رواية السر الدامي
البارت التاسع عشر
للكاتب المصري محمد مالك
جميع الحقوق محفوظة
وتأخذ سلوي الطفلة الرضيعة وتذهب بها الي خالتها ثريا فهي شابة صغيرة من سنها تقريبا حيث تكبرها بثلاث سنوات تعاني من شلل اطفال بساقيها متزوجه منذ عامان ولم تنجب اطفال حتي الآن وزوجها يعمل بالسعودية
سلوي .. ازيك يا خالتوا عاملة ايه ؟
ثريا .. ازيك يا سلوي اخبارك يا حبيبتي عاملة ايه دلوقتي ؟!!
سلوي .. انا الحمد لله كويسة
ثريا .. معلش مقدرتش اجيلك المستشفي انتي عارفة ظروفي بتحرك بالعافية
سلوي .. طبعا عارفة يا خالتوا كتر خيرك
ثريا .. وايه البيبي اللي معاكي دا !! ابن مين دا ؟!!
سلوي .. دي بنت
ثريا .. بسم الله ما شاء الله .. زي القمر .. بنت مين دي يا سلوي ؟!!
سلوي .. بصراحة معرفش !!
ثريا .. ازاي ؟!! مش فاهمه !
سلوي .. بصي يا خالتوا البنت دي انا معرفش مين اهلها ولا حكايتها ايه !! بس اللي انا متأكده منه ان البنت دي وراها سر كبير اوي وفي ناس انا معرفهاش بتدور عليها وعايزة توصلها بأي طريقة !!
ثريا .. طب انتي مين اديهالك او قابلتيها ازاي ؟!!
سلوي ..دي جابهالي منير في اليوم اللي اتقتل فيه ووصاني اخلي بالي منها ومهما حصل محدش يعرف انها معايا ولما حاولت اعرف ايه حكايتها كان السر الالهي خرج وملحقش يقول !!
ثريا .. غريب الكلام اللي بسمعه دا !! طب مش جايز تكون بنته بس هو ملحقش يصارحك بحاجة زي دي ؟!!
سلوي .. بس هو مقاليش انه متجوز !!
ثريا .. ما جايز يكون متجوز في السر او مثلا كانت بسبب غلطه مع اي واحده .. ما انتي عرفة الرجالة ملهمش امان وزي القرع دايما يمدوا لبره !!
سلوي .. مش عرفة والله يا خالتوا كل اللي انتي بتقوليه دا انا فكرت فيه بس مش قادره اوصل للحقيقة لحد الان !! انا اللي يهمني دلوقتي ان البنت دي تكون في امان وبصراحة انا مش هلاقي حد أأمن منك اسيب البنت معاه .. ايه رأيك تخلي البنت عندك فتره كدا لحد ما اعرف ايه حكايتها ؟
ثريا .. يا سلام دا انا اشيلها جوا عيوني .. دا حتي عسولة خالص كدا وهادية !!
سلوي .. تمام انا كنت متوقعة انك مش هتمانعي .. بس امانه يا خالتوا محدش يعرف انها عندك حتي ماما ولو صادفت وحد شافها عندك قولي بنت واحدة صحبتي
ثريا .. اكيد يا حبيبتي .. متخافيش دي حتي هتملي عليا البيت ما انتي عرفة ان وليد مسافر وانا قاعدة لوحدي طول اليوم لحد ما زهقت من الوحدة
سلوي .. مش هوصيكي يا خالتوا
ثريا .. في عنيا يا حبيبتي .. قلتلك متخافيش .. يا ختي اموره خالص
ونذهب الي دبور الذي يدخل وهو يلهث علي فاروق زعيم العصابة
دبور .. فاروق باشا .. خبر بمليون جنيه
فاروق .. انطق بسرعة
دبور .. الواد ميشو اللي ماشي ورا سلوي مرات منير شافها وهي واخدة عيل صغير في لفة وراحت بيه شقة في مصر الجديدة
فاروق .. ايه ؟!! يبقي دي اكيد البنت
دبور .. روح بسرعة شوف ايه الحكاية وان كانت هي البنت مترجعش من غيرها
دبور .. عنيا يا زعيم
فاروق مبتسما .. شكلها هتحلو ولا ايه ؟؟!!
تابعوني والبارت التالي بعد قليل .. تحياتي ..
