عالمي الإفتراضي🌐💔

الحلقه العاشرة 🌐

《عالمي الافتراضي🌐》
للكاتبة Lames monje
الحلقه العاشرة

خشينا في جد 💚❤انشطو

نحنُ أحفاد الأمل ، اليأس ليس من صلبنا.
.
.
.
.
عند أهل نادر ❤
• جميله أم نادر : ندى ندى خيرها البنت انطرشت ولا شني ندى
• ندى : نعم يام شوي بس حمودي يعيط نعطيه رضاعة ونجيك ..ع نزلت فاتن مرت نعمان
• فاتن وهي تمضغ ف المستكه: تبي حاجه يا عميمه
• جميله : لالا نبي ندى أنا ..معاتش وقت
• فاتن : توا نطلع انا وندوش نكملو حاجاتها عادي ..
• ندى جت من وراها : لالا حبيبتي امي عندها حاجات تبي تختارهم بروحها دوقها حتي هوا نادر الغالي 😉
• فاتن نقهرت : ع راحتكم وقعمزت وشدت التلفون ..
• ندى بلعني تحكي قدام فاتن : يما انتي شن حاتخديلها 😜
• جميله وهي ضبق في دبش : حانخدلها تاكم وحديدة اني عجبتني حديدة بنت كميله الي خدتها من مخرم ❤
• ندى : من البدية دهب يام ...
• جميله : حتي هوا نادر الكبيرة ..وبعدين ناخدولها بدلة وقفطان وشوية روايح انتي اختاريهم مانعرفش حاجات الصبايا ..
• فاتن كانت تشرب في عصير شرقة ..
• جميله : للطف عليك بنتي قيمي ايدك الايسار ...
• ندى : ومن حايمشي معانا قالك ولدك البنت امها ميته وتعتبر وحيدة زعما من حايستقبلنا فكينا يا ما نخدوش هلبا معانا
• جميله : لالا مش حانمشو بهلبا بس انا وخالتك ورانيم مرت خالك ونسوين عمك عيب لما طلبو لفيصل وجعفر خدوني معاهم وعمتك ناجية وبنتها سمر و
• ندى : لا الصراحه انتي ماخديت حد اصلا ل سمر ووقفي اي وه ..
• على دخلت نعمان فلقها ضحكة : ههههههههه تي خيرك نطيتي مرة واحده ههههههه
• ندى : لا لا غر امك وصلت في الغالية هههه تي بتاخد معاها سمر المخننه للطلبت خوك ولا نقول فضانية احسن ..المهم مش مخليا حد شبه العيلة كلها بترفعها هههه
• جميلة : باه وشن فيها تي هذا نادر..
• ندى : ع عيني خوي الغالي بس توصلي في المخننه قصدي سمر وقفي وديري زوز خطوت حمر يايم والله لو تمشي مش حانمشي اهو قتلك هذا مزال ..
• فاتن وهي تمضغ في المستكه : وعلاش هذا كله شن دارتلك ..😏
• نعمان : كانو بيخطبوهالي قبل 😏😉
• فاتن : ككيف ..حق عميمه
• جميله : ايه ايه بس شن فيها هذا زمان وهي بنت عمتكم ..
• ندى : لا مافيها شيء غر حسودة وحقودة وسحارة اع ...وبدت تقلد فيها ..بنكون مرت خوك تحشمي ..اصلا اني مامي مربيتني ع الغالي وما تقبل نسيبه كان زي نعومي ..خزيه شلال كلطه
• فاتن بدت ترحي وتشبحله في شبحات لي نعمان قريب بتنجلط
• جميله : باهي مش لازم سمر ناخدو اسمهان ..
• ندى : وووووووووووك عليا خودو سمر ارحم تي ياأمي بتجلطيني تي هادي قريب خدت مني راجلي بالله عليك انا خلاص نحس في ضغطِ رقة اني الي مش ماشية خوديهم كلهم ..
• فاتن : لا ياعميمه حتى نا كان هما بيمشو سامحيني مش ماشيا مش مستعدة ياخدو مني نعومي ءء قصدي نعمان
• نعمان غمزلها : شكله الدلع عجبك..وشد لحيته..والله هي طرف كانت غر لولا شهر 11 الي ديما حاضر راه ما رخيتها ههههه
وما يلقا الا فاتن ناضت و تجري وراه ..تي اوقف مش تبيها تي مش منك
والله نبصر يا فتونه ..لا فتونه لا فتوله تي اوقف توا نوريك ..
وجميله وندى بيموتو من ضحك ع هبال كنتهم وولدهم 🤣🤣
• جميله : نوضي جيبيلي تلفون خلي نكلم خوك بالك يبي يبعثلها حاجه معينه ..
• ندى : حاضر هي ...وجابتلها التلفون ..
• جميله : الو ..كيفك ياولدي.
• نادر : الحمدالله شن اخباركم شني صار فيكم
• جميله : اهو نتجارو وانا وها البنات ..
• نادر : ربي يقويكم ياام ..تبو حاجه كلمو نعمان ولا فادي
• جميلة : اوو حتي فادي روح حمدالله ع سلامته ملا خيرك انت ما روحت
• نادر : هذا الموضوع الي كنت بنكلمك عليه يا أمي ونبكي تسمعيني ..
• جميله : قول نسمع فيك بس ماتقولي مش حاتنزل يوم الفاتحه
• نادر : ايه.
• جميله : ههههههههه هذا بنقولك هب..شني مش شني
• نادر : يايما راني الخدمه لفوق راسي وهلبا مواضيع مانقدر ننزل توا يجيكم حتي كريم باش يروح بيها ..
• جميله : قصدك للعرس مش حا تجي ياحليلي ع العار شن تقول شن تخرف مرتك بطلعها خوك تبي تيبلنا الدوة وانت تعرف الناس كيف عيونها عليا سلم ولدي تعود من شيطان ونزل بلا تكبير راس راهو الخدمه ما تكمل الفرحه مرة مش كل يوم
• نادر : عارف يايما والله نعرف بس الخدمة هلبا وهذا موسمها وتوا جديد متعاقدين مع ناس يعني لازم نقعد
• جميلة : ياولدي قولي فيك شي ماتبيش تحكيلي منعوك الهند من الطلوع منها وراسك تحكي ..وبدت تبكي ..اصلا انا مش متريحه شن فيك قولي ياولدي ريح قلبي
• نادر : والله مافيا حاجة وراسك فكينا من دموع ولدك فرحه بعد سبوعين وانتي تبكي بس وراسك يايام بعد ما نتزوج نرتاح من ها ضغط ننزل انا وياها ..
• ندى : خلاص يايما ولدك وتعرفيه يحبك وما يبي فيك لما يحلف براسك معنها تمت..
• جميله : ع راحتكم بس والله مستحشاتك وخاطري نشوفك تزف في مرتك 💔بس النصيب ع راحتك كان حتي هي موافقه ..
• نادر : هذا الي نبيك تمهديلهم الموضوع وانا توا نفاتحها في الموضوع
• جميله : ربي يسهالك وتوافق😔❤
.
.
.
وبدو التجهزات في الحوشين وكل حد يرادع في حاجه وزادو المكالمات بين اسيل و نادر 💐❤
ومر اليومين وجاء يوم الخميس المنتظر الي كانت فيه اسيل من صبح راما وامها وخالتها وبنتها ليله وكريمة مرت خالها ورشا وكلمت فاطمه طبعا رفضت ان تحظر وقررو يكملو عادي ومشاءالله خالتها ومرت خالها تكلفو بالاتسقبال كله وأسمر رغم ان رفض ان يصرفو ع اختها بس خالته انا في مكان امك تسمع كلمتي وتسكت وفي نهاية انتم صغار اختي وكيف صغاري فا أسمر تكلف بحاجات الخاصة بأسيل 💐 زي المزين والقفطان وهدية رد السوابت 😉(سبر يديرو فيه امتى يرجع سوابت الي اجروهم اهل العريس يحطو فيهم زي هداية للام والاب والعريس ❤)