#النقيب_أبودرع_والقاصر
⭐⭐⭐
علي الفتلاوي
#بارت١٣
ﺩﺧﻴﻞ ﺍﻟﻠﻪ ﺍﻟﺰﻟﻢ ﻣﻦ ﺗﻌﺸﮓ ﺑﻼ ﺭﺍﻱ
ﻣﺎﺗﻔﺮﻕ ﻋﻠﺊ ﺍﻟﻤﺎﺧﻮﺫﺓ ﻓﺼﻠﻴﺔ 💔
،،،،،،،،،،،،،،،،،،،،،،،،،،،،،،،،
ﻗﺼﺔ ﺍﻟﻨﻘﻴﺐ ﺃﺑﻮ ﺩﺭﻉ ﻭﺍﻟﻘﺎﺻﺮ
ﻟﻠﻜﺎﺗﺐ ﻋﻠﻲ ﺍﻟﻔﺘﻼﻭﻱ
،،،،،،،،،،،،،،،،،،،،،،،،،،،،،،،،،،،،
ﻟﺠﻴﻦ،،ﺍﺗﻤﺪﺩﺕ ﺑﻔﺮﺍﺷﻲ ﻏﻄﻴﺖ ﺭﺍﺳﻲ ﻭﻏﺼﻴﺖ ﺑﺎﻟﺒﺠﻲ
ﻭﺍﻟﻠﻪ ﻟﻮ ﻣﺨﺪﺗﻲ ﻋﺪﻫﺎ ﺍﻟﺴﺎﻥ ﺟﺎﻥ ﺻﺎﺣﺖ ﺍﻟﻠﻪ ﻭﺍﻛﺒﺮ ﻣﻦ ﺩﻣﻮﻋﺞ ﻣﺎﻳﺨﻠﺼﻦ
ﺩﺧﻠﺖ ﻧﺴﺮﻳﻦ ﻭﻣﻦ ﺷﺎﻓﺘﻨﻲ ﺍﻧﺼﺪﻣﺖ ﻛﻨﺖ ﺍﺑﺠﻲ ﺑﺤﺮﻛﺔ ﮔﻠﺐ
ﻧﺴﺮﻳﻦ،،ﺍﺳﻢ ﺍﻟﻠﻪ ﺍﻟﺮﺣﻤﻦ ﺷﺒﻴﺞ ﻟﺠﻮﻧﻪ ﺗﻮﺝ ﻛﻠﺸﻲ ﻣﺎﺑﻴﺞ ?
ﻟﺠﻴﻦ،،ﺍﻟﻌﺒﺮﺓ ﺧﺎﻧﻜﺘﻨﻲ ﻣﺎﺍﮔﺪﺭ ﺍﺣﺠﻴﻠﻬﺎ ﺟﺎﻭﺑﺘﻬﺎ ﻭﮔﻮﺓ ﺗﻄﻠﻊ ﺍﻟﻜﻠﻤﻪ ﻣﻨﻲ ﮔﺘﻠﻬﺎ ﺑﺎﺟﻲ ﺑﻌﺪﻳﻦ ﺍﺣﺠﻴﻠﺞ
ﻋﺎﻓﺘﻨﻲ ﻭﻃﻠﻌﺖ ﺑﻌﺪ ﻣﺎﺣﺎﻭﻟﺖ ﺗﻌﺮﻑ ﺷﺒﻴﻪ ﻭﻟﻴﺶ ﺍﺑﺠﻲ
ﻟﻠﻴﻞ ﻣﺎﻃﻠﻌﺖ ﻳﻤﻬﻢ ﺍﺑﺪ ﺩﺧﻠﺖ ﺍﻡ ﺣﺴﻴﻦ ﻛﺎﻟﺖ ﺍﻃﻠﻌﻲ ﻳﻤﻨﻪ ﺟﺎﻭﺑﺘﻬﺎ ﻋﻨﺪﻱ ﺍﻣﺘﺤﺎﻥ ﺻﻌﺐ ﻭﻛﻠﺖ ﺍﻟﻌﺼﺮ ﻣﺎﺍﺷﺘﻬﻲ ﺑﻌﺪ ﺍﻛﻞ
ﻛﻨﺖ ﺍﺣﺠﻲ ﻭﻳﺎﻫﺎ ﻭﻓﺎﺗﺤﻪ ﻛﺘﺎﺑﻲ ﻭﻣﺪﻧﮕﻪ ﻣﺎﺍﺭﻳﺪ ﺗﻨﺘﺒﻪ ﻟﻌﻴﻮﻧﻪ ﺍﻟﻤﻨﻔﻮﺧﻪ ﻣﻦ ﻛﺜﺮ ﺍﻟﺒﺠﻲ
ﺻﺎﺭﺕ ﺳﺎﻋﻪ 10 ﺑﻠﻴﻞ ﺍﺧﺬﺕ ﺑﺠﺎﻣﻪ ﻭﺍﺑﻠﻮﺯ ﺍﺭﻳﺪ ﺍﺳﺒﺢ ﺑﺎﻟﺸﺘﻪ ﺍﺣﺐ ﺍﺳﺒﺢ ﺑﻠﻴﻞ ﻭﺍﻧﺎﻡ
ﺍﺧﺬﺗﻬﻦ ﻭﺭﺣﺖ ﻟﻠﺤﻤﺎﻡ ﺳﺒﺤﺖ ﻭﻃﻠﻌﺖ ﻣﻴﺘﻪ ﺑﺮﺩ
ﻭﻏﺮﻓﺘﻲ ﻣﺎﺑﻴﻬﺎ ﺻﻮﺑﻪ ﺍﺭﻇﻴﻪ ﺻﻮﺑﺘﻬﺎ ﺟﺪﺍﺭﻳﻪ ﻣﻌﻠﮕﻪ ﺑﺎﻟﺤﺎﻳﻂ
ﺑﺲ ﺍﻛﻮ ﺻﻮﺑﻪ ﻧﺪﻓﻪ ﻋﻠﻴﻬﺎ ﺑﺎﻟﻐﺮﻓﻪ ﺍﻟﻨﮕﻌﺪ ﺑﻴﻬﺎ
ﻓﺘﺤﺖ ﺍﻟﺒﺎﺏ ﻭﺩﺧﻠﺖ ﺷﻐﻠﺘﻬﺎ ﻭﮔﻌﺪﺕ ﺍﺩﻓﻪ ﻋﻠﻴﻬﺎ
ﻧﺸﻔﺖ ﺷﻌﺮﻱ ﻭﻣﺸﻄﺘﻪ ﻭﺳﻮﻳﺘﻪ ﺿﻔﻴﺮﺓ ﻣﺎﺑﻴﻪ ﺣﻴﻞ ﺍﺟﻔﻔﻪ ﺑﺎﻟﺴﺸﻮﺍﺭ
ﻟﺒﺴﺖ ﻛﺒﻮﺱ ﻣﺎﻝ ﺍﻟﺘﺮﺍﻙ ﻃﻔﻴﺖ ﺍﻟﺼﻮﺑﻪ ﻭﺭﺩﺕ ﺍﻃﻠﻊ
ﺻﺎﺭ ﺑﻮﺟﻬﻲ ﻋﻠﻲ ﻣﻦ ﺷﺎﻓﻨﻲ ﺿﻞ ﻳﺒﺎﻭﻉ ﺑﻮﺟﻬﻲ
ﺍﺗﻘﺮﺏ ﻣﻨﻲ ﻭﺍﻧﻲ ﺍﺣﺲ ﮔﻠﺒﻲ ﺩﮔﺎﺗﻪ ﺻﺎﺭﺕ ﺗﺮﻛﺾ
ﺻﺮﺕ ﻣﺎﺍﻋﺮﻑ ﺷﺤﺲ ﺍﺗﺠﺎﻫﺎ ﻣﻦ ﻳﻔﺸﻠﻨﻲ ﺍﻛﺮﻫﺎ
ﻭﻣﻦ ﻳﻬﺘﻢ ﺑﻴﻪ ﺍﺣﺒﻪ
ﺻﺎﺭ ﻗﺮﻳﺐ ﻣﻨﻲ ﻛﻠﺶ ﺍﻧﻲ ﺭﺍﻓﻌﻪ ﺭﺍﺳﻲ ﺍﺑﺎﻭﻋﻠﻪ ﻭﻫﻮ ﻣﺎﻧﺰﻝ ﻋﻴﻨﻪ ﻣﻨﻲ
ﺭﻓﻊ ﺍﻳﺪﺓ ﻭﻗﺮﺑﻬﺎ ﻣﻦ ﻋﻴﻮﻧﻲ ﻭﺣﺠﻪ ﺑﺼﻮﺕ ﻫﺎﺩﺉ
ﻋﻠﻲ،،ﺷﺒﻴﻬﻦ ﻋﻴﻮﻧﺞ ?
ﻟﺠﻴﻦ،،ﺩﻧﮕﺖ ﻭﻛﺘﻠﻪ ﻣﺎﺑﻴﻬﻦ ﺷﻲ
ﻉ ﺍﺳﺎﺱ ﻫﻮ ﻣﺎﻳﺪﺭﻱ ﺷﺒﻴﻬﻦ ﺣﺠﻴﺘﻬﺎ ﺑﮕﻠﺒﻲ
ﺩﺭﺕ ﻭﺟﻬﻲ ﻋﻨﻪ ﻭﺗﻮﺟﻬﺖ ﺍﻟﻐﺮﻓﺘﻲ ﻭﻋﻔﺘﻪ ﻭﺍﮔﻒ ﺍﺑﻤﻜﺎﻧﻪ ﻣﺘﻔﺎﺟﺊ ﺑﻴﻪ ﺍﻭﻝ ﻣﺮﺓ ﺍﺗﺠﺎﻫﻠﻪ ﻭﺍﺗﺮﻛﻪ ﻭﺭﺍﻱ
ﻣﺮﺕ ﺍﻻﻳﺎﻡ ﻭﺍﻧﻲ ﻛﻼﻣﻲ ﻭﻳﺎﻩ ﻋﻠﺊ ﮔﺪ ﺍﻟﺴﺆﺍﻝ ﻭﺍﻟﺠﻮﺍﺏ
ﺣﺘﺊ ﻣﻦ ﻳﻘﺮﻳﻨﻲ ﺍﺑﻘﺊ ﻣﺪﻧﻜﻪ ﻭﻋﻴﻨﻲ ﺑﻜﺘﺎﺑﻲ
ﻣﺮﺍﺕ ﺍﺷﻮﻑ ﺍﻫﺘﻤﺎﻣﻪ ﻭﺍﻇﺢ ﻭﻣﺮﺍﺕ ﺍﮔﻮﻝ ﻟﻴﺶ ﻳﻜﺮﻫﻨﻲ ﻭﻫﻴﺞ ﻳﻌﺎﻣﻠﻨﻲ...بيج قصص عراقيه حقيقيه من واقعنا.روعه الطائي
ﻣﺮﺕ ﺍﻻﻳﺎﻡ ﻭﺍﻻﺷﻬﺮ ﻭﺻﺎﺭﺕ
ﺍﻣﺘﺤﺎﻧﺎﺕ ﺍﺧﺮ ﺍﻟﺴﻨﻪ ﻗﺮﻳﺒﻪ ﻭﺟﻨﺖ ﻟﻴﻞ ﻧﻬﺎﺭ ﺍﻗﺮﺓ ﺑﻐﺮﻓﺘﻲ ﻧﺴﺮﻳﻦ ﺗﻘﺮﻳﻨﻲ
ﻃﻠﻌﺖ ﻟﻠﻤﻄﺒﺦ ﻻﻥ ﺟﻮﻋﺎﻧﻪ ﺳﻮﻳﺖ ﻟﻔﺔ ﺟﺒﻦ ﻭﺻﺒﻴﺘﻠﻲ ﻛﻮﺏ ﺟﺎﻱ ﻃﻠﻌﺖ ﻣﻦ ﺍﻟﻤﻄﺒﺦ
ﺻﺎﺭ ﻋﻠﻲ ﺑﻮﺟﻬﻲ ﻧﺎﺯﻝ ﻣﻦ ﻏﺮﻓﺘﻪ
ﻛﻤﻠﺖ ﻃﺮﻳﻘﻲ ﻟﻠﻐﺮﻓﻪ ﺑﺪﻭﻥ ﻣﺎﺍﺑﺎﻭﻋﻠﻪ
ﻋﻠﻲ،،ﺍﻧﺘﻈﺮﻱ ﻟﺠﻴﻦ
ﻟﺠﻴﻦ،ﻧﻌﻢ ﻋﻤﻮ
ﻋﻠﻲ،،ﺟﻴﺒﻲ ﻛﺘﺎﺏ ﺍﻟﺮﻳﺎﻇﻴﺎﺕ ﻭﺍﻟﺤﮕﻴﻨﻲ ﻟﻼﺳﺘﻘﺒﺎﻝ ﺍﻗﺮﻳﺞ
ﻟﺠﻴﻦ،،ﺷﻜﺮﺍ ﻋﻤﻮ ﻣﺎﻋﻨﺪﻱ ﺷﻲ ﻣﻮ ﻓﺎﻫﻤﺘﻪ ﺑﺎﺟﻲ ﻧﺴﺮﻳﻦ ﻗﺮﺗﻨﻲ
ﻭﻗﺒﻞ ﻣﺎﻳﻨﻄﻖ ﺑﻜﻠﻤﻪ ﺩﺧﻠﺖ ﻟﻠﻐﺮﻓﻪ ﻭﺳﺪﻳﺖ ﺍﻟﺒﺎﺏ
ﻟﻮ ﻣﻨﺘﺒﺔ ﻋﻠﻴﻪ ﺍﻛﺜﺮ ﺟﺎﻥ ﻛﺸﻔﻨﻲ ﻭﺷﺎﻑ ﺍﺩﻳﻪ ﺍﺷﻠﻮﻥ ﻳﺮﺟﻔﻦ ﻣﻦ ﺍﻻﺭﺗﺒﺎﻙ
ﺑﺪﺕ ﺍﻻﻣﺘﺤﺎﻧﺎﺕ ﻭﻗﺮﺑﺖ ﺗﻨﺘﻬﻲ ﻭﺻﺎﺭ ﺍﺧﺮ ﻳﻮﻡ ﻧﻤﺘﺤﻦ ﺑﻲ ﻣﺎﺻﺪﻛﺖ ﺣﺘﻨﻬﻲ ﺍﻟﺴﻨﻪ
ﺑﺲ ﻃﻮﻝ ﺫﻳﺞ ﺍﻟﻔﺘﺮﺓ ﺣﻤﺰﺓ ﺍﺧﻮ ﻭﺩﻕ ﺻﺎﺭ ﻫﻮ ﻳﺠﻴﺒﻬﺎ ﻭﻳﺮﺟﻌﻬﺎ ﻟﻠﻤﺪﺭﺳﻪ ﻭﻣﻦ ﻳﻨﺰﻝ ﻻﺯﻡ ﻳﺴﻠﻢ ﻭﻳﻌﺮﺽ ﺧﺪﻣﺎﺗﻪ ﺑﺘﻮﺻﻴﻠﻲ ﻟﻠﺒﻴﺖ ﻭﻛﻠﻌﺎﺩﺓ ﻛﻨﺖ ﺍﺭﻓﺾ ﺑﻜﻞ ﺍﺩﺏ ﻭﺍﺗﺸﻜﺮ ﻣﻨﻪ ﺑﺲ ﻋﻴﻮﻧﻪ ﻛﺎﻧﺖ ﺩﻭﻡ ﺗﺮﺍﻗﺒﻨﻲ
ﺣﺘﺊ ﻭﺩﻕ ﺗﻠﻤﺢ ﻟﻌﺠﺎﺏ ﺍﺧﻮﻫﺎ ﺑﻴﻪ ﺑﺲ ﻛﻨﺖ ﺍﺳﻮﻱ ﻧﻔﺴﻲ ﻣﻐﻠﺴﻪ ﻋﻨﻬﺎ
ﺍﻧﻲ ﻃﻠﻌﺖ ﺑﺪﺭﺳﻴﻦ ﺍﻋﻔﺎﺀ ﺑﺎﻻﺳﻼﻣﻴﻪ ﻭﺍﻟﻌﺮﺑﻲ
ﺑﺲ ﺑﺎﻟﺮﻳﺎﺿﻴﺎﺕ ﺻﺢ ﻣﺠﺎﻭﺑﻪ ﺑﺲ ﻣﻮﻛﻠﺶ ﺍﻛﻮ ﺍﺳﺌﻠﻪ ﻛﺎﻧﺖ ﺣﻴﻞ ﺻﻌﺒﻪ ﻭﻣﺎﮔﺪﺭﺕ ﺍﺣﻠﻬﺎ ﺑﻠﻠﺸﻜﻞ ﺍﻟﺼﺤﻴﺢ
ﻭﺩﻕ، ،ﻣﺎﻣﺼﺪﮔﻪ ﺍﻟﻴﻮﻡ ﺍﺧﺮ ﺍﻣﺘﺤﺎﻥ ﺑﺲ ﺍﻭﺻﻞ ﻟﻠﺒﻴﺖ ﺍﻧﺎﻡ ﺟﻔﻲ ﻋﻠﺊ ﻭﺟﻬﻲ ﻭﺍﺣﻂ ﻣﺴﺪﺱ ﻳﻢ ﺭﺍﺳﻲ ﺍﻟﻴﺤﺠﻲ ﻭﻳﺎﻱ ﻭﺍﻳﻜﻌﺪﻧﻲ ﺍﻫﻔﻪ ﺑﻄﻠﻘﻪ ﻫﻬﻬﻬﻬﻬﻬﻪ
ﺍﻧﻲ ﻓﺮﺣﺎﻧﻪ ﻋﻜﺲ ﻧﺎﺱ ﺍﻟﻴﻮﻡ ﺿﺎﻳﺠﻴﻦ ﻻﻥ ﺑﻌﺪ ﻣﺎﻳﺸﻮﻓﻮﻥ ﺍﻟﺤﺐ ﺛﻼﺙ ﺍﺷﻬﺮ
ﻟﺠﻴﻦ،،ﻛﺎﻧﺖ ﺗﺤﺠﻲ ﻭﺗﺎﺷﺮ ﺑﻌﻴﻮﻧﻬﺎ ﻋﻠﺊ ﺍﺧﻮﻫﺎ ﺍﻟﻨﺰﻝ ﻣﻦ ﺳﻴﺎﺭﺗﻪ ﻭﺍﻟﻮﺟﻪ ﻣﻌﻘﻮﺝ ﻣﺘﻮﺟﻪ ﻋﻠﻴﻨﻪ
ﺍﻟﺘﻔﺘﺖ ﺍﻟﻮﺩﻕ ﻭﻛﺘﻠﻬﺎ ﺍﻧﺘﻲ ﻣﺘﺠﻮﺯﻳﻦ ﻣﻦ ﺳﻮﺍﻟﻔﺞ
ﺳﻠﻢ ﻋﻠﻴﻨﻪ ﺣﻤﺰﺓ ﺑﺲ ﻃﻮﻝ ﻫﺎﻱ ﺍﻟﻔﺘﺮﺓ ﺍﻧﻲ ﻣﺘﺠﺎﻫﻠﻪ ﻧﻀﺮﺍﺗﻪ ﻭﺣﺘﺊ ﻭﺩﻕ ﻣﻦ ﺗﺤﺠﻲ ﺏ ﺍﻋﺠﺎﺏ ﺍﺧﻮﻫﺎ ﺍﻟﻲ ﺍﻏﻴﺮ ﺍﻟﻤﻮﺿﻮﻉ ﺑﺴﺮﻋﻪ
ﺭﺟﻌﺖ ﻟﻠﺒﻴﺖ ﺗﻌﺒﺎﻧﻪ ﻭﻧﻌﺴﺎﻧﻪ ﻻﻥ ﻣﺸﺒﻌﺎﻧﻪ ﻧﻮﻡ ﺍﻛﻌﺪ ﻣﻦ ﺍﻟﻔﺠﺮ ﺍﺭﺍﺟﻊ ﺍﻻﻣﺘﺤﺎﻥ
ﻣﻦ ﺩﺧﻠﺖ ﺗﻔﺎﺟﺌﺖ ﺑﻮﺟﻮﺩ ﺷﻴﻤﺎﺀ ﻛﺎﻧﺖ ﻻﺑﺴﻪ ﺳﺘﺮﻳﺞ ﺍﺳﻮﺩ ﻭﺑﺪﻱ ﻣﻦ ﻓﻮﮒ ﺣﺼﺮ ﻭﻣﻦ ﺟﻮﺓ ﺷﻮﻳﻪ ﺑﻲ ﻋﺮﺽ ﻫﻢ ﺍﺳﻮﺩ
ﻻﻥ ﺣﺰﻧﺎﻧﻪ ﻋﻠﺊ ﺍﺑﻮﻫﺎ ﻋﻤﺘﻲ ﻭﻧﺴﺮﻳﻦ ﮔﺎﻋﺪﺍﺕ ﻳﻤﻬﺎ ﺑﺎﻟﻤﻄﺒﺦ ﻧﺴﺮﻳﻦ ﺍﺗﺒﻞ ﺍﻟﺪﺟﺎﺟﻪ ﺣﺘﺊ ﺗﺸﻮﻳﻬﺎ
ﻭﺍﻡ ﺣﺴﻴﻦ ﺗﻠﮕﻂ ﺑﺎﻟﺨﻈﻮﺭﺍﺕ ﮔﻠﺖ ﺍﻟﺴﻼﻡ ﻋﻠﻴﻜﻢ ﻭﻓﺘﺤﺖ ﺍﻟﺜﻼﺟﻪ ﺣﺘﺊ ﺍﺷﺮﺏ ﺑﻲ
ﺑﺲ ﺷﻴﻤﺎﺀ ﻣﺎﺭﺩﺕ ﺍﻟﺴﻼﻡ ﻭﺗﺒﺎﻭﻋﻠﻲ ﺻﻔﺢ
ﻧﺴﺮﻳﻦ،،ﻫﺎ ﺑﺸﺮﻱ ﺍﺷﻠﻮﻧﺞ ﺏ ﺍﻻﻣﺘﺤﺎﻥ ﺍﻟﻴﻮﻡ، ??
ﻟﺠﻴﻦ،،ﺯﻳﻨﻪ ﺑﺲ ﻣﻮ ﻛﻠﺶ ﻛﻠﺶ ﻳﻌﻨﻲ ﻣﺠﺎﻭﺑﻪ
ﺷﻴﻤﺎﺀ،،ﻫﻬﻬﻬﻬﻬﻬﻪ ﻫﺎﺫﺓ ﺍﻟﻄﻮﻝ ﻛﻠﻪ ﻭﻫﻠﻜﺸﺨﻪ ﻛﻠﻬﺎ ﻭﺍﻧﺘﻲ ﺑﺼﻒ ﺍﻭﻝ
ﺍﻟﻴﺸﻮﻓﺞ ﻋﺒﺎﻟﻪ ﺍﻧﺘﻲ ﺍﻟﻤﺪﺭﺳﻪ
ﻟﺠﻴﻦ،،ﻗﺒﻞ ﻣﺎﺍﺟﺎﻭﺏ ﺣﺠﺖ ﻧﺴﺮﻳﻦ
ﻧﺴﺮﻳﻦ،،ﺷﻔﺘﻲ ﺑﻠﻪ ﺍﺷﻠﻮﻥ ﺍﺗﺨﺒﻞ ﻋﺒﺎﻟﻚ ﻋﻤﺮﻫﺎ 18
ﻭﺍﻟﻠﻪ ﺻﺮﺕ ﺍﺧﺎﻑ ﻋﻠﻴﻬﺎ ﻣﻦ ﺍﻟﻌﻴﻦ
ﻭﺑﻌﺪﻳﻦ ﻫﻲ ﺑﻌﺪﻫﺎ ﺻﻐﻴﺮﺓ ﻣﻮ ﻣﺜﻠﻨﻪ ﺍﻧﻲ ﻭﻳﺎﺝ ﺍﻟﻴﺸﻮﻓﻨﻪ ﻳﮕﻮﻝ ﻋﺠﺎﻳﺰ
ﻟﺠﻴﻦ،،ﮔﻮﺓ ﻛﺘﻤﺖ ﺿﺤﻜﺘﻲ ﻧﺴﺮﻳﻦ ﺭﺯﻟﺘﻬﺎ ﺏ ﺍﺩﺏ
ﺷﻴﻤﺎﺀ،،ﻳﺎﺍﺍﺍ ﺧﺎﻳﺒﻪ ﺍﺣﺠﻲ ﻋﻠﺊ ﺭﻭﺣﺞ ﺍﻧﺘﻲ ﺍﻟﻌﺠﻮﺯ ﻣﺎﺗﺸﻮﻓﻴﻨﻲ ﭼﻨﻲ ﺍﻟﻌﺎﻓﻴﻪ
ﻟﻴﺶ ﻋﻠﻲ ﺍﺧﺘﺎﺭﻧﻲ ﻏﻴﺮ ﻭﺍﻋﻴﻪ ﻭﻣﺜﻘﻔﻪ ﻭﺑﻌﻤﺮﺓ ﺍﻓﻬﻤﻪ ﻣﻮ ﻣﻦ ﺯﻋﺎﻃﻴﻂ ﻫﻠﻮﻛﺖ
ﻧﺴﺮﻳﻦ،،ﻭﻟﺞ ﺧﻴﻪ ﻣﺎﺗﺴﻜﺘﻴﻦ ﺧﺎﻑ ﺷﻔﺘﻲ ﺭﻭﺣﺞ ﺍﻧﺘﻲ ﺍﻧﺨﻄﺒﺘﻲ ﺗﺮﺓ ﺍﻛﻮ ﻣﻌﻠﻤﺎﺕ ﻭﻳﺎﻱ ﺑﻌﻤﺮﺝ ﻟﺴﻪ ﺑﻌﺪﻫﻦ ﺑﺪﻭﻥ ﺯﻭﺍﺝ
ﺍﻳﮕﻮﻟﻦ ﻓﺎﺗﻨﻪ ﺍﻟﻘﻄﺎﺭ ﻻﻥ ﺍﻟﺰﻟﻢ ﺻﺎﺭﺕ ﺍﺩﻭﺭ ﺍﺯﻏﺎﺭ ﺑﺎﻟﻌﻤﺮ ﺍﻳﮕﻮﻟﻮﻥ ﺍﻧﺮﺑﻴﻬﺎ ﻋﻠﺊ ﺍﻳﺪﻧﻪ
ﺷﻴﻤﺎﺀ،،ﻭﺷﺒﻴﺞ ﺗﺮﺩﻳﻦ ﺗﺎﻛﻠﻴﻨﻲ ﺗﺮﺓ ﻣﺎﺣﺠﻴﻨﻪ ﺷﻲ
ﻭﻳﻤﻜﻦ ﺍﻟﻤﻌﻠﻤﺎﺕ ﺍﻟﻮﻳﺎﺝ ﻭﺟﻬﻦ ﻳﺨﻠﻲ ﺍﻟﺨﻄﺎﺑﻪ ﺗﺸﺮﺩ
ﺷﻮ ﺍﻧﻲ ﻛﻮﻣﻪ ﻧﺎﺱ ﺧﻄﺒﻮﻧﻲ ﻗﺒﻞ ﻋﻠﻲ
ﻧﺴﺮﻳﻦ، ،،ﺍﻣﻢ ﺍﻱ ﺍﺩﺭﻱ ﺑﺲ ﺍﺫﻛﺮ ﺍﺧﺮ ﻭﺍﺣﺪ ﺧﻄﺒﺞ ﮔﺎﻟﻮ ﻣﺮﺗﻪ ﻣﻴﺘﻪ ﻭﻋﻨﺪﺓ ﺍﺭﺑﻊ ﺍﻃﻔﺎﻝ ﺻﻐﺎﺭ ﻭﻳﺮﻳﺪ ﻣﺮﺓ ﺗﺮﺑﻲ ﺍﻃﻔﺎﻟﻪ
ﻟﺠﻴﻦ . ﻭﻋﻠﻲ ﻋﺒﺎﻟﻚ ﺳﻴﻨﻤﺎﺀ ﺷﻴﻤﺎﺀ ﺻﺎﺭﺕ ﺗﻔﺮﻓﺢ ﺗﺸﻴﻞ ﺭﻭﺣﻬﺎ ﻭﺗﺮﮔﻌﻬﺎ ﻭﻧﺴﺮﻳﻦ ﻫﺎﺩﺋﻪ ﻛﻠﺶ ﻭﻛﻞ ﻗﻨﺒﻠﻪ ﺗﺸﻤﺮﻫﺎ ﻋﻠﺊ ﺷﻴﻤﺎﺀ ﺷﻜﺒﺮﻫﺎ
ﺍﺧﺮ ﺷﻲ ﺍﻡ ﺣﺴﻴﻦ ﻣﻦ ﺷﺎﻓﺖ ﺑﻨﺖ ﺣﻤﺎﺗﻬﺎ ﺭﺍﺡ ﺗﻨﻔﺠﺮ ﺣﺒﺖ ﺗﻬﺪﺉ ﺍﻟﺠﻮ ﺍﻟﻤﺸﺤﻮﻥ
ﺍﻡ ﺣﺴﻴﻦ، ،ﺍﮔﻠﺞ ﺧﺎﻟﻪ ﺷﻴﻮﻣﻪ ﺍﺑﻮﺝ ﺻﺎﺭﻟﻪ 7 ﺍﺷﻬﺮ ﻣﻦ ﺗﻮﻓﻪ ﻭﻣﺎﺑﻘﺊ ﺷﻲ ﺍﻟﺪﻭﺭﺕ ﺍﻟﺴﻨﻪ ﺣﺘﺊ ﻳﺘﻢ ﺍﻟﺰﻭﺍﺝ
ﺣﺘﺊ ﺗﺮﺣﻴﻦ ﺍﻧﺘﻲ ﻭﻋﻠﻲ ﺗﺨﺘﺎﺭﻭﻥ ﻏﺮﻓﺔ ﺍﻟﺨﺸﺎﺏ ﻣﺎﻟﺘﻜﻢ
ﻟﺠﻴﻦ . ﻳﻌﻨﻲ ﺑﻌﺪ 5 ﺍﺷﻬﺮ ﻋﻦ ﺯﻭﺍﺝ ﻋﻠﻲ ﻣﺎﺍﻋﺮﻑ ﻟﻴﺶ ﺿﺠﺖ ﺍﺣﺴﻪ ﺧﻠﺺ ﺣﺘﺊ ﻫﻮ ﺭﺍﺡ ﻳﻌﻮﻓﻨﻲ ﻭﻳﺘﺨﻠﺊ ﻋﻨﻲ
ﺷﻴﻤﺎﺀ ﻣﻦ ﺳﻤﻌﺖ ﻛﻼﻡ ﺍﻡ ﺣﺴﻴﻦ ﻧﺴﺖ ﺍﻟﺒﻬﺬﻟﻪ ﺍﻟﻜﻠﺘﻬﺎ ﻣﻦ ﻧﺴﺮﻳﻦ ﻭﺍﻟﻈﺤﻜﻪ ﺻﺎﺭﺕ ﻣﻦ ﺍﻻﺫﻥ ﻟﻼﺫﻥ ﺍﺑﺪﻫﺎ ﻫﺴﻪ ﺗﻌﺮﺱ
ﻋﻔﺘﻬﻢ ﻭﮔﻤﺖ ﺍﺑﺪﻝ ﻣﻼﺑﺴﻲ ﻭﺍﺳﺒﺢ ﺩﺧﻠﺖ ﻟﻠﻐﺮﻓﻪ ﻓﺘﺤﺖ ﺍﻟﻜﻨﺘﻮﺭ ﻃﻠﻌﺖ ﺩﺷﺪﺍﺷﻪ ﺣﻤﺮﺓ ﺩﻟﻌﺘﻬﺎ ﻣﺎﻝ ﺍﻟﺼﺪﺭ ﻣﺮﺑﻌﻪ
ﺍﺧﺬﺗﻬﺎ ﻭﺩﺧﻠﺖ ﻟﻠﺤﻤﺎﻡ ﺳﺒﺤﺖ ﻭﻃﻠﻌﺖ ﺳﺸﻮﺭﺕ ﺷﻌﺮﻱ ﻭﺳﻮﻳﺘﻪ ﺫﻳﻞ ﺣﺼﺎﻥ ﻭﻫﻮ ﻃﻮﻳﻞ
ﺧﻠﻴﺖ ﺍﻟﺸﺎﻝ ﻋﻠﺊ ﻣﺘﻨﻲ ﻭﻃﻠﻌﺖ ﻻﻥ ﺣﺴﻴﻦ ﻭﻋﻠﻲ ﺑﻌﺪﻫﻢ ﻣﻮ ﻭﻗﺖ ﺭﺟﻌﺘﻬﻢ ﻟﻠﺒﻴﺖ
ﺷﻴﻤﺎﺀ ﻣﻦ ﺷﺎﻓﺘﻨﻲ ﺍﻛﻠﺘﻨﻲ ﺑﻌﻴﻮﻧﻬﺎ ﻳﻤﻜﻦ ﻟﻮ ﻳﻄﻴﺢ ﺑﻴﺪﻫﺎ ﺗﻜﺘﻠﻨﻲ
ﻧﺴﺮﻳﻦ،،ﻋﻤﻲ ﺷﻄﺎﻟﻌﻪ ﻫﻮ ﻛﻠﻤﻦ ﻟﺒﺲ ﺍﻻﺣﻤﺮ ﻻﮔﻠﻪ
ﺍﻟﻠﻮﻥ ﻳﺎﻛﻞ ﻭﻳﺸﺮﺏ ﻭﻳﺎﺝ ﻳﺨﺒﻞ ﻋﻠﻴﺞ
ﺷﻮ ﺩﺗﻌﺎﻱ ﻻ ﺍﺣﺴﺪﺝ
ﻟﺠﻴﻦ ﻗﺮﺑﺘﻨﻲ ﻣﻨﻬﺎ ﻧﺴﺮﻳﻦ ﺧﻠﺖ ﺍﺻﺒﻌﻬﺎ ﺑﺤﻠﻜﻬﺎ ﻭﻣﺴﺤﺖ ﮔﺼﺘﻲ ﺍﺗﮕﻮﻝ ﻫﺎﻱ ﺗﻘﺎﻟﻴﺪ ﺑﻴﺒﻴﺘﻲ ﻣﻦ ﻳﻌﺠﺒﻬﺎ ﺷﻲ ﻫﻴﺞ ﺗﺴﻮﻱ ﺍﺗﮕﻮﻝ ﺗﺒﺮﺩ ﺍﻟﻌﻴﻦ
ﺍﺑﮕﻠﺒﻲ ﺍﮔﻮﻝ ﺧﺮﺏ ﻋﺮﺿﺞ ﻧﺴﺮﻳﻦ ﺭﺍﺡ ﺗﺠﻠﻂ ﺍﻟﺒﺖ
ﻃﻠﻌﺖ ﻃﻮﺱ ﺻﻐﺎﺭ ﻭﺑﺪﻳﺖ ﺍﻭﺯﻉ ﺑﻴﻬﻦ ﺍﻟﻄﺮﺷﻲ ﻭﺍﻟﻠﺒﻦ
ﺍﻧﻔﺘﺢ ﺍﻟﺒﺎﺏ ﻭﺩﺧﻞ ﻋﻠﻲ ﻣﻦ ﺷﺎﻓﻨﻲ ﻋﻴﻨﻪ ﺑﻘﺖ ﻋﻠﻴﻪ ﻭﻫﻮ ﺑﻌﺪﺓ ﻻﺯﻡ ﻳﺪﺓ ﺍﻟﺒﺎﺏ ﺍﻭﺍﻛﻒ
ﻭﻣﺎﻣﻨﺘﺒﻪ ﺍﺻﻼ ﺍﻟﻮﺟﻮﺩ ﺷﻴﻤﺎﺀ
ﺭﺟﻌﺖ ﺩﻧﮕﺖ ﻭﺍﺗﺠﺎﻫﻠﺖ ﻭﺟﻮﺩﺓ ﺗﻤﺎﻣﺎ ﻭﺷﻴﻤﺎﺀ
ﺑﺴﺮﻋﻪ ﺭﺍﺣﺖ ﻳﻤﻪ ﺳﻠﻤﺖ ﻋﻠﻲ ﻭﺑﺎﺳﺘﻪ ﺑﺨﺪﺓ
ﺗﺘﻌﻤﺪ ﺗﺴﻮﻱ ﻫﻠﺤﺮﻛﺎﺕ ﻛﺪﺍﻣﻲ ﻋﻮﺩ ﺷﻮﻓﻴﻨﻲ ﺗﺮﺓ ﺍﻧﻲ ﻣﺮﺗﻪ ﻣﻮ ﺍﻧﺘﻲ
ﺩﺧﻞ ﻣﺤﻤﺪ ﺷﺎﻳﻞ ﺑﻴﺪﺓ ﻣﻮﺑﺎﻳﻞ ﺍﺑﻮ ﮔﺎﻝ ﺍﺟﻪ ﺑﺎﺑﺎ
ﺧﻠﻴﺖ ﺍﻟﺤﺠﺎﺏ ﻋﻠﺊ ﺭﺍﺳﻲ ﻭﻛﻤﻠﺖ ﺑﺎﻗﻲ ﺍﻟﺘﺤﻀﻴﺮﺍﺕ
ﻣﺪﻳﻨﻪ ﺍﻟﺴﻔﺮﺓ ﻭﻧﻘﻠﻨﻪ ﺍﻟﻐﺪﺓ ﻭﻛﻠﻨﻪ ﮔﻌﺪﻧﻪ ﻧﺘﻐﺪﺓ ﺳﻮﺓ
ﺍﻡ ﺣﺴﻴﻦ،،ﺍﮔﻠﻚ ﻳﻤﻪ ﻋﻠﻲ ﺍﺩﺭﻱ ﻋﻨﺪﻙ ﺩﻭﺍﻡ ﻭﻣﺸﻐﻮﻝ ﺑﺲ ﺗﺮﺓ ﻟﺠﻴﻦ ﻫﻢ ﺧﻄﻴﻪ ﻣﻦ ﺍﺟﺘﻨﻪ ﻟﺤﺪ ﺍﻻﻥ ﺻﺎﺭﻟﻬﺎ 10 ﺍﺷﻬﺮ ﻭﻫﻲ ﻻﻃﺎﻟﻌﻪ ﻭﻻﻣﺎﺷﻴﻪ ﻏﻴﺮ ﺑﺲ ﻟﻠﻤﺪﺭﺳﻪ ﻭﺗﺮﺟﻊ
ﺍﺧﺬﻫﺎ ﺯﻭﺭﻫﺎ ﻃﻠﻌﻬﺎ ﺗﻔﺘﺮ ﺗﺸﻮﻑ ﺧﻠﮓ ﺍﻟﻠﻪ ﺍﻟﻨﻬﺎﺭ ﻛﻠﻪ ﻣﮕﺎﺑﻠﻪ ﻭﺟﻬﻲ ﻭﻛﺎﻋﺪﺓ ﻻﻃﺎﻟﻌﻪ ﻭﻻﻣﺎﺷﻴﻪ
ﻋﻠﻲ،، ﺻﺎﺭ ﺣﺠﻴﻪ ﺗﺪﻟﻠﻴﻦ ﺍﻧﺘﻲ ﻭﻳﺎﻫﺎ.....بيج قصص عراقيه حقيقيه من واقعنا.روعه الطائي
ﻫﻮ ﺍﻧﺘﻮ ﻃﻠﺒﺘﻮ ﻣﻨﻲ ﻭﺍﻧﻲ ﺭﻓﻀﺖ
ﺍﻡ ﺣﺴﻴﻦ،،ﺍﺩﺭﻱ ﺑﻴﻚ ﻳﻤﻪ ﻣﺎﺗﻘﺼﺮ ﺑﺲ ﻫﻲ ﺗﺸﻮﻓﻚ ﺗﺠﻲ ﺗﻌﺒﺎﻥ ﻭﺣﺴﻴﻦ ﻳﺎﺧﺬﺓ ﺍﻟﻨﻬﺎﺭ ﻭﻳﺮﺩﺓ ﺍﻟﻠﻴﻞ ﻳﺠﻴﻠﻪ ﺳﺎﻋﻪ ﻭﻳﺮﺩ ﺍﻟﺸﻐﻠﻪ ﻭﻫﻲ ﻣﻦ ﺗﺸﻮﻓﻜﻢ ﺗﻌﺒﺎﻧﻴﻦ ﺗﺴﺘﺤﻲ ﺗﻄﻠﺐ ﻣﻨﻜﻢ ﻭﻫﻲ ﻫﻠﺨﻠﺼﺖ ﺍﻣﺘﺤﺎﻧﺎﺕ ﺍﺭﻳﺪﻫﺎ ﺗﻄﻠﻊ ﺣﺘﺊ ﺗﺘﻐﻴﺮ ﻧﻔﺴﻴﺘﻬﺎ
ﻟﺠﻴﻦ، ﺍﺳﺘﺤﻴﺖ ﻣﻦ ﻛﻼﻡ ﺍﻡ ﺣﺴﻴﻦ ﻭﺍﻧﻲ ﻣﻮ ﻣﻦ ﻧﻮﻉ ﺍﺣﺐ ﺍﻟﻄﻠﻌﻪ ﻭﺍﻟﻔﺮﺓ ﻳﻌﻨﻲ ﻋﺎﺩﻱ ﻣﺎﺍﺣﺠﻲ ﺑﻬﺬﺍ ﺍﻟﺸﻲ
ﻋﻠﻲ،،ﺑﺎﺟﺮ ﺣﻀﺮﻭ ﻧﻔﺴﻜﻢ ﻧﻄﻠﻊ ﺍﻟﻔﺠﺮ ﻧﺰﻭﺭ ﺍﻻﻣﺎﻡ ﺍﻟﺤﺴﻴﻦ ﻋﻠﻴﻪ ﺍﻟﺴﻼﻡ ﻭﻫﻢ ﻭﻳﻦ ﻣﺘﺮﺩﻭﻥ ﺍﺧﺬﻛﻢ ﻭﺍﻧﻲ ﺑﺨﺪﻣﺘﻜﻢ
ﻟﺠﻴﻦ،،ﻓﺮﺣﺖ ﺑﻜﻼﻣﻪ ﻋﺒﺎﻟﻲ ﻳﺮﻓﺾ ﻭﻳﺘﺤﺠﺞ ﺑﺎﻟﺪﻭﺍﻡ
ﻛﻨﺖ ﻣﺤﺘﺎﺟﻪ ﺍﺯﻭﺭ ﺍﺑﺎﻋﺒﺪﺍﻟﻠﻪ ﻓﺪﻭﺓ ﻟﺴﻤﻪ
ﺷﻴﻤﺎﺀ،،ﻳﻌﻨﻲ ﺍﺑﻴﺶ ﺍﻟﺴﺎﻋﻪ ﺍﻭﻗﺖ ﻣﻮﺑﺎﻳﻠﻲ ﺣﺘﺊ ﺍﻛﻌﺪ ﻣﻦ ﻭﻗﺖ ﺍﺟﻬﺰ ﻧﻔﺴﻲ
ﻟﺠﻴﻦ،،ﻛﻠﻨﻪ ﺿﻠﻴﻨﻪ ﺻﺎﻓﻨﻴﻦ ﻋﻠﻴﻬﺎ ﺣﺸﺮﺕ ﺭﻭﺣﻬﺎ ﻭﻳﺎﻧﻪ ﻭﻫﻮ ﻣﺤﺪ ﻋﺰﻣﻬﺎ ﻣﻦ ﻛﻴﻔﻬﺎ ﻋﺰﻣﺖ ﻧﻔﺴﻬﺎ
ﻋﻠﻲ،،ﺑﻌﺪ ﺻﻼﺓ ﺍﻟﻔﺠﺮ ﻧﻄﻠﻊ ﻻﻥ ﻭﺭﺍﻧﻪ ﻃﺮﻳﻖ ﻃﻮﻳﻞ
ﻟﺠﻴﻦ،،ﻧﺴﺮﻳﻦ ﺍﺗﻘﺮﺑﺖ ﻣﻨﻲ ﻭﺣﺠﺖ ﺑﺼﻮﺕ ﻧﺎﺻﻲ ﺑﺲ ﺍﻧﻲ ﺍﺳﻤﻌﻬﺎ
ﻧﺴﺮﻳﻦ،،ﺣﺸﺮﺕ ﺭﻭﺣﻬﺎ ﻣﺲ ﺣﺸﻮﺭﺓ
ﻟﺠﻴﻦ،،ﻋﺎﺩﻱ ﺧﻞ ﺗﺮﻭﺡ ﻭﺷﻌﻠﻴﻪ ﺑﻴﻬﺎ ﻏﻴﺮ ﺧﻄﻴﺒﺘﻪ ﻭﻻﺯﻡ ﺗﺮﻭﺡ ﻭﻳﺎﻧﻪ
ﻧﺴﺮﻳﻦ،،ﺗﺪﺭﻳﻦ ﻟﺠﻴﻦ ﻣﺮﺍﺕ ﺍﺗﻤﻨﺊ ﺍﺩﻓﺮﺝ ﻟﻮ ﺍﻧﻄﻴﺞ ﺿﺮﺑﻪ ﻋﻠﺊ ﺩﻣﺎﻏﺞ ﻫﺬﺍ ﺍﻟﻤﺤﺠﺮ
ﻟﺠﻴﻦ،،ﻣﺎﻛﺪﺭﺕ ﺍﺗﺤﻤﻞ ﻭﺿﺤﻜﺖ ﺍﻟﻜﻞ ﺍﻧﺘﺒﻪ ﻋﻠﻴﻨﻪ ﺍﻧﻲ ﻭﻧﺴﺮﻳﻦ
ﻋﻠﻲ، ،ﻇﺤﻜﻮﻧﻪ ﻭﻳﺎﻛﻢ
ﻧﺴﺮﻳﻦ،،ﻻ ﺧﻮﻳﻪ ﺳﺎﻟﻔﻪ ﺑﻴﻨﺎﺗﻨﻪ ﻉ ﺍﻻﻣﺘﺤﺎﻥ
ﻟﺠﻴﻦ،،ﻧﺴﺮﻳﻦ ﺗﻜﺴﺮ ﻭﺗﺠﺒﺮ ﺟﺎﻭﺑﺖ ﻋﻠﻲ ﻭﻫﻲ ﺍﺗﻤﺘﻤﺖ
ﺣﺴﻴﻦ،،ﺍﻧﻲ ﻫﻢ ﺍﻃﻠﺐ ﺍﺟﺎﺯﺓ ﺣﺘﺊ ﻧﺮﻭﺡ ﺳﻴﺎﺭﺗﻴﻦ ﻻﻥ ﻭﺣﺪﺓ ﻣﺘﻜﻔﻲ ﺣﺘﺊ ﺗﺎﺧﺬﻭﻥ ﺭﺍﺣﺘﻜﻢ ﺑﺎﻟﻄﺮﻳﻖ
ﻋﻠﻲ، ،ﺍﻱ ﻭﺍﻟﻠﻪ ﻳﺎﺭﻳﺖ ﻣﻦ ﺯﻣﺎﻥ ﻣﺎﻃﺎﻟﻌﻴﻦ ﺳﻔﺮﺓ ﺳﻮﺓ
ﻟﺠﻴﻦ،،ﻭﻗﺖ ﻣﻮﺑﺎﻳﻠﻲ ﺣﺘﺊ ﺍﻛﻌﺪ ﺍﺣﻀﺮ ﺭﻭﺣﻲ ﻭﻣﺎﻋﻄﻠﻬﻢ
ﻓﺰﻳﺖ ﺍﻟﻔﺠﺮ ﻋﻠﺊ ﺻﻮﺕ ﺍﻟﻤﻨﺒﻪ ﻛﻌﺪﺕ ﺑﺴﺮﻋﻪ ﻏﺴﻠﺖ ﻭﺍﺗﻮﺿﻴﺖ ﺣﺘﺊ ﺍﺑﻘﺊ ﻋﻠﺊ ﻃﻬﺎﺭﺓ ﻣﻦ ﻧﻮﺻﻞ ﻟﻼﻣﺎﻡ
ﻟﺒﺴﺖ ﺑﻨﻄﺮﻭﻥ ﺍﺳﻮﺩ ﻭﻗﻤﻴﺺ ﻧﻴﻠﻲ ﻭﺣﺠﺎﺏ ﺑﻠﻮﻧﻬﻦ ﻭﻋﺒﺎﻳﺔ ﺭﺍﺱ ﻻﻥ ﺍﻟﻌﺒﺎﻳﻪ ﺍﻻﺳﻼﻣﻴﻪ ﻣﻴﺨﻠﻮﻧﻪ ﺍﻧﻔﻮﺕ ﺑﻴﻬﺎ ﻟﻼﻣﺎﻡ
ﻃﻠﻌﺖ ﺷﻔﺖ ﺍﻟﻜﻞ ﺟﺎﻫﺰ ﻭﻧﺴﺮﻳﻦ ﻣﺴﻮﻳﻪ ﻟﻔﺎﺕ ﻛﺒﺎﺏ ﻭﺗﺨﻠﻲ ﺑﻴﻬﻦ ﺑﺎﻟﺤﺎﻓﻀﻪ ﺧﺎﻑ ﻧﺠﻮﻉ ﺑﺎﻟﻄﺮﻳﻖ
ﻧﺴﺮﻳﻦ،،ﻟﺠﻮﻧﻪ ﺧﺪﺭﺕ ﺟﺎﻱ ﻭﻳﻤﺞ ﻗﺸﻄﻪ ﻭﺟﺒﻦ
ﺍﻛﻌﺪﻱ ﺍﺗﺮﻳﮕﻲ ﻗﺒﻞ ﻣﻨﻄﻠﻊ
ﻟﺠﻴﻦ،،ﺑﺴﺮﻋﻪ ﺷﺮﺑﺖ ﺍﻻﺳﺘﻜﺎﻥ ﻭﻛﻠﺖ ﻧﺺ ﻟﻔﻪ ﻭﻧﺴﺮﻳﻦ ﺍﺗﺼﻴﺢ ﻣﻨﻮ ﻳﺮﻛﺾ ﻭﺭﺍﺝ ﺍﻛﻠﻲ ﺑﺮﺍﺣﺘﺞ
ﻛﻤﻠﺖ ﻭﻃﻠﻌﺖ ﻭﻳﻪ ﺍﻡ ﺣﺴﻴﻦ ﻭﻧﺴﺮﻳﻦ ﻭﺍﻃﻔﺎﻟﻬﺎ
ﻟﻜﻴﻨﻪ ﺣﺴﻴﻦ ﻭﻋﻠﻲ ﻣﺸﻐﻠﻴﻦ ﺳﻴﺎﺭﺍﺗﻬﻢ ﻭﻣﻨﺘﻀﺮﻳﻨﻪ
ﻧﺰﻝ ﻋﻠﻲ ﻭﮔﺎﻝ ﺣﺠﻴﻪ ﺗﻌﺎﻱ ﺍﻧﺘﻲ ﻭﻟﺠﻴﻦ ﺍﮔﻌﺪﻥ ﻳﻤﻲ
ﻭﻧﺴﺮﻳﻦ ﻫﻲ ﻭﺟﻬﺎﻟﻬﺎ ﻭﻳﻪ ﺭﺟﻠﻬﺎ
ﻟﺠﻴﻦ،،ﻣﺎﺭﺩﺕ ﺍﺻﻌﺪ ﻭﻳﺎﻩ ﻭﺍﺗﺤﻤﻞ ﺷﻴﻤﺎﺀ ﻃﻮﻝ ﺍﻟﻄﺮﻳﻖ ﻫﻮ ﺭﺑﻊ ﺳﺎﻋﻪ ﻣﺎﺍﺗﺤﻤﻞ ﻭﺟﻮﺩﻫﺎ ﻭﻛﻼﻣﻬﺎ ﺍﻟﻐﺜﻴﺚ ﺍﻧﻮﺏ ﺍﮔﺎﺑﻠﻬﺎ ﻃﻮﻝ ﺍﻟﻴﻮﻡ
ﺍﻟﺘﻔﺘﺖ ﺍﻟﻨﺴﺮﻳﻦ ﻭﮔﺘﻠﻬﺎ ﺑﺎﺟﻲ ﺗﺪﺭﻳﻦ ﻣﺎﺍﮔﺪﺭ ﺍﻓﺎﺭﮔﺞ ﺍﻧﻲ ﺍﺻﻌﺪ ﻳﻤﺞ ﺑﺎﺳﻴﺎﺭﺓ
ﺭﺣﺖ ﻭﮔﻔﺖ ﻳﻢ ﻧﺴﺮﻳﻦ
ﻧﺴﺮﻳﻦ ﻛﺎﻟﺖ ﻭﺍﻟﻠﻪ ﺍﻧﻲ ﺍﻛﻴﻒ ﺗﺠﻴﻦ ﻭﻳﺎﻱ ﺑﻌﺪ ﺍﺣﺴﻦ
ﻭﺣﺴﻴﻦ ﻳﻀﺤﻚ ﻭﻳﮕﻠﻬﺎ ﻋﻮﺩ ﮔﻠﺖ ﺍﻟﻄﺮﻳﻖ ﻃﻮﻳﻞ ﻭﺍﺗﻐﺰﻝ ﺑﻤﺮﺗﻲ ﻭﺣﺪﻧﻪ ﺣﻄﻴﺘﻴﻬﺎ ﺑﻨﺼﻨﻪ ﻭﮔﻄﻌﺘﻲ ﻋﻠﻴﻪ ﺍﻟﻬﻮﺉ
ﻧﺴﺮﻳﻦ،،ﻫﻬﻬﻬﻬﻬﻪ ﻣﻜﺄﺑﻠﺘﻚ ﺍﻟﻨﻬﺎﺭ ﻛﻠﻪ ﻭﻛﻞ ﺭﻭﻣﺎﻧﺴﻴﻪ ﻣﺎﺷﺎﻳﻔﻪ ﻣﻨﻚ
ﺗﺮﻳﺪ ﺗﺘﺮﻭﻣﺲ ﺑﺎﻟﺴﻴﺎﺭﺓ ﻭﺍﺣﻨﻪ ﺭﺍﻳﺤﻴﻦ ﻧﺰﻭﺭ
ﻟﺠﻴﻦ،،ﻋﻠﻲ ﺑﻘﺔ ﻭﺍﮔﻒ ﻣﺘﻔﺎﺟﺊ ﺑﺘﺼﺮﻓﻲ ﻋﮕﺪ ﺣﻮﺍﺟﺒﻪ
ﻭﺑﺴﺮﻋﻪ ﺷﻐﻞ ﺍﻟﺴﻴﺎﺭﺓ ﻭﺷﺨﻄﻬﺎ ﮔﺪﺍﻣﻨﻪ
ﺣﺴﻴﻦ . ﺷﺒﻲ ﻫﺬﺍ ﮔﻠﺐ ﺍﻟﺨﻠﻘﻪ ﻣﻦ ﻏﺒﺸﻪ ﻏﻴﺮ ﻳﻨﺘﻀﺮ ﻧﻄﻠﻊ ﺳﻮﺓ
ﻧﺴﺮﻳﻦ،،ﺧﺎﻑ ﻣﺘﻮﺍﺯﻱ ﻋﻠﺊ ﺷﻴﻤﺎﺀ ﺧﺎﻧﻢ
ﻟﺠﻴﻦ، ﺣﺮﻙ ﺍﻟﺴﻴﺎﺭﺓ ﺣﺴﻴﻦ ﻭﮔﺎﻟﻬﺎ
ﺣﺴﻴﻦ،،ﺍﻟﺞ ﻭﻧﻪ ﻭﺍﺷﺒﻴﺞ ﺗﺤﺠﻴﻬﺎ ﻣﻦ ﻭﺭﺓ ﺧﺸﻤﺞ
ﻧﺴﺮﻳﻦ، ﻓﺪﻭﺓ ﻟﺘﺨﻠﻴﻨﻲ ﺍﺗﺤﻤﻞ ﺫﻧﺒﻬﺎ ﻣﻦ ﺍﻟﻔﺠﺮ
ﻏﻴﺮ ﻣﻮﺿﻮﻋﻬﺎ
ﻟﺠﻴﻦ،،ﺣﺴﻴﻦ ﺍﺗﺼﻞ ﺑﻌﻠﻲ ﻭﻓﻬﻤﻪ ﻳﻨﺘﻀﺮﻧﻪ ﺑﺎﻟﺸﺎﺭﻉ ﺍﻟﻘﺮﻳﺐ ﻋﻠﺊ ﺑﻴﺖ ﺷﻴﻤﺎﺀ
ﻻﻥ ﺭﺍﺡ ﻳﺠﻴﺒﻬﺎ ﻭﻳﺠﻲ
ﺷﻔﻨﻪ ﺿﻮﺓ ﺳﻴﺎﺭﺗﻪ ﺭﻣﺸﻠﻨﻪ ﻣﻦ ﺑﻌﻴﺪ ﻭﺣﺴﻴﻦ ﺍﺗﺤﺮﻙ ﺑﻴﻨﻪ ﺍﻟﺸﻤﺲ ﺑﺪﺕ ﺗﻄﻠﻊ ﺻﺎﺭ ﺩﻧﻴﺔ ﺍﻟﺼﺒﺢ
ﺍﺑﺎﻭﻉ ﺍﻟﺴﺎﻋﻪ ﺻﺎﺭﺕ 8 ﺍﻟﺼﺒﺢ ﻋﻠﻲ ﻳﻤﺸﻲ ﻭﺭﺍﻧﻪ
ﻭﺻﻠﻨﻪ ﻗﺮﻳﺐ ﺍﻻﻣﺎﻡ ﺑﺲ ﻻﺯﻡ ﻧﻤﺸﻲ ﻣﺴﺎﻓﻪ ﺣﺘﺊ ﻧﻮﺻﻠﻪ
ﻧﺰﻟﻨﻪ ﺑﮕﺮﺍﺝ ﻗﺮﻳﺐ ﻋﻔﻨﻪ ﺍﻟﺴﻴﺎﺭﺓ ﻭﻋﻠﻲ ﻫﻢ ﻛﺬﺍﻟﻚ ﺑﺲ ﻣﺒﻴﻦ ﻣﻦ ﻭﺟﻬﺎ ﻣﻐﻨﺪﺏ
ﻣﻦ ﺷﺎﻓﻨﻲ ﻣﻨﺘﺒﻬﺎ ﻋﻠﺊ ﻭﺟﻬﺎ ﺧﺰﺭﻧﻲ ﻗﻔﻞ ﺍﻟﺴﻴﺎﺭﺓ ﻭﺍﺟﻪ ﻳﻤﺸﻲ ﮔﺪﺍﻣﻨﻪ ﻭﻳﻪ ﺣﺴﻴﻦ ﻭﺍﺣﻨﻪ ﺍﻟﻨﺴﻮﺍﻥ ﻛﻠﻨﻪ ﻧﻤﺸﻲ ﻭﺭﺍﻫﻢ
ﺷﻮ ﺷﻴﻤﺎﺀ ﺑﺴﺮﻋﻪ ﻣﺸﺖ ﮔﺪﺍﻣﻨﻪ ﻟﺰﻣﺖ ﺍﻳﺪﺓ ﻭﻫﻮ ﻳﻤﺸﻲ
ﺑﺲ ﻫﻮ ﺑﺴﺮﻋﻪ ﺳﺤﺐ ﺍﻳﺪﺓ ﻣﻨﻬﺎ ﻭﮔﺎﻟﻬﺎ ﻋﻴﺐ ﻣﻨﺎ ﻧﺎﺱ
ﺍﺭﺟﻌﻲ ﺍﻣﺸﻲ ﻭﻳﻪ ﺍﻣﻲ
ﻧﺴﺮﻳﻦ،،ﻳﺨﺮﺍﺷﻲ ﻳﺎﮔﺎﻉ ﺍﻧﺸﮕﻲ ﻭﺍﺑﻠﻌﻴﻨﻲ ﻭﺍﻓﺸﻠﺘﺎﻩ
ﻟﺤﻴﻦ . ﺣﺠﺘﻬﺎ ﺑﺼﻮﺕ ﻧﺎﺻﻲ ﺣﺘﺊ ﺣﻠﻜﻬﺎ ﻣﺎﻳﺘﺤﺮﻙ ﻭﺍﻟﻠﻪ ﻋﺪﻫﺎ ﺳﻮﺍﻟﻒ ﺍﺗﺨﺮﺏ ﺿﺤﻚ
ﺍﺑﺎﻭﻉ ﺷﻴﻤﺎﺀ ﺍﻟﻮﺟﻪ ﺍﻧﻄﻌﻦ ﺍﺣﻤﺮ ﻣﻦ ﺍﻟﻔﺸﻠﻪ
ﻭﺍﻟﻠﻪ ﺳﻴﺎﺩﺓ ﺍﻟﻨﻘﻴﺐ ﺑﺎﻟﻔﺸﻼﺕ ﻣﺤﺪ ﻳﻠﺤﮕﻪ ﺍﺳﺄﻝ ﻣﺠﺮﺏ ﻭﻻﺗﺴﺄﻝ ﺣﻜﻴﻢ ﻫﻬﻬﻬﻬﻬﻬﻪ
ﺻﺎﺭﺕ ﺍﻟﻤﻨﺎﺭﺓ ﻛﺪﺍﻣﻲ ﻭﺍﻟﺮﺍﻳﻪ ﺗﻬﻒ ﻣﻦ ﺑﻌﻴﺪ
ﺻﺮﺕ ﺍﺑﺎﻭﻋﻠﻬﺎ ﻭﺍﺣﺠﻲ ﺑﮕﻠﺒﻲ ﺑﺲ ﺩﻣﻮﻋﻲ ﺗﺠﺮﻱ
ﮔﺘﻠﻪ ﺩﺧﻴﻠﻚ ﻳﺎﺳﻴﺪﻱ . ﻭﻣﻮﻻﻱ ﺍﺑﺎ ﻋﺒﺪﺍﻟﻠﻪ ﺍﻧﻲ ﻳﺘﻴﻤﻪ ﻣﻦ ﺍﻳﺘﺎﻡ ﺍﺑﻮ ﺍﻟﺤﺴﻦ ﻋﻠﻲ ﻭﺟﺎﻳﺘﻚ ﺍﻟﻴﻮﻡ ﺍﺭﻳﺪﻙ ﺗﺮﻳﺢ ﺑﺎﻟﻲ
ﻭﺍﻟﻠﻪ ﻳﺎﺳﺪﻱ ﻣﺎﻧﺎﻳﻤﻪ ﻭﻻﺷﺎﻳﻔﻪ ﺍﻟﻨﻮﻡ ﺑﻠﻴﻞ ﺍﺗﻤﻨﺊ ﺍﻧﺎﻡ ﺑﺪﻭﻥ ﻣﺎﻳﻤﺮ ﺍﺑﺎﻟﻲ ﻛﺎﺑﻮﺱ ﻣﻮﺗﺖ ﺍﻫﻠﻲ ﻭﺍﮔﻌﺪ ﻣﺮﻋﻮﺑﻪ
ﺳﻴﺪﻱ ﺍﺑﺎ ﻋﺒﺪﻟﻠﻪ ﺍﻧﻲ ﺗﻌﺒﺎﻧﻪ ﺑﺤﻴﺎﺗﻲ ﻭﺍﺣﺲ ﺭﻭﺣﻲ ﺭﺍﺡ ﺍﺗﺨﺒﻞ ﻣﻦ ﺷﺪﺓ ﻣﺼﻴﺒﺘﻲ ﺳﺎﻋﺪﻧﻲ ﺑﺠﺎﻫﻚ ﻋﻨﺪ ﺭﺏ ﺍﻟﻌﺎﻟﻤﻴﻦ ﺍﻣﺸﻲ ﻋﻠﻴﻚ ﺍﺑﻮﻙ ﺍﺑﻮ ﺍﻟﺤﺴﻦ ﻭﺍﺣﻠﻔﻚ ﺑﻈﻠﻊ ﺍﻣﻚ ﺍﻟﺰﻫﺮﺓ ﻋﻠﻴﻬﻢ ﺍﻟﺴﻼﻡ
ﻛﻨﺖ ﺍﺣﺠﻲ ﺑﻌﺒﺮﺓ ﻭﺩﻣﻮﻉ ﻛﺎﻧﻪ ﻣﺎﻛﻮ ﺍﺣﺪ ﮔﺪﺍﻣﻲ ﻋﺒﺎﻟﻚ ﺟﺎﻱ ﺍﺷﻮﻑ ﺍﻻﻣﺎﻡ ﻭﺍﮔﻒ ﻭﻳﺴﻤﻌﻨﻲ ﻣﻦ ﺍﺣﺠﻲ ﻭﻳﺎﻩ
ﺩﺧﻠﻨﻪ ﻟﻠﺘﻔﺘﻴﺶ ﻭﺑﻌﺪﻳﻦ ﺩﺧﻠﻨﻪ ﻟﻠﺤﻀﺮﺓ
ﺍﺑﺎﻭﻉ ﺍﻟﺸﺒﺎﻙ ﺻﺎﻳﺮ ﺍﺯﺩﺣﺎﻡ ﻧﺎﺱ ﻓﻮﮒ ﻧﺎﺱ
ﺑﺎﻭﻋﺖ ﻟﻠﺸﺒﺎﻙ ﺑﻨﻈﺮﺓ ﻳﺘﻴﻢ
ﻭﮔﺘﻠﻪ ﺳﻴﺪﻱ ﻣﺘﻌﻨﻴﻪ ﻣﻦ ﻃﺮﻳﻖ ﻃﻮﻳﻞ
ﺻﺪﮒ ﺍﻭﺻﻞ ﻳﻤﻚ ﻭﻣﺎﻟﻮﺡ ﺷﺒﺎﻛﻚ ﻭﺍﻃﻠﺐ ﻣﺮﺍﺩﻱ ??
ﺻﺎﺭ ﻣﺪﺍﻓﻊ ﻗﻮﻳﻲ ﮔﻠﺖ ﺍﺧﺘﻨﮕﺖ ﻻﻥ ﻫﻮﺍﻱ ﻧﺴﻮﺍﻥ
ﺑﺲ ﻣﺎﻟﮕﻴﺖ ﺭﻭﺣﻲ ﻏﻴﺮ ﺣﺎﺿﻨﻪ ﺍﻟﺸﺒﺎﻙ ﺷﺠﺎﺑﻨﻲ ﻭﺷﻮﺻﻠﻨﻲ ﻟﻬﻨﺎ ﻣﺎﺍﺩﺭﻱ
ﻓﻮﺗﺖ ﺍﺻﺎﺑﻴﻌﻲ ﺑﺎﻟﺸﺒﺎﻙ ﺣﻀﻨﺘﻪ ﻭﺑﺠﻴﺖ ﺑﻘﻬﺮ
ﻭﺻﺤﺖ ﺑﺼﻮﺕ ﻣﺨﻨﻮﮒ
ﺳﻴﺪﺩﺩﻱ ﺟﺎﺍﺭﺕ ﺍﻟﺪﻧﻴﻪ ﻋﻠﻴﻴﻪ
ﻭﺍﺧﺬﺫﺕ ﻣﻨﻴﻴﻲ ﻛﻠﺸﺸﻲ ﺣﻠﻮﻭ ﻣﻦ ﺯﻏﺮﺭﺭﻱ
ﺻﺮﺕ ﺍﺣﺴﺪ ﺍﻟﻌﺪﻫﺎ ﺍﻫﻞ ﻭﺗﺤﺠﻲ ﺑﻴﻬﻢ
ﺳﻴﺪﻱ ﻣﻦ ﺩﻭﻥ ﺍﻟﺒﺤﻠﻲ ﺍﻧﻲ ﻣﻬﻀﻮﻣﻪ ﻭﺩﻣﻮﻋﻲ ﻣﻦ ﻳﻮﻡ ﻓﮕﺪﻫﻢ ﻣﺎﻧﺸﻔﺖ
ﺣﺴﻴﺖ ﻣﺮﺓ ﺩﮔﺘﻨﻲ ﻋﻠﺊ ﻣﺘﻮﻧﻲ ﻋﻠﺊ ﻛﻴﻒ ﻭﮔﺎﻟﺖ ﺍﻧﺸﺄﺀﺍﻟﻠﻪ ﺍﻧﻄﺎﺝ ﻣﺮﺍﺩﺝ ﺑﻨﻴﺘﻲ
ﻧﻔﺲ ﺍﻟﺪﻓﻌﻪ ﺍﺟﺘﻨﻲ ﺍﻟﺤﺪ ﻣﺎﺻﺮﺭﺕ ﺑﻌﻴﺪﺓ ﻋﻦ ﺍﻟﺸﺒﺎﻙ
ﺍﺣﺲ ﺭﻭﺣﻲ ﻫﺪﺋﺖ ﻭﺍﺭﺗﺎﺣﻴﺖ ﻛﺎﻧﻪ ﻣﺎﻱ ﺑﺎﺭﺩ ﻧﺰﻝ ﻋﻠﺊ ﮔﻠﺒﻲ
ﻋﺪﻟﺖ ﺣﺠﺎﺑﻲ ﻭﻋﺒﺎﺗﻲ ﺍﻟﺘﺒﻬﺬﻟﻦ ﻣﻦ ﺍﻟﻤﺪﺍﻓﻊ
ﻭﺟﺎﻥ ﺍﻧﺘﺒﻪ ﺍﻳﺪﻱ ﺑﻴﻬﺎ ﺷﺨﻂ ﻟﻮﻥ ﺑﺮﺗﻘﺎﻟﻲ ﺧﻔﻴﻒ
ﺻﺎﻓﻨﻪ ﺑﻴﺪﻱ ﻭﻣﺎﺍﻋﺮﻑ ﻣﻨﻴﻦ ﺍﺟﺎﻧﻲ ﻫﺬﺍ ﺍﻟﻠﻮﻥ
ﺍﻡ ﺣﺴﻴﻦ ﺻﺎﺭﺕ ﺑﺼﻔﻲ ﻭﮔﺎﻟﺖ ﻣﻘﺒﻮﻟﻪ ﺍﻟﺰﻳﺎﺭﺓ
ﺳﺎﻟﺘﻬﺎ ﻉ ﺍﻟﺼﺒﻎ ﺍﻟﺒﻴﺪﻱ ﻭﻫﻲ ﺑﺴﺮﻋﻪ ﺻﻠﺖ ﻋﻠﺊ ﻣﺤﻤﺪ ﻭﮔﺎﻟﺖ ﻫﺎﻱ ﺣﻨﻪ ﻣﻦ ﺣﻨﻪ ﺍﻟﺰﻫﺮﺍﺀ ﻋﻠﻴﻬﺎ ﺍﻟﺴﻼﻡ ﺍﻧﺸﺎﺀﺍﻟﻠﻪ ﺍﻧﻄﺎﺝ ﻣﺮﺍﺩﺝ ﺍﺑﻮ ﺍﻟﺴﺠﺎﺩ
ﺍﻟﻨﺴﻮﺍﻥ ﻣﻦ ﺳﻤﻌﺖ ﺍﻡ ﺣﺴﻴﻦ ﺗﺤﺠﻲ ﺍﺟﺖ ﻳﻤﻲ ﻳﺸﻮﻓﻦ ﺍﻳﺪﻱ ﻭﻳﺼﻠﻦ ﻋﻠﺊ ﻣﺤﻤﺪ
ﺍﻡ ﺣﺴﻴﻦ،،ﺗﻌﺎﻱ ﻳﻤﻪ ﺧﻞ ﻧﺴﺄﻝ ﺍﻟﮕﻮﺍﻡ ﻣﺎﻝ ﺍﻟﺤﻀﺮﺓ
ﻭﻓﻌﻼ ﻣﻦ ﺷﺎﻓﻬﺎ ﺍﻟﺴﻴﺪ ﮔﺎﻝ ﻫﺎﻱ ﻛﺮﺍﻣﺎﺕ ﺍﻫﻞ ﺍﻟﺒﻴﺖ
ﻭﻫﺎﻱ ﻣﻮ ﺍﻭﻝ ﻣﺮﺓ ﺗﺼﻴﺮ ﻫﻮﺍﻱ ﻧﺎﺱ ﺗﺠﻲ ﺗﻄﻠﺐ ﻣﺮﺍﺩ ﻭﺗﻄﻠﻊ ﺑﻴﺪﻫﺎ ﺣﻨﻪ
ﻃﻮﻝ ﻣﺎﻫﻤﻪ ﻳﺤﺠﻮﻥ ﺍﻧﻲ ﺍﺣﺲ ﺭﻭﺣﻲ ﺛﻠﺠﺖ ﻭﺑﺮﺩﺕ ﻭﺍﺩﻳﻪ ﺗﺮﺟﻒ ﺧﻮﻑ ﻣﺪﺭﻱ ﺧﺸﻮﻉ ﻣﺪﺭﻱ ﺑﺮﺩ
ﻣﺎﺍﺩﺭﻱ ﺑﺸﻲ ﻛﻞ ﺍﻻﻋﺮﻓﻪ ﺍﻟﺠﻮ ﻣﻮ ﺑﺎﺭﺩ ﻭﺍﻧﻲ ﺍﺭﻋﺶ
ﻛﻤﻠﻨﻪ ﺍﻟﺰﻳﺎﺭﺓ ﻭﻃﻠﻌﻨﻪ ﻟﻠﻤﻜﺎﻥ ﺍﻻﺗﻔﻘﻨﻪ ﻧﻨﺠﻤﻊ ﺑﻲ ﻣﻦ ﺍﻧﻜﻤﻞ ﻟﮕﻴﻨﻪ ﺣﺴﻴﻦ ﻭﻋﻠﻲ ﻭﻣﺤﻤﺪ ﻳﻨﺘﻀﺮﻭﻥ
ﺍﻧﻲ ﻻﺯﻣﻪ ﺍﻳﺪﻱ ﻭﺻﺎﻓﻨﻪ ﻋﻠﻴﻬﺎ ﻭﻧﺴﺮﻳﻦ ﻻﺯﻣﻪ ﻋﺒﺎﺗﻲ ﺧﺎﻑ ﺍﺗﻴﻪ ﻣﻨﻬﻢ
ﻭﺻﻠﻨﻪ ﻳﻤﻬﻢ ﻭﺍﻡ ﺣﺴﻴﻦ ﺣﺠﺘﻠﻬﻢ ﺍﻟﺼﺎﺭ
ﺷﻴﻤﺎﺀ ﮔﺎﻟﺖ ﺷﻨﻮ ﺍﻟﺴﺎﻟﻔﻪ ﺣﻨﺘﻴﺶ ﻳﻤﻌﻮﺩﻳﻦ ﺍﻛﻴﺪ ﺍﻳﺪﻫﺎ ﻣﺼﺒﻮﻏﻪ ﺑﺸﻲ ﻭﻫﻲ ﻣﻮ ﻣﻨﺘﺒﻬﺎ
ﻧﺴﺮﻳﻦ،،ﺍﻧﻲ ﻣﺘﺎﻛﺪﺓ ﻫﺎﻱ ﺣﻨﻪ ﻻﻥ ﻟﺠﻴﻦ ﻳﺘﻴﻤﺔ ﻭﻓﻘﻴﺮﺓ ﻭﻣﺎﻋﺪﻫﺎ ﺧﺒﺎﺛﻪ ﻭﺣﻘﺪ
ﺣﺴﻴﺖ ﺍﻳﺪ ﺍﻧﺤﻄﺖ ﻋﻠﺊ ﺭﺍﺳﻲ
ﺍﻧﺘﺒﻬﺘﻠﻪ ﻛﺎﻥ ﻋﻠﻲ
ﻋﻠﻲ،،ﺍﺷﺒﻴﺞ ﻋﻤﻮ ﻟﻴﺶ ﺗﺮﺟﻔﻴﻦ ﺷﻨﻮ ﺑﺮﺩﺍﻧﻪ ?
ﻟﺠﻴﻦ،،ﻫﺰﻳﺖ ﺭﺍﺳﻲ ﺑﻤﻌﻨﺊ ﻻ ﻭﻟﺰﻣﺖ ﺍﻳﺪ ﻧﺴﺮﻳﻦ
ﺣﺴﻴﻦ، ﺧﻞ ﻧﺘﻐﺪﺓ ﻭﺑﻌﺪﻳﻦ ﺷﻮﻓﻮ ﺍﻟﻤﺤﻼﺕ ﺧﺎﻑ ﺗﺮﺩﻭﻥ ﺗﺸﺘﺮﻭﻥ ﺷﻲ
ﺩﺧﻠﻨﻪ ﻟﻠﻤﻄﻌﻢ ﻧﺘﻐﺪﺓ ﺑﺲ ﺍﻧﻲ ﻛﻞ ﺷﻮﻳﻪ ﺍﺑﺎﻭﻉ ﻟﻴﺪﻱ
ﺍﻡ ﺣﺴﻴﻦ، ،ﺍﺗﻐﺪﻱ ﺑﻨﻴﺘﻲ ﻻﺗﺼﻔﻨﻴﻦ
ﻟﺠﻴﻦ . ﻛﻤﻠﻨﻪ ﺍﻟﻐﺪﺓ ﻭﻃﻠﻌﻨﻪ ﻛﻠﻨﻪ ﻧﻤﺸﻲ ﺳﻮﺓ ﺷﻴﻤﺎﺀ ﻭﻻﻋﺒﺎﻟﻚ ﺍﺗﻔﺸﻠﺖ ﻣﻦ ﺍﺟﻴﻨﻪ ﺭﺟﻌﺖ ﺗﺘﻘﺮﺏ ﻣﻦ ﻋﻠﻲ
ﻭﻛﻞ ﺷﻮﻳﻪ ﺗﺸﻮﻑ ﺷﻐﻠﻪ ﺍﺗﮕﻠﻪ ﻧﺎﺧﺬﻫﺎ ﺍﻧﺤﻄﻬﺎ ﺑﻐﺮﻓﺘﻨﻪ ﺣﻠﻮﺓ ﻛﺎﻧﺖ ﺗﺤﺠﻲ ﺑﺼﻮﺕ ﻋﺎﻟﻲ
ﻧﺴﺮﻳﻦ، ،،ﻟﺠﻮﻧﻪ ﺷﻨﻮ ﺑﻨﻔﺴﺞ ﺍﺷﺘﺮﻱ ﺍﻣﺎﻧﺔ ﺍﻟﻠﻪ ﻟﺘﺴﺘﺤﻴﻦ ﺍﺑﺪ ﻭﻟﺞ ﺧﻠﻴﻨﻪ ﻧﺪﻟﻞ ﻋﻠﻴﻬﻢ ﺍﻟﻴﻮﻡ
ﻟﺠﻴﻦ،،ﺍﺑﺘﺴﻤﺖ ﺍﻟﻬﺎ ﮔﺘﻠﻬﺎ ﻻﺑﺎﺟﻲ ﻛﻠﺸﻲ ﻣﺎﻣﺤﺘﺎﺟﻪ ﺍﻧﺘﻮ ﻣﺎﻣﻘﺼﺮﻳﻦ ﻋﻨﻲ ﺑﺸﻲ
ﻋﻠﻲ ﻭﮔﻒ ﺍﻟﺘﻔﺘﻠﻲ ﻭﺭﺟﻊ ﻳﻤﺸﻲ ﺏ ﺍﺗﺠﺎﻫﻲ
ﻣﺪ ﺍﻳﺪﺓ ﻋﻠﺊ ﻣﺤﻔﻀﺘﻪ ﻃﻠﻌﻬﺎ ﻭﻃﻠﻊ ﺍﻓﻠﻮﺱ 100 ﺍﻟﻒ ﺍﻧﻄﺎﻧﻲ ﮔﺎﻝ ﺍﺷﺘﺮﻱ ﺍﻟﺘﺮﺩﻱ
ﮔﺘﻠﻪ ﻣﺸﻜﻮﺭ ﻋﻤﻮ ﻣﺎﺍﺭﻳﺪ ﻧﺴﺮﻳﻦ ﻣﻦ ﺷﺎﻓﺘﻨﻲ ﺭﻓﻀﺖ ﺍﻟﻔﻠﻮﺱ ﺍﺧﺬﺗﻬﻦ ﻣﻦ ﺍﻳﺪﺓ ﻭﮔﺎﻟﺖ ﻋﻮﻓﻬﺎ ﺧﻮﻳﻪ ﺍﻧﻲ ﺍﺷﺘﺮﻳﻠﻬﺎ
ﻭﺻﺪﮒ ﻫﻲ ﺍﺧﺘﺎﺭﺗﻠﻲ ﺍﺗﺮﺍﻛﺎﺕ ﺍﺛﻨﻴﻦ ﻭﺟﻨﻄﻪ ﻭﺑﻨﻄﺮﻭﻥ ﻭﻗﻤﻴﺺ ﻭﻛﻤﻠﺖ ﺑﺎﻗﻲ ﺍﻟﻔﻠﻮﺱ ﻣﻨﻬﺎ
ﺻﺎﺭﺕ ﺷﻨﻮ ﺗﺸﻮﻑ ﺷﻲ ﺑﻨﺎﺗﻲ ﻭﻳﻌﺠﺒﻬﺎ ﺗﺮﻛﺾ ﺗﺸﺘﺮﻱ ﺍﻟﻲ ﻣﺮﺍﺕ ﺍﺷﻮﻓﻬﺎ ﺗﻬﺘﻢ ﺑﻴﻪ ﺍﻛﺜﺮ ﻣﻦ ﺑﻨﺘﻬﺎ
ﺑﻌﺪ ﻣﺎ ﻛﻤﻠﻨﻪ ﺻﺎﺭﺕ ﺳﺎﻋﻪ 3 ﺍﻟﻌﺼﺮ ﺣﺴﻴﻦ ﮔﺎﻝ ﻫﻢ ﻳﻠﻪ ﻧﺮﺟﻊ ﻭﺭﺍﻧﻪ ﻃﺮﻳﻖ
ﻭﻫﻢ ﺭﺟﻌﺖ ﺻﻌﺪﺕ ﻭﻳﻪ ﻧﺴﺮﻳﻦ ﻭﻛﻞ ﺷﻮﻳﻪ ﻋﻠﻲ ﻳﺼﻴﺮ ﺑﺼﻔﻨﻪ ﻳﺒﺎﻭﻋﻠﻲ ﻭﻳﺮﺟﻊ ﻳﻜﻤﻞ ﻃﺮﻳﻘﻪ
ﻭﺻﻠﻨﻪ ﻟﻠﺒﻴﺖ ﺑﻠﻴﻞ ﻭﻛﻨﻪ ﻛﻠﺶ ﺗﻌﺒﺎﻧﻴﻦ ﺷﻴﻤﺎﺀ ﺭﺍﺡ ﻋﻠﻲ ﻭﺍﻣﻪ ﻳﻮﺻﻠﻮﻫﺎ ﻟﻬﻠﻬﺎ
ﻭﺍﻧﻲ ﻭﻧﺴﺮﻳﻦ ﺑﺪﻟﻨﻪ ﻭﺻﻠﻴﻨﻪ
ﻋﺸﻪ ﻋﻠﻲ ﺍﺷﺘﺮﺓ ﺟﺎﻫﺰ ﺍﻧﺘﻀﺮﻧﺎﻫﻢ ﻳﺮﺟﻌﻮﻥ ﺣﺘﺊ ﻧﺘﻌﺸﺊ ﺳﻮﻩ
ﺭﺟﻌﻮ ﻫﻮ ﻭﺍﻡ ﺣﺴﻴﻦ ﺻﻌﺪ ﺍﻟﻐﺮﻓﺘﻪ ﻭﮔﺎﻝ ﺍﻧﺘﻢ ﺍﺗﻌﺸﻮ ﺍﻧﻲ ﻣﻮﺟﻮﻋﺎﻥ
ﻛﻤﻠﻨﻪ ﻭﻏﺴﻠﻨﻪ ﺍﻟﻤﻮﺍﻋﻴﻦ ﺍﻧﻲ ﻭﻧﺴﺮﻳﻦ ﺑﺲ ﺭﺟﻠﻴﻨﻪ ﺧﻴﻮﻁ ﻣﻦ ﺍﻟﺘﻌﺐ ﻣﺎﺻﺪﻛﻨﻪ ﺍﻧﻜﻤﻞ ﻭﻛﻠﻤﻦ ﻳﺮﻭﺡ ﺍﻟﻐﺮﻓﺘﻪ ﻳﻨﺎﻡ
ﻭﺑﻴﻮﻣﻬﺎ ﻧﻤﺖ ﻭﻻﻭﻝ ﻣﺮﺓ ﺑﻌﺪ ﻭﻓﺎﺓ ﺍﻫﻠﻲ ﺍﻧﺎﻡ ﺑﺪﻭﻥ ﻣﺎﺍﻓﺰ ﻣﺎﺻﺤﻴﺖ ﻏﻴﺮ ﺳﺎﻋﻪ 10 ﺍﻟﺼﺒﺢ
ﻣﺮﺕ ﺍﻻﻳﺎﻡ ﻭﺭﺟﻊ ﻋﻠﻲ ﻳﻬﺘﻢ ﺑﻴﻪ ﺍﻛﺜﺮ ﻣﻦ ﺍﻻﺯﻡ ﺩﺍﺋﻤﺎ ﻳﻨﻄﻲ ﺍﻣﻪ ﺍﻓﻠﻮﺱ ﺍﻳﻜﻠﻬﺎ ﻟﺘﺨﻠﻴﻬﺎ ﺗﺤﺘﺎﺝ ﺷﻲ
ﻭﻣﻦ ﻳﺮﺟﻊ ﻣﻦ ﺍﻟﺪﻭﻡ ﻳﻮﻣﻴﻪ ﻻﺯﻡ ﻳﺠﻴﺐ ﻭﻳﺎﻩ ﻋﻼﻛﺘﻴﻦ ﺣﻠﻮﻳﺎﺕ ﻭﻧﺴﺎﺗﻞ ﻭﻋﺼﺎﻳﺮ ﻭﺣﺪﺓ ﺍﻟﻲ ﻭﺍﻟﺜﺎﻧﻴﻪ ﺍﻟﺠﻬﺎﻝ ﻧﺴﺮﻳﻦ
ﻣﺮﺍﺕ ﻧﺸﻮﻑ ﺍﻻﻫﺘﻤﺎﻡ ﺑﺎﻟﺘﻌﺎﻣﻞ ﻭﺍﻟﺘﺼﺮﻓﺎﺕ ﻣﻮ ﺷﺮﻁ ﺍﻟﺸﺨﺺ ﺍﻟﻤﻘﺎﺑﻴﻠﻚ ﻳﺒﻴﻨﻠﻚ ﺍﻫﺘﻤﺎﻣﻪ ﺑﺎﻟﻤﺸﺘﺮﺓ ﻭﺍﻟﻄﻠﻌﻪ
ﻳﻮﻡ ﺑﻌﺪ ﻳﻮﻡ ﺻﺮﺕ ﺍﺗﻌﻠﻖ ﺑﻌﻠﻲ ﺍﻛﺜﺮ ﻭﺍﻻﻛﻴﺪ ﺣﺒﻴﺘﻪ ﻣﻮ ﺑﺲ ﺗﻌﻠﻘﺖ ﺑﻲ
ﻓﻜﺮﺓ ﻳﺘﺰﻭﺝ ﺷﻴﻤﺎﺀ ﻭﻳﻬﺘﻢ ﺑﻴﻬﺎ ﻭﻳﻌﻮﻓﻨﻲ ﺗﺮﻋﺒﻨﻲ ﻫﺎﻱ ﺍﻟﻔﻜﺮﺓ
ﺻﺮﺕ ﺍﺭﻳﺪﺓ ﺍﻟﻲ ﻭﺑﺲ ﻣﺎﺍﺗﺨﻴﻞ ﺣﻴﺎﺗﻲ ﺑﺪﻭﻥ ﻋﻠﻲ
ﻣﺮﺍﺕ ﺍﺷﻮﻓﻪ ﻣﻦ ﻧﻀﺮﺍﺗﻪ ﻳﺒﺎﺩﻟﻨﻲ ﻧﻔﺲ ﺍﻟﻤﺸﺎﻋﺮ ﻭﻣﺮﺍﺕ ﻳﺒﻴﻦ ﻋﻜﺲ ﻫﻠﺸﻲ
ﺍﻧﺘﻬﺖ ﺍﻟﻌﻄﻠﻪ ﻭﺭﺍﺡ ﻳﺒﺪﻱ ﺍﻟﺪﻭﺍﻡ ﻭﻫﺎﻱ ﺍﻟﺴﻨﻪ ﻋﻤﺮﻱ ﺻﺎﺭ 16 ﻭﺍﻧﺘﻘﻠﺖ ﺍﻟﻤﺮﺣﻠﻪ ﺟﺪﻳﺪﺓ ﺻﺮﺕ ﺻﻒ ﺛﺎﻧﻲ ﻣﺘﻮﺳﻂ ﺩﺭﺟﺎﺗﻲ ﻛﻠﻬﺎ ﻋﺎﻟﻴﻪ ﺑﺲ ﺍﻟﺮﻳﺎﺿﻴﺎﺕ 58
ﻛﻨﺖ ﻓﺮﺣﺎﻧﻪ ﺍﻟﻤﻬﻢ ﻧﺠﺤﺖ
ﺑﻌﺪ ﺷﻬﺮﻳﻦ ﺯﻭﺍﺝ ﻋﻠﻲ ﻭﻫﻠﻪ ﻓﺮﺣﺎﻧﻴﻦ
ﺑﺲ ﺍﻧﻲ ﻛﻨﺖ ﺍﻣﻮﺕ ﻣﻦ ﺍﻟﻘﻬﺮ ﻭﺍﻟﺸﺨﺺ ﺍﻟﻮﺣﻴﺪ ﺍﻟﻴﺤﺲ ﺑﻴﻪ ﻧﺴﺮﻳﻦ ﻻﻥ ﻛﺸﻔﺘﻨﻲ ﻣﻦ ﻧﻀﺮﺍﺗﻲ ﺍﻟﻌﻠﻲ
ﺑﺪﺕ ﺍﻡ ﺣﺴﻴﻦ ﺑﺘﺠﻬﻴﺰ ﻏﺮﻓﺔ ﺍﺑﻨﻬﺎ ﻭﻣﻦ ﺳﺎﻟﺖ ﻋﻠﻲ ﻋﻠﺊ ﻏﺮﻓﺔ ﺍﻟﺨﺸﺎﺏ
ﻋﻠﻲ،،ﺑﻜﻴﻔﺞ ﺣﺠﻴﻪ ﺍﻧﺘﻲ ﻭﺍﺑﻮ ﻛﻮﺛﺮ ﺭﻭﺣﻮ ﺍﺷﺘﺮﻭﻫﺎ
ﺍﻡ ﺣﺴﻴﻦ،،ﻳﺎﺍﺍ ﻳﻤﻪ ﻫﻮ ﻣﻨﻮ ﺍﻟﻌﺮﻳﺲ ﺍﻧﺘﻪ ﻟﻮ ﺣﺴﻴﻦ ?
ﻓﺸﻠﻪ ﻣﻦ ﻋﻤﺘﻚ ﻻﺯﻡ ﺍﻧﺘﻪ ﻭﺷﻴﻤﺎﺀ ﺗﺮﺣﻮﻥ ﺗﺨﺘﺎﺭﻭﻥ ﺍﻟﻐﺮﻓﻪ ﺍﻧﺘﻪ ﻭﻣﺮﺗﻚ ﺗﻨﺎﻣﻮﻥ ﺑﻴﻬﺎ ﻣﻮ ﺍﺣﻨﻪ
ﻟﺠﻴﻦ، ﺍﺗﻤﺮﺿﺖ ﻭﻧﻤﺖ ﺑﺎﻟﻔﺮﺍﺵ ﺣﺮﺍﺭﺗﻲ ﺍﺭﺗﻔﻌﺖ
ﺩﺧﻠﺖ ﻧﺴﺮﻳﻦ ﻛﺎﻟﺖ ﻛﻮﻣﻲ ﺧﻞ ﻧﺎﺧﺬﺝ ﻟﻠﻤﺴﺘﺸﻔﺊ ﻭﺟﻬﺞ ﺍﺣﻤﺮ ﻣﻦ ﺍﻟﺼﺨﻮﻧﻪ
ﺟﺎﻭﺑﺘﻬﺎ ﻭﺍﻟﺪﻣﻌﻪ ﺑﻄﺮﻑ ﻋﻴﻨﻲ ﮔﺘﻠﻬﺎ ﺑﺎﺟﻲ ﺧﺎﻳﻔﻪ ﻳﺘﺰﻭﺝ ﻭﺑﻌﺪ ﻣﺎﻳﻬﺘﻢ ﺑﻴﻪ
ﺍﻟﻤﺸﻜﻠﻪ ﺑﺪﻳﺖ ﺍﺣﺒﻪ ﻭﻻﻥ ﺍﺣﺒﻪ ﻣﺎﺍﺗﺤﻤﻞ ﻓﻜﺮﺓ ﺯﻭﺍﺟﻪ
ﻣﺎﻋﻨﺪﻱ ﺍﺣﺪ ﻏﻴﺮﺓ
ﻋﺎﺩ ﺷﻴﻤﺎﺀ ﻋﺪﻫﺎ ﺍﻡ ﻭﺍﺧﻮﺍﻥ ﻭﺍﻫﻞ ﺑﺲ ﺍﻧﻲ ﻣﻨﻮ ﺍﻟﻲ ??
ﺧﻠﻴﺖ ﺭﺍﺳﻲ ﺑﺤﻀﻨﻬﺎ ﻭﺻﺮﺕ ﺍﺑﺠﻲ ﺑﺤﺮﮔﻪ
ﻧﺴﺮﻳﻦ،،ﻻﺗﺤﺠﻴﻦ ﻫﻴﺞ ﻳﻌﻤﺮﻱ ﺗﺪﺭﻳﻦ ﻭﺍﻟﻠﻪ ﻟﻮ ﻣﺎﻋﻤﺘﻲ ﺧﻄﺒﺖ ﺷﻴﻤﺎﺀ ﺍﻟﻌﻠﻲ ﻣﺴﺘﺤﻴﻞ ﻳﻔﻜﺮ ﺑﺎﻟﺰﻭﺍﺝ
ﺗﺮﺓ ﺣﺘﺊ ﻫﻮ ﻣﺎ ﻓﺮﺣﺎﻥ ﺑﻌﺮﺳﻪ ﺩﻭﻡ ﺿﺎﻳﺞ ﻭﻣﻬﻤﻮﻡ
ﺗﺮﺓ ﻫﻮ ﺳﻤﻊ ﺑﻴﺞ ﻣﺮﻳﻀﻪ ﻭﺩﺯﻧﻲ ﻋﻠﻴﺞ ﻛﺎﻝ ﺧﻞ ﺍﺧﺬﻫﺎ ﻟﻠﻤﺴﺸﻔﺊ
ﻟﺠﻴﻦ،،ﻣﺎﺭﻭﺡ ﺑﺎﺟﻲ ﻛﻠﺸﻲ ﻣﺎﺑﻴﻪ
ﻧﺴﺮﻳﻦ،،ﻭﻫﺎﻱ ﺍﻟﺼﺨﻮﻧﻪ ﺷﻨﻮ ??
ﻟﺠﻴﻦ،،ﺍﺫﺍ ﺣﺴﻴﺖ ﻧﻔﺴﻲ ﺍﺩﻫﻮﺭﺕ ﺣﺎﻟﺘﻲ ﺍﻧﻲ ﺑﻠﺴﺎﻧﻲ ﺍﻃﻠﺐ ﻣﻨﻜﻢ ﺗﺎﺧﺬﻭﻧﻲ ﻟﻠﺪﻛﺘﻮﺭ ﺑﺲ ﻫﺴﻪ ﻛﻠﺸﻲ ﻣﺎﺑﻴﻪ
ﻋﺎﻓﺘﻨﻲ ﻭﻃﻠﻌﺖ ﺑﺲ ﺍﺣﺲ ﺭﻭﺣﻲ ﻛﻮﺓ ﺍﻓﺘﺢ ﻋﻴﻮﻧﻲ
ﺑﻌﺪﺓ ﻣﺎﺍﺗﺰﻭﺝ ﻭﻫﻴﺞ ﺻﺎﺭﺕ ﺣﺎﻟﺘﻲ
ﻟﻌﺪ ﻣﻦ ﻳﺘﺰﻭﺝ ﺷﻴﺼﻴﺮ ﺑﻴﻪ
ﺩﻓﻌﺖ ﺍﻟﻐﻄﻪ ﻭﺍﺳﺘﻨﺪﺕ ﻉ ﺍﻟﺤﺎﻳﻂ ﺍﻟﺪﻭﺧﻪ ﻻﺯﻣﺘﻨﻲ
ﺑﺎﻭﻋﺖ ﻟﻠﺴﺎﻋﻪ ﺟﺎﻧﺖ ﺏ 12 ﺑﻠﻴﻞ
ﺻﻌﺪﺕ ﻟﻠﻄﺎﺑﻖ ﺍﻟﺜﺎﻧﻲ ﻭﮔﻔﺖ ﺍﺑﺎﺏ ﻏﺮﻓﺘﻪ ﺩﮔﻴﺖ ﺍﻟﺒﺎﺏ
ﻭﺍﻧﺘﺠﻴﺖ ﺑﻀﻬﺮﻱ ﻉ ﺍﻟﺤﺎﻳﻂ ﻣﺎﺍﮔﺪﺭ ﺍﻭﮔﻒ
ﺍﻧﻔﺘﺢ ﺍﻟﺒﺎﺏ ﻭﻛﺎﻥ ﻻﺑﺲ ﺑﺠﺎﻣﻪ ﻭﻓﺎﻟﻴﻨﻪ ﻣﻦ ﺷﺎﻓﻨﻲ ﺍﺗﺴﻌﺖ ﻋﻴﻮﻧﻪ ﻣﺘﻔﺎﺟﺊ
ﻋﻠﻲ،،ﻟﺠﻴﻦ ﺷﺼﻌﺪﺝ ﻭﺟﻬﺞ ﺍﺣﻤﺮ ﺑﻌﺪﺝ ﻣﺼﺨﻨﻨﻪ ??
ﻟﺠﻴﻦ،،ﺑﻘﻴﺖ ﺍﺑﺎﻭﻉ ﺑﻌﻴﻮﻧﻪ ﻣﺎﻟﮕﻴﺖ ﻧﻔﺴﻲ ﻏﻴﺮ ﺷﺎﻣﺮﺓ ﺭﻭﺣﻲ ﺑﺤﻀﻨﻪ ﺧﺎﻳﻔﻪ ﻳﻌﻮﻓﻨﻲ
ﺣﺎﻭﻃﻨﻲ ﺑﺜﻨﻴﻦ ﺍﺩﻱ ﺑﻘﻮﺓ ﻭﺍﻧﻲ ﺩﺍﻓﻨﻪ ﻭﺟﻬﻲ ﺑﺼﺪﺭﺓ ﻭﺍﺑﺠﻲ
ﺭﻓﻌﺖ ﺭﺍﺳﻲ ﺍﻟﻪ ﺑﺎﻭﻋﺘﻠﻪ ﺑﻨﻀﺮﺓ ﻗﻬﺮ ﻭﺣﺰﻥ
ﮔﺘﻠﻪ
ﻋﻠﻲ ﺍﺣﺒﻚ
ﻳﺘﺘﺘﺘﺒﻊ
