رواية السر الدامي
البارت الثاني عشر
للكاتب المصري محمد مالك
تستيقظ سلوي من البينج لتجد نفسها مقيدة اليدين والقدمين داخل مخزن اسمنت وامامها رجل يجلس علي كرسي يرتدي بدلة زرقاء ويدخن سيجار طويل وخلفة اثنان من البودي جاردات
سلوي تنظر حولها في دهشة ثم تقول
سلوي .. انا فين ؟!! وانتوا مين ؟!!
الرجل يضحك بسخرية .. هههههه .. اسئلة غبيه من انسانه ذكية لأنك عرفة ومتأكدة اننا لا هنقلك انتي فين ولا احنا مين !! الدور عليا انا بقي عشان اسألك .. فين البنت والظرف اللي سابهملك منير قبل ما يموت ؟!! قصدي قبل ما يتقتل
سلوي .. انا معرفش حاجة ومنير ما سابليش حاجة قبل مت يموت
الرجل .. اها .. بقي كدا ؟!! بس علي فكره عمري ما سألت سؤال الا ولازم يتجاوب عليه !! وهعتبر انك ماسمعتيش السؤال كويس عشان كدا هعيدهولك بكل هدوء .. فين .. البنت .. والظرف .. اللي سابهوملك .. منير .. قبل .. ما يموت؟!!
سلوي .. وانا قلتلك منير ما سابليش حاجة قبل ما يموت .. وفكوني دلوقتي حالا وسيبوني امشي .. الا واقسم بالله مش هيحصلكم كويس
الرجل ..هههههه.. انتي فاكره حتة الواد الظابط اللي ماشية معاه اليومين دول هيحميكي مننا ؟!! دا انتي تبقي غبية بجد !! مفيش حاجة هاتنقذك من ايدي غير انك تسلميني البنت والظرف يا حلوه
سلوي .. صدقني لو اعرف حاجة عن اللي انت بتتكلم عليه دا انا كنت جاوبتك علطول .. انا معرفش انت بتتكلم عن ايه اصلا ؟!!
الرجل ينظر الي رجاله قائلا .. عنيدة مش كدا ؟!!
البودي جاردات تهز رأسها بنعم
الرجل .. طب مش انتم عارفين العنيد بنعمل فيه ايه ؟!!
البودي جاردات بصوت واحد .. ايوا يا ريس
الرجل بعصبيه شديدة .. طب مستنين ايه يا بهايم ؟!! لينوا دماغ الحلوة
سلوي ترتجف خوفا وتظن انهم فاعلين بها شيئا
سلوي .. انتوا هتعملوا ايه ؟!! محدش يقرب مني .. فاهمين ؟!
البودي جاردات تتوجه نحو سلوي .. احدهم يمزق ملابسها من اعلي فينكشف جسدها وسلوي تقاوم بكل ما لديها من قوة
سلوي .. ابعد عني يا حيوان انت وهو .. اه يا سفلة يا ولاد الكلب
الرجل يصفر في صفارة .. ستوب
فيتوقف البودي جاردات عن الاعتداء علي سلوي
الرجل .. اه .. هتقولي الحاجة فين ولا تكمل الماتش للنهاية ؟! حكم انا مزاجي اشوف الجون وهو داخل في الشبكة !!
سلوي .. انت سافل يا وحقير !!
الرجل .. ليه بس كدا يا حلوة ؟!! دا انا وقفت الماتش عشان اديلك فرصة تراجعي نفسك وتقليلي خبيتي فين البنت والظرف
سلوي .. الله يحرقك يا شيخ !! قلتلك معرفش حاجة عن اللي انت بتقوله دا وخليك راجل وابعد كلابك عني وفكني وخليني اروح لحال سبيلي احسنلك
الرجل يقترب من سلوي وينزل الي الارض ويصبح وجهه قريبا من وجهها تماما
الرجل .. دي اخر اجابة عندك ؟!!
سلوي .. لأني معنديش اجابة علي سؤالك غيرها
الرجل .. اها .. شكلي هتفرج علي ماتش سخن اوي والاجوان ( ثم ينظر الي البودي جاردات خلفة ) هتقطع الشبكة !!
سلوي تفهم مقصدة فتغضب ثم تبصق علي وجهه مما تثير غضب هذا الرجل فينفعل احد البودي جاردات قائلا
البودي جارد .. انتي عملتي ايه يا حقيره ؟!!
ثم يركلها بقدمه في بطنها عدة ركلات قوية ومتتالية
سلوي تتألم ويبدوا انها ستفقد وعيها
سلوي .. ليه حرام عليك دا انا حامل !!
سلوي تفقد وعيها وتنزف من اسفل والرجل يلاحظ ذلك فينفعل بشدة فيصفع البودي جارد علي وجهه بقوة قائلا
الرجل .. انت عملت ايه يا حيوان ؟!! انا مش عاوزها تموت يا متخلف !!
الاحداث اشتعلت اكثر .. تابعوني والبارت التالي بعد قليل .. تحياتي ..
