#النقيب_أبودرع_والقاصر
⭐⭐⭐
الكاتب علي الفتلاوي
#بارت١١
ﻗﺒﻞ ﺍﻟﻘﺮﺍﺋﻪ ﺍﺿﻐﻄﻮ ﺍﻟﻨﺠﻤﻪ ﺣﺘﺊ ﺗﺼﻌﺪ ﺍﻟﻘﺼﻪ 😗
،،،،،،،،،،،،،،،،،،،،،،،،،،،،،،،،،
ﻟﺠﻴﻦ،،ﺍﻭﻝ ﻣﺎﻓﺘﺤﺖ ﺍﻟﺒﺎﺏ ﺻﺎﺭ ﺑﻮﺟﻬﻲ ﻋﻠﻲ ﺩﺧﻞ ﻭﺳﺪ ﺍﻟﺒﺎﺏ ﻭﺭﺍﻩ
ﻋﻠﻲ،،ﺷﺘﺴﻮﻳﻦ ??
ﻟﺠﻴﻦ،،ﺣﺠﺎﻫﺎ ﺑﺼﻮﺕ ﻫﺎﺩﺉ ﺑﺲ ﺍﻧﻲ ﻟﺰﻣﺘﻨﻲ ﺍﻟﺮﺟﻔﻪ ﻣﺎﺍﻋﺮﻑ ﻟﻴﺶ
ﺣﺴﻴﺘﻪ ﺻﺎﻓﻦ ﺑﻌﻴﻮﻧﻲ ﺍﻧﻲ ﺑﺴﺮﻋﻪ ﻓﺘﺤﺖ ﺍﻟﺒﺎﺏ ﻭﻧﺰﻟﺖ ﺑﺲ ﮔﻠﺒﻲ ﺍﺣﺴﻪ ﻳﺮﻛﺾ ﮔﺪﺍﻣﻲ ﺻﺢ ﺍﺧﺎﻑ ﻣﻨﻪ ﺑﺲ ﻫﺎﻱ ﺍﻭﻝ ﻣﺮﺓ ﻳﻜﻮﻥ ﻗﺮﻳﺐ ﻋﻠﻴﻪ ﺍﻟﻬﻠﺪﺭﺟﻪ ﻭﻛﺬﺍﻟﻚ ﺍﺷﻮﻓﻪ ﻳﻨﻀﺮﻟﻲ ﺑﻬﺎﻱ ﺍﻟﻨﻀﺮﺓ
ﺩﺧﻠﺖ ﻏﺮﻓﺘﻲ ﻭﺳﺪﻳﺖ ﺍﻟﺒﺎﺏ ﺭﻓﻌﺖ ﺍﺩﻳﻪ ﺍﺑﺎﻭﻋﻠﻬﻦ ﺍﺷﻠﻮﻥ ﻳﺮﻋﺸﻦ
ﺑﻘﻴﺖ ﺷﻮﻳﻪ ﺍﻓﺘﺮ ﺑﺎﻟﻐﺮﻓﻪ ﺑﻴﻦ ﻣﺎﻫﺪﺋﺖ ﺑﻌﺪﻫﺎ ﺍﻃﻠﻌﺖ ﺍﻛﻤﻞ ﻏﺴﻞ ﺍﻟﻤﻼﺑﺲ ﺑﺲ ﺍﻟﻤﺸﻜﻠﻪ ﻛﻞ ﻣﺎﺍﺷﻴﻞ ﺷﻐﻠﻪ ﺗﻮﮔﻊ ﻣﻦ ﺍﻳﺪﻱ ﻣﻦ ﺍﻻﺭﺗﺒﺎﻙ
ﺑﻌﺪ ﻧﺺ ﺳﺎﻋﻪ ﺭﺟﻌﺖ ﻧﺴﺮﻳﻦ ﺑﺲ ﻣﻦ ﺭﺟﻌﺖ ﻣﺎﺣﺴﻴﺖ ﻋﻠﺊ ﺭﺟﻌﺘﻬﺎ ﻟﺤﺪ ﻣﺎﻟﮕﺰﺗﻨﻲ ﺑﺨﺎﺻﺮﺗﻲ ﻭﻓﺰﺯﺗﻨﻲ
ﻧﺴﺮﻳﻦ،،ﺍﻭﻭﻭ ﺍﻟﻴﻮﻡ ﻭﻳﻦ ﺻﺎﻓﻦ ﺍﻟﺤﻠﻮ ??
ﻟﺠﻴﻦ،،ﻫﺎ ﻻ ﻣﺎﻛﻮ ﺷﻲ ﺑﺲ ﺷﻮﻛﺖ ﺍﺟﻴﺘﻲ
ﻧﺴﺮﻳﻦ،،ﻫﻬﻬﻬﻬﻬﻪ ﻣﻮ ﺍﮔﻠﺞ ﺷﺎﺭﺩﺓ ﻭﻣﺎﺗﺪﺭﻳﻦ ﺑﺮﻭﺣﺞ
ﺍﻟﺸﺎﻏﻞ ﺑﺎﻟﺞ ﻳﺘﻬﻨﻪ ﻋﻴﻨﻲ
ﻟﺠﻴﻦ،،ﻭﻣﻨﻮ ﺷﺎﻏﻞ ﺑﺎﻟﻲ ??
ﻧﺴﺮﻳﻦ،،ﻣﺤﺪ ﻳﺎﺟﻠﻤﻪ ﺭﺩﻱ ﺍﻟﻤﺠﺎﻧﺞ ﺧﺎﻑ ﺍﻛﻠﭻ ﻭﺍﺗﺒﺴﻄﻴﻦ ﻭﺍﺗﮕﻌﺪﻳﻦ ﻻﻗﺮﺍﻳﻪ ﻭﻻﻛﺘﺎﺑﻪ ﻋﻮﺩ ﺍﻧﺠﺤﻲ ﻭﺑﻌﺪﻳﻦ ﺍﻛﻠﺞ
ﺑﺲ ﻭﻟﻮ ﺍﻧﺘﻲ ﻣﻄﻔﻴﻪ ﻳﺮﺍﺩﻟﺞ ﮔﻠﺐ ﻣﺎﻣﺪﺷﻦ ﺣﺘﺊ ﺗﻔﻬﻤﻴﻦ
ﻟﺠﻴﻦ،،ﻙ ﺍﻟﻌﺎﺩﺓ ﻛﻼﻡ ﻧﺴﺮﻳﻦ ﺍﻟﻐﺎﺯ ﻋﻘﻠﻲ ﻭﻋﻤﺮﻱ ﻣﺎﻳﺴﺘﻮﻋﺒﻨﻪ
ﻛﻤﻠﺖ ﻣﻼﺑﺲ ﻭﺳﺎﻋﺪﺕ ﻧﺴﺮﻳﻦ ﺑﺘﺤﻀﻴﺮ ﺍﻟﻐﺪﺓ
ﺑﻌﺪﻫﺎ ﺭﺟﻌﺖ ﺍﻡ ﺣﺴﻴﻦ ﻫﻲ ﻭﺑﻨﺎﺗﻬﺎ ﻭﺟﺎﻧﻦ ﻫﻮﺍﻱ ﻣﺘﺴﻮﻛﺎﺕ
ﺍﻡ ﺣﺴﻴﻦ،،ﻭﻟﺞ ﺧﺎﻟﻪ ﻟﺠﻮﻧﻪ ﺍﺑﺮﻭﺡ ﺍﻫﻠﺞ ﮔﻼﺹ ﻣﺎﻱ ﻓﺤﻂ ﮔﻠﺒﻲ ﻣﻦ ﺍﻟﺘﻌﺐ
ﻟﺠﻴﻦ،،ﺟﺒﺘﻠﻬﻦ ﻣﻲ ﻭﺍﻧﻄﻴﺘﻬﻦ ﻭﺻﻠﺖ ﺍﻝ ﻫﻨﺎﺀ ﺍﻧﻄﻴﺘﻬﺎ ﺑﺲ ﺣﺘﺊ ﻣﺎﻛﻠﻔﺖ ﻧﻔﺴﻬﺎ ﺗﺎﺧﺬ ﺍﻟﮕﻼﺹ ﻣﻦ ﺍﻳﺪﻱ
ﻃﻠﺒﺖ ﻣﻲ ﻣﻦ ﺑﻨﺖ ﺑﻴﺪﺍﺀ ﺗﺠﻴﺒﻠﻬﺎ
ﺍﻡ ﺣﺴﻴﻦ ﺧﺰﺭﺗﻬﺎ ﻭﻫﻲ ﺍﺑﺪ ﻣﺎﺍﻫﺘﻤﺖ ﺍﺧﺬﺕ ﻋﻼﻟﻴﻜﻬﺎ ﻭﺩﺧﻠﺖ ﺍﻟﻐﺮﻓﺖ ﺍﻣﻬﺎ
ﺍﻣﺎ ﺑﻴﺪﺍﺀ ﻓﺮﺷﺖ ﺍﻟﻐﺮﺍﺽ ﺑﺎﻟﮕﺎﻉ ﻭﺗﺸﻮﻓﻨﻪ ﺍﻧﻲ ﻭﻧﺴﺮﻳﻦ ﺷﻨﻮ ﺟﺎﺑﺖ
ﻭﻣﻨﻄﻠﻘﻪ ﺑﺎﻟﻜﻼﻡ ﻭﺍﻟﻀﺤﻚ ﻭﻳﺎﻧﻪ
ﺍﺧﺮ ﺷﻲ ﻃﻠﻌﺖ ﺩﺷﺪﺍﺷﻪ ﻟﻮﻥ ﻛﺮﻳﻤﻲ ﺍﻧﻄﺘﻬﺎ ﺍﻟﻨﺴﺮﻳﻦ
ﻭﻃﻠﻌﺖ ﺍﺛﻨﻴﻦ ﺍﺗﺮﺍﻛﺎﺕ ﻳﺘﺸﺎﺑﻬﻦ ﻟﻮﻧﻬﻦ ﺯﻳﺘﻮﻧﻲ ﮔﺎﻟﺖ
ﺑﻴﺪﺍﺀ،،ﻃﺒﻌﺎ ﺍﻭﻝ ﻣﺎﺷﻔﺘﻪ ﻣﻌﻠﮓ ﺑﺎﻟﻤﺤﻞ ﻋﺠﺒﻨﻲ ﺍﺧﺬﺓ ﺍﻟﺒﻨﺘﻲ ﻭﻣﻦ ﺍﺷﺘﺮﻳﺘﻪ ﺫﻛﺮﺗﺞ ﺍﻧﺘﻲ ﻭﺍﻳﺎﺕ ﻧﻔﺲ ﺍﻟﻜﺒﺮ ﺍﺷﺘﺮﻳﺘﻠﺞ ﻭﺍﺣﺪ ﺍﻟﺞ ﺍﻛﻴﺪ ﻳﻄﻠﻊ ﻛﻠﺶ ﺣﻠﻮ ﻋﻠﻴﺞ
ﻳﻠﻪ ﮔﻮﻣﻲ ﺍﺳﺒﺤﻲ ﻭﻟﺒﺴﻲ
ﻟﺠﻴﻦ،،ﻃﺒﻌﺎ ﺗﺨﺘﻠﻒ ﻋﻦ ﺍﺧﺘﻬﺎ ﺍﺧﺘﻼﻑ ﺟﺬﺭﻱ ﻭﻻﺟﻨﻬﻦ ﺍﺧﻮﺍﺕ ﺫﻳﺞ ﻣﺎﻃﺎﻳﻘﻪ ﺍﺣﺪ ﻭﻫﺎﻱ ﻳﻌﺠﺒﻚ ﺑﺲ ﺍﺗﮕﺎﺑﻠﻬﺎ ﻭﺗﮕﻌﺪ ﻣﻦ ﻃﻴﺐ ﻛﻼﻣﻬﺎ
ﺍﺧﺬﺗﻪ ﻣﻨﻬﺎ ﺑﺴﺘﻬﺎ ﻭﺷﻜﺮﺗﻬﺎ ﻭﺭﺣﺖ ﻟﻠﺤﻤﺎﻡ ﺳﺒﺤﺖ ﻭﻛﻤﻠﺖ ﻟﺒﺴﺖ ﺍﻟﺘﺮﺍﻙ ﻛﻠﻠﺶ ﺣﻠﻮ ﺑﺲ ﺷﻮﻳﻪ ﺣﺎﺻﺮ ﺟﺴﻤﻲ
ﻃﻠﻌﺖ ﻳﻤﻬﻦ ﻟﻮ ﻫﻨﻪ ﺍﺗﻌﺠﺒﻦ ﻧﺴﺮﻳﻦ ﺍﺗﮕﻠﻲ ﻃﺎﻟﻊ ﻓﺪ ﺷﻲ ﻋﻠﻴﺞ
ﻭﺑﻴﺪﺍﺀ ﺍﺗﮕﻮﻝ ﻃﺎﻟﻌﻪ ﺍﺗﺨﺒﻠﻴﻦ ﺑﻬﺬﺍ ﺍﻟﻠﻮﻥ
ﺑﺲ ﺍﻧﻲ ﺧﺠﻠﺖ ﻣﻨﻪ ﻻﻥ ﺿﻴﻖ ﮔﺘﻠﻬﺎ ﺑﺎﺟﻲ ﺑﺲ ﻋﻴﺐ ﺍﻟﺒﺴﻪ ﮔﺪﺍﻡ ﻋﻤﻮ ﺣﺴﻴﻦ ﻭﻋﻤﻮ ﻋﻠﻲ ﺷﻮﻓﻲ ﺍﺷﻠﻮﻥ ﺣﺎﺻﺮ ﺟﺴﻤﻲ
ﺑﻴﺪﺍﺀ ﻓﺘﺤﺖ ﺣﻠﻜﻬﺎ ﻣﻦ ﮔﻠﺖ ﻋﻤﻮ
ﺑﻴﺪﺍﺀ،،ﻭﻟﺞ ﻣﻨﻮ ﻫﺬﺍ ﻋﻤﻮﻭ ??
ﻧﺴﺮﻳﻦ،،ﻋﻤﻮ ﻋﻠﻲ ﻳﺎﺣﺴﺮﺓ
ﺑﻴﺪﺍﺀ،،ﻭﻟﻜﻢ ﻣﻦ ﺷﻮﻛﺖ ﺻﺎﺭ ﺍﻟﺮﺟﻞ ﻋﻤﻮ ?
ﻧﺴﺮﻳﻦ،،ﺍﺳﻜﺘﻲ ﺑﻌﺪ ﺍﺧﺘﺞ ﺍﻧﻔﺘﺖ ﻣﺮﺍﺭﺗﻲ ﻭﻫﻲ ﻻﺯﮔﻪ ﺑﻜﻠﻤﻪ ﻋﻤﻮ
ﻻ ﻭﺍﻟﻤﺼﻴﺒﻪ ﻣﺮﺍﺕ ﺍﺗﮕﻠﻪ ﺍﻟﻨﻘﻴﺐ ﻫﻬﻬﻬﻪ
ﺑﻴﺪﺍﺀ،،ﺑﻌﺪﻫﺎ ﻃﻔﻠﻪ ﺗﺘﻌﻠﻢ ﺷﻮﻳﻪ ﺷﻮﻳﻪ ﻭﺍﻟﻌﺎﻓﻴﻪ ﺑﺎﻟﺘﺪﺍﺭﻳﺞ
ﻭﺍﻟﻠﻪ ﻟﻮ ﻣﺎﺍﻡ ﺣﺴﻴﻦ ﻣﺴﺘﻌﺠﻠﻪ ﻋﻠﺊ ﻋﺮﺱ ﻋﻠﻲ ﻭﺭﺍﻳﺤﻪ ﺧﺎﻃﺒﺘﻠﻪ ﺷﻴﻤﺎﺀ
ﺳﺎﻭﻱ ﻫﺴﻪ ﺍﻧﻲ ﻓﺮﺣﺘﻲ ﺗﺨﺘﻠﻒ ﻻﻥ ﻟﺠﻴﻦ ﻓﻘﻴﺮﺓ ﻣﻮﻣﺜﻞ ﺫﻳﺞ ﺻﺎﺣﺒﺖ ﻭﺟﻬﻴﻦ
ﺍﻡ ﺣﺴﻴﻦ،،ﻓﺸﻠﻪ ﻳﻤﻪ ﻻﺗﺤﺠﻴﻦ ﻫﻴﺞ ﻻﻳﺠﻲ ﺍﺧﻮﺝ ﻣﻬﻤﺎ ﻳﻜﻮﻥ ﻫﻲ ﺗﻌﺘﺒﺮ ﻣﺮﺗﻪ
ﻟﺠﻴﻦ، ،ﺑﻴﺪﺍﺀ ﮔﺎﻟﺖ ﺧﻞ ﺍﻳﺎﺕ ﺗﻀﻔﺮ ﺷﻌﺮﺝ ﺗﻌﺮﻑ ﺗﺴﻮﻱ ﺿﻔﻴﺮﺓ ﻓﺮﻧﺴﻴﻪ
ﺟﺒﺖ ﺍﻟﻤﺸﻂ ﻭﻛﻌﺪﺕ ﮔﺪﺍﻡ ﺍﻳﺎﺕ ﻫﻲ ﺍﺻﻐﺮ ﻣﻨﻲ ﺑﺴﻨﻪ ﻭﻧﺎﻋﻤﻪ ﻛﻠﺶ ﺍﻧﻲ ﻣﺸﻄﺖ ﺷﻌﺮﻱ ﻭﺳﻔﻄﺘﻪ ﻭﻫﻲ ﺿﻔﺮﺗﻪ ﻃﻠﻊ ﻛﻠﺶ ﺣﻠﻮ ﻭﻫﻮ ﻃﻮﻳﻞ ﻭﺳﺮﺡ
ﺍﺷﺮﺕ ﺍﻟﻨﺴﺮﻳﻦ ﻛﺘﻠﻬﺎ ﺍﺗﻌﻠﻤﻲ ﺍﻟﻀﻔﺮﺓ ﻣﻨﻬﺎ ﺣﺘﺊ ﺗﺴﻮﻳﻬﺎ ﺍﻟﻲ
ﻧﺴﺮﻳﻦ،،ﻫﻬﻬﻬﻬﻬﻪ ﺍﻧﻲ ﺿﻔﻴﺮﺗﻨﻪ ﺍﻟﻌﺎﺩﻳﻪ ﮔﻮﺓ ﻣﺪﺑﺮﺗﻬﺎ ﺍﻧﻮﺏ ﻋﻠﻴﻪ ﺍﻟﻔﺮﻧﺴﻴﻪ ﻟﻮ ﺗﻀﻞ ﺷﻬﺮ ﺗﻔﻬﻤﻨﻲ ﻫﻢ ﻣﺎﺍﺟﻴﺒﻬﺎ ﻋﺪﻝ
ﻟﺠﻴﻦ،، ﺩﺧﻠﺖ ﺍﻟﻐﺮﻓﺘﻲ ﺧﻠﻴﺖ ﺍﻟﺤﺠﺎﺏ ﻋﻠﺊ ﺭﺍﺳﻲ ﻭﻃﻠﻌﺖ ﻳﻤﻬﻦ ﻟﻠﻤﻄﺒﺦ ﻟﮕﻴﺖ ﺣﺴﻴﻦ ﺟﺎﻱ
ﺍﻡ ﺣﺴﻴﻦ ﮔﺎﻟﺖ ﻣﺪﻥ ﺍﻟﺴﻔﺮﺓ ﻭﺟﻬﺰﻧﻬﺎ ﺑﻴﻦ ﻣﺎﻳﻨﺰﻝ ﻋﻠﻲ ﻣﻦ ﻏﺮﻓﺘﻪ ﻣﺎﺟﻨﺖ ﺍﺩﺭﻱ ﻫﻮ ﻫﻢ ﺭﺍﺟﻊ ﻟﻠﺒﻴﺖ ﺍﻭﻝ ﻣﺎﺫﻛﺮﺕ ﺍﺳﻤﻪ ﺑﻄﻨﻲ ﺍﻧﻤﻐﺼﺖ
ﺻﺮﺕ ﺍﻧﻘﻞ ﻣﻮﺍﻋﻴﻦ ﻭﻳﺎﻫﻦ ﻟﻠﺴﻔﺮﺓ ﺩﺧﻞ ﻋﻠﻲ ﻭﻛﺎﻥ ﻣﺒﺪﻝ ﻭﻻﺑﺲ ﺍﺗﺮﺍﻙ
ﻣﻦ ﺷﺎﻓﻨﻲ ﺍﺗﺴﻌﺖ ﻋﻴﻮﻧﻪ
ﻛﻠﻬﻦ ﮔﻌﺪﻥ ﻳﺘﻐﺪﻥ ﻭﺑﻌﺪ ﺑﺲ ﺍﻟﻤﻲ ﺭﺣﺖ ﺍﺟﻴﺒﻪ
ﻣﺎﺣﺴﻴﺖ ﻏﻴﺮ ﻋﻠﻲ ﺍﺧﺬ ﺍﻟﺪﻭﻟﻜﻪ ﻣﻨﻲ ﻭﻛﺎﻥ ﺷﺎﻳﻞ ﮔﻼﺹ ﻣﻠﻪ ﺍﻟﮕﻼﺹ ﻣﻲ ﻭﺷﺮﺏ
ﻭﻗﺒﻞ ﻣﻴﺮﺟﻌﻪ ﮔﺎﻝ
ﻋﻠﻲ،،ﺑﺪﻟﻲ ﻫﺬﺍ ﻟﺒﺴﺞ ﻭﺗﻌﺎﻱ ﺍﺗﻐﺪﻱ
ﻟﺠﻴﻦ، ﺭﺍﺩﺕ ﺗﻮﮔﻊ ﺍﻟﺪﻭﻟﻜﻪ ﻣﻦ ﺍﻳﺪﻱ ﻭﻫﻮ ﻭﻻﻛﺄﻥ ﺣﺎﺟﻲ ﺷﻲ ﺭﺣﺖ ﻳﻤﻬﻢ ﻟﮕﻴﺘﻪ ﮔﺎﻋﺪ ﻳﺘﻐﺪﺓ
ﺍﻧﻄﻴﺘﻬﻢ ﺍﻟﻤﻲ ﻭﺭﺩﺕ ﺍﻃﻠﻊ ﺍﻡ ﺣﺴﻴﻦ ﮔﺎﻟﺖ ﺗﻌﺎﻱ ﺍﺗﻐﺪﻱ ﻭﻳﻦ ﺭﺍﻳﺤﻪ ? ﻛﺘﻠﻬﺎ ﺧﺎﻟﻪ ﻫﺴﻪ ﺍﺟﻲ
ﺭﺣﺖ ﻟﻠﻐﺮﻓﻪ ﺑﺴﺮﻋﻪ ﺑﺪﻟﺖ ﻣﻼﺑﺴﻲ ﺑﺘﺮﺍﻙ ﻋﺮﻳﺾ ﻭﻣﺴﺘﻮﺭ ﻭﻃﻠﻌﺖ ﺭﺣﺖ ﻳﻤﻬﻢ
ﺭﺍﻓﻊ ﺭﺍﺳﻪ ﻣﻦ ﺍﻻﻛﻞ ﺷﺎﻓﻨﻲ ﻣﺒﺪﻟﻪ ﺍﺑﺘﺴﻢ ﻭﺭﺟﻊ ﻛﻤﻞ ﺍﻛﻞ
ﺑﻴﺪﺍﺀ،،ﻳﺎﺍ ﻟﻴﺶ ﻏﻴﺮﺗﻲ ﻟﺒﺴﺞ ﻳﺨﺒﻞ ﻋﻠﻴﺞ ﻭﺍﻟﻠﻪ
ﻟﺠﻴﻦ،،ﺭﺩﺕ ﺍﺟﺎﻭﺏ ﺑﺲ ﻫﻮ ﺳﺒﻘﻨﻲ
ﻋﻠﻲ،،ﺯﻳﻦ ﺍﻧﺘﻲ ﻣﺎﻟﮕﻴﺘﻲ ﻏﻴﺮ ﻫﺬﺍ ﺍﻟﺘﺮﺍﻙ ﻳﺒﻌﺪ ﺍﺧﻮﺝ
ﺑﻴﺪﺍﺀ،ﺍﻣﻤﻢ ﮔﻮﻝ ﻫﻴﺞ ﻣﻦ ﺍﻟﺒﺎﺩﻳﻪ ﻋﻴﻨﻲ ﺍﺑﻮ ﺩﺭﻉ
ﻋﺒﺎﻟﻲ ﺍﻟﺒﺖ ﻭﺣﺪﻫﺎ ﺑﺪﻟﺖ
ﻃﻠﻌﺖ ﻣﺎﺧﺬﺓ ﺍﻭﺍﻣﺮ ﻣﻦ ﺍﻟﻘﻴﺎﺩﺓ ﺍﻟﻌﻠﻴﺎ
ﻫﻨﺎﺀ،،ﻫﻮ ﺍﻧﺘﻲ ﮔﻮﺓ ﻣﺮﻭﺓ ﺗﺮﺩﻳﻦ ﻳﺼﻴﺮ ﺷﻲ ﻣﺎﺗﺸﻮﻓﻴﻬﺎ ﺯﻋﻄﻮﻃﻪ ﻛﻠﺸﻲ ﻣﺎﺗﻔﻬﻢ
ﻟﺠﻴﻦ،،ﻣﻦ ﮔﺎﻟﺖ ﺯﻋﻄﻮﻃﻪ ﺍﻟﺪﻣﻌﻪ ﻭﻛﻔﺖ ﺑﻄﺮﻑ ﻋﻴﻨﻲ ﺗﺘﻌﻤﺪ ﺗﻬﻴﻨﻲ ﻛﺪﺍﻣﻬﻢ ﺻﺎﺭﻟﻬﺎ ﻳﻮﻣﻴﻦ ﻭﺳﻮﺕ ﻣﺸﺎﻛﻞ ﻣﺎﻝ ﺳﻨﻪ ﻟﮕﺪﺍﻡ
ﻛﻤﺖ ﻣﻦ ﺍﻻﻛﻞ ﻧﺴﺮﻳﻦ ﮔﺎﻟﺖ ﻭﻳﻦ ﺗﺮﺩﻳﻦ ﻛﺘﻠﻬﺎ ﺷﺒﻌﺖ ﺭﺍﻳﺤﻪ ﺍﺣﻂ ﺍﻟﻘﻮﺭﻱ ﻉ ﺍﻟﻨﺎﺭ
ﺑﻌﺪ ﻳﻮﻣﻴﻦ ﻫﻨﺎ ﻭﺑﻴﺪﺍﺀ ﻛﻞ ﻭﺣﺪﺓ ﺍﺟﻪ ﻋﻠﻴﻬﺎ ﺭﺟﻠﻬﺎ ﺍﺧﺬﻫﺎ ﻭﺭﺍﺣﻮ
ﻭﺑﺪﺕ ﺍﻻﻳﺎﻡ ﺗﻤﺸﻲ ﻭﺻﺮﻧﻪ ﻧﻤﺘﺤﻦ ﺍﻣﺘﺤﺎﻧﺎﺕ ﻧﺼﻒ ﺍﻟﺴﻨﻪ ﻛﻨﺖ ﻣﺴﻴﻄﺮﺓ ﻋﻠﺊ ﻛﻞ ﺍﻟﺪﺭﻭﺱ ﺍﻟﻪ ﺍﻟﺮﻳﺎﺿﻴﺎﺕ ﺷﻤﺎ ﺍﻗﺮﺓ ﻭﺍﮔﻮﻝ ﺣﻔﻀﺖ ﻣﻦ ﺍﻣﺘﺤﻦ ﺍﺗﻴﻪ ﺍﻻﻭﻝ ﻭﺍﻟﺘﺎﻟﻲ ﻭﺍﻃﻠﻊ ﻣﺰﻓﺘﻪ
ﻭﻓﻌﻼ ﺑﻌﺪ ﻣﻨﺘﻬﺖ ﺍﻻﻣﺘﺤﺎﻧﺎﺕ ﻃﻠﻌﺖ ﺍﻛﻤﺎﻝ ﺑﺪﺭﺱ ﺍﻟﺮﻳﺎﺿﻴﺎﺕ
ﻛﻠﺶ ﺿﺠﺖ ﺍﺳﺘﺤﻴﺖ ﻣﻦ ﻧﺴﺮﻳﻦ ﻭﻋﻠﻲ ﻫﻮﺍﻱ ﻗﺮﻭﻧﻲ
ﻭﺗﺎﻟﻲ ﻣﺎﻓﺮﺣﺘﻬﻢ ﺑﻨﺠﺎﺣﻲ
ﻋﻠﻲ ﻣﻦ ﺳﻤﻊ ﺍﻟﺨﺒﺮ ﻣﻦ ﻧﺴﺮﻳﻦ ﺿﺎﺝ ﻛﻠﺶ ﻭﻫﻠﺸﻲ ﺑﺎﻳﻦ ﻣﻦ ﺗﻌﺎﻣﻠﻪ ﻭﻳﺎﻱ ﻣﺘﺠﺎﻫﻠﻨﻲ ﺗﻤﺎﻣﺎ ﺣﺘﺊ ﺳﻼﻡ ﻣﺎﻳﺴﻠﻢ ﻋﻜﺲ ﺫﻳﺞ ﺍﻻﻳﺎﻡ ﺣﺴﻴﺖ ﺏ ﺍﻫﺘﻤﺎﻣﻪ
ﺻﺮﺕ ﺍﻟﻮﺏ ﻣﻦ ﺍﺷﻮﻓﻪ ﻫﻠﺸﻜﻞ ﻭﻳﺎﻱ ﻣﺮﺍﺕ ﺍﺣﺲ ﺍﻧﻮ ﻣﺎﺍﺭﻳﺪ ﺍﺿﻮﺟﻪ ﻭﺍﻓﺮﺡ ﻣﻦ ﺍﺷﻮﻓﻪ ﻳﺒﺘﺴﻢ
ﺣﺴﻴﺖ ﻧﻔﺴﻲ ﺑﺪﻳﺖ ﺍﺗﻌﻠﻖ ﺑﻲ ﺑﺲ ﻣﺎﺍﻋﺮﻑ ﺗﻌﻠﻘﻲ ﺑﻮﻗﺘﻬﺎ ﺷﻨﻮ ﻧﻮﻋﻪ ﻣﺠﺮﺩ ﺍﻫﺘﻤﺎﻣﻪ ﺑﻴﻪ ﺧﻼﻧﻲ ﺍﺗﻌﻮﺩ ﻭﺍﺗﻌﻠﻢ ﻋﻠﻲ
ﻣﺮ 10 ﺍﻳﺎﻡ ﻭﻫﻮ ﻣﺎﻳﺤﺎﺟﻴﻨﻲ ﻃﮕﺖ ﺭﻭﺣﻲ ﻳﺤﺠﻲ ﻭﻳﻪ ﺍﻟﻜﻞ ﻭﺍﻧﻲ ﻻ
ﻭﺣﺘﺊ ﻣﻦ ﺍﺣﺠﻲ ﻳﺴﻮﻱ ﻧﻔﺴﻪ ﻣﺎﻣﻬﺘﻢ
ﺍﻧﺘﻀﺮﺗﻪ ﻳﺮﺟﻊ ﻣﻦ ﺍﻟﺪﻭﺍﻡ ﺣﺘﺊ ﺍﺻﻌﺪ ﺍﻓﻬﻢ ﻣﻨﻪ ﻟﻴﺶ ﺯﻋﻼﻥ ﻋﻠﻴﻪ
ﺣﻀﺮﺕ ﺟﺮﻳﺪﺓ ﻣﻦ ﺍﻟﻜﻼﻡ ﻭﺍﻻﻋﺘﺬﺍﺭﺕ ﺭﺩﺕ ﺍﮔﻠﻪ ﺭﺍﺡ ﺍﺷﺪ ﺣﻴﻠﻲ ﻭﺍﺫﺏ ﻧﻔﺴﻲ ﻉ ﺍﻟﺪﺭﺍﺳﻪ ﻭﺍﻧﺠﺢ ﻭﺭﺍﺡ ﺗﺸﻮﻑ ﻫﻠﺸﻲ
ﺑﺲ ﻣﻦ ﺷﻔﺘﻪ ﺍﺟﻪ ﻭﺻﻌﺪ ﺍﻟﻐﺮﻓﺘﻪ ﺍﺗﻤﻠﻜﻨﻲ ﺍﻟﺨﻮﻑ
ﮔﻮﺓ ﺻﻌﺪﺕ ﺍﻟﺪﺭﺝ ﻭﻛﻔﺖ ﻛﺪﺍﻡ ﺑﺎﺏ ﻏﺮﻓﺘﻪ ﺳﺤﺒﺖ ﻧﻔﺲ ﻭﺩﻛﻴﺖ ﺍﻟﺒﺎﺏ
ﺳﻤﻌﺖ ﺻﻮﺗﻪ ﮔﺎﻝ ﺍﺩﺧﻞ
ﻓﺘﺤﺖ ﺍﻟﺒﺎﺏ ﻭﺩﺧﻠﺖ ﻣﻦ ﺷﺎﻓﻨﻲ ﺍﺗﻔﺎﺟﺊ ﻭﺑﻌﺪ ﻟﺤﻀﺎﺕ ﺭﺟﻊ ﻃﺒﻴﻌﻲ ﻭﻻﻛﺄﻥ ﺷﺎﻳﻔﻨﻲ ﮔﺪﺍﻣﻪ
ﺍﺗﻘﺮﺑﺖ ﻳﻤﻪ ﻟﺤﺪ ﻣﺎﻭﮔﻔﺖ ﻛﺪﺍﻣﻪ ﻻﺯﻣﻪ ﺍﻳﺪ ﺏ ﺍﻳﺪ ﻭﺍﻃﮓ ﺏ ﺍﺻﺎﺑﻴﻌﻲ ﻭﻣﺒﻴﻦ ﻋﻠﻴﻪ ﺍﻻﺭﺗﺒﺎﻙ
ﻭﻓﻮﮒ ﻛﻠﺸﻲ ﻧﺴﻴﺖ ﺍﻻﻭﻝ ﻭﺍﻟﺘﺎﻟﻲ ﺣﺘﺊ ﺍﻟﻜﻼﻡ ﺍﻟﻜﻨﺖ ﻣﺤﻀﺮﺗﻪ ﻃﺎﺭ ﻣﻦ ﻋﻘﻠﻲ
ﺟﻠﺊ ﺻﻮﺗﻪ ﻭﻛﺎﻝ
ﻋﻠﻲ،،ﺷﻨﻮ ﺭﺍﺡ ﺗﻀﻠﻴﻦ ﻫﻴﺞ ﻭﺍﮔﻔﻪ ?
ﺍﺣﺠﻲ ﺷﻌﻨﺪﺝ
ﻭﺍﺫﺍ ﻣﺎﻋﻨﺪﺝ ﺷﻲ ﺍﺗﻜﻮﻟﻲ ﺗﺮﺓ ﺍﻧﻲ ﻧﻌﺴﺎﻥ ﻭﺍﺭﻳﺪ ﺍﻧﺎﻡ
ﻟﺠﻴﻦ،،ﺍﺣﺲ ﺍﻧﻬﻨﺖ ﺑﻜﻼﻣﻪ ﺍﺗﻤﻨﻴﺖ ﻣﺎﺍﺟﻴﺖ ﻭﻻﻓﺸﻠﺖ ﺭﻭﺣﻲ
ﺣﺠﻴﺖ ﻭﺍﻧﻲ ﻣﺨﻨﻮﮔﻪ ﻛﻮﺓ ﻳﻄﻠﻊ ﺻﻮﺗﻲ
ﮔﺘﻠﻪ ﺍﻋﺘﺬﺭ ﺍﺯﻋﺠﺘﻚ ﻋﻤﻮ ﺑﺲ ﺭﺩﺕ ﺍﮔﻠﻚ ﺭﺍﺡ ﺍﺷﺪ ﺣﻴﻠﻲ ﻣﻨﺎ ﻭﺟﺎﻱ ﻭﺍﻧﺠﺢ
ﺩﺭﺕ ﻭﺟﻬﻲ ﻭﺍﻧﻲ ﻛﻮﺓ ﻛﺎﺗﻤﻪ ﺩﻣﻮﻋﻲ ﺗﻮﺟﻬﺖ ﻟﻠﺒﺎﺏ ﺑﺴﺮﻋﻪ ﺍﺭﻳﺪ ﺍﻃﻠﻊ ﺍﺗﻤﻨﺊ ﺍﺧﺘﻔﻲ ﻣﻦ ﻛﺪﺍﻣﻪ
ﺑﻠﺤﻀﻪ ﻭﺣﺪﺓ ﺳﺤﺒﻨﻲ ﻣﻦ ﺍﻳﺪﻱ ﺣﻴﻞ ﻟﺤﺪ ﻣﺎﻧﻀﺮﺑﺖ ﺑﺼﺪﺭﺓ
ﻫﻮ ﺣﻴﻞ ﻃﻮﻳﻞ ﻭﺿﺨﻢ ﺍﻧﻲ ﺩﻭﺏ ﻭﺍﺻﻠﻪ ﺍﻟﺼﺪﺭﻩ
ﺿﻠﻴﺖ ﻣﺪﻧﻜﻪ ﻭﺩﻣﻮﻋﻲ ﺗﺠﺮﻱ ﺍﺣﺎﻭﻝ ﺍﺳﺤﺐ ﺍﻳﺪﻱ ﺍﺭﻳﺪ ﺍﻃﻠﻊ
ﻋﻠﻲ،،ﻟﺘﺤﺎﻭﻟﻴﻦ ﻻﻥ ﻣﺘﻜﺪﺭﻳﻦ
ﻭﺷﻐﻠﻪ ﺛﺎﻧﻴﻪ ﺍﻋﺘﺒﺮﻱ ﺯﻋﻠﻲ ﻫﻠﻤﺮﺓ ﺩﺭﺱ ﺍﻟﺞ ﻻﻥ ﻣﺮﺓ ﺍﻟﺜﺎﻧﻴﻪ ﻣﺎﺍﺭﺣﻤﺞ ﺍﺭﻳﺪﺝ ﻧﺎﺟﺤﻪ ﺑﻜﻞ ﺍﻟﺪﺭﻭﺱ
ﻣﻔﻬﻮﻭﻭﻡ ??
ﻟﺠﻴﻦ،،ﻫﺰﻳﺖ ﺭﺍﺳﻲ ﻭﺩﻣﻮﻋﻲ ﺗﻨﺰﻝ ﻣﻦ ﻋﻴﻨﻲ ﻟﻠﮕﺎﻉ
ﻓﻠﺘﺖ ﺍﻳﺪﻱ ﻭﻃﻠﻌﺖ ﻣﻦ ﺍﻟﻐﺮﻓﻪ ﻧﺰﻟﺖ ﺍﺭﻛﺾ ﺍﻟﻐﺮﻓﺘﻲ ﺩﺧﻠﺖ ﻭﺳﺪﻳﺖ ﺍﻟﺒﺎﺏ
ﻧﻤﺖ ﺑﻔﺮﺍﺷﻲ ﻭﻏﻄﻴﺖ ﺭﺍﺳﻲ ﻭﺍﻧﻲ ﺍﺑﺠﻲ ﺗﻮﺭﻃﺖ ﺻﻌﺪﺕ ﺣﺘﺊ ﺍﻋﺘﺬﺭ ﻟﻮ ﻣﺨﻠﻴﺘﻪ ﺯﻋﻼﻥ ﺍﺣﺴﻦ
ﺑﺪﺓ ﺍﻟﺪﻭﺍﻡ ﻭﺻﺒﻴﺖ ﺗﺮﻛﻴﺰﻱ ﻛﻠﻪ ﻭﻳﻪ ﺍﻟﺮﻳﺎﺿﻴﺎﺕ ﺍﻟﻐﻀﺐ
ﻭﺩﻕ،،ﺧﻴﺮ ﻳﺤﻠﻮ ﺷﻮ ﺻﺎﻳﺮ ﻣﺎﺗﺘﺤﺎﺟﺊ 😕
ﻟﺠﻴﻦ . ،،ﺍﻋﺘﺬﺭ ﻳﻌﻤﺮﻱ ﺑﺲ ﻭﺍﻟﻠﻪ ﺗﺎﻳﻪ ﻓﻜﺮﻱ ﻣﻦ ﻫﺎﻱ ﺍﻟﻤﺎﺩﺓ ﻳﻤﻜﻦ ﻻﺑﺴﻨﻲ ﺟﻨﻲ ﺍﺳﻤﻪ ﺭﻳﺎﺿﻴﺎﺕ ﻣﺎﻳﺨﻠﻴﻨﻲ ﺍﻓﻬﻢ
ﻭﺩﻕ،،ﺳﺎﻣﻌﻪ ﻋﺎﺩﻝ ﺍﻣﺎﻡ ﺷﻨﻮ ﺍﻳﻜﻮﻝ ?
ﻟﺠﻴﻦ، ،ﻻ
ﻭﺩﻕ،،ﻟﻮ ﺍﻋﻠﻢ ﺑﺒﻬﻴﻢ ﻛﺎﻥ ﻓﻬﻢ ﻫﻬﻬﻬﻬﻬﻬﻬﻬﻪ
ﻟﺠﻴﻦ، ﻋﺎﺑﺖ ﻳﻌﻨﻲ ﺍﻧﻲ ﺑﻬﻴﻢ، ??
ﺑﺲ ﻭﻟﻮ ﻋﻠﺊ ﻫﺬﺍ ﺩﻣﺎﻏﻲ ﺣﺸﻪ ﺍﻟﺒﻬﻴﻢ ﻣﻨﻲ
ﻭﺩﻕ،،ﺍﻧﻲ ﻫﻢ ﺟﻨﺖ ﻣﻮ ﻛﻠﺶ ﺑﻲ ﺑﺲ ﺣﻤﺰﺍﻭﻱ ﺷﺎﻃﺮ ﻛﻠﺶ ﺑﻬﺎﻱ ﺍﻟﻤﺎﺩﺓ ﻫﻮ ﻳﻘﺮﻳﻨﻲ ﺻﺢ ﺩﺭﺟﺘﻲ ﻣﻮ ﻋﺎﻟﻴﻪ ﺑﺲ ﺍﻟﻤﻬﻢ ﻧﺠﺤﺖ
ﻟﺠﻴﻦ،،ﻣﺪﺭﺳﺎﺕ ﺍﻟﻤﻮﺍﺩ ﻛﻠﻬﻦ ﻳﺤﺒﻨﻲ ﻻﻥ ﺷﺎﻃﺮﺓ ﻭﮔﺎﻟﻦ ﺍﺫﺍ ﺑﻘﻪ ﻫﻴﺞ ﻣﺴﺘﻮﺍﺝ ﺭﺍﺡ ﺍﻃﻠﻌﻴﻦ ﺍﻋﻔﺎﺀ ﺑﻨﻬﺎﻳﺔ ﺍﻟﺴﻨﻪ
ﺍﻧﺘﻬﺊ ﺍﻟﺪﻭﺍﻡ ﻭﻃﻠﻌﺖ ﺍﻧﺘﻀﺮ ﺍﺑﻮ ﺍﻟﺨﻂ ﺑﺮﺓ ﻭﻛﻔﺖ ﻛﺪﺍﻣﻨﻪ ﻧﻔﺲ ﺳﻴﺎﺭﺓ ﺍﺧﻮ ﻭﺩﻕ
ﻧﺰﻝ ﻭﺍﺟﻪ ﻳﻤﻨﻪ ﺍﻭﻝ ﻣﺎﻭﺻﻞ ﺳﻠﻢ ﺏ ﺍﺑﺘﺴﺎﻣﻪ
ﺭﺩﻳﺖ ﺍﻟﺴﻼﻡ ﻭ ﻛﻠﻌﺎﺩﺓ ﻣﺎﺍﺑﺎﻭﻋﻠﻪ ﺍﺑﺪ ﺍﺳﻮﻱ ﻧﻔﺴﻲ ﻣﻠﺘﻬﻴﻪ ﻟﻮ ﺑﺠﻨﻄﺘﻲ ﻟﻮ ﺍﺑﺎﻭﻉ ﻟﻠﻄﺮﻳﻖ ﺍﻧﺘﻀﺮ ﺍﻟﺨﻂ
ﻋﺮﺽ ﻋﻠﻴﻪ ﻳﻮﺻﻠﻨﻲ ﺑﺲ ﺑﺴﺮﻋﻪ ﺭﻓﻀﺖ
ﻭﻫﻮ ﻫﻢ ﺗﺮﻛﻨﻲ ﻣﻦ ﺷﺎﻑ ﺍﻟﺨﻂ ﻭﺻﻞ
ﻋﻠﻲ ﻋﻠﺊ ﻧﻔﺲ ﺗﺠﺎﻫﻠﻪ ﺍﻟﻲ ﺣﺘﺊ ﻣﻴﺒﺎﻭﻋﻠﻲ
ﺑﻬﺎﻱ ﺍﻟﻔﺘﺮﺓ ﺍﺣﺲ ﻧﻔﺴﻴﺘﻲ ﺗﻌﺒﺖ ﺍﻛﺜﺮ
ﻣﺠﺮﺩ ﺍﺑﺘﺴﺎﻣﺘﻪ ﺍﻟﻲ ﻛﻔﻴﻠﻪ ﺗﺨﻠﻴﻨﻲ ﻓﺮﺣﺎﻧﻪ
ﺑﺲ ﻟﺤﺪ ﺍﻻﻥ ﻣﺎﻓﺎﻫﻤﻪ ﺷﻨﻮ ﺷﻌﻮﺭﻱ ﺣﺴﻴﺖ ﺑﻲ ﺣﻨﻴﻪ ﺍﺑﻮﻱ ﻭﺍﻣﺎﻧﻪ
ﮔﻌﺪﺕ ﺍﻟﺼﺒﺢ ﺑﺪﻟﺖ ﺣﺘﺊ ﺍﺭﻭﺡ ﻟﻠﺪﻭﺍﻡ ﺍﻟﺪﻧﻴﻪ ﻣﻐﻴﻤﻪ ﻭﺍﻟﺠﻮ ﺑﺎﺭﺩ ﻛﻠﺶ
ﺍﻛﺮﺓ ﺍﻟﻐﻴﻢ ﻭﺍﻟﻤﻄﺮ ﻣﻦ ﺍﺷﻮﻑ ﺍﻟﺪﻧﻴﻪ ﻣﻐﻴﻤﻪ ﻳﻨﻘﺒﺾ ﮔﻠﺒﻲ
ﻭﺻﻠﺖ ﻟﻠﻤﺪﺭﺳﻪ ﻭﻣﻦ ﻭﺻﻠﺖ ﻟﮕﻴﺖ ﻭﺩﻕ ﻭﺍﻟﺒﻨﺎﺕ ﻣﻨﺠﻤﻌﺎﺕ ﺑﺎﻟﺴﺎﺣﻪ ﺳﻠﻤﺖ ﻋﻠﻴﻬﻦ ﻭﻛﻌﺪﺕ ﻳﻤﻬﻦ ﻉ ﺍﻟﺼﺒﻪ
ﻭﺩﻕ،،ﺍﻟﻠﻪ ﺍﻟﻴﻮﻡ ﺍﻟﺠﻮﻭ ﻛﻠﺶ ﺣﻠﻮ ﻛﻮﻥ ﺗﻤﻄﺮ ﺍﺣﺐ ﺍﻟﻤﻄﺮ
ﻟﺠﻴﻦ،،ﻋﺎﺑﺖ ﺍﺷﻠﻮﻥ ﺍﻣﻨﻴﻪ ﺧﻞ ﺗﻤﻄﺮ ﺑﺲ ﻛﻮﻥ ﻣﻮ ﻫﺴﻪ ﻣﻦ ﺍﻭﺻﻞ ﻟﻠﺒﻴﺖ ﻻﻥ ﺍﺫﺍ ﺻﺎﺭﺕ ﻫﺴﻪ ﮔﺮﺍﮔﻴﻊ ﻭﻣﻄﺮ ﻣﺎﺍﺿﻤﻦ ﺭﻭﺣﻲ ﺷﻴﺼﻴﺮ ﺑﻴﻪ ﻳﻤﻜﻦ ﺍﻣﻮﺕ
ﻭﺩﻕ،،ﻋﺰﺯﺍ ﻟﻴﺶ ﺷﻜﻮ ﻭﻟﺞ ﺍﻛﻮ ﻭﺍﺣﺪ ﻣﻴﺤﺐ ﺍﻟﻤﻄﺮ
ﻟﺠﻴﻦ،،ﺍﻱ ﺍﻧﻲ
ﻭﺩﻕ،،ﻟﻴﺶ ﺷﻌﺠﺐ ﺩﺑﺎﻋﻲ ﺍﺷﻠﻮﻥ ﻣﻨﺠﻤﻌﻴﻦ ﺟﻨﻪ ﺟﻬﺎﻝ ﻣﻨﺘﻀﺮﻳﻬﺎ ﺗﻤﻄﺮ
ﻟﺠﻴﻦ،،ﺍﻟﻪ ﺍﻧﻲ ﺍﺧﺎﻑ ﻣﻦ ﺍﻟﮕﺮﺍﻛﻴﻊ
ﻭﺩﻕ،،ﻟﻌﺪ ﺗﺮﺩﻳﻦ ﻣﻄﺮ ﻉ ﺍﻟﺼﺎﻣﺖ
ﻟﺠﻴﻦ،،ﻻ ﺑﺲ ﺍﻧﻲ ﻋﻨﺪﻱ ﺧﻮﻓﻪ ﻣﻨﻬﻦ ﻭﻣﻦ ﺻﻮﺗﻬﻦ
ﻭﺩﻕ،،ﻟﻴﺶ ﺷﺼﺎﺭ
ﻟﺠﻴﻦ،،ﺑﺪﻳﺖ ﺍﺣﺠﻴﻠﻬﺎ ﻣﻦ ﻛﻨﺖ ﺻﻐﻴﺮﺓ ﻋﻤﺮﻱ 6 ﺳﻨﻮﺍﺕ ﻛﺎﻥ ﺩﻧﻴﻪ ﺍﻟﻌﺼﺮ ﻭﻛﺮﺍﺭ ﻳﻠﻌﺐ ﻃﻮﺑﻪ ﺑﺎﻟﻤﻠﻌﺐ ﺍﻟﻘﺮﻳﺐ ﻋﻠﺊ ﺑﻴﺘﻨﻪ
ﺍﺑﻮﻱ ﻃﻠﺐ ﻣﻨﻲ ﺍﺭﻭﺡ ﺍﺻﻴﺤﻠﻪ ﻻﻥ ﺑﻴﺖ ﺻﺪﻳﻘﻪ ﻋﺎﺯﻣﻴﻨﻪ ﻉ ﺍﻟﻌﺸﻪ ﻭﻫﻢ ﻳﻠﻪ ﻧﺮﻭﺡ ﻣﻦ ﻭﻛﺖ ﻭﻛﺮﺍﺭ ﺑﻌﺪﺓ ﻣﺎﺳﺎﺑﺢ ﻭﻻﻣﺒﺪﻝ
ﺭﺣﺖ ﻳﻢ ﺍﻟﻤﻠﻌﺐ ﺍﻋﺎﻳﻦ ﺍﻟﻜﺮﺍﺭ ﻳﻠﻌﺐ ﻭﻳﻪ ﺟﻤﺎﻋﺘﻪ
ﻭﻛﺎﻥ ﺣﺎﺭﺱ ﺍﻟﻤﺮﻣﺊ ﻳﺠﻲ ﻋﻤﺮﺓ ﺗﻘﺮﻳﺒﺎ ﺑﻜﺪ ﻛﺮﺍﺭ
ﺟﺎﻥ ﻳﺼﻴﺤﻮﻟﻪ ﺣﺴﻦ ﺻﻮﺕ ﻻﻥ ﺩﻭﻡ ﻳﻌﻴﻂ ﻣﻦ ﻳﻠﻌﺒﻮﻥ ﻃﻮﺑﻪ
ﺑﻮﻛﺘﻬﺎ ﻫﻢ ﻛﺎﻥ ﺍﻟﺠﻮ ﻣﻐﻴﻢ ﻭﺗﺮﻳﺪ ﺗﻤﻄﺮ ﻭﺍﻧﻲ ﻓﺮﺣﺎﻧﻪ ﻣﻦ ﺷﻔﺖ ﺑﺪﺕ ﺗﻨﺰﻝ ﻗﻄﺮﺍﺕ ﻣﻄﺮ ﺧﻔﻴﻔﻪ ﺑﻌﺪﻫﺎ ﺻﺎﺭ ﺻﻮﺕ ﺍﻟﺮﻋﺪ ﻋﺎﻟﻲ ﻛﻠﺶ ﻣﻦ ﺻﻮﺗﻬﺎ ﺗﺤﺴﻴﻦ ﺭﺍﺡ ﺗﻮﻛﻊ ﺑﺼﻔﺞ ﻟﻮ ﻗﺮﻳﺐ ﻋﻠﻴﺞ
ﺻﺤﺖ ﺍﻟﻜﺮﺍﺭ ﺑﺲ ﻫﻮ ﻛﺎﻝ ﺩﻗﻴﻘﻪ ﻫﺴﻪ ﺍﻧﻜﻤﻞ
ﻭﺭﺟﻌﺖ ﺍﻟﺪﻧﻴﻪ ﺗﺮﻋﺪ ﺑﺼﻮﺕ ﻣﻮﻃﺒﻴﻌﻲ ﺗﺤﺴﻴﻬﺎ ﺗﻨﺠﻤﻊ ﻭﺗﻨﻄﻠﻖ ﻣﻦ ﻗﻮﺗﻬﺎ ﺍﺻﻢ ﺍﺫﻧﻲ
ﻫﻲ ﻟﺤﻀﺎﺕ ﻣﻦ ﺿﺮﺑﺖ ﺍﻟﺼﺎﻋﻘﻪ ﺍﻟﻤﻠﻌﺐ ﻭﻻﻥ ﺍﻟﻤﺮﻣﺊ ﺣﺪﻳﺪ ﺍﺗﺴﻠﻄﺖ ﻋﻠﻲ ﺍﻭﮔﻊ ﺣﺴﻦ ﺻﻮﺕ ﺑﻤﻜﺎﻧﻪ ﻣﻴﺖ ﻣﻦ ﺍﺛﺮﻫﺎ
ﻣﺎﺷﻔﺘﻪ ﻻﻥ ﺻﻮﺕ ﺍﻟﺼﺮﻳﺦ ﺍﺗﻌﺎﻟﻲ ﻭﻛﻠﻬﺎ ﺍﻧﻬﺰﻣﺖ ﻭﻛﺮﺍﺭ ﺍﺟﻪ ﻳﺮﻛﺾ ﺟﺮﺍﻧﻲ ﻣﻦ ﺍﻳﺪﻱ ﻧﺮﻛﺾ ﺑﺠﻬﺔ ﺍﻟﺒﻴﺖ
ﻛﻞ ﺍﻻﺳﻤﻌﻪ ﻣﻦ ﺍﻟﺼﺎﻳﺢ ﻫﻨﻪ ﻛﻠﻤﺘﻴﻦ ﻣﺎﺍﺍﺕ ﻭﺍﺣﺘﺮﺭﺭﮒ
ﻭﺑﻌﺪﻫﺎ ﻓﻬﻤﺖ ﺍﻧﻮ ﺣﺴﻦ ﺍﺣﺘﺮﮒ ﻣﻦ ﺍﻟﺼﺎﻋﻘﻪ ﻭﻣﻦ ﺫﺍﻙ ﺍﻟﻮﻛﺖ ﻭﺍﻧﻲ ﺍﻧﺮﻋﺐ ﻣﻨﻬﺎ ﻭﺍﺧﺎﻑ ﺧﻮﻑ ﻣﻮﻃﺒﻴﻌﻲ
ﻛﺎﻧﺖ ﺍﻣﻲ ﺩﻭﻡ ﺗﻬﺪﻳﻨﻲ ﻣﻦ ﻳﺠﻲ ﺍﻟﺸﺘﻪ ﻭﺍﺳﻤﻊ ﺻﻮﺗﻬﺎ ﺍﺗﮕﻠﻲ ﺟﺬﺏ ﺍﻟﻮﻟﺪ ﻣﺎﻣﺎﺕ ﻛﺎﻧﺖ ﺗﻘﻨﻌﻨﻲ ﺑﻬﺬﺍ ﺍﻟﻜﻼﻡ ﻻﻥ ﻃﻔﻠﻪ
ﺑﺲ ﺑﻴﻮﻡ ﺿﺮﺑﺖ ﻧﺨﻠﺘﻨﻪ ﺍﻟﺒﻠﺤﺪﻳﻘﻪ ﻭﻃﻠﻌﻨﻪ ﻋﻠﺊ ﺍﺛﺮ ﺍﻟﻨﺎﺭ
ﺑﻴﻮﻣﻬﺎ ﺍﺗﺎﻛﺪﺕ ﺍﻧﻮ ﺍﻟﺼﺎﻋﻘﻪ ﻛﺘﻠﺖ ﺣﺴﻦ ﺻﻮﺕ
ﻭﻣﻦ ﻭﻗﺘﻬﺎ ﺻﺎﺭ ﻫﺬﺍ ﻛﺎﺑﻮﺳﻲ
ﻭﺩﻕ،،ﺍﻟﻠﻪ ﻳﺴﺎﻋﺪﺝ ﺷﻜﺪ ﺷﺎﻳﻔﻪ ﻣﺼﺎﻳﺐ
ﻟﺠﻴﻦ،،ﺍﺣﺲ ﻧﻔﺴﻲ . ﺷﺨﺺ ﻣﺸﺆﺅﻡ ﻣﺼﺎﺣﺒﺘﻪ ﺍﻟﻜﻮﺍﺭﺙ ﺩﺍﺋﻤﺎ
ﺑﺪﻳﻨﻪ ﻧﺎﺧﺬ ﻣﺤﺎﺿﺮﺓ ﻭﺭﻩ ﺍﻟﺜﺎﻧﻴﻪ ﻭﻛﻞ ﻣﺎﺍﺳﻤﻊ ﺍﻟﺼﻮﺕ ﺍﺧﺘﻞ ﺑﺴﺪ ﻭﺩﻕ ﮔﻠﺒﻲ ﻭﻟﺸﺘﻲ ﻛﻠﻬﺎ ﺗﺮﺟﻒ ﺍﺗﻤﻨﻴﺖ ﺍﻏﻤﺾ ﻭﺍﻓﺘﺢ ﺍﻟﮕﻪ ﻧﻔﺴﻲ ﺑﺎﻟﺒﻴﺖ
ﻛﻤﻠﻨﻪ ﺍﻟﺪﻭﺍﻡ ﻭﻃﻠﻌﻨﻪ ﺍﻧﻲ ﻭﺍﮔﻔﻪ ﺑﺎﻟﻤﻤﺮ ﺍﻧﺘﻀﺮ ﺍﻟﺨﻂ ﻭﺍﻟﺨﻮﻑ ﻭﺍﻟﺮﻋﺐ ﻣﺘﻤﻠﻜﻨﻲ ﺻﻌﺐ ﺍﺗﺨﻠﺺ ﻣﻦ ﻫﻠﺸﻌﻮﺭ ﺑﺎﻟﺨﻮﻑ
ﻭﺩﻕ،،ﺍﻣﺸﻲ ﺍﻭﺻﻠﺞ ﺧﺎﻑ ﺍﺑﻮ ﺍﻟﺨﻂ ﻳﺘﺎﺧﺮ ﻭﻳﻤﻜﻦ ﻣﻴﺠﻲ ﻻﻥ ﺗﻤﻄﺮ
ﻳﻠﻪ ﺧﻞ ﻧﻮﺻﻠﺞ
ﻟﺠﻴﻦ،،ﺣﺘﺊ ﻣﺎﺍﻋﺘﺮﺿﺖ ﻭﻻﺣﺠﻴﺖ ﻃﻜﻴﺘﻬﺎ ﺭﻛﻀﻪ ﻟﻠﺴﻴﺎﺭﺓ ﺍﺣﺲ ﻋﻠﺊ ﺳﺎﻋﻪ ﺗﻮﮔﻊ ﻋﻠﺊ ﺭﺍﺳﻲ
ﻣﺎﺻﺪﮔﺖ ﺍﻓﺘﺢ ﺍﻟﺒﺎﺏ ﻭﺍﺻﻌﺪ
ﻃﻮﻝ ﺍﻟﻄﺮﻳﻖ ﺍﻧﻲ ﺍﺭﺟﻒ ﻭﺧﺎﻳﻔﻪ ﺍﻭﺩﻕ ﺗﻬﺪﻱ ﺑﻴﻪ
ﻭﺍﺧﻮﻫﺎ ﻳﺴﺎﻟﻬﺎ ﺷﺒﻴﻬﺎ ﻭﻫﻲ ﺍﺗﺠﺎﻭﺑﻪ ﺗﺨﺎﻑ ﻣﻦ ﺍﻟﺮﻋﺪ
ﻭﻫﻮ ﺧﺮﺑﺎﻥ ﺿﺤﻚ ﻣﻴﻌﺮﻑ ﺷﻨﻮ ﺍﻟﻤﺨﻮﻓﻨﻲ ﺍﻟﻬﻠﺪﺭﺟﻪ
ﻭﺻﻠﻨﻪ ﻟﻠﺒﻴﺖ ﻭﻧﺰﻟﺖ ﺑﺴﺮﻋﻪ ﺑﺪﻭﻥ ﻣﺎﺍﺳﻠﻢ ﺍﺳﻤﻊ ﻭﺩﻕ ﺗﺼﻴﺢ
ﻭﺩﻕ،،ﻭﻟﺞ ﺟﻨﻨﻄﺘﺞ ﻧﺴﻴﻴﺘﻴﻬﺎﺍ
ﻟﺠﻴﻦ،،ﻭﻳﻨﻲ ﻭﻳﻦ ﺍﻟﺠﻨﻄﻪ ﺍﺭﻳﺪ ﺍﻭﺻﻞ ﺍﻟﺒﻴﺖ ﺍﺣﺴﻪ ﺑﺮ ﺍﻻﻣﺎﻥ ﺍﻟﻲ ﻭﻛﻔﺖ ﺍﺑﺎﺏ ﺍﻟﻤﻄﺒﺦ ﻭﻋﻔﺖ ﺑﺎﺏ ﺍﻟﺒﻴﺖ ﻣﻔﺘﻮﺡ
ﺍﺟﺖ ﻭﺩﻕ ﺟﺎﻳﺒﻪ ﺍﻟﺠﻨﻄﻪ ﻭﮔﺎﻟﺖ
ﻭﺩﻕ،،ﻳﻤﻜﻦ ﺍﺫﺍ ﺍﺗﺰﻭﺟﺘﻲ ﻭﺻﺮﺗﻲ ﺍﻡ ﻭﺑﻤﻜﺎﻥ ﻋﺎﻡ ﻭﺗﺼﻴﺮ ﺍﻟﺪﻧﻴﻪ ﺗﺮﻋﺪ
ﺍﻧﻲ ﻣﺘﺎﻛﺪﺓ ﺗﻌﻮﻓﻴﻦ ﺍﻃﻔﺎﻟﺞ ﻭﺍﺗﺸﺮﺩﻳﻦ ﺑﺎﻟﻌﺰﻳﺰﺓ
ﻟﺠﻴﻦ، ﻭﺩﻕ ﻛﺎﻧﺖ ﺗﺤﺠﻲ ﻣﻦ ﻭﻛﻔﺖ ﺳﻴﺎﺭﺓ ﻋﻠﻲ ﻭﻧﺰﻝ ﻣﻨﻬﺎ ﻭﻛﻒ ﻳﻢ ﺍﺧﻮ ﻭﺩﻕ ﻭﺍﻟﻮﻟﺪ ﻫﻢ ﻧﺰﻝ ﺳﻠﻢ ﻋﻠﻲ ﺑﺲ ﻣﺎﺍﻋﺮﻑ ﺷﻨﻮ ﻳﺤﺠﻮﻥ ﻭﺩﻕ ﺍﺗﻮﺟﻬﺖ ﻟﻠﺴﻴﺎﺭﺓ ﺻﻌﺪﻭ ﻫﻲ ﻭﺍﺧﻮﻫﺎ ﻭﺭﺍﺣﻮ
ﻧﺰﻋﺖ ﺣﺬﺍﺋﻲ ﻭﺭﺩﺕ ﺍﺩﺧﻞ ﺍﺗﻠﮕﺘﻨﻲ ﻧﺴﺮﻳﻦ
ﻧﺴﺮﻳﻦ،،ﻫﻠﻪ ﻟﺠﻮﻧﻪ ﻳﺎﺍ ﺷﺒﻴﺞ ﻟﻮﻧﺞ ﻣﺨﻄﻮﻑ
ﻟﺠﻴﻨﻦ،،ﻛﺘﻠﻬﺎ ﺍﻟﺪﻧﻴﻪ ﺍﻟﺪﻧﻴﻪ ﺗﺮﻋﺪ
ﺣﺠﻴﺘﻬﺎ ﻭﺭﺩﺕ ﺍﺭﻭﺡ ﺍﻟﻐﺮﻓﺘﻲ ﺑﺲ ﺍﺳﺘﻮﻗﻔﻨﻲ ﺻﻮﺕ ﻋﻠﻲ
ﻋﻠﻲ،،ﺍﻧﺘﻀﺮﺭﺭﻱ ??
ﻟﺠﻴﻦ،،ﺩﺭﺕ ﻭﺟﻬﻲ ﻭﺟﺎﻥ ﺍﺷﻮﻓﻪ ﺍﺟﻪ ﺏ ﺍﺗﺠﺎﻫﻲ ﺑﺴﺮﻋﻪ ﻭﺍﻟﻐﻀﺐ ﺑﺎﻳﻦ ﻋﻠﻲ
ﻋﻠﻲ . ،،ﻣﻮﻭ ﻋﻨﺪﺩﺩﺝ ﻏﻀﻀﺐ ﺧﻄﻄﻄﻂ
ﺷﻜﻮﻭﻭ ﺟﺎﻳﻪ ﻭﻳﻴﻴﻪ ﺍﺧﻮﻭ ﺻﺪﻳﻘﺘﺞ
ﻟﺠﻴﻦ،،ﻣﺎﺍﺗﺤﻤﻠﺖ ﺩﻣﻮﻋﻲ ﺭﺧﻴﺼﻪ ﻣﺎﺍﻋﺮﻑ ﺍﻭﺍﺟﻪ ﺍﺣﺪ ﻟﻮ ﺍﺩﺍﻓﻊ ﻋﻦ ﻧﻔﺴﻲ ﺑﺴﺮﻋﻪ ﺍﺑﺠﻲ
ﻛﺘﻠﻪ ﻣﻮ ﻣﻮ ﺻﺎﺭﺕ ﻛﺮﺍﻛﻴﻊ ﻭﺍﺧﺎﻑ ﻭﺍﺑﻮ ﺍﻟﺨﻂ ﺗﺎﺧﺮ ﻭﻣﺎﻛﺎﻥ ﻋﻨﺪﻱ ﻏﻴﺮ ﺣﻞ
ﻋﻠﻲ،،ﻫﺎﺍﺍ ﻳﻌﻨﻲ ﻣﺮﺭﺓ ﺍﻟﺜﺎﻧﻴﻪ ﺍﺫﺍ ﺻﺮﺗﻲ ﺑﻨﻔﺲ ﺍﻟﻤﻮﻗﻒ ﺣﺘﺊ ﻟﻮ ﻏﺮﻳﺐ ﻳﻤﺮ ﺑﺎﻟﺸﺎﺭﻉ ﻳﻄﻠﺐ ﻣﻨﺞ ﻳﻮﺻﻠﺞ ﺍﻧﺘﻲ ﺗﻘﺒﻠﻠﻠﻠﻴﻦ ﻣﻮﻭﻭ
ﻟﺠﻴﻦ، ﻧﺴﺮﻳﻦ ﻭﻛﻔﺖ ﻳﻤﻲ ﺣﻀﻨﺘﻨﻲ ﻭﺗﻬﺪﻱ ﺑﻌﻠﻲ ﺗﺎﻟﻲ ﻋﺎﻓﻨﻪ ﻭﺭﺍﺡ ﻭﻫﻮ ﻋﺒﺎﺭﺓ ﻋﻦ ﻛﺘﻠﻪ ﻣﻦ ﺍﻟﻐﻀﺐ
ﻧﺴﺮﻳﻦ،،ﺭﻭﺣﻲ ﺣﺒﻴﺒﺘﻲ ﺑﺪﻟﻲ ﻣﻼﺑﺴﺞ ﻻﺗﺘﻤﺮﺿﻴﻦ
ﻭﺗﻌﺎﻟﻲ ﺗﻐﺪﻱ
ﻟﺠﻴﻦ،،ﺑﺪﻟﺖ ﻭﻃﻠﻌﺖ ﻟﻜﻴﺖ ﻧﺴﺮﻳﻦ ﻣﺨﻠﻴﻪ ﺍﻛﻞ ﻋﻠﺊ ﻣﻴﺰ ﺍﻟﻄﻌﺎﻡ ﻭﺗﺎﻛﻞ ﻫﻲ ﻭﺍﻃﻔﺎﻟﻬﺎ ﺍﺳﺘﻐﺮﺑﺖ ﻫﻠﺸﻲ
ﻻﻥ ﺍﺣﻨﻪ ﺍﻟﻐﺪﺓ ﻭﺍﻟﻌﺸﻪ ﻧﮕﻌﺪ ﺑﻐﺮﻓﻪ ﺑﺎﻟﻜﺎﻉ ﻧﻔﺮﺵ ﺳﻔﺮﺓ ﻭﻛﻠﻨﻪ ﻧﻠﺘﻢ ﺳﻮﺓ
ﺳﺎﻟﺘﻬﺎ ﺷﻌﺠﺐ ﺍﻟﻴﻮﻡ ﻫﻨﺎ ﻧﺘﻐﺪﺓ
ﻧﺴﺮﻳﻦ،،ﻋﻤﺘﻲ ﺭﺍﺣﺖ ﺍﺗﺒﺎﺕ ﻳﻢ ﺍﺧﺘﻬﺎ ﻣﺮﻳﻀﻪ
ﻭﺣﺴﻴﻦ ﻣﺘﻐﺪﻱ ﺑﺎﻟﺸﻐﻞ ﻭﻋﻠﻲ ﮔﺎﻝ ﻣﺎﺍﺷﺘﻬﻲ
ﻛﻠﺖ ﻋﻠﻴﻤﻦ ﻧﻔﺮﺵ ﺳﻔﺮﺓ ﻭﺑﺲ ﺍﻧﻲ ﻭﻳﺎﺝ ﻭﺍﻃﻔﺎﻟﻲ ﻧﺘﻐﺪﺓ
ﻟﺠﻴﻦ،،ﺍﺗﻐﺪﻳﺖ ﺑﺲ ﺍﺣﺲ ﺍﻟﻠﻜﻤﻪ ﻛﻮﺓ ﺗﻨﺒﻠﻊ ﻣﻦ ﺍﺳﻤﻊ ﺻﻮﺕ ﺍﻟﺼﺎﻋﻘﻪ ﺍﻓﺰ ﻣﺮﻋﻮﺑﻪ ﻣﺮﺍﺕ ﺍﺣﻂ ﺑﺬﻧﻲ ﻛﻄﻦ ﺣﺘﺊ ﻳﺨﻒ ﺍﻟﺼﻮﺕ
ﺑﻠﻴﻞ ﺗﻌﺸﻴﻨﻪ ﻛﻠﻨﻪ ﺑﺲ ﺍﻡ ﺣﺴﻴﻦ ﻣﺎﻣﻮﺟﻮﺩﺓ ﻣﻦ ﺗﺮﻭﺡ ﺗﺤﺴﻬﺎ ﺷﺎﻳﻠﻪ ﺍﻟﺒﻴﺖ ﻭﻳﺎﻫﻬﺎ ﻭﺭﺍﻳﺤﻪ ﺣﺴﻬﺎ ﺑﺎﻟﺒﻴﺖ ﻧﻌﻤﻪ
ﺻﺎﺭﺕ ﺳﺎﻋﻪ 10 ﺣﺴﻴﻦ ﻭﺍﻃﻔﺎﻟﻪ ﺻﻌﺪﻭ ﺍﻟﻐﺮﻓﺘﻬﻢ ﺍﻳﻨﺎﻣﻮﻥ
ﻧﺴﺮﻳﻦ، ﺍﻟﻴﻮﻡ ﺍﻧﻲ ﺍﻧﺎﻡ ﻳﻤﺞ ﻣﺎﺩﺍﻣﺞ ﺟﺒﺎﻧﻪ ﻭﺍﺗﺨﺎﻓﻴﻦ
ﻟﺠﻴﻦ،،ﻻ ﺑﺎﺟﻲ ﺭﻭﺣﻲ ﺍﻟﺼﻮﺕ ﺧﻒ ﻣﻮ ﻣﺜﻞ ﺍﻟﻀﻬﺮ ﺭﻭﺣﻲ ﻳﻢ ﺍﻃﻔﺎﻟﺞ..بيج قصص عراقيه حقيقيه من واقعنا.روعه الطائي
ﻭﺑﻌﺪ ﺍﻟﺤﺎﺡ ﻣﻨﻲ ﻗﺒﻠﺖ ﻧﺴﺮﻳﻦ ﺗﻌﻮﻓﻨﻲ ﻭﺗﻨﺎﻡ ﺑﻐﺮﻓﺘﻬﺎ
ﺻﺎﺭﺕ ﺳﺎﻋﻪ 12 ﻭﺭﺟﻌﺖ ﺍﻟﺪﻧﻴﻪ ﺗﺰﺥ ﻣﻄﺮ ﻭﺻﻮﺕ ﺍﻟﺮﻋﺪ ﻗﻮﻱ ﺣﻴﻞ ﺍﺣﺲ ﺿﻠﻮﻋﻲ ﻭﺍﺣﺪ ﺣﻀﻦ ﺍﻟﺜﺎﻧﻲ ﻣﻦ ﺍﻟﺨﻮﻑ
ﺣﺴﻴﺘﻬﺎ ﺍﻧﺠﻤﻌﺖ ﺍﻧﺠﻤﻌﺖ ﻭﺍﺧﺮ ﺷﻲ ﻃﮕﺖ ﺑﺼﻮﺕ ﻗﻮﻱ ﻭﺍﻧﻲ ﻃﻔﺮﺕ ﺑﺴﺮﻋﻪ ﻓﺘﺤﺖ ﺍﻟﺒﺎﺏ ﻭﺻﻌﺪﺕ ﻟﻠﻄﺎﺑﻖ ﺍﻟﺜﺎﻧﻲ ﻛﻨﺖ ﻧﺎﻭﻳﻪ ﺍﺩﻙ ﺍﻟﺒﺎﺏ ﻋﻠﺊ ﻧﺴﺮﻳﻦ
ﻛﻨﺖ ﻭﺍﻛﻔﻪ ﺍﺑﺠﻲ ﺑﺼﻮﺕ ﻣﻜﺘﻮﻡ ﻭﺍﺭﺟﻒ ﻣﺘﺮﺩﺩﺓ ﺍﺩﮒ ﺍﻟﺒﺎﺏ ﻋﻠﻴﻬﺎ
ﻣﻦ ﺳﻤﻌﺖ ﺍﻟﺼﻮﺕ ﺭﺟﻊ ﻭﺻﺎﺭ ﺍﻗﻮﺉ ﻣﺎﺣﺴﻴﺖ ﻏﻴﺮ ﺭﻛﻀﺖ ﺍﻟﻐﺮﻓﻪ ﻋﻠﻲ ﻓﺘﺤﺖ ﺍﻟﺒﺎﺏ ﻭﺩﺧﻠﺖ
ﺭﻛﻀﺖ ﻟﻠﺴﺮﻳﺮ ﺭﻓﻌﺖ ﺍﻟﻐﻄﻪ ﻭﺩﺣﺴﺖ ﺭﻭﺣﻲ ﻳﻤﻪ
ﻳﺘﺘﺘﺘﺘﺒﻊ
