#ﺍﻟﻨﻘﻴﺐ_ﺍﺑﻮﺩﺭﻉ_ﻭﺍﻟﻘﺎﺻﺮ
⭐⭐⭐
ﻟﻠﻜﺎﺗﺐ ﻋﻠﻲ ﺍﻟﻔﺘﻼﻭﻱ
#بارت١٩
،، ،،،،،،،،،،،،،،،،،،،،،،،،،،،،،،،،،،،
ﺧﻞ ﺍﺳﻮﻟﻔﻠﻜﻢ ﺳﺎﻟﻔﻪ ﻗﺒﻞ ﻣﺎﺗﺒﺪﻭﻥ ﺗﻘﺮﻭﻥ ﺍﻟﺒﺎﺭﺕ 😃
ﺍﻟﺒﺎﺭﺣﻪ ﺭﺟﻌﺖ ﻣﻦ ﺍﻟﻤﻀﺎﻫﺮﺍﺕ ﺍﻟﻤﻐﺮﺏ ﺗﻌﺒﺎﻥ
ﮔﻌﺪﺕ ﺑﺎﻟﻤﻈﻴﻒ ﻭﺑﺪﻳﺖ ﺍﻛﺘﺒﻠﻜﻢ ﺑﺎﺭﺕ ﻧﺸﺮﺗﻪ ﻭﻣﻦ ﺍﻟﺘﻌﺐ ﻏﻔﻴﺖ ﺑﻤﻜﺎﻧﻲ ﻣﺎﺍﺩﺭﻱ ﺑﺮﻭﺣﻲ
ﺛﺎﻧﻲ ﻳﻮﻡ ﺍﻟﺼﺒﺢ ﮔﻌﺪﺕ ﻳﻢ ﺍﻣﻲ ﻭﺍﺷﻮﻓﻠﻚ ﻧﺒﻊ ﺍﻟﺤﻨﺎﻥ ﺣﺎﺻﺮﺗﻬﺎ ﺿﺤﭽﻪ
ﮔﺘﻠﻬﺎ ﻳﻤﻪ ﺿﺤﭽﻴﻨﻪ ﻭﻳﺎﺝ
ﮔﺎﻟﺖ ﻳﻤﻪ ﺍﺟﻴﺖ ﺍﻛﻌﺪﻙ ﺏ ﺍﻝ 2 ﺑﻠﻴﻞ ﺭﺩﺗﻚ ﺗﻨﺎﻡ ﺑﻐﺮﻓﺘﻚ
ﺑﺲ ﺍﻧﺘﻪ ﻃﻔﺮﺕ ﻣﻦ ﻧﻮﻣﻚ ﻭﮔﺘﻠﻲ ﺍﻧﻲ ﻧﺎﺯﻝ ﺍﺧﺬ ﺣﻘﻲ
ﺍﺩﺭﻱ ﻳﺒﻌﺪ ﺍﻣﻚ ﻧﺺ ﺍﻟﻠﻴﻞ ﻣﻨﻴﻦ ﺗﺎﺧﺬ ﺣﻘﻚ
ﻣﻦ ﺷﻴﺐ ﺍﻟﺨﻠﻔﻮﻧﻲ ?
ﺷﻮ ﺣﺘﺊ ﺍﻟﻤﺘﻀﺎﻫﺮﻳﻦ ﻧﺎﻳﻤﻴﻦ ﻫﺴﻪ ﻣﻨﻮ ﻳﻜﻌﺪ ﻳﺘﻀﺎﻫﺮ ﻭﻳﺎﻙ 😂😂
ﻣﺮﺗﻲ ﺑﺎﻟﻤﺴﺘﻘﺒﻞ ﻣﺎﺍﺗﻌﺐ ﺭﻭﺣﻬﺎ ﻭﺩﻭﺭ ﻭﺭﺍﻱ
ﺍﻧﻲ ﺑﻠﻴﻞ ﺍﻛﺖ ﺍﻻﻭﻝ ﻭﺍﻟﺘﺎﻟﻲ ﻻﻥ ﺍﻟﻤﺼﻴﺒﻪ ﺍﺳﻮﻟﻒ ﻭﺍﻧﻲ ﻧﺎﻳﻢ 😂😂😂
،،،،،،،،،،،،،،،،،،،،،،،،،،،،،،،،،،،،،،
ﻟﺠﻴﻦ،،ﻛﻤﻠﺖ ﻛﻠﺸﻲ ﻭﺭﺟﻌﺖ ﻭﻳﻪ ﻧﺴﺮﻳﻦ ﺍﻟﺒﻴﺘﻬﺎ
ﺛﺎﻧﻲ ﻳﻮﻡ ﻧﺴﺮﻳﻦ ﮔﺎﻟﺖ ﺧﻞ ﺍﺳﻮﻳﻠﺞ ﻓﻴﺲ ﺍﺗﺼﻔﺤﻲ ﺑﻲ ﺗﺘﻮﻧﺴﻴﻦ
ﻭﺻﺪﮒ ﺳﻮﺗﻠﻲ ﺻﻔﺤﻪ ﺑﺎﺍﺳﻢ ﻣﺴﺘﻌﺎﺭ
ﺿﺎﻓﺖ ﻧﻔﺴﻬﺎ ﺑﺼﻔﺤﺘﻲ ﻭﺭﺟﻌﺖ ﺿﺎﻓﺖ ﺣﺴﻴﻦ ﻭﺑﻴﺪﺍﺀ ﻣﺎﻋﻨﺪﻱ ﻏﻴﺮﻫﻢ
ﺿﻬﺮﺕ ﺻﻔﺤﺖ ﻋﻠﻲ ﮔﺪﺍﻣﻨﻪ ﺑﺎﻟﻤﺸﺘﺮﻛﻪ ﻣﺨﻠﻲ ﺻﻮﺭﺗﻪ ﺑﺎﻟﺰﻱ ﺍﻟﻌﺴﻜﺮﻱ
ﻧﺴﺮﻳﻦ،،ﺗﺮﺩﻳﻦ ﺍﺿﻴﻔﻪ ??
ﻟﺠﻴﻦ،، ﻻﻻ ﻟﺘﻀﻴﻔﻲ ﺍﺑﺪ
ﻧﺴﺮﻳﻦ، ،ﺍﻭﻙ ﺑﻜﻴﻔﺞ
ﻟﺠﻴﻦ،،ﮔﻌﺪﺕ ﻧﺴﺮﻳﻦ ﺗﻌﻠﻤﻨﻲ ﻻﻥ ﻣﺎﻣﺴﻮﻳﻪ ﻓﻴﺲ ﻗﺒﻞ
ﻛﻤﻠﺖ ﻋﺎﻓﺘﻨﻲ ﻭﻃﻠﻌﺖ ﺍﺗﻤﺪﺩﺕ ﺑﻔﺮﺍﺷﻲ
ﻭﺻﺮﺕ ﺍﺗﻨﻘﻞ ﺑﺎﻟﺒﺮﻧﺎﻣﺞ ﺩﺧﻠﺘﻨﻲ ﺑﮕﺮﻭﺏ ﻃﺒﺦ ﻭﺧﻴﺎﻃﺔ ﺑﺲ ﺑﻨﺎﺕ ﺑﻘﻴﺖ ﺍﺗﻔﺮﺝ ﻋﻠﺊ ﻣﻨﺸﻮﺭﺍﺗﻬﻦ
ﺍﺧﺮ ﺷﻲ . ﺭﺩﺕ ﺍﻃﻠﻊ ﻫﻢ ﺭﺟﻌﺖ ﺿﻬﺮﺕ ﮔﺪﺍﻣﻲ ﺻﻔﺤﺖ ﻋﻠﻲ
ﺩﺧﻠﺖ ﻋﻠﻴﻬﺎ ﻛﺎﻥ ﻧﺎﺷﺮ ﻛﻢ ﺻﻮﺭﺓ ﺍﻟﻪ ﺑﺎﻟﻤﻼﺑﺲ ﺍﻟﻌﺴﻜﺮﻳﻪ ﻭﻳﻪ ﺟﻤﺎﻋﺘﻪ ﺍﻟﻀﺒﺎﻁ
ﻭﺻﻮﺭﺗﻴﻦ ﺑﺎﻟﺰﻱ ﺍﻟﺨﻠﻴﺠﻲ ﻻﻑ ﺍﺍﻟﺸﻤﺎﻍ ﻉ ﺭﺍﺳﻪ ﻭﺑﻴﺪﺓ ﺍﻟﺴﺒﺤﻪ ﻭﺍﮔﻒ ﻳﻢ ﺳﻴﺎﺭﺗﻪ
ﻣﺎﺍﻋﺮﻑ ﺍﺷﻠﻮﻥ ﺑﺎﻟﻐﻠﻂ ﺩﺳﺖ ﺍﺿﺎﻓﺖ ﺻﺪﻳﻖ
ﺍﺣﺲ ﮔﻠﺒﻲ ﺭﺍﺡ ﻳﻄﻠﻊ ﻣﻦ ﺣﻠﮕﻲ
ﻣﺎﺍﺭﻳﺪ ﺷﻲ ﻳﺮﺑﻄﻨﻲ ﺑﻲ ﻭﻻﺍﺭﻳﺪ ﺻﺪﺍﻗﺘﻪ
ﺑﺴﺮﻋﻪ ﻃﻠﻌﻠﻲ ﺗﻢ ﻗﺒﻮﻝ ﺍﻟﻄﻠﺐ
ﻳﺒﻮﻭﻭ ﺍﻳﺪﻱ ﻛﺎﻣﺖ ﺗﺮﺟﻒ ﺍﺭﻳﺪ ﺍﻟﻐﻲ ﺍﻟﻄﻠﺐ ﻣﺎﺍﻋﺮﻑ ﻣﻨﻴﻦ
ﻓﺘﺤﺖ ﺍﻟﺒﺎﺏ ﻭﻃﻠﻌﺖ ﺑﺴﺮﻋﻪ ﺍﻟﻨﺴﺮﻳﻦ
ﻟﮕﻴﺘﻬﺎ ﺑﻐﺮﻓﺔ ﻣﺤﻤﺪ ﺍﺗﺮﺗﺐ ﺑﻤﻼﺑﺴﻪ
ﺑﺎﺍﺍﺟﻲ ﺍﻟﻠﺤﮕﻲ
ﻧﺴﺮﻳﻦ،،ﻳﺎﺍﺍ ﺷﺒﻴﺞ ?
ﻟﺠﻴﻦ،،ﮔﺘﻠﻬﺎ ﺩﺯﻳﺘﺘﻠﻪ ﻃﻠﻠﺐ ﺍﺭﺭﻓﻀﻲ ﺑﺴﺮﺭﻋﻪ ﺑﺴﺮﺭﻋﻪ ﺑﺴﺮﻋﻪ ﺍﻟﻠﻪ ﻳﺨﻠﻴﺞ
ﻧﺴﺮﻳﻦ،،ﺟﻴﺒﻲ ﻋﺎﺑﺖ ﺍﻱ ﻭﺍﻟﻠﻪ ﻋﺒﺎﻟﻲ ﺷﻮ ﺷﺒﻴﺞ ﺧﺮﻋﺘﻴﻨﻲ
ﻟﺠﻴﻦ، ،ﺍﺧﺬﺕ ﺍﻟﻤﻮﺑﺎﻳﻞ ﻣﻨﻲ ﻭﮔﺎﻟﺖ ﺍﻻﺥ ﻗﺎﺑﻞ ﺍﻟﻄﻠﺐ ﻭﺩﺍﺯﻟﺞ ﺭﺳﺎﻟﻪ ﻛﺎﺗﺐ ﻣﻨﻮ ﺣﻀﺮﺗﺞ ?
ﺍﻛﻴﺪ ﻋﺮﻓﺞ ﻻﻥ ﺑﺲ ﺍﻧﻲ ﻭﺣﺴﻴﻦ ﻭﺑﻴﺪﺍﺀ ﺑﻘﺎﺋﻤﻪ ﺍﻻﺻﺪﻗﺎﺀ
ﮔﺘﻠﻬﺎ ﺑﺎﺟﻲ ﺍﻟﻠﻐﻲ ﻓﺪﻭﺓ
ﻧﺴﺮﻳﻦ،،ﺻﺎﺭ ﻭﻫﺎﻱ ﻟﻐﻴﻨﻪ ﺍﻟﻄﻠﺐ
ﻟﺠﻴﻦ،،ﻫﻲ ﺩﻗﻴﻘﻪ ﻭﺩﮒ ﻣﻮﺑﺎﻳﻠﻲ ﻭﻛﺎﻥ ﺍﻟﻤﺘﺼﻞ ﻋﻠﻲ
ﺑﻘﻴﺖ ﺻﺎﻓﻨﻪ ﻉ ﺍﻟﺮﻗﻢ
ﺭﻗﻤﻲ ﻋﻨﺪﺓ ﻭﺍﻧﻲ ﻫﻢ ﺑﺲ ﻭﻻﻣﺮﺓ ﺍﺗﺼﻞ ﺑﻴﻪ ﻫﺎﻱ ﺍﻭﻝ ﻣﺮﺓ
ﻧﺴﺮﻳﻦ ﺳﺎﻟﺘﻨﻲ ﮔﺘﻠﻬﺎ ﻋﻠﻲ ﻳﺘﺼﻞ
ﺑﺲ ﻣﺎﺟﺎﻭﺑﺘﻪ ﺩﻗﻴﻘﻪ ﺍﻭﺻﻠﺘﻨﻲ ﺭﺳﺎﻟﻪ ﻣﻨﻪ
ﻓﺘﺤﺘﻬﺎ ﻧﺴﺮﻳﻦ ﻭﺷﻬﮕﺖ
ﻧﺴﺮﻳﻦ،،ﻋﺰﺍﺍ ﺑﻌﻴﻨﻪ ﺻﺪﮒ ﻣﺎﻳﻨﻀﻢ ﻋﻨﻪ ﺷﻲ
ﺷﻮﻓﻲ ﺷﻜﺎﺗﺐ
ﻋﻠﻲ ( ﺭﺍﺡ ﺍﺭﺟﻊ ﺍﺩﺯ ﻃﻠﺐ ﻭﺍﺫﺍ ﻣﺎﻗﺒﻠﺘﻲ ﺭﺍﺡ ﺍﺣﺴﺐ ﻟﻠﺨﻤﺴﻪ ﺍﻟﮕﻪ ﺍﻟﺼﻔﺤﻪ ﻣﻌﻄﻠﺘﻬﺎ ﻣﻔﻬﻮﻭﻭﻡ (??
ﺍﻧﻄﻴﺖ ﺍﻟﻤﻮﺑﺎﻳﻞ ﺍﻟﻨﺴﺮﻳﻦ ﮔﺘﻠﻬﺎ ﻋﻄﻠﻴﻬﺎ ﻣﺎﺍﺭﻳﺪﻫﺎ
ﻧﺴﺮﻳﻦ،،ﻻﺍﺍ ﻟﺘﻌﻄﻠﻴﻬﺎ ﻭﺍﺫﺍ ﺩﺯﻟﺞ ﻃﻠﺐ ?
ﺿﻴﻔﻲ ﻭﺑﺲ ﻣﻮﺷﺮﻁ ﺗﺤﺠﻴﻦ ﻭﻳﺎﻩ
ﻟﺠﻴﻦ،،ﻗﺒﻠﺖ ﻃﻠﺒﻪ ﻭﺑﺴﺮﻋﻪ ﻭﺻﻠﺘﻨﻲ ﺭﺳﺎﻟﻪ ﻣﻨﻪ ﻉ ﺍﻟﻤﺎﺳﻨﺠﺮ
ﻋﻠﻲ ( ﻋﻔﻴﺔ ﺑﺎﻟﺸﺎﻃﺮﺓ )
ﺗﺼﺮﻓﺎﺗﻪ ﺗﻨﺮﻓﺰ ﺍﻋﺼﺎﺑﻲ ﺷﻮﻳﻪ ﻭﺻﻠﻨﻲ ﺍﺷﻌﺎﺭ ﺗﻢ ﻧﺸﺮ ﻣﻘﻄﻊ ﻓﻴﺪﻳﻮ ﻣﻦ ﺣﺴﺎﺏ ﻋﻠﻲ
ﺩﺧﻠﺖ ﺷﻔﺖ ﺷﻨﻮ ﻧﺎﺷﺮ
ﻛﺎﻥ ﻣﻘﻄﻊ ﻣﻦ ﺍﻏﻨﻴﺔ ﻛﺎﻇﻢ ﺍﻟﺴﺎﻫﺮ ( ﻣﺎﺍﻟﺤﻞ )
ﺍﻟﻠﻪ ﻣﻦ ﺩﻟﻊ ﺍﻟﻨﺴﺎﺀ
ﻭﻛﻴﺪﻫﻦ
ﻭﻣﻦ ﺟﻨﻮﻧﻜﻲ ﻳﺎﺣﻴﺎﺗﻲ
ﻣﺎﺍﻟﺤﻞ ?
ﻳﺎﻣﺸﻜﻠﺔ،،ﻳﺎﻣﺪﻟﻠﺔ ،،ﻣﺎﻟﺤﻠﻮ
ﻣﺎﺍﻟﺤﻞ ?
ﻳﺎﻣﺸﺎﻏﺒﺔ، ،ﻳﺎﻣﺘﻌﺒﺔ، ،ﻣﺎﺍﻟﺤﻞ
ﻃﻠﻌﺖ ﺣﺘﺊ ﻣﺎﺳﻤﻌﺘﻬﺎ ﻛﻠﻬﺎ ﺳﺪﻳﺖ ﺍﻟﺸﺒﻜﻪ ﻋﻔﺖ ﺍﻟﻤﻮﺑﺎﻳﻞ ﻉ ﺍﻟﺸﺤﻦ ﻭﻃﻠﻌﺖ
ﺭﺣﺖ ﻳﻢ ﻧﺴﺮﻳﻦ ﻟﻜﻴﺘﻬﺎ ﺗﻐﺴﻞ ﺑﺎﻟﺰﻭﺍﻟﻲ
ﮔﺎﻋﺪﺕ ﺍﺳﺎﻋﺪﻫﺎ
ﻛﻤﻠﻨﺎﻫﻦ ﻏﺴﻞ ﻭﺷﺮﻳﻨﺎﻫﻦ ﺍﺗﻨﮕﻌﻨﻪ ﻣﺎﻱ
ﺩﺧﻠﺖ ﺳﺒﺤﺖ ﻭﺑﺪﻟﺖ ﻣﻼﺑﺴﻲ ﻭﻃﻠﻌﺖ
ﻭﻧﺴﺮﻳﻦ ﺩﺧﻠﺖ ﺳﺒﺤﺖ ﺑﻌﺪﻫﺎ ﺑﺪﻳﻨﻪ ﻧﺤﻀﺮ ﺑﺎﻟﻐﺪﺓ
ﺩﺧﻠﺖ ﻟﻠﻐﺮﻓﻪ ﺳﻤﻌﺖ ﺻﻮﺕ ﻧﻐﻤﺖ ﺭﻧﻴﻦ ﻣﻮﺑﺎﻳﻠﻲ
ﺷﻔﺖ ﺍﻟﻤﺘﺼﻞ ﻭﺩﻕ ﺣﺮﺕ ﺷﺠﺎﻭﺑﻬﺎ
ﺍﻟﻮ ﻫﻼ ﻭﺩﻭﻗﻪ ﺍﺷﻠﻮﻧﺞ ??
ﻭﺩﻕ،،ﺍﻧﻲ ﺍﺗﺼﻠﺖ ﺑﺲ ﺣﺘﺊ ﺍﻋﺘﺐ ﻋﻠﻴﺞ
ﺍﺫﺍ ﺍﻧﺘﻲ ﻣﺤﺠﻮﺯﺓ ﻝ ﺍﺑﻦ ﺧﺎﻟﺞ ﻟﻴﺶ ﻣﺎﮔﻠﺘﻲ ﻭﺍﻧﻲ ﺻﺎﺭ ﺍﻛﺜﺮ ﻣﻦ ﺳﻨﺘﻴﻦ ﺍﺣﺠﻴﻠﺞ ﻋﻦ ﺍﻋﺠﺎﺏ ﺣﻤﺰﺓ
ﻟﻴﺶ ﻣﺎﺳﺪﻳﺘﻲ ﺍﻟﺴﺎﻟﻔﻪ ﻣﻦ ﺍﻟﺒﺪﺍﻳﺔ ﻭﻣﺎﺧﻠﻴﺘﻲ ﺍﺧﻮﻱ ﻳﻜﻮﻥ ﻋﻨﺪﺓ ﺍﻣﻞ ﺑﻴﺞ
ﻟﺠﻴﻦ،،ﺍﻧﺘﻀﺮﻱ ﻭﺩﻕ ﺧﻞ ﺍﻓﻬﻤﺞ ﺯﻳﻦ ﺍﻧﺘﻮ ﻣﻦ ﺭﺟﻌﻠﻜﻢ ﺍﻟﺠﻮﺍﺏ
ﻭﺩﻕ،،ﺧﺎﻟﺘﺞ ﺍﺗﺼﻠﺖ ﺑﻴﻪ ﻭﺣﺠﺖ ﻭﻳﻪ ﺍﻣﻲ ﻭﻛﺎﻟﺘﻠﻬﺎ ﻣﺤﺠﻮﺯﺓ ﺍﻝ ﺍﺑﻦ ﺧﺎﻟﻬﺎ ﻣﻊ ﺍﻻﺳﻒ ﻋﻠﻴﺞ ﻟﺠﻴﻦ
ﻟﺠﻴﻦ،،ﺳﺪﺕ ﺍﻟﻤﻮﺑﺎﻳﻞ ﻗﺒﻞ ﻻﺍﺟﺎﻭﺑﻬﺎ
ﺣﺘﺊ ﺻﺪﻳﻘﺘﻲ ﺧﺴﺮﺗﻬﺎ ﺑﺴﺒﺐ ﻋﻠﻲ
ﺭﺟﻌﺖ ﺍﺗﺼﻠﺖ ﺑﻴﻬﺎ ﺑﺲ ﻫﻲ ﺍﻧﻄﺘﻨﻲ ﺣﻀﺮ
ﺑﻘﻴﺖ ﺍﺳﺒﻮﻉ ﺛﺎﻧﻲ ﺍﺑﻴﺖ ﻧﺴﺮﻳﻦ ﻋﻠﻲ ﺍﺟﻪ ﻣﺮﺓ ﻭﺣﺪﺓ ﺳﻤﻌﺖ ﺻﻮﺗﻪ ﻭﺣﺘﺊ ﻣﺎﻃﻠﻌﺖ ﺑﻘﻴﺖ ﺧﺎﺗﻠﻪ ﺑﺎﻟﻐﺮﻓﻪ
ﺑﻌﺪ ﻳﻮﻣﻴﻦ ﺍﺟﺖ ﺍﻡ ﺣﺴﻴﻦ
ﺑﺲ ﺍﻡ ﺣﺴﻴﻦ ﻭﺟﻬﺎ ﺗﻌﺒﺎﻥ ﻛﻠﺶ
ﻛﻨﺖ ﮔﺎﻋﺪﺓ ﻳﻤﻬﺎ ﻫﻲ ﻭﻧﺴﺮﻳﻦ
ﺍﻟﺘﻔﺘﺖ ﻋﻠﻴﻪ ﻭﺣﺠﺖ
ﺍﻡ ﺣﺴﻴﻦ،،ﺑﻨﻴﺘﻲ ﻣﺎﺍﻟﺞ ﻧﻴﺔ ﺗﺮﺩﻳﻦ ﻭﻳﺎﻱ ﺍﻟﻴﻮﻡ
ﺗﺮﺓ ﻭﺍﻟﻠﻪ ﺟﻮﻳﻌﺪﺓ ﻭﺣﺪﻱ ﺑﺎﻟﻐﺮﻓﻪ
ﻋﻠﻲ ﻣﺎﻳﺮﺩ ﻟﻠﻴﻞ ﻭﻣﺮﺗﻪ ﺯﻳﻦ ﺍﺫﺍ ﺷﻔﺘﻬﺎ ﺍﻟﻨﻬﺎﺭ ﻛﻠﻪ ﺧﺎﺗﻠﻪ ﺑﻐﺮﻓﺘﻬﺎ ﺑﺎﻟﺠﺬﺏ ﻣﺎﺗﻨﻄﻴﻨﻲ ﮔﻼﺹ ﻣﺎﻱ
ﻭﻫﻲ ﺗﺪﺭﻱ ﻋﻨﺪﻱ ﺳﻜﺮ ﻭﻇﻐﻂ ﻣﻦ ﺍﺧﺬ ﺍﻟﻌﻼﺝ ﻭﺍﺗﺎﺧﺮ ﺑﺎﻻﻛﻞ ﺟﺴﻤﻲ ﻛﻠﻪ ﻳﺮﺟﻒ ﻣﻦ ﺍﻟﺠﻮﻉ
ﻣﺎﻟﻠﺤﮓ ﺍﺭﻛﺾ ﻟﻠﻤﻄﺒﺦ ﺍﺣﻂ ﻟﮕﻤﻪ ﺑﺤﻠﮕﻲ
ﻭﻫﻲ ﻻﺍﺗﮕﻮﻝ ﻋﻤﺘﻲ ﺍﻧﻄﻴﻬﺎ ﺧﺒﻴﺰﺓ ﻟﻮ ﺍﺳﻮﻳﻠﻬﺎ ﺍﻛﻞ ﻟﻮ ﺍﻏﺴﻞ ﻫﺪﻭﻣﻬﺎ
ﺍﻟﻠﻪ ﻭﻛﻴﻠﻚ ﻳﻴﻤﻪ ﺍﻧﻲ ﺍﮔﻮﻡ ﺑﺸﻴﺒﺎﺗﻲ ﺍﻃﺒﺦ ﺍﻟﺮﻭﺣﻲ ﻭﺍﻏﺴﻞ ﻫﺪﻣﺘﻲ
ﺍﻧﻲ ﻣﺎﺟﺎﻳﺔ ﺍﺭﻳﺪ ﺍﺭﺩﺝ ﺣﺘﺊ ﺗﺨﺪﻣﻴﻨﻲ
ﺍﻧﻲ ﺍﺟﻴﺘﺞ ﺣﺘﺊ ﺗﺮﺩﻳﻦ ﻋﻨﻲ ﺍﻟﻮﺣﺸﻪ
ﺧﺎﻑ ﺍﻣﻮﺕ ﻭﺣﺪﻱ ﻭﻣﺤﺪ ﻳﺪﺭﻱ ﺑﻴﻪ
ﻟﺠﻴﻦ،،ﻫﻲ ﺗﺤﺠﻲ ﻭﺍﻧﻲ ﺩﻣﻮﻋﻲ ﺟﺮﺕ ﻭﻳﺎﻫﺎ ﻣﻦ ﺷﻔﺘﻬﺎ ﺑﺠﺖ
ﻧﺴﺮﻳﻦ،،ﻭﺍﻟﻠﻪ ﻳﺎﻋﻤﻪ ﻛﻠﻪ ﻣﻦ ﺍﻳﺪﺝ ﻟﻮ ﺗﺤﺠﻴﻦ ﺍﻝ ﻋﻠﻲ ﻋﻠﺊ ﺳﻮﺍﻟﻔﻬﺎ ﺟﺎﻥ ﺳﻮﺍﻟﻬﺎ ﺣﻞ
ﺍﻡ ﺣﺴﻴﻦ،،ﺗﺪﺭﻳﻦ ﺑﻴﻪ ﻣﺎﺍﺣﺐ ﺍﻟﻤﺸﺎﻛﻞ
ﻫﻮ ﺷﺎﺭﺩ ﺍﻟﻨﻬﺎﺭ ﻛﻠﻪ ﻣﻦ ﺍﻟﺤﻮﺵ
ﻣﺎﻳﺮﺩ ﻏﻴﺮ ﻧﺺ ﺍﻟﻠﻴﻞ
ﺍﻧﻮﺏ ﺗﺮﺩﻳﻦ ﺍﺗﻠﮕﺎﻩ ﻭﻫﻮ ﺗﻌﺒﺎﻥ ﺍﺷﻜﻴﻠﻪ ﻣﻦ ﻣﺮﺗﻪ
ﻳﻴﻤﻪ ﺍﻛﻮ ﺍﻟﻠﻪ ﮔﺎﻋﺪ ﻋﻠﺊ ﻛﺮﺳﻲ ﺣﮓ ﻭﻳﺸﻮﻑ ﺍﻟﺤﮓ ﻣﻦ ﺍﻟﺒﺎﻃﻞ
ﻭﺍﻛﻮ ﻣﺜﻞ ﻳﮕﻮﻝ ﺗﺮﺩﻳﻦ ﻳﺎﭼﻨﻪ ﻋﺠﻮﺯ
ﻳﺠﻴﻬﺎ ﻳﻮﻡ ﺷﻴﻤﺎﺀ ﺗﻜﺒﺮ ﻭﭼﻨﺘﻬﺎ ﺗﺴﻮﻱ ﺑﻴﻬﺎ
ﻧﻔﺲ ﻣﺎﺳﻮﺕ ﻭﻳﺎﻱ
ﻟﺠﻴﻦ،،ﮔﻤﺖ ﺣﻀﺮﺕ ﻣﻼﺑﺴﻲ ﻭﻛﺘﻠﻬﺎ ﺻﺎﺭ ﺧﺎﻟﻪ ﺍﺭﺟﻊ ﻭﻳﺎﺝ
ﺟﺮﺗﻨﻲ ﺣﺒﺘﻨﻲ ﺑﺮﺍﺳﻲ ﻭﮔﺎﻟﺖ ﺍﻟﻠﻪ ﻳﺮﺣﻢ ﺍﻟﺒﻄﻦ ﺍﻟﻨﮕﻠﺘﺞ
ﺣﺘﺊ ﻧﺴﺮﻳﻦ ﮔﺎﻟﺖ ﻋﻤﺘﻲ ﻣﺤﺘﺎﺟﺘﺞ ﻳﻤﻬﺎ ﺗﺮﻳﺪ ﺍﺣﺪ ﻳﺴﻮﻟﻒ ﻳﺤﺠﻲ ﻭﻳﺎﻫﺎ ﺍﺫﺍ ﻫﻲ ﻃﻮﻝ ﺍﻟﻴﻮﻡ ﻛﺎﻋﺪﺓ ﻭﺣﺪﻫﺎ ﺍﺷﻠﻮﻥ ﻣﺎﺗﻤﻞ
ﺭﺟﻌﺖ ﻭﻳﻪ ﺍﻡ ﺣﺴﻴﻦ ﻟﻠﺒﻴﺖ ﺩﺧﻠﻨﻪ ﻣﻦ ﺑﺎﺏ ﺍﻟﻤﻄﺒﺦ
ﻭﺍﺷﻮﻓﻠﻚ ﺍﻟﺴﻨﮓ ﻳﺼﻴﺢ ﺍﻟﻐﻮﺙ ﻣﻦ ﺍﻟﻮﺻﺦ ﻭﺍﻟﻤﻮﺍﻋﻴﻦ
ﺍﻟﺒﻴﺖ ﻛﻠﻪ ﻭﺳﺦ ﻭﺍﺗﺮﺍﺏ ﻛﻨﻪ ﺍﻧﻲ ﻭﻧﺴﺮﻳﻦ ﻣﺨﻠﻲ ﻳﻠﻤﻊ
ﺧﺎﻟﻪ ﺷﺼﺎﻳﺮ ﺑﺎﻟﺒﻴﺖ ﻟﻴﺶ ﻫﻴﺞ ??
ﺍﻡ ﺣﺴﻴﻦ،،ﺍﺳﻜﺘﻲ ﻭﺍﺧﻠﻴﻬﺎ ﺑﻨﻴﺘﻲ ﻫﻲ ﺯﻳﻦ ﺗﻐﺴﻞ ﻫﺪﻭﻡ ﺭﺟﻠﻬﺎ ﺍﻧﻮﺏ ﺗﺮﺩﻳﻬﺎ ﺍﺗﻨﻀﻒ
ﻟﺠﻴﻦ،،ﻧﺰﻋﺖ ﻋﺒﺎﺗﻲ ﻭﺭﺣﺖ ﻟﻠﻤﻄﺒﺦ ﺑﺪﻳﺖ ﺍﻏﺴﻞ ﺑﺎﻟﻤﻮﺍﻋﻴﻦ ﻭﺑﻌﺪﻫﺎ ﺟﻠﻔﺖ ﺍﻟﺴﻨﮓ ﻭﺍﻟﻜﺎﻭﻧﺘﺮ ﻣﻦ ﮔﺪ ﻣﺎﻭﺍﮔﻊ ﺷﻜﺮ ﻭﺩﻫﻦ ﻭﺍﻛﻞ ﻻﺯﮒ ﺍﻟﻮﺳﺦ ﺑﻲ
ﺧﻠﻴﺖ ﺗﺎﻳﺖ ﻭﻣﻲ ﺣﺎﺭ ﻭﺟﻠﻔﺘﻪ ﺑﺎﻟﺴﻴﻢ
ﻣﺎﻛﻤﻠﺖ ﻟﻤﻦ ﺍﻧﻜﺴﺮ ﺿﻬﺮﻱ
ﺣﺘﺊ ﺍﻟﻜﺎﺷﻲ ﺫﺑﻴﺘﻠﻪ ﺗﺎﻳﺖ ﻭﺯﺍﻫﻲ ﻭﻓﺮﻛﺘﻪ
ﺧﻠﻴﺖ ﺍﻟﻤﻄﺒﺦ ﻳﻠﻤﻊ
ﺑﻌﺪﻫﺎ ﺑﺪﻳﺖ ﺑﺎﻻﺳﺘﻘﺒﺎﻝ ﻭﺍﻟﺼﺎﻟﻪ ﻭﻏﺮﻓﺖ ﺍﻡ ﺣﺴﻴﻦ
ﺍﻟﻄﺎﺑﻖ ﺍﻻﺭﻇﻲ ﻛﻠﻪ ﺻﺎﺭ ﻧﻈﻴﻒ
ﻣﺎﻛﻤﻠﺖ ﺷﻐﻞ ﻟﻠﻤﻐﺮﺏ
ﺍﺗﻌﺠﺒﺖ ﻋﻠﺊ ﺷﻴﻤﺎﺀ ﺷﻨﻮ ﻣﻦ ﺑﺸﺮ ﻫﺎﻱ ﻣﻦ ﺍﻟﺼﺒﺢ ﺍﺟﻴﺖ ﻭﻫﺴﻪ ﺍﻟﻤﻐﺮﺏ ﻭﻫﻲ ﻓﻮﮒ
ﻻﺟﺎﻋﺖ ﻻﻋﻄﺸﺖ ﺷﻨﻮ ﻓﻠﻤﻬﺎ
ﺷﻮﻳﻪ ﻭﺍﻧﻔﺘﺢ ﺑﺎﺏ ﺍﻟﺒﻴﺖ ﻭﺩﺧﻠﺖ ﺷﻴﻤﺎﺀ ﻭﻣﺤﻤﻠﻪ ﻋﻼﻟﻴﮓ ﺑﻴﺪﻫﺎ ﺍﺗﻔﺎﺟﺌﺖ ﺑﻴﻬﺎ ﻋﺒﺎﻟﻲ ﺑﻐﺮﻓﺘﻬﺎ
ﻃﻠﻌﺖ ﻣﺎﻣﻮﺟﻮﺩﺓ ﺑﺎﻟﺒﻴﺖ ﺍﺻﻼ
ﻭﺑﺎﻟﺠﺬﺏ ﻣﺎﺍﻧﻄﺖ ﺧﺒﺮ ﺍﻟﻌﻤﺘﻬﺎ ﺑﻄﻠﻌﺘﻬﺎ
ﻣﻦ ﺷﺎﻓﺘﻨﻲ ﺧﻨﺰﺭﺕ ﺑﻮﺟﻬﻲ
ﺷﻴﻤﺎﺀ،ﻻﻫﻼ ﻭﻻﻣﺮﺣﺒﻪ ﺟﻨﻪ ﻣﺮﺗﺎﺣﻴﻦ ﻣﻨﺞ ﺷﻜﻮ ﺭﺟﻌﺘﻲ ﻣﺎﺑﻘﻴﺘﻲ ﻫﻨﺎﻙ ﻣﺮﺗﺎﺣﻴﻦ ﻣﻦ ﺧﻠﻘﺘﺞ
ﻟﺠﻴﻦ،،ﺑﺰﻋﺖ ﺭﻭﺣﻲ ﻣﻨﻬﺎ ﺫﺑﻴﺖ ﺍﻟﺼﻮﻧﺪﺓ ﻣﻦ ﺍﻳﺪﻱ
ﻭﮔﺘﻠﻬﺎ ﻣﻨﻮ ﻳﻤﺞ ﺍﻧﺘﻲ ﻭﺩﺧﻠﺘﻲ ﻣﺘﺤﺎﻣﻴﻪ
ﻭﺑﻌﺪﻳﻦ ﻣﺎﻛﺎﻋﺪﺓ ﻋﻨﺪﺝ ﺣﺘﺊ ﺗﺤﺠﻴﻦ ﺑﻜﻴﻔﺞ
ﻫﺬﺍ ﺑﻴﺖ ﺍﻡ ﺣﺴﻴﻦ ﻭﺍﻧﻲ ﻭﺍﻧﺘﻲ ﺧﻄﺎﺭ ﻋﺪﻫﺎ
ﻓﻬﻤﺘﻲ
ﺷﻴﻤﺎﺀ،،ﻭﺍﻟﻠﻪ ﻭﻃﺎﻟﻌﻠﺞ ﺣﺲ ﻳﺎﻟﻔﺎﻫﻴﻪ
ﺑﺲ ﻫﺎﻧﺖ ﻣﺎﺑﻘﻪ ﺷﻲ ﻭﺍﺧﻠﺺ ﻣﻦ ﻫﻠﺸﻜﻮﻝ
ﻟﺠﻴﻦ ﻋﺎﻓﺘﻨﻲ ﻭﺻﻌﺪﺕ ﺍﻟﻐﺮﻓﺘﻬﺎ
ﺩﺧﻠﺖ ﻟﻠﺒﻴﺖ ﺗﻮﺿﻴﺖ ﻭﺻﻠﻴﺖ
ﻓﺘﺤﺖ ﺍﻟﻤﺠﻤﺪﺓ ﻓﺎﺭﻏﻪ ﻛﺎﻧﺖ ﻣﻠﻴﺎﻧﻪ ﺍﻛﻞ ﻣﺠﻤﺪ
ﺭﺣﺖ ﻟﻠﺜﻼﺟﻪ ﻃﻠﻌﺖ ﺑﺘﻴﺘﻪ ﻭﻃﻤﺎﻃﻪ
ﮔﻠﻴﺖ ﺍﻟﻲ ﺑﺘﻴﺘﻪ ﻭﺷﻮﻳﺖ ﻃﻤﺎﻃﻪ ﻝ ﺍﻡ ﺣﺴﻴﻦ
ﺳﻮﻳﺖ ﺍﻛﻞ ﻣﺎﻝ ﻧﻔﺮﻳﻦ ﻳﻄﺒﻬﺎ ﻃﻮﺏ ﻣﻦ ﺍﺗﺠﻮﻉ ﺗﻨﺰﻝ ﺗﺨﺪﻡ ﻧﻔﺴﻬﺎ
ﺍﺧﺬﺕ ﺍﻻﻛﻞ ﻭﺭﺣﺖ ﻳﻢ ﺍﻡ ﺣﺴﻴﻦ ﻟﮕﻴﺘﻬﺎ ﺍﺗﺼﻠﻲ
ﺑﻌﺪﻫﺎ ﮔﻌﺪﻧﻪ ﻧﺘﻌﺸﻪ ﺍﻧﻲ ﻭﻳﺎﻫﺎ ﻭﺧﻄﻴﻪ ﺍﻟﻤﺮﺓ ﻋﺒﺎﻟﻚ ﺭﺩﺕ ﺭﻭﺣﻬﺎ ﺻﺎﺭﺕ ﺗﺤﺠﻴﻠﻲ ﺳﻮﺍﻟﻒ ﻣﺎﻝ ﺍﺳﺒﻮﻋﻴﻦ ﺟﺎﻣﻌﺘﻬﻦ ﺍﺑﮕﻠﺒﻬﺎ
ﺍﻡ ﺣﺴﻴﻦ،،ﻭﺍﻟﻠﻪ ﻳﺒﻨﻴﺘﻲ ﺗﻮﻧﻲ ﺭﺩﺕ ﺭﻭﺣﻲ ﻣﻦ ﺍﺟﻴﺘﻲ
ﺷﻮﻑ ﺍﻟﺒﻴﺖ ﺍﻟﻴﻮﻡ ﻳﻠﻤﻊ ﻳﻮﻣﻴﻪ ﺗﻠﻌﺐ ﺭﻭﺣﻲ ﻣﻦ ﺍﻟﻮﺳﺦ ﺍﻟﺘﺎﺭﺳﻪ
ﻟﺠﻴﻦ، ،ﺑﻘﻴﻨﻪ ﻧﺴﻮﻟﻒ ﺍﻧﻲ ﻭﻳﺎﻫﺎ ﻟﻞ 10 ﺑﻠﻴﻞ
ﺑﻌﺪﻫﺎ ﻧﺎﻣﺖ ﻭﺍﻧﻲ ﺍﺧﺬﺕ ﻣﻼﺑﺴﻬﺎ ﻭﻃﻠﻌﺖ ﺣﻄﻴﺘﻬﻢ ﺑﺎﻟﻐﺴﺎﻟﻪ
ﺍﻧﺘﻀﺮﺗﻬﺎ ﺗﻨﺘﺮﺱ ﻣﺎﻱ ﺷﻐﻠﺘﻬﺎ ﻭﺭﺣﺖ ﺍﻟﻐﺮﻓﺘﻲ ﺍﻡ ﺣﺴﻴﻦ ﺟﺎﻧﺖ ﻗﺎﻓﻠﺘﻬﺎ ﻭﻣﻦ ﺍﺟﻴﺖ ﺍﻧﻄﺘﻨﻲ ﺍﻟﻤﻔﺘﺎﺡ
ﺍﻛﻴﺪ ﺧﺎﻓﺖ ﻣﻦ ﺷﻴﻤﺎﺀ ﺗﺴﻮﻱ ﺷﻲ ﺑﺎﻟﻐﺮﻓﻪ
ﺑﺪﻳﺖ ﺍﺭﺗﺐ ﺑﻴﻬﺎ ﻛﻨﺴﺘﻬﺎ ﻭﻣﺴﺤﺖ ﺧﺸﺎﺑﻬﺎ
ﻭﻃﻠﻌﺖ ﺍﺷﺘﻬﻴﺖ ﮔﻼﺹ ﺣﻠﻴﺐ
ﺍﻟﺴﺎﻋﻪ ﺻﺎﺭﺕ 12 ﺧﻠﻴﺖ ﻣﺎﻱ ﺑﺎﻟﻘﻮﺭﻱ ﻭﺧﻠﻴﺘﻪ ﻉ ﺍﻟﻄﺒﺎﺥ ﻭﺍﻧﺘﻀﺮﺗﻪ ﻳﻔﻮﺭ
ﺍﻧﻔﺘﺢ ﺍﻟﺒﺎﺏ ﻭﺩﺧﻞ ﻋﻠﻲ
ﻣﻦ ﺍﺷﻮﻓﻪ ﻣﺎﺍﻋﺮﻑ ﺷﻴﺼﻴﺮ ﺑﻴﻪ
ﺭﺟﻌﺖ ﺍﻟﺘﻔﺘﺖ ﻟﻠﻄﺒﺎﺥ ﻭﻣﺎﺍﻫﺘﻤﻴﺖ ﺍﻟﻮﺟﻮﺩﺓ ﺣﺴﻴﺘﻪ ﻭﺍﮔﻒ ﻳﺮﺍﻗﺒﻨﻲ
ﻧﻀﺮﺍﺗﻪ ﺗﺮﺑﻜﻨﻲ
ﻋﻠﻲ،،ﺗﻮﻩ ﻧﻮﺭ ﺍﻟﺒﻴﺖ
ﻟﺠﻴﻦ،،ﺣﺠﺎﻫﺎ ﻭﺭﺍﺡ ﺻﻌﺪ ﺍﻟﻐﺮﻓﺘﻪ
ﺣﺴﻴﺖ ﻧﻔﺴﻲ ﻣﺮﺗﺒﻜﻪ ﺍﺧﺬﺕ ﮔﻼﺹ ﺍﻟﺤﻠﻴﺐ ﻭﺩﺧﻠﺖ ﻟﻠﻐﺮﻓﻪ
ﺑﺪﺕ ﺍﻻﻳﺎﻡ ﺗﻤﺸﻲ ﻭﺷﻴﻤﺎﺀ ﺗﺠﻲ ﻣﻦ ﺍﻟﺪﻭﺍﻡ ﺗﺼﻌﺪ ﺍﻟﻐﺮﻓﺘﻬﺎ ﺑﻌﺪﻫﺎ ﺗﻨﺰﻝ ﺗﺘﻐﺪﺓ ﻭﺗﺮﺟﻊ ﺗﺼﻌﺪ ﻣﺎﺗﻨﺰﻝ ﻟﻠﻴﻞ
ﻭﻳﻮﻣﻴﻪ ﻣﺸﺎﻛﻞ ﻫﻲ ﻭﻋﻠﻲ ﻭﺍﻡ ﺣﺴﻴﻦ ﻣﻠﺖ ﻣﻦ ﺍﻟﻮﺿﻊ ﺍﻟﺒﻴﺖ ﺻﺎﺭ ﻣﺎﻳﻨﺤﻤﻞ
ﻟﺰﻣﺖ ﺷﻴﻤﺎﺀ ﻗﺒﻞ ﻻﺗﻄﻠﻊ ﮔﺎﻟﺖ
ﺍﻡ ﺣﺴﻴﻦ،،ﺍﺳﻤﻌﻴﻨﻲ ﺯﻳﻦ ﺍﺫﺍ ﻣﺎﻣﺸﻴﺘﻲ ﻋﺪﻝ ﻭﺭﻭﺡ ﺍﺑﻮ ﺣﺴﻴﻦ ﺍﺧﻠﻲ ﺯﻭﺍﺟﻪ ﻣﻦ ﻟﺠﻴﻦ ﻳﺘﻢ ﻭﺷﺘﺴﻮﻳﻦ ﺳﻮﻱ ﻛﺎﻓﻲ ﺧﻠﻴﺘﻴﻨﻲ ﺣﺘﺊ ﺑﻴﺘﻲ ﺍﻛﺮﻫﺎ ﺑﺴﺒﺒﺞ
ﺍﺗﻮﺭﻃﺖ ﻋﻠﺊ ﻋﻤﺮﻱ ﺑﻴﻮﻡ ﺧﻄﺒﺘﺞ ﻝ ﺍﺑﻨﻲ ﺍﻭﺭﻃﺘﻪ ﺑﻴﺞ
ﻟﺠﻴﻦ،،ﺷﻴﻤﺎﺀ ﻧﺘﺮﺕ ﺍﻳﺪ ﺍﻡ ﺣﺴﻴﻦ ﻭﺗﻌﺮﻛﺖ ﻭﻳﺎﻫﺎ ﺗﺎﻟﻲ ﻋﺎﻓﺘﻬﺎ ﻭﻃﻠﻌﺖ
ﮔﺘﻠﻬﺎ ﺧﺎﻟﻪ ﻟﻴﺶ ﺣﺠﻴﺘﻲ ﻫﻴﺞ ﻭﻳﺎﻫﺎ ﻫﺴﻪ ﺗﺘﮕﺎﺑﻞ ﻭﻳﺎﻱ ﺍﻛﺜﺮ
ﺍﻡ ﺣﺴﻴﻦ، ،ﺧﺘﻮﻟﻲ ﻳﻤﻪ ﻋﻮﻓﻴﻬﺎ ﺍﻧﻲ ﺗﻌﻤﺪﺕ ﺍﺣﺠﻲ ﻫﻴﺞ ﺑﻠﻜﺖ ﺗﻮﻋﻪ ﺍﻟﺰﻣﺎﻧﻬﺎ
ﻟﺠﻴﻦ،،ﺑﻌﺪ ﺍﺳﺒﻮﻋﻴﻦ ﻋﻦ ﺑﺪﺍﻳﺔ ﺍﺍﻟﻤﺪﺭﺳﻪ ﻭﺍﻟﺴﻨﻪ ﺻﻒ ﺛﺎﻟﺚ ﻣﺘﻮﺳﻂ
ﻃﻠﻌﺖ ﺻﺪﺍﺭﻱ ﺍﻟﻌﺎﻡ ﻏﺴﻠﺘﻬﻦ ﻭﻛﻮﻳﺘﻬﻦ ﻓﺸﻠﻪ ﺍﮔﻠﻬﻢ ﺍﺷﺘﺮﻭﻟﻲ ﻭﺫﻧﻲ ﻫﻢ ﻣﺎﺑﻴﻬﻦ ﺷﻲ ﻳﻤﺸﻨﻲ ﺍﻟﺴﻨﻪ
ﻋﻠﻜﺘﻬﻦ ﺑﺎﻟﻜﻨﺘﻮﺭ ﻭﺍﻧﻲ ﻓﺮﺣﺎﻧﻪ ﺷﻴﺨﻠﺺ ﺍﻻﺳﺒﻮﻋﻴﻦ ﻭﺍﺩﺍﻭﻡ ﻣﻠﻴﺖ ﻣﻦ ﮔﻌﺪﺓ ﺍﻟﺒﻴﺖ ﻣﺮﺍﺕ ﻧﺴﺮﻳﻦ ﺗﻄﻠﺐ ﻣﻨﻲ ﺍﻃﻠﻊ ﻭﻳﺎﻫﻢ ﺑﺲ ﺍﺭﻓﺾ
ﺍﺳﺘﺤﻲ ﺍﻃﻠﻊ ﻭﻳﺎﻫﺎ ﻫﻲ ﻭﺯﻭﺟﻬﺎ ﻳﺮﺩﻭﻥ ﻳﺎﺧﺬﻭﻥ ﺭﺍﺣﺘﻬﻢ ﺍﻧﻲ ﺷﻜﻮ ﺣﺎﺷﺮﺓ ﺭﻭﺣﻲ
ﺑﻌﺪ ﻳﻮﻣﻴﻦ ﺍﺟﺖ ﻧﺴﺮﻳﻦ ﻭﻛﺎﻧﺖ ﻛﺎﺷﺨﻪ
ﻧﺴﺮﻳﻦ . ﺗﺪﺭﻳﻦ ﻟﺠﻴﻦ ﻗﺒﻞ ﻣﻦ ﻛﻨﺖ ﻋﺎﻳﺸﻪ ﻭﻳﺎﻛﻢ ﺭﻏﻢ ﺳﻨﺘﻴﻦ ﺍﻧﻲ ﻭﻳﺎﺝ ﺑﺲ ﻣﺎﻛﻨﺖ ﺍﺷﻮﻑ ﺍﻛﻮ ﻓﺮﻕ ﺑﺘﻐﻴﺮ ﺷﻜﻠﺞ
ﻫﺴﻪ ﻣﻦ ﺑﻌﺪﺗﻲ ﻋﻦ ﻋﻴﻨﻲ ﺻﺮﺕ ﻛﻞ ﻣﺎﺍﺟﻲ ﺍﺷﻮﻑ ﺑﻴﺞ ﺗﻐﻴﺮ ﺟﺪﻳﺪ ﺻﺎﻳﺮﺓ ﻛﺒﺮﺍﻧﻪ ﻭﺣﻠﻴﺎﻧﻪ
ﺍﻡ ﺣﺴﻴﻦ،،ﺑﻨﻴﺘﻲ ﺻﺎﻳﺮﺓ ﻣﺮﺓ ﺟﺒﻴﺮﺓ
ﻟﺠﻴﻦ،،ﻭﺟﻬﻲ ﻏﺪﺓ ﻃﻤﺎﻃﻪ ﻣﻦ ﺍﻟﺨﺠﻞ ﻣﻨﻬﻢ
ﺻﺪﮒ ﻣﺎﺗﻨﻼﻡ ﻭﺩﻕ ﻣﻦ ﺍﺗﮕﻮﻝ ﻣﻌﺠﻮﻧﻪ ﺑﺪﻫﻦ ﺍﻟﺜﻮﻝ ﺍﺑﻘﺊ ﺑﺲ ﺻﺎﻓﻨﻪ ﺑﺎﻟﻮﺟﻮﺓ
ﻧﺴﺮﻳﻦ،،ﺿﻤﻲ ﻇﺤﻜﺘﺞ ﻭﮔﻮﻣﻲ ﺟﻬﺰﻱ ﻧﻔﺴﺞ ﺣﺘﺊ ﻧﺮﻭﺡ ﻟﻠﺴﻮﮒ ﺍﺷﺘﺮﻳﻠﺞ ﻣﻼﺑﺲ ﻟﻠﻤﺪﺭﺳﻪ ﺟﺪﺩ ﻣﺎﺑﻘﺊ ﺷﻲ ﻋﻦ ﺍﻟﺪﻭﺍﻡ
ﻟﺠﻴﻦ،،ﺷﺴﻮﻱ ﺑﻴﻬﻦ ﺑﺎﺟﻲ ﻣﻼﺑﺲ ﺍﻟﻌﺎﻡ ﺟﺪﺩ ﻭﻛﻠﺸﻲ ﻣﺎﺑﻴﻬﻦ ﻏﺴﻠﺘﻬﻦ ﻭﻛﻮﻳﺘﻬﻦ ﻭﺭﺟﻌﻦ ﺟﺪﻳﺪﺍﺕ
ﻧﺴﺮﻳﻦ،،ﺩﮔﻮﻣﻲ ﻳﺎﺍﻣﻲ ﺍﻧﻲ ﻭﺍﺣﺪ ﻳﮕﻠﻲ ﺍﺷﺘﺮﻳﻠﺞ ﺍﺫﺍ ﻣﺎﺍﺭﻛﺾ ﻟﻠﺴﻮﮒ ﻗﺒﻠﻪ
ﻟﺠﻴﻦ، ﺍﺧﺬﻧﻪ ﺣﺴﻴﻦ ﻟﻠﺴﻮﮒ ﻋﺠﺒﺘﻨﻲ ﺻﺪﺭﻳﻪ ﺭﺻﺎﺻﻲ ﻭﺍﺧﺘﺎﺭﻳﺖ ﻭﻳﺎﻫﺎ ﺷﺎﻝ ﺑﻠﻮﻧﻬﺎ ﻭﻗﻤﻴﺺ ﺍﺑﻴﺾ
ﺍﺷﻮﻑ ﻧﺴﺮﻳﻦ ﺍﺷﺘﺮﺕ ﺻﺪﺭﻳﺘﻲ ﻏﻴﺮﻫﻦ ﻭﻫﻢ ﻗﻤﻴﺼﻴﻦ ﻭﻳﺎﻫﻦ
ﻭﺷﺎﻻﺕ ﻭﻣﻼﺑﺲ ﺩﺍﺧﻠﻴﻪ ﻭﺟﻨﻄﻪ ﻭﺍﺗﺮﺍﻛﺎﺕ ﺍﺛﻨﻴﻦ ﻛﻠﺸﻲ ﻳﻌﺠﺒﻬﺎ ﺗﺸﺘﺮﻱ
ﻭﺍﻧﻲ ﻣﺠﻠﺒﻪ ﺑﻴﺪﻫﺎ ﺍﮔﻠﻬﺎ ﻛﺎﻓﻲ ﺍﺗﮕﻠﻲ ﻣﻌﻠﻴﺞ ﺍﻧﺘﻲ
ﻟﻤﻦ ﻛﻤﻠﻨﻪ ﺍﺑﺎﻭﻉ ﻉ ﺍﻟﻌﻼﻟﻴﮓ ﻛﻮﻣﻪ ﺷﻴﺸﻴﻠﻬﻦ
ﺍﺗﺼﻠﺖ ﻧﺴﺮﻳﻦ ﺑﺤﺴﻴﻦ ﻭﻃﻠﺒﺖ ﻣﻨﻪ ﻳﻨﺘﻀﺮﻧﻪ ﺍﺑﺎﺏ ﺍﻟﻤﻮﻝ
ﺷﻮﻳﻪ ﻭﺍﺟﻪ ﺷﺎﻝ ﻧﺺ ﺍﻟﻐﺮﺍﺽ
ﺍﺧﺬﻧﻪ ﻭﺭﺟﻌﻨﻪ ﻟﻠﺒﻴﺖ ﺩﺧﻠﻨﻪ ﺍﻧﻲ ﻭﻧﺴﺮﻳﻦ ﻭﺻﺮﺕ ﺍﻗﻴﺲ ﺑﺎﻟﺼﺪﺍﺭﻱ
ﻓﺮﺣﺎﻧﻪ ﺑﻴﻬﻦ ﺻﺪﮒ ﺍﻟﻴﺘﻴﻢ ﺗﺼﻴﺮﻟﻪ ﻓﺮﺣﻪ ﺧﺎﺻﻪ ﻣﻦ ﻳﺸﻮﻑ ﺍﻟﻨﺎﺱ ﺗﻬﺘﻢ ﺑﻲ
ﺑﺎﺟﺮ ﺍﻭﻝ ﻳﻮﻡ ﺑﺎﻟﻤﺪﺭﺳﻪ ﻭﻣﺤﺘﺎﺭﺓ ﺍﺷﻠﻮﻥ ﺍﺭﻭﺡ ﻭﻧﺴﺮﻳﻦ ﮔﺎﻟﺖ ﺍﺑﻮ ﺍﻟﺨﻂ ﻣﺎﻳﺠﻲ
ﺑﻌﺪﻫﺎ ﺍﺗﺼﻠﺖ ﺑﻴﻪ ﻭﮔﺎﻟﺖ ﺍﺗﺼﻠﺖ ﺑﻌﻠﻲ ﻳﺎﺧﺬﺝ ﻭﻳﺎﻩ ﻟﻠﺪﻭﺍﻡ
ﻻﻥ ﺍﻧﻲ ﻣﺎﺍﺭﻭﺡ ﺍﻟﻄﻼﺏ ﺍﻛﺜﺮﻫﻢ ﻣﺎﺟﺎﻳﻴﻦ
ﺟﻬﺰﺕ ﻣﻼﺑﺴﻲ ﻭﺟﻨﻄﺘﻲ ﻣﻦ ﺍﻟﻠﻴﻞ ﺑﺲ ﺩﺧﻴﻞ ﺍﻟﻠﻪ ﺍﺣﺲ ﮔﻠﺒﻲ ﻣﻘﺒﻮﺽ ﻣﺎﻣﺮﺗﺎﺣﺔ
ﺣﺘﺊ ﺑﻠﻴﻞ ﻛﻞ ﺷﻮﻳﻪ ﺍﻓﺰ ﻣﺎﺻﺪﮔﺖ ﻳﺼﺒﺢ ﺍﻟﺼﺒﺢ
ﻛﻌﺪﺕ ﺳﺎﻋﻪ ﺳﺘﻪ ﻭﻧﺺ ﻏﺴﻠﺖ ﻭﺑﺪﻟﺖ ﺑﻌﺪﻣﺎ ﺳﻮﻳﺖ ﺭﻳﻮﮒ ﺍﻟﻲ ﻭﻝ ﺍﻡ ﺣﺴﻴﻦ
ﮔﻌﺪﺗﻬﺎ ﺗﺘﺮﻳﮓ ﻭﻳﺎﻱ ﻻﻥ ﺷﻴﻤﺎﺀ ﺗﺨﻠﻲ ﺍﻟﻤﺮﺓ ﮔﺎﻃﻌﻬﺎ ﺍﻟﺠﻮﻉ
ﺻﺎﺭﺕ ﺳﺎﻋﻪ 7 ﻭﻧﺺ ﻭﺍﻧﻲ ﻭﺍﮔﻔﻪ ﺑﺎﻟﻤﻄﺒﺦ ﺍﻧﺘﻀﺮ ﻋﻠﻲ ﻳﻨﺰﻝ ﺣﺘﺊ ﻳﺎﺧﺬﻧﻲ ﺑﺪﺭﺑﻪ ﻟﻠﻤﺪﺭﺳﻪ
ﻧﺰﻝ ﺑﺎﻟﺰﻱ ﺍﻟﻌﺴﻜﺮﻱ ﺑﻴﺪﺓ ﻣﻮﺑﺎﻳﻠﻪ ﻭﺍﻟﺴﻮﻳﺞ
ﻃﻠﻊ ﻛﺪﺍﻣﻲ ﻭﺍﻧﻲ ﻃﻠﻌﺖ ﻭﺭﺍﻩ ﺻﻌﺪﻧﻪ ﺑﺎﻟﺴﻴﺎﺭﺓ
ﻭﺍﺗﺤﺮﻙ ﺑﻴﻨﻪ ﻟﻠﻤﺪﺭﺳﻪ
ﻃﻮﻝ ﺍﻟﻄﺮﻳﻖ ﻫﻮ ﺳﺎﻛﺖ ﺑﺲ ﺍﻧﻲ ﻛﻨﺖ ﻛﻞ ﺷﻮﻳﻪ ﺍﺑﺎﻭﻋﻠﻪ ﻣﺎﺍﻋﺮﻑ ﻟﻴﺶ ﻋﺒﺎﻟﻚ ﻣﺎﺭﺍﺡ ﺍﺷﻮﻓﻪ ﺑﻌﺪ
ﻭﺻﻠﻨﻪ ﺍﻟﻤﺪﺭﺳﻪ ﻭﻗﺒﻞ ﻣﺎﺍﻧﺰﻝ ﻣﺪ ﺍﻳﺪﺓ ﺍﻟﺠﻴﺒﻪ ﻃﻠﻊ ﺍﻟﻤﺤﻔﻀﻪ ﻭﻃﻠﻊ ﻣﻨﻬﺎ 10 ﻛﺎﻝ ﺍﺧﺬﻳﻬﺎ
ﻭﺍﻟﻀﻬﺮ ﺑﻌﺪ ﺍﻟﻮﺍﻡ ﺍﻧﻲ ﺍﻣﺮ ﻋﻠﻴﺞ ﻟﺨﺬﺝ
ﻧﺪﺯﻟﺖ ﻭﺩﺧﻠﺖ ﻟﻠﻤﺪﺭﺳﻪ ﺳﻠﻤﺖ ﻉ ﺍﻟﺒﻨﺎﺕ ﻭﻋﻴﻨﻲ ﺑﻘﺖ ﺍﺩﻭﺭ ﻋﻠﺊ ﻭﺩﻕ
ﻭﺍﺧﻴﺮﺍ ﺷﻔﺘﻬﺎ ﮔﺎﻋﺪﺓ ﻭﻳﻪ ﺍﺛﻨﻴﻦ ﺑﻨﺎﺕ ﺭﺣﺖ ﻣﻠﻬﻮﻓﻪ ﻋﻠﻴﻬﺎ ﻣﺸﺘﺎﻗﺘﻠﻬﺎ ﻣﻦ ﻳﻮﻡ ﺍﻟﺮﺟﻌﺖ ﺍﻟﻬﻢ ﺍﻟﺨﺒﺮ ﺍﻡ ﺣﺴﻴﻦ ﻭﻫﻲ ﻣﺘﺤﺠﻲ ﻭﻳﺎﻱ
ﺍﺟﻴﺖ ﺳﻠﻤﺖ ﻋﻠﻴﻬﺎ ﺑﺲ ﺭﺩﺕ ﺍﻟﺴﻼﻡ ﺑﻜﻞ ﺑﺮﻭﺩ ﻭﺟﻬﺎ ﺛﮕﻴﻞ ﻋﻠﻴﻪ
ﺩﮒ ﺍﻟﺠﺮﺱ ﻭﻛﻞ ﻭﺣﺪﺓ ﺭﺍﺣﺖ ﺍﻟﺸﻌﺒﺘﻬﺎ ﺧﻠﺼﻨﻪ ﺍﻟﻴﻮﻡ ﻛﻠﻪ ﺑﺲ ﺷﺎﻏﺮ ﻻﻥ ﻧﺺ ﺍﻟﻄﺎﻟﺒﺎﺕ ﻣﺎﻣﺪﺍﻭﻣﺎﺕ ﺑﻌﺪﻫﻦ
ﺍﻧﺘﻬﺎ ﺍﻟﺪﻭﺍﻡ ﻭﺍﻟﻜﻞ ﻃﻠﻊ ﻣﻦ ﺍﻟﻤﺪﺭﺳﻪ
ﻭﺍﻧﻲ ﻃﻠﻌﺖ ﺍﻧﺘﻀﺮ ﻋﻠﻲ ﺑﺮﺓ
ﺍﺣﺲ ﺍﻟﺨﻨﮕﻪ ﺑﮕﻠﺒﻲ ﺯﺍﺩﺕ ﻛﻠﺶ
ﻋﺪﻟﺖ ﺟﻨﻄﺘﻲ ﻭﺍﺑﺎﻭﻉ ﻟﻠﻄﺮﻳﻖ ﻻﻥ ﻋﻠﻲ ﺍﺗﺎﺧﺮ ﻭﺍﻟﺤﺎﺭﺱ ﻗﻔﻞ ﺑﺎﺏ ﺍﻟﻤﺪﺭﺳﻪ ﺑﺲ ﺍﻧﻲ ﻭﻛﻢ ﺍﺑﻨﻴﻪ ﻭﺍﮔﻔﺎﺕ ﻳﻨﺘﻀﺮﻥ ﺍﺑﻮ ﺍﻟﺨﻂ ﻳﺠﻴﻬﻦ
ﺍﻧﺘﺒﻬﺖ ﺍﻛﻮ ﺳﻴﺎﺭﺓ ﺷﻔﺘﻬﺎ ﻭﺍﻛﻔﻪ ﺍﻟﺼﺒﺢ ﮔﺪﺍﻡ ﺍﻟﻤﺪﺭﺳﻪ
ﺍﺗﺤﺮﻛﺖ ﻭﺍﺟﺖ ﺑﺎﺍﺗﺠﺎﻫﻲ ﺗﻤﺸﻲ ﺳﺮﻳﻊ ﺑﻠﺤﻀﻪ ﺣﺴﻴﺖ ﺭﺍﺡ ﻳﺼﺪﻣﻨﻲ
ﺍﺭﺗﺪﻳﺖ ﻟﻠﺨﻠﻒ ﻣﻦ ﺷﻔﺘﻬﻢ ﺍﺛﻨﻴﻦ ﻣﻠﺜﻤﻴﻦ ﻭﺍﺣﺪ ﻳﺴﻮﻕ ﻭﺍﻟﺜﺎﻧﻲ ﻃﻠﻊ ﺍﺳﻼﺣﻪ ﻭﺧﻼﻩ ﺏ ﺍﺗﺠﺎﻫﺎ ﻭﺭﻣﻪ
ﺍﺣﺲ ﺷﻲ ﺣﺎﺭ ﺍﺧﺘﺮﻕ ﺟﺴﻤﻲ
ﺩﻧﮕﺖ ﺍﺑﺎﻭﻉ ﺍﻟﺠﺴﻤﻲ ﺍﻟﻘﻤﻴﺺ ﺑﻠﺤﻈﻪ ﺻﺎﺭ ﺍﺣﻤﺮ
ﻋﻴﻮﻧﻲ ﻏﻮﺷﺖ ﺻﺮﺕ ﺑﺲ ﺍﺳﻤﻊ ﺍﺻﻮﺍﺕ ﺍﻟﻌﺎﻟﻢ
ﻭﺑﻌﺪﻫﺎ ﻣﺎﺩﺭﻳﺖ ﺑﺸﻲ
ﻳﺘﺘﺘﺘﺘﺘﺘﺘﺘﺘﺒﻊ
