رواية السر الدامي
البارت السابع عشر
للكاتب المصري محمد مالك
جميع الحقوق محفوظة
وتموت بسمه داخل المستشفي بعدها تعود سلوي الي شقة الزوجيه وهي شقة المرحوم منير ولا تعود الي المستشفي وتتصل بها امها نبيلة علي المحمول لتطمئن عليها
نبيلة .. ايوا يا بنتي .. انتي فين ؟!!
سلوي .. انا في شقتي يا ماما
نبيلة .. شقتك !! قصدك شقة منير ؟!!
سلوي .. ايوا
نبيلة .. بتعملي ايه هناك يا بنتي ؟!! وازاي تروحي هناك لوحدك ؟!!
سلوي .. قلت ابص ع الشقة وبعدين قررت اني ارجع فيها خلاص
نبيلة .. ترجعي فيها ازاي وانتي لسة تعبانه ؟!! انتي المفروض ترجعي هنا علي المستشفي !!
سلوي .. انا قلتلك يا ماما اني خلاص بقيت كويسة
نبيلة .. طب واللي يقعدك في شقة المرحوم جوزك وانتي عرفه ان قعادك فيها بقي خطر عليكي ؟!!
سلوي .. ما الرائد عصمت امنها كويس يا ماما .. يعني اقعد فيها وانا مطمنه
نبيلة .. ولو .. انا هفضل قلقانه عليكي طول ما انتي قاعدة هناك .. خلاص يا بنتي لو مش عاوزة ترجعي المستشفي تاني ارجعي بيت ابوكي احسن علي الاقل أأمن من عندك واهو تبقي تحت عنينا
سلوي .. يا ماما قلتلك متخافيش .. انا هنا في امان برضوا
نبيلة .. اسمعي كلامي يا بنتي متخليش قلبي يبقي واكلني عليكي
سلوي .. حاضر يا ماما
نبيلة .. ربنا يحافظ عليكي يا حبيبتي .. لا اله الا الله
سلوي .. محمد رسول الله
سلوي تغلق الخط وفجأة يرن عنتر وسلوي ترد بلهفه وكأنها تنتظر تلك المكالمة
سلوي .. الو .. انت فين يا حيوان من الصبح ؟!!
عنتر يغضب .. الله .. الله .. الله .. وليه الغلط دا بقي ؟!!
سلوي .. والله كلمة حيوان دي كمان خساره فيك !! علي الاقل عنده رحمه وشفقة عنك
عنتر .. ماشي ولا يهمك انا مؤدب ومش هرد عليكي برضوا
سلوي .. انا عاوزه اعرف جالك قلب ازاي تقتل بسمه طليقتك ؟!!
عنتر ..هي بسمه اتقتلت ؟!!
سلوي .. انت هتستعبط ؟!! بسمه حكتلي علي حاجة قبل ما تموت وقالتلي انك قتلتها انت وواحد اسمه عبيد واخدتوا منها البنت وشنطة الفلوس وهربتوا
عنتر .. محصلش كدابه .. تثبت ان كانت ان كان دا حقيقي
سلوي .. تثبت ازاي بقي ؟!! ما خلاص ماتت
عنتر .. بسمه ماتت !! زعلتيني بجد .. الله يرحمها بقي برحمته الواسعه
سلوي .. اهي اخدت جزاتها عشان خانت العهد وامنت لواحد زيك يبيع ابوه عشان الفلوس .. البنت فين ؟!!
عنتر .. في الحفظ والصون
سلوي .. طب انا عايزاها
عنتر .. وماله .. دا حتي ربنا امرنا نرد الامانات الي اهلها .. ودي امانه ومن حقك تاخديها
سلوي .. خلاص تقابلني الساعة ٦ في نادي الاسمنت ومعاك البنت
عنتر .. تمام وتجيبي معاكي مليون جنيه
سلوي .. ايه ؟!! مليون جنيه !! انت مش واخد ١٠٠ الف جنيه ؟!!
عنتر .. ايوا .. بس عدم لا مؤاخذه البنت دي شكلها وراها سر كبير وخطير .. وشكل الطلاسم اللي مكتوبه علي جسمها دي خريطه توصل لكنز كبير اوي!!
سلوي .. طلاسم !! طلاسم ايه ؟!!
عنتر .. في كلام مش مفهوم ورسومات علي جسم البنت .. هو انتي ما شوفتهاش ولا ايه ؟!!
سلوي .. لا ما شوفتهاش !!
عنتر .. يا سلام !! ما تجيبي من الاخر وتقليلي البنت دي حكايتها ايه بالظبط ؟!!
سلوي .. شئ ميخصكش
عنتر .. خلاص براحتك .. بس لو عايزة البنت تجيبي معاكي المليون جنيه
سلوي .. وانا اجيبلك منين مبلغ زي دا دلوقتي ؟!!
عنتر .. ليه هو انتي مش ورثتي ملايين من ورا المرحوم ؟!
سلوي .. انا لسه ما اخدتش مليم احمر .. اجراءات اعلان الوراثه اتوقفت بسبب الحمل بتاعي
عنتر .. اها .. طيب وماله تكتبيلي شيك بالمبلغ يستحق الدفع بعد ما تولدي بالسلامه وتاخدي نصيبك الشرعي
سلوي .. ماشي انا موافقة
عنتر .. وياريت تنسي الكلام اللي قالتهولك بسمه عشان ميصدعش دماغك !!
سلوي .. ما حدش قالك انك سافل وحقير لدرجه ملهاش حدود ؟!!
عنتر بسخرية .. هههههه ..وماله مقبولة منك يا جميل .. الي اللقاء سلام
سلوي تغلق الخط وفجأة تتصل بها امها نبيلة مره اخري
سلوي .. ايوا يا ماما .. قلتلك جاية خلاص ؟!!
نبيلة .. انا مش بتصل بيكي عشان كدا يا بنتي سلوي .. في ايه تاني ؟!!
نبيلة .. اهل المرحوم جوزك رافعين قضية نسب بيطعنوا فيها علي نسب الجنين اللي في بطنك وبيقولوا انه مش ابن منير الله يرحمه
سلوي .. ايه ؟!!
تابعوني والبارت التالي.. تحياتي الكاتب والسيناريست المصري محمد مالك .
