رواية السر الدامي
البارت العشرون
للكاتب المصري محمد مالك
جميع الحقوق محفوظة
وتذهب سلوي الي منزل الزوجيه وهي شقة منير وتجلس علي كرسي في منتصف الصالة يدور في داخل عقلها هذا الحديث
( بقي كدا يا منير تروح وتسيبني من اول يوم جواز وتسيبني غرقانه في بحر من الالغاز والحيره والخوف !! يا تري ايه السر اللي كنت مخبيه عني ؟!! وايه حكاية البنت دي ؟!! يا تري فعلا دي بنتك ؟!! ولو مش بنتك دي بنت مين بالظبط ؟!! والناس اللي بتدور عليها دي عاوزة منها ايه ؟!! والفلوس دي كلها اللي لقتها في حسابك جبتها منين ؟!! وليه قتلوك ؟!! ياااااه اسئلة كتير وملهاش اجابة !! وبعدين طيب!! انا الاقي فين بس اجابات الاسئلة دي كلها ؟!! ياربي علي الحيرة !!)
وفجاة تلمح بطرف عينيها كسر في الحائط المقابل ويبدوا كأنه به شئ ما محشور بداخله فتنهض من علي الكرسي التي كانت تجلس عليه وتتوجه نحو الحائط وتتحسس بيدها علي مكان هذا الكسر فتجد ان هذه المنطقة مهروله تسقط منها المونه بمجرد لمسها فيظهر كيس بداخله فتشد الكيس فتجده عباره عن ملف من الورق موضوع داخل هذا الكيس
سلوي متعجبة .. ايه دا ؟!!
ونذهب الي دبور ذراع فاروق الايمن حيث قد ذهب بصحبة ثلاث رجال الي منزل ثريا خالة سلوي وبعد ان طرق الباب فتحت ثريا
ثريا .. نعم اي خدمه ؟!!
دبور يختلس النظرات داخل الشقة
دبور .. مساء الفل يا مدام .. احنا شركة التليفون .. جاتنا شكوي ان الحرارة مقطوعة
ثريا .. لا للأسف انا معنديش تليفون ارضي
دبور .. اها .. مش دي شقة المهندس احمد سامي ؟!!
ثريا .. ايوا هي .. بس احنا معندناش تليفون ارضي !!
دبور .. امال مين اللي بلغ الشركة من عندكم ان الحرارة مقطوعة ؟!!
ثريا .. بقول لحضرتك احنا معندناش تليفون ارضي ومحدش قاعد في الشقة غيري اصلا .. جايز اللي بلغ حضراتكم يقصد عنوان تاني !!
دبور .. اللي بلغنا وصف العنوان علي هنا !!
ثريا .. وانا بقول لحضرتك محدش بلغ لأني اصلا معنديش تليفون ارضي !!.. اتأكد حضرتك من الاسم والعنوان كويس .. بعد ازنك
ثريا تريد ان تغلق باب الشقة ولكن دبور يمنعها
ثريا .. من فضلك عايزه اقفل الباب !!
دبور .. ثواني بس الكلام اخد وعطا !! انتي متاكدة ان حضرتك معندكيش تليفون ارضي ؟!!
ثريا .. وبعدين معاك ؟!! .. من فضلك اتفضل بقي مع السلامة عايزة اقفل الباب
وفجاة يسمع دبور صوت الطفلة تبكي من داخل غرفة ما فيدفع ثريا بكل قوة وتسقط علي الارض
دبور .. اهي الحرارة جت .. سامعين ؟!
ثم يدخل الغرفة ويحضر الطفلة
ثريا تتألم .. اه .. انت مين ؟!! وسيب البنت دي بقلك !!
دبور .. اخرصي لأجيب اجلك يا ولية .. يلا بينا يا رجاله
وبمجرد ان يفتح باب الشقة يجد امامه الرائد عصمت ورجاله يصوبون نحوهم مسدساتهم
عصمت .. استني عندك انت وهو
دبور .. بوليس !! رحنا في داهية ؟؟؟؟!!!!
تابعوني والبارت التالي .. تحياتي ..
