#النقيب_أبودرع_والقاصر
⭐⭐⭐
علي الفتلاوي
#بارت١٥
ﺍﻭﻑ ﻣﻦ ﻳﺤﭽﻲ ﺣﺒﻴﺒﻲ
ﺍﻧﻲ ﻣﻦ ﻳﻤﻲ ﺍﺣﺘﺮﮒ
ﻣﺎﺍﺩﺭﻱ ﺷﻴﺼﻴﺮ ﺑﻴﻪ
ﮔﻠﺒﻲ ﻳﻮﮔﻒ ﻣﺎﻳﺪﮒ 💔
،،،،،،،،،،،،،،،،،،،،،،،،،،،،،،،،،،،،،،،،
ﻟﺠﻴﻦ،،ﻃﻮﻝ ﺍﻟﻄﺮﻳﻖ ﻭﺍﻧﻲ ﺑﺎﻟﻲ ﻳﻢ ﻋﻠﻲ ﺷﺮﺍﺡ ﻳﺴﻮﻱ ﻣﻦ ﻳﺴﻤﻊ ﺑﻴﻪ ﺭﺣﺖ
ﻭﺍﺭﺟﻊ ﻭﺍﮔﻮﻝ ﺍﻛﻴﺪ ﻋﻨﺪﺓ ﻋﺎﺩﻱ ﻳﻤﻜﻦ ﻫﻮ ﻣﻨﺘﻈﺮﻧﻲ ﺍﺧﻄﻲ ﻫﻠﺨﻄﻮﺓ ﺣﺘﺊ ﺍﺧﻠﺼﺔ ﻣﻦ ﻣﺴﺆﻟﻴﺘﻲ
ﻭﺻﻠﻨﻪ ﻗﺮﻳﺐ ﻋﻠﺊ ﻣﻨﻄﻘﺘﻨﻪ ﻭﻣﻦ ﺑﻌﻴﺪ ﺷﻔﺖ ﺑﺎﺏ ﺑﻴﺖ ﺍﻫﻠﻲ ﻭﺻﻠﻨﻪ ﻗﺮﻳﺐ ﻋﻠﻲ ﺍﺣﺲ ﻧﻔﺴﻲ ﺍﺧﺘﻨﮕﺖ
ﺻﺮﺕ ﺍﺗﺨﻴﻞ ﺍﺑﻮﻱ ﻭﺍﮔﻒ ﺑﺎﻟﺒﺎﺏ
ﺍﺗﺬﻛﺮﺕ ﻣﻦ ﺟﺎﻥ ﻳﺮﺟﻊ ﻭﺑﻴﺪﺓ ﻋﻼﻟﻴﮓ ﺍﻟﻤﺴﻮﺍﮒ . ﻧﺮﻛﺾ ﺍﻧﻲ ﻭﺭﻫﻒ ﻧﺘﺴﺎﺑﻖ ﻧﺎﺧﺬﻫﻦ ﻣﻦ ﺍﻳﺪﺓ
ﻛﻞ ﺷﻌﻮﺭ ﻭﻛﻞ ﺍﺣﺴﺎﺱ ﺣﻠﻮ ﺍﻧﺪﻓﻦ ﻭﻳﺎﻫﻢ
ﺣﺴﻴﺖ ﺑﺎﻻﻣﺎﻥ ﺍﻟﻲ ﻓﻘﺪﺗﻪ ﺑﻌﺪﻫﻢ ﺑﻮﺟﻮﺩ ﻋﻠﻲ
ﺍﺣﺘﻮﺍﻧﻲ ﺑﻜﻞ ﻣﻌﻨﺊ ﺍﻟﻜﻠﻤﺔ ﻭﺧﻼﻧﻲ ﺍﺗﻌﻠﻖ ﺑﻲ
ﺍﻟﺪﺭﺟﺔ ﻣﻮﻣﺘﻘﺒﻠﻪ ﻓﻜﺮﺓ ﺯﻭﺍﺟﺔ ﻣﺎﺍﺗﺤﻤﻞ ﺍﺷﻮﻓﻪ ﻭﻳﺎﻫﺎ
ﻭﺻﻠﻨﻪ ﻟﻠﺒﻴﺖ ﺍﺗﻠﮕﺘﻨﻲ ﻣﺮﺕ ﺧﺎﻟﻲ ﻭﺑﻨﺎﺗﻬﺎ ﻣﺸﺘﺎﻗﺘﻠﻬﻢ ﺻﺎﺭ ﺳﻨﻪ ﻣﺎﻭﺍﺻﻠﻪ ﻳﻤﻬﻢ
ﺟﻨﺖ ﺍﻛﺜﺮ ﺷﻲ ﻣﺸﺘﺎﻗﺔ ﺍﻟﻌﺬﺭﺍﺀ ﺣﻀﻨﺘﻬﺎ ﻭﺑﺠﻴﺖ
ﺍﺑﻮ ﺻﺎﺑﺮﻳﻦ . ﻳﻠﻪ ﺧﺎﻟﻮ ﻭﺍﻟﻠﻪ ﻣﺎﺍﺗﺤﻤﻞ ﺍﺷﻮﻑ ﺩﻣﻮﻋﺞ
ﺗﻌﺎﻱ ﺑﻨﻴﺘﻲ ﺍﮔﻌﺪﻱ ﻳﻤﻲ ﻭﺳﻮﻟﻔﻴﻠﻲ ﺍﺷﻠﻮﻧﺞ ﻫﻨﺎﻙ ﻭﻟﻮ ﺍﻧﺘﻲ ﺍﺧﺒﺎﺭﺝ ﻛﻠﻬﺎ ﻳﻤﻲ ﻳﻮﻣﻴﻪ ﺍﺗﺼﻞ ﺑﻌﻠﻲ ﻭﻳﻄﻤﻨﻲ ﻋﻨﺞ
ﻋﻠﻲ ﺯﻟﻤﻪ ﻣﻌﺪﻝ ﻭﺍﺑﻦ ﺣﻤﻮﻟﻪ ﺍﻟﻠﻪ ﻳﻜﺜﺮ ﻣﻦ ﺍﻣﺜﺎﻟﻪ
ﻟﺠﻴﻦ،،ﻭﮔﻌﺪ ﺧﺎﻟﻲ ﻳﺤﺠﻴﻠﻲ ﻫﻮﺍﻱ ﺷﻐﻼﺕ ﻋﻦ ﻋﻠﻲ ﻣﺎﻛﻨﺖ ﺍﻋﺮﻓﻬﻦ ﻣﺜﻼ ﺍﻟﺤﻜﻮﻣﻪ ﻣﻦ ﻋﺪﻣﺖ ﻛﺮﺍﺭ ﻫﻮ ﺳﻬﻞ ﺍﺟﺮﺍﺋﺎﺕ ﺍﺳﺘﻼﻡ ﺍﻟﺠﺜﺔ ﻭﺩﻓﻨﻬﺎ ﺑﺼﻒ ﺍﻫﻠﻲ
ﻭﺍﻟﻔﻠﻮﺱ ﺍﻟﻜﺎﻥ ﺧﺎﻟﻲ ﺍﻳﺪﺯﻫﺎ ﺍﻟﻲ ﻭﻋﻠﻲ ﻳﺮﻓﻀﻬﺎ ﺍﻳﮕﻮﻝ ﺍﻧﻲ ﻣﺴﺆﺅﻝ ﻋﻨﻬﺎ ﻭﻣﺎﻣﺨﻠﻴﻬﺎ ﻣﺤﺘﺎﺟﻪ ﺷﻲ
ﻣﺮﺕ ﺧﺎﻟﻲ ﺟﺎﺑﺖ ﺭﻳﻮﮒ ﻧﺘﺮﻳﮓ ﮔﻌﺪﻧﻪ ﻛﻠﻨﻪ ﻭﺍﻟﺒﻨﺎﺕ ﻳﺴﺄﻟﻨﻲ ﻋﻠﺊ ﺩﻭﺍﻣﻲ ﻋﺪﻫﻦ ﻋﻠﻢ ﺑﻲ ﻣﻦ ﺧﺎﻟﻲ ﻭﺍﻛﻴﺪ ﻋﻠﻲ ﺣﺎﺟﻴﻠﻪ ﻋﻦ ﺭﺟﻮﻋﻲ ﻟﻠﻤﺪﺭﺳﻪ
ﺑﻌﺪﻳﻦ ﺍﺧﺬﻧﻲ ﻭﺭﺣﻨﻪ ﮔﻌﺪﻧﻪ ﺑﻐﺮﻓﺘﻬﻦ ﻳﺴﺎﻟﻨﻲ ﺍﺷﻠﻮﻥ ﻣﺮﺕ ﻫﺎﻱ ﺍﻟﺴﻨﻪ ﻭﺍﺷﻠﻮﻧﻬﻢ ﺑﻴﺖ ﻋﻠﻲ ﻭﻳﺎﻱ
ﺻﺮﺕ ﺍﺣﺠﻴﻠﻬﻢ ﻋﻦ ﺍﻡ ﺣﺴﻴﻦ ﻭﺣﻨﻴﺘﻬﺎ ﻭﻋﻦ ﻧﺴﺮﻳﻦ ﻭﻃﻴﺒﺔ ﮔﻠﺒﻬﺎ ﻭﻣﻦ ﺧﻼﻝ ﻛﻼﻣﻲ ﻋﻨﻬﺎ ﺍﺷﺘﺎﻗﻴﺘﻠﻬﺎ ﻭﺍﻧﻲ ﻣﺎﺻﺎﺭﻟﻲ ﻏﻴﺮ ﻛﻢ ﺳﺎﻋﺔ ﻣﻦ ﺍﺟﻴﺖ
ﺑﻌﺪﻫﺎ ﻃﻠﻌﻨﻪ ﻳﻢ ﺧﺎﻟﻲ ﻭﺯﻭﺟﺘﻪ
ﻣﺎﺍﻋﺮﻑ ﻟﻴﺶ ﺻﺎﺭ ﻋﻨﺪﻱ ﻓﻈﻮﻝ ﺍﺳﺄﻟﻪ ﻋﻦ ﻋﻤﺎﻣﻲ ﺷﺼﺎﺭ ﺑﻴﻬﻢ ﻃﻮﻝ ﻫﺎﻱ ﺍﻟﻔﺘﺮﺓ
ﺧﺎﻟﻮ ﻋﻤﺎﻣﻲ ﺷﺼﺎﺭ ﻭﻳﺎﻫﻢ ﻣﻦ ﺑﺎﺏ ﺍﻟﻔﻀﻮﻝ ﻻ ﺍﻛﺜﺮ
ﺍﺑﻮ ﺻﺎﺑﺮﻳﻦ،،ﻭﺍﻟﻠﻪ ﻳﺎﻟﺠﻮﻧﻪ ﻣﻦ ﺍﺷﻮﻓﻬﻢ ﻳﺒﺬﺧﻮﻥ ﺑﻮﺭﺙ ﺍﺑﻮﺝ ﺍﻧﻘﻬﺮ ﺑﺲ ﻣﺎﻃﺎﻳﺢ ﺑﻴﺪﻱ ﺷﻲ
ﻋﻤﺞ ﺟﻮﺍﺩ ﺍﺷﺘﺮﺓ ﺳﻴﺎﺭﺓ ﺍﺣﺪﺙ ﻣﻮﺩﻳﻞ ﻭﻣﺨﻠﺼﻬﺎ ﺳﻬﺮ ﻭﻋﺮﮒ ﻭﻋﺮﺑﺪﺓ
ﺣﺘﺊ ﺍﻫﻠﻪ ﻣﺎﻳﻮﺻﻠﻬﻢ ﺑﺲ ﻳﺠﻴﺐ ﺍﻟﻤﺴﻮﺍﮒ ﻭﻳﺮﺟﻊ ﻟﻠﻨﻮﺍﺩﻱ ﻭﻗﺒﻞ ﻛﻢ ﻳﻮﻡ ﻛﻨﻪ ﻧﺤﺠﻲ ﺑﻲ ﺑﺎﻟﮕﻬﻮﺓ ﻭﺍﻟﺴﻤﻌﺘﻪ ﻣﻦ ﻭﺍﺣﺪ ﻣﻦ ﺍﻟﺸﺒﺎﺏ ﺍﻧﻮ ﺻﺎﻳﺮ ﻣﺪﻣﻦ ﻉ ﺍﻟﺸﺮﺏ ﻛﻠﺶ ﺣﺘﺊ ﺍﻟﺼﺒﺢ ﺑﻄﻠﻪ ﺑﻴﺪﺓ
ﻭﺑﺎﻟﻨﺴﺒﻪ ﺍﻟﻌﻤﺞ ﻋﺪﻧﺎﻥ ﺍﻟﻌﺎﺭ ﻫﺬﺍ ﺑﺤﺚ ﺍﺧﺮ..بيج قصص عراقيه حقيقيه من واقعنا.روعه الطائي
ﺻﺎﻳﺮﻟﻲ ﺗﺎﺟﺮ ﻣﺎﻝ ﻣﻔﺮﻭﺷﺎﺕ ﺑﺎﻟﺴﺆﮒ ﻓﺎﺗﺢ ﺍﺭﺑﻊ ﻣﺤﻼﺕ ﻭﺍﺣﺪ ﺑﺼﻒ ﺍﻟﺜﺎﻧﻲ ﻭﻃﺎﺑﮕﻬﻦ ﺳﻮﺓ
ﻭﺍﻇﺨﻢ ﺗﺎﺟﺮ ﺑﺎﻟﺴﻮﮒ ﻫﻮ ﺑﺪﻭﻥ ﺣﺘﺊ ﻣﺎﻳﺪﺧﻞ ﻭﻳﺎﻩ ﺷﺮﻳﻚ ﻭﺍﻟﻠﻪ ﻳﺎﺑﻨﺘﻲ ﻛﻞ ﻣﺎﺻﻔﻨﻠﻬﺎ ﺍﮔﻮﻝ ﻫﺬﺍ ﺍﻟﺤﻘﻴﺮ ﻣﻨﻴﻦ ﺟﺎﺏ ﻛﻞ ﻫﺎﻱ ﺍﻟﻔﻠﻮﺱ ﺑﻔﺘﺮﺓ ﻗﺼﻴﺮﺓ ﺍﻟﻤﺜﻞ ﺣﺎﻟﺘﻪ ﻳﮕﻌﺪ ﻃﻮﻝ ﻋﻤﺮﺓ ﻣﺎﻳﺠﻤﻊ ﻧﺺ ﻫﻠﺸﻲ
ﻃﮓ ﻓﺶ ﺻﺎﺭ ﺗﺎﺟﺮ ﻭﺍﻟﻪ ﻛﻠﻤﺔ ﺑﻴﻦ ﺍﻟﺘﺠﺎﺭ ﻭﺍﻟﻠﻪ ﻛﻞ ﻣﺎﺍﻓﻜﺮ ﺑﻜﻼﻡ ﻛﺮﺍﺭ ﺍﻟﻠﻪ ﻳﺮﺣﻤﻪ ﺍﮔﻮﻝ ﺍﻛﻴﺪ ﻫﻮ ﺍﻟﻘﺘﻠﻬﻢ ﭼﺎ ﻣﻨﻴﻦ ﺟﺎﺏ ﺍﻟﻔﻠﻮﺱ ﻫﺎﻱ
ﻟﺠﻴﻦ،،ﺗﺪﺭﻱ ﺧﺎﻟﻮ ﺍﺫﺍ ﺻﺪﮒ ﻫﻮ ﻭﺭﺓ ﻣﻮﺗﺖ ﺍﻫﻠﻲ
ﻣﺎﻳﺸﻔﻲ ﻏﻠﻴﻠﻲ ﻏﻴﺮ ﺍﻣﻮﺗﻪ ﺑﻴﺪﻱ
ﺍﺑﻮ ﺻﺎﺑﺮﻳﻦ، ﺑﻨﻴﺘﻲ ﺍﺑﻌﺪﻱ ﻋﻨﻬﻢ ﺫﻭﻟﻪ ﻻﻳﻌﺮﻓﻮﻥ ﺍﻟﻠﻪ ﻭﻻﺭﺳﻮﻟﻪ ﺣﺘﺊ ﻳﻌﺮﻓﻮﻥ ﺍﻟﺤﻼﻝ ﻭﺍﻟﺤﺮﺍﻡ
ﻣﻮﺑﻌﻴﺪ ﻋﻠﻴﻬﻢ ﻳﻘﺘﻠﻮﺝ ﺣﺘﺊ ﻳﺎﺧﺬﻭﻥ ﺍﻟﻮﺭﺙ ﺍﻟﻬﻢ
ﻭﺧﺎﻳﻒ ﻳﻌﺮﻓﻮﻥ ﺑﻴﺞ ﻫﻨﺎ ﻭﻳﺴﻮﻥ ﺷﻲ
ﻟﺠﻴﻦ،،ﻛﻠﻤﺖ ﺧﺎﻟﻲ ﺻﺎﺭﺕ ﺗﺮﻥ ﺑﺮﺍﺳﻲ ﻣﻌﻘﻮﻟﺔ ﺗﻮﺻﻞ ﺑﻴﻬﻢ ﺍﻟﺤﻘﺎﺭﺓ ﺍﻟﻬﺪﺭﺟﻪ ﺷﻨﻮ ﻣﻦ ﺑﺸﺮ ﺫﻭﻟﻪ
ﺑﻌﺪﻫﺎ ﻃﻠﻊ ﺧﺎﻟﻲ ﻳﺠﻴﺐ ﻛﻢ ﺷﻐﻠﻪ . ﻣﻦ ﺍﻟﺴﻮﮒ
،ﺻﺎﺭﺕ ﺳﺎﻋﻪ 12 ﻭﻧﺺ ﻭﺍﻧﻲ ﮔﺎﻋﺪﺓ ﻉ ﺍﻟﻜﺮﺳﻲ ﺑﺎﻟﻤﻄﺒﺦ ﻭﻣﺮﺕ ﺧﺎﻟﻲ ﻭﺑﻨﺎﺗﻬﺎ ﻳﺤﻀﺮﻥ ﺍﻟﻐﺪﺓ
ﺩﺧﻞ ﺧﺎﻟﻲ ﺑﻴﺪﺓ ﻣﻮﺑﺎﻳﻠﻪ
ﺍﺑﻮ ﺻﺎﺑﺮﻳﻦ،،ﻫﺎﺝ ﺧﺎﻟﻮ ﻋﻠﻲ ﻉ ﺍﻟﺨﻂ
ﻟﺠﻴﻦ،،ﺍﺣﺲ ﮔﻠﺒﻲ ﺭﺟﻒ ﻭﺍﺩﻳﻪ ﻛﺬﺍﻟﻚ
ﺍﺧﺬﺕ ﻣﻨﻪ ﺍﻟﻤﻮﺑﺎﻳﻞ ﻭﮔﻤﺖ ﺩﺧﻠﺖ ﺍﻟﻐﺮﻓﺔ ﺍﻟﺒﻨﺎﺕ ﺍﺳﻤﻌﻪ ﺷﻴﺮﻳﺪ
ﻭﺍﻭﻝ ﻣﺎﮔﻠﺖ ﺍﻟﻮ ﺍﺟﺎﻧﻲ ﺻﻮﺗﻪ ﺍﻟﻴﺮﻋﺪ
ﻋﻠﻲ،،ﻗﺴﻤﺎﺍﺍ ﺑﺬﺍﺍﺕ ﺍﻟﻠﻪ ﻋﺸﺮ ﺩﻗﺎﻳﻖ ﻭﺍﻭﺻﻞ ﺑﻴﺖ ﺧﺎﻟﺞ ﺍﺫﺍ ﻣﺎﺍﻟﮕﺎﺍﺍﺝ ﺟﺎﻫﺰﺓ ﺍﻃﻠﻌﺞ ﺳﺤﻞ ﻣﻔﻬﻮﻭﻭﻡ
ﻟﺠﻴﻦ،،ﺍﻟﻤﻮﺑﺎﻳﻞ ﺭﺍﺩ ﻳﻮﮔﻊ ﻣﻦ ﺍﻳﺪﻱ ﻭﺍﺭﺗﺒﻜﺖ ﻭﻗﺒﻞ ﻣﺎﺍﺣﺠﻲ ﺳﺪﺓ ﺑﻮﺟﻬﻲ
ﺩﺧﻠﺖ ﻳﻤﻬﻢ ﺑﺲ ﺑﻴﻨﺖ ﺍﻟﻮﺿﻊ ﻃﺒﻴﻌﻲ ﺻﺢ ﻛﺎﻧﺖ ﺍﻛﻮ ﺑﮕﻠﺒﻲ ﺧﻮﻓﻪ ﻣﻨﻪ
ﺑﺲ ﺑﻴﻨﺖ ﻧﻔﺴﻲ ﻗﻮﻳﺔ ﻟﺸﻮﻛﺖ ﺍﺧﺎﻑ ﻣﻨﻪ ﻭﺷﻴﮕﺪﺭ ﻳﺴﻮﻳﻠﻲ ﻣﺜﻼ
ﺍﻧﺪﮒ ﺍﻟﺠﺮﺹ ﻭﺭﺟﻊ ﺍﻟﺨﻮﻑ ﺗﻤﻠﻜﻨﻲ
ﻃﻠﻊ ﺧﺎﻟﻲ ﻓﺘﺤﻠﺔ ﺍﻟﺒﺎﺏ ﻭﺩﺧﻠﻪ ﻟﻼﺳﺘﻘﺒﺎﻝ
ﺍﺑﻮ ﺻﺎﺑﺮﻳﻦ، ،ﺍﻟﺮﺟﺎﻝ ﺍﻳﮕﻮﻝ ﻣﺴﺘﻌﺠﻞ ﻟﻴﺶ ﻫﻴﺞ ﺧﺎﻟﻲ ﻓﺸﻠﺘﻴﻨﻲ ﮔﺪﺍﻣﻪ ﻭﺧﻠﻴﺘﻴﻨﻲ ﺑﻤﻮﻗﻒ ﻋﺒﺎﻟﻲ ﺍﻟﺮﺟﺎﻝ ﻋﻨﺪﺓ ﻋﻠﻢ ﺑﺠﻴﺘﺞ ﻃﻠﻊ ﻣﺎﻳﺪﺭﻱ
ﻟﺠﻴﻦ، ﺧﺎﻟﻮ ﮔﻠﻪ ﻣﺎﺍﺭﻭﺡ ﺍﺭﻳﺪ ﺍﺑﻘﺊ ﻫﻨﺎ
ﺍﺑﻮ ﺻﺎﺑﺮﻳﻦ . ﮔﻮﻣﻲ ﺑﻌﺪ ﺧﺎﻟﺞ ﻭﺍﻓﺘﻬﻤﻲ ﻣﻨﻪ ﻻﻥ ﻣﺒﻴﻦ ﻋﺼﺒﻲ ﺑﺴﺒﺐ ﺗﺼﺮﻓﺞ
ﻭﻫﻮ ﺯﻟﻤﺘﺞ ﻭﻣﺴﺆﺅﻝ ﻋﻨﺞ
ﺍﺷﻮﻑ ﻣﻦ ﺍﻻﻓﻀﻞ ﺍﺩﺧﻠﻴﻦ ﻳﻤﻪ ﻭﺗﺸﻮﻓﻲ ﺷﻴﺮﻳﺪ
ﻭﺍﻟﻠﻪ ﺍﻧﻲ ﻣﺴﺘﺤﻲ ﻣﻨﻪ ﻋﺎﻳﻒ ﻧﺎﺳﻪ ﻭﺧﻄﺎﺭﺓ ﻭﺟﺎﻱ
ﻟﺠﻴﻦ،،ﺍﻧﻲ ﻣﻦ ﺍﺟﻴﺖ ﺍﻟﺒﻴﺖ ﺧﺎﻟﻲ ﻏﻴﺮﺕ ﻣﻼﺑﺴﻲ ﻟﺒﺴﺖ ﺍﺗﺮﺍﻙ ﺍﺳﻮﺩ ﻣﺨﻄﻂ ﺑﻨﻴﻠﻲ
ﺩﺧﻠﺖ ﻭﺣﺪﻱ ﻟﻼﺳﺘﻘﺒﺎﻝ ﺷﻔﺘﻪ ﮔﺎﻋﺪ ﻉ ﺍﻟﻘﻨﻔﻪ
ﻭﻳﻬﺰ ﺑﺮﺟﻠﻪ ﺑﻠﻌﺖ ﺭﻳﮕﻲ ﻭﺩﺧﻠﺖ
ﻭﺍﻭﻝ ﻣﺎﺧﻄﻴﺖ ﺧﻄﻮﺓ ﻧﻬﺾ ﻣﻦ ﻣﻜﺎﻧﻪ ﻭﺍﺗﻘﺪﻣﻠﻲ ﺑﺴﺮﻋﻪ ﺳﺪ ﺍﻟﺒﺎﺏ ﻭﻟﺰﻡ ﺍﻳﺪﻱ ﺩﻓﻌﻨﻲ ﻉ ﺍﻟﺤﺎﻳﻂ
ﺍﻳﺪﻱ ﺍﺫﺗﻨﻲ ﻻﺯﻣﻬﺎ ﻗﻮﻱ
ﺣﺠﻪ ﻭﻫﻮ ﺻﺎﻙ ﻋﻠﺊ ﺍﺳﻨﺎﻧﻪ ﻣﻦ ﺍﻟﻌﺼﺒﻴﻪ
ﻋﻠﻲ،،ﮔﻠﺘﻴﻲ ﺭﺍﺍﻳﺤﻪ ??
ﺗﺮﺣﻴﻴﻦ ﺑﻜﻴﻔﺞ ﻣﻮﻭ ?
ﻫﻴﻨﻪ ﺳﺖ ﻟﺠﻴﻦ ﻭﻫﺴﻪ ﻳﺎﺷﺎﻃﺮﺓ ﺗﺮﺣﻴﻦ ﺗﻠﺒﺴﻴﻦ ﻋﺒﺎﺗﺞ ﻭﺣﺠﺎﺑﺞ ﻭﺗﺠﻴﻦ ﺗﺮﺟﻌﻴﻦ ﻭﻳﺎﻱ
ﻟﺠﻴﻦ،،ﺟﺮﻳﺖ ﺍﻳﺪﻱ ﻣﻨﻪ ﻭﮔﺘﻠﻪ ﺍﻋﺘﺬﺭ ﻋﻤﻮ ﺑﺲ ﺍﻧﻲ ﺍﺭﺗﺎﺡ ﺍﻛﺜﺮ ﻫﻨﺎ ﻭﻟﻴﺶ ﺗﺮﻛﺖ ﺑﺎﺟﻲ ﺷﻴﻤﺎﺀ ﺑﺼﺒﺎﺣﻴﺘﻜﻢ ﻋﻴﺐ ﻣﻨﻬﺎ ﻫﺴﻪ ﺷﺘﮕﻮﻝ ﻋﻠﻴﻪ
ﻋﻠﻲ،،ﻟﺠﻴﻴﻦ ﻟﺘﺨﺘﺒﺮﻳﻦ ﺻﺒﺮﻱ ﺗﺮﺓ ﻭﺻﻠﺖ ﺣﺪﻫﺎ ﻭﻳﺎﺝ
ﺗﺠﻴﻦ ﻭﻳﺎﻱ ﻟﻮ ﺍﺧﺬﺝ ﺑﻄﺮﻳﻘﺘﻲ ?
ﻟﺠﻴﻦ،،ﺩﺭﺕ ﻭﺟﻬﻲ ﻋﻨﻪ ﮔﺘﻠﻪ ﺍﺳﻔﻪ ﺑﺲ ﻗﺮﺭﺕ ﺍﺑﻘﻪ ﻳﻢ ﺑﻴﺖ ﺧﺎﻟﻲ ﻭﺑﻠﺤﻀﻪ ﺳﺤﺒﻨﻲ ﻣﻦ ﺍﻳﺪﻱ ﻓﺘﺢ ﺍﻟﺒﺎﺏ ﻭﻃﻠﻊ ﻭﻫﻮ ﻳﺠﺮﻧﻲ ﻭﺭﺍﻩ
ﺍﺟﻪ ﺧﺎﻟﻲ ﻭﻣﺮﺗﻪ ﻭﺍﻟﺒﻨﺎﺕ ﻭﺍﻛﻔﺎﺕ ﺍﺑﺎﺏ ﺍﻟﻤﻄﺒﺦ
ﻋﻠﻲ،،ﺧﻮﻳﻪ ﺍﺑﻮ ﺻﺎﺑﺮﻳﻦ ﺍﻟﻀﺎﻫﺮ ﻟﺠﻴﻦ ﻣﺴﺘﻬﺎﻧﻪ ﺑﺤﻘﺎﺭﺓ ﻋﻤﺎﻣﻬﺎ ﻭﻣﺎﺗﻌﺮﻑ ﺫﻭﻟﻪ ﺷﻴﮕﺪﺭﻭﻥ ﻳﺴﻮﻭﻥ ﺑﺴﺒﺐ ﻃﻤﻌﻬﻢ ﻭﺟﺸﻌﻬﻢ
ﺍﺑﻮ ﺻﺎﺑﺮﻳﻦ، ﻭﺍﻟﻠﻪ ﺣﺠﻴﺘﻠﻬﺎ ﻭﺣﺘﺊ ﺍﻧﻲ ﺧﺎﻳﻒ ﻋﻠﻴﻬﺎ ﺗﺒﻘﺊ ﻫﻨﺎ ﻣﻮ ﺍﻣﺎﻥ ﻭﻫﻲ ﻗﺮﻳﺒﻪ ﻋﻠﻴﻬﻢ
ﻋﻠﻲ،،ﺑﺲ ﺟﻴﺒﻮﻟﻬﺎ ﻋﺒﺎﻳﻪ ﻭﺣﺠﺎﺏ ﺣﺘﺊ ﻧﻄﻠﻊ
ﻟﺠﻴﻦ، ،ﻋﻮﻓﻨﻲ ﺍﻧﻲ ﺍﺩﺧﻞ ﺍﺟﻴﺒﻬﻢ
ﺗﺮﻙ ﺍﻳﺪﻱ ﻋﻔﺘﻪ ﻭﺩﺧﻠﺖ ﺑﺴﺮﻋﻪ ﻟﻠﺒﻴﺖ
ﻣﺮﺕ ﺧﺎﻟﻲ ﺍﺗﮕﻮﻝ ﺧﺎﻳﻔﻴﻦ ﻋﻠﻴﺞ ﻭﺍﻟﻠﻪ ﺫﻭﻟﻪ ﻛﻠﺸﻲ ﺍﺗﻮﻗﻌﻲ ﻣﻨﻬﻢ ﻭﻣﺎﻋﺪﻫﻢ ﻣﺎﻧﻊ ﻳﺨﻠﻮﺝ ﺗﻠﺤﮕﻴﻦ ﺍﻫﻠﺞ
ﻧﺰﻟﺖ ﺩﻣﻮﻋﻲ ﺑﻘﻬﺮ ﮔﺘﻠﻬﺎ ﻭﺍﻟﻠﻪ ﻳﺎﺧﺎﻟﻪ ﻳﺎﺭﻳﺖ ﺍﻣﻮﺕ ﻭﺍﻟﺤﮕﻬﻢ ﻫﻲ ﻫﺎﻱ ﻫﻢ ﺗﺴﻤﻴﻬﺎ ﻋﻴﺸﻪ ﺍﻟﻌﺎﻳﺸﺘﻬﺎ ﺻﺎﺭﻟﻲ ﺳﻨﻪ ﻣﺎﺣﺎﺳﻪ ﺑﺤﻨﺎﻥ ﺍﻟﻌﺎﺋﻠﻪ ﻭﺩﻓﻮﻫﺎ ﺻﺮﺕ ﻣﻬﺠﻮﻟﻪ ﻣﻦ ﻣﻜﺎﻥ ﺍﻟﻤﻜﺎﻥ
ﻟﺒﺴﺖ ﻭﺍﺧﺬﺕ ﺟﻨﻄﺘﻲ ﻭﻃﻠﻌﺖ ﻟﮕﻴﺘﻪ ﻳﻨﺘﻀﺮﻧﻲ ﺑﺎﻟﺴﻴﺎﺭﺓ ﻭﺧﺎﻟﻲ ﻭﺍﮔﻒ ﻳﻤﻪ ﻳﺤﺠﻲ ﻭﻳﺎﻩ ﻣﺎﻗﺒﻞ ﻳﻨﺘﻀﺮ ﻳﺘﻐﺪﺓ ﮔﺎﻝ ﻋﻨﺪﻱ ﺧﻄﺎﺭ
ﺻﻌﺪﺕ ﺳﻠﻢ ﻋﻠﺊ ﺧﺎﻟﻲ ﺷﻐﻞ ﺍﻟﺴﻴﺎﺭﺓ ﻭﺷﺨﻄﻬﺎ
ﺍﺗﻌﻤﺪﺕ ﺍﻛﻌﺪ ﺑﺎﻟﻜﺸﻦ ﺍﻟﻮﺭﺓ ﺍﺩﻧﻴﺖ ﻳﻢ ﺍﻟﺠﺎﻣﻪ ﺍﻧﺘﺠﻴﺖ ﻋﻠﻴﻬﺎ ﻭﺿﺎﻳﺠﻪ ﻣﻦ ﺗﺼﺮﻓﻪ
ﻋﻠﻲ،،ﺍﻱ ﺳﺖ ﻟﺠﻴﻦ ﺍﺣﺠﻴﻠﻲ ﺍﺷﻠﻮﻥ ﺍﺟﻴﺘﻲ ﻭﻣﻨﻮ ﺳﻤﺤﻠﺞ ??
ﻟﺠﻴﻦ،،ﺍﻟﺘﻔﺘﺘﻠﻪ ﺷﻔﺘﻪ ﻣﻌﺪﻝ ﺍﻟﻤﺮﺍﻳﻪ ﻋﻠﻴﻪ ﻳﺒﺎﻭﻋﻠﻲ ﻭﻳﺤﺠﻲ
ﻣﺎﺟﺎﻭﺑﺘﻪ ﻭﺭﺟﻌﺖ ﻋﻠﺊ ﻧﻔﺲ ﻭﺿﻌﻲ ﺍﺑﺎﻭﻉ ﻟﻠﻄﺮﻳﻖ
ﻋﻠﻲ،،ﺧﻠﻴﺞ ﻫﻴﺞ ﻟﺘﺠﺎﻭﺑﻴﻦ ﺑﺲ ﻟﺘﻨﺴﻴﻦ ﻭﺭﺍﺝ ﻋﻘﻮﺑﻪ
ﺣﺘﺊ ﻣﺎﺗﻌﻴﺪﻳﻬﺎ ﻭﺗﻨﺴﻴﻦ ﻋﻨﺪﺝ ﺭﺟﺎﻝ
ﻟﺠﻴﻦ،،ﺣﺠﺎﻫﺎ ﻭﺳﻜﺖ ﻣﺎﻛﻤﻞ
ﺭﺟﻌﺖ ﺑﺎﻭﻋﺘﻠﻪ ﻭﻛﺘﻠﻪ ﺍﻟﻌﻔﻮ ﻏﻠﻄﺖ ﺑﺎﻟﺤﺠﺎﻳﻪ
ﻗﺼﺪﻙ ﻋﻢ
ﻭﺷﺪﻳﺖ ﻉ ﺍﻟﻜﻠﻤﺔ
ﺿﺮﺏ ﺍﻟﺴﺘﻴﺮﻥ ﺣﻴﻞ ﻭﺻﺎﻳﺮ ﻳﺴﻮﻕ ﺳﺮﻳﻊ ﻛﻠﺶ ﺍﺣﺲ ﮔﻠﺒﻲ ﺭﺍﺩ ﻳﻮﻛﻒ ﺑﺲ ﺳﻮﻳﺖ ﻧﻔﺴﻲ ﻣﺎﻣﻬﺘﻤﻪ ﻭﻣﺎﺧﺎﻳﻔﻪ
ﻭﺑﺪﺍﺧﻠﻲ ﺍﺩﻋﻲ 100 ﺍﻣﺎﻡ ﻧﻮﺻﻞ ﻗﺒﻞ ﻣﻨﺴﻮﻱ ﺣﺎﺩﺙ
ﻭﺻﻠﻨﻪ ﻟﻠﺒﻴﺖ ﻭﺍﺗﻠﮕﺘﻨﻲ ﻧﺴﺮﻳﻦ ﺭﻓﻌﺖ ﺭﺍﺳﻲ ﺷﻔﺖ ﺍﻡ ﺷﻴﻤﺎﺀ ﻭﺍﻗﺎﺭﺏ ﺍﻡ ﺣﺴﻴﻦ ﻭﺍﻛﻔﺎﺕ ﺍﺑﺎﺏ ﺍﻟﻤﺪﺧﻞ ﻭﺍﻟﻮﺟﻮﻩ ﻣﮕﻠﺒﻪ
ﻧﺴﺮﻳﻦ،،ﻫﻠﻪ ﺑﺎﺍﻡ ﺍﻟﻤﺸﺎﻛﻠﻪ ﮔﻠﺒﺘﻲ ﻣﻦ ﻋﺮﺱ . ﺍﻟﺊ ﻋﺰﺓ ﻓﻮﺗﻲ
ﻟﺠﻴﻦ،،ﺍﺧﺬﺕ ﻧﺴﺮﻳﻦ ﺟﻨﻄﺘﻲ ﻣﻨﻲ ﻭﺑﺤﻠﮕﻬﺎ ﺿﺤﻜﻪ ﮔﻮﺓ ﻛﺎﺗﻤﺘﻬﺎ ﺗﺤﺠﻲ ﻣﻦ ﺟﻮﺓ ﻟﺠﻮﺓ ﺧﺎﻑ ﺍﻟﺴﻴﻄﺮﺓ ﺍﻟﻤﻮﺟﻮﺩﺓ ﺑﺎﻟﻤﺪﺧﻞ ﻳﺸﻮﻓﻨﻬﺎ
ﺩﺧﻠﺖ ﺑﺪﻭﻥ ﺳﻼﻡ ﻋﻠﺊ ﺍﻡ ﺷﻴﻤﺎﺀ ﻭﺍﻟﻤﻮﺟﻮﺩﺍﺕ ﻳﻤﻬﺎ
ﻧﺴﺮﻳﻦ ﺩﺧﻠﺖ ﮔﺪﺍﻣﻲ ﻭﺍﻧﻲ ﻭﺭﺍﻫﺎ ﺑﺲ ﻣﻦ ﻋﺒﺮﺕ ﻣﻦ ﻳﻢ ﺍﻡ ﺷﻴﻤﺎﺀ ﮔﺎﻟﺖ ﺑﺼﻮﺕ ﻧﺎﺻﻲ ﻻ ﻫﻼ
ﻭﺍﻟﻠﻪ ﺍﺣﺠﺎﻳﺘﻬﺎ ﺍﺟﺖ ﺗﺮﺱ ﺍﺫﻧﻲ ﻭﻏﻠﺴﺖ ﻋﻨﻬﺎ ﻭﺩﺧﻠﺖ ﺍﻟﻐﺮﻓﺘﻲ ﻭﻧﺴﺮﻳﻦ ﺳﺪﺕ ﺍﻟﺒﺎﺏ ﻭﺍﺟﺖ ﻳﻤﻲ
ﻗﺒﻞ ﻛﻠﺸﻲ ﺭﻭﺣﻲ ﺳﻠﻤﻲ ﻋﻠﺊ ﻋﻤﺘﻲ ﺍﻡ ﺣﺴﻴﻦ ﻭﺗﻌﺎﻱ ﻣﺎﺧﺬﺓ ﻋﻠﺊ ﺧﺎﻃﺮﻫﺎ ﻣﻨﺞ ﻛﻠﺶ
ﻟﺠﻴﻦ، ،ﻃﻠﻌﺖ ﺭﺣﺖ ﺍﻟﻐﺮﻓﺖ ﺧﺎﻟﻪ ﺍﻡ ﺣﺴﻴﻦ ﻟﮕﻴﺘﻬﺎ ﺍﻃﻠﻊ ﻣﻮﺍﻋﻴﻦ ﻣﻦ ﺑﻮﻓﻴﺘﻬﺎ . ﺑﺴﺘﻬﺎ ﺑﺮﺍﺳﻬﺎ ﻭﮔﻌﺪﺕ ﻳﻤﻬﺎ ﺑﺲ ﻭﺟﻬﺎ ﺛﮕﻴﻞ
ﺍﻡ ﺣﺴﻴﻦ،،ﻭﺍﻧﻲ ﺍﮔﻮﻝ ﺑﻨﻴﺘﻲ ﺍﻟﻌﺎﻗﻠﻪ ﺗﺤﺒﻨﻲ ﻟﻴﺶ ﻫﻴﺠﻲ ﺧﺎﻟﻪ ﻟﻴﺶ
ﺳﺎﻟﺘﺞ ﮔﻠﺘﻲ ﺍﻧﻄﻴﺘﻪ ﻋﻠﻢ ﺑﺮﻭﺣﺘﻲ ﻃﻠﻌﺘﻲ ﻣﻦ ﻛﻴﻔﺞ ﺭﺍﻳﺤﻪ ﻭﺧﻠﻴﺘﻲ ﺍﺑﻨﻲ ﻳﺸﻴﻞ ﺭﻭﺣﻪ ﻭﻳﻄﮕﻬﺎ ﺧﺎﻳﻒ ﻋﻠﻴﺞ
ﻭﻓﻮﮒ ﻛﻠﺸﻲ ﻓﺸﻠﻨﻲ ﺟﺪﺍﻡ ﺍﻟﻨﺴﻮﺍﻥ ﺍﻳﮕﻠﻲ ﺍﺷﻠﻮﻥ ﺧﻠﻴﺘﻴﻬﺎ ﺍﺗﺮﻭﺡ
ﻟﺠﻴﻦ،،ﺍﻋﺘﺬﺭ ﺧﺎﻟﻪ ﺑﺲ ﻭﺍﻟﻠﻪ ﻧﻔﺴﻴﺘﻲ ﺯﻓﺖ ﻭﺗﻌﺒﺎﻧﻪ ﺭﺩﺕ ﺍﻏﻴﺮ ﺟﻮ ﻳﻢ ﺑﻴﺖ ﺧﺎﻟﻲ
ﺍﻡ ﺣﺴﻴﻦ،،ﻣﻬﻤﺎ ﻳﻜﻮﻥ ﺍﻟﺴﺒﺐ ﺑﻨﺘﻲ ﻛﺎﻥ ﻻﺯﻡ ﺗﻨﻄﻴﻦ ﺧﺒﺮ ﺍﻝ ﻋﻠﻲ ﻻﻥ ﺍﻧﺘﻲ ﺟﺪﺍﻡ ﺍﻟﻠﻪ ﺳﺒﺤﺎﻧﺔ ﻭﺗﻌﺎﻟﺊ،ﻣﺮﺗﻪ ﻭﺍﻟﻪ ﻛﻠﻤﺔ ﻋﻠﻴﺞ ﻣﺎﻳﺼﻴﺮ ﺍﻃﻠﻌﻴﻦ ﺑﺪﻭﻥ ﺷﻮﺭﺓ ﻭﻋﻠﻤﻪ
ﻟﺠﻴﻦ،،ﺻﺎﺭ ﺧﺎﻟﻪ ﺗﺪﻟﻠﻴﻦ
ﺑﺴﺘﻬﺎ ﺑﻴﺪﻫﺎ ﻭﺭﺍﺳﻬﺎ ﻟﻤﻦ ﺷﻔﺘﻬﺎ ﺍﺑﺘﺴﻤﺖ ﻳﻠﻪ ﻋﻔﺘﻬﺎ ﻭﻃﻠﻌﺖ ﺭﺟﻌﺖ ﺍﻟﻐﺮﻓﺘﻲ ﻟﮕﻴﺖ ﺑﺎﺟﻲ ﻧﺴﺮﻳﻦ ﮔﺎﻋﺪﺓ ﺗﻨﺘﻀﺮﻧﻲ ﺗﺮﻳﺪ ﺗﺸﻮﻑ ﺍﻡ ﺣﺴﻴﻦ ﺷﺤﺠﺖ ﻭﻳﺎﻱ
ﺩﺧﻠﺖ ﺳﺎﻟﺘﻬﺎ،ﺷﻜﻮ ﺑﺎﺟﻲ ﺷﺼﺎﻳﺮ ??
ﻧﺴﺮﻳﻦ،،ﮔﻮﻟﻲ ﺷﻨﻮ ﺍﻟﻤﺎﺻﺎﻳﺮ ﻏﻴﺮ ﻋﻠﻲ ﺍﺗﻌﺎﺭﻙ ﻭﻳﻪ ﺷﻴﻤﺎﺀ ﻭﺍﻣﻬﺎ ﻣﻦ ﻭﺭﺍﺝ
ﻟﺠﻴﻦ،،ﻭﺑﺪﺕ ﻧﺴﺮﻳﻦ ﺗﺤﺠﻴﻠﻲ ﺍﺷﻠﻮﻥ ﺭﺟﻌﻮ ﻣﻦ ﺍﻟﻔﻨﺪﻕ ﻭﻣﻦ ﻣﻼﺣﺾ ﻏﻴﺎﺑﻲ ﺳﺄﻟﻬﻢ ﻋﻠﻴﻪ ﻭﺍﻡ ﺣﺴﻴﻦ ﺿﺎﻟﻪ ﺗﻤﺘﻤﺖ ﺍﺧﺮ ﺷﻲ ﮔﺎﻟﺘﻠﻪ ﻣﺸﺘﺎﻗﻪ ﺍﻟﺨﺎﻟﻬﺎ ﻭﺭﺍﺣﺖ ﻛﻢ ﻳﻮﻡ ﻳﻤﻬﻢ
ﻫﻲ ﺣﺠﺖ ﻟﻮ ﺍﺗﺨﺒﻞ
ﻋﻠﻲ،،ﺷﻨﻮﻭ ﺧﺎﻟﻬﺎﺍ ?
ﺷﻨﻮﻭ ﺗﺮﺗﺎﺡ ??
ﻭﻫﻮ ﻣﻨﻮﻭﻭ ﺳﻤﺤﻠﻬﺎﺍﺍ ﺗﺮﻭﻭﺡ ﻭﺍﺍﻧﻲ ﻣﺎﻣﻮﺟﻮﺩ ?
ﻧﺴﺮﻳﻦ،،ﺭﺍﺩ ﻳﻄﻠﻊ ﺑﺲ ﺷﻴﻤﺎﺀ ﻭﮔﻔﺖ ﮔﺪﺍﻣﻪ ﺍﺗﮕﻠﻪ ﺍﺷﻠﻮﻥ ﺗﺮﻭﺡ ﻭﺍﻟﺨﻄﺎﺭ ﺑﺎﻻﺳﺘﻘﺒﺎﻝ ﺟﺎﻱ ﻳﺒﺎﺭﻛﻠﻚ ﻭﺍﻧﺘﻪ ﺗﺮﻳﺪ ﺗﻌﻮﻓﻬﻢ ﻭﺗﺮﻭﺡ ﻭﺍﻟﻴﻮﻡ ﺻﺒﺎﺣﻴﺔ ﻋﺮﺳﻨﻪ
ﺣﺠﺎﻳﻪ ﻣﻨﻪ ﻭﺣﺠﺎﻳﻪ ﻣﻦ ﺷﻴﻤﺎﺀ ﻭﺍﻣﻬﺎ ﺻﺎﺭﺕ ﻋﺮﻛﻪ
ﻭﺍﻡ ﺷﻴﻤﺎﺀ ﮔﺎﻟﺘﻠﻪ ﺍﺫﺍ ﻫﻴﺞ ﻛﺎﺗﻞ ﺭﻭﺣﻚ ﻋﻠﺊ ﺫﻳﺞ ﻟﻴﺶ ﺍﺧﺬﺕ ﺑﻨﺘﻲ ?
ﻭﺍﺫﺍ ﻃﻠﻌﺖ ﺍﺧﺬﻫﺎ ﻭﺍﺭﻭﺡ ﻭﻋﻮﺩ ﺫﻳﺞ ﺧﻞ ﺗﻔﻴﺪﻙ
ﻭﻫﻮ ﻋﺎﻓﻬﻦ ﻭﺍﺟﺎﺝ ﺷﺎﻳﻂ ﺧﻄﻴﻪ ﺣﺘﺊ ﻋﻤﺘﻲ ﺿﻠﺖ ﺍﺗﻠﻮﺏ ﻣﻦ ﺷﺎﻓﺘﻪ ﻃﻠﻊ ﻋﺼﺒﻲ ﺧﺎﻓﺖ ﻳﻨﮕﻠﺐ ﻣﻦ ﺳﺮﻋﺘﻪ
ﻭﺿﻠﺖ ﺍﻟﻤﺮﺓ ﺗﺮﺿﻲ ﻭﺗﻘﻨﻊ ﺑﺄﻡ ﺷﻴﻤﺎﺀ ﻭﺗﮕﻠﻬﺎ ﻳﺘﻴﻤﻪ ﻭﻋﻤﺎﻣﻬﺎ ﻣﻮﺧﻮﺵ ﻧﺎﺱ ﻭﻋﻠﻲ ﺧﺎﻳﻒ ﻋﻠﻴﻬﺎ ﻻ ﺷﻮ ﺷﻴﺴﻮﻭﻥ ﺑﻴﻬﺎ
ﻟﺠﻴﻦ، ﻟﻮ ﻋﺎﻳﻔﻨﻲ ﻳﻢ ﺑﻴﺖ ﺧﺎﻟﻲ ﺍﺣﺴﻦ ﻣﺤﺪ ﻃﻠﺐ ﻣﻨﻪ ﻳﺮﺟﻌﻨﻲ
ﻧﺴﺮﻳﻦ، ﺷﻮﻑ ﻫﺎﻱ ﺍﻟﺜﻮﻟﻪ ﻭﻟﺞ ﻻﺗﺨﻠﻴﻨﻲ ﺍﺣﺠﻲ ﻭﺍﻟﺤﺠﻲ ﺑﻌﺪ ﻣﻴﻔﻴﺪ
ﺗﺪﺭﻳﻦ ﺳﻤﻌﺖ ﺷﻴﻤﺎﺀ ﻭﻣﻬﺎﺗﻬﺎ ﺍﻳﮕﻮﻟﻦ ﺭﺍﺣﺖ ﻣﺎﺍﺗﺤﻤﻠﺖ ﺍﺗﺸﻮﻑ ﺍﻟﻌﺮﺱ
ﻭﺍﻧﻲ ﮔﺘﻠﻬﻦ ﻻ ﻫﻲ ﻣﺸﺘﺎﻗﻪ ﺍﻟﺨﻮﺍﻟﻬﺎ ﻭﺭﺍﺣﺖ
ﻟﺘﺨﻠﻴﻬﻦ ﻳﺘﺸﻤﺘﻦ ﺑﻴﺞ ﻭﺍﺛﺒﺘﻴﻠﻬﻦ ﻋﻜﺲ ﻫﻠﺸﻲ
ﺗﻌﺎﻱ ﺍﻃﻠﻌﻲ ﻳﻤﻲ ﺭﺍﺡ ﻧﺼﺐ ﻏﺪﺓ ﺍﺗﻐﺪﻱ ﻭﺍﻇﺤﻜﻲ ﻭﺳﻮﻭﻟﻔﻲ ﻭﺑﺎﺭﻛﻲ ﺍﻟﺸﻴﻤﺎﺀ ﺑﻜﻞ ﺭﺣﺎﺑﺔ ﺻﺪﺭ ﺣﺘﺊ ﻳﮕﻮﻟﻮﻥ ﻣﺎﻣﻬﺘﻤﻪ
ﻟﺠﻴﻦ،،ﻭﺻﺪﮒ ﻟﺒﺴﺖ ﺟﺒﻪ ﻟﻮﻧﻬﺎ ﺳﻤﺎﮔﻲ ﻣﻦ ﻓﻮﮒ ﺣﺼﺮ ﻭﻣﻦ ﺟﻮﺓ ﻛﻠﻮﺵ ﻣﺮﺗﺒﻪ ﻛﻠﺶ ﻭﻟﻔﻴﺖ ﺣﺠﺎﺑﻲ ﻭﻃﻠﻌﺖ ﻳﻤﻬﻢ ﻭﺍﻻﺑﺘﺴﺎﻣﻪ ﻋﻠﺊ ﺷﻔﺎﻳﻔﻲ ﻣﺮﺳﻮﻣﻪ
ﺳﻠﻤﺖ ﻋﻠﺊ ﺍﻡ ﺷﻴﻤﺎﺀ ﻭﻛﺘﻠﻬﺎ ﺍﻋﺬﺭﻳﻨﻲ ﻣﺎﺍﻧﺘﺒﻬﺖ ﻋﻠﻴﺞ ﻣﻦ ﺍﺟﻴﺖ ﻭﺻﺮﻧﻪ ﺍﻧﻲ ﻭﻧﺴﺮﻳﻦ ﻧﺴﻮﻟﻒ ﻭﻧﻀﺤﻚ ﻭﺍﻡ ﺷﻴﻤﺎﺀ ﻭﺍﺧﺘﻬﺎ ﻳﺒﺎﻭﻋﻦ ﺑﺤﻘﺪ ﻭﻋﻴﻮﻥ ﻏﻀﺐ
ﺩﺧﻞ ﻋﻠﻲ ﻭﺍﻧﻲ ﻇﺤﻜﺖ ﻭﻳﻪ ﻧﺴﺮﻳﻦ ﻫﻮ ﺑﻘﻪ ﺻﺎﻓﻦ ﻋﻠﻴﻪ ﻣﺘﻔﺎﺟﺊ ﺑﻴﻪ ﻣﻦ ﺍﺟﻴﺖ ﺷﻜﻞ ﻭﻫﺴﻪ ﺷﻜﻞ ﺍﺿﺤﻚ ﻭﻣﺎﺩﺍﻳﺮﺓ ﺑﺎﻝ
ﻋﺎﻓﻨﻪ ﻭﺻﻌﺪ ﺍﻟﻐﺮﻓﺘﻪ ﻭﻧﺴﺮﻳﻦ ﮔﺎﻟﺖ ﺧﺮﺏ ﻳﻮﻣﺞ ﻋﻠﻴﻤﻦ ﻇﺤﻜﺘﻲ
ﮔﺘﻠﻬﺎ ﺑﺪﻭﻥ ﺳﺒﺐ ﺍﻧﺘﻲ ﻣﻮ ﮔﻠﺘﻲ ﺍﺿﺤﻜﻲ ﻭﺑﻴﻨﻴﻠﻬﻢ ﻣﺎﻣﻬﺘﻤﻪ
ﻧﺴﺮﻳﻦ،،ﻳﺒﻮﻭﻭ ﻭﻋﻠﻲ ﺍﻧﺘﻲ ﻓﻄﻴﺮﺓ ﻳﻌﻨﻲ ﺍﺫﺍ ﻧﺴﺮﻳﻦ ﻃﻠﺒﺖ ﻣﻨﺞ ﺍﺗﺸﻤﺮﻳﻦ ﺭﻭﺣﺞ ﺑﺎﻟﺸﻂ ﺍﺗﺸﻤﺮﻳﻬﺎ ??
