إلى متى

إلى متى 15

#إلى_متى_15
ام جنان:البلاغ امتى يكون جاهز
سارة:اليومين هدو يجهزوه
لين:المره هادي حتنتصري خالتي
سارة:ممكن نخش لدار جنان
ام جنان:اي تفضلي
وخشت سارة لدار صاحبتها وقعدت تبكي ادكرت كل شي فجاة شافت شال لبساته عليها عجبها وشمت الريحة متاع احمد في الشال
سارة:هادي ريحة احمد شن ادير في الشال
لين:سااااارة هيا عطلنا
سارة:هي هي جايه
وخدت سارة الشال دساته في شنطتها وطلعت
ام جنان:غدوا نمشي نقدم البلاغ
لين:تمام وهكي تكون نفتحت القضيه
ام جنان:يابنات زعما حنستفيدو
سارة+لين:ان شاء الله
وطلعوا البنات وهما في الطريق يهدرزو
لين:ساروزا نحسك مضايقه
سارة:لالا الاموري طيبه
لين:متاكدة
سارة:اي
لين:نعرفك كويس اني
سارة:اممم
لين:اليوم اوس قالي انه معجب بيا
سارة:انزلي وصلنا
لين:سارة شن قصتك
سارة:انزلي
ونزلو البنات
لطيفه:كلهم يستنو فيكم في الصالة
لين:تمام
وخشوا البنات في الصاله
مصطفى:الساعه 9:30
سارة:به
مصطفى:وين كنتو تصيعو
سارة:كان ورنا هلبا حاجات وصلتها للكورس ومشيت للعيادة وبعدها مشينا حوش جنان
نجوى:اها
مصطفى:معندناش بنات تلود لي هدا الوقت
لين:احني كنا نقضو في اشغالنا هيا مشت للدكتور قتلك وعطلنا في حوش ام جنان
نجوى:اي صح يامصطفى كلمتني ام جنان وقتلي خيرك مجيتيش مع البنات
فجاة مصطفى شد البنات من شعرهم
مصطفى:انتوا تكذبو
وبدي يضرب فيهم بالسبته الضرب كان قوي وكلهم يشبحو فيهم ومتكلموش
سارة:غير يروح بابا والله لمه نحاسبكم
نجوى:سارة تحشمي
مصطفى:انتي مش متربية كان هدا متقريش اعلام
سارة:ضم فمك ولا
مصطفى:ولله وتعالي في صوتك
سارة:بنعالي صوتي
وبدي مصطفى يضرب فيها
سارة:نجوى يلي داير روحك امي نوعدك اول ما يروح بابا توا تشوفي
نجوى:نعم
مصطفى:سارة يا تتخمري ياتوا بناخد منك مفتاح السيارة
سارة:دينا دين يسر مش دين عسر والرسول عليه الصلاة والسلام ما قالش ع الخمار اللى لمه تكون المراة متزينة
لين:ياااااااسر عاد سيبنا في حالنا
مصطفى:والله لمه نربيك يا لين واحلمي تمشي للمدرسة
لين:اعلم في خيلك اركبه
بو لين:تكلمي باهي مع خوك
لين:برا الها بولدك جود كانه معندكش بنت نكرهكم كلكم بعد مات جدي درتو فينا هكي
وحبسو سارة ولين في الدار وخدو مفتاح السيارة من سارة
_______
لين:لي امتى احني هكي
سارة:حني مغلطناش
لين:سارة علاش يعدبو فينا
سارة:حتفرج باذن الواحد الاحد
لين:يارب
سارة:صقع
لين:اخخخ ادقيقه نجيب الشمعه جنبنا بالك ادفينا
سارة:مفتحوش المولد مكر فينا
لين:حسبي الله ونعم الوكيل
وقفت لين ع الروشن وقعدت تبكي
سارة:قصتي اني وياك تجي رواية
لين:صح لانه صارلنا هلبا
سارة:اي
لين:لو قصتنا رواية شن ح كيكون اسمها
سارة:حيكون اسمها رواية #إلى_متى
لين:صح لانه كل مره كنا نقولوا إلى متى
سارة:إلى متى سايستمر الوجع
لين:إلى متى سايستمر الظلم
سارة:إلى متى سايستمر القلب المجروح
لين: إلى متى سايستمر وضع بلادي هكذا
سارة:إلى متى
___________
وجي اليوم التاني
لين:سارة بتمشي للجامعة
سارة:اي بنمشي
لين:بي اما سيارة
سارة:توا نتصرف
لين:تمام اني اهو بيرفعني عمو ايمن
سارة:تمام حبيبتي
وطلعت لين لعمها
ايمن:شن الجو
سارة:امس ضربونا
ايمن:والله يابنتي لو نقدر ندخل كنت ادخلت
لين:ره زودوها علينا هلبا
ايمن:ربي كبير يابنتي وماينسا حد
____________
اما عند سارة لبست وجهزت نفسها وامورها تمام
وخشت لدار خالتها خنبت مفتاح السيارة متاع خالتها
وركبت في السيارة
نجوى:روان وين سيارتك
روان:خيرها
نجوى:مهناش
روان:كيف
وطلعو تاكدو انها مهناش
نجوى:هادي اكيد سارة
روان:واضح
_________
و هيا في طريقها سارة تشبح في الناس قدام المصارف عزايز بشيبين وضع موسف
سارة:ياااارب فرجها على البلاد وعلى العباد
ونزلت سارة لمواد غدائيه بتاخد اميه
صاحب المحل:ره الحليب غالي وكل شي وانت قاعد تاخد بالدين
المواطن:والله حنخلصك المصارف معاش جابو فلوس واني معد عندي حتى شن نوكل الصغار
صاحب المحل:حتى اني نزترزق
المواطن:بالله عليك اعطيني الدحي والخبزة الصغار معندهمش شن ياكلوا
سارة:ياعمي
المواطن:نعم يابنتي
تفكرت سارة ان عندها حديدة دهب في شنطتها
سارة:تفضل خود هادي
المواطن:لالا يابنتي
سارة:ياعمي الناس لبعضها واني مش محتاجتها
المواطن:بارك الله فيك يابنتي ربي يفتحها عليك ويعطيك اللي في بالك
سارة:ياعمي الدعاء بس بالله كل ما تتفكرني ادعيلي
وطلعت سارة من المحل وهيا تبكي وجعها وضع البلاد ووضع الناس في المصارف وكيف وقفين وتضرب فيهم الشمس في الظهر والصبح صقع
____________
_____
اما عند لين فا وصلت للمدرسة جوها زفت خشت قعمزت شدت الكتاب وتقرا
مستغربه خيره البنات كلهم يشبحولها
لين:وئام لو سمحتي بنسالك ع هادي
وئام :ابعدي عليا ما نقصني غير انتي
لين:خيرهم هدو
وقعدت تمشي في الممر وكلهم يتكلمو عليها ويشبحولها
حتى من الابلات يشبحولها في نظارة متاع استحقار ولين مش متعودة حد يشبحلها هكي استغربت هلبا
شن القصة زعما ؟؟؟؟؟
_______
عند عمر كان مقعمز يفطر رن تلفون
عمر:الو
ابرار:بنقولك ان هادي اللي تحبها تكلم في واحد وسمعتها مش كويسه
عمر:احترمي نفسكمن انتي اصلاً
صكرت ابرار التلفون بعد بشويه بعتت صور لي عمر ولين تهدرز هيا وزملاها ويقرو معاها ومفيش شي بينهم
اتصلت بيه
ابرار:شفت حبيبت القلب
صكر عمر التلفون وتعفلق
عمر:لا ياربي مستحيل البنت اللي نحبها هكي
________
عند لين مقعمزة هيا واللي يقرو معاها الولاد
محمد:توا في الكورس وين واصله
لين:مش عارفه مش مركزة
اياد:ضروري تركزي متنسيش انك شاطرة
محمد: احني الثلاثة شاطرين محد يقدر يوقف في وجهنا
لين:تقريباً احني الوحيدين اللي نقرو
اياد:رسمي
محمد:كيف حال هادكت عمر
لين:تمام
اياد: محمد لين هي نبدو نراجعو الدرس هدا وقعمزو هما الثلاثة يقرو وجوهم حلو
_____

عند سارة وصلت للجامعة وهيا مقعمزة تهدرز مع البنات جاها احمد وقعد يعيط بصوت عالي اللي في الجامعة كلهم سمعوا
احمد:اطلعييييي من حياتي منبيكش
سارة:والله
احمد:انتي تجري وراي وخلي البنت في حالها
سارة:اني منجريش وراك ولا حتى معدلا عليك
احمد:كان هدا متهدديش البنت
سارة:احترم نفسك و وطي صوتك
احمد:تي خلي الجامعة كلها تعرف انك حقيرة وحقودة
فجاة جي قيس
قيس:سارة اهدي
طبعاً سارة بدت تعيط بصوت عالي
وخدها قيس وركبها في السيارة
وعطها يبرة  ورفعها للعيادة
________
اية:شن هدا اللي درته قووول
احمد:اني خديت حقك
اية:انت واحد واطي اطلع من حياتي
احمد:اية تعالي
اية:معاش تكلمني فوتيني عيب تحشم البنت قدام الناس اسمها قلة ادب
ومشت اية وخلاته يدوي بروحه
________
عند لين
لين:ياابلة ممكن تعطيني بيتزا
الابلة:معنديش
لين:بس توا شفت البنات ياكلو فيها
الابلة:نبيعو فيها للناس اللي عندهم اخلاق بس
ومشت لين وسيبتها لين كانت حايرة شن في وخيرهم هدووو شي غريب
بس فرحانه انها خلاص معاش بتقرا معاهم. بتخش للجامعة وترتاح
_________
عند سعاد ام احمد
اتصل بيها قريبهم في مركز الشرطه
سعاد:الو
ابرهيم:سعاد القضيه نفتحت
سعاد:ووووووه عليا
ابرهيم:هدي اعصابك
سعاد:كيف باهي مش حيستتدعو ولدي لتحقيق
ابراهيم:احمد فاقد الذكرة مش حيدكر شي
سعاد:ان شاء الله
ابراهيم:رضوان وين
سعاد:معاش سمعت عليه شي ومنبيشي يعرف ان القضيه نفتحت
________
عند سارة فاقت لقت قيس شاد يدها ويتامل فيها
قيس:ساروزة
سارة:مريضه
قيس:اهدي عيوني
سارة:اليوم دمرني
قيس:صح
سارة:نكرهه
قيس:انسيه
سارة:ان شاء الله
قيس:سارة القضيه انفتحت
سارة:كيف
قيس:ام جنان مشت وقدمت بلاغ
سارة:الحمد لله
قيس:هلبا امور توا نتناقشو عليها
سارة:به
قيس:شني تحسي
سارة:غصه في قلبي
قيس:جاياتك ايام حلوة زي عيونك
سارة:يارب
خدي قيس نفس عميق
قيس:تتزوجيني
_______
يتابع...
{احداث قادمه
لين:معقوله يابوي لهدرجة مش واثق فيا
بو لين:خشي لدكتور
لين:خلاص تعبت من ها الدنيا اني بنقتل نفسي
جود:لا لين بالله عليك منقدرش نعيش بلاك
لين:سارة مشت وخلتني كيف بنواجه الحياة هادي خلاص بمجرد ما سارة مشت اني ادمرت
سارة:اي باهي لعبت فيكم باهي بس طيراتي بعد شويه ونرتاح}