إلى متى

إلى متى 9

#إلى_متى_9
وصلو للمستشفى
سارة:جدي حبيبي كيف حالك
جد البنات:الحمد لله
لين:مصطفى روح من العمرة
جد البنات:جاني امبكري
بعدين جد البنات بدي يقول في كلام مش مفهموم
جد البنات:وين ساعتي
حنة البنات:في الحوش يوم اللي مرضت نحينها
جد البنات:ساعتي اللي فوق
وبدي ياشار على السماء
شويه وجي ولد صديق للجد
مفتاح:كيف حالك عمي مصباح
جد البنات:الحمد لله
وفجاة بدي الجد يسرب في كل شي من بدايته طبعاً رجل اعمال كبير وليه اسمه وداير العالم كله
جبد الميتين والحيين بعدها بشويه روح الراجل وخشو البنات
سارة:جدي معقوله كتاب التاريخ كله
لين:تي اني غداي امس مندكراش
على خشت الممرضه
جد البنات:خيرك ما جيتيش اعطيتيني الدواء من امبكري نستنا فيك
الممرضه:باهي ياحاج هدا وقته
جد البنات:عقرب تلدغك
وبدت سارة ميته ضحك هيا ولين
بس حنة البنات كانت تبكي
روان:امي خيرك تبكي
حنة:شي شي خودي البنات ونوضي روحي شويه ونلحقك اني ونجوى
نجوى:اي هي بري
حنة البنات:ترا شويه بنمشي نشوف بنت مفتاح في الدار التانيه
وطلعت جدتهم وبعدها بشويه
روان:بنات شويه بنتكلم اني ونجوى خليكم مع جدكم
لين+سارة=تمام
جد البنات:تعالو هني
قربو البنات منه
جد البنات:اني ره خلاص كملو ايامي يابناتي ردو بالكم على نفسكم ردو بالكم تستسلمو لشي بتجي ايام صعبه بعد موتي اني متاكد ح تترفكس العائله بعد موتي اكثر اتنين بيتعدبو انتو لانه اني كنت نحمي فيكم
سارة+لين=بعيد السؤ عليك
جد البنات:هادي سنة الحياة
وبدو البنات يبكو وباسو جدهم على راس وطلعو
بمجرد ما طلعو من هديكا المستشفى غيمه سودة متلفتوش وراهم كانه شي يقوللهم اطلعو بسرعه
__________
تاني يوم الثلاثاء 11/2/2014
نجوى:سارة نوضي كان بتمشي للمدرسة يابنتي رك شهادة
سارة:ماما معنديش نيه
نجوى:بلاش دلع نوضي
سارة:ماما
طلعت الام وخلت بنتها راقدة
وسارة خدت تلفونها ولقت رسالة من احمد { صباح الخير حبيبي }
عند لين
لين:صباح الخير مامي
روان:صباح النور هيا افطري
لين:به
روان:البنات قاعدين يتسهوكو في موضوع امك
لين:اي
روان:توا نوريهم
لين:مامي مفيش دعي فوتيهم
روان:هي نستنا فيك في السيارة
_______
9:45ص
كانت نجوى تشرب في قهوتها هيا ورجلها
بو سارة:خيرك
نجوى:حاسه في غمى في قلبي
وهيا مكملتش قهوتها اتصلت امها
حنة البنات:نجوى تعالي المستشفى اتصلو بي خوك نزار لكن عنده اجتماع تعالي ارفعيني
نجوى: مسافة الطريق
وخشت نجوى لي سارة
نجوى:سارة ماما اتصلت بيا وقتلي بنمشي بنشوفوا جدك
سارة:هدو اكيد البارح شيطلهم ريقهم بالزوه😂
نجوى:ههههههه رسمي
بعدها نجوى طلعت من الدار
سارة:حي كان ما جدي مات
_________
عند خوهم ايمن كان بيمشي بي يطاعم ولده لانه عيد ميلاده تطعيمت السنة
ايمن: خولة بننزل نشوف بوي شويه ونجي
خولة:به
ونزل ايمن من السيارة وجي جيهت القسم متاع بوه
الممرضه:مات مات
تلفت ايمن يساحبها لىع الشخص اللي جنب جدي خش لدار بس كانت الكارثه السرير متاعه مهناش
الممرضه:الحاج مصباح توفاء
بدي ايمن يخبط على راسه بوهم هلبا يحبوه حنين عليهم وهوا عاد ايمن من قبل مريض يخبط على راسه جبوله اميه
اما عند زوجته خوله فاكانت مشغوله عليه وينه
طلع ايمن لمرته وعيونه حمر وركب في السيارة
خولة:شن في كيف حاله سيدي
ولع السيارة ومردش على مرته وقعد يسوق
مرته مبتش تساله اكثر
عند روان وامها
روان طلعت قدام الحوش لقت الشارع زحمه ويشبحوا للحوش لانه طبعاً المستشفى اتصلو بي باقي الولاد بعد ما قالو لي ايمن
روان:ترا خلي بنكلم ايمن
حنة البنات:بسرعه ترااا
روان:ايمن خيره بوي
ايمن كان يسمع فيها ويبكي وهني كانت الصدمه
روان:ووووووووووه عليا بوي مات
وبدي ايمن يخبط على سيارته ويقوللها بووووووي مات مات
ناضت هديكا حنه البنات تعيط على وصلت نجوى
كانت مصكرة رواشن السيارة درست قدام الحوش فجاة جت في ودنها عيطه
نزلت تجري من السيارة
ولقت اختها تعيط وتقوللها يانجوى بونا مااااااااات
وبدو يعيطو كان اليوم هادكا شبه بيوم اسود
يقين البشتي:اللي حكيت قصة وفاته يكون جديدة ادعوله بالرحمة
_________
بو سارة:سارة نوضي البسي
سارة:اني توضيت صليت وبنقعمز نفطر علاش نلبس
بو سارة:انزلي لعمتك
سارة:اني عمتي ننزلها ديما بالبجامه
بو سارة:جدك توفاء
سارة:لااااا وبدت تعيط كانت صدمه كبيرة ليها جدها متعلقا بيه بشكل مش طبيعي مات الحنين عليها مات كانها كانت عارفه حجم الكوارث اللي جايه
عند لين
لين كانت في الحصة وامورها تمام
المعلمه:لين بوك جي بيروح بيك
لين:بسم الله مش من عاويده
وخدت لين شنطتها وطلعت وركبت مع بوها في السيارة
لين:بابا غريبه انت اللي مروح بيا
بو لين:اسكتي ترا
لين:خيرك تتكلم معاي هكي توا نقول لي جدي
بو لين:جدك مريض هلبا
لين:خيره
عند سارة وصلت الشارع زحمه خشت للجنان لقتهم يديرو فيه في الخيمه لانه صقع
لين: جدي
حضنت نزار وقعدت تعيط
نزار:اهدي سارة خلاص
سارة:حي علياااااا كيف بنكمل حياتي بدونه
وهيا سارة تحضن في خالها وتبكي على وصول لين
لين:بابا الشارع خيره زحمة
بو لين:جدك مات
لين:لا
ونزلت لين وهيا مصدومه
لين:سارة
سارة:مااااات وخلانا الانسان اللي يدافع علينا مشي وخلانا خلاص جدي مااااات
وبدو البنات يبكو كانت صدمه قويه
__________
احداث قادمه
{وبدت سارة تضرب ع بطنها
جت لين تجري لتلفون
لين:قييييس
قيس:شن في
لين:سارة جتها حاله وتعيط عرفت من اللي اغتصب جنان
قيس:خليها شن دخلني فيها
لين:قيس سارة حاااااامل
قيس:قصدك ما اجهضدتش
لين:بسرعه تعالى معاش نقدرها معقوله بتخلي البنت اللي تحبها تتعدب}