عالمي الإفتراضي🌐💔

الحلقه الحادي عشر ❤💐

《عالمي الافتراضي 🌐》
للكاتبه Lames monje
الحلقه الحادي عشر 1️⃣1️⃣

😍❤

😍
• نعمان : طالعه حلوة 😍 وهرب هههههه
كنت بنموت من الفرحه ورجعت بنادي اسيل قريب نسيتها
.
.
.
نديتلها كانت تجلط تهبل ..قفطانها طويل فيه ديل شوي كتفاته نازلين فيه كمام بس شفافة ثلث رباع لونه موف💜فيه فتحة من قدام في الوسط ل نص الفخاد رقبته مسكرا من فوق ومفتوحا من تالي بحيث لنص ظهرها عاري 😍شعرها فيه نفخة ومفتوح فلو تقول اميرات ديزني لابسه كسسوار كرستالي ومكياج شوي جرئي بس خطير😍 ..اول ما شفتها بديت نزغرط لين دمعتي نزل لا شعوري مخلطه بين فرحه وحزن ع انها صديقة عمري بتفارقني ضمينا بعض قريب بكت بس هديتها في لحظة الاخير ودخلتها لناس وبدت امي وخالتها وام نادر يزغرطو وهي كانها ترعش ماقالت نهفت 😍 وشوي هكي بدو يهدرزو ع التلبيسة وحاجات هكي وامتى قالو ان الفاتحة الجمعه نقلب الحوش تزغريت ❤ ..بس الغريب ان فيه واحدة واضح صغيرة من لحظة الي خشيت ماعجبتنيش وهي متكبرة حتي من سلامها ع راس صوابعها 😅بس لصراحه ما دورتهاش شوي هكي دخلت رشا الكل شبح ليها وام نادر ❤قالت
• ام نادر : اللهم صلي ع نبي الزين عندكم يصب الله يحفظكم مخطوبة ولا تستنا في نصيب ❤😍
• خالة اسيل نطت : مخطوبة ان شاءالله ...رشا شبحتلها بصدمه كيف ..فنصت فيها ع اساس اسكتي 🤨.
• ام نادرة : مشاءالله زين ماختار الله يهنيك بنتي
• رشا بصوت يادوب ينسمع : الله يسلمك ويطول في عمرك خالتي ..
• فاتن : بليز ممكن كوب ..
• راما : تحكي عليا ..
• فاتن : ايه مش شغاله ..
• راما قربت منها وشوي عطيتلها كف بس تحشمت لان ناس مش لاهين معاها اصلا هي قالتها بحتقار وبصوت شبه واطي ..
• راما : صاحبة العروسه وكنتكم المستقبلية وعدلي طريقت كلامك مش شغله بس ع خاطر لكبار حا نحترمك ونجيبلك مية
• فاتن لوحة با ايدها : ماعلينا ..
• رشا : راما ممكن لحظه .. نضت
• راما : خيرك 🤔..
• رشا : هي نقدمو نسكافي وحلو ..
• راما : 🤦🏻‍♀️😰تعرفي نسيته هي هي تواني ويبدا واتي ...بس خليني نعطيلها مياة ..
• جيت بنعطيها مية دارت لقطه ع اساس نضت بلغلط باش تتبزع المياة في حجري بس للاسف صار العكس نصبت في حجرها هههههه..
• فاتن بتنرفيز وعيطة : خيرك عمية بزعطي عليا مية
• راما : اسفة بس انتي الي طاحت منك 😊 وقولتها بشوية تستاهلي وجيت بنخطم وما نلقا روحي بوووف طحت ع وجهي
• ام نادر : سم الله عليك يابنتي وشبحت ل فاتن بطريقة شفتك توا نوريك ...نوضي وجتني ماما ونوضتني لان طحت ع وجهي وانا لابسة كعب شوي عالي 🤦🏻‍♀️ وماقدرتش حتي نتلفت وطلعت...وانا قريب نتربق لولا الحشمه راهو ضربتها حاولت نقاوم وتمالكت اعصابي وجتني رشا ..
• رشا : مادورهاش تحسيها غايرة مسكينه .
• راما : تي قصدك حسيتي بيها ..
• رشا : ماتخفيش كولهم حسو بيها ..هي خشي رادعي الكافي وشوي ونلحقك نجيب الكيكات من دار اسمر لان فيها الحلو ..(حطينا الحلو في دار ع خاطر مافيش مكان في ثلاجه ولان فيها مكيف حطيناهم تم )😜
المهم وانا خشيت قعدت ناخد ونستف فيهم في سفرة التقديم وخديت الكلنكس نحط معاه الكلنكس المعطر كملت نضت نساوي روحي قدام مراية اسمر الطويلة بش نقدم الكيك مع الكافي نفتح الباب وع طول خش 😥😳
• اسمر : اسفة مانسبكش هني 😍
• رشا حطت ايدها ع صدرها لان باين هلبا : لالا عادي اصلا اني كنت طالع وجت بتطلع انست السفرة
• اسمر : والكيك يا كيكه ..
• رشا تحشمت وبديت نرعش : ءء ايه نسيتها وجيت بنقيمها اسمر شاف👙 😍لفت شعرها لجهة وحدة باش ما يطيحش ع الكيك وقامتها وجت بتطلع..ممكن تفتحلي الباب ..
• اسمر : حاظر بس بشرط ولا والله مانك طالعه ..تعطيني بوسى😍💐🤦🏻‍♀️
• رشا 🤨: تفتحلي ولا نعيط ..
• أسمر : لالا اهو نفتحلك ولما فتحلها جاء وراها وهيا ماشيه شدها من خصرها وباسها في رقبتها 😳 تجمدت ..هربت ع طول قريب طاحت .
• راما : من يجري وراك وخيرك عطلتي ..
• رشا : ءءء كنت نرادع فيهم هي هي ولله ماعد فيا جهد هي مزال العشاء ...
قدمنا الكافي وهدرزنا وشوي نضنا وتينا العشاء وتينا السفرة الي بنبعثوها للحوش اهل العريس❤
وقولنالهم يتفضلو يتعشو ..
• ام راما : راما قولي لكنت جميلة تبعث لرجلها يجي ياخد السفرة غلفتوها ولا ..
• راما : ايه اهو شوي بس ..قولت ل خالتي جميله
• ام نادر : فاتن ..
• فاتن : نعم عميمه ..
• ام نادر : كلمي نعمان قوليله تعالى خود عشاء من ناس ..
• خالة أسيل: هادي كنتك جميله ..
• ام نادر : ايه مرت نعمان ولدي الوسطي ..هي تحكي واني كان ترمني صب عليا مية متلجه 😳..ورجعت بخطوات اثقل من جبل 💔
• رشا : خيرك صفريتي فجاة فيك حاجه ..
• راما : ءء لالا ما فيا شيء بس حسيت روحي بنرجع 💔
#تسريع في الاحداث ..
كملنا الفضانية ع خير دون اضرار مادية وبشرية بس نفسية فيه وفيه حددو العرس والفاتحه وصدمونه لما قالو ان نادر مش حا يجي بس حايبعثوله اسيل مع كريم ❤ وافقت اسيل وتم الموضوع ومر اليوم باحلوه ومره ..
مع 3في ليل قاعدت انا ورشا وراما في داري ..وخالتي وام راما ومرت خالي وبنتها (بنتها متزوجه وكبيرة يعني ما تقولوش علاش ما قعمزتش معاكم ) في دار متع التقعميز 😅
• أنا : راما ..
• راما : همممم..
• أنا : شن الي همم خيرك ساكت شن الي يدور في راسك احكي
• رشا : تبي نوض نخليك برواحكم ..
• راما : قعمزي بلا حركات اهو نحكلكم بس بلا جو الصدمه الحركات ولا مانحكلكمش اصلا ..
• رشا : لالا احكي ولا مانعلقو ..
• راما : اني معجبه با نٌعمان خو نادر او الاصح نحبً بعض من يوم الي جاني للكلية 😔
• أنا &رشا 😱ككيف
• راما : نكمل ولا نخليكم مصدومات ونرقد ..
• انا : لالا كملي بس كيف ومن امتى وقصدك كنت ف علاقة..
• راما : شبه ايه كان من يوم الي كلمني في الكلية يتحجج بيك كيف حالك وشن الاخبار ودوة تجيب دوة وبعدها ولينا نهدرزو ع النت وهكي صار توا عمر علاقتنا شبه شهر ومعاها مش هلبا بس ...
• انا : ماتكملهاش يا راما نعمان متزوج ...
• راما : نعرف😔
• رشا : تعرفي وتكلم فيه تخربي حياة راجل متزوج وبنت معندهاش دنب ..
• راما ودموعها لا شعوري ينزلو : والله ما كنت عارفه انه متزوج ولا والله كنت بعدت بس ها الحقير كان يهدرزلي في كل شي الا موضوع انه متزوج وانا اصلا كيف ما خرليش يكون هوا الاخ المتزوج الي عند نادر ..💔
• أنا : توا صار الي صار كيف حا ديري ..
• راما : طبيعي مش حانرد عليه تاني يا اما ترد ونمسح بيه ونسكر لان فاضة بيا ..خزيه ماحره لما القلب يختار الشخص الغلط 💔
• رشا راما تحكي وكانها كانت تدوي عليا بس للحظة دكرت موقفي مع اسمر وبتسمت 😊 لقيت البنات يشبحولي نظرت خيرها هادي هههه: خيركم..
• راما : انا حسني مش مرتحتلك احكي ولا نعطيك بوكس ..
• رشا وجهي ركبت فيه الحرارة : ءءءلا مافي شي
• أنا : ردي بالك تكدبي وجهك وطريقة كلامك دل ع حاجه صارت احكي ..
• رشا : نقول بس بدون تعلقات والله نوض ونخليكم
• انا : والله محنا مديرين اي لقطه توا حني وجهة حركات هدومه ..
• راما و رشا بصوت واحد : لاااااا حشانا وفلقنها ضحكه 🤣🤣
• انا : هي انطقي ..
• رشا : اسمر ..
• راما : والله كنت عارف ان هاصايع مداير عملة هههه
• أنا : اصلا زبطتهم ههههه
• رشا : نحكي ولا تكملو تعبيركم الجميل ..
• انا والله ما صارت كملي يا لي شكلك بتولي مرت خوي 🤣
• راما : ههههههه هدي ع بنت وجهة بدا كيف الجمرة الوالعه ههههه
• انا : اسكتي يا مرت سلفي هههه وجتني ضربه بالمخدة من راما ...احكي ياشلال..
• رشا : القصة وما فيها بدت اليوم بلا جو ..
• انا : اووو شكلها من اول نظرة ..
• رشا : اوووف خلاص وانا في داره كنت نستف في الكيك خش عليا اسمر وو.....هدا هو
• راما : هذا علاش كان وجهك احمر وتلهدي كانه في حد يجري وراك..قطع عليها تلفونها
كلنا شبحنا ليها 😳
• انا : نعمان ..
• راما : إإإيه ..شن نقول
• رشا : هوا الي كدب هوا الي يخاف مش انتي بلا خوف كلمي الخرا امسحي بيه .
• راما : باه نوضو اطلعو ولا انا نطلع ..البنات طلعو ..فتحت الخط
• نعمان : وراسك ماتسكري الخط نعرف انا مسخ وحقير واوسخ مني ما فيش بس والله نحبك وبنطلقها نبيك انتي ..
• راما : انت شن تخرف البنت مالقاهاش سنه عندك وبطلقها شن تحساب بنات الناس لعبه ..
• نعمان : اني مالعبت بحد والله نيتي صافية ومعاك بدات مرتي كدا كدا كنت حانسيبها او حانتزوج عليها وزاد هذا الاحتمال لما شفتك وربي حبيتك ..
• راما : بلا كلام وتخريف زايدة عيب عليك مرتك صغيرة صح زاي شلال ..
• نعمان : دارتلك حاجه عرفت حاجه 😳
• راما : خيرك خوفت ماتخافش في الاخير حتي انا بنت وموقف زاي هذا مانتحملاش ..
• نعمان : خوف عينك انا مانخاف كان من ربي بس والله خفت دير معاك موقف وهي طبعها ونعرفه
• راما في خاطري تعرفها خزيه طلعت زباله مش غر معاي : باهي تمام توا شن المطلوب مني
• نٌعمان : نبيك ..❤
• راما : شن تخرف انت متزوج وانا ما مايسعدنيش الموضوع هذا واصلا مش حانوافق عليك حتي ..
• نعمان : بنطلقها وراسك انطلقها وانتي مش حا تكوني لي غيري سمعتيني يا راما لغيري مش حا تنكتبي ..
• راما بصوت عالي : شن تبي قولي تبي ضيعني تبي تحرق قلبي راني مش لعبه تحساب روحك تقدر تتحكم فيها لا يا بابا مش انا الي تعشمني وتضحك عليا فووووتني انا مش ليك طلق ولا انحرق انا خط احمر ابعد عليا وشوف من ضيع معاها وقتك ..وسكرت في وجهها ...وقعد يدق ويعاود ونا نهرت بابكاء علاش هكي 💔😔😭 خشو البنات لما معاتش سمع صوت ..
• انا : بالله عليك ما تبكي ما يستاهل 💔
• راما : انحبه يا سيلو نحبه بنموت من غيره المدة مش هلبا بس اول مرة نتعلق بحد
• رشا : ابكي واهدي شوي واحكي شن قالك
• راما : شن يحكي الي كدب باش يضحك ع بنات الناس ما أنا كنت مانحبش لا العلاقات ولا دوة فاضية شن لزني بس ..بالله عليكم تخلوني بروحي نرتاح ..
• أنا : بس..
• رشا : خليها ترتاح ياسيلو توا صبح تولي كويسه ..
٠٠٠٠٠٠
راما البنات طلعو وانا لما نزعل ناخد سماعاتي ونسمع الاغاني هكي طبع مشى فيا ..وركبت سماعاتي واول أغنية جت في بالي أغنية
(نساني وخيب ظنوني حبيبي😭 عساها باعمى عيوني حبيبي) ...
لين خلاص هديت شوي ورقدة نضت الصبح العيون منفخات 😔 وراسي صداع 💔 غسلت وصليت ونضنا ودرنا دورة ع الحوش وكل حد خدا دبش وروح وما قعد الا خالة سيلو ومرت خالها بس وعمتي الكبيرة يوم الخميس جاية هي بنتها بيقعدو معاي للعرس لان بعد سبوعين من الفاتحه عرسي ❤😍
.
.
.
وجاء #يوم الفاتحة وكانو الرجاله عمامي وبابا (جابه بوي بسيف بس قال مش حايجوزني هوا ل أسباب مش معروفه🤷🏻‍♀️ ..جهزنا الضيافه لي بنعطوتها لرجالة لما بيروحو من الفاتحه ونظمنا حاجاتنا والبنات كانو عندي وزحمه هانم ام رشا جت وقالتلي انا حبيتك واعتبرتك كانك بنت فاطمه وانا جيتك ع هدا الاساس ..وجوني الجيران ومرت عمي وعمتي وبنتها والبنات دارو جو مش عادي 😍..وبنت عمتي كان تعرف تغني امازيغي ماهو عمتي واخدة زواري 😍يعني امازيغية صافي ❣

سما أسمها 😍وبدت راما دربك وسما تغني ورشا تزغرت
💃💃
دامبروك افلام افلام ايلي ....مبروك عليك يا بنتي
سيردنام تمدقلت ديقينام ال حني ..
لابسوك رداهم ودارولك الحنه
وشوي جتني مكالمه من رقم دولي 😍🤷🏻‍♀️زبطه ..فتحت
• نادر : مبروك علينا يامرتي شرعى وقانونا❣
• انا : قصدك قروها 😱
• نادر : ايه يا عمري نحبك ..من الفرحه خليت الخط مفتوح وقعدت نبكي والبنات يهدو فيا وخالتي
• خالتي : شن صار بوك ماباش يقراها والعريس تراجع شن فيه ..
• انا معاتش قدرت نتكلم نبكي بس والله واعر موقفها انك تكون بروحك امك مهناش بوك وكانه ماجرينه ديكور واعرة البنت محتاجه امها اليوم هذا تفرح تزغرتلها ضمها توريها تحدرها وانا يارب عوضني خير 💔 وهذا كله ونادر ماسكرش خطفت مني التلفون راما ..
• راما : الو من معاي ..
• نادر : نادر نادر ياراما ..
• راما : شن فيه احكي خيرها تبكي..
• نادر : تي هادي بتهبلني ع اي شي تبكي قولتلها الفاتحه نقرت ...ومزال ما كمل كلامه سكيتها عيطة وتنقيز ...لا والله البنت وصاحبتها مهابيل ههههه وسكر..
وقعدنا نغانو ونرقصو وحطينا العشاء لما جو رجالة رغم صغر الشقة بس ولله ما حسينا والي ساعدنا انها الدور الاول ❣
.
.
..
.
..
عند نادر
كانو الشباب مدايرين حفله ع شرفي توديع عزوبية كاني في ليبيا في الهواء الطلق مشاوي وموسيقى ليبيا وشباب سامي وايمن و كريم معاي طبعا ولعنا زكرة وعطوها كسكا لين طاحو وانا كنت رغم فرحتي انها خلاص اسيل ولت مرتي وليا قد ما خايف من ردت فعلها لما تشوفني هكي وهل حا تتقبلني ولا ع خاطر فلوسي بس وهذا الي كان مخوفني والي خايف منه اكثر انها تعاملني ع نحو الشفقه 💔 وكانت عندي خطة بس خايف نخسر بيها اسيل بس حانحاول 💔
.
.
.
.
يتبع في ليل ان شاءالله كان لحقت ❣❤انشطو يلي تشوفو بلا تصويت