ياريت ما تتجاهلون الملاحظة مهمة الي ❤
السلام عليكم ورحمة الله وبركاته أشتقت لكم چثيراً وانني بأشد شوگي العميق لكم
يا رفيجاتي العزيزات والقوالي بالقاف
المهم
طلب وياريت تقرونه ولا تردوني وتفشلوني
جيل السبعين وحتى الاجيال الي سبقتكم الها موجه الطلب ياريت الي عنده معلومة لا يبخل عليه بيها بأمس الحاجة الها كوني اني من مواليد التسعينات فما اعرف عنها شي واهواي بقصصي احتاج معلومات عن هاي الحقبة حتى لو القصة حقيقية اتعب صاحبة القصة بسألتي عن التفاصيل الصغيرة فاريد منكم تجاوبون وياي
و على كل سؤال راح أطرحه خوش بالسؤال الجواب ياريت حتى لا اظل ادور على الجواب بين التعليقات
الكاه بالسؤال اسهل
١س:- اريد تذكرون الي اسماء مناطق بغداد لان ما اعرفها ... و اريد اسماء احياء وازقة لاني معرف بالاساس وخاصه بذيج الحقبة الثمانينات والتسعينات خاف تغير شي....
٢س:- اريد اسماء اقسام كليات متاحة من سنة ١٩٨٥ الى ١٩٩٩ في بغداد ..
٣س:- اريد اسماء موديلات القمصان من سنة ١٩٩٠ الى ١٩٩٩ مع ذكر اسم القماش
٤س:-( أ)اريد موديلات البناطير النسائية
سنة ١٩٩٠ الى ١٩٩٠ اذكرولي اكثر من موديل والتنانير ايضا خاصة للسافرات بذاك الوقت
(ب)اريد ملابس البيت شنو يلبسون مثلا
واسماء اقمشة الثياب النسائية
٥س:- اريد انواع موديلات البناطير الرجالية
(وصفهم)
٦س:-قصات الشعر النسائية من سنة ١٩٩٠ الى ١٩٩٩
٧س:- قصات الشعر الرجالية نفس الحقبة
٨س:-اسم مواصلات بغداد بذيج الحقبة
التسعينات
٩س:- اسماء اهم مطاعم بغداد او نوادي ترفيهية او رياضية بذاك الوقت من سنة ١٩٩٠ الى ١٩٩٩ كلمن تكول الي تذكرة وهي تلتم
١٠س:- كل الاحداث الاقتصادية والسياسية ياريت ما تبخلون عليه من سنة ١٩٩٠ الى ١٩٩٩ بكل تفاصيل ياريت ما تبخلون علية مو لان اريد اكتب قصة وبس لا اريد معلومات الي زيادة اطلاع الان الي اقراه بالمقالات رأس سطور اريد من الي عاش الحقبة
١١س:- وصف تصميم بعض البيوت
١٢س:- اسماء الصوبات الاثاث كلشي يخطر ببالكم كنتو تستخدموه بذاك الوقت من نهاية الثمانين الى نهاية التسعينات
١٣س:- اسماء نمنات وحلويات محلية مثل الدبسية وغيرها تعرفون وقت الحصار اكو اهواي اسماء حبشكلات اريدها
١٤س:- وتشرحون الي عن هذا الاورزدي
وشنو يباع بيه وين كان ببغداد ..
١٥:- اي تفصيل اني ناسية أسال عنه وانتم ذكرتوه اكتبو عنه اهنا واخذو راحتكم عن اي شي يخطر ببالكم
