الفصل الحادي عشر..
روايه/القبطان
بقلم/أسما السيد..
ـــــــــــــــــــــــــــــــــــ
يالارا بطلي جنان قولتلك لا..
لارا بغنج.. عشان خاطري ياسوفا والنبي..
أخر مره احنا خلاص راجعين بكره...
يوسف.. وقد بدا غنجها يؤثر عليه.. لا ياقلب سوفا..
انا قولت لا.. يعني لا..
لارا بعدما جلست علي قدميه وأحاطت رقبتها بذراعيه..
وطب لو قولتلك نزلني المايه عشان خاطر لولا حبيبتك وغمرت وجهها برقبته.. تقبله قبلات كالفراشه..
يوسف بهمس لها..لارا..انتي مبتلعبيش بعدل كدا..
لارا..بتوهان من قربه المهلك..
وعطره الرجولي التي تعشقه...ولا انت ياقلب لارا..
يوسف باستنكار من أفعالها... واتهامها..
.... أنا.....
هزت رأسها ببطء..وقالت..ايوا انت..
يوسف بتنهيده من قربها ولعبها علي مشاعره..
لقد باتت تمارس سيطرتها عليه وبقوه...
باتت تفهمه من نظره عينيه
هو وقع صريعا لهواها وانتهي الامر...
ولكن هناك شيئا بداخل قلبه
يخشي من تلك السعاده الكبيره والجديده عليه...
هو تربي وحيدا..
مثلها بالرغم من وجود والدته وجده...
الا ان وجودهم كان كعدمه...
.اتحسب انها وحدها من مرت بطفوله صعبه..
لو أخبرها بما عاناه لحمدت الله...علي ماعاشته لذا بات يخشي ان يفقدها هي...
هي كل عالمه....
لذا سيعمل علي ان تكون له وكفي وهذا كافيا ليفعل ما يفكر به..
انتبه عليها تتحدث بغضب...
يوسف انت مش مركز ليه..
قولتلك عاوزه انزل المايه...اوف بقي..
ضحك قائلا...انا عارف اني مش هخلص من زنك..
يالا ياستي..
قفزت واقفه بمرح..صارخه..ايوا بقي..
وهمت بخلع قميصه التي ترتديه علي ثيابها الداخليه..
صرخ بها قائلا..انتي يامجنونه هتعملي ايه..
لارا ببراءه..وبرفعه حاجب هقلع..هعمل ايه..سلامه عقلك ياسوفا..
يوسف بحده..علي اساس انك مش شايفه المراكب واللانشات اللي حوالينا..
لارا وهي تنظر يمينا ويسارا..
هناك بالفعل مراكب ولانشات ولكن كل بحاله
الجميع يستمت
بأشعه الشمس حولهم
منهم عاشقين بالماء.. يلهون..
ومنهم من يصطاد وبالاخيركل بحاله..
لا أحد لديه وقت لينظر لاحد..
هزت رأسها باستنكار قائله...
اومال هنزل ازاي انا..
نزل للاسفل وصعد حاملا بدل للغطس وحامل اكسجين
وضعهم امامها..قائلا..
اي خدمه ياستي..
لارا وقد فهمت عليه..
فصاحت قائله..بجد هنغطس..
يوسف بحب..وانا من امتا كدبت عليكي..
يالا تعالي بقي اما اساعدك تلبسيه...
قفزت عليه مسرعه تحتضنه بحب قائله..
انا بحبك اوي ياسوفا..
تسمر مكانه...وأنزلها ببطء..
انتي قولتي ايه
يالارا..
لارا بخجل..فقد وقعت بلسانها..
عضت لسانها بخجل قائله..أوبس..
يوسف..بهمس..لارا..
اقتربت هي منه بجرأه..وحاوطت رقبته
بذراعيها..
عيون لارا..
نظر لها ببلاهه..فأكملت..بما جعله يفقد عقله..
بحبك ياسوفا..
وضع يده علي قلبه في محاوله منه لتهدءه دقاته..
ضحكت..فقال..اوعي تكوني بتجربي مشهد من رواياتك عليا يالولا..
لارا باستنكار...ايه دا..انت هتزلني..دا مكنشي مشهد دا..
اوف منك..فصلتني..
وتركته وذهبت حامله عده الغطس لكي ترتديها..
اما هو ينظر في أثرها بصدمه..اه يابت المجانين..
انا اللي فصلتك..ولا انتي اللي
حارقه للحظات الرومانسيه...
وصرخ بها قائلا..ماشي يابتاعه الروايات..
يابتاع قاصي وتيماء..ماشي..
لارا وهي ترد عليه من الاسفل..
اش فهمك انت بالرومانسيه..
ياريتني اتجوزت..
واد حليوه وشخصيه كدا زي قاصي..
يوسف بغيظ..قاصي ياسفله..انتي هتلاقي فين في حلاوتي ولا جمالي.. ولا شخصيتي..
اصبري عليا..
لارا بضحك عليه...مغرور وواخد مقلب..
انا عاوزه واحد زي قاصي كدا..
يقولي يامهلكه..
يوسف بحده وصراخ وهو يهبط..
لها.....لارا...هوريكي..ياسفله اصبري..
لارا..عاااا.ياماما..
اهدي ياابو سريع..
ــــــــــــــــــــــــــ
بعد ساعه....
يوسف بشماته...ايه يا مهلكه لسانك راح فين..
لارا بخجل..انت قليل الادب..اوعي كدا..الليل ليل خلاص..
ضيعت علينا الغطس..وضربته بالوساده..
يوسف بضحكه رجوليه تذوب بها...
الله مش كنت بثبتلك اني أجدع من سي قاصي بتاعك..
ولا أسيبك يعني تسوءي سمعتي..وغمز لها..
لارا...وهي تضع يدها علي وجهها بخجل..
عااا..اسكت بقي انا حرمت مش هقرأ روايات تاني..
يوسف بضحك..
عليها..
.قولتي كدا من يومين..
دا مرض ياقلب يوسف..
بس ولا يهمك..بصي انتي تقري نظري وانا عليا العملي..
ضربته بالوساده..فاختطفها بين ذراعيه..محتجزا اياها.. بشده..
قائلا..مش هسيبك الا لما تقولي..
انا ولا سي قاصي بتاعك..
لارا من بين ضحكاتها التي تتردد خلفها..
انت والله انت..أحلي سوفا بالدنيا..
يوسف بانتصار..
أيوا كدا..هو دا.
تعالي بقي اما أكافأك...
لارا.. يوسف..
يوسف بهمس.. جننتي يوسف ياقلب يوسف..
ــــــــــــــــــــــــــــــــــــ
أليس...
رفعت نظرها من علي بعض الاوراق أمامها...
ونظرت بأتجاه الصوت...
صوتا تعرفه عن ظهر قلب... وهل نسته يوما...
أليس برزانه وجديه.... اتفضل يابشمهندس..
أقدر أخدمك بحاجه..
فارس بذهول من ردها...وهيئتها الجديده...
أليس انا...وبتوتر أكمل...
انا دورت عليكي كتير جدا...كنتي فين..قلقت عليكي..
أليس وهي تخفض نظرها مره اخري لما بين يديها...
أقدر أخدمك بحاجه يابشمهندس...
عندي شغل... دا مكان شغل مش للمناقشه العائليه والمشاكل الشخصيه..
انا باخد مرتب علي الكشف علي المرضي..
مش علي الحالات الاجتماعيه..
فارس بحده...أليس انعدلي معايا..
للحظه كانت ستنهزم
وتسقط قوتها وهيبتها التي اعدت لها ليالي وليالي..
ولكن لاحت امام
عينيها ذكري مشابهه وهو يعنفها..
فتنهدت وخلعت نظارتها الطبيه
فظهرت عينيها الكحيله التي يعشقها...
اليس..يابشمهندس..لو حضرت جاي تكلمني في حاجه تخص الطب والدكاتره فأهلا بيك..
غير كدا..مفيش بيني وبينك
حاجه ممكن تجمعنا...
وياريت تحافظ علي المسافه اللي بينا..
وبحده اكتر...احنا مش زمايل في الفصل عشان تكلمني كدا..
ودلوقت لوسمحت تتفضل عندي شغل..
فارس بصدمه..تلك ليست هي..
من كانت تذوب به من نظره عينيه فقط..
ليست اليس جميلته وحبيبته..التي عشقها..
يعلم ان لها حق برده فعلها انه هو من اهانها وجرحها..
ولكنه نادم وبشده...
لقد تأكد اليوم ان الطريق أمامه ملئ بالصعاب
ربما يصل لها وربما سيغلق للابد..
ولكنه قرر وانتهي ان لم تكن له لن تكون لغيره سيعمل علي ان تعيش وحيده مثله والا الابد..
ان لم يكونا معا..لن يكونوا مع أخرين..
هو اناني بحبها ومتملك..متملك جدا..ولن يتركها لغيره أبدا اذا كانت تريدها حربا فأهلا لها..
لنري من يفوز..
نظرت لتعبيرات وجهه التي توحي بتفكيره بشئ ما..
وخافت من نظرات المكر التي يرمقها بها
ولكنها أفاقت عليه يقول..
تمام...
ياأليس...
بس خليكي حاطه في دماغك دا..
انك بتاعت فارس السالمي..
ومش لاي حد تاني..وهنشوف..
وتركها ورحل فنظرت بأثره بصدمه..قائله..
مجنون دا ولا ايه..ماتنا كنت جمبه وكان سايق فيها..
دلوقت بقي مهتم..ماشي يافارس هنشوف..
يانا يانت يابن السالمي..
ــــــــــــــــــــــــــــــــــــــــ
كان يقف مستندا علي سيارته منتظرا اياها خارج السنتر التي تتلقي دروسا به..
ماجد..بتنهيده..كل دا..درس..
فجأه لمحها أتيه وحولها مجموعه من الشباب والبنات يضحكون بمرح..
غير واعيه له..
جز علي أسنانه بغيظ من اختلاطها مع الشباب بهذا الشكل هو من الاساس
يتوعدها منذ البارحه
لقد بعث لها طلبا للصداقه علي الفيس بوك
.وأضافته وفوجئ بكم هائل من الشباب علي صفحتها
كميه أصدقائها تفوق أصدقاءه بمراحل..
وبل وتعليقاتهم الصادمه
كانت كفيله باخراج شيطانه الخامد..
لمحهم يتبادلون صور السلفي بينهم..
الي هنا ولم يتحمل نزل مسرعا..
واختطفها من يدها..
كانت تقف مع زملائها
يتبادلون صور السيلفي فيما بينهم كل بهاتفه.
.الا ان لمحت يدا تسحبها بحده..
جاءت لتتحدث..
فباغتها قائلا..اخرسي وامشي ساكته حسابنا في البيت ياعروسه..
سالي بغيظ..تك عرسه..
ماجد من بين أسنانه..
ماشي يامؤدبه اثبتي علي كدا..
وبثواني كان دفعها للداخل ودخل ورائها..
ماجد..بحده..بعدما صار قليلا بالسياره..
تسمحي تقوليلي ايه المسخره دي..
نظرت باستنكار له ورفعت حاجبها وأشارت
بأصبعها علي نفسها..
قائله..
بتكلمني انا ياكابتن..
ماجد بغيظ وصدمه من برودها وردها...
وفي نفسه..اهدي ياماجد اهدي..
واستدار يحدثها..اه اومال بكلم امي هوفي حد غيرك هنا..
اشتدت المشاجره بينهم..الا ان اتي بمنطقه يخلو بها الماره..
فخطف هاتفها التي بيدها بحده
سالي بصراخ..انت اتجننت ياماجد..هات موبايلي..عاا..
ماجد بصراخ..اخرسي ياسالي..قولي الرقم السري..
هزت رأسها بالرفض..فصرخ بها قائلا..
اخلصي والا أقسم بالله ارزعه في الارض..
اخليه ميت حته..
سالي بصرااخ..لا لا..خلاص..
كله الا موبايلي..عااااا.
منك لله يامفتري..
ماجد..اخلصي..
أنت تقرأ
القبطان.. الجزء الثالث...(سلسله نساء مقهورات)
Romanceنشأت بحي شعبي تعشق البساطه والضحك.. ورغم أصولها الثريه الا انها لا تهتم... جنونها وعفويتها قتلوا هيبته وهو من عاش عمره بين الموانئ والسفن... قبطانا... فأتت هي وحطمت هيبته وأوقعته... القبطان.....
