للكاتب المصري محمد مالك
وفي الصباح تذهب سلوي الي احد البنوك التي يضع فيها منير مدخراته المالية فتلاحظ ان شخص ما يراقبها ويسير خلفها فلا تعيره اي اهتمام حتي لا يشعر بأنه علمت انه يراقبها ..
سلوي تجلس امام احد موظفي الريسبشن..
سلوي .. بس انا منير قالي ان شايل كل فلوسه عندكم هنا
موظف الريسبشن .. تمام يا فندم كلام المرحوم منير مظبوط .. هو ليه حساب عندنا هنا في البنك .. بس انا مقدرش اخليكي تسحبي اي فلوس من الحساب الا بعد ما يطلع اعلام وراثة ونشوف مين ورثة المرحوم ونقسم عليهم المبلغ حسب نصيب كل واحد فيهم
سلوي .. يعني مينفعش اسحب اي مبلغ وبعدين بتخصم من نصيبي ؟!!
موظف الريسبشن .. للأسف مينفعش
سلوي .. طب ممكن اعرف المبلغ اللي في حساب منير كام ؟!
الموظف .. اه .. اوي اوي طبعا.. حضرتك المبلغ اللي في حساب المرحوم ١٠ مليون جنيه و ٧٥٠ الف وكسور.
سلوي .. ايه ؟!! انت متأكد ان الحساب اللي كشفت عنه هو حساب منير ؟!!
موظف الريسبشن .. طبعا يا فندم
سلوي .. غريبة !!
موظف الريسبشن .. ايه هو اللي غريب يا فندم ؟!!
سلوي .. لا ولا حاجة .. طيب شكرا جزيلا
موظف الريسبشن .. تحت امرك يا فندم .. شرفتي
وتخرج سلوي من البنك وهي في غاية الدهشة تحادث نفسها قائلة
سلوي .. معقول !! منير عنده المبلغ دا كله في حسابة ؟!! جايز ما هو قعد فتره طويلة في السعودية
سلوي تلاحظ ان الرجل الذي يسير خلفها ما زال يتبعها تركب سيارتها وتنصرف وهو يشاور لسائق سيارة اخري تركن علي جانب الطريق فيحضر اليه مسرعا فيركب السياره ويلحق ورائها وسلوي تعود الي بيت ابيها مسرعة .. سلوي تخبر امها بما حدث
نبيلة.. وايه الغريب في دا يا بنتي ؟؟ جوزك بقاله سنين في السعودية وزي ما بيقول كان شغال في شركة كبيرة اوي .. اكيد كان بيكسب منها كويس وعمل المبلغ الكبير دا
سلوي .. بس هو قبل الجواز مجابليش سيره انه عنده مبلغ زي دا في البنك !!
نبيلة .. جايز مجاتش فرصة عشان يقلك
سلوي .. علي فكره في واحد ماشي ورايا وبيراقبني !!
نبيلة .. واحد بيراقبك !! ليه ؟!!
سلوي .. معرفش .. وانا نازلة من البيت لمحته واقف تحت البيت ولما عيني جت في عنيه ودا وشه بعيد وعمل نفسه بيدور علي عماره من العماير .. ببص بعد كدا لقيته ماشي ورايا .. ولو بصيتي دلوقتي من البالكون هتلاقيه واقف تحت البيت !!
نبيلة تذهب الي البالكون وتنظر منها فتجد رجل رفيع اسمر اللون وطويل القامة ويرفع نظره الي بالكون الشقة
نبيلة .. رفيع وطويل ولونه اسمر ؟!!
سلوي .. ايوا ولابس تي شيرت ابيض
نبيلة .. ودا بيراقبك ليه با بنتي ؟!!
سلوي .. معرفش
نبيلة .. طب اكلم ابوكي يروح يشوف ايه حكايته
سلوي .. لا بلاش بابا .. لا يكون مجرم تبع الراجل اللي لقيته في الشقة ولما بابا يكلمه يئذيه ولا حاجة
نبيلة .. خلاص .. كلمي الرائد عصمت الاسيوطي هو ادالك الكارت بتاعه وقالك كلميني في اي وقت .. كلميه خليه يجي يشوف حكايته ايه لا يكون ناويلك علي شر يا بنتي
سلوي .. عندك حق انا بدأت اخاف .. انا اكلمه
ثم تشعر بألم في بطنها مفاجئ
سلوي .. اه
نبيلة .. مالك يا سلوي؟!
سلوي .. مش عرفة .. الم مره واحده في معدتي وعايزة ارجع !!
سلوي تجري مسرعة نحو الحمام ونبيلة مندهشة ..
رواية السر الدامي
