إلى متى

إلى متى 1

#إلى_متى_1
{صح هادي الدنيا كل واحد عنده تجربة قاسيه في هادي الحياة كل وحد فينا عنده ذكرة مستحيل ينساها في اللي عنده فرح حزن رعب شوق وفقدان في اللي بنات يقدرو يستغنو على نفسهم وعلى مستقبلهم على خاطر يرضو الناس ويرضو عائلتهم او اللي تتزوج بكري لرضى الناس او مش تقول اني تزوجت بكري تمام اليوم تزوجتي بكري به لكن نحب نقولك في المستقبل صغارك مش حيفتخرو انك تزوجتي بكري الصغار ح يفتخرو بمستقبل امهم ، نايدو الزواج المبكر في حالة لقيتي الراجل الصح اللي يحبك وتحبيه ويدعمك في كل طموح ليك
به ترا تعالي شويه نجي للعائلة اللي ضغطين عليك متسوقيش متلبسيش [ متدرسيش]شبه سجن عايشه فيه البنت مع الاسف هدا كله صاير في مجتمعنا الفترة هادي في ظلم يصير هلبا بدات ان البنت تتخلى على مستقبلها على خاطر اهلها طلبو وهيا عاد تبي ترتاح بس في المستقبل حتندم بس حتندم في يوم لاينفع فيه الندم هادي الحياة قصيرة شبه مسلسل كل مره يطلع حد في حياتك ويجي اللي خير منه ومرات حياتك تكون متوقفه على لغز جرح او ايا شي مرات تضيعي الفرص من حياتك على خاطر شخص  الدنيا كل يوم تعلمنا بس بعمرك ما توقفي مستقبلك زي سارة ولين اللي حيحاربو من اجل نفسهم ومستقبلهم والله اعلم شن حتكون نهايتهم خلي يكون عندك صوت يوصل دافعي على نفسك ومتظلميش نفسك وعالجي نفسك واهم شي ردي بالك تخلي حد يكدب عليك }

[ 2️⃣0️⃣1️⃣7️⃣]
سارة:اني حنفتح الباب وبنطلع لين اختاري الذل او الحرية بالنسبة ليا اني واضح شني
لين:اني معاك للموت سارة
بو لين:لو تطلعي من الحوش انتي لا بنتي لا نعرفك ، لين اليوم فاتحتك متمشيش وراء الحقيرة هادي
تلفتت لين والدمع في عيونها
لين:خليك اب في الاول ، نكرهك معقوله تشك فيا
سارة:هيا لين
وطلعو البنات من الحوش
لين:سارة وين درستي سيارتك
سارة:اهي قريب نوصلو
كان يجرو في الشارع  وكانه الحرية تستنا فيهم
_____
يوسف:هيا ياولد الناس خف روحك
العامل:كملت
واتصل يوسف
يوسف:خلاص تم
سعاد:الحمد لله واخيراً نبي نسمع عياط امها عليها
________
سارة:هي اركبي
لين:هي
وركبو البنات في السيارة
لين:كنت نستنا فيك قداش ليا واني نتعذب
سارة: بس انتي تعرفي اني وين كنت
لين:سارة انتي تحسنتي
سارة: اني حياتي جحيم
لين:ساروزا
سارة:متنسيش ان اني ضحيت بالشخص اللي نحبه
لين:ميستهلكش انسيه واحد حقير
سارة:مستحيل
لين:انتي توا مراة متزوجة وعن قريب ح تبدي ام
سارة:ان شاء الله
لين:شن صار في إلى متى
سارة:اهيا
وهيا لين تقرا فجاة رن تلفون سارة
لين:تلفونك ردي
اصبري نوقف السيارة هادي خيرها متبيش توقف
كانت السرعة تزيد
سارة:رقم غريب صحر
وهيا تحاول توقف السيارة
لين:وووه نقصي سرعتك

خدت سارة التلفون وفتحت المايك
سارة:احمد لاااا ....................
لين:ساااااااااارة ردي بالك
وفجاة صار الحادث الشنيع💔.............
اليكم رواية #إلى_متى