عالمي الإفتراضي🌐💔

الحلقه 1️⃣3️⃣🔥❤

《عالمي الافتراضي 🌐》

للكاتبة Lames monje
الحلقه الثالث عشر 1️⃣3️⃣
🔥❤😳
نعتدر طبعا كان امس اليوم كله لليوم ماعندناش ضي فا كيف كملت الحلقه 13❤قراءة ممتعه
.
.
.

فلتعلموا جيّداً أننا بخورٌ اذ احترقنا غير الطّيب منّا لن تنالو
🌸
...
مرت الايام بسرعه وجاء يوم الحنه وانا من الصبح بين حمام بخاري والمزينه وحاجات تانية😅🤭🧖‍♀️ ومعاي رشا وراما مع خالتي وزادو جو بنويت عمي وعمام وخوال فا بدت زحمه واسمر دار خيمه مكيفه كبيرة تساعد حتي للبيات بما ان الحوش صغير 😊 وتعاركو عمامي مع بوي ع خاطر ان رفض يزوجني عنده وصار بيناتهم وقالوله انك مالكش الحق حتي تحظر العرس بس اسمر وقفلهم ..ماهو في نهاية بونا 💔 بس بابا لينا حني بس هو مش صغاره وفعلا مجاش لعزومة الرجالة في ليلة 😭 جاد بس كان حاظر وكان يجري مع اسمر رغم عدم اختلاطهم ببعض الا واثبت مقولة البطن تجيب الصباغ ودباغ ❤كان يجري كانه عرس كوثر رغم انه امه لا تحبنا ولا تحب سيرتنا بس 🤷🏻‍♀️❤
مر يومها والبنات شايشات ودارو جو مش عادي وراما قاعد نعمان يحاول ❤ ورشا واسمر المنحرفين كل مرة نكبسوهم في مكان ههههههه المهم وانا سماعه ما تتنحاش من ودني لان نادر بيهبل بس داروله الشباب عرس غادي عههههههههههه صح ثلث ارباعهم هنود بس صحابه في نهاية 🤷🏻‍♀️❤رغم اختلاف جنسياتهم
ومر اليوم ودرت حنتي ونحولي تلفوني ونادر يسب ويحلف في راما ههههههه بس في نهاية استسلم لان حتي صاحبه نحوله التلفون بما ان طيارتي فجر ليلة دخلتي يعني بعد مانروح من القاعه ع طول دبشي وبتات لطايري مش لحوش ولا لاي شي💔بما أنه الحفله مشتركه ...
#يوم الحفلة ❤
كل بنت طموحه يدخلها بوها وتستقبلها امها بالمبخرة وتزغرت وضمها 💔 وتدعيلها بالهناء وتعلمها وتنصحها 😭 بس أنا كان الامر مختلف لا بوي ولا أمي 💔
.
.
#في المزين
كانت معاي راما خطوة بخطو وتبادلو رشا هي الي في القاعه لان تعبنا من التفنيص وتكشخ ع رشا واسمر 😂فعلى صديقات عمر والمرة قبل الفرح ❤رغم العصبية وتوتر الي انا فيها بس هي معاي وامها وخالاتي وعمتي الكبيرة كانو معاي خطوة خطوة ونظمولي عرسي كأن بنتهم تتزوج الصاله كانت بينا وبين عيلة نادر بس نسجمو لان عيلة نادر متواضعين جدا ❤..وجت اللحظه وانا كيف كملت
• المزينه : اللهم صلي ع نبي تبارك من خلق الخلقه وزينك ❤اميرة 😍 الف مبروك وربي يهنيك ويسعدك
• انا : الله يسلمك ويعطيك صحيحتك ❤😍
شكلي كان شعري كلها كانه كعكة بس ملفوفه كلها فلو وكاني لميتها ونازله منها خصلات ملويه 😍
مكياج كان قوي شوية ع الوك الغامق وشوية موف ع لون باقتي 💐💜 الفيلو 👰🏻 كان كبير ومن فوق في كمام طوال بس الصدر والضهر كان حرف v ومنفوخ هلبا ❤😍من ياسين ❤
راما لووووووولووي لووووولي وبدت الدموع ينزلو
• راما : خليتني نبكي غزاله الله يحفظك قصدك هكي بتبعدي عليا
• انا بنبكي 😢🥺رر
• راما : وراسك لا الميكاب ..ضربتني ع الخفيف
• انا : تبكيني وبعدين تقوليلي وراسك ..اهو اسمر يرن ياربي قلبي بيطلع 😱بنموت من الخوف
• راما : ضمي فمك واقري اية الكرسي ورقي روحك 😍وخليني نصورك الحقير هذاك يحلف ويتوعد لو مانبعثله صورك حا يبعثلي نعمان يخطفني ههههههههههههه
• انا : حيه عليك اديرها راه 😂😂عيله مافيا 😂
• راما 😱😳: باه هي خليني نصورك زاي ناس هههههه
• انا : اسمر بطلعلي من تلفون هي 😅
• راما : هي البي
هي البرنوس ❤ ولبسته ونفتح المزين وكان اسمر نازل من سيارة لابس سموكي جو بدله وكرفاتة وكانه العريس ❤ وركبنا وطول طريق اسمر وراما يتعاركو ع الاغاني مقهور انها هي جت ورشا لا لانها كانت فكرتها خهههههههه المهم وصلنا للقاعة وكان قلبي بيوقف من الخوف ونرعش نزلت من سيارة بمساعدة اسمر وراما ودخلنا في بداية الصالة زاي استقبال اوقفت بينحولي البرنوس انفتح الباب وتلفتت لقيت جاد 🥺😳كان لابس كيف اسمر ❤
• جاد : عادي تخليني ندخلك مع اسمر حتي أنا خوك الصغير 😍
• أنا معاتش قدرت نشد دموعي ولقيت روحي تلقائينا ماشية جهته ونضم فيه ❤😭: اكيد خوي ياروح اختك انت 😢
• جاد : ماتبكيش عاد توا يخرب الالوان الي في وجهك...ضربته ع خفيف
• انا : اسمه مكياج ياشلال هههه وشبحت لأسمر وعرفني من عيوني
• اسمر : هو قالي من قبل واكيد مش حانرده ❤..فرحت بجد ان تلقي خوك الوحيد عنده اخ يسانده وجاد كان السند وعلى قد الخوف الي كان داخلي تغير وبدا فخر وقوة ❤ ودخلوني اسمر ع الايمين وعلى الايسر جاد ❤ وبدت الزفه وخالتي تمشي بمخرتها وتخمس بيدها ❤ كانها امي معاي وتنصح فيا احيانا تكون حقيقي الامومه تنقسم بين الام والخاله لدرجة انك تحس هما نفسهم بس بجسدين 💜 وكانو عماتي يدورو ع ناس وعميمه جميله تزغرت وترقص ونرجس وندى جولي يباركو بس لحظة ان ندى كان واضح باكية بس قولت اكيد متاثرة ان خوها مش جاي او اي لقطه ونرجس امتى باركتلي قالتي ردي بالك ع خوي راهو طيب وحنين وحسيتها كانه فيه حاجه بس ماحطيت شي في بالي قولت اكيد اي وحدة تتزوج يقولولها هكي وخليت الموضوع عادي ومر الوقت بسرعه وجاء وقت العشاء وجتني عميمه جميله
• جميله : عندك مشكله ولو خشلك اسمر وكريم يبي يبركلك كريم وياخدك هو لان بتمشو من هني ل شقه نعمان تبدلو وتمشو ل مطار 😊
• انا : لالا عادي بس قولو ل اسمر بالك عنده مانع ..
شوي هكي وبدات المنظومه 🔊
يرجاء منكم سيداتي لابس الحجاب لان اخ وخو العريس بخشو وبنزفو العروسه وبدت العيطات وزغاريت وكان صاله معبية ناس وحطولنا اغنية ولا كانه نادر موجود 😍
وطلعنا وركبت سيارة كريم وكان جوه يهبل ونهيجو في سيارة لين نسيت التوتر ❤🤷🏻‍♀️
وهو كان يرقص بسيارة ع الاغاني الاجنية وكان يقولي نحي القطون الي ع وجهك تنفسي هههههه وانا كنت مية بضحك المهم وصلت مع 2للحوش وقالي سقدي بدلي وامسحي الي في وجهك ياغالية لان بنمشو للمطار وكيف ماتعرفي هههه قولتله تمام وخديت تلفوني فتحته وفتحت نت بدو يجوني رسايل مافتحتش ولا رساله بس رسايل نادر كان
وينكم ..طلعتي تهبلي ياعمري ..عقبال مانكحل عيني فيك وبجيتك وكانو رسايله يهبلو ..نموت فيك غاليتي ❤
سكرت وخشيت دوشت وغيرت ولميت الفيلو وعلقته باش اسمر يجي ياخده تاني يوم ..وكملت لبس وحطيت عطري ونزلت بشانطي لان باقي الشنط في سيارة ..
• كريم : شن نطلعو 😊
• انا : ايه هي ..
• كريم : بياخدنا نعمان لان سيارة مافيش وين نخلوها 😜
• انا : تمام مافيش مشكله ..
وجانا نعمان وندى واسمر وخالتي ❤
وسقدونا لمطار وركبنا لطايرة وبحكم المسافه الي بينتنا 🤷🏻‍♀️💔كسادة رقدة قريب 3ساعات وماحسيت بروحي نظت كان رقبتي واجعتني لقيت جنبي كريم ياكل ..
• كريم : جيعانه نطلبلك حاجه
• انا : لالا مش هلبا عادي قداش ليا وانا راقدة
• كريم : قصدك وانتي تشخري صبرك يانادر
• انا : الي هوا قداش شكلي رقدت هلبا رقبتي يابسة
• كريم : ليك ما يقارب 3ساعات ومعاها شكلك تعبتي هلبا في العرس
• انا وانا نتكسل : هلبا نحس في جسمي متكسر
• كريم في سره بصوت واطي :مزال ماشبحتي التكسير الي يستنا فيك 🔞🤭🤣
• انا : شن قولت ياصايع هههه ماسمعت قداش مزال باش نوصلو لليابان
• كريم : لا شيء هههه للهند ياحولة انتي ماتعرفي حتى وين ماشية ههههه
• انا : هي نفسها ههههههههه المهم ..
• كريم : مزال 5 ساعات وتوا ساعه 6مزال ..ارتاحي شوي ونوضي افطري توا يمر الوقت ..
• انا : هذا الي بيصير .. ورجعت نحاول نرقد ورقدة شوي رن المنبه ساعه 9🤦🏻‍♀️ قاعد معدل ع جو القراية ههههه نضت طفيته بس دكرت الرسايل 🤔🤭ضربني الفضول وخشيتلهم وياريت ما خشيتلهم 💔📨 كانو قريب 20رسالة واغلبهم من رقم غريب 😳 وكانت نقرا فيهم وقلبي خلاص بيطلع من مكانه وحسى روحي بندوخ ومعاتش نشوف وضاقت نفسي لين خلاص معاتش قدرت ناخدها وبديت نشهق ودموع ينزلو ونفس ماقدرت ناخده نتبه ليا كريم لان كان مغطي عيونه وشبه راقد ..
• كريم 😱: خيرك ..وبدا يضرب فيا ع ضهري يحسبني نخنقت من شي حاجه وبدا يدلك ع صدري باش نقدر ناخد نفس بس بلا فايدة وبديت خلاص عيوني يوقفو ودنيا سودة واغمى عليا 😭💔 كريم انصدم شن صار ونادة للدكتور الي ع طايرة باش يساعدنا ضربلي ابراء وقالوله لو ماتنفستش حا نطرو نهبطو في اي مطار لان مشكله يعني وحاولو معاي وقالوله انها احتمال صدمه عصبية لان صوابعي كانو معوجين وعروق رقبتي بارزة ونبضات قلبي مش منتضمه والواضح انها تعرضه لصدمه او شيء من هذا 😳😱
• كريم كنت نسمع وانا مصدم البنت كانت طبيعية مافيها شيء شن صارلها معقولة كانت تحلم بس مش معقول حلم يدير فيها ....رميت عيني لقيت تلفون طايح بين رجلينا 🤦🏻‍♂️يارب مايكون الي خطر في بالي يارب استر 💔🤷🏻‍♀️ بس الصدمه كانت من رقم نعرفه لا مش غر نعرفه تي حافظه 💔😱
(فاتن )📨
(اهلين ياعروسه يامغشوشه 😂😊 مش حانخليكم تتهنو زاي ما صاحبتك خطفت راجلي حا نوريك انتي وياها والحبل ع الجرار ) 1
(طبعا مافهمتي شيء ياغبية ..المغشوشه لانك غبية معقولة ديري في ثقة في واحد ولا عمرك شفتيه لا وفرحانه وجوك جميل ههههه باهي معقول راجل كبير وعنده شركات قد الدنيا مايقدر ينزل يوم فرحه هذا اي عقل يتقبلها 🤣) 2
(قاعدة مش فاهمه هههه خالي نزيد نوضحلك عمرك ماحسيتي ان داسين عليك حاجه فيه حاجه غلط في الموضوع 😊 ) 3
(خليني نفرشلك الي عندي عندك علم ان راجلك مشلول او الاصح معاق يعني يمشي بكرسي متحرك يعني ماقدر يوقفلك ما ..ولا نقولك توا بروحك تشوفيه..واخدينك بس شغاله لولدهم دخليه الحمام توكليه تشربيه شغاله لا اكثر وصاحبتك توا سيورها يرميها حتي لو تزوجها لان في نهاية نزوة 😏😁 مدامك لتوا مافتحتي تلفونك يا مضحكه معنها اكيد قريب توصلي لمطار رحلة سعيدة هههه قصدي تعيسة )4
حسيت راسي دخن ولو كنت في بلاد والله الا نقتلها حي ع ام الواقحه خزيه عليها المحسدية 💔 وكنت طول الطريق نقول يارب ماتفيق ع الاقل لين نوصلو للهند وترتاح البنت لعلى تتقبل الموضوع 💔 ماننكر ان جزء من كلام فاتن صح بس مش بطريقه هادي صار الي صار توا 💔
..
.
.
.
.
نرجعو ل راما ورشا ..
الي تحكي راما ❤
امتى ركبت الطيارة اسيل ولعت فيا نار قريب متت بكيت و بكيت لين طاب خاطري وكاني فارقت ضناي ومش مستريحه للمشيتها بس هذا ختيارها وهذا حال الدنيا ...روحنا لشقة اسمر بدينا نضمو ونلم في دبش ونحوسو انا ورشا وامي وخالات اسيل ..كملنا وخشينا بعد وبعد الفجر ع اساس بنرقدو بس ام رشا رفضت قالت خلاص وهي مزال ماتخرجت وراها قراية وليها كم يوم بوها يسال وهلبا حاجات وعندها الحق وشوي هكي وحتي انا وامي لحقناها وروحنا وروحت وانا ميت طبية جتني رساله 📨
‏الله يجمعني فيك كثر ما ابيك
كثر ما اشتقت لك وحنيت♥️.
انا لما شفتها حسيت روحي سخنت ومن كثر التعب من العرس وتفكير رقدت وانا نقرا ونعاود في رسالة ❤
مش حاننكر ايه نحبه وماقدرت نكرهه وع قد ما درت وحاولت ننساه بس خياله مافارقني 💔
نضت مع ادان الظهر بعد الف واسطه وحلفان امي وناس تصلي ودير في الغداء وانتي راقدة لتوا ونديداتك فاتحات حياش وووو ومن ها دوة ..نضت كيف سكران دوشت وصليت وبديت في غسيل دبشي الي كان يعتبر ماعندي شيء نلبسه الا التوتا الي عليا ههههه وبديت فيه من ظهر نغسل وننشر وبرا للمغرب خلاص دخلت لنت بالك نلقاء اسيل لان مشغولة عليها بس لقيتها نشطة مندٌ 6ساعات يعني قاعدين في طيارة 🤷🏻‍♀️ وانا جيت بنوض نشوف امي ولا ندير عشاء المهم
جتني رساله 📨
الم يأن الوقت لأن تحن 💔
أنا أحتاجك ارجو المغفر والعفو فأنا دونك لا شيء
قلبي وجعني لان قولتله ما ترنش عليا بس رسايل قالي حانبعد لين ترضي عليا 🥺وجعني خاطري عليه بس قاعد قلبي شايل من جهته وما قدرتش نسامحه ..سكرت نت ونضرت نكمل مع امي باقي العولة وندور شني نلهي روحي ..
.
.
.
رشا كانت رابخه في العسل مع اسمر
• اسمر : اهو قوتلك اني ولد خالك خذا نلقاك وين ماهو نقتلك انتي وياه
• رشا : حاضر والله صارت وما عنديش علم انا كيف نايضه من نوم لقيته عندنا ..
• اسمر : رشا لعبه فروخ فكينا من البسي باهي ولا نقولك ماعاتش تطلعي من دارك لين يرون
• رشا : حبيبي عاد بلاش جو ومن حا يقدملهم الضيافه عيب راه ..
• اسمر بتعصيب : روان تقدملهم انتي لا وسكريلي ام الموضوع..
• رشا بدلع : حاضر باه مش حانطلع تاني بس ماتعصب انت تعرفني نخاف منك امتى تبدا معصب
• اسمر : انتي تعرفيني مانحبش جو اختلاط مع دكورة ولد خالك هذا بدات ..
• رشا بضحكت مايعه : تم ياسنفور غضبان ❤
• أسمر : ايه ايه امي تتعسر وتجيبني بطلوع روح ونولي راجل كيف الحيط وتقوليلي سنفور ايه زيدي
• رشا : هاه معاتش عرفت شن نقولك وانت دور في المشاكل دوارة ..وزعلت
• أسمر حس انه زودها : أسف حبي خلاص الا زعلك هي حبيبي
• رشا : اممم نفوتهالك المرة هادي معاتش تكشخ عليا والله نخاف انا
• اسمر : موضوع الخوف نحيه حبيبي من قاموسك وانتي معاي تعرفيني شوي نعصب غر ماتدويش هلبا امتى نكون معصب وتمشي الامور حياتي باهي
• رشا : يانجيه الي يتعصب فيسع نحبك أسمر ❤
• اسمر : نموت فيك ياغاليتي رد بالك ع روحك شباب جوني هي توا نتلاقو
• رشا : اوكي بيبي
• اسمر : اعطيني بوسة سريعه
• رشا : امممموه 😙😋
• أسمر : لالا لازم نقدم ونتزوج مش حانقدر نصبر 😍🤨
• رشا : يلا باي 😍
.....
.
.
..
.
..

عند نادر
كنت ميت من الخوف والله حانحاول ما نتعصب ..ويشبح لرجليه ..يارب شوفلهم وسرع ها العلاج فيسع ونتحسن اكثر ..وكل ما ندكر انه قريب توصل يزيدو دقات قلبي ونندم اكثر اني من البداية ماقولتلهاش ياريت سمعت كلام كريم وفادي بس والله عارف مش حانتحمل صدمه انها تسيبني ع الاقل لما توصل تشوف العز تنغر وتقعد معاي ..ومر الوقت وجاني السوق
• السواق : استاد نادر الطايرة لم يتبق ع وصولها الا نصف ساعه هل تريد ان أنقلك للمطار ..
• نادر : مسافه الطريق تمام فلندهب ..
ومشينا وطول طريق ماعرفتش علاش دكرت اغنية

لمن نشكي حالي يلي شغلتي بالي نبات سهران ليالي نفكر فيك نجوم الليل والقمر يحكو مابيا 💫
ممكن اول مرة نركز فيها فيها ومعناها حاجه تعبر 💔💫
وفيسع فات الوقت ووصلنا ونسمعو وصول رحلة 367القادمه من ليبيا الي مومباي ع سادة توجه لبوات المغادرين لستقبال المسافرين
وشكرا
وين زاد قلبي نار 🔥
.
.
.
...
..
.
.
عند اسيل
كنت مش حاسه ب شيء طول الرحلة والواضح كنت مخدرة لان نسمع في كل شيء وماقدرت نفتح عيوني 💔😔شوي وبديت نحاول وشوي شوي بديت نفيق نسمع في كريم ..
• كريم : سيلو تسمعي فيا ..
• انا : هممم بصوت اشبه بالمختفي ايه ايه
• كريم : شن تحسي كيف حالك توا ..
• انا : الحمدالله بس لساني نحس فيه رزين وراسي يوجع
• كريم : لانك رقدتي هلبا معليش توا تنزلي وتتنفسي ترجعلك صحتك .
• أنا : بس انا نبي نروح كريم وراسك رجعني معاتش نبي شي لا زوج ولا فلوس لا سفر بس نبي نرجع والله نقولهم روحت بروحي
• كريم 😳بصدمه : ءء انتي شن تقولي كيف نرجعك ..
• انا : انتم كدبتو عليا وغشيتوني انتم خديتوني مش حب تبوني شغاله والخافي كان اعضم وصوتي شوي بدا يعلى وناس الي ف طايرة تشبحلنا ..
• كريم يتكلم من تحت سنونه : وطي حسك من هوا الي غشك ستهدي بالله يابنت انزلي وبعدين نتفاهمو ..وشدها من ايدها وبدا يجبد فيها ..هيا عاد
• انا ونرخي ف روحي : سيبني مانبيش ننزل علاش ضيعولي عمري انا شن درتلكم من ضريت حرام عليكم ..لين دخت تاني 😔🔥
كريم
لما لقيت ما تجاوبت والواضح انها بتصير مشكله وانا من البداية متوقع الشي هذا اصلا كان معرفتش توا بتعرف لما ننزلو من المطار لان حاتلقاه قدامها بس ممكن وقتها عادي حا تتقبل الوضع او ممكنردة الفعل اخف من هادي بس صار الي صار وكله من فاتن الله ياخدها
المهم ..لما شديتها هلبا حسيتها خلاص بطيح قمتها لان فعلا داخت ونزلتها من الطيارة وفهمت الموضفين انها المدام وحامل فا ما حد قرب مني 😊 ونزلت وانا في البوابة نشبح في نادر وسواق ..

نادر شعلت فيا نار لما لقيت كريم طالع با أسيل وهي في حظنه والواضح انكشفت قبل ما توصل🤦🏻‍♂️
يارب استر كريم بعلو صوته مااكس
• ماكس :نعم سيدي
• كريم : جيب الشنط ولحقني 💔😠
• نادر ع طول فهمت ان كريم معصب مني وحا يتعرك معاي لو كلمته او حتي سالته فا سكتت ولحقتهم ..
وصلت لسيارة قربت من أسيل كان في خيار النوم 💔
كيف البيبي وتمنيت كان وضعي مختلف 💔
بس الوضع ما يطمنش 💔
وجاء ماكس وجايب الشنط وركبنا وللحوش 🤦🏻‍♂️🤨
.
.
.
.
.
يتبع