عالمي الإفتراضي🌐💔

الحلقه الثامنه8️⃣

《عالمي الافتراضي 🌐》

للكاتبه ✍🏻Lames monje
الحلقه الثامنه8️⃣💔

علّمتنا الحياة أن نتفائل؛ فمهما طالت رحلتكم على متن قطار الأحزان، إلا أنّه سيقف ذات يوم في محطة السعادة .
.
.
.
.
وديما فيا شعور عدم راحه في اي شيء نقترب منه حتي لو كانت فرحه 😔 واحنى داخلين نضحكو انا وراما واسمر جت عيني في عين سند 💔🤦🏻‍♀️
شن جابك هني من بين كل المطاعم ما جتيت الا في هذا الله ياخدك ..وانا قاعده مستكه في مكاني غمزلي 😉
جبدتني راما خيرك هيا هزيتلها براسي وخشينا جهة العائلات انا وراما اجنب بعض واسمر مقابلنا
رن تلفون اسمر
• اسمر : اوووو سمينسه شن الامور
• اسمر : شوي ونجيلكم كان جاكم اطلبو باهي ..
• انا هزيت راسي بمعنى باه..وشوي قرصتني راما..
• راما :خيرك شن فيك كنتي لا بيك ولا عليك..
• انا : قولي من شبحت سند يا راما سند ياحليلي كان يقوله لأسمر ويفضح بيا وه بنخسر خوي يا راما 💔🤦🏻‍♀️الا هذا يا راما نتحمل كل شيء الا ان اسمر يبعد عليا اويزعل مني والله نموت فيها وبديت نشهق من البكى 💔
• راما : اسكتي ياشلال ان شاءالله مايصير هكي هوا مادار شيء شن تخرفي بتفضحي روحك قبل ما يفضحنا هادي شوي 🤨تفاءلي ..
🤦🏻‍♀️📨شوي هكي جتني رساله من سند اول ماخوك يرجع لطاوله تعالي للحمام شوي بس نشوفك ولا تعرفي شن ندير ياحبي .
• أنا 😭: اشبحي التفاءل متعاك
• راما : حاولي تهدي وتكوني قوية معاتش هلبا خلاص هوا طاح .. ع جيت اسمر ..فلقتها ضحكه لين شبحتلها 😳 قمت راسي لقيت اسمر جاء ..
• أسمر : وطي حسك ولا نرميك بهل مفتاح ومن طاح الي مخليا اسيل بدموعها ..
• راما داور في كدبه : ءءءء ههههههه ماهو ههههههه
• اسمر : بطلي ضحك وحكي ضحكوني معاكم
• راما جتها فكرة : مبكري واحنا في الجامعه دكتور نكرهو فيه وندعو عليه قريب نص ساعه في الاخير وها طالع تحلق وطاح من درجه الاولى للاخيرة وامتى شبحنها ماعتش قدرنا نبطلو ضحك وهوا مسكين ناض مخلوع يترقب ايمين يسار يحساب مافي حد شبحه 🤣🤣🤣🤣
• اسيل صح الموضوع كدب بس من طريقة وصفها للموقف قريب متت من الضحك هههههههه وضحك معنا اسمر 🤣🤣..نستاذن منكم شوي وانت اطلبنا بنموت من جوع ههههه البنت ريقها شاط وغمزتلها ل راما 😉 قرصتني هربت منها هههه
وخشيت للممر الي فيه حمام 🚹 ع الايمن وعلى الايسار فيه 🚺 وفي وسط فيه بابمكتوب عليه
للعاملين في محل ⚠️
جيت بنمشي الايسر الباب الوسطي نفتح وجبدني من خصري لداخل الدار 😳🤦🏻‍♀️
.
.
.
.
نرجعو ل راما واسمر
من لحظة الي ناضت فيها اسيل عم الصمت وانا نربش في هداك التلفون لانه ماباش يبطل رن🤦🏻‍♀️ لدرجه ما فهمت شن ندير اصلا وكل ما نقيم راسي نلقاها يشبحلي ..
• اسمر : في اما سنه انتي توا راما 😉
• راما : يأهبل اني وانت نداد 🤣..اسفه اسفه
• اسمر ضحك ع عفويتها : ايه صح😅
• راما : كيف وكرانيا عجاباتك ولا عادية
• اسمر : تبي الحق هوا صح شهر بس والله بلادك هيا بلادك فعلا تحسي روحك مش مكانك مش ليك حتي دوري بسيارة وفلوسك في جيبك ومتريح بس مش زاي هني والله رغم بلادهم نظيفه وراقية وفيها هلبا اماكن حلو بس تحسيها باردة مافيها اي روابط مش زينا ..
• راما : لان هما مش زينا عادات وتقليدهم وهلبا عندهم حدود بيناتهم حتي بين الاب وولد ...
قعدنا نهدرزو ودوة تجيب دوة لين طاح الحجز الي بيني وبينه ...
نرجعو ل أسيل ..
اول ما جبدني لدار قريب متت ولقيته سند وين مزبوط بدا قلبي قريب يطلع ..
• سند : ماتخفيش هذا انا خيرك حبي ارخي روحك
• انا بصوت شبه هارب : انت شن دير تي وربي اسمر لو يلمحك لمح وانت تناشب فيا بس يقتلك يامابالك لصق فيا ورسك خليني نطلع ومرة تانية نشوفك بالله عليك فوتني ..
• سند 🤫: اششش ...وبدا ينحيلي في وشاحي بطريقه هادية ويشم فيه وانا ميت من الخوف ونحاول ندف فيه بس كان اقوى مني ومحاصرني لين طاح وشاحي وقعد يحول في شعري من رقبتي وبدا يبوس فيا وانا نرفع في روحي ونجبد وهوا ما قال مانسيب لين ستسلمت ومستمر ..ولا شعوري بديت نبكي ودموعي ينزلو وحدة منهم نزلت عليه 💔😭 وحس بيا قام راسه
• سند وهوا شاد وجهي بيديه الزوز : بالله علاش تبكي..ويمسح ..مايطلعش عليك الزعل خلاص اهو سيبتك وقرب مني وانا غمضت وهوا باسني بعدت عليه وفتحت الباب وهربت خشيت طول لحمام البنات وشكلي عطلت وانا كيف خشيت لحمام ع طول انفتح الباب رعشت نحسابه هوا لحقني ..
• راما : خيرك اللطف خيرك مريشه هكي ..
جريت جهتها وضميتها وبكيت وكان امي كيف ماتت كيف حسيت فقدتها بكيت لين قريب دخت قربتني راما من الحوض وبدت تغسلي في وجهي وانا كيف بديت نصحصح 🥺
• راما : امسحي وجهك ع خاطر خوك صحصحي باش نحكيله ...
• انا : لالالالالا مش توا مش اليوم خلاص تعبت اليوم يكفي..
• راما : ايه ..عندك الحق وطلعنا وكملنا عادي ..بس انا كنت كاني مش معاهم لدرجة اسمر لحظة بس حاولت نفوتها عادي ..وروحنا فتحت باب الحوش لقيتهم مقعمزين في دار الأكل ..
• انا : سلام عليكم
• بوي بس رد : وعليك السلام ..وينك لتوا ..
• انا : كنت مع اسمر وقالك نبيك شوي ..
• بوي : اسمر امتى روح هوا ..
• انا : يستنا فيك راه انا بنخش الداري .. انا خشيت لداري وربي يعلم بحالي فعلا لما ما يكونش عندك اخت ولا ام صدقني ما حد يحس بيك حتي لو صاحبتك 💔 طفيت الضيء وانا كيف رميت روحي ع سرير يوم متعب جدا سمعت ان وصلتلي رساله ع الوتس اب 🥺❤
《بما أني لست هناك ، فأني أستودعكِ خالقك الذي لا تضيع بين يديه الأنام .
اطمئـن فَ انا لا أُبدِلكَ بأحدٍ مهما حدث ، ✔ أحبك 》
وكانه حس بيا 😭❤بس والله مانقدر نرد تعبانه هلبا ورقدت رقدت اهل الكف وكان اغمى عليا ..
.
.
...
عند نادر 😔
كنت طول اليوم بالي مشغول عليها وخاصه بعد ما اغمى عليها ونعمان ماردتش عليه راما اوف شن هايصير حاتقعد معاي ولا حا تسيبني 💔 بس انا مش مرتاح ممكن يكون مضايقها حاجه بس ماتبيش تحكيلي 😔 خيرني شاغل بالي هلبا ممكن تكون لهية مع صاحبتها وفرحانه بس والله في داخلي حاجه تقولي ان صاير معاها حاجة وربي كان ع رجليا اليوم نحدد الفاتحه و بنطلع بالعرس ..بس وضربت بايدي الكرسي اوووف نمشي نرقد ارجل ..
• كريم : ع خير وين بدري بدري نادر ولا سنيورة بتعبك اليوم .
• انا نحيت كافر تلفوني ورميته : تحشم ياحيوان لالاه بنرقد نحس في روحي تعبان 💔وخدوا ورانا يوم طويل ماتنساش اجتماع الهنود
• كريم : في بالي ماتخافش لو انت مريض نظمو الامور انا وفادي ..
• نادر : لالا هانيا تمشي شوية راحه بس ..قبل ماترقد جبلي الكافر متاعي ياكلب
• كريم : بالله درق خليقتك بالك تحسابني حق كلبك ترمي الحاجه وانا نلهد نجيبهالك روح هههههه اللعب غيرها عندك منه محل داخل دارك فوتني انا عندي ماندير بونوي ههههههخ
• نادر : تفيه ع ام خليقتك وكملت لداري وصلت غيرت وصليت العشاء وتمددت ع سرير 🛌 بس ماعرفتش علاش حسيتها محتاجة حاجه نفسيه كا دعم ولا فيها شيء مضايقها رغم عدم ردها ع رسائل والمكالمه بس حانبعثلها المرة هادي ع الوتس 😔📨
《بما أني لست هناك ، فأني أستودعكِ خالقك الذي لا تضيع بين يديه الأنام .
اطمئن فَ انا لا أُبدِلكَ بأحدٍ مهما حدث ، ✔ أحبك》
وفات الايام ومرو وانا لا حصلتها ولا ردت عليا ونا معاتش عرفت ليش وشن صار حتي راما قالت تلفونها مقفل وانا بنموت من الحيرة بس مانقدرش نمشي لحوشهم بلا ادنها لانهم مايحبوني مرت بوها وبنتها 💔😭
وين زادت نار وظلمت حياتي وتخيلت ان كشفوها او اي شيء وبديت في الهلوسة اكيد كشفوها زعما ضربوها نعمان في مشرق عند نساباته يعني مستحيل بيمشيلها ياربي مر اول يوم وكمل ثنين وثلاث واربعه بس لا حياة لمن تنادي شن صار وانا حتي شركه من يوم الاجتماع هاملها معقولة بنت دير فيك هكي يا نادر بنت وانت اصلا ماتعرفها ..ومر سبوع