رواية السر الدامي
البارت الثالث عشر
للكاتب المصري محمد مالك
جميع الحقوق محفوظة
ويتم نقل سلوي وهي في حالة حرجة الي احد المستشفيات بعد ان تم العثور عليها ملقاه في نهر الطريق والاطباء يحاولون انقاذ حياة الجنين والام ووالد سلوي وامها ينتظران بالخارج في حالة يرثي لها ثم يأتي اليهم الضابط عصمت
عصمت .. ايه اللي حصل يا جماعة ؟!
نبيلة ام سلوي .. لقيوها في الشارع مغمي عليها وغرقانه في دمها !! .. يا قلب امك يا بنتي
مصطفي .. انا بنتي حياتها في خطر حقيقي وانتوا مش عارفين تحموها يا سيادة الرائد !!
عصمت .. احنا بنعمل اللي علينا يا استاذ مصطفي وحضرتك عارف دا كويس لكن الخطر اللي حوالين مدام سلوي احنا مش عارفين ايه سببه ولا ايه مصدرة لحد دلوقتي ؟! لكن اوعدك اننا هنكشف الغموض دا في اقرب وقت
مصطفي بغضب .. امتي يا سيادة الرائد ؟!! بعد ما اكون خسرت بنتي الوحيدة !! لو مش عارفين تحمونا وتحموها قولولي وانا اتصرف
عصمت .. لا احنا عارفين نحميكم كويس لأن دا واجبنا ناحيتكم بس بنتك لازم تساعدنا شوية عشان ننجح في حمايتها
نبيلة .. وهتساعدكم ازاي يابني ؟!!
عصمت .. انا حاسس ان مدام سلوي مخبيه عننا حاجة !! اهي هي انا مش عارف ؟!!بس الحاجة دي ليها علاقة بقتل منير جوزها
نبيلة .. وهي هتستفاد ايه بس انها تعمل كدا ؟!! بالعكس هي عايزاكم توصلوا للي قتلوا جوزها غدر عشان ياخدوا عقابهم بالقانون
ثم يخرج الطبيب من حجرة العمليات
نبيلة بلهفة شديدة .. طمني علي بنتي يا دكتور ؟
الطبيب .. الحمد لله قدرنا نتقذ الجنين رغم النزيف الشديد للأم !!
عصمت .. هي ايه اللي حصلها بالظبط ؟!!
الطبيب .. واضح انها تعرضت للأعتداء بالضرب علي منطقة البطن ودا عملها نزيف شديد وكان ممكن طبعا يسببلها اجهاض ويعرض حياتها للخطر .. لكن الحمد لله قدرنا نوقف النزيف ونحافظ علي حياة الام والجنين
الام .. الف حمد والف شكر ليك يارب .. طب ممكن ادخل اشوفها ؟
الطبيب .. لا الزيارة ممنوعه عنها انهارده .. معلش سيبوها ترتاح انهارده وبكره ان شاء الله ممكن تشوفوها عادي .. حمد الله علي سلامتها
الطبيب ينصرف والام والاب تبدوا عليهم مظاهر السعادة والفرح اما عصمت تبدوا عليه الحيرة الشديدة يريد ان يعرف من هم الذين اعتدوا عليها بالضرب ؟!!
عصمت .. طب انا هستأذن دلوقتي .. وبكرا ان شاء الله هبقي اجي اعرف منها ايه الحكاية .. بعد ازنكم
الام .. اتفضل يابني .. يا ما انت كريم يارب ..
مصطفي .. الحمد لله
ونذهب الي جمالات عمة منير حيث زارها اخوها رشاد عم منير بعد ان علم ان سلوي حامل
رشاد .. صحيح الكلام دا يا جمالات .. سلوي مرات منير حامل بجد !!
جمالات .. متقلش كلمة حامل بس !! هي كلها ليلة قضاها معاها وفي الصبح اتقتل !!
رشاد .. يعني ايه ؟!! هي حامل ولا مش حامل يا جمالات ؟!!
جمالات .. حامل .. بس مش من منير ابن اخوك !!
رشاد.. استغفر الله .. ايه الكلام اللي بتقوليه دا يا جمالات بس ؟!!
جمالات .. زي ما بقلك كدا
رشاد .. الكلام دا خطير يا جمالات !!
جمالات .. وانا عرفة بقول ايه كويس يا رشاد
رشاد .. وايه دليلك عليه ؟!!
جمالات .. في واحدة تحمل من ليلة ؟!! ليه يعني !!
رشاد .. عادي .. بتحصل كتير اوي
جمالات .. لا .. مين قال الكلام دا ؟!! وبعدين انا البنت دي مش مرتحالها .. دي قابلتها في الشارع لابسالي ملون ولا باين عليها حزن ولا عنيها دبلانه من العياط علي جوزها اللي اتقتل ولا اي حاجة ؟!! وكانت بتكلمني بكل بجاحة ولا كأن اللي مات دا كان جوزها اصلا
رشاد .. الحزن في القلب يا جمالات
جمالات .. لا يا اخويا .. دي مش فارق معاها خالص !! ومش بعيد تكون هي اللي ورا قتل منير ؟!!
رشاد .. يا ساتر يارب .. هو انتي عايزة تجيبي للبنت مصيبة وخلاص ؟!!
جمالات .. بقلك انا مش مرتحالها من ساعة ما شفتها وباين عليها بنت لئيمه كدا والعبان وبحرها غويط !!
رشاد .. انا مش عارف اقلك ايه بس يا جمالات ؟!!
جمالات .. انت متقلش حاجة .. انا اللي اعرف اتعامل مع الاشكال دي كويس .. قال حامل قال !!
ونعود الي سلوي خيث تصر علي الخروج من المستشفي وامها تمنعها
الام .. تخرجي ازاي بس يا بنتي ؟!! انتي لسة تعبانه .. والدكتور قال لازمك راحة في السرير لمدة اسبوعين
سلوي .. لازم اخرج حالا يا ماما
الام .. عاوزة تروحي فين طيب ؟!! قليلي عاوزة تعملي ايه وانا اعملهولك !!
سلوي .. مينفعش .. لازم اعمل المشوار دا بنفسي
الام .. مشوار ايه دا يابنتي اللي عاوزة تروحيه وانتي تعبانه كدا ؟!!
سلوي .. مشوار ... مشوار يا ماما وخلاص
الام .. هي ايه الحكاية بالظبط يا سلوي ؟!! في ايه مخبياه عننا ؟!!
سلوي .. وانا هخبي ايه يعني ؟!!
الام .. لا انتي مخبية حاجة !! وكدا الظابط عصمت عنده حق في كل اللي قاله
سلوي .. عصمت !! ماله عصمت ؟!!
الام .. كان هنا امبارح وقال انه حاسس انك مخبيه حاجة .. واحساسه طلع صح اهوه
سلوي .. لا احساسكم دا غلط من اساسه .. لأنه مفيش حاجة اصلا عشان اخبيها
الام .. طب عاوزه تخرجي تروحي فين ؟!!
سلوي .. ولا عاوزة اخرج ولا عاوزة حاجة خالص .. اديني قاعدة اهوه يا ماما ......
تابعوني والبارت التالي بعد قليل .. تحياتي ..
