عالمي الإفتراضي🌐💔

الحلقه الثانية ♥️

عالمي الافتراضي💔🌸

الحلقه الثانية
للكاتبة Lames monje

يقال عني معاق ولم تعق عزماتي أرى الحياة أمامي🌸
.
.
.

في مكان تاني وبتحديد في مومباي- الهند🇮🇳
عند نادر وبزبط ساعه 7:30صبح 🕢🌞
.
زعما بترد عليا خلي نراسلها ع خاص يا تصيب يا تخيب بعثلها 📨🤔
نمشيء ندير كافي.. ودفيت الكرسي المتحرك ومشيت للمطبخ وصبيت المياة في طرمس الكهربائي وبديت ندور في نسكافي بس
شكلها الشغاله غيرت مكانه اووو خلي نديلها
بنترجمهالكم 😁🤣
• نادر : نيتا نيتاااا
• نيتا : गुड मॉर्निंग सर (صباح الخير سيدي)
• نادر : ألم اقول لك لا تغيري اماكن الاشياء
• نيتا : أسفه جدا سيدي لم اقصد دالك ماذا تريد وانا سأحظره لك
• نادر 😠: حظرلي قهوتي بسرعه واغربي عن وجهِ
• نيتا عيونها دمعو : ححاظر
مش متعود اني نعلي حسي ع موضفيني وخاصه الجنس اللطيف وهيا كبيرة رجعت عليا كيف نار كنت ماشي رجعتلها ...
• أنا : نيتا ..
• نيتا تلفتت وعيونها في لوطا وهي منحنية : نعم سيدي
• أنا : أنا أسف لم اقصد ..بس تعلمين انني لا استطيع الوقوف و...
• نيتا : لا يهم سيدي أنت محق انا المخطى أسفه مجدداً
ومشيت لداري ....
خلي نعرفكم بنفسي 😊..
أنا نادر سالم ... موليد 84 من أنجاح رجال الاعمال ..عندي شركه استراد وتصدير للادوات الرياضه والعلاج الطبيعي ...بوي حي وامي عايشين وعندي زوز خوات متزوجات وزوز خوت اصغر مني واحد متزوج وتاني لا ونعتبرو من العائلات الغنية رغم ان بوي كان حالته المادية عادية لين كبرت أنا وصار عندنا نفود ..
نرجس 94 وعندها بنية ووليد عايشه في كندا لان راجلها يكمل في قرايته .😊
ندى أخر العنقود 97 متزوجه من سنه هي وخوي مع بعض عنده ولد واحد عمره شهر ❤
نعمان م 88 متزوج من سنه مع ندى بس ربي مزال مسخرش عنده معرض سيارات استعمال اوروبي ..
كريم م 90 عزابي هذا حبيبي وشريكِ وايدي الايمين في كل شيء وخاص بعد الإعاقه 💔 عايش معاي في الهند ويدير معاي الشركه الي هنا 🏬
سبب الاعاقه حادث في طربلس في 2013 💔 وتفصيله في رواية توا نعرفو كيف وليش ...
جوي زاي باقي الشباب نحب السهر وطلعو ودهوير ورياضه ونحافظ ع جسمي بس نعطي في اولاوياتي ل خدمتي 😍وليا ما يقارب 4سنين وانا نتعالج بس بدون نتيجه بس ماعمري نهزيت ..ليا حقد غير طبيعي ل بناتاو ممكن كره الله اعلم
..بس نرجعو ل رواية ..
رجعت لداري وأنا ضاربني الفضول نشبح تلفوني هل ردة او لا
لقيتش رد 💔 فته الموضوع ..
وخشيت الحمام غسلت بصعوبة 💔وطلعت لبست وصليت ..
وجت نيتا جابت القهوة وقاعد نلم في شنطتي الي فيها الاب توب وحاجات الخاصه با الخدمه ..
سمعت صوت 😉📨
ردت ردت ههههه ..
خديت تلفوني 😊
محتوى رسالتي كان (صباحك حلو او مساء الحلو عندكم المهم ياحلو ..حبيت نعبرلك عن اعجابي بابوستاتك ولو ممكن تقبلي اني نتعرف عليك 😉نعرف الكلام متكرر وسامعتيهم من قبل بس اني غير والله لان حسيتك وحيدة ومن بوستاتك تفتقدي لشخص يحن عليك ..وأنا زيك ونتمنى تشاركيني لعلى نكون عون لبعض😊💔)