إلى متى

إلى متى 14

#إلى_متى_14
وطلعت سارة من الحمام
سجى:شن درتي الجامعة كلهم يتكلموا عليك
سارة:اي به وخلي يتكلموا
سجى:شكلك هبلتي
سارة:اني غدوا مش جايه وتوا بنصكر تلفوني هي باي
سجى:بايات
______
احمد:اية خيرك تبكي
اية:جتني بنت وقعدت تهدد فيا
احمد:من هيا
اية:شعرها قسطلي
احمد:ساااااارة
اية:قتلي انه حبيبتك
احمد:انتي حبيبتي
اية:اني وانت مفيش شي بينا فهمت
احمد:كيف
اية:احمد احني مجرد اصدقاء
احمد:تي ميه ميه
_______
وطلع احمد وكله غل وحقد على سارة وقعد يدور فيها في الجامعة ملقهاش
انسام:اية انتي كويس
اية:اي
انسام:متعدليش عليها مريضه هاديكا
اية:تخوف كيف خنقتني
انسام:اي نعرفها
_________
وروحت سارة للحوش لقت لين مقعمزة في دارها
سارة:تعرفي كان تشوفي شن درت
لين:شن درتي
وقعمزت سارة تحكي للين
لين:ماشاء الله نخاف عليك من العين عيني ما اضرك
سارة:هههههه
لين:واااك الشر في عيونك
سارة:به به به
لين:بنشمي للكورس
سارة:تبيني نوصلك
لين:الخير ميبيش سؤال
سارة:بتمشي توا قصدك
لين:لالا مزال
سارة:به
وقعمزت لين تهدرز مع عمر
عمر:اميرتي
لين:نعم
عمر:استاحشتك
لين:به
عمر:علاش تتكلمي معاي هكي
لين:والله نتكلم زي مانبي انت مليكش علاقة بيا فهمت
عمر:لهدرجة انتي كارهتيني
لين:علاش بنكرهك انت شن درتلي بس اني هدا اسلوبي عمر افهم
عمر:تمام اسف على الازعاج
لين:عادي ولا يهمك مفبش ازعاج

عمر:نتلاقوا هي باي
___________
عند نجوى
مصطفى:ياعمتي قدام بو سارة مسافر ديريلهاإعادة للتربية
نجوى:كيف
مصطفى:بطليها من قرايتها
نجوى:لا انت رسمي هبلت
مصطفى:مكان البنت الحوش
نجوى: سارة تبيها ادير انقلاب علينا بنتنا ونعرفوها
وناضت نجوى وخلاته
________
عند لين
لين:نوضي الساعه5
سارة:وااااك بنرقد
لين:بتوصليني
سارة:البسي
لين:غير البسي انتي
وناضو البنات لبسوا وطلعوا
ووصلتها للكورس
لين:الساعه 8تكوني عندي
سارة:به
لين:حتى ثانيه متتاخريش
سارة:حاضر
لين:يحضرلك الخير
_______
ونزلت لين للكورس وتلاقت هيا واوس
اوس:عادي بنتكلم معاك شويه
لين:تمام بس بعد الدرس هدا
اوس:تمام
لين:امالا انت برا اكيد درسك بدي
اوس:مزال ساعه ويبدا
لين:امالا بنمشي للقسم متاعي سلام
اوس:سلام
سمر:خيرك عطلتيي
لين:كله من سارة الفارة
سمر:ههههههه
لين:هي هي انتبهي واسكتي
سمر:مصح وجهك وخلاص انتي اللي تهدرزي
________
عند سارة جت للعيادة متاع قيس
سارة:السلام عليكم
السكتريرا:ياابلة صكرنا
سارة:الدكتور قيس موجود
السكرتيرا:موجود بس بيطلع تحبي تاخدي موعد
سارة:لا نبي نخشله
السكرتيرا:ممنوع خلاص كمل الدوام
سارة: انتي قوليله الانسة سارة
السكرتيرا:حاضر
_______
وبعدها بشويه خشت سارة
قيس:كنت نستنا فيك
سارة:كيف
قيس:كنت متاكد انك حتجي
سارة:تعرف اني نخاف منك
قيس:ههههههه شي طبيعي
سارة:اهااا
قيس:تفضلي قعمزي
سارة:به
قيس:بشنو نبدو
سارة:جنان صاحبتي
قيس:ابدي
سارة:تجيني كل يوم في الحلم وتقولي خوديلي بثاري
قيس:ثار شني
سارة: صاحبتي قبل 5سنين اغتصبها الشخص اللي كانت تحبه  هيا هكي قتلي قبل ما تموت بي 5دقايق لمه كلمتني في التلفون كانو يموتوا في بعض حباته وحبها عشقو بعض مشكلته انه مدمن مخدرات في يوم هوا مش بوعيه وتعارك هوا وياها جي للحوش كان اشتبكات وضرب امها على راسها وحبس الام في الدار ودار اللي يبيه في البنت وطلع
قيس:لاحول ولاقوة الاباالله
سارة:كلنا حولنا اندرقو  القصه البنت خافت هلبا خليت امها محبوسه في الدار وقتلت نفسها
قيس:وانتي شن دخلك مش تقولك خودي بثاري
سارة:كنت في هادكا الوقت صاحبتها هلباااا
قيس:شن دخلك في الثار
سارة:منعرفش
قيس:معناها الشخص اللي دار فيها هكي قريب منك
سارة:شني
قيس:القضيه تصكرت او مفتوحة
سارة:على مااضن تصكرت
قيس:القضيه حتنفتح مره تانيه
سارة:كيف
قيس:اني وياك حنلقوا اللي دار هكي في جنان
سارة:به كيف
قيس:خليك شوية
واتصل بالنائب العام لي هو خاله
النائب العام:تمام جيبو اهل البنت وقدمو بلاغ
قيس:تم
سارة:شن قالك
قيس:لازم اهل البنت يفتحوا القضيه
سارة:وااااك كيف بنقنعهم
قيس:اقنعي الام اكيد قلبها محروق على بنتها
سارة:به امتى
قيس:امتى ما تبي
سارة:مرات الليلة نمشي نزورهم
قيس:تمام
سارة:اي
قيس:صار الوقت مش تحكيلي لمتى بتقعدي تحبي هادكا الشخص اللي ميحبكش لمتى الانانيه
سارة:قيس خلاص لو سمحت
قيس:باهي باهي
_______
عند لين
اوس:لين ممكن نتكلموا
لين:تفضل
اوس:بصراحة اني معجب بيك وهلبا
لين:اها
اوس:اعطيني فرصة نتعرف عليك
لين:اني منحباش الكلام هدا
اوس:لو سمحتي
لين:اني صغيرة
اوس:حتى لو
لين:نهدرزو كا اصدقاء بس شي تاني لا لانه صغيرة
اوس:موافق المهم نكون قريب منك
على جيت عمر
عمر:مني هدا
لين:صديق
عمر:معاش تكلمي ولاد
لين: اياااه
عمر:كلمتي وقلتها
لين:مبيكش علاااقة
عمر:شكلك مش حافظة الا الكلمة هادي
لين:باي سارة تستنا
وطلعت لين
اما اوس شبح شبحه شماتة لي عمر
عمر:يجيك يوم ياكلب
_____________
وطلعت لين لقت سارة تستنا
سارة:هيا ورنا مشوار مهم
لين:وين
سارة:توا تعرفي
ومشو لحوش جنان
ام جنان:ياهلا مرحبيتين كيف حالكم بناتي
سارة:الحمد لله
ام جنان:كويس ماشاء الله كبرتوا امتى بنفروحو بيكم
لين:قاعدين صغار
ام جنان:لالا ماشاء الله
سارة:خالتي بنتكلم معاك في موضوع مهم
ام جنان:تفضلي يابنتي
سارة:ارجوك قولي باهي
لين:لو سمحتي احني نبو مصلحتك
ام جنان:تفضلوا
سارة:القضيه متاع جنان نبيها تنفتح
ام جنان:كيف
سارة:جنان مش مرتاحة في قبرها
سكتت ام جنان وتغير لون وكها
ام جنان:منقدرش
سارة:جنان كيف يوم تجيني في الحلم وتقولي خودي بثاري
ام جنان:به كيف
سارة:قدمي بلاغ
ام جنان:مفيش قانون
سارة:لو سمحتي
ام جنان:البلاغ امتى يكون جاهز
سارة:اليومين هدو يجهزوه
لين:المره هادي حتنتصري خالتي
سارة:ممكن نخش لدار جنان
ام جنان:اي تفضلي
وخشت سارة لدار صاحبتها وقعدت تبكي ادكرت كل شي  فجاة شافت شال لبساته قاماته  عجبها وشمت الريحة متاع احمد في الشال
سارة:هادي ريحة احمد شن ادير في الشال
.........
يتابع
{احداث قادمه
لطيفه:اسفه منقدرش نخليك تخشي
سارة:ابعدي من وجهي
جود :سارة المفتاح في دار اميمة
سارة:تمام
بو لين:لين لو تطلعي من هني معاش راضي عليك لانيا ولا اخرة