رواية السر الدامي
البارت الرابع عشر
للكاتب المصري محمد مالك
جميع الحقوق محفوظة
واثناء ما بسمه في منزلها فجأة يرن جرس الباب فتفتح فتجد سلوي امامها
بسمة .. سلوي !! انتي خرجتي من المستشفي ازاي وانتي لسة تعبانه ؟!!
سلوي .. خرجت مع نفسي من غير حد ما يحس بيا وراجعه تاني علطول
بسمه .. وليه تخاطري بصحتك وانتي بالحالة دي ؟!!
سلوي .. عشان اجيب للزفت طليقك الفلوس اللي طالبها .. الفلوس اهه والبنت ترجع انهارده .. سامعه ؟!! ومتدلوش الفلوس غير لما يسلمك البنت الاول .. اتفضلي
بسمه . طب كنتي استني لما تخرجي بالسلامه !!
سلوي .. طول ما البنت مع الحقير دا انا مش هكون مرتاحة ولما البنت ترجع اتصلي بيا علطول .. وانا لما اطلع من المستشفي هاخدها منك
بسمه .. ليه هو انتي مش هتخليها عندي هنا ؟!!
سلوي بسخرية .. ما هي كانت عندك ومحافظتيش عليها وادي النتيجة !!
بسمه .. ما انا قلتلك يا سلوي ان اللي حصل دا مكنتش اقصده
سلوي .. مالوش لزوم الكلام دا خلاص .. انا هودي البنت في مكان تاني أأمن من عندك لحد ما اعرف ايه حكايتها بالظبط .. سلام
بسمه .. مع السلامه
بسمه تغلق باب الشقة بعد انصراف سلوي تجري مسرعة ناحية كرسي الانتريه وتجلس عليه وتفتح الشنطه فتجد بها رزم الفلوس تمسك رزمه وتقربها الي انفها وتشمها بأستمتاع وفرح شديد وتقول
بسمه .. الله .. ريحتكم حلوه اوي يا مطاعين !!
ثم تمسك التليفون المحمول وتتصل علي عنتر
بسمه .. ايوا يا حبيبي .. الفلوس جت اهه .. ايوا والله العظيم مش بضحك عليك هبعتلك صورة الرزم ع الواتس حالا .. يلا بقي هات البت وتعالي انا مستنياك .. بقلك ايه هات معاك المأذون زي ما وعدتني .. بجد ؟!! هتردني لعصمتك يا حبيبي ؟! .. طب يلا متتأخرش .. باي
بسمه تنظر الي الفلوس وتقول .. يا حلاوتكم يا حلاوتكم
ونذهب الي سلوي التي عادت الي المستشفي ودخلت الي غرفتها فتفاجأ بالضابط عصمت امامها
سلوي .. كابتن عصمت !!
عصمت .. كنتي فين يا مدام سلوي ؟!!
سلوي ترتبك .. انااا .. انا نزلت المعمل عشان اعمل شوية تحاليل
عصمت .. ورحتي تعملي تحاليل بهدوم خروج بره ؟!! حضرتك مكنتيش في المستشفي اصلا يا مدام سلوي !! من فضلك ممكن اعرف كنتي فين ؟!!
سلوي .. كنت في مشوار
عصمت .. ايوا .. ايه هو المشوار دا ؟!!
سلوي .. مشوار يخصني انا.. ومش هيفيد حضرتك حاجة انك تعرف انا كنت فين
عصمت .. انا قلت لحضرتك قبل كدا ان الصغيره قبل الكبيره مهمه بالنسبه لي وهتساعدني اني اوصل للي قتلوا جوزك واللي كمان خطفوكي واعتدوا عليكي
سلوي .. ما اظنش ان المشوار اللي انا كنت فيه ليه علاقة باللي قتلوا جوزي ولا اللي خطفوني دي حاجة شخصية
عصمت .. نفسي اصدقك !!
سلوي .. يعني ايه ؟!
عصمت .. عندي احساس كبير ان المشوار اللي كنتي فيه ليه علاقة بجوزك
سلوي .. لا ابدا .. بس انت مأڤور الموضوع شوية
عصمت .. لا انا مش مأڤور الموضوع ولا حاجة .. انتي فعلا حياتك في خطر ولازم تساعديني اني احميكي
سلوي .. انا مقدره شعورك دا وعرفة انك خايف فعلا عليا وتهمك سلامتي .. بس صدقني انا من نفسي لو حسيت بقلق من ناحية اي شئ هقلك بدون تردد .. لأني الوحيدة اللي تهمها سلامتها اكتر من اي حد تاني
عصمت .. ع العموم الباب الحديد اتركب خلاص ع الشقة وكمان جهاز انذار في حالة حدوث اي كسر للباب او اقتحام للشقة لا قدر الله .. دا غير كاميرات المراقبة اللي اتوزعت في كل مكان جوة الشقة
سلوي .. انا تعبت معايا جدا
عصمت .. ولا تعبتيني ولا حاجة .. انا لسة قايلك من شوية حياتك وسلامتك يهموني
سلوي وعصمت يتبادلان النظرات
سلوي .. احم .. انا متشكرة جدت يا سيادة العقيد
عصمت .. من غير ما تشكريني .. دا واجبي وانا بئديه.. انا هسيبك ترتاحي بقي والف حمد الله ع السلامة
سلوي .. الله يسلمك
ويذهب عنتر الي بسمه ويرن جرس الباب وتفتح بسمه فتجد عنتر في حالة من الارتباك والقلق ولم يحضر البنت
بسمه .. ايه دا !! امال البنت فين ؟!!
عنتر .. الحقيني يا بسمه .. انا رجعت البيت ملقتش البنت ولقيت الشقة متبهدله ع الآخر ؟؟!!!
تابعوني والبارت التالي بعد قليل .. تحياتي ..
