#النقيب_أبودرع_والقاصر
⭐⭐⭐
علي الفتلاوي
#بارت٢٠
ﺍﻟﺴﻼﻡ ﻋﻠﻴﻜﻢ
ﺗﺪﺭﻭﻥ ﺑﻴﻪ ﻣﺎﻳﻨﻄﻴﻨﻲ ﮔﻠﺒﻲ ﺍﺗﺮﻛﻢ ﺑﺪﻭﻥ ﺑﺎﺭﺕ
ﻛﺘﺒﺖ ﺍﻻﺣﺪﺍﺙ ﺑﺴﺮﻋﻪ ﺍﻧﺘﻮ ﺗﺪﺭﻭﻥ ﺍﻃﻠﻊ ﻣﻦ ﺍﻟﺼﺒﺢ ﺍﺭﺟﻊ ﺍﻟﻤﻐﺮﺏ ﻭﺍﺑﺪﻱ ﺍﻛﺘﺒﻠﻜﻢ ﺑﺎﺭﺕ ﻭﺭﺑﻲ ﺣﺘﺊ ﺑﻌﺪﻧﻲ ﺑﺪﻭﻥ ﻋﺸﻪ
ﺍﺫﺍ ﺍﻛﻮ ﺳﺤﮓ ﻏﻠﺴﻮ ﺍﻟﻤﻬﻢ ﺍﻟﺰﺑﺪﺓ 😁
ﻟﺠﻴﻦ،،ﺟﻨﺖ ﻓﺮﺣﺎﻧﻪ ﻭﺍﻧﻲ ﺍﺷﻮﻑ ﺍﻣﻲ ﻭﺍﺑﻮﻱ ﮔﺎﻋﺪﻳﻦ ﻳﻢ ﺭﺍﺳﻲ ﻣﺎﺍﻣﺼﺪﮔﻪ ﻭﺍﺧﻴﺮﺍ ﺷﻔﺘﻬﻢ
ﺑﺎﻭﻋﺖ ﻋﻠﺊ ﺭﺟﻠﻴﻪ ﺷﻔﺖ ﻛﺮﺍﺭ ﻭﺭﻫﻮﻓﻪ ﮔﺎﻋﺪﻳﻦ
ﺣﻄﻴﺖ ﺭﺍﺳﻲ ﺑﺤﻀﻦ ﺍﻣﻲ ﻫﺬﺍ ﺍﻟﻤﻜﺎﻥ ﺍﻟﻮﺣﻴﺪ ﺍﻟﻤﺤﺘﺎﺟﺘﻪ ﺑﺎﻟﻜﻮﻥ ﻛﻠﻪ
ﺻﺮﺕ ﺍﺑﺠﻲ ﺑﺤﺮﮔﻪ ﻭﺍﻋﺎﺗﺒﻬﻢ ﻟﻴﺶ ﺭﺣﺘﻮ ﻭﻣﺎﺍﺧﺬﺗﻮﻧﻲ ﻭﻳﺎﻛﻢ ﺻﺮﺕ ﻛﻞ ﺷﻮﻳﻪ ﺍﺣﻀﻦ ﻭﺍﺣﺪ ﻣﻨﻬﻢ ﻭﺍﺷﻤﻪ ﺑﻘﻬﺮ
ﺑﺎﻭﻋﺖ ﺍﻟﻜﺮﺍﺭ ﺍﺗﻌﺠﺒﺖ ﺑﺸﻜﻠﻪ ﮔﺘﻠﻪ ﻛﺮﻭﺭﻱ ﺻﺎﻳﺮ ﺍﺗﺨﺒﻞ ﻣﻦ ﺷﻔﺘﻚ ﺑﺎﻟﺴﺠﻦ ﺟﻨﺖ ﺗﻌﺒﺎﻥ ﻭﺿﻌﻔﺎﻥ ﻫﺴﻪ ﻭﺟﻬﻚ ﺣﻠﻮ
ﻣﺎﺣﭽﺊ ﻭﻳﺎﻱ ﺍﺑﺪ ﻛﻠﻬﻢ ﺳﺎﻛﺘﻴﻦ ﺭﺟﻌﺖ ﻝ ﺍﻣﻲ ﺍﺳﺎﻟﻬﺎ ﻳﻮﻡ ﻟﻴﺶ ﻣﺎﻳﺤﺠﻮﻥ ﺍﺧﺬﻭﻧﻲ ﻭﻳﺎﻛﻢ ﻻﺗﻌﻮﻓﻮﻧﻲ ﺑﻌﺪ
ﻟﻤﺘﻨﻲ ﺍﻟﺤﻀﻨﻬﺎ ﺣﻴﻞ ﺻﺮﺕ ﺍﺷﻢ ﺭﻳﺤﺖ ﺻﺪﺭﻫﺎ
ﻭﺍﺣﺲ ﺑﺤﻨﻴﺘﻬﺎ
ﮔﺎﻟﺖ ﺑﻨﻴﺘﻲ ﺍﺣﻨﻪ ﻣﺎﻋﺎﻳﻔﻴﺞ ﺩﻭﻭﻡ ﻭﻳﺎﺝ
ﺍﻧﻔﺘﺢ ﺍﻟﺒﺎﺏ ﻭﻃﻠﻊ ﺍﺑﻮﻱ ﻭﻛﺮﺍﺭ ﻭﺭﻫﻒ ﻭﺍﻣﻲ ﮔﺎﻣﺖ ﺗﺮﻳﺪ ﺗﻠﺤﮕﻬﻢ ﻭﺍﻧﻲ ﻣﻜﻤﺸﻪ ﺑﻴﺪﻫﺎ ﺻﺮﺕ ﺍﺑﺠﻲ ﺑﺲ ﺍﺣﺲ ﺭﻭﺣﻲ ﻣﺸﻠﻮﻟﻪ ﻣﺎﺍﮔﺪﺭ ﺍﮔﻮﻡ ﺍﺭﻛﺾ ﻭﺭﺍﻫﻢ
ﺻﺮﺕ ﺍﺳﻤﻊ ﺻﻮﺕ . ﻳﺼﻴﺢ ﺑﺄﺳﻤﻲ ﻭﺿﻮﺉ ﻗﻮﻱ ﺑﻌﻴﻮﻧﻲ
ﺑﺪﻳﺖ ﺍﻓﺘﺢ ﻋﻴﻮﻧﻲ ﺑﺘﻌﺐ ﺍﺑﺎﻭﻉ ﺍﻣﻲ ﺑﻌﺪﻫﺎ ﮔﺎﻋﺪﺓ ﻳﻢ ﺭﺍﺳﻲ ﺗﻤﺴﺢ ﺑﮕﺼﺘﻲ
ﺩﻗﻴﻘﻪ ﻫﺎﻱ ﻣﻮ ﺍﻣﻲ ﺻﺮﺕ ﺷﻮﻳﻪ ﺷﻮﻳﻪ ﺗﺘﻀﺢ ﺍﻟﺮﺅﻳﺎ ﻋﻨﺪﻱ ﻫﺎﻱ ﻧﺴﺮﻳﻦ ﺍﻟﮕﺎﻋﺪﺓ ﻳﻢ ﺭﺍﺳﻲ
ﻓﺰﻳﺖ ﺍﺭﻳﺪ ﺍﻧﻬﺾ ﺟﺴﻤﻲ ﻛﻠﻪ ﺛﮕﻼﻥ
ﺍﺣﺲ ﺑﺲ ﻋﻴﻮﻧﻲ ﻳﺘﺤﺮﻛﻦ ﻭﺭﻳﮕﻲ ﻳﺎﺑﺲ ﻣﻦ ﺍﻟﻌﻄﺶ
ﮔﻮﺓ ﻃﻠﻌﺖ ﻣﻨﻲ ﻛﻠﻤﺔ ﻭﻳﻦ ﺍﻣﻲ ??
ﻧﺴﺮﻳﻦ ﺗﺒﺠﻲ ﻳﻢ ﺭﺍﺳﻲ ﻭﺧﺎﻟﻲ ﺑﺎﺳﻨﻲ ﺑﮕﺼﺘﻲ
ﺍﺳﻤﻊ ﺻﻮﺕ ﺍﻡ ﺣﺴﻴﻦ ﻭﺣﺴﻴﻦ ﻭﻋﻠﻲ ﻛﻠﻬﻢ ﻳﻤﻲ
ﻫﻮﺍﻱ ﺍﺻﻮﺍﺕ ﺑﺲ ﺷﻜﻠﻬﻢ ﻣﺎﻭﺍﺿﺢ
ﺷﻮﻳﻪ ﻭﻫﺎﺝ ﻋﻨﺪﻱ ﺃﻟﻢ ﻣﻮﻃﺒﻴﻌﻲ ﺍﺫﻛﺮ ﺟﻨﺖ ﺍﺻﻴﺢ ﻳﻤﻤﻪ ﺍﻟﺤﮕﻴﻨﻲ
ﺳﻤﻌﺖ ﺻﻮﺕ ﻧﺴﺮﻳﻦ ﺗﻄﻠﺐ ﻣﻦ ﻋﻠﻲ ﻳﮕﻠﻬﻢ ﻳﻨﻄﻮﻧﻲ ﺍﺑﺮﺓ ﻣﺴﻜﻦ ﺍﻟﻢ
ﺍﺣﺎﺟﻴﻬﺎ ﺍﮔﻠﻬﺎ ﺑﺎﺟﻲ ﺭﺍﺍﺡ ﺍﻣﻮﻭﺕ
ﺭﺟﻊ ﺧﺎﻟﻲ ﺟﺎﻭﺑﻬﺎ ﻣﺎﻳﺼﻴﺮ ﻳﻨﻄﻮﻧﻬﺎ ﺑﻌﺪ ﻣﺴﻜﻦ ﻻﺯﻡ ﺗﺼﺤﺊ ﻭﺑﻌﺪﻳﻦ ﺍﻻﺑﺮ
ﺍﻻﻟﻢ ﺻﺎﺭ ﻣﺎﻳﻨﻄﺎﻕ ﻭﺣﺪﺓ ﻣﻦ ﺍﺩﻳﻪ ﺍﺣﺲ ﺑﻴﻬﺎ ﻣﻴﺘﻪ
ﻭﺍﻟﺜﺎﻧﻴﻪ ﺭﻓﻌﺘﻬﺎ ﮔﻄﻌﺖ ﺷﻌﺮ ﺭﺍﺳﻲ ﻣﻦ ﺍﻟﻮﺟﻊ
ﺑﺪﻳﺖ ﺍﺷﻮﻓﻬﻢ ﻛﻠﻬﻢ ﻣﻠﺘﻤﻴﻦ ﻋﻠﺊ ﺭﺍﺳﻲ
ﻟﺰﻣﺖ ﺍﻳﺪ ﻋﻠﻲ ﺑﻴﺪﻱ ﺍﻟﺜﺎﻧﻴﻪ ﻭﮔﺘﻠﻪ ﺩﺧﻴﻠﻚ ﺍﻧﻲ ﺷﺒﺒﻴﻪ ??
ﺍﻟﻮﺟﻊ ﺯﺍﺩ ﮔﻤﺖ ﺍﺻﻴﺢ ﻋﻠﻠﻠﻲ ﺭﺍﺍﺡ ﺍﻣﻮﺕ
ﻋﻠﻲ،،ﺍﻟﺤﻤﺪﺍﻟﻠﻪ ﻋﻠﺊ ﺳﻼﻣﺘﺞ ﻳﺮﻭﺡ ﻋﻠﻲ ﺑﻨﻴﺘﻲ ﺍﺣﻨﻪ ﻧﺮﻳﺪﺝ ﺗﺼﺤﻴﻦ ﺍﺗﺤﻤﻠﻲ ﺷﻮﻳﻪ
ﺍﻟﺪﻛﺘﻮﺭ،،ﺑﺎﺑﺎ ﻟﺠﻴﻦ ﺑﺎﻭﻋﻴﻠﻲ ﻫﻨﺎ ﺫﻧﻲ ﺷﮕﺪ ??
ﻟﺠﻴﻦ،،ﺭﻓﻊ ﺍﻳﺪﺓ ﻭﺍﺷﺮﻟﻲ ﺑﺎﺍﺻﺎﺑﻌﻪ ﻭﺳﺎﻟﻨﻲ ﺷﮕﺪ
ﺟﺎﻭﺑﺘﻪ ﻭﺍﻟﺸﻮﻏﻪ ﺑﺮﻭﺣﻲ ﮔﺘﻠﻪ ﺍﺍﺍﺍﺛﻨﻴﻦ
ﺍﻟﺪﻛﺘﻮﺭ،،ﻋﻔﻴﻪ ﺑﻨﻴﺘﻲ ﺍﻟﺤﻤﺪﺍﻟﻠﻪ ﻋﻠﺊ ﺳﻼﻣﺘﺞ
ﺍﻟﻠﻪ ﻛﺘﺒﻠﺞ ﻋﻤﺮ ﺟﺪﻳﺪ ﻻﻥ ﺍﻟﻄﻠﻘﻪ ﺑﻤﺘﻨﺞ ﺍﻻﻳﺴﺮ ﻗﺮﻳﺒﻪ ﻉ ﺍﻟﻘﻠﺐ
ﻟﺠﻴﻦ،،ﺍﻟﺘﻔﺘﺖ ﻉ ﺍﻟﻤﻐﺬﻱ ﺿﺮﺑﻮ ﺍﺑﺮﺓ ﺑﻲ ﻭﺍﻟﺪﻛﺘﻮﺭ ﻧﻔﺴﻪ ﺿﺮﺑﻨﻲ ﺍﻟﺜﺎﻧﻴﻪ ﺑﺎﻟﻜﺎﻧﻮﻧﻪ
ﻋﺸﺮ ﺩﻗﺎﻳﻖ ﺧﻒ ﺍﻻﻟﻢ ﺑﺲ ﻣﺎﻧﻤﺖ ﺑﻘﻴﺖ ﺍﺳﺎﻟﻬﻢ ﺷﺼﺎﺭ ﻭﺷﺠﺎﺑﻨﻲ ﻫﻨﺎ ??
ﻧﺴﺮﻳﻦ،،ﻳﺮﻭﺣﻲ ﺍﻧﺘﻲ ﻧﺬﺭﺕ ﺫﺑﻴﺤﺔ ﻟﻮﺟﻪ ﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﺊ ﺑﺲ ﺍﻃﻠﻌﻴﻦ ﻃﻴﺒﻪ ﻣﻦ ﻫﺎﻱ ﺍﻟﻤﺼﻴﺒﻪ ﺍﻟﻠﻪ ﻻﻳﻨﻄﻴﻬﻢ
ﻟﺠﻴﻦ،،ﺑﻌﺪ ﻣﺤﺪ ﺣﺠﻪ ﺷﻲ ﺍﻟﺪﻛﺘﻮﺭ ﻃﻠﺐ ﻣﻨﻬﻢ ﻳﻄﻠﻌﻮﻥ ﻭﺑﻌﺪﻳﻦ ﻋﺮﻓﺖ ﺻﺎﺭﻟﻲ ﻳﻮﻣﻴﻦ ﺩﺍﺧﻠﻪ ﺍﻟﻤﺴﺘﺸﻔﺊ ﺑﺎﻟﻌﻨﺎﻳﺔ ﺑﺴﺒﺐ ﺗﻌﺮﺿﻲ ﻻﻃﻼﻕ ﻧﺎﺭﻱ ﻃﻠﻘﻪ ﺑﻤﺘﻨﻲ
ﺍﻟﺪﻛﺘﻮﺭ ﻳﻮﻣﻴﻦ ﺛﻼﺛﻪ ﻭﺍﺗﻜﺪﺭﻭﻥ ﺍﻃﻠﻌﻮﻫﺎ ﻟﻠﺒﻴﺖ
ﺍﺑﺎﻭﻉ ﺍﻟﻤﺘﻨﻲ ﻣﻦ ﻳﻢ ﺍﻟﺰﻧﺪ ﺷﻴﺎﺵ ﺣﺪﻳﺪ ﺩﺍﺧﻠﻪ ﺑﺎﺍﻳﺪﻱ ﻭﺑﻴﻬﺎ ﻣﺜﻞ ﺍﻟﺒﺮﺍﻏﻲ ﺷﻜﻠﻬﺎ ﻳﺨﻮﻑ
ﻧﺴﺮﻳﻦ،،ﻟﺘﺨﺎﻓﻴﻦ ﺑﻨﻴﺘﻲ ﺍﻟﻤﻬﻢ ﺧﺸﻤﺞ ﻳﺸﻢ ﺍﻟﻬﻮﺉ ﻭﻋﺎﻳﺸﻪ ﺑﻴﻨﺎﺗﻨﻪ ﻛﻠﺸﻲ ﻳﻨﺘﻬﻲ ﻭﻳﺼﻴﺮ ﺳﻮﺍﻟﻒ ﻭﺗﺮﺟﻌﻴﻦ ﺍﺣﺴﻦ ﻣﻦ ﻗﺒﻞ
ﻫﻤﻪ ﺣﻄﻮﻟﺞ ﺑﻼﺗﻴﻦ ﺑﻤﺘﻨﺞ ﺳﺖ ﺍﺷﻬﺮ ﻭﻳﺸﻴﻠﻮﻥ ﺍﻟﺤﺪﻳﺪ ﺍﻟﻔﻮﮒ ﻭﻳﺒﻘﻪ ﺑﺲ ﺍﻟﺠﻮﺓ ﻷﻥ ﺍﻟﻌﻈﺎﻡ ﻣﺘﻬﺸﻤﻪ ﺑﺴﺒﺐ ﺍﻟﺮﺻﺎﺹ
ﻃﻮﻝ ﻣﺎﺍﻧﻲ ﺑﺎﻟﻤﺴﺘﺸﻔﺊ ﻋﻠﻲ ﻋﻠﺊ ﻃﻮﻝ ﻳﻤﻲ ﻣﺎﺗﺮﻛﻨﻲ ﺍﺑﺪ ﺑﺲ ﻳﺴﻤﻌﻨﻲ ﺍﻭﻥ ﻣﻦ ﺍﻻﻟﻢ ﺍﻟﮕﺎﻩ ﮔﺎﻋﺪ ﻗﺒﻠﻲ ﺣﺘﺊ ﻫﻮ ﻭﺟﻬﺎ ﺑﻴﻦ ﺑﻲ ﺍﻟﺘﻌﺐ ﻣﻦ ﺍﻟﺴﻬﺮ ﻭﻳﺎﻱ
ﺑﻠﻴﻞ ﺣﺴﻴﻦ ﺍﺧﺬ ﻧﺴﺮﻳﻦ ﻭﺍﻣﻪ ﮔﺎﻝ ﺍﻣﻲ ﺗﺮﻳﺪ ﺗﺴﺒﺢ ﻭﺗﻐﻴﺮ ﻣﻼﺑﺴﻬﺎ ﻭﺗﺮﺟﻊ ﺗﺒﺎﺕ ﻳﻤﺞ ﻭﻧﺴﺮﻳﻦ ﺗﺸﻮﻑ ﺟﻬﺎﻟﻬﺎ ﻣﻦ ﺍﻟﺒﺎﺭﺣﻪ ﻣﺎﻭﺍﺻﻠﻪ ﺍﻟﻬﻢ
ﻫﻨﻪ ﻳﻮﻣﻴﻪ ﻭﺣﺪﺓ ﺗﺒﺎﺕ ﺣﺘﺊ ﺗﺴﺎﻋﺪﻧﻲ ﺑﺮﻭﺣﺘﻲ ﻟﻠﺤﻤﺎﻡ
ﺑﻘﻴﺖ ﺑﺲ ﺍﻧﻲ ﻭﻋﻠﻲ ﮔﺎﻋﺪ ﮔﺒﺎﻟﻲ ﻉ ﺍﻟﻜﺮﺳﻲ ﻭﺍﻧﻲ ﻣﺪﺩﺓ ﻉ ﺍﻟﺴﺪﻳﻪ
ﻧﻬﺾ ﻣﻦ ﻣﻜﺎﻧﻪ ﺳﺤﺐ ﺍﻟﻜﺮﺳﻲ ﻭﺍﺟﻪ ﮔﻌﺪ ﻳﻤﻲ
ﺭﺩﺕ ﺍﻋﺪﻝ ﻧﻮﻣﺘﻲ ﺍﻧﻠﭽﻤﺖ ﺍﻳﺪﻱ ﻭﻋﻄﺖ
ﺍﻓﺘﺮ ﻣﻦ ﺍﻟﺠﻬﺎ ﺍﻟﺜﺎﻧﻴﻪ ﻣﻦ ﺟﻬﺔ ﺍﻳﺪﻱ ﺍﻟﻤﺼﻮﺑﻪ
ﺩﻧﮓ ﺭﺍﺳﻪ ﻳﻤﻲ
ﻋﻠﻲ،،ﻣﺪﻱ ﺍﻳﺪﺝ ﺣﺎﻭﻃﻲ ﺭﮔﺒﺘﻲ ﻭﻋﺪﻟﻲ ﺭﻭﺣﺞ ﺣﺘﺊ ﺗﺮﺗﺎﺣﻴﻦ ﺑﻨﻮﻣﺘﺞ
ﻟﺠﻴﻦ، ﻣﺪﻳﺖ ﺍﻳﺪﻱ ﻋﻠﺊ ﺭﮔﺒﺘﻪ ﺍﺣﺲ ﻭﺟﻬﺎ ﻋﺮﮒ
ﻭﺍﻧﻲ ﻭﻳﺎﻩ ﺑﻬﺬﺍ ﺍﻟﻘﺮﺏ ﻣﺎﻳﻔﺼﻠﻨﻪ ﺷﻲ
ﺣﻂ ﮔﺼﺘﻪ ﻋﻠﺊ ﮔﺼﺘﻲ ﻭﺍﻳﺪﻱ ﺑﻌﺪﻫﺎ ﻣﺤﺎﻭﻃﻪ ﺭﻛﺒﺘﻪ
ﻏﻤﺾ ﻋﻴﻮﻧﻪ ﻭﺣﺠﻪ ﺑﺘﻌﺐ
ﻋﻠﻲ،،ﻟﺠﻴﻨﻲ ﻣﺘﺖ ﺧﻮﻑ ﻋﻠﻴﺞ
ﻟﻮ ﺻﺎﻳﺮ ﺑﻴﺞ ﺷﻲ ﻭﻋﻠﻲ ﺍﻣﻮﺕ ﻭﺭﺍﺝ
ﻟﺠﻴﻦ،،ﻣﺠﺮﺩ ﺳﻤﻌﺖ ﻛﻼﻣﻪ ﺍﺣﺲ ﻭﺿﻌﻲ ﺍﺗﺨﺮﺑﻂ
ﺑﻌﺪﺕ ﻋﻨﻪ ﺑﺴﺮﻋﻪ
ﻭﻫﻮ ﻫﻢ ﺍﺣﺴﻪ ﻣﻮﺑﻮﻋﻴﻪ ﺑﻌﺪ ﻋﻨﻲ ﻣﺴﺢ ﻭﺟﻬﺎ ﺑﻜﻒ ﺍﻳﺪﺓ ﺟﻠﺊ ﺻﻮﺗﻪ ﻭﮔﺎﻝ ﺑﻌﺪﻫﺎ ﺍﻳﺪﺝ ﺗﺎﺫﻳﺞ
ﺍﺷﺮﺗﻠﻪ ﺑﺮﺍﺳﻲ ﺑﻤﻌﻨﺊ ﺍﻱ
ﻃﻠﻊ ﺩﻗﻴﻘﻪ ﻭﺭﺟﻊ ﻭﻳﺎﻩ ﺍﻟﺪﻛﺘﻮﺭ
ﻛﺸﻒ ﺍﻳﺪﻱ ﮔﺎﻝ ﻛﻠﺸﻲ ﻣﺎﺑﻴﻬﺎ ﺑﺲ ﻟﺘﺘﺤﺮﻛﻴﻦ ﻫﻮﺍﻱ
ﻭﺭﺟﻊ ﺣﺠﻪ ﻭﻳﻪ ﻋﻠﻲ ﮔﺎﻟﻪ ﻃﺒﻴﻌﻲ ﺗﺎﺫﻳﻬﺎ
ﻻﻥ ﻫﺎﻱ ﺿﺮﺑﻪ ﺭﺻﺎﺻﻪ ﻣﻮ ﺷﻲ ﺑﺴﻴﻂ
ﻟﺠﻴﻦ،،ﺑﻌﺪ ﻛﻢ ﻳﻮﻡ ﻃﻠﻌﻮﻧﻲ ﻟﻠﺒﻴﺖ ﺑﻌﺮﺑﺎﻧﻪ ﺑﺲ ﺣﺎﻟﺘﻲ ﻳﺮﺛﺊ ﻟﻬﺎ ﻭﻋﺮﻓﺖ ﻣﻦ ﺧﻼﻝ ﻛﻼﻣﻬﻢ ﺭﺟﺎﻝ ﺟﺒﻴﺮ ﻧﻘﻠﻨﻲ ﻟﻠﻤﺴﺘﺸﻔﺊ ﺑﻤﺴﺎﻋﺪﺓ ﺍﻟﺤﺎﺭﺱ
ﻣﻦ ﻭﺻﻠﻨﻪ ﺩﺧﻠﻮ ﺍﻟﺴﻴﺎﺭﺓ ﻟﻠﺒﻴﺖ ﻋﻠﻲ ﺳﺎﻋﺪﻧﻲ ﺣﺘﺊ ﺍﻧﺰﻝ ﻭﺍﮔﻌﺪ ﺑﺎﻟﻌﺮﺑﺎﻧﻪ
ﻣﺎﺍﺣﺲ ﻏﻴﺮ ﺷﻴﻤﺎﺀ ﺣﻀﻨﺘﻨﻲ ﻭﺑﺎﺳﺘﻨﻲ ﺗﺘﺤﻤﺪﻟﻲ . ﻉ ﺍﻟﺴﻼﻣﻪ
ﻣﺎﺍﻫﺘﻤﻴﺘﻠﻬﺎ ﺍﻟﺒﻴﻪ ﻣﻜﻔﻴﻨﻲ ﺑﺲ ﺍﺗﻔﺎﺟﺌﺖ ﻣﻦ ﺣﻨﻴﺘﻬﺎ
ﻳﻤﻜﻦ ﻣﻦ ﺻﺎﺭﺕ ﺻﺪﮒ ﺣﻦ ﮔﻠﺒﻬﺎ ﻋﻠﻴﻪ
ﺩﺧﻠﻮﻧﻲ ﺍﻟﻐﺮﻓﺘﻲ ﺑﻘﻴﺖ ﻛﺎﻋﺪﺓ ﻉ ﺍﻟﺴﺮﻳﺮ
ﻃﺒﻌﺎ ﺍﻟﺒﻴﺖ ﻫﻮﺍﻱ ﻋﺎﻟﻢ ﺟﻴﺮﺍﻥ ﺍﻡ ﺣﺴﻴﻦ ﻭﺧﺎﻟﻲ ﻭﻣﺮﺗﻪ ﻭﺑﻴﺪﺍﺀ ﻭﻫﻨﺎ ﻭﺍﻫﻞ ﺷﻴﻤﺎﺀ ﺍﻟﻜﻞ ﻣﻮﺟﻮﺩﻳﻦ ﻳﺘﺤﻤﺪﻭﻟﻲ ﻉ ﺍﻟﺴﻼﻣﻪ
ﻧﺴﺮﻳﻦ ﻭﺍﻟﺒﻨﺎﺕ ﻋﺎﻓﻨﻲ ﻭﻃﻠﻌﻦ ﮔﺎﻟﺖ ﺑﺲ ﻧﻐﺪﻱ ﺍﻟﻌﺎﻟﻢ ﺍﺭﺟﻌﻠﺞ ﻻﻥ ﺫﺑﺤﻮ ﺫﺑﻴﺤﻪ
ﺑﻘﻪ ﺧﺎﻟﻲ ﻭﻋﻠﻲ ﻭﺣﺴﻴﻦ ﻳﻤﻲ
ﻋﻠﻲ،،ﻟﺠﻴﻦ،،ﺍﺭﻳﺪﺝ ﺗﺬﻛﺮﻳﻠﻲ ﺷﻨﻮ ﺻﺎﺭ ﺑﺎﻟﻀﺒﻂ ﻻﻥ ﺍﻧﻔﺘﺢ ﻣﺤﻀﺮ ﻛﺎﻥ ﻻﺯﻡ ﻧﺎﺧﺪ ﺍﻗﻮﺍﻟﺞ ﻣﻦ ﺍﻭﻝ ﻳﻮﻡ ﺻﺤﻴﺘﻲ ﺑﻲ ﺑﺲ ﮔﺘﻠﻬﻢ ﺧﻠﻮﻫﺎ ﺗﺮﺗﺎﺡ
ﻫﺴﻪ ﺍﺣﺠﻴﻠﻲ ﺍﻧﺘﻲ ﺷﻔﺘﻲ ﺍﺣﺪ ﻣﻦ ﺍﻟﺮﻣﻮ ﻋﻠﻲ
ﻟﺠﻴﻦ . ﮔﺘﻠﻪ ﻻ ﻣﺎﺷﻔﺖ ﻻﻥ ﻛﺎﻧﻮ ﻣﻠﺜﻤﻴﻦ ﻭﺍﺣﺪ ﻳﺴﻮﻕ ﻭﺍﻟﺜﺎﻧﻲ ﮔﺎﻋﺪ ﺑﺼﻔﻪ ﻫﻮ ﺍﻟﺮﻣﻪ ﻋﻠﻴﻪ
ﺍﺑﻮ ﺻﺎﺑﺮﻳﻦ، ﺍﻧﻲ ﻣﺘﺎﻛﺪ ﻫﺬﺍ ﻋﺪﻧﺎﻥ ﺍﻟﻌﺎﺭ ﻣﺎﻛﻮ ﻏﻴﺮﺓ ﺍﻟﭽﻠﺐ ﺭﺍﺩ ﻳﺘﺨﻠﺺ ﻣﻨﻬﺎ ﻻﻥ ﻣﺎﺑﻘﺊ ﮔﺪﺍﻣﻪ ﻭﻗﺖ ﻭﺗﻨﺪﺍﺭ ﺍﻻﻣﻼﻙ ﺑﺄﺳﻢ ﻟﺠﻴﻦ ﻭﻳﻄﻠﻊ ﻫﻮ ﻣﻦ ﺍﻟﻤﻮﻟﺪ ﺑﻼ ﺣﻤﺺ
ﻋﻠﻲ،،ﺍﺑﻮ ﺻﺎﺑﺮﻳﻦ ﺍﻟﺴﻴﺎﺭﺓ ﺑﺪﻭﻥ ﺍﺭﻗﺎﻡ ﻭﻣﺎﻛﻮ ﺩﻟﻴﻞ ﺿﺪﻫﻢ ﻟﺤﺪ ﺍﻻﻥ ﻭﻛﻞ ﺍﻟﺘﺠﺎﺭ ﺍﻟﺒﺴﻮﮒ ﺗﺸﻬﺪ ﺍﻧﻮ ﻛﺎﻥ ﻣﻮﺟﻮﺩ ﺑﺎﻟﻤﺤﻞ ﻣﺎﻟﺘﻪ ﺑﺴﺎﻋﺔ ﺍﻟﺤﺎﺩﺙ
ﺑﺲ ﻭﺭﻭﺡ ﺍﺑﻮﻱ ﺍﻳﺎ ﻛﺎﻥ ﺍﻟﻔﺎﻋﻞ ﺍﺟﻴﺒﻪ ﻟﻮ ﻳﻄﻴﺮ ﻟﺴﺎﺑﻊ ﺳﻤﺎ
ﻟﺠﻴﻦ،،ﺑﻘﻴﺖ ﻋﺎﻳﺸﻪ ﻉ ﺍﻟﻤﺴﻜﻨﺎﺕ ﺍﺫﺍ ﻳﻨﺘﻬﻲ ﻣﻔﻌﻮﻟﻬﺎ ﺩﻗﻴﻘﻪ ﻭﺣﺪﺓ ﻣﻌﻨﺎﻫﺎ ﺍﻧﻲ ﺍﻧﺘﻬﻴﺖ ﺍﮔﻠﺐ ﺍﻟﺒﻴﺖ ﺑﺎﻟﺼﺮﻳﺦ
ﺍﺣﺲ ﻣﺘﻨﻲ ﻳﺎﻛﻠﻨﻲ ﺍﺭﻳﺪ ﺍﻧﻬﺸﻪ ﺑﻴﺪﻱ ﺑﺲ ﺗﻠﺰﻣﻨﻲ ﻧﺴﺮﻳﻦ ﺍﺗﮕﻮﻝ ﺧﻠﻲ ﺍﻟﺒﻼﺗﻴﻦ ﺍﻟﺨﺎﺭﺟﻲ ﺛﺎﺑﺖ ﺣﺘﺊ ﻣﺎﻳﺼﻴﺮ ﺍﻧﺤﺮﺍﻑ ﺑﺎﻟﻌﻀﻢ
ﻳﻮﻡ ﻳﻮﻡ ﺍﺻﻴﺮ ﺍﺣﺴﻦ ﻋﺪﺓ ﺷﻬﺮ ﻉ ﺍﻟﺤﺎﺩﺙ ﺑﺲ ﺷﻴﻤﺎﺀ ﻫﺎﺩﺋﺔ ﻣﺎﻳﻄﻠﻊ ﺻﻮﺗﻬﺎ ﻭﺗﺴﺎﻋﺪ ﻧﺴﺮﻳﻦ ﺑﻜﻠﺸﻲ
ﺑﺪﺍﺧﻠﻲ ﺍﻛﻮﻝ ﺳﺒﺤﺎﻥ ﻣﻐﻴﺮ ﺍﻻﺣﻮﺍﻝ ﻫﻲ ﻣﻮﺟﺎﻧﺖ ﺗﺘﻤﻨﺎﻟﻲ ﺍﻟﻤﻮﺕ ﺷﻌﺠﺐ ﻫﺴﻪ ﺻﺎﻳﺮﺓ ﺣﻨﻴﻨﻪ ﻭﻣﺎﻟﻬﺎ ﺩﺧﻞ ﺑﻴﻪ
ﺑﻌﺪ ﺷﻬﺮ ﻭﻧﺺ ﻋﻦ ﺍﻟﺤﺎﺩﺙ ﺭﺟﻌﻮ ﻧﺴﺮﻳﻦ ﻭﻋﻠﻲ ﻳﻘﺮﻭﻧﻲ ﺑﺎﻟﺒﻴﺖ ﻭﻧﺴﺮﻳﻦ ﮔﺎﻟﺖ ﺍﻟﻤﺪﻳﺮﺓ ﻭﺍﻟﻤﺪﺭﺳﺎﺕ ﻣﺘﻔﻬﻤﺎﺕ ﻭﺿﻌﺞ ﻭﮔﺎﻟﻦ ﺭﺍﺡ ﻧﻤﺘﺤﻨﻬﺎ ﺑﺲ ﺍﻟﺸﻬﺮﻳﺎﺕ ﻗﺒﻞ ﻧﺺ ﺍﻟﺴﻨﻪ ﻭﻓﻌﻼ ﺑﻴﻮﻡ ﺍﻟﻴﻜﻮﻥ ﻋﻨﺪﻱ ﺍﻣﺘﺤﺎﻥ ﻳﺎﺧﺬﻧﻲ ﻋﻠﻲ ﺳﺎﻋﺔ ﺍﻣﺘﺤﻦ ﻭﺍﺭﺟﻊ ﺑﻬﺎﻱ ﺍﻟﻔﺘﺮﺓ ﻣﺎﺗﺮﻛﻨﻲ ﺍﺑﺪ
ﻧﺴﺮﻳﻦ ﻛﺬﺍﻟﻚ ﺍﺭﺑﻌﻪ ﻭﻋﺸﺮﻳﻦ ﺳﺎﻋﻪ ﻳﻤﻲ ﻓﻮﮒ ﺷﻐﻞ ﺍﻟﺒﻴﺖ ﻭﺍﻃﻔﺎﻟﻬﺎ ﻭﻣﺪﺭﺳﺘﻬﻢ ﺗﺘﻌﺐ ﻭﻳﺎﻱ ﻟﻴﻞ ﻧﻬﺎﺭ ﺣﺘﺊ ﻟﻠﺘﻮﺍﻟﻴﺖ ﺗﻜﺮﻣﻮﻥ ﻫﻲ ﺗﺪﺧﻞ ﻭﻳﺎﻱ ﺍﺗﮕﻮﻝ ﺧﺎﻑ ﺗﻮﮔﻌﻴﻦ ﻭﻳﻨﻔﺘﺢ ﺍﻟﺠﺮﺡ
ﻋﺪﺓ ﻉ ﺍﻟﺤﺎﺩﺙ ﺛﻼﺙ ﺍﺷﻬﺮ ﺑﺪﻩ ﺍﻟﺠﻮ ﻳﺒﺮﺩ ﺑﺎﻟﻨﻬﺎﺭ ﺍﻻﻟﻢ ﺧﻔﻴﻒ ﺑﺲ ﺑﻠﻴﻞ ﻳﻬﻴﺞ ﻭﻳﺼﻴﺮ ﺍﻟﺒﻼﺗﻴﻦ ﻳﺼﻞ ﻣﻦ ﺍﻟﺒﺮﺩ ﺣﺘﺊ ﻣﺎﺍﮔﺪﺭ ﺍﻧﺎﻡ ﻟﺤﺪ ﻣﺎﺍﺗﻌﺐ ﻳﻠﻪ ﺍﻏﻔﻪ
ﺍﺗﻤﻨﺊ ﺍﻓﺘﺢ ﺍﻟﻠﺤﻢ ﻭﺍﻟﻒ ﺍﻟﺤﻈﻢ ﺑﺎﻟﻐﻄﻪ ﺣﺘﺊ ﻳﺪﻓﻪ ﻭﻣﺎﻳﺼﻞ
ﻛﻨﻪ ﮔﺎﻋﺪﻳﻦ ﻛﻠﻨﻪ ﻉ ﺍﻟﻐﺪﺓ ﺍﺗﻔﺎﺟﺌﺖ ﺑﻜﻼﻡ ﻋﻠﻲ
ﻋﻠﻲ،،ﺍﻟﺒﺎﺭﺣﻪ ﺻﺎﻳﺮ ﺍﻟﺘﻤﺎﺱ ﻛﻬﺮﺑﺎﺋﻲ ﺑﻮﺍﺣﺪ ﻣﻦ ﻣﺤﻼﺕ ﺍﻟﻤﻔﺮﻭﺷﺎﺕ ﻣﺎﻝ ﻋﺪﻧﺎﻥ ﺍﻟﻌﺎﺭ
ﻭﻣﺸﺘﻌﻠﻪ ﺍﻟﻨﺎﺭ ﺑﺎﻟﻤﺤﻞ ﻭﻣﺎﮔﺎﺩﺭﻳﻦ ﻳﺴﻴﻄﺮﻭﻥ ﻉ ﺍﻟﻮﻇﻊ
ﻭﻻﻥ ﺍﻟﻤﺤﻼﺕ ﻣﺎﻝ ﻣﻔﺮﻭﺷﺎﺕ ﺍﻟﻨﺎﺭ ﺷﺒﺖ ﺑﻴﻬﺎ ﻭﺣﺮﮔﺖ ﻣﺤﻼﺗﻪ ﻛﻠﻬﻦ
ﻭﻫﻮ ﻣﻦ ﺣﺮﮔﺔ ﺭﻭﺣﻪ ﺩﺧﻞ ﻳﻄﻔﻲ ﺍﻟﻨﺎﺭ ﺑﺲ ﺷﺒﺖ ﺑﺪﺷﺎﺷﺘﻪ ﻭﺍﺣﺘﺮﮒ ﻭﺣﺎﻟﺘﻪ ﻛﻠﺶ ﺧﻄﺮﺓ
ﺍﻟﺤﺮﻭﻕ ﻣﻦ ﺍﻟﺪﺭﺟﻪ ﺍﻻﻭﻟﺊ
ﻟﺠﻴﻦ . ﺑﻌﺪ ﻳﻮﻣﻴﻦ ﺍﺟﻪ ﺧﺎﻟﻲ ﻭﻃﻠﺐ ﻣﻨﻲ ﺍﺭﻭﺡ ﻟﻠﻤﺴﺘﺸﻔﺊ ﻭﻳﺎﻩ ﻻﻥ ﻋﻤﻲ ﻋﺪﻧﺎﻥ ﺻﺎﺣﻲ ﻭﻳﺮﻳﺪ ﻳﺸﻮﻓﻨﻲ
ﻋﻠﻲ ﻣﺎﻗﺒﻞ ﮔﺎﻝ ﺍﻧﺘﻲ ﻫﻢ ﺣﺎﻟﺘﺞ ﻣﻮ ﺗﻤﺎﻡ ﻛﻠﺶ ﺷﺘﺴﻮﻳﻦ ﺭﺍﻳﺤﺔ ﺍﻛﻴﺪ ﻳﺮﻳﺪ ﻳﻄﻠﺐ ﻣﻨﺞ ﺗﺒﺮﻱ ﺍﻟﺬﻣﺔ ﻋﻠﺊ ﺳﻮﺍﻟﻔﻪ ﻭﻳﺎﺝ
ﺑﺲ ﺍﻧﻲ ﺍﺻﺮﻳﺖ ﺍﺭﻭﺡ ﻣﺎﺍﻋﺮﻑ ﻟﻴﺶ ﺍﻛﻮ ﺍﺣﺴﺎﺱ ﺑﺪﺍﺧﻠﻲ ﻳﺸﺠﻌﻨﻲ ﺍﺭﻭﺣﻠﻪ ﻟﻠﻤﺴﺘﺸﻔﺊ
ﻛﺎﻧﺖ ﺷﻴﻤﺎﺀ ﮔﺎﻋﺪﺓ ﻳﻤﻨﻪ ﻣﻦ ﺳﻤﻌﺖ ﻛﻼﻡ ﺧﺎﻟﻲ ﺍﻟﻮﺟﻪ ﮔﺎﻡ ﻳﻨﻄﻲ ﺍﻟﻮﺍﻥ
ﺷﻴﻤﺎﺀ،،ﻋﻠﻲ ﻟﺘﺨﻠﻴﻬﺎ ﺗﺮﻭﺡ ﻫﻲ ﻫﻢ ﺟﺮﺣﻬﺎ ﺑﻌﺪﺓ ﺟﺪﻳﺪ ﻭﺍﺧﺎﻑ ﻋﻠﻴﻬﺎ
ﻟﺠﻴﻦ،،ﻛﻠﻨﻪ ﺍﻟﺘﻔﺘﻨﻪ ﻋﻠﺊ ﺷﻴﻤﺎﺀ ﻣﻦ ﺣﺠﺖ ﻣﺎﻣﺼﺪﮔﻴﻦ ﻫﻲ ﺍﻟﻬﻠﺪﺭﺟﻪ ﻣﺘﻐﻴﺮﺓ
ﺭﺟﻌﺖ ﮔﺎﻟﺖ ﻟﻴﺶ ﺍﺣﺴﻜﻢ ﻣﺼﺪﻭﻣﻴﻦ ﺑﻜﻼﻣﻲ ﺣﺠﻴﺖ ﻫﻠﺸﻜﻞ ﻻﻥ ﺍﺧﺎﻑ ﻋﻠﻴﻬﺎ
ﺑﺲ ﺍﻧﻲ ﻣﺎﻣﺮﺗﺎﺣﻪ ﺍﻟﺤﻨﻴﺘﻬﺎ ﺍﻟﺰﺍﻳﺪﺓ
ﺛﺎﻧﻲ ﻳﻮﻡ ﮔﻌﺪﺕ ﺍﻟﺼﺒﺢ ﻣﻦ ﻭﻛﺖ ﻏﺴﻠﺖ ﻭﻟﺒﺴﺖ ﻭﻟﺒﺴﺖ ﻋﺒﺎﺗﻲ ﺍﻻﺳﻼﻣﻴﻪ
ﻟﻔﻴﺖ ﺣﺠﺎﺑﻲ ﺍﺷﻠﻮﻥ ﻣﺎﺟﺎﻥ ﻣﺎﺍﮔﺪﺭ ﺍﺭﻓﻊ ﺍﻳﺪﻱ
ﺭﺣﺖ ﻟﻠﻤﻄﺒﺦ ﻟﮕﻴﺖ ﻋﻠﻲ ﻳﻨﺘﻀﺮﻧﻲ ﮔﺎﻋﺪ ﻳﺘﺮﻳﮓ ﻫﻮ ﻭﺍﻣﻪ ﻭﺷﻴﻤﺎﺀ ﻭﺍﮔﻔﻪ ﻳﻢ ﺍﻟﻄﺒﺎﺥ ﺗﺮﻳﺪ ﺗﺼﺐ ﺟﺎﻱ
ﺻﺒﺤﺖ ﻋﻠﻴﻬﻢ ﻭﮔﺘﻠﻪ ﺍﻧﻲ ﺟﺎﻫﺰﺓ
ﻋﻠﻲ،،ﺗﻌﺎﻱ ﺍﺗﺮﻳﮕﻲ ﺍﻭﻝ ﺷﻲ ﻭﺑﻌﺪﻳﻦ ﻧﺮﻭﺡ ﻧﺴﻤﻊ ﻫﺬﺍ ﺍﻟﺴﮕﻂ ﺷﻴﺮﻳﺪ ﻣﻨﺞ
ﻟﺠﻴﻦ،،ﺟﺎﻧﺖ ﺷﻴﻤﺎﺀ ﺑﻴﺪﻫﺎ ﻛﻮﺏ ﺟﺎﻱ ﻣﻦ ﺳﻤﻌﺖ ﻛﻼﻡ ﻋﻠﻲ ﻭﮔﻊ ﻣﻦ ﺍﻳﺪﻫﺎ
ﻟﻤﺘﻪ ﻭﻣﺴﺤﺖ ﺍﻟﻤﻜﺎﻥ ﻭﺍﻧﻲ ﮔﺎﻋﺪﺓ ﻳﻤﻬﻢ ﺍﺗﺮﻳﮓ ﻭﻫﻲ ﺗﺒﺎﻭﻉ ﻣﻦ ﺟﻮﺓ ﻟﺠﻮﺓ
ﻃﻠﻌﻨﻪ ﺍﻧﻲ ﻭﻋﻠﻲ ﺑﺎﻟﺒﺪﺍﻳﻪ ﻛﺎﻝ ﻻﺯﻡ ﺍﺭﻭﺡ ﻟﻠﻤﺮﻛﺰ ﻋﻨﺪﻱ ﺷﻐﻠﻪ ﻭﺑﻌﺪﻳﻦ ﻧﻄﻠﻊ ﻟﻠﻤﺴﺘﺸﻔﺊ
ﻭﺻﻠﻨﻪ ﻟﻠﻤﺮﻛﺰ
ﻋﻠﻲ،،ﺍﻧﺘﻀﺮﻳﻨﻲ ﻣﺎﺍﺗﺎﺧﺮ ﺩﻗﻴﻘﺘﻴﻦ ﻭﺍﺭﺟﻊ
ﻟﺠﻴﻦ،،ﻭﺻﺪﮒ ﻣﺎﺍﺗﺎﺧﺮ ﺷﻮﻳﻪ ﻭﺟﻪ ﻭﻳﺎﻩ ﻭﻟﺪ ﺷﺎﻳﻔﺘﻪ ﻗﺒﻞ ﺍﺟﻪ ﻭﻳﺎﻩ ﻣﻦ ﺍﺧﺬﻧﻲ ﻋﻠﻲ ﻣﻦ ﻋﻤﺎﻣﻲ
ﻛﺎﻥ ﻳﺼﻴﺤﻠﺔ ﺿﺎﺑﻂ ﻫﻤﺎﻡ
ﻋﻠﻲ ﻃﻠﺐ ﻣﻦ ﺍﻟﻀﺎﺑﻂ ﻳﻠﺤﮕﻨﻪ ﻟﻠﻤﺴﺘﺸﻔﺊ ﺑﺴﻴﺎﺭﺗﻪ
ﻃﻮﻝ ﺍﻟﻄﺮﻳﻖ ﺍﺣﺲ ﺭﻭﺣﻲ ﻣﺮﺗﺒﻜﻪ ﻭﺧﺎﻳﻔﻪ ﻣﻦ ﻫﺎﻱ ﺍﻟﺮﻭﺣﻪ ﻣﺎﺍﻋﺮﻑ . ﻟﻴﺶ
ﻭﺻﻠﻨﻪ ﻟﻠﻤﺴﺘﺸﻔﺊ ﻭﺍﻟﻀﺎﺑﻂ ﻫﻤﺎﻡ ﻭﻳﺎﻧﻪ
ﺳﺄﻟﻨﻪ ﻋﻠﺊ ﺍﻟﻐﺮﻓﻪ ﺍﻟﻤﻮﺟﻮﺩ ﺑﻴﻬﺎ ﻋﻤﻲ ﻋﺪﻧﺎﻥ ﺍﻧﻄﻮﻧﻪ ﺍﻟﺮﻗﻢ ﻣﺎﻟﺘﻬﺎ ﺑﺎﻟﻄﺎﺑﻖ ﺍﻟﺜﺎﻧﻲ
ﺻﻌﺪﻧﻪ ﻟﻔﻮﮒ ﺑﺲ ﮔﻠﺒﻲ ﻳﺮﻛﺾ ﺭﻏﻢ ﻫﻮ ﺑﻬﺎﻱ ﺍﻟﺤﺎﻟﻪ ﺑﺲ ﺍﻧﻲ ﺧﺎﻳﻔﻪ ﻣﻨﻪ
ﻭﺻﻠﻨﻪ ﮔﺪﺍﻡ ﻏﺮﻓﺘﻪ ﺷﻔﺖ ﻋﻤﻲ ﺟﻮﺍﺩ ﮔﺎﻋﺪ ﺑﺎﻟﺒﺎﺏ ﺑﺲ ﺷﺼﺎﻳﺮ ﺑﺤﺎﻟﻪ
ﻫﺰﻳﻞ ﻭﺗﻌﺒﺎﻥ ﮔﻮﺓ ﻭﺍﮔﻒ ﻋﻠﺊ ﺣﻴﻠﻪ ﺍﺟﻪ ﺏ ﺍﺗﺠﺎﻫﻨﻪ ﻣﻦ ﺷﻔﺘﻪ ﺧﺘﻠﺖ ﻭﺭﻩ ﻋﻠﻲ
ﻋﻠﻲ،،ﻟﻴﺶ ﺧﺎﻳﻔﻪ ﻭﺍﻧﻲ ﻭﻳﺎﺝ
ﻟﺠﻴﻦ،،ﻟﺰﻡ ﺍﻳﺪﻱ ﻭﻛﻤﻠﻨﻪ ﻃﺮﻳﻘﻨﻪ ﻟﻠﻤﻜﺎﻥ ﺍﻟﻤﻮﺟﻮﺩ ﺑﻲ ﻋﻤﻲ
ﺩﺧﻞ ﻋﻠﻲ ﻛﺪﺍﻣﻲ ﻭﺍﻧﻲ ﻭﺭﺍﻩ
ﻓﺘﺤﺖ ﻋﻴﻮﻧﻲ ﻋﻠﺊ ﻭﺳﻌﻬﻦ ﻭﺍﻧﻲ ﺍﺷﻮﻓﻪ ﺑﻬﺬﺍ ﺍﻟﻤﻨﻀﺮ ﺍﻟﺮﻫﻴﺐ ﻛﻞ ﺿﻨﻲ ﺍﺷﻮﻓﻪ ﮔﺎﻋﺪ ﺑﺸﺨﺼﻪ ﻣﻮ ﺑﻬﺎﻱ ﺍﻟﺤﺎﻟﻪ
ﻛﺎﻥ ﺑﺪﺍﺧﻞ ﺷﻲ ﻳﺸﺒﻪ ﺍﻟﺘﺎﺑﻮﺕ ﻗﻤﺎﺵ ﺑﺲ ﺭﺍﺳﻪ ﻃﺎﻟﻊ
ﻭﻣﻠﻔﻮﻑ ﺑﺸﺎﺵ ﺍﺑﻴﺾ
ﻣﺎﻣﺒﻴﻦ ﺑﺲ ﺣﻠﮕﻪ ﻭﺧﺸﻤﻪ ﻭﻋﻴﻮﻧﻪ ﺍﻟﻲ ﺟﻔﻨﻬﻦ ﺻﺎﻳﺮ ﺍﺑﻴﺾ ﻣﻦ ﺍﺛﺮ ﺍﻟﺤﺮﮒ ﻭﺷﻔﺎﻳﻔﻪ ﻭﺍﺭﻣﻪ
ﻛﺎﻥ ﻳﻮﻥ ﺑﺼﻮﺕ ﻋﺎﻟﻲ ﺻﺮﻧﻪ ﻳﻤﻪ ﻭﺍﻧﻲ ﺑﻌﺪﻧﻲ ﺍﺑﺎﻭﻋﻠﻪ ﺑﺨﻮﻑ ﻟﻄﺎﻟﻤﺎ ﻛﺎﻥ ﻫﺬﺍ ﺍﻟﺸﺨﺺ ﻣﺼﺪﺭ ﺧﻮﻓﻲ
ﻓﺘﺢ ﻋﻴﻮﻧﻪ ﻋﻠﺊ ﻛﻴﻒ ﺍﻟﺘﻔﺖ ﺍﻟﻨﻪ ﺷﺎﻓﻨﻲ ﻭﺍﮔﻔﻪ
ﺻﺎﺡ ﺑﺼﻮﺕ ﻣﺒﺤﻮﺡ
ﻋﺪﻧﺎﻥ،،ﻝ ﻟﺠﻴﻦ ﻫﺎﺍﻱ ﺣﻮ ﺣﻮﺑﺘﺞ ﻭﺣﻮﺑﺖ ﺍﺍﺧﻮﻱ
ﻟﺠﻴﻦ،،ﮔﺘﻠﻪ ﺑﺼﻮﺕ ﻳﺮﺟﻒ ﺵ ﺷﻨﻮ
ﺟﺎﻭﺑﻨﻲ ﺑﺼﻮﺕ ﻣﺘﻘﻄﻊ ﮔﻮﺓ ﻳﻠﻔﺾ ﺍﻟﻜﻠﻤﻪ
ﻋﺪﻧﺎﻥ،،ﺍﻝ ﺍﻟﻄﻤﻊ ﻉ ﻋﻤﻪ ﻋﻴﻮﻧﻲ ﻭ ﻭﺧﻼﻧﻲ ﺍﻏﺪﺭ ﺏ ﺑﺎﻗﺮﺏ ﺍﻝ ﻧﺎﺱ ﺍ ﺍﻟﻴﻪ ﺍ ﺍﻟﻲ ﻫﻮ ﺍﺧﻮﻱ
ﻛﺘﻠﺘﻪ ﺑﺪ ﺑﺪﻡ ﺑﺎﺭﺩ ﻭ ﻭﻟﺒﺴﺖ ﺍﺑﻨﻪ ﺍﻟﺞ ﺍﻟﺠﺮﻳﻤﻪ
ﻟﺠﻴﻦ،،ﻋﺒﺎﻟﻚ ﻭﺍﺣﺪ ﻛﻔﺨﻨﻲ ﻋﻠﺊ ﺭﺍﺳﻲ ﺍﺣﺲ ﺿﻐﻄﻲ ﺍﺭﺗﻔﻊ
ﺭﺟﻠﻴﻪ ﻣﺎﻋﺎﺩﺕ ﺗﺸﻴﻠﻨﻲ ﮔﻌﺪﺕ ﺑﺎﻟﮕﺎﻉ
ﮔﺘﻠﻪ ﻱ ﻳﻌﻨﻲ ﺍﻧﺘﻪ ﺍﻟﻜﺘﻠﺘﻬﻢ ﻡ ﻣﻮ ﻛﺮﺍﺭ
ﻋﺪﻧﺎﻥ،،ﺍ ﺍﻱ ﺍﻧﻲ ﺍﻟﻤﻮﺗﺖ ﺍ ﺍﺧﻮﻱ ﻭﻋﻴﺎﻟﻪ ﺍﻟﺨﺎﻃﺮ ﺍﻓﻠﻮﺳﻪ
ﻭﻣﻮ ﺑﺲ ﻫﻴﺞ ﺣﺎﻭﻟﺖ ﺍﺧﻠﻴﺞ ﺗﻠﺤﮕﻴﻬﻢ ﻣﺎﺭﺩﺕ ﻳﻨﺘﻘﻞ ﺍﻟﻮﺭﺙ ﺏ ﺍﺳﻤﺞ
ﻟﺠﻴﻦ، ،ﻋﻠﻲ ﻣﻦ ﺳﻤﻌﻪ ﻫﺪ ﻋﻠﻲ ﻳﺮﻳﺪ ﻳﻀﺮﺑﻪ ﻭﻫﻮ ﺑﻬﺎﻱ ﺣﺎﻟﺘﻪ ﺑﺲ ﺍﻟﻀﺎﺑﻂ ﻫﻤﺎﻡ ﺻﺎﺭ ﮔﺪﺍﻣﻪ ﻳﻤﻨﻌﻪ
ﺭﺟﻊ ﻛﻤﻞ ﻛﻼﻣﻪ ﻭﺍﻧﻲ ﺑﻌﺪﻧﻲ ﻋﻠﺊ ﮔﻌﺪﺗﻲ ﺗﺤﺖ ﺗﺎﺛﻴﺮ ﺍﻟﺼﺪﻣﻪ
ﻋﺪﻧﺎﻥ،،ﻣﻮ . ﻣﻮ ﺑﺲ ﺍﻧﻲ ﺍﻛﻮ ﺍ ﺍﺛﻨﻴﻦ ﻭﻳﺎﻱ
ﻋﻠﻲ،،ﺍﺣﺠﻲ ﻣﻨﻮ ﻗﺒﻞ ﻣﺎﺍﻓﺮﻍ ﺍﻟﻤﺴﺪﺱ ﺑﺤﻠﮕﻚ
ﻋﺪﻧﺎﻥ،،ﻫﻬﻪ ﺍﻟﺴﺎﻋﺪﻧﻲ ﻣﻨﻚ ﻭﺑﻴﻚ ﺳﻴﺎﺩﺓ ﺍﻟﻨﻘﻴﺐ
ﻣﺮﺭﺭﺗﻚ ﻫﻲ ﺍﻟﻨﻄﺘﻨﻲ ﻣﻌﻠﻮﻣﺎﺕ ﻋﻦ ﻟﺠﻴﻦ ﻭﻋﻨﻮﺍﻥ ﻣﺪﺭﺳﺘﻬﺎ ﻫﻲ ﺍﻟﺠﺎﻧﺖ ﺗﻮﺻﻠﻲ ﺍﺧﺒﺎﺭﻫﺎ
ﻟﺠﻴﻦ،،ﻋﻘﻠﻲ ﺑﻌﺪ ﻣﺎﻳﺘﺤﻤﻞ ﺻﺪﻣﻪ ﺟﺪﻳﺪﺓ
ﺷﻴﻤﺎﺀ ﺗﻜﺮﻫﻨﻲ ﺑﺲ ﻣﺎﻣﺘﻮﻗﻌﻪ ﻳﻮﺻﻞ ﺑﻴﻬﺎ ﺍﻟﺤﺎﻝ ﺗﺤﺎﻭﻝ ﺗﻤﻮﺗﻨﻲ
ﺭﻓﻌﺖ ﺭﺍﺳﻲ ﺍﺑﺎﻭﻉ ﺍﻟﻌﻠﻲ ﺍﻟﻜﺎﻧﺖ ﺑﺎﻳﻨﻪ ﻋﻠﻲ ﺍﻟﺼﺪﻣﻪ ﺣﺎﻟﻪ ﻣﻦ ﺣﺎﻟﻲ
ﻋﻠﻲ،،ﻭ ﻭﺍﻟﺜﺎﻟﺚ ﻣﻨﻮ ??
ﻋﺪﻧﺎﻥ،،ﺟﻌﻔﺮ ﺍﻟﻜﺎﻥ ﻳﺒﻴﻊ ﻣﺨﺪﺭﺍﺕ ﻟﻜﺮﺍﺭ
ﻫﻮ ﻧﻔﺴﻪ ﺍﻟﻜﺎﻥ ﻳﺴﻮﻕ ﺍﻟﺴﻴﺎﺭﺓ ﺑﻴﻮﻡ ﺍﻟﺮﻣﻴﻨﻪ ﻟﺠﻴﻦ
ﻟﺠﻴﻦ،،ﺧﻠﻴﺖ ﺍﻳﺪﻱ ﺑﺎﻟﮕﺎﻉ ﻭﮔﻤﺖ
ﻫﺠﻤﺖ ﻋﻠﻲ ﺑﻴﺪ ﻭﺣﺪﺓ ﺍﺭﻳﺪ ﺍﺷﺮﺏ ﻣﻦ ﺩﻣﻪ ﺣﺮﻣﻨﻲ ﻣﻦ ﺍﻣﻲ ﻭﺍﺑﻮﻱ ﻭﺍﺧﺘﻲ ﺑﺴﺒﺐ ﺩﻧﺎﻋﺘﻪ ﻭﺣﻘﺎﺭﺗﻪ
ﺍﺧﻮﻱ ﺍﻟﻲ ﺍﻧﻌﺪﻡ ﺑﺮﻳﺊ ﺑﺴﺒﺒﻪ
ﻭﻛﻞ ﻫﺬﺍ ﻣﺎﻛﻔﺎ ﺭﺟﻊ ﻳﺤﺎﻭﻝ ﻳﻤﻮﺗﻨﻲ
ﺩﺧﻠﺖ ﺑﻨﻬﻴﺎﺭ ﻋﺼﺒﻲ ﺍﻋﺼﺎﺑﻲ ﻛﻠﻬﺎ ﺗﺮﺟﻒ ﻋﻠﻲ ﺣﺎﺿﻨﻲ ﻣﻦ ﺿﻬﺮﻱ ﻭﺍﻧﻲ ﺍﻓﺮﻓﺢ ﺑﺪﻭﻥ ﺻﻮﺕ ﻭﺍﻫﻤﺶ ﺍﺭﻳﺪ ﺍﻭﺻﻞ ﻳﻤﻪ ﻣﺎﻳﺨﻠﻮﻧﻲ
ﻃﻠﻌﻮﻧﻲ ﻣﻦ ﺍﻟﻐﺮﻓﻪ ﻛﻠﻬﺎ ﻭﻋﻠﻲ ﮔﺎﻝ ﻟﻠﻀﺎﺑﻂ ﻫﻤﺎﻡ ﻳﺴﺠﻞ ﻛﻞ ﺍﻋﺘﺮﺍﻑ ﻋﻤﻲ ﺍﻟﻲ ﺣﺮﺍﻡ ﺍﺳﻤﻲ ﻭﺍﺣﺪ ﻣﺜﻠﻪ ﻋﻤﻲ ﻭﻫﻮ ﺷﻴﻄﺎﻥ ﻣﺎﺑﻜﻠﺒﻪ ﺭﺣﻤﻪ
ﻗﺘﻞ ﻋﺎﺋﻠﻪ ﺍﺧﻮ ﻛﻠﻬﺎ ﻋﻠﺊ ﻣﻮﺩ ﺍﻟﻔﻠﻮﺱ ﻭﻫﻲ ﻭﺻﺦ ﺩﻧﻴﻪ
ﻃﻠﻌﻨﻪ ﻣﻦ ﺍﻟﻤﺴﺸﻔﺊ ﻭﺍﻧﻲ ﻳﺎﺩﻭﺏ ﻭﺍﮔﻔﻪ ﻋﻠﺊ ﺭﺟﻠﻴﻪ
ﺍﺑﺠﻲ ﺑﺼﻮﺕ ﻋﺎﻟﻲ ﺍﺣﺲ ﺍﻟﺸﻬﮕﻪ ﺗﻄﻠﻊ ﻣﻦ ﺭﻭﺣﻲ
ﺻﻌﺪﻧﻲ ﺑﺎﻟﺴﻴﺎﺭﺓ ﻭﻫﻮ ﻫﻢ ﺻﻌﺪ ﺍﻟﺘﻔﺘﻠﻲ ﻭﺍﺣﺘﻀﻦ ﻭﺟﻬﻲ ﺑﺪﻱ
ﺍﺑﺎﻭﻉ ﺑﻌﻴﻮﻧﻪ ﺑﻘﻬﺮ ﻭﺩﻣﻮﻉ
ﻋﻠﻲ،،ﺍﻣﺴﺤﻲ ﺩﻣﻮﻋﺞ ﺑﺎﻟﻌﺒﺎﺱ ﺍﻟﻪ ﺍﺧﺬﻟﺞ ﺣﻘﺞ ﻣﻨﻬﻢ ﻛﻠﻬﻢ
ﺑﺲ ﺍﺳﻜﺘﻲ ﻣﺎﺍﺭﻳﺪﺝ ﻛﻠﺸﻲ ﺗﺤﺠﻴﻦ ﺍﺫﺍ ﺗﺜﻘﻴﻦ ﺑﻴﻪ ﻋﻮﻓﻲ ﻛﻠﺸﻲ ﻭﺭﺍﻱ
ﻟﺠﻴﻦ،،ﻣﺪ ﺍﻳﺪﺓ ﻟﺰﻣﺘﻬﺎ ﻭﻫﺰﻳﺖ ﺭﺍﺳﻲ ﺍﻟﻪ
ﺭﺟﻌﻨﻪ ﻟﻠﺒﻴﺖ ﻭﻣﻦ ﺍﻟﺒﺎﺏ ﺍﺗﻠﮕﺘﻨﻪ ﺷﻴﻤﺎﺀ ﻣﺜﻞ ﺍﻟﺒﺎﻳﮓ ﻭﺧﺎﻳﻒ ﻳﻨﻜﺸﻒ
ﺳﻠﻢ ﻋﻠﻴﻬﺎ ﻋﻠﻲ ﺑﺼﻮﺭﺓ ﻃﺒﻴﻌﻴﻪ ﻟﺰﻡ ﺍﻳﺪﻱ ﻭﻣﺸﺎﻧﻲ ﺩﺧﻠﻨﻪ ﻟﻠﺒﻴﺖ ﻛﻨﺖ ﮔﻮﺓ ﻭﺍﮔﻔﻪ ﻋﻠﺊ ﺣﻴﻠﻲ
ﻣﺎﺍﮔﺪﺭ ﺍﻣﺸﻲ ﺭﺟﻠﻴﻪ ﻭﺟﺴﻤﻲ ﺍﺛﮕﺎﻝ
ﺩﺧﻠﻨﻪ ﻟﻠﺒﻴﺖ ﻭﺷﻴﻤﺎﺀ ﺩﺧﻠﺖ ﻭﺭﺍﻧﻪ
ﺭﺩﺕ ﺍﺩﺧﻞ ﻟﻠﻐﺮﻓﻪ ﺑﺲ ﻋﻠﻲ ﮔﺎﻝ ﺗﻌﺎﻱ ﻫﻨﺎ ﻧﮕﻌﺪ ﺑﻬﺎﻱ ﺍﻟﻐﺮﻓﻪ
ﻭﻛﺎﻥ ﻳﻘﺼﺪ ﺍﻟﻤﻜﺎﻥ ﺍﻟﻨﮕﻌﺪ ﻧﺘﻐﺪﺓ ﺑﻲ
ﺍﺟﺖ ﺍﻡ ﺣﺴﻴﻦ ﺗﺴﺄﻝ ﻋﻦ ﻋﻤﻲ ﺷﻴﺮﻳﺪ ﻣﻨﻲ
ﻣﺎﺍﻛﺪﺭﺕ ﺍﺟﺎﻭﺑﻬﺎ ﺷﻔﺖ ﻋﻠﻲ ﻃﻠﻊ ﻣﻮﺑﺎﻟﻪ ﺍﺗﺼﻞ ﺑﺤﺴﻴﻦ ﻭﻃﻠﺐ ﻣﻨﻪ ﻳﺠﻴﺐ ﺍﻡ ﺷﻴﻤﺎﺀ ﻭﻧﺴﺮﻳﻦ ﻭﻳﺠﻲ ﺑﺴﺮﻋﻪ ﻟﻠﺒﻴﺖ
ﺍﻡ ﺣﺴﻴﻦ ﺳﺎﻟﺘﻪ ﻟﻴﺶ ﺷﺼﺎﻳﺮ ﻭﺷﻌﻨﺪﻙ ﻣﻦ ﻋﻤﺘﻚ ﻭﺍﺧﻮﻙ ?
ﻋﻠﻲ،،ﻳﻤﻪ ﺍﻧﺘﻀﺮﻱ ﺷﻮﻳﻪ ﻭﺍﺗﻌﺮﻓﻴﻦ ﻛﻠﺸﻲ ﺑﺲ ﺍﻧﻄﻲ ﺻﺒﺮ
ﻟﺠﻴﻦ،،ﺑﻌﺪ ﺛﻼﺙ ﺍﺭﺑﺎﻉ ﺍﻟﺴﺎﻋﻪ ﺍﺟﻪ ﺣﺴﻴﻦ ﻭﺟﺎﻳﺐ ﻭﻳﺎﻩ ﺍﻡ ﺷﻴﻤﺎﺀ ﻭﻧﺴﺮﻳﻦ
ﺩﺧﻠﺖ ﺍﻡ ﺷﻴﻤﺎﺀ ﻭﺳﺎﻟﺖ ﺑﺘﻬﺎ
ﺍﻡ ﺷﻴﻤﺎﺀ،،ﺧﻴﺮ ﻳﻤﻪ ﺷﺒﻴﺞ ﺻﺎﻳﺮ ﺷﻲ ?
ﺣﺴﻴﻦ ﺧﺎﺑﺮﻧﻲ ﮔﺎﻝ ﺣﻀﺮﻱ ﺭﻭﺣﺞ ﺍﺟﻴﺖ ﺍﺧﺬﺝ ﺍﻟﺒﻴﺘﻨﻪ ﺍﺟﻴﺖ ﺑﺴﺮﻋﻪ ﻋﺒﺎﻟﻲ ﺷﻮ ﺷﺒﻴﺞ
ﻟﺠﻴﻦ،،ﺷﻴﻤﺎﺀ ﺑﺲ ﺻﺎﻓﻨﻪ ﺣﺘﺊ ﻣﺎﺟﺎﻭﺑﺖ ﺍﻣﻬﺎ ﻋﻴﻮﻧﻬﺎ ﻣﺘﺸﺨﺼﻪ ﻋﻠﺊ ﻋﻠﻲ ﺍﻟﻜﺎﻥ ﻭﺟﻬﺎ ﻣﻄﻌﻮﻥ ﺍﺣﻤﺮ ﺍﺗﺤﺴﻪ ﻣﺜﻞ ﺍﻟﻘﻨﺒﻠﻪ ﺍﻟﻤﻮﻗﻮﺗﻪ ﻋﻠﺆ ﺳﺎﻋﻪ ﻳﻨﻔﺠﺮ
ﺭﺍﺡ ﺍﻟﺸﺎﺷﺔ ﺍﻟﺒﻼﺯﻣﺎ ﺷﻐﻠﻬﺎ ﻭﺳﺤﺐ ﻣﻨﻬﺎ ﺗﻮﺻﺎﻟﻪ ﺣﻄﻬﺎ ﺑﺠﻬﺎﺯ ﺍﻟﻤﻮﺑﺎﻳﻞ ﻣﺎﻟﺘﻪ
ﻛﻠﻨﻪ ﻣﻨﻌﺮﻑ ﻫﻮ ﻭﻳﻦ ﻳﺮﻳﺪ ﻳﻮﺻﻞ ﻭﺷﺠﺎﻱ ﻳﺴﻮﻱ
ﺍﺷﺘﻐﻠﺖ ﺍﻟﺸﺎﺷﻪ ﺑﻌﺪ ﻣﺎﮔﻠﺐ ﺑﺠﻬﺎﺯ ﺍﻟﻤﻮﺑﺎﻳﻞ
ﻓﺘﺤﺖ ﻋﻴﻮﻧﻲ ﻭﺍﻧﻲ ﺍﺷﻮﻑ ﺭﻭﺣﻲ ﺑﺎﻟﺘﺼﻮﻳﺮ
ﺍﺗﺬﻛﺮﺕ ﻫﺬﺍ ﺍﻟﻤﻮﻗﻒ ﻗﺒﻞ ﺍﺷﻬﺮ ﺑﻴﻮﻡ ﺍﻟﻮﮔﻌﺖ ﺷﻴﻤﺎﺀ ﻣﻦ ﺍﻟﺪﺭﺝ ﻭﺍﺗﻬﻤﺘﻨﻲ ﺍﻧﻲ ﺍﻟﺪﻓﻌﺘﻬﺎ
ﻣﺎﻛﻨﺖ ﺍﻋﺮﻑ ﺍﻛﻮ ﻛﺎﻣﺮﺍﺕ ﺩﺍﻳﺮ ﻣﺪﺍﻳﺮ ﺍﻟﺒﻴﺖ
ﻳﺘﺘﺘﺘﺘﺘﺒﻊ
