#النقيب_أبودرع_والقاصر_ج٢
⭐⭐⭐
علي الفتلاوي
#بارت٢٤
ﻳﻞ ﻛﻠﻚ ﺗﻌﺐ ﻭﻳﺎﻙ ﻟﻴﺶ ﺍﺭﺗﺎﺡ 💔?
،،،،،،،،،،،،،،،
ﻗﺼﺔ ﺍﻟﻨﻘﻴﺐ ﺍﺑﻮ ﺩﺭﻉ ﻭﺍﻟﻘﺎﺻﺮ
ﻟﻠﻜﺎﺗﺐ ﻋﻠﻲ ﺍﻟﻔﺘﻼﻭﻱ
ﺍﻟﺘﻔﺎﻋﻞ ﻣﺎﻳﺴﻮﻱ ﻭﺍﻫﺲ ﻣﺜﻞ ﻗﺒﻞ 😳
ﺍﻟﻴﺘﻔﺎﻋﻞ ﺍﻧﻄﻲ ﺭﺑﻊ 😁
،،،،،،،،،،،،،،،،،،،،،،،،،،،،،،،، .
ﻟﺠﻴﻦ،،ﺩﻫﺸﺖ ﻋﻠﻲ ﻣﻦ ﺳﻤﻊ ﺍﻻﺳﻢ ﺗﺜﻴﺮ ﺍﻟﺸﻚ ﻋﺒﺎﻟﻚ ﻳﻌﺮﻓﻬﺎ ﺣﻖ ﺍﻟﻤﻌﺮﻓﻪ
ﺣﺴﻴﺖ ﺑﻲ ﺍﺭﺗﺒﻚ ﺑﺎﻟﻜﻼﻡ ﻭﺳﺎﻟﻨﻲ
ﻋﻠﻲ،ﺣﺠﺖ ﺷﻲ ﺷﺮﺍﻳﺪﺓ ??
ﺍﻡ ﺣﺴﻴﻦ،،ﻏﻴﺮ ﻣﺮﺓ ﺻﺎﺣﺒﻚ ﻭﺟﺎﻳﺔ ﺗﺒﺎﺭﻙ ﻳﺎﻳﻤﻪ
ﻋﻠﻲ،،ﺍﻱ ﻳﻤﻪ ﻫﺬﺍ ﻫﻮ
ﻟﺠﻴﻦ،،ﻋﺎﻓﻨﻪ ﻭﺻﻌﺪ ﻟﻠﻐﺮﻓﻪ
ﺍﺧﺬﺕ ﺍﻻﺳﺘﻜﺎﻥ ﻏﺴﻠﺘﻪ ﻭﺻﻌﺪﺕ ﺍﻟﻐﺮﻓﺘﻲ ﻟﮕﻴﺘﻪ ﻣﺒﺪﻝ ﻭﮔﺎﻋﺪ ﻉ ﺍﻟﺴﺮﻳﺮ ﻣﺸﺎﺑﻚ ﺍﺩﻱ ﻭﻣﻨﺘﺠﻲ ﻋﻠﺊ ﻋﻜﻮﺳﻪ
ﺭﺣﺖ ﮔﻌﺪﺕ ﻳﻤﻪ ﺳﺎﻟﺘﻪ ﺑﺤﻴﺮﺓ ﻋﻠﻲ ﺗﻌﺮﻓﻬﺎ ??
ﻋﻠﻲ، ،ﺍﻛﻴﺪ ﺍﻋﺮﻓﻬﺎ ﻣﺮﺓ ﻭﻟﺪ ﺻﺪﻳﻘﻲ ﺑﺲ ﻣﺘﻔﺎﺟﺊ ﺍﺟﺖ ﻟﻬﻨﺎ ﻻﻥ ﺍﻟﺮﺟﺎﻝ ﻣﻦ ﺯﻣﺎﻥ ﻃﻠﮕﻬﺎ
ﻟﺠﻴﻦ،،ﻋﺎﺩﻱ ﻭﺍﺫﺍ ﺍﺟﺖ ?
ﺍﻣﻬﺎ ﺍﺗﻜﻮﻝ ﺍﻧﺖ ﺻﺎﺣﺐ ﻓﻀﻞ ﻋﻠﻴﻬﻢ
ﺑﻌﺪﻫﺎ ﻋﻠﻲ ﻣﺪﺩ ﻭﺳﺤﺒﻨﻲ ﺍﻟﺤﻀﻨﻪ
ﺣﻀﻨﻲ ﺑﻜﻞ ﻗﻮﺗﻪ ﻭﻳﻬﻤﺲ ﺑﺤﻨﻴﻪ
ﻋﻠﻲ،،ﺗﻌﺮﻓﻴﻦ ﺷﮕﺪ ﺍﺣﺒﺞ ﻣﺎﺣﺎﺟﻪ ﺍﮔﻠﺞ
ﻟﺠﻴﻦ،،ﺍﻣﻢ ﻭﺍﻧﻲ ﺍﺣﺒﻚ ﺍﻛﺜﺮ
ﻋﻠﻲ، ،ﺣﺒﻲ ﺍﻟﺞ ﻳﻔﻮﻕ ﺣﺒﺞ ﺍﻟﻲ ﺑﻘﺎﻃﺎﺕ
ﺍﻧﺘﻲ ﻛﻠﺞ ﻫﻨﺎ
ﻟﺠﻴﻦ،،ﻛﺎﻥ ﻳﺸﺮ ﻋﻠﺊ ﮔﻠﺒﻪ
ﺑﻘﻴﻨﻪ ﺳﻬﺮﺍﻧﻴﻦ ﻟﻞ 1 ﺑﻌﺪﻫﺎ ﺳﺒﺤﻨﻪ ﻭﻧﻤﻨﺎ
ﺛﺎﻧﻲ ﻳﻮﻡ ﻛﻌﺪﺕ ﻣﻦ ﻭﻛﺖ ﺗﺮﻛﺘﻪ ﻧﺎﻳﻢ ﻭﻧﺰﻟﺖ ﻧﻀﻔﺖ ﺍﻟﺒﻴﺖ
ﻭﺣﻀﺮﺕ ﺍﻟﺮﻳﻮﮒ
ﻛﻤﻠﺖ ﻭﺻﻌﺪﺕ ﻓﺘﺤﺖ ﺍﻟﺒﺎﺏ ﺑﻬﺪﻭﺉ ﺩﺧﻠﺖ ﻟﻠﻐﺮﻓﻪ ﺍﺧﺬﺕ ﺳﻠﻪ ﺍﻟﻤﻼﺑﺲ ﺍﻟﻮﺳﺨﻪ
ﺍﺧﺬﺗﻬﺎ ﻭﻃﻠﻌﺖ ﻧﺰﻟﺘﻬﺎ ﺟﻮﺓ
ﻓﺘﺤﺖ ﺍﻟﻐﺴﺎﻟﻪ ﻋﺰﻟﺖ ﻣﻼﺑﺴﻲ ﻋﻦ ﻣﻼﺑﺲ ﻋﻠﻲ ﻭﺑﺪﻳﺖ ﺍﻏﺴﻞ ﺑﻴﻬﻢ
ﻛﻤﻠﺖ ﻭﺭﺣﺖ ﺷﺮﻳﺘﻬﻦ
ﮔﻌﺪﺕ ﺍﻡ ﺣﺴﻴﻦ ﺍﻧﻄﻴﺘﻬﺎ ﺭﻳﻮﮒ ﻭﺻﺒﻴﺘﻠﻬﺎ ﺍﺳﺘﻜﺎﻥ ﭼﺎﻱ
ﺑﻌﺪﻫﺎ ﮔﻌﺪﻭ ﻋﺎﺋﻠﻪ ﺣﺴﻴﻦ ﻳﺘﺮﻳﮕﻮﻥ
ﻧﺴﺮﻳﻦ ﻣﻦ ﺷﺎﻓﺘﻨﻲ
ﺑﺎﻭﻋﺖ ﺍﻟﻌﻤﺘﻲ ﺍﺑﺘﺴﻤﺖ ﻭﮔﺎﻟﺖ
ﻧﺴﺮﻳﻦ،،ﻋﻤﻪ ﺍﻟﻴﻮﻡ ﭼﻨﺘﺞ ﺍﻟﻨﺎﺩﺭﺓ ﮔﺎﻋﺪﺓ ﻣﻦ ﺍﻟﺼﺒﺢ ﻭﻣﺨﻠﺼﻪ ﻛﻠﺸﻲ
ﺍﻡ ﺣﺴﻴﻦ،،ﺍﻟﻠﻪ ﻳﻨﻄﻴﺠﻦ ﺑﻨﻴﺎﺗﻲ
ﻫﻮ ﺍﻟﺒﻴﺖ ﺍﻟﺠﻦ ﻭﻧﻀﺎﻓﺘﻪ ﻣﺤﺴﻮﺑﻪ ﻋﻠﻴﺠﻦ
ﺍﻟﻴﺠﻲ ﻣﺎﻳﮕﻮﻝ ﺍﻡ ﺣﺴﻴﻦ ﺑﻴﺘﻬﺎ ﻭﺻﺦ
ﺭﺍﺡ ﻳﮕﻮﻝ ﺟﻨﺎﻳﻨﻬﺎ ﻭﺻﺨﺎﺕ
ﻭﻟﺠﻮﻧﻪ ﻧﺎﺩﺭﺓ ﻣﻦ ﻳﻮﻡ ﻳﻮﻣﻬﺎ ﻣﺨﻠﻴﺘﻨﻲ ﺍﻓﺘﺨﺮ ﺑﻴﻬﺎ ﺟﺪﺍﻡ ﺍﻟﻨﺴﻮﺍﻥ
ﻫﻢ ﺣﻠﻮﺓ ﻭﻫﻢ ﻣﻌﺪﻟﻪ ﻭﺍﻡ ﺑﻴﺖ
ﻟﺠﻴﻦ،،ﺍﺳﻤﻌﻬﺎ ﺗﺤﺠﻲ ﻋﺪﻟﺖ ﮔﻌﺪﺗﻲ ﻭﻣﺪﻳﺖ ﺍﻳﺪﻱ ﺍﻟﺮﮔﺒﺘﻲ ﻋﻮﺩ ﺍﻋﺪﻝ ﻳﺎﺧﺘﻲ
ﺣﺴﻴﻦ ﻃﮕﻬﺎ ﺿﺤﻜﻪ
ﺣﺴﻴﻦ،ﻫﻬﻬﻬﻬﻪ ﻧﺴﻮﺍﻥ ﻣﺎﺗﻤﺸﻦ ﻏﻴﺮ ﺑﺎﻟﺼﺒﻎ
ﻧﺴﺮﻳﻦ،،ﻫﻬﻬﻬﻬﻪ ﻣﺎﺗﺸﻮﻓﻴﻦ ﺍﻧﻲ ﺍﻟﻨﻬﺎﺭ ﻛﻠﻪ ﺍﻓﺘﺮ ﻻﻥ ﺻﺒﻐﻲ ﺍﺻﻠﻲ
ﻟﺠﻴﻦ،،ﺩﺧﻞ ﻋﻠﻲ ﺍﺑﺘﺴﻢ ﻣﻦ ﺷﺎﻓﻨﻪ ﻧﻀﺤﻚ
ﮔﻌﺪ ﻳﻤﻲ
ﺗﺮﻛﺘﻬﻢ ﻭﻛﻤﺖ ﺟﺒﺘﻠﻪ ﺭﻳﻮﮒ ﺧﻠﻴﺘﻪ ﮔﺪﺍﻣﻪ
ﺑﺪﺓ ﻳﺘﺮﻳﮓ ﺑﻬﺪﻭﺉ ﺑﺪﻭﻥ ﻣﻴﻨﻄﻖ ﺣﺮﻑ ﻋﺒﺎﻟﻚ ﺑﺎﻟﻪ ﻣﻮ ﻳﻤﻨﻪ
ﺑﻌﺪﻫﺎ ﺑﺪﻝ ﻭﻃﻠﻊ ﻭﺣﺴﻴﻦ ﻛﺬﺍﻟﻚ ﺑﻘﻴﻨﻪ ﺑﺲ ﺍﺣﻨﻪ ﺑﺎﻟﺒﻴﺖ
ﺻﺎﺭﺕ ﺳﺎﻋﻪ 11 ﻧﺴﺮﻳﻦ ﻃﺒﺨﺖ ﺍﻟﻤﺮﮔﻪ ﻭﺍﻧﻲ ﻃﺒﺨﺖ ﺍﻟﺘﻤﻦ
ﺍﺣﻨﻪ ﻣﺎﻗﺴﻤﻨﻪ ﺍﻟﺸﻐﻞ ﺑﻴﻨﻪ ﻫﻲ ﻣﺎﻗﺒﻠﺖ ﺍﺗﮕﻮﻝ ﻭﻳﻨﻪ ﺍﻟﺸﻐﻞ ﺣﺘﺊ ﻧﻠﺰﻡ ﻧﻮﺑﻪ
ﺍﺛﻨﻴﻨﺎﺗﻨﻪ ﺍﺧﻴﺎﺕ ﻧﺘﻌﺎﻭﻥ ﻭﮔﻮﻡ ﺍﻟﺘﻌﺎﻭﻧﺖ ﻣﺎﺫﻟﺖ
ﺭﺟﻌﻮ ﺍﻟﻮﻟﺪ ﺏ 12 ﺑﻌﺪﻫﺎ ﺻﻠﻴﻨﻪ ﻭﺑﺪﻳﻨﻪ ﻧﺼﺐ ﺍﻻﻛﻞ
ﻣﺪﻳﻨﻪ ﺍﻟﺴﻔﺮﺓ ﻭﻛﻌﺪﻧﻪ ﻛﻠﻨﻪ ﻧﺘﻐﺪﺓ
ﻋﻠﻲ ﺍﻭﻝ ﻭﺍﺣﺪ ﻛﻤﻞ ﻭﮔﺎﻡ ﻏﺴﻞ ﻭﺭﺟﻊ ﮔﻌﺪ ﻳﻤﻨﻪ
ﻛﻨﺖ ﺍﺭﺍﻗﺒﻪ ﻭﻫﻮ ﻳﻬﺰ ﺑﺮﺟﻠﻪ ﺣﺮﻛﺘﻪ ﺍﻟﻤﺸﻬﻮﺭﺓ ﻣﻦ ﻳﺮﺗﺒﻚ ﺍﻭ ﺍﻛﻮ ﺷﻲ ﺷﺎﻏﻠﻪ
ﺳﻤﻌﻨﻪ ﺻﻮﺕ ﺭﻧﺔ ﻣﻮﺑﺎﻳﻠﻪ ﺭﻓﻌﻪ ﺑﺎﻭﻉ ﻟﻼﺳﻢ ﻭﺍﻧﻄﺎ ﺻﺎﻣﺖ ﻣﺎﺟﺎﻭﺏ
ﺭﺟﻊ ﺣﻂ ﺍﻟﺠﻬﺎﺯ ﺑﺼﻔﻪ ﺑﻌﺪ ﻟﺤﻀﺎﺕ ﺭﺟﻊ ﺍﺗﺼﻞ ﻛﻨﺖ ﺍﻧﺘﺒﻪ ﻉ ﺍﻟﺠﻬﺎﺯ ﻣﻦ ﺍﺷﻮﻑ ﺷﺎﺷﺘﻪ ﺑﻴﻬﺎ ﺿﻮﻩ ﺑﺪﻭﻥ ﺻﻮﺕ
ﺍﺧﺮ ﺷﻲ ﺍﺧﺬﺓ ﻭﻃﻠﻊ ﻟﻠﺤﺪﻳﻘﻪ ﻣﺎﺍﺩﺭﻱ ﻟﻴﺶ ﺍﻛﻮ ﺷﻲ ﺑﺪﺍﺧﻠﻲ ﻣﻘﺒﻮﺽ
ﺑﻌﺪ ﻛﻢ ﺩﻗﻴﻘﻪ ﺩﺧﻞ ﻭﻫﻮ ﻋﺎﮔﺪ ﺍﻟﺤﻮﺍﺟﺐ ﻭﻣﺒﻴﻦ ﻋﺼﺒﻲ
ﺻﻌﺪ ﺑﺴﺮﻋﻪ ﻟﻠﻐﺮﻓﻪ ﻏﻴﺮ ﻣﻼﺑﺴﻪ ﻭﻧﺰﻝ ﺍﺧﺬ ﺍﻟﺴﻮﻳﺞ ﻭﻃﻠﻊ ﺑﺪﻭﻥ ﺣﺘﺊ ﻣﺎﻳﺤﺠﻲ ﻭﻳﺎﻱ
ﺗﻔﺎﺟﺌﺖ ﺑﺘﺼﺮﻓﻪ ﻛﻞ ﻣﺮﺓ ﻳﮕﻠﻲ ﺭﺍﻳﺢ ﺍﻟﻤﻜﺎﻥ ﺍﻟﻔﻼﻧﻲ ﻣﺎﺍﺗﺎﺧﺮ
ﻛﻤﻠﻨﻪ ﻏﺪﺓ ﻭﺷﻠﻨﻪ ﺍﻟﻤﻮﺍﻋﻴﻦ ﮔﻠﺖ ﺍﻟﻨﺴﺮﻳﻦ ﻣﺎﻋﻠﻴﺞ ﺍﻧﻲ ﺭﺍﺡ ﺍﻏﺴﻞ ﺍﻟﻤﻮﺍﻋﻴﻦ ﻭﺍﻧﻈﻒ ﺍﻟﻤﻄﺒﺦ
ﻫﻲ ﺭﺍﺣﺖ ﻧﻀﻔﺖ ﺍﻟﻐﺮﻓﻪ ﺍﻟﻜﻨﻪ ﻧﺘﻐﺪﺓ ﺑﻴﻬﺎ ﺧﺎﻑ ﺍﻛﻮ ﺍﻛﻞ ﻭﺍﮔﻊ ﺑﺎﻟﮕﺎﻉ
ﻃﻮﻝ ﺍﻟﻮﻛﺖ ﺑﺎﻟﻲ ﻣﺸﻐﻮﻝ ﺑﻌﻠﻲ ﻭﺗﺼﺮﻓﺎﺗﻪ ﻣﻦ ﺍﻟﺒﺎﺭﺣﻪ ﻟﻠﻴﻮﻡ
ﺑﻌﺪﻫﺎ ﻛﻤﻠﺖ ﻭﺻﻌﺪﺕ ﻟﻔﻮﮒ ﺍﺭﻳﺪ ﺍﺳﺒﺢ
ﺍﺧﺬﺕ ﺍﺗﺮﺍﻙ ﻭﺩﺧﻠﺖ ﻟﻠﺤﻤﺎﻡ ﺳﺒﺤﺖ ﻭﻃﻠﻌﺖ
ﻧﺸﻔﺖ ﺷﻌﺮﻱ ﻭﺳﺸﻮﺭﺗﻪ ﺑﻌﺪﻫﺎ ﻟﻔﻴﺘﻪ ﻋﻠﺊ ﺷﻜﻞ ﻛﻌﻜﻪ ﺍﺣﺲ ﻧﻔﺴﻲ ﺣﺘﺊ ﻣﺎﻟﻲ ﺧﻠﮓ ﺍﺭﺗﺐ ﺷﻲ ﺣﺎﺳﻪ ﻋﻠﻲ ﻭﺭﺍﻩ ﻣﺼﻴﺒﻪ
ﺑﻴﻮﻣﻬﺎ ﻣﺎﺭﺟﻊ ﻝ 12 ﺑﻠﻴﻞ ﻛﻨﺖ ﻣﻨﺘﻀﺮﺗﻪ ﻛﻞ ﺷﻮﻳﻪ ﺍﺑﺎﻭﻉ ﻟﻠﺴﺎﻋﻪ ﺑﺲ ﻣﻦ ﺳﻤﻌﺖ ﺻﻮﺕ ﺳﻴﺎﺭﺗﻪ ﺗﺪﺧﻞ ﻟﻠﮕﺮﺍﺝ ﺑﺴﺮﻋﻪ ﻣﺪﺩﺕ ﻭﻏﻄﻴﺖ ﻧﻔﺴﻲ ﺑﻌﺪﻫﺎ ﻓﺘﺢ ﺑﺎﺏ ﺍﻟﻐﺮﻓﻪ ﻭﺩﺧﻞ
ﺍﺳﻤﻊ ﺻﻮﺕ ﺣﺮﻛﺎﺗﻪ ﻭﻫﻮ ﻳﺒﺪﻝ ﺷﻮﻳﻪ ﻭﻣﺪﺩ ﻳﻤﻲ ﺳﺤﺒﻨﻲ ﻣﻦ ﺧﺼﺮﻱ ﺍﻟﺼﺪﺭﺓ ﺩﻓﻦ ﻭﺟﻬﺎ ﺑﺮﮔﺒﺘﻲ ﺣﻴﻞ ﺍﺩﻱ ﺣﺎﺿﻨﺘﻨﻲ ﺑﻘﻮﺓ ﻋﺒﺎﻟﻚ ﺷﺨﺺ ﺧﺎﻳﻒ ﻳﻔﻘﺪ ﺣﺒﻴﺒﻪ ﻭﻣﺘﻤﺴﻚ ﺑﻲ
ﺳﻮﻳﺖ ﺭﻭﺣﻲ ﻧﺎﻳﻤﻪ ﻣﺎﺍﺗﺤﺮﻛﺖ ﺍﺑﺪ
ﻫﻤﺲ ﻳﻢ ﺍﺫﻧﻲ ﺑﺼﻮﺕ ﺧﺎﻓﺖ
ﻋﻠﻲ،،ﺍﺩﺭﻱ ﺑﻴﺞ ﮔﺎﻋﺪﺓ ﻣﻦ ﺭﺟﻔﺖ ﺟﺴﻤﺞ ﺑﻴﻦ ﺍﺩﻳﻪ
ﻭﻣﻦ ﺻﻮﺕ ﺩﮔﺎﺕ ﮔﻠﺒﺞ
ﻟﺠﻴﻦ،،ﻓﺘﺤﺖ ﻋﻴﻮﻧﻲ ﺑﺴﺮﻋﻪ ﺑﺎﻭﻋﺖ ﺑﻌﻴﻮﻧﻪ ﺍﻟﺬﺑﻼﻧﻪ
ﺩﻧﮓ ﻉ ﺭﻛﺒﺘﻲ ﺍﺣﺲ ﺍﻧﻔﺎﺳﻪ ﺍﻟﺤﺎﺭﻩ ﻋﻠﻴﻬﺎ
ﺗﺮﻛﺘﻪ ﺑﺮﺍﺣﺘﻪ ﺑﻌﺪﻫﺎ ﺩﺧﻠﺖ ﺳﺒﺤﺖ ﻭﻃﻠﻌﺖ ﻟﮕﻴﺘﻪ ﻳﺸﺮﺏ ﺟﮕﺎﻳﺮ
ﺗﺨﻠﺺ ﻭﺣﺪﺓ ﻳﺴﺤﺐ ﺍﻟﺜﺎﻧﻴﻪ ﺍﻟﻐﺮﻓﻪ ﺍﻧﺘﺮﺳﺖ ﺭﻳﺤﺔ ﺩﺧﺎﻥ
ﻏﻄﻴﺖ ﺭﺍﺳﻲ ﻭﻧﻤﺖ ﮔﻌﺪﺕ ﺍﻟﻔﺠﺮ ﺷﻔﺘﻪ ﻣﻮ ﻳﻤﻲ
ﻧﻬﻀﺖ ﻣﻦ ﻣﻜﺎﻧﻲ ﺍﺗﻠﻔﺘﺖ ﺑﺎﻟﻐﺮﻓﻪ ﻣﺎﻛﻮ
ﮔﻤﺖ ﻋﻠﺊ ﺣﻴﻠﻲ ﻟﺒﺴﺖ ﺩﺷﺪﺍﺷﺘﻲ
ﻓﺘﺤﺖ ﺍﻟﺒﺎﺏ ﻭﻧﺰﻟﺖ ﺳﻤﻌﺖ ﺻﻮﺕ ﺣﺮﻛﻪ ﺑﺎﻟﻤﻄﺒﺦ
ﺭﺣﺖ ﻟﮕﻴﺘﻪ ﮔﺎﻋﺪ ﻉ ﺍﻟﻜﺮﺳﻲ ﻭﻟﺤﺪ ﺍﻻﻥ ﻳﺸﺮﺏ ﺟﮕﺎﻳﺮ
ﺍﺧﺬﺗﻬﺎ ﻣﻨﻪ ﺑﺴﺮﻋﻪ
ﺍﺗﻔﺎﺟﺊ ﺑﺤﺮﻛﺘﻲ ﮔﺘﻠﻪ ﺭﺍﺡ ﺍﺗﻤﻮﺕ ﺷﻜﻮ ﺍﻟﻴﻮﻡ ﺷﺒﻴﻚ ??
ﻋﻠﻲ،،،ﻣﺎﺑﻴﻪ ﺷﻲ ﺍﻧﺘﻲ ﻟﻴﺶ ﻧﺰﻟﺘﻲ ??
ﻟﺠﻴﻦ، ﻛﻌﺪﺕ ﻟﮕﻴﺘﻚ ﻣﻮ ﻳﻤﻲ ﻭﻧﺰﻟﺖ
ﻧﻬﺾ ﻣﻦ ﻣﻜﺎﻧﻪ ﺳﺤﺐ ﺍﻳﺪﻱ ﻭﺗﻮﺟﻪ ﻟﻔﻮﮒ ﻭﻫﻮ ﻻﺯﻣﻨﻲ
ﻧﺎﻡ ﻭﺟﺮﻧﻲ ﺍﻟﻪ ﺑﺎﺱ ﺭﺍﺳﻲ ﻭﮔﺎﻝ ﻧﺎﻣﻲ ﻳﺮﻭﺣﻲ
ﺛﺎﻧﻲ ﻳﻮﻡ ﺍﻟﺼﺒﺢ ﮔﻌﺪﺕ ﻟﮕﻴﺘﻪ ﻃﺎﻟﻊ ﻧﺰﻟﺖ ﻟﺠﻮﺓ ﺷﻔﺖ ﺍﻡ ﺣﺴﻴﻦ ﻭﻧﺴﺮﻳﻦ ﻳﺘﺮﻳﮕﻦ
ﺳﺎﻟﺘﻬﻦ ﻋﻠﺊ ﻋﻠﻲ
ﻧﺴﺮﻳﻦ،،ﺍﻱ ﻃﻠﻊ ﺗﻘﺮﻳﺒﺎ ﺏ 7 ﻋﺒﺎﻟﻲ ﻟﻠﺪﻭﺍﻡ ﺑﻌﺪﻳﻦ ﻣﻦ ﺷﻔﺘﻪ ﻣﺪﻧﻲ ﺍﺗﺬﻛﺮﺕ ﻋﻨﺪﺓ ﺍﺟﺎﺯﺓ ﺷﻬﺮ
ﻟﺠﻴﻦ،،ﻣﺎﺭﺟﻊ ﻏﻴﺮ ﻟﻠﻀﻬﺮ ﺑﺲ ﺩﺧﻞ ﻋﺒﺎﺭﺓ ﻋﻦ ﻛﺘﻠﻪ ﻏﻀﺐ ﻣﺎﻳﺘﺤﺎﺟﻪ
ﺳﺎﻟﺘﻪ ﻭﻳﻦ ﻛﻨﺖ
ﻋﻠﻲ،،ﺑﺠﻬﻨﻨﻨﻢ ﻋﻨﺪﺩﺝ ﻣﺎﺍﻧﻊ
ﻟﺠﻴﻦ،،ﺍﻧﻬﻀﻤﺖ ﻣﻦ ﺯﻣﺦ ﺑﻴﻪ ﮔﺪﺍﻡ ﻧﺴﺮﻳﻦ ﻭﺍﻣﻪ ﺩﻧﮕﺖ ﺑﺲ ﺍﻟﺪﻣﻮﻉ ﺍﺗﺠﻤﻌﺖ ﺑﻌﻴﻨﻲ
ﻣﺎﺑﻴﻨﺘﻠﻪ ﻫﻠﺸﻲ . ﺗﺮﻛﻨﻲ ﻭﺻﻌﺪ ﻟﻠﻐﺮﻓﻪ ﺍﻟﺘﻔﺘﺖ ﺑﺴﺮﻋﻪ
ﺗﻮﺟﻬﺖ ﻟﻠﺴﻨﮓ ﺳﻮﻳﺖ ﻧﻔﺴﻲ ﺍﻏﺴﻞ ﻣﻮﺍﻋﻴﻦ
ﻧﺴﺮﻳﻦ ﺳﺎﻟﺘﻨﻲ ﺑﺲ ﻣﺎﮔﺪﺭﺕ ﺍﺟﺎﻭﺑﻬﺎ ﺍﻟﻌﺒﺮﺓ ﺧﺎﻧﻜﺘﻨﻲ
ﻫﺰﻳﺖ ﺑﺲ ﺭﺍﺳﻲ ﺑﺪﻭﻥ ﻣﺎﺍﺑﺎﻭﻉ ﻋﻠﻴﻬﺎ
ﻫﻲ ﻋﺮﻓﺘﻨﻲ ﺿﺠﺖ ﺍﺟﺖ ﻳﻤﻲ ﺑﺎﺳﺘﻨﻲ ﻣﻦ ﺧﺪﻱ
ﻧﺴﺮﻳﻦ،،ﻟﺘﺰﻋﻠﻴﻦ ﺑﻨﻴﺘﻲ ﻳﺠﻮﺯ ﻋﻨﺪﺓ ﻣﺸﻜﻠﻪ ﺑﺸﻐﻠﻪ ﻭﺍﻧﺘﻲ ﺗﺪﺭﻳﻦ ﺻﺎﺭﻟﻪ ﻛﻢ ﺷﻬﺮ ﻳﻔﺘﺮ ﻭﺗﻌﺒﺎﻥ ﺑﺴﺒﺐ ﺍﻟﺘﺮﻗﻴﻪ ﻣﺎﻟﺘﻪ
ﻣﺎﺗﻜﻴﻔﻴﻦ ﺭﺟﻠﺞ ﺭﺍﺡ ﻳﺮﻓﻌﻮ ﺑﺮﺗﺒﺔ ﺭﺍﺋﺪ
ﻟﺠﻴﻦ،،ﺍﺑﺘﺴﻤﺘﻠﻬﺎ ﺑﻘﻬﺮ ﻭﻛﻤﻠﺖ ﺷﻐﻠﻲ
ﺑﻌﺪﻫﺎ ﺻﻌﺪﺕ ﺍﻟﻐﺮﻓﺘﻲ ﺍﻭﻝ ﻣﺎﺩﺧﻠﺖ
ﺍﻧﺴﺤﺐ ﺣﻴﻞ
ﺗﻔﺎﺟﺌﺖ ﺑﺤﻀﻨﺔ ﻋﻠﻲ
ﻋﻠﻲ،،ﺍﺳﻒ ﻳﺮﻭﺣﻲ ﺍﺳﻒ ﻭﺍﻟﻠﻪ
ﻟﺠﻴﻦ،،ﺍﺑﺘﺴﻤﺖ ﻭﺟﺎﻭﺑﺘﻪ ﻟﻴﺶ ﺍﻧﺘﻪ ﺷﻨﻮ ﺳﻮﻳﺖ ﺣﺘﺊ ﺗﺘﺎﺳﻒ
ﻋﺎﺩﻱ ﻣﺼﺎﺭ ﺷﻲ
ﺍﻟﻴﻮﻡ ﻛﻠﻪ ﻋﻠﻲ ﺷﻜﻠﻪ ﻣﺎﻣﺮﺗﺎﺡ ﻭﻛﻞ ﺷﻮﻳﻪ ﻳﺠﻲ ﺍﺗﺼﺎﻝ ﺑﺲ ﻣﻴﺠﺎﻭﺏ ﮔﺪﺍﻣﻲ
ﺍﺧﺮ ﺷﻲ ﻏﻠﻖ ﺍﻟﺠﻬﺎﺯ ﻭﻧﺎﻡ ﺑﺲ ﻣﺎﮔﺪﺭﺕ ﺍﻧﺎﻡ ﺍﺭﻳﺪ ﺍﻋﺮﻑ ﺷﺒﻲ ﻭﺷﻨﻮ ﺍﻟﻤﺨﻠﻲ ﻗﻠﻖ ﺍﻟﻬﺪﺭﺟﻪ
ﻣﺮ ﻳﻮﻣﻴﻦ ﻭﻋﻠﻲ ﻛﺜﺮﺕ ﺍﺗﺼﺎﻻﺗﻪ ﻭﺻﺎﺭ ﻋﺼﺒﻲ ﻧﺎﺭ ﻣﺎﻳﺘﺤﺎﺟﻪ ﺍﺑﺪ ﻋﻠﺊ ﻃﻮﻝ ﻣﻌﺼﺐ
ﺑﻠﻴﻞ ﺩﺧﻞ ﻳﺴﺒﺢ ﻓﻀﻮﻟﻲ ﺩﻓﻌﻨﻲ ﺣﺘﺊ ﺍﻓﺘﺢ ﻣﻮﺑﺎﻳﻠﻪ
ﺳﺤﺒﺖ ﺍﻟﻤﻮﺑﺎﻳﻞ ﺭﺩﺕ ﺍﻓﺘﺤﻪ ﻣﻴﻨﻔﺘﺢ ﺑﻲ ﺭﻣﺰ
ﺭﺟﻌﺖ ﺍﻟﻤﻮﺑﺎﻳﻞ ﺑﺴﺮﻋﻪ ﻭﺳﺤﺒﺖ ﻣﻮﺑﺎﻳﻠﻲ ﺳﻮﻳﺖ ﻧﻔﺴﻲ ﺍﺗﺼﻔﺢ ﺑﻲ
ﻛﻤﻞ ﻭﻃﻠﻊ ﻣﺸﻂ ﻭﺭﺵ ﻋﻄﺮ ﻭﺍﺟﻪ ﻧﺎﻡ ﺑﺪﻭﻥ ﻣﻴﺤﺠﻲ ﻭﻳﺎﻱ
ﺑﻘﺖ ﺳﺎﻟﻔﻪ ﺍﻟﻤﻮﺑﺎﻳﻞ ﺑﺮﺍﺳﻲ ﺷﻐﻠﻲ ﺍﻟﺸﺎﻏﻞ ﺍﺭﻳﺪ ﺍﻋﺮﻑ ﺍﻟﺮﻣﺰ ﺍﺭﻳﺪ ﺍﺷﻮﻑ ﺷﻜﻮ ﻭﺷﻨﻮ ﻫﺎﻱ ﺍﻻﺗﺼﺎﻻﺕ ﺍﻟﺘﺠﻴﻠﻪ ﻭﺗﮕﻠﺐ ﺍﺣﻮﺍﻟﻪ
ﺻﺮﺕ ﻣﻦ ﺍﮔﻌﺪ ﻳﻤﻪ ﺍﺭﻛﺰ ﻭﻳﺎﻩ ﻣﻦ ﻳﻠﺰﻡ ﻣﻮﺑﺎﻳﻠﻪ
ﺑﻠﻜﺖ ﺍﻟﻤﺢ ﺍﻟﺮﻣﺰ ﺑﺲ ﻣﺎﻛﻨﺖ ﺍﮔﺪﺭ ﻻﻥ ﻣﺎﻳﻔﺘﺤﻪ ﮔﺪﺍﻣﻲ
ﺑﻠﻴﻞ ﻛﻨﻪ ﻣﺘﻤﺪﺩﻳﻦ ﺍﻧﻲ ﻭﻳﺎﻩ ﻫﻮ ﻋﺒﺎﻟﻚ ﺑﻐﻴﺮ ﻋﺎﻟﻢ
ﻧﻬﻀﺖ ﻣﻦ ﻳﻤﻪ
ﻫﻮ ﺳﺤﺐ ﻣﻮﺑﺎﻳﻠﻪ ﺑﺴﺮﻋﻪ ﺻﺎﺭﺕ ﺍﻟﺸﺎﺷﻪ ﮔﺪﺍﻣﻲ ﻻﻥ ﻣﻴﺰ ﺍﻟﺠﺮﺑﺎﻳﻪ ﺑﻲ ﻣﺮﺍﻳﺔ ﺗﻌﻜﺲ ﺍﻟﻲ ﺍﻟﺼﻮﺭﺓ
ﺍﻧﺘﺒﻬﺖ ﺍﻛﺜﺮ ﺑﺪﻭﻥ ﻣﺎﺍﺧﻠﻲ ﻳﺤﺲ
ﻓﺘﺤﻪ ﻛﺎﻥ ﻧﻤﻂ ﺳﻬﻞ ﻋﻠﻴﻪ ﺣﻔﺾ ﺍﻟﺮﻣﺰ
ﺍﻧﻄﺒﻊ ﺑﺮﺍﺳﻲ
ﺗﺮﻛﺘﻪ ﻭﻧﺰﻟﺖ ﻓﺘﺤﺖ ﺍﻟﺜﻼﺟﻪ ﻃﻠﻌﺖ ﻓﻮﺍﻛﻪ ﺧﻠﻴﺘﻬﺎ ﺑﻤﺎﻋﻮﻥ ﻭﺻﻌﺪﺗﻬﺎ ﺍﻟﻪ
ﺍﻛﻞ ﻧﺺ ﻣﻮﺯﺓ ﻭﻧﺎﻡ ﺑﺲ ﺍﻧﻲ ﮔﺎﻋﺪﺓ ﻋﻠﺊ ﻧﺎﺭ ﺍﺭﻳﺪ ﺑﺲ ﻳﻨﺎﻡ ﻭﺍﺧﺬ ﺗﻠﻴﻔﻮﻧﻪ
ﺻﺎﺭﺕ ﺍﻟﺴﺎﻋﻪ 2 ﻭﻧﺺ ﺍﺗﺴﺤﺒﺖ ﻋﻠﺊ ﻛﻴﻒ ﺻﺮﺕ ﺍﻣﺸﻲ ﻋﻠﺊ ﺍﻃﺮﺍﻑ ﺍﺻﺎﺑﻴﻌﻲ
ﺍﺧﺬﺕ ﺍﻟﺠﻬﺎﺯ ﻭﺭﺣﺖ ﻟﻠﺤﻤﺎﻡ ﻓﺘﺤﺖ ﺍﻟﺒﺎﺏ ﻭﺩﺧﻠﺖ ﺑﺲ ﺍﺣﺲ ﮔﻠﺒﻲ ﻳﺮﻳﺪ ﻳﻄﻠﻊ ﻣﻦ ﺍﻟﺨﻮﻑ ﻭﺍﻻﺭﺗﺒﺎﻙ
ﻓﺘﺤﺖ ﺍﻟﺮﻣﺰ ﻭﺑﺴﺮﻋﻪ ﺍﻧﻔﺘﺢ ﺍﺩﻳﻪ ﺗﺮﺟﻒ
ﺍﻭﻝ ﻣﺎﺭﺣﺖ ﻟﻠﻤﺎﺳﻨﺠﺮ ﻣﺎﺑﻲ ﺷﻲ ﻣﻬﻢ ﺑﺲ ﺟﺎﻳﺘﻪ
ﻫﻮﺍﻱ ﻃﻠﺒﺎﺕ ﺑﻨﺎﺕ ﻭﻫﻮ ﻣﺎﺭﺍﺩ ﻋﻠﻴﻬﻦ
ﺑﻌﺪﻫﺎ ﺭﺣﺖ ﻟﻠﻔﺎﻳﺒﺮ ﻣﺎﺑﻲ ﺑﺲ ﺍﺧﻮﺍﺗﻪ ﻭﺍﻟﺒﺎﻗﻲ ﺍﺻﺪﻗﺎﺋﻪ
ﺍﺧﺮ ﺷﻲ ﺩﺧﻠﺖ ﻟﻠﻮﺍﺗﺴﺎﺏ ﺍﻭﻝ ﻣﺤﺎﺩﺛﻪ ﻛﺎﻧﺖ ﺑﺲ ﺭﻗﻢ
ﻭﺟﻮﺍﻩ ﻣﻜﺘﻮﺏ ﻣﻦ ﺿﻤﻦ ﺍﻟﻤﺤﺎﺩﺛﻪ
( ﻣﺮﺗﻚ ﺗﺪﺭﻱ )
ﺩﺧﻠﺖ ﻉ ﺍﻟﻤﺤﺎﺩﺛﻪ ﻭﺑﺪﻳﺖ ﺍﻗﺮﺍﻫﺎ
ﻭﻳﻪ ﻛﻞ ﻛﻠﻤﻪ ﻳﻨﺘﻔﺾ ﮔﻠﺒﻲ ﻭﺗﺰﻳﺪ ﺭﺟﻔﻪ ﺟﺴﻤﻲ
ﻋﻴﻮﻧﻲ ﺍﺗﺴﻌﺖ ﻣﻦ ﺍﺛﺮ ﺍﻟﺼﺪﻣﺎﺕ ﺍﻟﻲ ﺟﺎﻱ ﺍﻗﺮﺍﻫﻦ
ﺳﭽﻴﻨﻪ ﺣﺎﺭﺓ ﺍﻧﻐﺮﺯﺕ ﺑﺮﻭﺣﻲ ﻋﻴﻮﻧﻲ ﻏﻮﺷﺖ ﻣﻦ ﺍﻟﺪﻣﻮﻉ ﺍﺭﻳﺪ ﺍﺷﻮﻑ ﻣﺎﺍﺟﺎﻱ ﺍﺭﻛﺰ ﺍﻗﺮﺓ
ﻣﺴﺤﺘﻬﻦ ﻭﺭﺟﻌﺖ ﻛﻤﻠﺖ ﺍﻟﻤﺤﺎﺩﺛﻪ
ﻓﺠﺄﺓ ﻋﻠﻲ ﻓﺘﺢ ﺑﺎﺏ ﺍﻟﺤﻤﺎﻡ ﻭﺷﺎﻓﻨﻲ ﻭﺍﻧﻲ ﻻﺯﻣﻪ ﻣﻮﺑﺎﻳﻠﻪ ﺑﻴﺪﻱ ﻭﺩﻣﻮﻋﻲ ﺗﺠﺮﻱ
ﻋﻠﻲ،،ﺷﺠﻨﺘﻲ ﺗﺴﻮﻳﻦ ??
ﻟﺠﻴﻦ،،ﺳﺤﺐ ﺍﻟﺠﻬﺎﺯ ﻣﻦ ﺍﻳﺪﻱ ﻓﺘﺢ ﻋﻴﻮﻧﻪ ﻣﻦ ﺷﺎﻓﻨﻲ ﺩﺍﺧﻠﻪ ﻉ ﺍﻟﻤﺤﺎﺩﺛﻪ
ﻏﻤﺾ ﻋﻴﻮﻧﻪ ﺑﻘﻬﺮ
ﺳﺎﻟﺘﻪ ﺑﺼﻮﺕ ﻳﺮﺟﻒ
ﺟﻮﺍﻥ ﻣﺮﺗﻚ ?
ﻏﻤﺾ ﻋﻴﻮﻧﻪ ﻭﺭﺟﻊ ﻓﺘﺤﻬﻦ ﻭﺍﺷﺮﻟﻲ ﺑﺮﺍﺳﻪ ﺑﻤﻌﻨﺊ ﺍﻱ ﻭﺟﻮﺍﺑﻪ ﻛﺎﻥ ﺍﻟﮕﺸﺎﻳﺔ ﺍﻟﻜﺴﺮﺕ ﺿﻬﺮ ﺍﻟﺒﻌﻴﺮ
ﺩﻓﻌﺘﻪ ﻣﻦ ﺻﺪﺭﺓ ﻭﺭﻛﻀﺖ ﺍﺭﻳﺪ ﺍﻃﻠﻊ ﻣﻦ ﺍﻟﻐﺮﻓﻪ ﺍﺧﺘﻨﮕﺖ ﺻﺎﺭﻟﻲ ﺍﺳﺒﻮﻋﻴﻦ ﻣﻦ ﺗﺰﻭﺟﺖ ﻭﺍﻛﺘﺸﻒ ﻋﻨﺪﺓ ﻃﻔﻞ ﻣﻦ ﻭﺣﺪﺓ ﺛﺎﻧﻴﻪ ﺍﺫﺍ ﻳﻤﺮ ﺷﻬﺮ ﻋﻠﺊ ﺯﻭﺍﺟﻨﻪ ﺷﻜﺘﺸﻒ ﺑﻌﺪ ﻣﻦ ﻣﺼﺎﻳﺐ
ﻟﻤﻨﻲ ﻟﺤﻀﻨﻪ ﻣﻦ ﺿﻬﺮﻱ ﻭﻣﻄﻮﻕ ﺟﺴﻤﻲ ﺏ ﺍﺩﻱ
ﻧﺘﺮﺕ ﺍﻳﺪﻱ ﻣﻨﻲ ﺑﻘﻮﺓ ﻭﮔﺘﻠﻪ ﻋﻮﻭﻭﻓﻨﻲ
ﻋﻠﻲ، ،ﻣﺨﺒﻠﻪ ﺍﻧﺘﻲ ?
ﻭﻳﻦ ﺍﻋﻮﻓﺞ ﺑﺲ ﺍﻫﺪﻱ ﺣﺘﺊ ﺍﻓﻬﻤﺞ
ﻟﺠﻴﻦ،،ﺗﺮﻛﺘﻪ ﻭﺭﺣﺖ ﻟﻔﺮﺍﺷﻲ ﻧﻤﺖ ﻭﻏﻄﻴﺖ ﺭﺍﺳﻲ ﻣﺎﺍﺭﻳﺪ ﺍﺷﻮﻓﻪ ﻭﻫﻮ ﻣﺎﻳﻘﺒﻞ ﻳﺘﺮﻛﻨﻲ
ﺍﻧﺮﻓﻊ ﺍﻟﻐﻄﻪ ﺑﻘﻮﺓ ﻭﺟﺮﻧﻲ ﻣﻦ ﺍﻳﺪﻱ ﻭﻛﻔﺖ ﻋﻠﺊ ﺣﻴﻠﻲ ﻭﺍﻧﻲ ﻣﺨﻠﻴﻪ ﺍﻳﺪﻱ ﻓﻮﮒ ﺍﻳﺪﺓ ﺍﻻﺯﻣﻨﻲ ﻣﻨﻬﺎ
ﻭﺧﺮﺭ ﻋﻠﻠﻲ ﻋﻮﻭﻓﻨﻲ
ﻋﻠﻲ،،ﺍﻓﻬﻤﺞ ﻳﻠﻪ ﺍﻋﻮﻓﺞ
ﻟﺠﻴﻦ،،ﺳﺤﺒﺘﻬﺎ ﻣﻨﻪ ﺣﻴﻞ ﻭﺿﺮﺑﺘﻪ ﻋﻠﺊ ﺻﺪﺭﻩ ﺑﺤﺮﮔﻪ
ﺷﺘﻔﻬﻤﻨﻴﻲ ??
ﻫﺎﺍ ﺷﺘﻔﻬﻤﻨﻴﻲ ﺍﻛﺜﺮﺭ ??
ﺟﻮﺍﻥ ﺯﻭﺟﺘﻚ ﻭﺍﻟﻄﻔﻞ ﺍﺑﻨﻚ ﺷﺘﺮﻳﺪ ﺍﻓﺘﻬﻢ ﻏﻴﺮ ﻫﻠﺸﻲ
ﻛﻨﺖ ﻣﺴﺘﻤﺮﺓ ﺍﺿﺮﺑﻪ ﻋﻠﻰ ﺻﺪﺭﺓ ﻭﺍﺑﺠﻲ
ﻟﺰﻡ ﺍﺩﻳﻪ ﺍﻻﺛﻨﻴﻦ ﻭﺛﺒﺖ . ﺣﺮﻛﺘﻲ ﺑﺤﻀﻨﻪ
ﻋﻠﻲ،،ﺑﺲ ﺍﻫﺪﻱ ﻭﺍﺣﺠﻴﻠﺞ ﻛﻠﺸﻲ ﺑﺲ ﺍﻫﺪﻱ ﺷﻮﻳﻪ ﻟﺘﺤﺮﮔﻴﻨﻲ ﻓﻮﮒ ﻣﺎﻣﺤﺘﺮﮒ
ﻟﺠﻴﻦ،،ﮔﻌﺪﻧﻲ ﻭﻛﻌﺪ ﻛﺪﺍﻣﻲ ﺑﺎﻟﻜﺎﻉ ﻭﻫﻮ ﺛﺎﻧﻲ ﺭﻛﺒﺘﻪ
ﻋﻠﻲ،،ﺭﺍﺡ ﺍﺣﺠﻴﻠﺞ ﻛﻠﺸﻲ ﻣﻦ ﺍﻟﺒﺪﺍﻳﺔ
ﻟﺠﻴﻦ،،ﻟﺰﻡ ﺍﺩﻳﻪ ﺍﻻﺛﻨﻴﻦ ﻭﺑﺪﺓ ﻳﺤﺠﻴﻠﻲ
ﻋﻠﻲ،،ﻗﺒﻞ 6 ﺳﻨﻮﺍﺕ ﺗﻌﺮﻓﺖ ﻋﻠﺊ ﺟﻮﺍﻥ ﻛﺎﻧﺖ ﻣﺘﺰﻭﺟﻪ ﻭﻣﻄﻠﮕﺔ ﻭﻣﺎﻋﺪﻫﺎ ﺍﻃﻔﺎﻝ ﺍﺟﺘﻨﻲ ﻋﻠﺊ ﻣﻮﺩ ﺗﺸﺘﻜﻲ ﻋﻠﺊ ﺯﻭﺟﻬﺎ ﺍﻟﺴﺎﺑﻖ ﻣﺎﻳﻘﺒﻞ ﻳﻨﻄﻴﻬﺎ ﻧﻔﻘﺘﻬﺎ
ﻣﻦ ﺧﻼﻝ ﺟﻴﺎﺗﻬﺎ ﻟﻠﻤﺮﻛﺰ ﻟﻔﺘﺖ ﺍﻧﺘﺒﺎﻫﻲ ﻻﻥ ﻫﻲ ﺑﻨﻴﻪ ﺣﻠﻮﺓ ﻭﺑﻌﺪﻫﺎ ﺷﺎﺑﻪ
ﻛﻼﻣﻬﺎ ﺟﺬﺑﻨﻲ ﻭﻣﻦ ﻧﻀﺮﺍﺗﻬﺎ ﺣﺴﻴﺖ ﺑﻴﻬﺎ ﻫﻲ ﻫﻢ ﻣﻌﺠﺒﻪ ﺑﻴﻪ
ﺑﺪﺕ ﻋﻼﻗﺘﻨﻪ ﻃﺒﺎﺕ ﻭﻭﻃﻠﻌﺎﺕ ﺻﺮﺕ ﺍﺻﺮﻑ ﻋﻠﻴﻬﺎ ﻭﻋﻠﺊ ﺍﻣﻬﺎ ﻻﻥ ﺍﺑﻮﻫﺎ ﺷﻬﻴﺪ ﺑﺤﺮﺏ ﺍﻝ 91
ﻭﻣﺎﻋﺪﻫﺎ ﻻ ﺍﺥ ﻭﻻ ﺍﺧﺖ
ﻣﺎﻗﺼﺮﺕ ﻋﻨﻬﺎ ﺑﺸﻲ ﻭﺭﺩﺕ ﻣﻦ ﺻﺪﮒ ﺍﺗﺰﻭﺟﻬﺎ ﻭﺍﻛﻤﻞ ﻭﻳﺎﻫﺎ ﺣﻴﺎﺗﻲ
ﻣﻮﺷﺮﻁ ﺍﻃﻠﮕﺖ ﻻﻥ ﺑﻴﻬﺎ ﺍﻟﺼﻮﺝ ﻳﻤﻜﻦ ﺯﻭﺟﻬﺎ ﻣﻮﺧﻮﺵ ﺍﺩﻣﻲ ﻭﺍﻃﻠﮕﺖ ﻣﻨﻪ
ﺻﺮﺕ ﺍﻧﻄﻴﻬﺎ ﺍﻋﺬﺍﺭ ﺍﻧﻘﻬﺮﺕ ﻋﻠﻴﻬﺎ ﺑﺲ ﻣﺎﺍﻋﺮﻑ ﻟﻴﺶ ﺭﺩﺕ ﺍﺧﺘﺒﺮﻫﺎ
ﺑﺎﻟﺒﺪﺍﻳﻪ ﺍﺗﺠﺮﺃﺕ ﻭﺑﺴﺘﻬﺎ ﻋﺒﺎﻟﻲ ﺗﺼﺪﻧﻲ ﺍﻭ ﺗﺮﻓﺾ ﺑﺲ ﺷﻔﺘﻬﺎ ﻣﺮﺗﺎﺣﻪ ﻭﻣﺘﺠﺎﻭﺑﻪ ﻭﻳﺎﻱ ﺑﻌﺪﻫﺎ
ﻃﻠﺒﺖ ﻣﻨﻬﺎ ﻧﺴﻮﻱ ﻋﻼﻗﺔ ﻏﻴﺮ ﺷﺮﻋﻴﻪ ﻭﺍﻟﺼﺪﻣﻨﻲ ﻭﺍﻓﻘﺖ ﻭﻛﺎﻧﺖ ﻗﺎﺑﻠﻪ ﺑﻜﻞ ﺭﺣﺎﺑﺔ ﺻﺪﺭ
ﻛﻼﻣﻬﺎ ﺻﺤﺎﻧﻲ ﻣﻦ ﻏﻔﻠﺘﻲ ﻭﻣﺎﺭﺩﺕ ﺍﻭﺭﻁ ﻧﻔﺴﻲ ﺍﻛﺜﺮ
ﻭﺍﻧﻲ ﻣﺴﺘﺤﻴﻞ ﺍﺳﻮﻱ ﻭﻳﺎﻫﺎ ﺷﻲ ﺣﺮﺍﻡ ﻓﻘﺮﺭﺕ ﻧﺘﺰﻭﺝ ﻣﺘﻌﻪ
ﻭﻟﺜﺎﻧﻲ ﻣﺮﺓ ﻳﺨﻴﺐ ﺿﻨﻲ ﺑﻴﻬﺎ ﻣﻦ ﻭﺍﻓﻘﺖ ﺗﺘﺰﻭﺝ ﺑﻬﻠﻄﺮﻳﻘﺔ
ﻣﺎﻛﺎﻧﺖ ﻋﻨﺪﻱ ﻣﺸﻜﻠﻪ ﻭﺍﺗﺰﻭﺟﺘﻬﺎ ﻣﺘﻌﻪ ﻟﻤﺪﺓ ﺷﻬﺮﻳﻦ
ﻭﺑﻬﺎﻱ ﺍﻟﻔﺘﺮﺓ ﺍﻣﻲ ﺟﺎﻧﺖ ﺗﻠﺢ ﻋﻠﻴﻪ ﺣﺘﺊ ﺗﺨﻄﺒﻠﻲ
ﻭﺍﻧﻲ ﻣﺘﺰﻭﺝ ﺟﻮﺍﻥ ﺑﺪﻭﻥ ﻋﻠﻢ ﺍﺣﺪ ﺑﺲ ﻣﻴﺜﻢ ﻭﻫﻤﺎﻡ ﻳﺪﺭﻭﻥ ﻭﺷﮕﺪ ﻧﺼﺤﻮﻧﻲ ﺍﺑﺘﻌﺪ ﻋﻨﻬﺎ ﺑﺲ ﻛﻨﺖ ﻗﺎﻓﻞ ﻋﻠﻴﻬﺎ
ﻣﻮ ﺣﺐ ﻭﺍﻧﻤﺎ ﻣﺠﺮﺩ ﺍﻣﺘﻼﻙ ﺟﺴﺪ ﻻ ﺍﻛﺜﺮ
ﺑﻌﺪ ﺷﻬﺮ ﻭﻳﺎﻫﺎ ﺭﺣﺖ ﺑﺘﺖ ﻳﻤﻬﺎ ﺍﻧﻲ ﻣﺎﺧﺬ ﺍﺣﺘﻴﺎﻃﻲ ﻣﺎﺍﺭﻳﺪ ﻳﺼﻴﺮ ﻟﻄﻔﺎﻝ ﻓﻜﻨﺖ ﻣﻨﺘﺒﻪ ﻟﻬﻠﺸﻐﻠﻪ
ﺟﺎﺑﺘﻠﻲ ﺍﻛﻞ ﺗﻌﺸﻴﺖ ﻭﺑﻌﺪﻫﺎ ﻣﺎﺍﺩﺭﻱ ﺷﺼﺎﺭ ﮔﻌﺪﺕ ﺍﻟﺼﺒﺢ ﻟﮕﻴﺖ ﺟﻮﺍﻥ ﺑﺤﻀﻨﻲ
ﻓﺰﻳﺖ ﻣﻦ ﻧﻮﻣﻲ ﺟﺮﻳﺘﻬﺎ ﻭﺳﺎﻟﺘﻬﺎ ﺷﻨﻮ ﺻﺎﺭ ﺍﻟﺒﺎﺭﺣﻪ ﻭﻟﻴﺶ ﻣﺎﺍﺫﻛﺮ ﺷﻲ
ﺑﺲ ﻣﺎﺣﺠﺖ ﻭﺍﻟﻌﺮﻓﺘﻪ ﺍﻧﻮ ﺻﺎﻳﺮ ﺑﻴﻨﻪ ﺷﻲ
ﺑﻘﻴﺖ ﺑﻘﻠﻖ ﻭﻓﻌﻼ ﺑﻌﺪ ﺷﻬﺮ ﺍﺟﺘﻨﻲ ﻭﺧﺒﺮﺗﻨﻲ ﺑﻤﺤﻤﻠﻬﺎ
ﻋﺮﻓﺖ ﻫﺎﻱ ﺧﻄﻪ ﻣﻨﻬﺎ ﺣﺘﺊ ﺗﻮﮔﻌﻨﻲ ﻭﺗﺮﺑﻄﻨﻲ ﺑﻄﻔﻞ
ﻫﺪﺩﺗﻬﺎ ﺗﺠﻬﻀﻪ ﻭﮔﺘﻠﻬﺎ ﻣﻨﻮ ﻳﮕﻮﻝ ﻣﻨﻲ ﺍﻟﻄﻔﻞ ﻭﺍﻧﻲ ﻣﺘﺎﻛﺪ ﻣﻦ ﻧﻔﺴﻲ ﻭﺛﺎﻧﻴﺔ ﺍﺫﺍ ﻭﺻﻞ ﺍﻟﺨﺒﺮ ﻝ ﺍﻣﻲ ﺍﺫﺑﺤﺞ ﻻﻥ ﺍﻣﻲ ﺍﺫﺍ ﺳﻤﻌﺖ ﺗﻤﻮﺕ ﺑﺴﺎﻋﺘﻬﺎ ﻻﻥ ﺧﻄﺒﺘﻠﻲ ﺷﻴﻤﺎﺀ
ﺍﻧﻄﻴﺖ ﺟﻮﺍﻥ ﻓﻠﻮﺱ ﺣﺘﺊ ﺗﺤﺠﺰ ﻳﻢ ﺩﻛﺘﻮﺭﺓ ﺗﺴﻮﻳﻠﻬﺎ ﻋﻤﻠﻴﻪ ﺗﻨﺰﻝ ﺍﻟﻄﻔﻞ
ﻭﻫﻲ ﻭﺍﻓﻘﺖ ﺭﺣﺖ ﻟﻠﺪﻭﺍﻡ ﺑﻴﻮﻡ ﻋﻤﻠﻴﺘﻬﺎ
ﺛﺎﻧﻲ ﻳﻮﻡ ﺭﺣﺖ ﻋﻠﻴﻬﺎ ﻟﻠﺒﻴﺖ ﻟﮕﻴﺘﻬﺎ ﻧﺎﻳﻤﺔ ﻭﺗﺒﺠﻲ
ﺍﻧﻄﻴﺘﻬﺎ ﻣﺒﻠﻎ ﺿﺨﻢ ﺣﺘﺊ ﺗﻌﻴﺶ ﻣﻨﻪ ﻫﻲ ﻭﺍﻣﻬﺎ
ﺑﻌﺪﻫﺎ ﻃﻠﮕﺘﻬﺎ ﻭﻫﻲ ﺍﺧﺘﻔﺖ ﻧﻬﺎﺋﻴﺎ
ﻗﺒﻞ ﻛﻢ ﻳﻮﻡ ﺍﻧﺼﺪﻣﺖ ﺑﺮﺟﻌﺘﻬﺎ ﺑﻌﺪﻫﺎ ﺍﺗﺼﻠﺖ ﺑﻴﻪ ﻭﺭﺣﺖ ﻟﻠﻤﻜﺎﻥ ﺍﻟﻮﺻﻔﺘﻪ ﺍﻟﻲ
ﻭﺍﻛﺒﺮ ﺻﺪﻣﺔ ﺍﺗﻠﻘﻴﺘﻬﺎ ﺑﺤﻴﺎﺗﻲ ﻣﻦ ﻋﺮﻓﺖ ﻫﻲ ﻣﺎﺟﻬﻀﺖ ﺍﻟﻄﻔﻞ ﻭﺍﻧﻤﺎ ﺍﻧﻬﺰﻣﺖ ﻣﻨﻲ ﺣﺘﺊ ﻣﺎﺍﻋﺮﻑ ﺑﻬﺬﺍ ﺍﻟﺸﻲ
ﺑﻌﺪﻫﺎ ﮔﺎﻟﺖ ﺭﺍﻛﺎﻥ ﺍﺑﻨﻚ ﺿﺤﻜﺖ ﻋﻠﻴﻬﺎ ﻭﮔﺘﻠﻬﺎ ﺟﺎﻳﺔ ﺗﺬﺑﻴﻦ ﻣﺼﻴﺒﺘﺞ ﺑﺮﺍﺳﻲ
ﺑﺲ ﻓﺎﺟﺌﻨﻲ ﻛﻼﻣﻬﺎ ﺑﺜﻘﻪ ﻃﻠﺒﺖ ﻣﻨﻲ ﻧﺴﻮﻱ ﺗﺤﻠﻴﻞ DNA
ﻭﺑﺪﻭﻥ ﺗﺮﺩﺩ ﺍﺧﺬﺗﻬﺎ ﻫﻲ ﻭﺍﻣﻬﺎ ﻭﺍﻟﻄﻔﻞ ﻛﻤﻠﻨﻪ ﺍﻟﺘﺤﻠﻴﻞ
ﻭﻛﺎﻧﺖ ﺍﻟﻨﺘﻴﺠﻪ ﺍﻳﺠﺎﺑﻴﻪ ﻭﺭﺍﻛﺎﻥ ﺍﺑﻨﻲ
ﻣﺎﻣﺴﻮﻳﺘﻠﻪ ﺟﻨﺴﻴﻪ ﻭﺣﺘﺊ ﻣﺎﻣﺪﺧﻠﺘﻪ ﻣﺪﺭﺳﻪ ﻻﻥ ﻣﺎﻋﻨﺪﺓ ﺟﻨﺴﻴﻪ
ﻟﺠﻴﻦ،،ﻃﻮﻝ ﻣﺎﻫﻮ ﻳﺤﺠﻲ ﺩﻣﻮﻋﻲ ﻳﺠﺮﻥ
ﻋﻠﻲ،،ﻭﻫﺎﻱ ﻛﻞ ﺍﻟﺴﺎﻟﻔﻪ ﻣﺎﺭﺩﺕ ﺍﺣﺠﻴﻠﺞ ﺧﺎﻳﻒ ﺍﺧﺴﺮﺝ
ﺷﻲ ﺻﺎﺭ ﺑﺎﻟﻤﺎﺿﻲ ﻭﺍﺗﻨﺪﻣﺖ ﺑﮕﺪ ﺷﻌﺮ ﺭﺍﺳﻲ
ﻛﻞ ﻳﻮﻡ ﺍﻟﻮﻡ ﻧﻔﺴﻲ ﻣﺴﺘﺤﻲ ﻭﺧﺠﻼﻥ ﻣﻦ ﺭﺏ ﺍﻟﻌﺎﻟﻤﻴﻦ ﻻﻥ ﻃﻠﺒﺖ ﻣﻨﻬﺎ ﺗﺠﻬﺾ ﺍﻟﺠﻨﻴﻦ
ﺑﺲ ﺍﻟﻄﻔﻞ ﺗﺎﻛﺪﺕ ﺍﺑﻨﻲ ﻣﺎﺍﮔﺪﺭ ﺍﺗﺮﻛﻪ
ﻟﺠﻴﻦ،،ﻣﺎﺍﺗﺤﻤﻠﺖ ﺍﺳﻤﻌﻪ ﺍﻛﺜﺮ ﮔﻤﺖ ﻋﻠﺊ ﺣﻴﻠﻲ ﺗﻮﺟﻬﺖ ﻟﻠﻜﻨﺘﻮﺭ ﻃﻠﻌﺖ ﻋﺒﺎﺗﻲ ﻭﺟﻨﻄﻪ ﮔﻤﺖ ﺍﺷﻴﻞ ﻭﺍﺣﻂ ﺑﻴﻬﺎ ﻣﻼﺑﺲ ﻫﻮ ﺑﻘﻪ ﻋﻠﺊ ﮔﻌﺪﺗﻪ ﻳﺒﺎﻭﻋﻠﻲ ﺑﻜﻞ ﺑﺮﻭﺩ
ﻭﺍﻧﻲ ﺍﻟﻨﺎﺭ ﺗﻠﺴﻊ ﺑﺮﻭﺣﻲ
ﺳﻤﻌﺖ ﺻﻮﺕ ﻗﻔﻞ ﺍﻟﺒﺎﺏ ﺍﻟﺘﻔﺘﺖ ﺷﻔﺘﻪ ﻭﺍﮔﻒ ﺑﺎﻟﺒﺎﺏ ﻗﻔﻠﻪ ﻭﺍﺧﺬ ﺍﻟﻤﻔﺘﺎﺡ ﻭﺍﺟﻪ ﺏ ﺍﺗﺠﺎﻫﻲ
ﺍﺗﻬﺴﺘﺮﺕ ﻣﺎﺍﻋﺮﻑ ﺷﺘﺼﺮﻑ
ﺍﻧﻄﻴﻨﻲ ﺍﻟﻤﻔﺘﺎﺡ ﻋﻠﻲ ﺣﺠﻴﺘﻬﺎ ﺑﺤﺪﺓ
ﻣﺎﺟﺎﻭﺑﻨﻲ ﺩﻓﻌﻨﻲ ﻉ ﺍﻟﻜﻨﺘﻮﺭ ﻗﻴﺪ ﺣﺮﻛﺘﻲ ﺑﺠﺴﻤﻪ
ﻋﻠﻲ،،ﻃﻠﻌﻪ ﻣﺎﻛﻮ ﻣﻔﻬﻮﻡ ?
ﻭﺍﻟﺸﻲ ﺻﺎﺭ ﻣﻦ ﺍﻟﻤﺎﺿﻲ ﻗﺒﻞ ﺣﺘﺊ ﻻ ﺍﺗﻌﺮﻑ ﻋﻠﻴﺞ
ﻳﻌﻨﻲ ﻣﺎﻟﺞ ﺣﻖ ﺗﺤﺎﺳﺒﻴﻨﻲ ﻋﻠﺊ ﻣﺎﺿﻲ ﻣﺎﻛﻨﺘﻲ ﻣﻮﺟﻮﺩﺓ ﺑﻲ
ﻭﺳﺎﻟﻔﻪ ﺛﺎﻧﻴﻪ ﻣﺎﻝ ﺍﻃﻠﻌﻴﻦ ﻣﻨﺎ ﺷﻴﻠﻴﻬﺎ ﻣﻦ ﺭﺍﺳﺞ
ﻟﺠﻴﻦ،،ﻛﻤﻞ ﻛﻼﻣﻪ ﻭﺭﺍﺡ ﺍﺗﻤﺪﺩ ﺑﻔﺮﺍﺷﻪ ﺑﻜﻞ ﻫﺪﻭﺀ ﻭﻻﺟﻦ ﺍﻛﻮ ﻣﺼﻴﺒﻪ
ﻛﻌﺪﺕ ﺑﺎﻟﻜﺎﻉ ﺍﺑﺎﻭﻋﻠﻲ ﻭﺍﺑﺠﻲ ﻣﻦ ﺣﺮﻛﺘﻪ ﺍﻋﺮﻑ ﺑﻲ ﻫﻮ ﻣﻘﻬﻮﺭ ﻭﺿﺎﻳﺞ ﺍﻛﺜﺮ ﻣﻨﻲ
ﺣﺠﻴﺖ ﺑﺼﻮﺕ ﻣﺨﻨﻮﮒ ﮔﺘﻠﻪ ﻫﺴﻪ ﻋﺮﻓﺖ ﺍﻟﻄﻔﻞ ﺍﻟﻤﻨﻮ . ﻳﺸﺒﻪ
ﻃﻠﻊ ﻳﺸﺒﻬﻚ ﻋﻠﻲ ﻻﻥ ﺍﺑﻨﻚ
ﺣﻂ ﺍﺩﻱ ﻓﻮﮒ ﻋﻴﻮﻧﻪ ﻭﻣﺎﺟﺎﻭﺑﻨﻲ
ﻟﻠﺼﺒﺢ ﻣﺎﻧﻤﻨﻪ ﺍﺣﻨﻪ ﺍﻻﺛﻨﻴﻦ ﻫﻮ ﻳﺘﮕﻠﺐ ﺑﻔﺮﺍﺷﻪ ﻭﻛﻞ ﺷﻮﻳﻪ ﻳﺎﺧﺬ ﺟﻜﺎﺭﺓ ﻳﺸﺮﺑﻬﺎ
ﻭﺍﻧﻲ ﻋﻠﺊ ﮔﻌﺪﺗﻲ ﺍﺭﻳﺪ ﻳﺎﺧﺬﻧﻲ ﺍﻟﺼﺒﺢ ﺍﻟﺨﺎﻟﻲ
ﺍﺧﺮ ﺷﻲ ﻏﻔﻴﺖ ﻣﻦ ﺍﻟﺘﻌﺐ ﮔﻌﺪﺕ ﻟﮕﻴﺘﻪ ﻣﻐﻄﻴﻨﻲ ﻭﺍﻧﻲ ﺑﻤﻜﺎﻧﻲ ﻣﺮﺗﻴﻦ ﺣﺎﻭﻝ ﻳﺨﻠﻴﻨﻲ ﺍﻧﺎﻡ ﻳﻤﻪ ﺑﺲ ﺍﺭﻓﺾ
ﻧﻬﻀﺖ ﻣﻦ ﻣﻜﺎﻧﻲ ﻣﺎﻟﮕﻴﺘﻪ ﻣﻮﺟﻮﺩ ﻋﺪﻟﺖ ﺣﺠﺎﺑﻲ ﻭﻧﺰﻟﺖ ﻟﮕﻴﺘﻬﻢ ﻛﻠﻬﻢ ﻳﺘﺮﻳﮕﻮﻥ
ﺻﺒﺤﺖ ﻋﻠﻴﻬﻢ ﻭﺭﺣﺖ ﻏﺴﻠﺖ
ﺑﻌﺪﻫﺎ ﮔﻌﺪﺕ ﻳﻤﻬﻢ ﻧﺴﺮﻳﻦ ﺍﻧﻄﺘﻨﻲ ﺭﻳﻮﮒ ﮔﺘﻠﻬﺎ ﻣﺎﺍﺷﺘﻬﻲ
ﻧﺴﺮﻳﻦ،،ﻭﺷﺒﻴﻬﻦ ﻋﻴﻮﻧﺞ ﻭﺍﺭﻣﺎﺕ
ﻟﺠﻴﻦ،،ﺣﺠﺘﻬﺎ ﻭﺍﻧﺘﺒﻬﺖ ﺍﻝ ﻋﻠﻲ ﺑﺎﻭﻋﻠﻲ ﻭﺩﻧﮓ ﻳﺸﺮﺏ ﺟﺎﻱ
ﺟﺎﻭﺑﺘﻬﺎ ﻣﺎﺑﻴﻪ ﺷﻲ ﺑﺎﺟﻲ ﺑﺲ ﺍﻟﻴﻮﻡ ﺍﺭﻳﺪ ﺍﺑﻮ ﻛﻮﺛﺮ ﻳﺎﺧﺬﻧﻲ ﺍﻟﺒﻴﺖ ﺧﺎﻟﻲ
ﻋﻠﻲ ﻣﻦ ﺳﻤﻌﻨﻲ ﺩﻓﻊ ﺍﻻﺳﺘﻜﺎﻥ ﺑﻘﻮﺓ ﻧﻬﺾ ﻣﻦ ﻣﻜﺎﻧﻪ ﻳﺮﻳﺪ ﻳﺤﺠﻲ ﺑﺲ ﻗﺎﻃﻌﻨﻪ ﺻﻮﺕ ﺍﻟﺠﺮﺱ ﻣﺎﻝ ﺍﻟﺒﻴﺖ
ﻋﻠﻲ ﻋﺎﻓﻨﻪ ﻭﺭﺍﺡ ﻳﻔﺘﺢ ﺍﻟﺒﺎﺏ ﻭﻫﻮ ﻳﺪﺭﺩﻡ
ﺳﻤﻌﻨﻪ ﺻﻮﺕ ﺯﻟﻢ ﺩﺧﻠﺖ ﻟﻼﺳﺘﻘﺒﺎﻝ ﺩﻗﻴﻘﻪ ﻭﺭﺟﻊ ﻋﻠﻲ
ﮔﺎﻝ ﻋﻤﺎﻡ ﺷﻴﻤﺎﺀ ﻫﻨﺎ
ﻟﺠﻴﻦ،،ﺍﻡ ﺣﺴﻴﻦ ﺑﺴﺮﻋﻪ ﮔﺎﻣﺖ ﻣﻦ ﻣﻜﺎﻧﻬﺎ ﻣﻦ ﺳﻤﻌﺖ ﺑﻌﻤﺎﻡ ﺷﻴﻤﺎﺀ ﻋﺪﻧﻪ ﮔﺎﻟﺖ ﻳﺎﺳﺎﺗﺮ ﻳﺎﺭﺏ ﻣﺎﻳﺠﻮﻥ ﻏﻴﺮ ﺑﻄﻼﺑﻪ
ﻧﺴﺮﻳﻦ،،ﺷﻌﺠﺐ ﺍﺟﻮ ﻋﻤﺎﻣﻬﺎ ﺍﻟﻴﻮﻡ
ﻟﺠﻴﻦ،،ﻟﻴﺶ ﺷﻌﺠﺐ ﺍﻛﻴﺪ ﻋﺪﻫﻢ ﺷﻐﻠﻪ ﻳﻢ ﻋﻠﻲ
ﻧﺴﺮﻳﻦ،،ﻻ ﺑﺲ ﻋﻤﻬﺎ ﺍﻟﺠﺒﻴﺮ ﺷﻴﺦ ﻋﺸﻴﺮﺓ ﻣﻌﺮﻭﻑ ﻭﻣﺸﺎﻏﻠﻪ ﻫﻮﺍﻱ ﻟﺬﺍﻟﻚ ﻣﺎﻋﻨﺪﺓ ﻭﻛﺖ ﻳﺠﻲ ﻟﻬﻨﺎ
ﺍﺳﺘﻐﺮﺑﺖ ﺍﺟﺎﻧﻪ ﺍﻟﻴﻮﻡ
ﺑﻌﺪﻫﺎ ﺍﺟﻪ ﻋﻠﻲ ﺍﺧﺬ ﻣﺎﻱ ﻭﻃﻠﺐ ﻣﻨﻲ ﺍﺳﻮﻳﻠﻬﻢ ﺟﺎﻱ
ﺳﺎﻟﺘﻪ ﻧﺴﺮﻳﻦ ﻛﻢ ﻭﺍﺣﺪ ﺑﺎﻻﺳﺘﻘﺒﺎﻝ ﺣﺘﺊ ﺗﺤﺴﺐ ﺣﺴﺎﺑﻬﻢ
ﻋﻠﻲ،،ﺻﺒﻲ 3 ﺍﺳﺘﻜﺎﻳﻦ ﺟﺎﻱ
ﻟﺠﻴﻦ،،ﺍﻧﻲ ﻭﻧﺴﺮﻳﻦ ﻭﺣﺪﺓ ﺗﺒﺎﻭﻉ ﻟﻠﺜﺎﻧﻴﻪ
ﺷﻮﻳﻪ ﻭﺻﺎﺭ ﺻﻮﺕ ﻛﻼﻣﻬﻢ ﻣﺴﻤﻮﻉ ﺑﻌﺪﻫﺎ ﺗﻌﺎﻟﺖ ﺍﺻﻮﺍﺗﻬﻢ ﻋﺒﺎﻟﻚ ﺩﻳﺘﻌﺎﺭﻛﻮﻥ
ﺑﻌﺪ ﻣﺎﺍﺳﺘﻤﺮ ﺍﻟﻮﺿﻊ ﺍﻛﺜﺮ ﻣﻦ ﻧﺺ ﺳﺎﻋﻪ ﺍﺻﻮﺍﺕ ﻋﺎﻟﻴﻪ
ﻭﻛﻠﺸﻲ ﻣﺎﻧﻔﻬﻢ ﻏﻴﺮ ﺍﺳﻢ ﺷﻴﻤﺎﺀ ﺑﺎﻟﻤﻮﺿﻮﻉ
ﻃﻠﻌﺖ ﺍﻡ ﺣﺴﻴﻦ ﻭﺟﻬﺎ ﺑﻲ ﻛﻼﻡ ﻭﺻﺎﻓﻨﻪ
ﻛﻌﺪﺕ ﻳﻤﻨﻪ ﺟﺮﺕ ﻛﻼﺹ ﻣﺎﻱ ﻭﺷﺮﺑﺖ
ﻭﺍﻧﻲ ﻭﻧﺴﺮﻳﻦ ﻣﻨﺘﻀﺮﻳﻬﺎ ﺷﻮﻛﺖ ﺗﺤﺠﻲ ﻭﺗﻔﻬﻤﻨﻪ ﺷﻨﻮ ﺍﻟﺴﺎﻟﻔﻪ
ﻧﺴﺮﻳﻦ،،ﻋﻤﻪ ﺷﻜﻮ ﻭﺷﺒﻴﻬﺎ ﺷﻴﻤﺎﺀ ??
ﺍﻡ ﺣﺴﻴﻦ، ،ﺷﻴﻤﺎﺀ ﺣﺎﻣﻞ ﺻﺎﺭ 4 ﺍﺷﻬﺮ ﻭﺍﻟﻄﻼﮒ ﻳﻌﺘﺒﺮ ﺑﺎﻃﻞ
ﻳﻴﻴﻴﻴﺘﺒﻊ
