تعابيرها مشمأزمة من هاد الامر و بعدت الصحيفة منها شداتها الخادمة ديالها ...جات أخرى من الخادمات بسرعة باش تحيد المعطف من كتافها ديالها ...و كاترين كتحيدو معاها بطريقة انيقة  ...و بدات كتمشى بهدوء و هي كتحيد في القفزات ديالها الانثوية