عالمي الإفتراضي🌐💔

الحلقه سادسه ياحلوين💋

《عالمي الافتراضي🌐 》

للكاتبه Lames monje ✍🏻
الحلقه السادسه 6️⃣
.
.
.
بعد ما ما تفهمو كريم وفادي وأنا قاعد نحاول معاها رغم ونحاول نعتذر بكل الطرق بس لا حياة لمن تنادي وشكله مافيش الا طريقتي وحدة مستحيله ولان فيها احتمال تسيبني وانا الاحتمال هذا بيقتلني المرة هادي والطريقه الثانية الي قالو عليها الشباب ❤🤷🏻‍♂️
وفعلا مر اليومين وهما يخططو
..
.
.
..
عند راما في الكلية
كان عندنا متحان أنا و أسيل أني كملت بدري وطلعت لان راسي مصدع ولازمني قهوة ع السريع خلصت الامتحان وسلمت ورقتي وطلعت وانا طالعه ندور في تلفوني نرفع عيني نلقاء شخص جايلي طول شبحت وراي ما لقيت قولت ممكن مكاني غلط ممكن يشبه المهم
جاني ع طول
• نعمان:السلام عليكم
• راما : وعليك السلام تفضل ..
• نعمان : راما ال ولا ...
• راما : إنعم تفضل نقدر نساعدك
• نعمان : انا نعمان سالم ..ولو ممكن ناخد من وقتك ربع ساعه قبل ما تطلع اسيل
• راما 🤨: اسيل ...وع طول مانعرفش علاش حسيت الموضوع تبعله بس قوتله تفضل ومشينا للمقاعد الكافترية وقعمزنا...
• نعمان : انا ممكن اول مرة تشوفي او تسمعي اسمي بس حانقولك اسم ممكن يكون سامعتيه قبل ..نادر سالم ال ..هو من اكبر رجال الاعمال في ليبيا للستراد الادوات رياضية والعلاج طبيعي ...وهوا قاعد يتكلم وانا دكرت هدرزتنا ع المعجب السري بس معقولة يكون فيه وقاعدة نخمم لين شبحت في عز سرحاني حدي يلوح بيده ع عيوني
• نعمان : هيه راما 👋🏼
• راما : أسفه سرحت شوي كمل ..
• نعمان : نعرف انك ماعندكش علم بالي حانقولك عليه بس اتمنى ما يأثر في صداقتكم
• في خاطري لالا نعرفه ونص ها الكلبه والله توا نوريك ياكلبه :لالا ان شاءالله ماتتاثر بس خوفتني شن فيه
• نعمان : هما عندهم فترة ع تواصل يعني تقريبا اسبوعين وشويا بس مازال يعتبرو في بداية اتعارف او الاصح الإعجاب ❤🤷🏻‍♂️
• راما : اهاه باه المطلوب من كل هذا ..مافهمتش
• نعمان : صار بين نادر وأسيل سوء فهم والي خلى أسيل تزعل منه ماعاتش ردت وهوا حب يعتدر وما يقدرش يجي لليبيا رغم انه اعتدر بس مابتش ترد
• راما : تمام بس باقي مافهمتش المطلوب مني شني وهي في الاساس ماحكتليش ..🤷🏻‍♀️
• نعمان : بعثني نادر وقالي نشريلها هدية ونبعثها عن طريق مكتبة الوفاق لان في هلبا بوستات عندها خاطرها حد يبعثلها من الوفاق ❤😂وخوي رومانسي شوي فا حب يعبر عن اعتادره بان يجبلها حاجات ويبعثها عن طريقهم ليك لان كان في حوشهم مستحيل يصدقو من صديقتها وحا تصير مشكله ..
• راما : يعني تبوني انا ناخدها ونقوللها تعالي وتشوفها ونحكلها وهي طبيعي حا يكون فيها كرت مكتوب من نادر صح
• نعمان :عليك نور ..توا لو ممكن عنوان حوشكم ورقم تلفونك
• راما : رقم تلفوني 😠
• نعمان : لالا ماتفهمنيش غلط والله انا متزوج مش حانظرك بس مجرد نتواصل معاك لين تستلم الهدية
• راما : اوكي 😂بس سوال امتى الكلام هذا
• نعمان : اليوم ومع المغرب لان الهدية جاهزة عليك انتٍ توا ولو مايساعدك نغيرو
• راما : اليوم تمام هي اصلا بتقعد عندنا يعني احتمال تستلمها هي 😊😉
• نعمان : وعز الطلب معنتا سلام توا ..مشى وع جيت أسيل ..
• أسيل : ع من كنتي واقفه يافانص ..🤨
• راما : واحد 😏
• اسيل : بالله عليك نحسبهم اثنين احكي بلا جو
• راما : نسالك سوال وتجوبيني بصراحه
• أسيل : ادوي بس مش حانفوتهالك
• راما : داسه عليا حاجه ..
• أسيل ننزلت راسها 😔: ايه
• راما : تمام تروحي عندنا ولا اليوم
• أسيل : ايه ..ونحكيلك والله
• راما : غصبن عنك ونحكلك الي عندي برغم مش داسى شيء
• اسيل : وهذا ..وشاورت ع باب ع اساس الي طلع
• راما : هذا الي نهدرزلك عليه... المهم ....
شوي هكي وجانا بابا وروح بينا 🏡
• أسيل : نوضي جيبلنا حاجه نشربها ولا ناكل ريقِ نشف وبطني تعيط وكلوني
• أنا : فكيني انتي ديما جعانه نوضي نديروه جميع ولا والله ما مديرتلك حاجه 😏
• أسيل : راما ممكن سوال
• انا : حوشنا ومش برانية واحتمال كان تخشي للمطبخ تحصل عليك امي في غسل لماعين فا شوفي جوك كان بتردي روحك برانية من توا نوضي روحي 🙃😂
• أسيل : ع قلبك مقعمزة وبنمشي ناكل ونرقد وانتي امبحي
• انا : مرقد جدي تعرفيه والله ماكي مغمضتلك عين الا وانتي منفضا جيوبك والي داستيه عليا 😠
• أسيل : خزيه حولي نمشي ناكل جعانه مانعرفش نركز
• انا : وراك ..غسلنا وغيرنا دبشنا وخشينا للمطبخ بنديرو شن ناكلو لقينا الغداء واتي فرشنا وتغدينا وفعلا خليتها تغسل لماعين كا عقاب لانها دست وشوي هكي واحني قاعدين نتعاركو ع كباية العصير سمعت صوت رنت تلفوني ..مشتله طلقه 🏃‍♀️
لقيت ثلاث مكالمات وبعدها زوز رسايل 🤦🏻‍♀️📨
《سلام يابنت انا نعمان ردي 》
《الهدية جاهزة وعندك نص ساعة وكلميني ضروري باش نبعثها توا 》
رديت 📨
اعتدر مبكري كنت بعيدة ع تلفون ومسمعتاش ..بس عادي ايه ابعثها ..
رد وقتي 📨
《عادي نجيبها اني بس نبي نشوفها خاطري بالله عليك》
انا 📨
《تمام معنها امتى توصل رن عليا وانخليها هي الي تستلمها😊》
بعثلي📨
نجيك😊🤷🏻‍♂️
ضحكت وخش خاطري بس ممكن لان حسيته يتكلم بعفوية 😊🤦🏻‍♀️ ما علينا ..
عند اسيل
لما كٌن في الكلية طول الامتحان نفكر كيف وليش لتوا ما قولتش ل راما وعلاش داسه عليها رغم مستحيل صح قولتلها شوي بس ماقوتلها بدينا شبه علاقه ومكالمات 💔🤷🏻‍♀️ممكن ماجت فرصه ماعرفتش نبرر تصرفي بس في خاطري قولت اليوم حانقوللها بس لما طلعت عرفت انها كشفتني وسبقتني بس الغريب لقيتها واقفه ع واحد اول مرة نشوفه بس حسيت فيه شيء ..وبعد ما روحت زاد شكِ وخاصه لما جرت ع تلفون 💔 ياويلك ياراما لو يطلع عندك موضوع وما حكيتلي 😏ع اساس انتي الي حكتيلها بالله انطمي وكملي تلميع الغاز وطلعي وفرغي قلبك وفوتي موضوع الدسان عليها ..هوا هذا اصلا ..امتى عطلت جتلها فجاة
• أنا : بخ ..شن ديري
• راما : ءء لا شيء بس المدار العبيطة بتجلطني الفساد الفساد حسستني اني قاعدة نحرض فيهم
• انا : ديريهم في عدم الازعاج او الكتم معاتش تشوفيهم ..
• راما : ماندري توا نديرهم
• انا : هاتي نديرهولك انا ..
• راما دساته وراها : لالا مش توا بعدين خلي نديرو كاكاو ونحطي من حلويات خالتي مش عاديات ونجي نهدرزو ..
• انا : ع راحتك تمام نستنا فيك ..وخشيت وقاعدت نشوف في رسائل نادر وقريب بنبكي وحسيت ان قسيت عليه زيادة بس يستاهل مش انا الي يفتح بيا المجالس 🤷🏻‍♀️🤨..شويه هكي نسمع في تلفون راما يرن اول مرة وتم تاني مرة وردت عادي
• راما :تمام اهو شوي ونفتحلك الباب لحظه بس ..
• نعمان : مش انتي هيا هيا باهي ..
• راما : باهي ياودي هي شوية وانت قريب بتفضحنا ..وخلت الخط مفتوح
• راما : اسيلللللل اسيللل سيلوووو
• اسيل : وطي حسك ها ها
• راما : بالله افتحي الباب ..اكيد هناء بعثها امها تبي حاجه هذا وقتها اصلا😏🙃
• اسيل : هي باه ومشيت نهز في راسي لا غطا لا يحزنون لان مافي حد في الحوش الا انا وام راما وبوها راقد 🤷🏻‍♀️ كان شعري مفرود شداته من فوق بتوكات متع التسريحه ..فتحت الباب 😳
خلي نوصفلكم منظره كان نص هدية ونص راجل هههه يعني من فوق هلبا حاجات وبلونات ودبدوب وماركزتش المهم هلبا مواضيع ومن لوطا راجل طبيعي او الاصح رجلين هههههه شوي هكي نسمع صوت ..
• نعمان : أسيل صح ..
• أسيل : ايه من انت وانا في حالت صدمه نسيت روحي اصلا ومش فهمة شي
• نعمان : ممكن تاخديها وبعدين نفهمك ..ونزل الهدية في فم الباب وجاء بيمشي ..
• اسيل درت ادايه في نصي 🤨: ومن قالك احني جمعية خيرية ولا نستنو في حد يتبرعلنا ..
• نعمان : نعرف الي تقولي فيه بس دخليها وتوا راما تفهمك وانا شوية ونتصل بيك نزيد نفهمك 😊
• أسيل تحشمت : رغم اني ما قتنعتش بس لحظه..شايفاتك قبل ولا..
• نعمان ابتسم وهز براسه بمعنى ايه 😊..ومشى🚶🏻‍♂️
وامتى مشى تلفتت لقيت وراي راما واقفه 🤨
• اسيل : بعدين نتفاهمو دخلي معاي ها العار خلي نفهمو ولا فاهميني لانك فاهمه .. وقامت معاي ..
• راما : قبل ماتمسيها احكيلي شن الي داستيه عليا
• أسيل 😔: مش قصدي ندس ممكن خوفت انك تعارضيني وانا رتحتله او ممكن خوفت يكون غلط مش عارفه تدكري هذاك المعجب السري طلع اسمه نادر سالم ......وحكتلها الي صار وما كملت لين ضربتني كف وضمتني 😥👋🏼
• راما : عمري ما دسيت عليك حاجه غلط صح نقولهالك لان واثقه انك حا تتفهميها وكانه عليك انتي وأنا متفهمى الي حسيتيه بس والله الكف هذا باش مر ثانية ما تعاوديها بس وجاء دوري نحكيلك .
وحكتلها كل شيء صار من لحظة جاني نعمان ل لحظة الاتصالات للحظة استلام الهدية 😊😉
• أسيل : يعني صاح اني شفته قبل 🤦🏻‍♀️ لا ويا حلوة وشافني بلا وشح غر ستني ستني قصدك خو 🤦🏻‍♀️
• راما غمزتلها 😉: ايه وهادي هذية من نادر
• أسيل : بس نادر في الهند كيف ..
• راما : ولينا للغبه وراس امك مدريلي جو المحقق كونان وانتي راس مالك زبطيني ان فيه حاجه تم المسلسل ..فيه حاجه اسمها نت وانتي مشاءالله خاطري خاطري وخوها قاعد في ليبيا بعثله فلوس او اشبح كيف وتم الموضوع 😏
انا مشيت طول جري نبي نشبح شن فيها وصدمه كانت الالبوم فيه منشوراتي واخر رساله انه يعتدر ويعبر ..
《أنا اسف سيلو عمري ما تخيلت 4ايام نحسهم 4سنين عاجز عن كل شيء لا ماكله لا حركه وما حبيتها الدنيا الا لما تعرفت عليك نتمنى تسامحيني لان والله فهمتي غلط بس الشخصين الي حكتلهم هما نفسهم الي واحد منهم حاتلقي منه رساله يتبورد عليك وهوا خوي وصاحبي الي كيف خوي ❤ولو حتي هذو ماتبيش نحكلهم عليك وعد مش حايسمعو سيرتك تاني بس وراس حبي تردي عليا ❤راني حي من قلة الموت 💔📨 وخليها الهدية البسيطة اعتدار مني ليك ❤》
وانا قاعدة نقرا وراما تفتح في البوكس وشوية عيطة لين رعشت مع بعضي
• انا : خيرك اللطف رعشتيني اشبحي 😍
😳😳❤💋
.
.
.
.
سامحوني بس امس كله ماعندناش ضي 😔💔
بختي هو من الاول فيه تفاعل ونزيد نغيب 😂🙃