إلى متى

إلى متى 5

#إلى_متى_5
سنة 2012
سارة:اااالااا ااا،، وووه
وناضت سارة مخلوعة
لين:سارة خيرك
سارة:شفت كابوس
وقعدت سارة تبكي
لين:سارة وحدي الله
سارة:لااله الاالله
لين:شن في
سارة:شفت جنان في الحلم وقداش ليا مشفتهاش
لين:ياروحي اهدي
سارة:شفتها تقولي قريب ياسارة قربت
لين:شن هيا اللي قربت
سارة:منعرفش
وبدت سارة تبكي
لين:باهي بري توضي صلي ركعتين وبعدها البسي وامشي للمدرسة
سارة:به
وناضت سارة توضت صلت ولبست ومشت للمدرسة
جميلة:شوفوها كيف تمشي
تسنيم:تي فوتيها مريضه هادي وعندها التوحد
قعمزت سارة تسمع في البنات شن يقولوا
سارة:ياربي خودلي حقي منهم يااااارب
وبدت سارة تبكي بشكل مش طبيعي
على خشت الابلة
الابلة:سارة نوضي اوقفي ع الحيط
سارة:علاش
الابلة:هكي مكررررر
وجت سارة وقفت على الحيط وبدو البنات يتسهوكوا عليها كيف مشيتها
ريهام:سارة قداش وزنك
سارة:مدخلكش
المعلمة:اطلعي برا ياقليلة الادب
سارة:هيا تناشب فيا
المعلمه:تي قتلك اطلعيييي انتي كيف تفهمي
طلعت سارة من الفصل وبدت تبكي تبكي ع ايامها اسود علاش به هيا شن دنبها
نسرين:سارة خيرك تبكي
سارة:سيبني في حالي ومدخلكش
نسرين:براحتك
_________
عند لين
المعلمه في طالبه متميزة نبو نكرموها
البنات كلهم يقولو من هيا لين كانت مقعمزة بروحها مش معدلا المعلمه شن تقول
المعلمه:نبي تحية خاصه للطالبه المتفوقة لين
لين:اني
المعلمه:انتي
لين:شكراً ابلة
المعلمه:انتي مؤدبه تبارك الرحمان عليك
لين :شكراً
طلعت المعلمه والبنات كلهم يشبحو للين نظارات استحقار
ابرار:لين انتي من يقري فيك
لين:خوي مصطفى
ابرار:امممم
وشبحت لين لي ابرار نظارة غريبه متاع خيرها هادي
_______
روحت لين للحوش
لين:ساروزة خيرك
سارة:شي
لين:عيونك منفوخات
سارة:يتسهوكوا عليا ان اني سمينه
لين:فوتيهم متعدليش عليهم
سارة:تعرفي كرهت هادي الدنيا علاش حظي هكي
لين:في يوم من الايام الدنيا ادور سارة
سارة:يااااااارب
لين:شوفي هادي شهادة تكريم
سارة:مبروك
لين:الله يبارك فيك ياعمري
سارة:لين اني نحلم بجنان كل ليلة
لين:شن تحلمي
سارة:تقولي خودي بثاري
فجاة سارة ولين يهدرزو جاهم جدهم
جد البنات:حبيباتي شن يديرو
سارة:تعالى جدي حبيبي
جد البنات:شن الجو
لين:اهو
سارة:نقولوا باهي
جد البنات:تبو تسافرو
لين:ياريت
سارة:اي جدو
جد البنات:خلاص توا نسافر اني وحفيدتي الحلوات
سارة:نموت فيك انت احسن جد عندي
جد البنات:بالك عندك جدود تانين جدك بو بوك ميت
سارة:ههههههه
لين:😂
__________
2013
15/11/2013 الجمعة
سارة كانت راقدة وتكوبس
سارة:لااااااااااااا
نجوى:بسم الله سارة خيرك
بدت سارة ترعش وحضنت امها
سارة:حلمت بيها
نجوى:جنان بس، الله شن حلمتي
سارة:شي شي ماما خليني نرتاح
نجوى:سارة ادوي
سارة:مش مسيبتني في حالي
نجوى:لاحول الله
سارة:تعرفي حلمت بيها تقولي ياسارة قربت خودي بثاري
نجوى:كيف يعني
سارة:قتلي اللي دمرلي حياتي صار قريب منك هلباااااا
نجوى:والله خليتني نخاف
سارة:يا ماما اني نتعدب
نجوى:هي سلم بنتي نوضي اغسلي وجهك وصلي الصبح واقري سورة الكهف اليوم جمعه مستحبه قرايتها
سارة:حاضر ماما
نجوى:تمام هي سلم بنتي
_______
عند لين
لين:صباح الخير جدو حبيبي
جد البنات:صباح النور وردتي
روان:وين ماشيه
لين:لحوش غرغور
جد البنات:علاش
لين:اليوم عمتي سناء وصغارها بيجو والحوش يتعبا واني عندي امتحانات
روان:من بيرفعك
لين:عمي نزار يستنا فيا لوطه
روان:به
جد البنات:وين بوستي
وباست لين جدها وخدت شنطتها وطلعت
__________
وهيا طالعه لين اتصلت
لين:سارة اني ماشيه لحوش غرغور تعالي
سارة:تعرفي حلمت بإ جنان ونرعش
لين:امتى ناويه تخليك في حالك
سارة:كله مكتوب
لين:تعاليلي اليوم كله بنقعد في حوش غرغور بنقرا
سارة:هيا البلاد خاربه خاربه توا ناخد سيارة بابا ونجيك
لين:تمام هي لانه عمي نزار بيقتلني
سارة:ههههههه باي 😂
_________
نزار :قداش مزال عندك مكالمه
لين:والله ياعمو ياحبيبي كنت نكلم في سارة نبيها تجي
نزار:كليمها نخطمو عليها
لين:لالا توا هيا تجي بعدين
نزار:هي اركبي
لين:به عمري هدي اعصابك
نزار:اللي استحو ماتو😂
لين:ههههه نموت فيك
________
وصل نزار لين لحوش غرغور
خشت لين للحوش فتحت الرواشن وخشت في الدار تقرا حطت تلفونها جنبها على السرير
وبدت في القرايه
عند سارة كانت مقعمزة تقرا في الجنان فجاة بدت تسمع في صوت ضرب قوي
خشت سارة لي امها تجري
سارة:ماما ياماما تسمعي في اللي نسمع فيه
نجوى:اي يابنتي
سارة:زعما وين الضرب
نجوى:ترا افتحي الاخبار
فتحت سارة الاخبار وعرفوا ان في معركه في غرغور ضد المتظاهرين
سارة:لين ياماما لين في غرغور
نجوى:دقيقه نتصل بيهم
اتصلت نجوى بحوش بوها
نجوى:روان في ضرب في غرغور ولين غادي
روان:حي ياحي ووووه علينا ونزار تلفونه مصكر
نجوى:البنت علقت غادي كلمي بوها ولا واحد من خوتها يروحو بيها
روان:بوها قال منقدرش نخش غادي المعركه قوية
فجاة نجوى وهيا تتكلم مع روان سمعت الحوش تصكر
نجوى:ساااااارة
خدت سارة سيارة بوها لان مسافر وطلعت لغرغور
بدت نجوى تعيط المعركه كانت قويه هلبا
____________
روان:وووووه عليك غباره جتنا
جد البنات:شن في
روان:سارة مشت لحقت لين
جد البنات طلع لي الشارع كان الضرب قوي
حنه البنات:ياراجل خش انت مريض
جد البنات:بنمشي لبناتي
ركب الجد في اسيارة بس لانه مريض معاش قدر يسوق
روان:ياااابوي شن ادير كنا في زوز نبدو في ثلاثه
_________
عند لين كانت تبكي كان الضرب قدام الحوش قعمزت لين في الصاله وتبكي فجاة تسمع في تلفونها يشرين والتلفون في الدار خشت لين مش ترد على التلفون فجاة طاحت قذيفه في الصاله لين خلاص بدت ترعش الصوت قوي والرصاص كان يخش للحوش المرش تكصر
لين:الوووو
سارة:لين شن صاير عندك
لين:ساااارة خلاص بنموت
سارة:اني توا وصلت بس منقدرش ننزل المعركه هلبا
لين:ساااارة روحي خلاص اني بنموت الحوش ولعة فيه النار
سارة:لا انتي قويه
لين:اليوم نهايتي
ودرست سارة سيارتها في زنقه بعيدة شويه على الضرب ونزلت تجري خشت للشارع اللي فيه المعركه وهيا خاشه تشوف في الدم وناس طالعين من حياشهم يجرو وقعدت تسمع في صوت جنان
جنان:سااااارة خلاص ريحيني
سارة استغربت معقوله هبلت
المدى قربت
فجاة سارة تشوف في دبابه جايه ويشدها حد من يدها ويركبها معاه في السيارة وهدا الشخص هوا [ احمد ]
سارة:ووووووووه سيبني
احمد:انتي اكيد وحدة متخلفة جايه وتشوفي في الضرب
سارة:لووووو سمحت اختي هني بالله عليك نبي ننقدها
احمد:وين الحوش اللي فيه اختك
سارة:هادكا اللي يطلع منه دخان
احمد:اهدي وخليك مقعمزة في السيارة وتوا نجيبك اختك
سارة:كداب بنمشي معاك شن بيضملي انك شخص كويس
احمد:لو سمحتي اسكتي
سارة:اختي بالله عليك
وقعدت سارة تبكي وتشبح لعيون احمد
احمد:اهدي اختك هيا اختي
ونزل احمد يجري من السيارة مش ينقد لين
وسارة قعمزت في السيارة تبكي بس حست بشعور غريب بين الخوف والحب وكان شعور غريب بس حست برعشه في جسمها من هدا الشخص
يتابع.......
{احداث قادمه
القاضي:افراج
سارة:لااااا كدابين يكدبو
قيس:سارة اهدي
سارة: لا
لين:سارة حبيبتي راقدة
نجوى:سارة خدت المسدس وهربت
سارة:لو كنت راجل توا بعد شويه تكون عند في منطقة ...... ح نصفو الحساب}