عالمي الإفتراضي🌐💔

الحلقه الخامسه ❤5️⃣

《عالمي الافتراضي 🌐》
للكاتبه Lames monje ✍🏻
الحلقه الخامسه 5️⃣
.
.
...
..
.
• سند : واخيرا جت فرصه نشوفك عن قرب😍
• أنا : اممممم ونحيتله ايده ..حول من عليا كان يشوفنا بوي ولا جاد بيقتلوني ..
• سند : مافي حد بلا جو أنا ستحشتك نهدرزو شوي ونمشي
• أنا : انت شن تقول شن تخرف جيت بنتكلم دكرت ...كلام راما الله ياخدها
.....
• راما : شكرا تدعي عليا وانا مش معاك 😂😂
• لميس : انتي شن جابك هني هيا في خاطرها تحكي 😒
• راما : اسفه بس بالله دكريني نسبها في خاطري بعدين هههه
• لميس : باه انزرفي توا ..😂🤷🏻‍♀️
...
• أنا : حبيبي عاد والله لو يشبحونا حتي في الكليا ماعاد بتشوفني
• سند : عطيني نونو نمشي تصبيرة بس ..😍
• أنا ولاني عبيطة سالته : شن هي نونو ..بطريقه سريعة باسني قريب نحالي شفايفي لين دفيته💋 🤢
• انا : قعدت نمسح في فمي شن درت 😰🤦🏻‍♀️
• سند : درت زاي اي ثنين في علاقه وانتي حلوة هكي مستحيل نفوتها يلا باي توا😍
أنا ضربني صقع ودنيا نو خشيت نجري نغسل في فمي
خزيه ها المسخ ها الفرخ هدا الي كنت خايفه منه هذا الي يمشي وراك يا راما والله توا نوريك 😠
فجاة جتني رشا 😊
• رشا : نساعدك في حاجه
• أنا : لالا خلعتيني بس هههه لالا سلمها كملت بس كان تقدمي معاي عادي 😍
• رشا : حاظر هاتي سفرة العصير
• أنا : لالا تقيلة اني ناخدها وانتي خودي بوكس الدهب(بوكس ع شكل صفرة فيه ثلاث انوع شكلات موزارت وماكرون وبكلاوى ) 😍
• رشا : تمام
وبدينا نقدمو 😍وطريقة التقديم عجبتهم كلهم 😍
• فاطمه : لاه عليك يا رشروش تعبتي روحك
• رشا : تعبك راحه ياخالتو عادي 😍
شوي وقعدنا نهدرزو كوثر وروان وانا ورشا ولصراحه خشت قلبي بطريقه غريبه وهي في الاساس طيوبه كيف امها سبحان الله ماتقولي اخت فاطمه ..
• هانم : شن ياسميرة مش ناوية تفرحينا با سنودي
لحظة رشا وجهة تغير لون وجهها وشافت ل مرت خالها 😨
سميرة : لالا سنودي ما قالش تعرفيهم ها شباب طيشه وخلاص حاجه جدية ما شبحتش .
رشا كانت تشرب في عصير شرقت كوح كوح ..
قعدت نطبطب ع ظهرها : سمله عليك سمله
وفي داخلي (واضح يا بيناتهم علاقه يا فيه ان )
وقعدو يهدرزو وانا نضت نوتي في العشاء ع طاولت الاكل ع اساس راقين😏
ورجالة بروحهم في المربوعه الرجاله في سفرة عادية🍲🥘
ساويت ورادعت ودكرت حبوب الاسهال 😂😂 توا وقتهم حطيت ل مكان مرت بوي ورتبت السفرة ع طريقتي المهم ..مشيتلهم وناديت عليهم
• أنا : تفضلو العشاء جاهز ..
• هانم : تسلم ايديك ياغالية مشاءالله عليك سماحه وفلاحه❤
• انا : سلم خاطرك يارب صحتين مايجي قدام قدركم شيء ❤
لميس : خاطري نعرف في الواقع علاش مانعرش نرد ع الكلام الحلو وفي رواية نبدع 😂😂
وقعمزتهم كا تالي
فاطمه في راس الطاولة جنبها اختها ومرت خوها
بعدين روان جنب هانم وجنب سميرة رشا وطبعا رشا محطيتلهاش المسهل هههه ولا هانم ولا سميرة بس حظ سميرة ههههه جت بتقعمز قالت ماتتحملش تقعمز هكي حتي هي تبي تقابل سلفتها ههههه حاولت في مكان كوثر ههه وكانت كوثر صونيتها حطيت فيها مسهل 😂🤦🏻‍♀️
كولي ماعندي ما نديرلك😂جبتيه لعمرك ههههه
• هانم : وانتي يابنتي خيرك م..
• انا : حبيبتي والله عندي قرايا اعدريني ومانقدرش ناكل في ليل والله❤
• فاطمه : خليها ع راحتها ..اول مانكملو تعالي قيمي العشاء ..
• روان : هههههههههههه نظام الشغالات سعدودك ياخالتو
• هانم قرصت روان وشبحتلها 😠 : اللطف وعلاش اهو البنات يقيموهم ويغسلو ..
• فاطمه : ماهو حني نديرو بدور مرة هي ومرة انا وتوا دورها عادي ...
• أنا : ايه صح عادي متعودة ..خودو راحتكم وصحه مقدمه ..
ودخلت ال داري وقريب بنموت من معاملتها بس الي بتاكله بيبرد ناري لقيت مسج من سند 🤢
《📨..أحلا شفايف شفايفك تقول مرشميلو والبنه ووووه نتمنى نعيدوها ❤💋نحبك 》 فلقتها ضحكه هههههههه واخيرا طحت بس خزيه ع لقطه 💔
شبحت المسنجر لقيت كم مسج من راما 📨
شن صار العزوما
شن درتي
كلميني اول ما تفضي
ووو علاش ما خشتيش اليوم
....وكم مسج من نادر
سيلو ❤
وينك اليوم راني مشغول عليك
نبعثلك نعمان يسال عليك راه خههههه نديرها والله
وينك عاد اول ماتشوفي مسجاتِ ضروري تكلميني ولا وربي نجيك 😠
نستنا راه
.
.
امتى شفت مسجات نادر الله قداش فرحت شوي ونسمع في دوشة برا 😂زعما فيسع دار مفعوله هههه خلي نطلع نشوف ههه
• هانم :والله نوض نغسلهم انا مبرانية حني
• فاطمه : والله مانك ماسى حاجه انتي ضيفتي
• سميرة وهي تمضغ : عادي يا فاطمه اهو نوضو جميع فيسع فيسع نكملوهم ..
• أنا : صحه كملتٌ خالتو هانم اني حلفت ان الي نظمهم وربي مش واعرين نصهم في المكينه راه عادي قصدي
• هانم : هلبا عليك يابنتي ..
• رشا : ماما اهو بنوض معاها نساعدها ..
• روان شبحت لإختها بمعنى قعمزي في مكانك 🤨
• رشا : سيلو نوض معاك انا ومنها نهدرزو ونديرو نسكافي شن رايك ..
• أنا : ع راحتك عادي ❤سلمها
• رشا : تسلمي من كل شر
• سميرة : نوضو نحولو مدام البنات بيضمو السفرة ❤
• فاطمه : ايه هيا نخش للحمام شويا بس
• سميرة : ايه حتي انا بالله بعدك ..
أنا شدى ضحكتي مانبيش نبين 😂
وخشينا لمطبخ وكل مرة نهدرزو في حاجه وهي مقعمزة بحداية وهدرزتها تهبل لين وصلنا في سؤال ...
• أنا : رشو ممكن نسالك سوال وتجاوبين بصراحه 😊
• رشا : اني اصلا ارتحتلك اي شيء تبي تساليه ورحمه عمو مانكدب عليك ❤
• أنا اصبري نسكر باب المطبخ : علاش مبكري امتى جبدو السيرة ع سند وجهك تغير وحسيتك رعشتي 🙂
• رشا :ءء قصدك لحطتي نزلت عيونها لوطا 😔لان حبيته وضحك عليا 💔
• أنا : كككيف ..😨
• رشا : ماتستغربيش اكثر انسان وسخ شفته في حياتي
• انا : بس هوا ولد خالك 😟
• رشا : ايه ولد خالي بس شكله دم مية الي بيني وبينه 🤦🏻‍♀️💔
• انا : كيف تعرفتو كيف صار ..
• رشا نحكيلك بس بالله عليك مانبي حد يعرف
• انا : سرك في بير 🤷🏻‍♀️
• رشا : ياستي انا من لما كٌنا صغار ونمشو ل نينا نتلاقو وانا معجبه بيه وكل مرة نزيد نتعلق بيه اكثر وخاص لما ضفته ع فيس وبدينا نهدرزو 💔وهني بدت الكارثه
• انا : كان يعرف انك انتي
• رشا: ايه ولا شني ..كل يوم نهدرزو لين يوم الي عترفتله اني نحبه 🤦🏻‍♀️ وبدت العلاقه تطور وكل مانمشو لنينا نعمزو جميع وموعيد غرامية وصور لدرجة وصلنا لهلبا مواضيع ممكن مايخطروش ع بالك ..
• انا : قصدك ف...
• رشا : لاااااااااا مش لدرجة هادي قصدي يعني نصورله بال👙 وحاجات هكي لبس عراس المهم هلبا حاجات المهم في يوم كتشفت انه يخون فيا مع روان ..
• انا من صدمة طاحت صونيات الي نغسل فيهم 🤦🏻‍♀️😱: ر ر روان اخ اختك
• رشا : للاسف ايه وع اساس بسكها عركه معاه وبديت نلعلع ونجيب ونحط مسحت بكرامته الارض وقولتله نحرش فيك عمتك ونكلم امك تصدقي شن قالي
• انا : شن ..
• رشا : قالي مجرد ما تحلي فمك ل حد اعتبريني لا نعرفك ولا تعرفيني وعتبري صورك كلهم الي ع اساس يشوف فيهم ويمسح عند عيلتك واولهم خوتك وحانقولهم تبعتلي في صورها وتحاول تغريني وووو..وانا من صدمه معاتش عرفت شن نقول قولتله ماهو عندي ايميل ورسايل نديرلهم سكرين وو قالي ههههه مش مغفل انا راه باش نخليك تشديني با ايدي الي توجعني نمسح فيهم اول باول ياعمري ماهو البعيدة عليك انتي غبية وعطتيني ايميلك 😊🤷🏻‍♀️...وكانت اول صدمه ليا وماعاتش فهمت كيف نتصرف
• انا : كم ليه هالكلام ..
• رشا :تقريبا 8\9شهور شيء كيف هكي
• انا : باه وروان ..
• رشا : روان مايقدرهاش لان تربي فيه الي تبيه حاظر بس لما عرفت انه عبيط وانه يكلم في هلبا طيراته 🤷🏻‍♀️
• أنا : صحه ليديها 👏🏼 هكي صح
• رشا : ومن يومها مش قادرة نتعامل مع حد خايفه
• انا : قاعد يهدد فيك ..
• رشا : ايه 💔
• انا : نقولك حاجه بس وربي لو نسمع تكلمتي نقتلك
• رشا : كان ندير في فايدة ولا نعرف نعاود راهو مش هذا حالي احكي احكي..
• أنا : راح ناخد بثارك منه وحا نتوبه ..
• رشا : ماتقوليلي انتي ليك علاقه بيه بالله عليك ردي بالك تقوليله ع ان قولتلك وراسك
• انا : ابعدي ياغبية شن بنقوله امسحي دموعك وبلا خوف زايد ..حتي اني يهدد فيا بس مش كيفك انا من زمان يحاول بس ...وحكتلها الي صار
• رشا : نهارك بس يستاهل بس قداش ليه الموضوع
• انا : تقريبا ثلاث اسابيع ويستر الله لتوا نحس فيه قربت 🤪🙃
• رشا : ردي بالك ع روحك راه الي مايخافش ع عرضه مش حا يخاف على بنات الناس وانا حدرتك
• انا : أنا قدها ان شاءالله واحني قاعدين نهدرزو نسمعو في وسط الحوش 😂🤷🏻‍♀️
( والله الا اني قبلك وفيه جري وبوف طلعنا انا ورشا خط واحد 😂😂🤦🏻‍♀️لقيناهم كلهم شادين باب الحمام وكوثر بتسيخ من ضحك وروان تضرب فيها 😂😂خالتي هانم بتموت ع فاطمه وهي تنقز تبي سميرة تطلع من الحمام 😂😂😂😂وانا وين تلقوني وانا نشبح فيهم هكي وين البرستيج ولا الا في الحمام مافيها برستيج 😂😂😂طلعت سميرة دفتها فاطمه هانموت يا عن فيتك وانا ورشا طايحات من ضحك وهانم لما شبحتنا هكي بدت تضحك ع ضحكنا هههههههه رجاله امتى سمعو العياط وضحك والدوشه معاتش فهمو بوي يجري بالمياة السخونه وهانم تقوله تحسابها بتجيب رد المية وجيبلها مية وليم وخو فاطمه يجري بسميرة ناخدك لدكتور وهي مسكينه تقول لالا خلاص هدت بطني شوي وتبدا تلود في دار هههههههياربي اني خلاص بنموت ..
• بوي : شن كليتو وعلاش انتو بس صارلكم هكي😠😠
• سعد خو فاطمه : نوضو ناخدكم ل مستشفى
• فوزي راجل هانم : هي نوضو خلي يشوفولكم حل بتقعدو ماشين جاين غر ع الحمام وهو يقولها واحني نفلقوها ضحك ثاني لين ماقدرنا نوقفو ع رجلينا انا ورشا ومعانا كوثر وكأن سكرنات مافينا حيل😂😂😂
سند وجاد يشبحولنا وهما شادين ضحكتهم وانا خلاص نمرد لداري باش نبطل ضحك لان بوي يشبحلي في شبحات يالطيف وانا امتى تجيني هستريا مادورنيش لان مش حانوقف 😂😂😂🤦🏻‍♀️
• هربت لداري لين جتني رشا
• رشا : اهو مروحين وهدوكا خدوهم للمستشفى يوقفولهم الاسهال 😂😂😂
• انا : باتي عندنا علاش تروحي
• رشا : غدو جامعه وامي مرات ما ترضاش
• انا : اهو نكلمها كٌليتنا وحدة وخودي توتا من عندي ولا من كوثر وتم الموضوع ..
• رشا : ما نندري نوضي حاولي معاها ..
• أنا :حاولي اهو نمشيلها وكلمتها وقالتلي عادي بس غدو من الجامعه للحوش مش ترجعي اهني ...رجعنا للمطبخ وكملنا ضمانه وكل ماندكرو منظرهم نعاودو نرجعو نضحكو ..
لين جت مرت بوي هاجمه عليا ماتحسابش رشا قاعدة عندنا وشدتني من شعري وبدت فيا ضرب انا ديرلي هكي يامسخة ما تحشميش قريب قتلتيني
• انا : شن الي درتلك والله ما درتلك حاجه...
• فاطمه : نعرفك مسمومه وديريها علاش صابيتلنا مسهل
• انا : والله ماصبيتلك حاجه ماهو كلهم كًلو وقدامكم صبيت الشربه علاش انتي بس
فاطمه ضربتني كف وقدام بوي : نعرفك ديريها مسمومه كيف امك 🤨😠
• شعلت فيا نار : شديتها من وجها ومن تحت سنوني وعيوني قريب يطلعو وضوفري مغروسين في وجهها : أمي هادي ماتجي وسخ ضوفرها يا ...
• بوي : أسيييييل 😠
• انا : هذا حافظ غر اسمي لكن مرتك لا حسيب لا رقيب خودها من عليا ولا ربي الي داساته سنين فاتو نطلعه فيها اليوم
• فاطمه : شبحت ولا بنتك الفانص كيف ترد ف دوة ..جيت بنجيها بس جتني رشا من تالي وشدتني ..
• فاطمه بصدمه😨: ش ش شن ديري هني مش روحتو
• رشا : حتي اني بتلزيني ياخالتي 😏لالالا قعدت مع سيلو ...سيلو تعالي معاي للمطبخ تاني نبيك ..
وجبدتني ومشيت للمطبخ وبوي جبد مرته وسكت ممكن لان لقاء عندي الحق ولا لان المرة هادي عرف اني نديرها ونضربها مرته ومش حانخاف 💔
المهم كملنا المطبخ وخدينا حاجه نسهرو عليهم في داري وطبعا كوثر لهية في حبيبها مش معانا بكل 🤷🏻‍♀️😊
وقعدنا طول ليل نهدرزو وحكتلها ع نادر المهم لي ساعة 1:00 قررت نرن عليه ❤
• نادر : هلا هلا وين غياب
• أنا : عهههههه والله كانت عندنا عزومه وانشغلت في العشاء والماعين وجو هذا ..
• نادر: انتي كبيرة العيلة لازم تشحويرة هادي اهم ماتضغطيش ع روحك هلبا ..مانبيش فيك🤦🏻‍♀️❤
• أنا : ههههه نعتبره غزل هذا ههههه
• نادر : انتي شن رايك ..
• أنا بعبط: ماندري هههه غير الموضوع شن درت اليوم ..
• نادر : شيء من الشركه ل حوش وبعدين قعدت انا وشباب وحكتلهم عليك
• انا : شباب وتهدرزهم عليا اهاه اوكي نستاذن منك انا
• نادر : الووو يافرخه مش كيف فهمتي والله نحكلهم ان بديت نحب وناوي نتزوجها
• أنا : العب غيرها يلا سلام ...
• نادر : وربي طوووط طوط
عند نادر زفت شن لازني نقوللها عندها الحق تفهم غلط وعاودت تاني بس تسكر في وجهي اوف وبعثتت اكثر من مسج في كل مكان بس لا حياة لمن تنادي ..
غدوا نكلم كيمو ولا فادي نقوله شن يقولي 🤷‍♂️🤦🏻‍♂️
ونحساب روحي دنجوان ونتغزل بالله ارقد 😂
.
.
..
.
..
بعد ثلاث ايام⚘💫
عند نادر

نضت وكا العادة دوشت والابست وصليت وجهزت روحي لخدمه كلمت كريم وينك قالي شوي ونركبلك
فطرنا مع بعض
• كريم : خيرك ليك كم يوم مش عاجبني صارت حاجه
• انا : ياراجل كان فيه من يفهم في البنات يفهمني
• كريم : ياراجل ادويها بالعربيه شن فيه
• انا : زعلت مني أسيل لان حكتلها ..
• كريم : قولتلها ع انك مقعد
• انا : تي سكر ام فمك قولتك من قبل مش حانقوللها لين نتم فيها وتجي وتشوف بعينها
• كريم : ملا شن درت تاني
• أنا : قولتلها هدرزت مع شباب عليك وووو ..وهدا الي صار
• كريم : وترن عليها وماتردش عليك 🤨
• انا : ايه 😔
• كريم : لا وما صح وجهك زفت تي كان في مكانها نرميك في الحظر مش ما نردش عليك وتقولي زعلت لا هادي كان مرتك راهو طلبت الطلاق 🤦🏻‍♀️
• انا بصوت عالي : تي باهي فهمني والله ماقصدت الي هي فهماته وحاولت نوضحه
• كريم اوقف وبداء يشد في شعره : بيخليني نريش هاشعر شعرة شعرة من كثثر الغباء الي عندك تي هي فهمت انك تفتح في جلسات ونسى عليها ومع من مع شباب يافرحتاه الصراحه قريب بنرقص
• فادي : يافتاح ياعليم خيركم بتتعايطو وانت خيرك زاي الي راجلها تزوج عليها شاد شعرك 😂😂وسع بالك ياراجل دنيا نصيب ههههه
• كريم : تي حاول من عليا واسمع صاحبك شن يهدرز شن يخرف
• انا : نحكيلك باش تعطيني حل مش تهزبني خزيه ع ها شكل زح
• فادي : فاهمني الله يهديكم زح زاي اطرش في زفه
• انا : انا نقولك ..قطع عليه كريم
• كريم : اهو نقولك الاستاد قال ......وهذا الي صار
• فادي : حيه ياحيه اصبر ياكريم خالي نندب معاك وتعالى نريشكلك باقي شعرك والله مافيا جهد نريش شعري وانا كيف ماسويه 😂🤦🏻‍♂️
• انا : زبري كٌنا في واحد ولين في ثنين تي مش منكم من الكلب الي قاعد يحكلكم
• فادي : غر تعالى وين ماشي اهو نلقوك حل غر اصبر
• كريم : احكي ياروميو كيف بتصالحهم
• فادي : كل شيء بداء ساهل من هني تنظم امورك
• كريم : تقريبا زبطت شن تبي تقول 🤩😉
• فادي : .......وهذا هو وكدا كدا البنات يموتو في جو هذا شن رايك
• انا : نفد طول والفلوس مادورش بس لحظه كان اهلها يدرولها مشكله وهما في الاساس بيناتهم حساسية والبنت يتيمة ياراجل نخاف عليها
• كريم اشعر اني تاثر : يادماغ نبعثوها بإسم بنت مش شرط اسمك ولا نتفقو مع وحدة من صاحباتها مستحيل ماعندهاش صديقات
• انا : لا عندها بس مزال ماحكتلهاش 😊ع طبيعة علاقتنا
• كريم : خلاص نفضحوها ويتم الموضوع وهما صديقات اكيد مش حايزعلو من بعض ومرات نظم اموري حتي انا ناخدوها مرة وحدة 😂😂
• فادي : وعلاش مش اني شن ها الانانية اني صاحب الفكرة ..
• انا : ماتتعركوش توا ندورولكم وحدة تانية غر نحصلو ع مرت خوكم قبل وهي وقت ع خدمه
• فادي : تم يا قلم
• انا : حطيتها في راسكم اهو قولتلكم
• فادي &كريم : تمام فانديم ههههه🙋🏻‍♂️
..
..
..
يتبع ❤💋طولت عليكم