رواية السر الدامي
البارت الحادي عشر
للكاتب المصري محمد مالك
وتذهب سلوي الي شقة بسمه وبمجرد ان تفتح بسمه لها باب الشقة تجد علامات الحزن والصدمه علي وجهها
بسمه .. باين علي لونك مخطوف اوي !! انا اسفه انا السبب
سلوي .. لا في موقف تاني حصلي دلوقتي ضايقني اكتر واكتر !!
بسمه .. موقف ايه ؟!!
سلوي .. بعدين احكيلك عليه .. المهم دلوقتي اتصلتي ب عنتر ؟!!
بسمه .. ايوا
سلوي .. البنت معاه فعلا ؟!!
بسمه .. ايوا للأسف جه في الوقت اللي انا مش موجوده فيه وشاف البنت واخدها ومشي !!
سلوي .. الواطي الندل .. انا كنت متأكده انه يعمل كدا !! وطبعا قالك خطفها ليه اكيد ؟!!
بسمه .. بيقول ان عنده فضول وعايز يعرف حكاية البنت دي ايه بالظبط ؟!! دا مفكر اننا خاطفينها وعاوزين فيها فدية ؟!!
سلوي .. دا مش واطي وحقير وبس !! لا دا غبي كمان ؟!! من الاخر قالك عاوز ايه بالظبط ؟!!
بسمه .. عاوز ١٠٠ الف جنيه ويرجع البنت
سلوي .. ولو مدفعتش ؟!!
بسمه .. هيسلمها لقسم البوليس ويحكلهم علي كل حاجة !!
سلوي .. وهتموتي عشان ترجعيله !! علي ايه يا خايبة ؟!!
سلوي تنوي الانصراف
بسمه .. استني .. ارد عليه اقله ايه ؟!!
سلوي .. قليله منك لله . . سلوي هتدفعلك الفلوس كمان يومين
سلوي تخرج من الشقة وبسمه تغلق الباب وعلامات الفرحه تبدوا علي وجه بسمه تتصل فورا بالمحمول علي عنتر
بسمه .. الو .. اه يا حبيبي .. زي ما توقعت بالظبط .. هتدفع الفلوس كمان يومين .. احييك علي دماغك الجباره وافكارك الشريرة يا عنتورتي .. قلي بقي مش ناوي ترجعني لعصمتك يا حبيبي ؟!! احنا ملناش غير بعض يا قلبي .. انت حماده وانا توتو .. يلا بقي شكلنا هنبقي عصابة حماده وتوتو اليومين اللي جايين !!
سلوي تقف في عرض الطريق تشاور لتاكسي يمر من امامها .. التاكسي يقف وتركب سلوي .. السائق يبدوا علي ملامحه الشر
السائق .. علي فين يا مدام ؟؟
سلوي .. وديني المهندسين من فضلك
السائق .. عنيا ..
سلوي تلاحظ ان السائق يسير في غير الاتجاه الصحيح
سلوي .. انت رايح فين ؟!! مش هو دا الطريق ؟!!
السائق .. لا ماانا هاخد اخواتي البنات في الشارع الجاي دا .. معلش هعطلك دقيقتين يا مدام
سلوي .. لا يا سيدي ولا يهمك .. بس بسرعة الله يخليك
السائق .. اهم واقفين هناك اهم
نري سيدتان بديناتان تبدوا علي وجههما ملامح الشر والاجرام تركب احداهما من الناحية اليمين والاخري من الناحية الشمال حتي تصبح سلوي محصورة بينهما .. سلوي تتعجب من هذا الفعل
سلوي .. ايه يا جماعة حشرتوني بينكم كدا ؟!! طب كانت واحده فيكم قعدت قدام ؟؟!!
احدي السيدات .. اسكتي يا بت متتكلميش خالص
سلوي .. ايه بت دي ؟!! احترمي نفسك من فضلك !!
السيدة .. بس يابت اخرصي احسنلك
سلوي .. انتوا مين ؟!! اقف نزلني هنا .. بقلك اقف
السيدة الاولي.. بقلك اسكتي بقي يا شيخة ..
تحاول ان تضع منديلا به ماده مخدره علي فمها وسلوي تقاوم
السيدة الاولي .. امسكيها يا نعمه
وتمسكها نعمه بكل قوة فتقيد حركتها فتتمكن منها السيدة الاولي وتضع المنديل علي انفها وفمها فتستنشق سلوي المخدر الموضوع في المنديل فتنام علي الفور !!!
الاحداث اخذت طريقا اخر ومفاجآت مثيرة بالبارت التالي .. تابعوني ..
