إلى متى

إلى متى 3

#إلى_متى_3
فتحت سارة الباب لي ام جنان لان المفتاح ملوح قدام الباب
سارة:خالتييي خديجة شن في
ام جنان:بنتي
وتعيط بإعلى صوت وتخبط كان الوضع غير طبيعي
سارة كانت ملبزه بدم صاحبتها جنان عمرها 17السنه
سارة:نوضي جنان متسيبينش بروحي انتي صاحبتي بالله عليك ارجوك
كان الوضع شبه مؤسف بنت شافت صاحبتها المقربه ليها ميتة شن بيكون ردت الفعل
______بعد مرور 3ساعات
نجوى:كيف حال بنتي
الممرضه:عطيناها يبرة مهديء خشت في ازمه نفسيه
وجي بو سارة
نجوى:وين كنت
بو سارة:كنت مع عبد الوهاب حالته ما يعلم بيها الا ربي
ام سارة:باهي وام جنان كيف حالها
بو سارة:تعيط وخلاص
ام سارة:يارب سترك وعفوك معرفتوش من اللي دار هكي
بو سارة:لا لكن الموضوع بيقعد سر منبوش حد يعرف ح نقولوا انها جتها رصاصة طايشه
______
عند لين
لين:كيف حال سارة
ليلى:عطوها مهديء
لين:ارفعوني نشوفها
ليلى:خليها توا منقدروش نطلعو ضرب برا
وقعمزت لين تبكي
_________
بعد مرور ثلاثه ايام
نجوى:بنتي نوضي هي
سارة:سيبوني في حالي
نجوى:ام جنان تبيك
وطلعت سارة للام
ام جنان:سارة صح انتي صغيرة وعمرك 15السنة وبنتي 17بس نبي نعرف خيرها في الفترة الاخيرة بنتي كانت تبكي وتاعبة ومني تتوقعي اللي دار في بنتي هكي اني مشفتش وجهه لان ضربني
سارة:اني ما نعرف شي
ام جنان:ارجوك يابنتي كان تعرفي
سارة:ماااا نعرف شي
وبدت سارة تعيط بصوت عالي
دخلتها امها للدار وعطتها المهديء متاعها
فجاة سارة بدت تدكر
قبل اسبوعين
جنان:سارة بي نحكيلك بس انتي صغيرة لكن صاحبتي عادي
سارة:ادوي جنان
جنان:اني واحمد بنسيبو خوه خش بينا
سارة:علاش
جنان:طلع متاع بنات خوه هكي قالي
سارة:معقوله
جنان:اي احمد حلفلي كان نسيبه لمه يقتلني
سارة:انتي تحبيه
جنان:اي
سارة:وريني صورته
جنان:لا
سارة:انتو قداش ليكم بزبط تكلمو في بعض
جنان:سنة
سارة:اها
_________
قبل الجريمة 3 ايام
سارة:جنان خيرك تبكي
جنان:يهدد فيا ياسارة حي عليا
سارة:اهدي حبيبتي
جنان:بنقتل نفسي خير قالي في اقرب فرصة بتشوفي شن يصير فيك
سارة:اهدي به اهدي
جنان:مشي طلب يدي من بابا قاله بنخطب بنتك وبابا قال لا
سارة:اهدي جنان
_______
وفجاة سارة بدت تكسر في حاجات دارها وتبكي مش معقوله اللي صار شبه كارثه لانه
______
عند لين كانت طالعه مع عمها نزار
لين:توا كيف طرابلس بتقعد من غير اميه
نزار:توا تجي يابنتي والحال هدا اكيد يجي نهار
لين:ان شاء الله
و وصلت لين لي سارة
لين:سارة خيرك بديتي هكي وحتى منظرك يخوف
سارة:سيبني في حالي نكرهكم كلكم وبدت سارة تعيط
نزار:نجوى جيبولها شيخ لي سارة
نجوى:سارة شافت صاحبتها ميتة قدامها شن تتوقع يعني
نزار:به دكتور نفسي
نجوى:اصلاً هيا رافضه كل شي
نزار:لاحول الله
______
بعد مرور شهر
لين:مامي مامي بنخش كورس اللي بتخشه سارة
روان:سارة عندها حاله خاصة بتخش للكورس لانها مريضه نفسياً وتبي تغير جوها
لين:لااااا نبي نخش معاها
روان:قولي لبوك هوني واحترمي نفسك
لين:وكان قتلك منبيش نحترم نفسي
روان:اني نربيك
وبدت روان تضرب في لين ولين تبكي بشكل مش طبيعي
جت سارة
سارة:خويلة روان سيبي لين
روان:سارة متدخليش احسن
سارة:لين تكون اختي فهمتي
روان:تعرفو انتو اتنين بديتو مش متربيات وتوا نغيرو المعامله معاكم
نجوى:خيرك روان شن
روان:بنتك تعلي في صوتها
سارة:اني دافعت على لين ياسر عاااد
فجاة نجوى ضربت سارة كف وقعمزت سارة تبكي
سارة:بنمشي نقول لجديدة
لين:هي تعالي
ونزلو لبنات لجدهم
جد البنات:حبيباتي شن في خيركم تبكو
سارة:جديدة هادي روان ونجوى ضربونا
لين:اي😭
وحضن الجد البنات
جد البنات:نجوى روان تعالو
جو
روان:نعم بوي شن في
جد البنات:تاسفي من لين وسارة
روان:هما يتاسفو متحلهمش علينا
جد البنات:صكري فمك
نجوى:اسفين باهي
روان:اسفه لين اسفه سارة تمام هكي
جد البنات:تمام امشو
سارة:نموت فيك يااحلا جد في العالم
لين:نحبك ياجدي
جد البنات:واني قداش عندي سارة ولين في الدنيا وباس البنات وطلع ادهور بيهم مش يغيرلهم جوهم
[بعد مرور شهر]
سارة:كانت راقدة في سبع نومه
حلمت{ جنان }
جنان:سارة
سارة:حبيبتي جنان
جنان:سارة متت وروحي معلقا فيك
سارة:استاحشتك هلبا جنان
جنان: بعد 4 انتقام
سارة:مفهمتش
جنان:4 مزال خوديلي حقي
________
وناضت سارة تعيط
سارة:لالالالاا
لين:سارة خيرك
سارة:حلمت بي جنان تبيني نخدلها حقها مستحيل
لين:سارة حبي اهدي
وعطت لين مهدي لي سارة
ورجعت لين رقدت
________
تاني يوم
عاد يابنات المدرسة خلاص قربت
لين:اي على اعصابي
نجوى:علاش
لين:اني والبنات مش متفاهمين
نجوى:الله غالب
سارة:صباح الخير
نجوى:شن سارة تبي تتطلعي اليوم
سارة:منبيش نمشي لي ايا مكان
وبدت سارة تاكل
نجوى:سمنت سارة ولا؟
لين:اي تاكل هلبا بدت
نجوى:اي
لين:سارة ياسر
سارة:لين مدخلكش خليك في حالك
وخدت سارة ماكلتها وركبت لدارها قعمزت وتفكر في الحلمه وتحلل فيها خدت ورقه وقلم
وبدت ترسم زي الرسم البياني وحاجات مش معروفه
سارة:لو كنا توا احني في 2011يعني بعد 4سنين2015به شن بيصير ومن بعدها الرقم بدي 5معناها 2016بعدين 6معناها 2017 يعني بعد 6سنين
به شن بيصير 3سنين وراء بعض ياربي خليك معاي في حل اللغز هدا وصلت سارة كل شي في بعضه وكتبت الحلمه ودست الورقه في مكان محد يعرفه الا هيا ولين
يتابع
#إلى_متى
{احداث قادمة
احمد:حبيتك والله
سارة:علاش يااحمد درت فيا هكي
احمد:مكنتش بي واعيي كنت نحبها
الدكتور:لين معاش تقدر تمشي
روان:لا اله الا الله
قيس:سارة نوضي منقدرش نقعد بلاك بالله نوضي كرهت عمري معاش نقدر
ليلى:نجوى شن اديري
نجوى:نتفرج على صور سارة ياربي ضحكتها متمشيش من بالي}