إلى متى

إلى متى 11

#إلى_متى_11
الدكتور:شن اسمه
الممرضه:منعرفش
ودخلوه لغرفة العمليات فقد 8لتر دم
الدكتور وكلهم على اعصابهم صارله هبوط في الضغط
_________
عند العائلة كانو مقعمزين على اعصابهم سارة من جيهة تفكر في خالها ومن جيهة في الشخص اللي تحبه
ايمن:دورت في  طريق الشط كلها ما فيش اثر
جدت البنات:ووووه عليا قلبي يغلي
ولد خال سارة:غدوا بيجونا ناس
سارة:شني
طبعاً الولد صغير  عمره سنتين
خداته   سارة قعمزته جنبها
سارة:ايسر انت شن تقول
ايسر:شن نقول
سارة:عاود الكلمة اللي قلتها
ايسر:غدوا بيجونا هلباااااا ناس
في نفس الساعه وادقيقة اللي قال ايسر فيها الكلمه لي سارة توفاء نزار
11:00م
___________
نجوى:سارة هي بنروحوا
سارة:هارب علينا الضي منبيش نروح
نجوى:هيا سلم بنتي منبيش نروح بروحي
و روحت سارة مع امها وهما في الطريق
سارة:ماما هادي مش طريق الحوش
نجوى:اسكتي هادي الجيهة خالك زمان يجي يسهر فيها
سارة:ماما قريب الساعه12
نجوى:باهي هي اهو نروح بيك
وروحت سارة
لقت الضي هارب اتصل احمد بي سارة وقعدو يهدرز
احمد:استاحشتك
سارة:به
احمد:بتجي للجامعة غدوا
سارة:منعرفش
احمد:حبيبتي
سارة:نعم
احمد:بنسالك
سارة:تفضل اسال
احمد:لين مرتبطته
سارة:لين بيبي شن مرتبطه وشن الكلام هدا
احمد:باهي خيرك تتكشخي
سارة:والله
احمد:خلاص خلينا في نفسنا نموت فيك ياحلالي يامرتي ياام صغاري
سارة:ههههههه
احمد:خيرك تضحكي
سارة: بالله فكني من الوهم
احمد:اها نوهم فيك صار كان بنعيشك في وهم مكنتش ارتبطت بيك
سارة:تعرف بديت مدمانه بيك
احمد:نفس الشي حتى اني
سارة:اي
احمد:تعرفي مضايق
سارة:علاش
احمد:كانه معنديش خو اسمه رضوان بعد صارلي الحادث مشي وسيبني
سارة:معقوله ما تدكر في شي
احمد:لالا  مندكرش، سارة اسهري معاي اليوم
سارة:به
_______________
وجي الصبح
سارة:شن ماما ما سمعتوا شي على خالي
نجوى:لا
سارة:اووووف
وقعمزت سارة تتفرج على التلفزيون 
__________
اما عند ايمن خال سارة قعد يدور من من مستشفى لمستشفى  
ووصل لي مستشفى الحاودث بوسليم
ايمن خش يدور الديار يبي  يشوف خوه كان هادكا الوقت الضرب في سبها معبيا االمستشفى جاه الممرض
الممرض:ياخوي من امبكري نشوف فيك ادور وحاير شن في
ايمن:اندور على خوي مختفي
الممرض:البارح في الليل جبولنا حاله
ايمن:به
الممرض:اي بس توفاء صارله هبوط في الضغط
ايمن:به ترا نبي نشوفه
وطلع الممرض السجلات قاله تفضل
هدا اسم المتوفي
نزار فلان الفولاني...
قعد ايمن يخبط  على راسه كان مصدوم شبه صدمه
الممرضه:اهداء خوي
ايمن:تي هدا خوي مااااات خوي
وخش ايمن لدار الرحمه
وشاف خوه
__________
عند سارة كانت تكلم في احمد
احمد:سارة استاحشتك تعالي للجامعة
سارة:براحتي
احمد:نحبك
سارة:به
احمد:لمتى بيستمر هدا الاسلوب
وفجاة سارة وهيا تهدرز هيا وياه شافت خيال لي جنان
سارة:جناااااان
احمد:شني تقولي
وصكرت سارة التلفون
نجوى:خييرك تعيطي سارة
سارة:شفت جنان قداش ليا مشفتهاش خيال وتضحك
نجوى:بسم الله اهدي يايبنتي
وهيا نجوى وسارة يتكلموا رن تلفون نجوى
نجوى:الو
روان:خوك  نضرب برصاص تعالي بسرعه لكن متحسشيش امك
ولبست سارة ونجوى وجو للحوش
نجوى:مفيش اخبار عليه
روان:اتصلت بي ايمن قالي شويه ونجيك
نجوى:ان شاء الله خير
عند البنات
لين:تعرفي جو عليه اللي اسمه عمر
سارة:اها
شبحت لين بستغراب
لين:انتي مش طبيعيه
سارة:شفت جنان
لين:كيف
سارة:رجعت تطلعلي من جديد
لين:لاحول ولا قوة الا باالله
وهما يهدرزو سمعو الحوش نفتح طلعو يجرو
وخش ايمن يبكي لمه شفوه يبكي روان بدت تعيط هيا ونجوى ولين وسارة ركبو لحناهم يجرو
جدت البنات كانت راقدة نخلعت من صوت العياط لين معاش قدرت تتنفس
سارة:اميمه عيطي ولدك ماااااااااتت
لين:عمي نزار مات
بعد صارت الجنازة لين حست نفسها مخنوقه والحوش معبي زحمه
لين:سارة اني بنطلع
سارة:وين بتمشي
لين:مضاااااايقه
سارة:ياروحي انتي باهي اطلعي
لين:متبي شي
سارة:تعرفي تسوقي
لين:مهو علمني المرحوم
سارة:خودي مفتاح سيارتي وبري لي اريام جيبيلي منها الشيت متاع الماحاضرة