#النقيب_أبودرع_والقاصر
⭐⭐⭐
علي الفتلاوي
#بارت١٧
ﺧﺎﻧﻪ ﺧﺎﻧﻪ ﺩﻭﺭﺕ ﺭﻭﺣﻲ ﺍﻋﻠﻪ ﻛﻴﻒ
ﻭﻣﺎﻣﺶ ﺍﻧﻪ
ﻭﺣﺘﺊ ﺫﺍﻙ ﺍﻟﺴﺎﻛﻦ ﻣﺮﺍﻳﺘﻨﻪ ﺷﺎﻝ
ﻭﻣﺪﺭﻱ ﻳﺎﻫﻮ ﺍﻝ ﺣﻂ ﻣﭽﺎﻧﻪ 💔
،،،،،،،،،،،،،،،،،،،،،،،،،،،،،،،،،،،،،،،،،،،،،،
ﻗﺼﺔ ﺍﻟﻨﻘﻴﺐ ﺍﺑﻮ ﺩﺭﻉ ﻭﺍﻟﻘﺎﺻﺮ
ﻟﻠﻜﺎﺗﺐ ﻋﻠﻲ ﺍﻟﻔﺘﻼﻭﻱ
ﺍﻟﻴﻮﻡ ﺳﻮﻳﺖ ﺗﺴﺮﻳﻊ ﺏ ﺍﺣﺪﺍﺙ ﺍﻟﻘﺼﻪ
ﻻﻥ ﻗﺒﻞ ﺳﺎﻋﻪ ﺭﺟﻌﺖ ﻣﻦ ﺍﻟﻤﻀﺎﻫﺮﺍﺕ ﻭﻣﺎﺭﺩﺕ ﺍﺧﻠﻴﻜﻢ ﺑﺪﻭﻥ ﺑﺎﺭﺕ
ﺍﺫﺍ ﺍﻛﻮ ﺳﺤﮓ ﻏﻠﺴﻮ 😶
ﺗﺪﺭﻭﻥ ﺷﻨﻮ ﺍﺗﻤﻨﺊ 😯
ﺍﺗﻤﻨﺊ ﺍﻟﺰﻣﻜﻢ ﻭﺍﺣﺪ ﻭﺍﺣﺪ ﺍﻧﺘﻮ ﺍﻟﻲ ﺗﺸﺎﻫﺪﻭﻥ ﺍﻟﻘﺼﻪ ﻭﻣﺘﺼﻮﺗﻮﻥ
ﻭﺧﻠﻴﻜﻢ ﺍﺩﻭﺳﻮﻥ ﺍﻟﻨﺠﻤﻪ ﺍﺟﺒﺎﺭﻱ 😂
ﺑﺸﺮﻓﻜﻢ ﻳﻌﻨﻲ ﺍﻧﻲ ﻣﺎﺍﺳﺘﺎﻫﻞ ﺗﺼﻮﻳﺘﻜﻢ ﺣﺘﺊ ﺍﻟﻘﺼﻪ ﺗﺼﻌﺪ 😳
،،،،،،،،،،،،،،،،،،،،،،،،،،،،،،،،،،،،،
ﻟﺠﻴﻦ،،ﻋﻠﺊ ﺻﻮﺗﻬﺎ ﻃﻠﻊ ﻋﻠﻲ ﻭﺍﻣﻪ ﻳﺮﻛﻀﻮﻥ
ﻭﻫﻲ ﻧﺎﻳﻤﻪ ﺑﺎﻟﮕﺎﻉ ﻻﺯﻣﻪ ﺑﻄﻨﻬﺎ ﻭﺗﺒﺠﻲ
ﻭﺍﺗﮕﻠﻬﻢ ﻫﻲ ﺩﻓﻌﺘﻨﻲ
ﻋﻠﻲ ﮔﺎﻟﻬﺎ ﻣﻮﻭﻛﺖ ﻫﻠﺤﺠﻲ ﺷﺎﻟﻬﺎ ﻭﺣﻄﻬﺎ ﺑﺎﻟﺴﻴﺎﺭﺓ ﻭﺍﻡ ﺣﺴﻴﻦ ﺧﻄﻴﻪ ﺭﻛﻀﺖ ﻟﺒﺴﺖ ﻋﺒﺎﻳﺘﻬﺎ ﻭﺍﺟﺖ ﺗﺮﻛﺾ ﻻﺯﻣﻪ ﺟﻮﺍﺭﻳﺒﻬﺎ ﺑﻴﺪﻫﺎ ﺻﻌﺪﺕ ﻭﻳﺎﻫﻢ
ﺍﺧﺬﻫﻢ ﻋﻠﻲ ﻟﻠﻤﺴﺘﺸﻔﺊ ﻭﺍﻧﻲ ﺭﺟﻌﺖ ﺩﺧﻠﺖ ﻟﻠﺒﻴﺖ ﺟﺴﻤﻲ ﻛﻠﻪ ﻳﺨﺘﺾ ﺍﺷﻠﻮﻥ ﺍﺗﻬﻤﺘﻨﻲ ﻭﺍﻧﻲ ﺣﺘﺊ ﻣﻮ ﻳﻤﻬﺎ ﻭﻻﻃﺨﻴﺘﻬﺎ
ﮔﻌﺪﺕ ﻉ ﺍﻟﻜﺮﺳﻲ ﺑﺎﻟﻤﻄﺒﺦ ﻧﺰﻟﺖ ﻧﺴﺮﻳﻦ ﻫﻲ ﻭﺍﻃﻔﺎﻟﻬﺎ ﻳﺮﺩﻭﻥ ﻳﺮﺣﻮﻥ ﻟﻠﺪﻭﺍﻡ ﻣﻦ ﺷﺎﻓﺘﻨﻲ ﺍﺟﺖ ﺗﺮﻛﺾ
ﻧﺴﺮﻳﻦ،،ﺍﺳﻢ ﺍﻟﻠﻪ ﻣﺎﻣﺎﺗﻲ ﺷﺒﻴﺞ ﺗﺒﺠﻴﻦ ﺷﺼﺎﻳﺮ
ﻟﺠﻴﻦ،،ﺑﺠﻴﺖ ﻭﺍﻟﻜﻠﻤﻪ ﮔﻮﺓ ﺗﻄﻠﻊ ﻣﻨﻲ ﮔﺘﻠﻬﺎ ﺑﺎﺟﻲ ﻭﺭﻭﺡ ﺭﻫﻮﻓﻪ ﻣﺎﻃﺨﻴﺘﻬﺎ ﻭﻻﺩﻓﻌﺘﻬﺎ ﻫﻲ ﻭﺣﺪﻫﺎ ﻭﻛﻌﺪﺕ
ﻧﺴﺮﻳﻦ،،ﺑﻨﻴﺘﻲ ﺍﻫﺪﻱ ﻭﻓﻬﻤﻴﻨﻲ ﺷﺼﺎﺭ ﻫﺒﻄﺘﻴﻨﻲ
ﻟﺠﻴﻦ،،ﺣﺠﻴﺘﻠﻬﺎ ﺍﻟﺼﺎﺭ ﺍﺗﻔﺎﺟﺌﺖ ﻭﺣﻄﺖ ﺍﻳﺪﻫﺎ ﻋﻠﺊ ﺣﻠﮕﻬﺎ
ﻧﺴﺮﻳﻦ،،ﻟﺘﺒﺠﻴﻦ ﺣﺒﻴﺒﺘﻲ ﻟﻮ ﻣﺎﺍﻋﺮﻓﺞ ﺟﺎﻥ ﮔﺘﻠﺞ ﺍﻧﺘﻲ ﺍﻟﺪﻓﻌﺘﻴﻬﺎ
ﺑﺲ ﺍﻧﻲ ﺍﻋﺮﻓﺞ ﺷﻨﻮ ﺍﻧﺘﻲ ﻭﺍﻋﺮﻑ ﺷﻴﻤﺎﺀ ﻭﺣﻘﺎﺭﺗﻬﺎ
ﺑﺲ ﺍﺭﻳﺪ ﺍﻓﻬﻢ ﺍﺫﺍ ﻫﻲ ﺣﺎﻣﻞ ﺍﺷﻠﻮﻥ ﺗﻮﮔﻊ ﻧﻔﺴﻬﺎ ﻣﺎﺧﺎﻓﺖ ﻋﻠﺊ ﻃﻔﻠﻬﺎ ﺍﻛﻮ ﺍﻡ ﺗﺴﻮﻱ ﺳﻮﺍﻳﺘﻬﺎ
ﻳﻠﻪ ﺣﺒﻴﺒﺘﻲ ﮔﻮﻣﻲ ﺍﻧﻲ ﺭﺍﻳﺤﻪ ﻟﻠﺪﻭﺍﻥ ﺍﻭﺩﻱ ﺍﻟﺠﻬﺎﻝ ﻭﺍﻃﻠﺐ ﺍﺟﺎﺯﺓ ﻭﺍﺭﺟﻊ
ﻭﺍﻧﺘﻲ ﻟﺘﻀﻠﻴﻦ ﻫﻴﺞ ﺍﻧﺸﺎﺀﺍﻟﻠﻪ ﻛﻠﺸﻲ ﻣﺎﻛﻮ
ﻟﺠﻴﻦ،،ﻧﺴﺮﻳﻦ ﺭﺍﺣﺖ ﻟﻠﻤﺪﺭﺳﻪ ﻭﺍﻧﻲ ﺑﻘﻴﺖ ﻋﻠﺊ ﮔﻌﺪﺗﻲ ﺍﺣﺲ ﮔﺎﻋﺪﺓ ﻋﻠﺊ ﺟﻤﺮ ﻣﻦ ﺍﻻﻧﺘﻈﺎﺭ
ﺑﻌﺪ ﺳﺎﻋﺘﻴﻦ ﺭﺟﻌﻮ ﺑﺲ ﺍﻟﻮﺟﻮﻩ ﻣﮕﻠﺒﻪ ﻛﻠﻬﻢ
ﻋﻤﺘﻲ ﻻﺯﻣﻪ ﺷﻴﻤﺎﺀ ﻣﻦ ﺍﻳﺪﻫﺎ
ﻭﻋﻠﻲ ﻳﻤﺸﻲ ﮔﺪﺍﻣﻬﻦ ﻭﻣﺒﻴﻦ ﺍﻋﺼﺎﺏ ﺻﺎﻳﺮ
ﺩﺧﻠﺖ ﻟﻠﺒﻴﺖ ﻭﺍﻧﻲ ﮔﻤﺰﺕ ﻣﻦ ﻣﻜﺎﻧﻲ ﺍﺗﻠﮕﻴﺖ ﺍﻡ ﺣﺴﻴﻦ ﺳﺎﻟﺘﻬﺎ
ﻫﺎ ﺧﺎﻟﻪ ﺑﺸﺮﻱ ﺧﻮ ﺍﻟﻄﻔﻞ ﻣﺎﺑﻲ ﺷﻲ
ﺳﻤﻌﺖ ﻋﻠﻲ ﻇﺤﻚ ﺏ ﺍﺳﺘﻬﺰﺍﺀ ﻭﮔﺎﻝ
ﻋﻠﻲ،،ﻟﻴﺶ ﻫﻮ ﻣﻨﻴﻦ ﺍﻛﻮ ﻃﻔﻞ
ﻟﺠﻴﻦ،،ﺑﺎﻭﻋﺖ ﻝ ﺍﻡ ﺣﺴﻴﻦ ﺑﺼﺪﻣﺔ ﮔﺘﻠﻬﺎ ﺷﻨﻮ ﺧﺎﻟﻪ ﻣﺎﻓﻬﻤﺖ ?
ﺷﻴﻤﺎﺀ ﻣﺪﻧﮕﻪ ﻭﺍﻟﻌﻴﻮﻥ ﺣﻤﺮ ﻣﺎﻓﺘﺤﺖ ﺣﻠﮕﻬﺎ ﺑﺤﺮﻑ
ﺍﻡ ﺣﺴﻴﻦ،،ﻣﺎﻛﻮ ﺣﻤﻞ ﻳﻤﻪ ﺍﻟﺸﻬﺮﻳﻪ ﻏﺎﻳﺒﻪ ﺑﺴﺒﺐ ﺍﺭﺗﻔﺎﻉ ﺍﻟﻬﺮﻣﻮﻧﺎﺕ
ﻭﻫﻲ ﺍﻋﺘﻤﺪﺕ ﻋﻠﺊ ﺗﺤﻠﻴﻠﻬﺎ ﺑﺎﻟﺒﻴﺖ ﻣﺎﺭﺍﺣﺖ ﺍﺧﺬﺕ ﺳﻮﻧﺮ ﻟﻮ ﺣﻠﻠﺖ ﺑﺎﻟﻤﺨﺘﺒﺮ
ﻫﺴﻪ ﺍﻟﺤﻤﺪﺍﻟﻠﻪ ﻋﻠﺊ ﻛﻞ ﺣﺎﻝ ﺭﺑﺞ ﺳﺘﺮ
ﻟﺠﻴﻦ،،ﺟﺮﻳﺖ ﻧﻔﺲ ﺑﺮﺍﺣﺔ ﺍﺣﺲ ﻫﻢ ﻭﺍﻧﺰﺍﺡ ﻋﻦ ﮔﻠﺒﻲ ﺧﻔﺖ ﺍﻟﻄﻔﻞ ﺑﻲ ﺷﻲ ﻭﺍﻧﻲ ﺍﻟﺴﺒﺐ
ﺷﻴﻤﺎﺀ ﺻﻌﺪﺕ ﺍﻟﻐﺮﻓﺘﻬﺎ ﻧﺎﻣﺖ ﻭﺍﻧﻲ ﺩﺧﻠﺖ ﺍﻟﻐﺮﻓﺘﻲ ﺑﺪﻟﺖ ﻣﻼﺑﺴﻲ ﻭﻃﻠﻌﺖ ﻟﮕﻴﺖ ﺑﺲ ﺍﻡ ﺣﺴﻴﻦ ﺑﺎﻟﻤﻄﺒﺦ ﺗﺸﺮﺏ ﺟﺎﻱ
ﻭﻋﻠﻲ ﺭﺍﻳﺢ ﻟﻠﺪﻭﺍﻡ
ﺣﻄﻴﺘﻠﻬﺎ ﺑﻴﻈﻪ ﺳﻠﮓ ﻉ ﺍﻟﻨﺎﺭ ﺍﺳﺘﻮﺕ ﻭﺍﻧﻄﻴﺘﻬﺎ ﺍﻟﻬﺎ ﺧﻄﻴﻪ ﻫﻲ ﻋﺪﻫﺎ ﺳﻜﺮ ﻭﻣﻦ ﺗﻨﻘﻬﺮ ﻳﺮﺗﻔﻊ ﺭﺣﺖ ﺟﺒﺘﻠﻬﺎ ﺣﺒﺎﻳﺔ ﺳﻜﺮ ﻗﺒﻞ ﺍﻻﻛﻞ ﺍﺧﺬﺗﻬﺎ
ﺍﻡ ﺣﺴﻴﻦ،،ﺍﻟﻠﻪ ﻳﺮﺿﻪ ﻋﻠﻴﺞ ﺑﻨﻴﺘﻲ ﻭﺍﻟﻠﻪ ﺑﻨﻴﺎﺗﻲ ﻣﺎﻳﺪﺍﺭﻧﻲ ﻣﺜﻠﺞ ﻣﻬﺘﻤﻪ ﺑﺪﻭﺍﻱ ﻭﺏ ﺍﻛﻠﻲ ﻭﺣﺴﺞ ﻣﺎﻳﻨﺴﻤﻊ
ﻟﺠﻴﻦ،،ﺧﺎﻟﻪ ﻟﺘﺤﺠﻴﻦ ﻫﻴﺞ ﺍﻧﺘﻲ ﻣﻮ ﮔﻠﺘﻲ ﺍﻧﻲ ﻣﺜﻞ ﺑﻨﺎﺗﺞ ?
ﭼﺎ ﻫﺬﺍ ﻭﺍﺟﺒﻲ ﺍﺗﺠﺎﻫﺞ ﻣﺎﻣﺴﻮﻳﻪ ﺷﻲ
ﻋﻔﺘﻬﺎ ﻭﮔﻤﺖ ﺣﻀﺮﺕ ﺻﻴﻨﻴﻪ ﺭﻳﻮﮒ ﻗﺸﻄﻪ ﻭﺟﺒﻦ ﻭﻛﻮﺏ ﭼﺎﻱ ﻭﺻﻌﺪﺗﻪ ﺍﻟﻐﺮﻓﺔ ﻋﻠﻲ ﺍﻟﺸﻴﻤﺎﺀ
ﺩﮔﻴﺖ ﺍﻟﺒﺎﺏ ﻭﻓﺘﺤﺘﻪ ﺩﺧﻠﺖ ﻟﻠﻐﺮﻓﻪ ﺷﻔﺘﻬﺎ ﻣﺘﻤﺪﺩﺓ ﺑﻔﺮﺍﺷﻬﺎ ﻭﺗﺒﺠﻲ ﺍﻧﻘﻬﺮﺕ ﻋﻠﻴﻬﺎ
ﻛﺘﻠﻬﺎ ﺑﺎﺟﻲ ﺟﺒﺘﻠﺞ ﺭﻳﻮﮒ ﺍﮔﻌﺪﻱ ﺍﺗﺮﻳﮕﻲ
ﮔﻌﺪﺕ ﻋﻠﺊ ﺣﻴﻠﻬﺎ ﺑﺴﺮﻋﻪ ﻣﻦ ﺳﻤﻌﺖ ﺻﻮﺗﻲ
ﺷﻴﻤﺎﺀ،،ﺟﺎﺍﻳﻪ ﺗﺘﺸﻤﺘﻴﻦ ﺑﻴﻪ ﻣﻮﻭ ﺍﻋﺮﻑ ﺳﻮﺍﻟﻔﺞ ﺍﺟﻴﺘﻲ ﺣﺘﺊ ﺗﺘﺸﻔﻴﻦ ﺑﻴﻪ ﻻﻥ ﻣﺎﻛﻮ ﻃﻔﻞ
ﺍﺧﺬﺫﺫﻱ ﺳﻤﺞ ﺍﻟﺠﺒﺘﻲ ﻭﺍﻃﻠﻌﻲ
ﻭﺍﺫﺍ ﺩﺧﻠﺘﻲ ﺍﻟﻬﺎﻱ ﺍﻟﻐﺮﻓﻪ ﻣﺮﺓ ﺛﺎﻧﻴﻪ ﺭﺟﻠﺞ ﺍﻛﺴﺮﻫﺎ ﻭﺍﻟﻠﻪ
ﻟﺠﻴﻦ،،ﺍﺧﺬﺕ ﺍﻟﺼﻴﻨﻴﻪ ﻭﻃﻠﻌﺖ ﻣﻬﻀﻮﻣﻪ ﻣﻦ ﻏﺮﻓﺘﻬﺎ ﺭﻓﻌﺖ ﺭﺍﺳﻲ ﻣﺎﻋﻨﺪﻱ ﻏﻴﺮ ﺭﺏ ﺍﻟﻌﺎﻟﻤﻴﻦ ﺍﺣﻂ ﻋﻴﻨﻲ ﺑﻌﻴﻨﻪ ﻭﺍﺳﻜﺖ
ﻧﺰﻟﺖ ﺧﻠﻴﺖ ﺍﻟﺼﻴﻨﻴﻪ ﺑﺎﻟﻤﻄﺒﺦ ﻋﻔﺘﻬﺎ ﻭﺑﺪﻳﺖ ﺍﻧﻈﻒ ﺍﻟﻤﻄﺒﺦ
ﻛﻤﻠﺘﻪ ﻭﺩﺧﻠﺖ ﺍﻟﻐﺮﻓﺘﻲ ﺍﺗﻤﺪﺩﺕ ﺑﻔﺮﺍﺷﻲ ﻭﺭﺯﺍﻟﺘﻬﺎ ﺗﺮﻥ ﺑﺮﺍﺳﻲ
ﻣﺎﺣﺴﻴﺖ ﻋﻠﺊ ﻧﻔﺴﻲ ﺍﺧﺬﺗﻨﻲ ﻧﻮﻣﻪ ﺣﺴﻴﺖ ﺍﺣﺪ ﻳﺼﺤﻴﻨﻲ
ﻓﺰﻳﺖ ﻟﮕﻴﺘﻬﺎ ﻧﺴﺮﻳﻦ ﻓﺮﻛﺖ ﻋﻴﻮﻧﻲ ﻭﮔﺘﻠﻬﺎ ﻫﻠﻪ ﺑﺎﺟﻲ
ﻧﺴﺮﻳﻦ،،ﻭﺍﻟﻠﻪ ﻋﺒﺎﻟﻲ ﺍﺧﺬ ﺍﺟﺎﺯﺓ ﻭﺍﺭﺟﻊ ﺑﺲ ﺍﻟﻤﺪﻳﺮﺓ ﻣﺎﻗﺒﻠﺖ ﺍﻟﻪ ﺍﺧﺬ ﻛﻢ ﺣﺼﻪ ﻳﻠﻪ ﺍﻃﻠﻊ
ﺍﺧﺬﺕ ﺛﻼﺙ ﺩﺭﻭﺱ ﻭﺍﻃﻠﻌﺖ ﻣﻦ ﺍﻟﻤﺪﺭﺳﻪ ﻣﺎﻋﻮﻟﺖ ﺍﻭﺻﻞ ﺍﻟﺒﻴﺖ
ﺍﻛﻌﺪﻱ ﺍﺣﺠﻴﻠﻲ ﺍﻟﺼﺎﺭ
ﻟﺠﻴﻦ،،ﺣﺠﻴﺘﻠﻬﺎ ﻋﻦ ﻛﻼﻡ ﺍﻟﺪﻛﺘﻮﺭﺓ ﻭﺧﺘﻤﺘﻬﺎ ﺑﺮﺯﺍﻟﺔ ﺷﻴﻤﺎﺀ ﺍﻟﻲ
ﻧﺴﺮﻳﻦ،،ﺍﻧﺘﻲ ﻣﺘﺠﻮﺯﻳﻦ ﻣﻦ ﺳﻮﺍﻟﻔﺞ
ﻭﻟﺞ ﺣﺒﻴﺒﺘﻲ ﻫﺎﻱ ﻣﻮ ﻣﺎﻝ ﻋﻴﻨﻲ ﻭﺍﻏﺎﺗﻲ ﻋﻮﻓﻴﻬﺎ ﺧﺘﻮﻟﻲ ﺍﻟﺰﻳﻦ ﻭﺍﻟﻄﻴﺐ ﻣﻴﻨﻔﻊ ﻭﻳﺎﻫﺎ
ﻳﻄﺒﻬﺎ ﻃﻮﺏ ﺗﺠﻮﻉ ﻭﺗﻨﺰﻝ ﺗﺎﻛﻞ
ﺣﻤﻞ ﻭﻣﺎﻛﻮ ﺗﺰﻝ ﺗﺨﺪﻡ ﺭﻭﺣﻬﺎ ﺑﺮﻭﺣﻬﺎ ﻟﻮ ﺣﻠﺘﻠﻬﺎ ﺍﻟﮕﻌﺪﺓ ﻭﺍﻟﺨﺪﺭ
ﻟﺠﻴﻦ،،ﺍﺳﺒﻮﻉ ﻛﺎﻣﻞ ﻭﺷﻴﻤﺎﺀ ﻣﺎﺩﺍﻭﻣﺖ ﺗﻨﺰﻝ ﺗﺎﺧﺬ ﺍﻛﻞ ﻭﺗﺼﻌﺪ ﺍﻟﻐﺮﻓﺘﻬﺎ
ﺣﺘﺊ ﻣﺎﺍﺷﻮﻓﻬﺎ ﺗﻐﺴﻞ ﻣﻼﺑﺲ ﺍﻟﻬﺎ ﻟﻮ ﺍﻝ ﻋﻠﻲ
ﺭﺟﻊ ﻫﻮ ﻉ ﺍﻟﻐﺪﺓ ﻛﻨﻪ ﻭﺍﻛﻔﻴﻦ ﺍﻧﻲ ﻭﻧﺴﺮﻳﻦ ﻫﻲ ﺗﺼﺐ ﻭﺍﻧﻲ ﺍﺧﺬ ﻣﻨﻬﺎ ﻭﺍﺣﻂ ﺑﺎﻟﺼﻴﻨﻴﻪ
ﺳﻠﻢ ﻋﻠﻴﻨﻪ ﻭﺻﻌﺪ ﺍﻟﻐﺮﻓﺘﻪ
ﻛﻌﺪﻧﻪ ﻧﺘﻐﺪﺓ ﻭﻫﻤﻪ ﻣﺎﻛﻮ ﻣﺎﻧﺎﺯﻟﻴﻦ ﺑﻌﺪ ﺷﻮﻳﻪ ﺳﻤﻌﻨﻪ ﺣﺲ ﺍﻟﻌﻴﺎﻁ ﻋﻠﻲ ﻳﺼﻴﺢ ﺑﺼﻮﺕ ﻋﺎﻟﻲ
ﻧﺰﻝ ﮔﻌﺪ ﻳﻤﻨﻪ ﺑﺲ ﻫﻮ ﻋﺒﺎﺭﺓ ﻋﻦ ﻛﺘﻠﻪ ﻣﻦ ﺍﻟﻐﻀﺐ
ﻋﻠﻲ،،ﻳﻤﻤﻪ ﺍﺻﻌﺪﻱ ﺍﻟﻠﻤﺴﻌﺪﺓ ﺍﻟﻨﺎﻳﻤﻪ ﻓﻮﮒ ﮔﻠﻴﻠﻬﺎ ﺗﻐﺴﻞ ﻫﺪﻭﻭﻣﻲ ﺗﺮﺓ ﺑﺎﻟﻘﺮﺍﻥ ﺑﺰﻋﺖ ﺭﻭﺣﻲ ﻣﻨﻬﺎ ﻭﻣﻦ ﺗﺼﺮﻓﺎﺗﻬﺎ
ﺍﺟﻲ ﺗﻌﺒﺎﻥ ﻻ ﺍﻟﮕﻪ ﻫﺪﻣﻪ ﻧﻀﻴﻔﻪ ﺍﻟﺒﺴﻬﺎ ﻻ ﻫﻲ ﻗﺎﻳﻤﺔ ﺑﻮﺍﺟﺒﻬﺎ ﺍﻧﻄﻴﻬﺎ ﺍﻛﻞ ﻭﻧﻮﻡ ﻭﺑﺲ
ﺍﻡ ﺣﺴﻴﻦ،،ﺍﻋﺼﺎﺑﻚ ﻳﻤﻪ ﺑﺲ ﺍﻫﺪﺉ ﻭﺍﻧﻲ ﺍﺣﺠﻲ ﻭﻳﺎﻫﺎ
ﻟﺠﻮﻧﻪ ﺑﻨﻴﺘﻲ ﺭﺍﺡ ﺍﻧﺰﻝ ﻣﻼﺑﺲ ﻋﻠﻲ ﺍﻏﺴﻠﻴﻬﻦ ﺍﻧﺘﻲ
ﻻﻥ ﺍﺫﺍ ﺿﻞ ﻭﺭﺓ ﺷﻴﻤﺎﺀ ﻳﻀﻠﻦ ﺑﺪﻭﻥ ﻏﺴﻞ
ﻟﺠﻴﻦ،،ﺩﺧﻠﺖ ﺷﻴﻤﺎﺀ ﻭﻛﺎﻟﺖ
ﺷﻴﻤﺎﺀ،،ﺍﻧﻲ ﺍﻏﺴﻠﻬﻦ ﻻﺗﻤﺪﻳﻦ ﺍﻳﺪﺝ ﻋﻠﻠﻴﻬﻦ ﻋﻠﻲ ﺭﺟﻠﻲ ﻭﻳﺨﺼﻨﻲ ﻣﻌﻠﻴﺞ ﺑﻤﻼﺑﺴﻪ ﻓﺎﺍﺍﻫﻤﻪ
ﻟﺠﻴﻦ،،ﺑﻘﻴﺖ ﺍﺑﺎﻭﻉ ﻋﻠﻴﻬﺎ ﺷﺮﻳﺪ ﺍﺟﺎﻭﺑﻬﺎ ﺻﺎﻳﺮﺓ ﻣﺮﻳﻀﻪ ﻧﻔﺴﻴﺎ
ﻋﻠﻲ ﻃﻔﺮ ﻣﻦ ﻣﻜﺎﻧﻪ ﻭﺣﺴﻴﻦ ﻟﺰﻣﻪ ﮔﺎﻟﺔ ﻋﻮﻓﻬﺎ ﻣﻮ ﻫﻴﺞ ﺍﻟﺤﺠﻲ
ﻭﻫﻲ ﺍﺗﮕﻠﻪ ﺍﻧﻲ ﻋﻨﺪﻱ ﻧﻈﺎﻡ ﻛﻞ ﺟﻤﻌﻪ ﺍﻟﻢ ﺍﻟﻤﻼﺑﺲ ﻭﺍﻏﺴﻠﻬﻦ
ﻋﻠﻲ،ﻧﻈﺎﻣﺞ ﻫﺬﺍﺍ ﻣﻦ ﺟﻨﺘﻲ ﺍﺑﻴﺖ ﺍﻫﻠﺞ ﺗﻤﺸﻴﻦ ﺑﻲ ﻣﻮﻭ ﻳﻤﻲ
ﻳﻮﻭﻣﻴﻪ ﺍﺗﻐﺴﻠﻴﻦ ﻣﻼﺑﺴﻲ ﻭﺗﻜﻮﻳﻬﻦ ﻭﺍﺫﺍ ﻣﺎﻟﺞ ﺧﻠﮕﻲ ﺧﻠﻲ ﻟﺠﻴﻦ ﺗﻐﺴﻠﻬﻦ
ﺷﻴﻤﺎﺀ،،ﺍﻱ ﮔﻮﻭﻝ ﻫﻴﺞ ﺍﺍﻧﺘﻪ ﺗﺘﻌﻤﺪ ﺍﺗﻔﺸﻠﻨﻲ ﮔﺪﺍﻣﻬﻢ ﻭﻛﺪﺍﻡ ﺳﺖ ﻟﺠﻴﻦ ﻋﺒﺎﻟﻚ ﻣﺎﺍﺷﻮﻓﻚ ﻋﻴﻨﻚ ﻋﻠﻴﻬﺎﺍﺍ
ﻟﺠﻴﻦ،،ﻫﻲ ﺣﺠﺖ ﻫﻴﺞ ﻭﻫﻮ ﺭﺍﺩ ﻳﺴﺤﻠﻬﺎ ﻟﻮ ﺣﺴﻴﻦ ﻭﺍﻣﻪ ﻳﺼﻴﺮﻭﻥ ﮔﺪﺍﻣﻪ
ﺍﺧﺬﺗﻬﺎ ﻧﺴﺮﻳﻦ ﺻﻌﺪﺗﻬﺎ ﺍﻟﻐﺮﻓﺘﻬﺎ ﻭﻫﻲ ﺍﺩﺭﺩﻡ
ﺻﺎﺭﺕ ﻫﻲ ﺗﻬﺘﻢ ﺑﻤﻼﺑﺲ ﻋﻠﻲ ﺭﺯﺍﻟﺘﻪ ﺟﺎﺑﺖ ﻧﺘﻴﺠﺔ ﻭﻳﺎﻫﺎ
ﻭﺭﺟﻌﺖ ﺷﺎﻟﺖ ﻧﻮﺑﻪ ﻭﻳﻪ ﻧﺴﺮﻳﻦ ﺑﺲ ﻛﻠﺸﻲ ﺗﺴﻮﻱ ﻣﻦ ﻭﺭﺓ ﺧﺸﻤﻬﺎ ﻃﺒﺨﻬﺎ ﻟﻮ ﻣﺎﻟﺢ ﻣﺎﻳﻨﻮﻛﻞ ﻟﻮ ﺑﻲ ﺭﻳﺤﺔ ﺷﻌﻮﺍﻁ
ﻭﺍﻟﺘﻨﻈﻴﻒ ﺗﻜﻨﺲ ﺑﺲ ﺍﻟﮕﺪﺍﻣﻬﺎ ﻣﻮ ﻣﺜﻞ ﻧﺴﺮﻳﻦ ﺗﮕﻠﺐ ﺍﻟﺒﻴﺖ ﻉ ﺍﻻﺑﻄﺎﻧﻪ ﺑﺎﻟﺘﻨﻀﻴﻒ ﻟﺬﺍﻟﻚ ﻧﺮﺟﻊ ﺍﻧﻈﻒ ﻭﺭﺍﻫﺎ ﻣﻦ ﺟﺪﻳﺪ
ﺑﻌﺪ ﺷﻬﺮﻳﻦ ﺗﻘﺮﻳﺒﺎ ﻛﻨﻪ ﮔﺎﻋﺪﻳﻦ ﻧﺘﻐﺪﺓ ﻛﻠﻨﻪ ﻃﻔﺮﺕ ﺷﻴﻤﺎﺀ ﻣﻦ ﻣﻜﺎﻧﻬﺎ ﺭﻛﻀﺖ ﻟﻠﺤﻤﺎﻡ ﺗﺘﻘﻴﻪ
ﻭﻫﻲ ﺻﺎﺭﻟﻬﺎ ﻛﻢ ﻳﻮﻡ ﻋﻠﺊ ﻫﺎﻱ ﺍﻟﺤﺎﻟﻪ
ﺍﻡ ﺣﺴﻴﻦ ﮔﺎﻟﺖ ﺍﻝ . ﻋﻠﻲ ﻳﻤﻪ ﺍﺧﺬ ﻣﺮﺗﻚ ﻟﻠﻄﺒﻴﺐ ﺷﻮﻑ ﺷﺒﻴﻬﺎ
ﻭﺻﺪﮒ ﺍﻟﻌﺼﺮ ﺍﺧﺬﻫﺎ ﻭﺭﺍﺡ ﻣﺎﺭﺟﻌﻮ ﻟﻠﻤﻐﺮﺏ ﻭﺍﻭﻝ ﻣﺎﺩﺧﻠﺖ ﺷﻴﻤﺎﺀ ﺍﻟﻮﺟﻪ ﻳﻀﺤﻚ ﻓﺮﺣﺎﻧﻪ ﻭﺑﻴﺪﻫﺎ ﺍﻭﺭﺍﻕ
ﺷﻴﻤﺎﺀ،،ﻋﻤﻤﻪ ﺣﺎﺍﺍﻣﻞ ﻫﻠﻤﺮﺓ ﻭﺍﻟﻠﻪ ﺣﺎﺍﺍﻣﻞ
ﺍﻡ ﺣﺴﻴﻦ، ،ﺑﺎﻟﺨﻴﺮ ﻳﻤﻪ ﺍﻟﻠﻪ ﻳﺘﻤﻤﻪ ﻋﻠﺊ ﺧﻴﺮ
ﻟﺠﻴﻦ،،ﻭﻣﻦ ﻫﺬﺍ ﺍﻟﻴﻮﻡ ﺭﺟﻌﺖ ﺭﻳﻤﻪ ﺍﻟﻌﺎﺩﺗﻬﺎ ﺍﻟﻘﺪﻳﻤﺔ ﻻﺷﻐﻞ ﻭﻻﻋﻤﻞ ﺗﺮﻭﺡ ﻟﻠﺪﻭﺍﻡ ﻭﺗﺮﺟﻊ ﺗﻨﺎﻡ
ﺑﺲ ﺍﻧﻲ ﺍﺗﺠﻨﺒﺘﻬﺎ ﻧﻬﺎﺋﻴﺎ
ﺧﺎﻑ ﻫﻢ ﺍﺗﺬﺏ ﺑﺮﺍﺳﻲ ﺑﻠﻮﺓ ﺟﺪﻳﺪﺓ
ﻟﺒﺴﻬﺎ ﻧﻔﺲ ﻣﺎﻫﻮ ﻣﺎﺗﻐﻴﺮ ﻭﻋﻠﻲ ﻣﺎﻋﻨﺪﺓ ﻋﻠﻢ ﺑﻬﺬﺍ ﺍﻟﺸﻲ ﻻﻥ ﺍﻣﻪ ﻣﺎﺗﺤﺠﻴﻠﻪ ﺍﺗﮕﻮﻝ ﻣﺎﺍﺭﻳﺪ ﺗﺼﻴﺮ ﻣﺸﺎﻛﻞ ﺑﻴﻦ ﺍﻻﺧﻮﺓ ﻣﺎﺍﺭﻳﺪ ﻭﻳﻼﺩﻱ ﻳﻄﺸﺮﻭﻥ
ﻭﻋﻠﻲ ﻣﺎﻳﺠﻲ ﻏﻴﺮ ﻭﻗﺖ ﺍﻟﻨﻮﻡ ﻧﺺ ﺍﻟﻠﻴﻞ ﻳﺮﺟﻊ ﻟﻠﺒﻴﺖ
ﻣﺮﺍﺕ ﻣﻦ ﻳﺼﺎﺩﻑ ﻳﻮﻡ ﺟﻤﻌﻪ ﻭﻧﻨﺠﻤﻊ ﻛﻠﻨﻪ ﺍﻧﺘﺒﻪ ﻋﻠﺊ ﻧﻈﺮﺍﺗﻪ ﺍﻟﻲ ﺑﺲ ﺍﺳﻮﻱ ﻧﻔﺴﻲ ﻣﺎﻣﻨﺘﺒﻪ ﻭﺍﻟﺘﻬﻲ ﺑﻐﻴﺮ ﺷﻐﻠﻪ ﺑﺲ ﺍﻟﻌﺠﻴﺐ ﺑﺎﻟﺴﺎﻟﻔﻪ ﻣﻦ ﻳﻜﻮﻥ ﻋﻠﻲ ﻣﻮﺟﻮﺩ ﺷﻴﻤﺎﺀ ﻟﺒﺴﻬﺎ ﻣﺎﺑﻲ ﺷﻲ ﻭﻋﺮﻳﺾ ﺑﺲ ﻣﻦ ﻳﺮﻭﺡ ﺗﻠﺒﺲ ﺣﺼﺮ
ﺑﺪﺕ ﺍﻣﺘﺤﺎﻧﺎﺕ ﺍﺧﺮ ﺍﻟﺴﻨﻪ ﻭﺍﻟﺤﻤﺪﺍﻟﻠﻪ ﮔﺪﺭﺕ ﺍﻗﺮﺓ ﺯﻳﻦ ﺑﺲ ﺭﻏﻢ ﻫﻠﺸﻲ ﺧﺎﻳﻔﻪ ﺍﻃﻠﻊ ﺍﻛﻤﺎﻝ
ﺷﻴﻤﺎﺀ ﺩﺧﻠﺖ ﺷﻬﺮ ﺍﻟﺮﺍﺑﻊ ﻭﻫﻲ ﻣﺎﻣﺎﺧﺬﺓ ﺳﻮﻧﺮ ﻏﻴﺮ ﻣﻦ ﺍﻭﻝ ﺷﻬﺮ ﻭﺍﻣﻬﺎ ﺑﻌﺪ ﻣﺎﺧﻠﺘﻬﺎ ﺗﺎﺧﺬ ﺍﺗﮕﻠﻬﺎ ﻣﻮﺯﻳﻦ ﺍﺷﻌﺔ ﺍﻟﺴﻮﻧﺮ ﻉ ﺍﻟﻄﻔﻞ
ﺑﻄﻨﻬﺎ ﻛﺒﺮﺕ ﺑﺲ ﻟﺒﺴﻬﺎ ﻧﻔﺴﻪ ﺣﺼﺮ ﻭﺣﺴﻴﻦ ﻳﻔﻮﺕ ﻟﻠﺒﻴﺖ ﻣﺪﻧﮓ ﻭﻳﻄﻠﻊ ﻣﺪﻧﮓ
ﺍﻡ ﺣﺴﻴﻦ،،ﻋﻤﻪ ﺷﻴﻤﺎﺀ ﺗﺮﺓ ﻣﺎﻳﺼﻴﺮ ﻫﻴﺞ ﺑﻄﻨﺞ ﻛﺒﺮﺕ ﻭﺟﺴﻤﺞ ﻋﺮﻅ ﻭﺳﻤﻨﺎﻥ ﻭﻣﻼﺑﺴﺞ ﺣﺼﺮ
ﺣﺮﺍﻡ ﺑﻨﻴﺘﻲ ﺍﻟﻠﻪ ﻣﺎﻳﺮﺿﻪ
ﺷﻴﻤﺎﺀ،،ﺍﻭﻭﻭﻭ ﻭﺍﻟﻠﻪ ﺟﺰﻋﺘﻴﻨﻲ ﻛﻞ ﺷﻮﻳﻪ ﻣﻄﻠﻌﺘﻠﻲ ﺳﺎﻟﻔﻪ ﺟﺪﻳﺪﺓ ﺍﻟﻤﺎﻳﻌﺠﺒﻪ ﻣﺸﻜﻠﺘﻪ ﻣﻮ ﻣﺸﻜﻠﺘﻲ ﺍﻟﺒﺲ ﺍﻟﻴﻌﺠﺒﻨﻲ ﻭﻣﺤﺪ ﺍﻟﻪ ﻳﻤﻲ ﺷﻲ
ﻟﺠﻴﻦ . ،ﺍﺑﺎﻭﻉ ﻝ ﺍﻡ ﺣﺴﻴﻦ ﺍﻟﺪﻣﻌﻪ ﺑﻄﺮﻑ ﻋﻴﻨﻬﺎ ﺍﻧﻬﻀﻤﺖ ﻣﻦ ﺯﻣﺨﺖ ﺷﻴﻤﺎﺀ ﺑﻴﻬﺎ
ﺷﻴﻤﺎﺀ ﺻﻌﺪﺕ ﺍﻟﻐﺮﻓﺘﻬﺎ
ﻭﺍﻡ ﺣﺴﻴﻦ ﻋﻀﺖ ﺍﺻﺒﻌﻬﺎ ﻭﺿﺮﺑﺖ ﺭﺟﻠﻬﺎ ﻭﺍﺗﮕﻮﻝ
ﺍﻡ ﺣﺴﻴﻦ،،ﺍﺍﺍﺥ ﻛﻠﻪ ﻣﻦ ﺍﻳﺪﻱ ﻭﺭﻃﺖ ﺍﻭﻟﻴﺪﻱ ﺑﻬﺎﻱ ﺍﻟﻌﮕﺮﺑﻪ
ﻭﺍﻟﻠﻪ ﻋﺒﺎﻟﻲ ﺍﺩﻣﻴﻪ ﺟﺎﻧﺖ ﺣﺴﻬﺎ ﻣﺎﻳﻨﺴﻤﻊ ﺷﻮ ﻫﺴﻪ ﺗﻐﻴﺮﺕ
ﺑﺲ ﺍﻧﻲ ﻣﺘﺎﻛﺪﺓ ﻫﺬﺍ ﻃﺒﻌﻬﺎ ﻣﻦ ﺯﻣﺎﻥ ﻻﻥ ﺍﺑﻮ ﻃﺒﻊ ﻣﺎﻳﻐﻴﺮ ﻃﺒﻌﻪ ﺑﺲ ﺍﻧﻲ ﻧﻐﺸﻴﺖ ﺑﻴﻬﺎ
ﻟﺠﻴﻦ . ﮔﺎﻣﺖ ﺍﻡ ﺣﺴﻴﻦ ﻭﺭﺍﺣﺖ ﺍﻟﻐﺮﻓﺘﻬﺎ ﻭﻫﻲ ﻣﻬﻀﻮﻣﻪ
ﻭﻳﻮﻡ ﺑﻌﺪ ﻳﻮﻡ ﺷﻴﻤﺎﺀ ﺗﺘﺠﺎﻭﺯ ﻋﻠﻴﻬﺎ ﺍﻛﺜﺮ ﻭﻛﻞ ﻣﺎﻧﺴﺮﻳﻦ ﺗﺮﻳﺪ ﺗﺤﺠﻲ ﻟﺤﺴﻴﻦ ﻭﻋﻠﻲ ﻋﻠﺊ ﺗﺼﺮﻓﺎﺗﻬﺎ ﺍﻡ ﺣﺴﻴﻦ ﺗﺤﻠﻔﻬﺎ ﻣﺘﺠﻴﺐ ﺍﻟﻮﻟﺪﻫﺎ ﻃﺎﺭﻱ ﺍﺗﮕﻮﻝ ﻣﺎﺍﺭﻳﺪ ﻣﺸﺎﻛﻞ
ﺑﻌﺪ ﻣﺎﺍﻧﺘﻬﺖ ﺍﻻﻣﺘﺤﺎﻧﺎﺕ ﺑﻌﺪ ﻓﺘﺮﺓ ﻃﻠﻌﺖ ﺍﻟﻨﺘﺎﺋﺞ ﻭﻛﻨﺖ ﻧﺎﺟﺤﻪ ﺑﻤﻌﺪﻝ ﺯﻳﻦ
ﻭﺩﻕ ﺩﻭﻡ ﺗﺤﺠﻴﻠﻲ ﻋﻦ ﺍﻋﺠﺎﺏ ﺣﻤﺰﺓ ﺑﺲ ﻛﻨﺖ ﺍﺻﺪﻫﺎ ﻭﺍﮔﻠﻬﺎ ﺍﻧﺴﻲ ﺍﻟﻤﻮﺿﻮﻉ ﻫﻲ ﻣﺘﺪﺭﻱ ﺍﻧﻲ ﻋﺎﻗﺪﺓ
ﻭﺍﺻﻼ ﺍﻟﻌﻘﺪ ﺑﻴﻨﻪ ﺍﻧﻲ ﻭﻋﻠﻲ ﻉ ﺍﻟﻮﺭﻕ ﻭﺑﺲ ﻭﺍﻟﻪ ﻓﺘﺮﺓ ﻭﻳﻨﺘﻬﻲ
ﺣﻤﺰﺓ ﺧﻮﺵ ﻭﻟﺪ ﻭﻣﺆﺩﺏ ﻭﺍﻟﺪﻟﻴﻞ ﻃﻮﻝ ﻫﻠﻔﺘﺮﺓ ﺍﻟﺴﻨﺘﻴﻦ ﻣﺎﺣﺎﻭﻝ ﻳﺘﻘﺮﺏ ﻣﻨﻲ ﻣﺠﺮﺩ ﻧﻀﺮﺍﺕ ﻳﺒﺎﻭﻋﻠﻲ
ﻭﻟﻮ ﻣﺎﻭﺩﻕ ﺗﺤﺠﻴﻠﻲ ﻋﻦ ﺍﻋﺠﺎﺑﺔ ﺟﺎﻥ ﮔﻠﺖ ﻧﻀﺮﺍﺗﻪ ﻋﺎﺩﻳﻪ
ﻣﺎﻣﺼﺪﮔﻪ ﺩﺧﻠﺖ ﺏ ﺍﻝ 17 ﻭﻧﺠﺤﺖ ﻟﻠﺜﺎﻟﺚ ﻣﺘﻮﺳﻂ
ﻛﻨﺖ ﮔﺎﻋﺪﺓ ﺑﻐﺮﻓﺘﻲ ﺍﻧﺪﮒ ﺍﻟﺒﺎﺏ ﻭﺩﺧﻠﺖ ﻧﺴﺮﻳﻦ ﮔﺎﻟﺖ ﺗﻌﺎﻱ ﻋﻠﻲ ﻳﺼﻴﺤﻠﺞ
ﻃﻠﻌﺖ ﻟﮕﻴﺘﻬﻢ ﻛﻠﻬﻢ ﮔﺎﻋﺪﻳﻦ ﺑﺎﻟﻐﺮﻓﻪ ﻳﺴﻮﻟﻔﻮﻥ ﻭﻳﻀﺤﻜﻮﻥ ﺑﺲ ﺷﻴﻤﺎﺀ ﻣﺎﻣﻮﺟﻮﺩ ﺭﺍﺣﺖ ﻟﻬﻠﻬﺎ
ﻋﻠﻲ،،ﺗﻌﺎﻱ ﻟﺠﻴﻦ ﺍﮔﻌﺪﻱ ﻫﻨﺎ
ﻟﺠﻴﻦ،،ﺍﺭﺗﺒﻜﺖ ﻣﺎﺍﻋﺮﻑ ﻟﻴﺶ ﻭﻣﻦ ﺯﻣﺎﻥ ﻣﺎﺷﺎﻳﻔﺘﻪ
ﻣﻦ ﺗﺰﻭﺝ ﻟﺤﺪ ﺍﻻﻥ ﻧﺎﺩﺭﺍ ﺍﺷﻮﻓﻪ ﻣﻮﺟﻮﺩ ﻋﻠﺊ ﻃﻮﻝ ﺑﺎﻟﺪﻭﺍﻡ ﺍﺣﺴﻪ ﻳﻨﻬﺰﻡ ﻣﻦ ﺍﻟﺒﻴﺖ
ﺍﺟﻴﺖ ﮔﻌﺪﺕ ﺑﻴﻦ ﻧﺴﺮﻳﻦ ﻭﺍﻡ ﺣﺴﻴﻦ
ﺍﻛﻮ ﻋﻼﮔﻪ ﻳﻤﻪ ﺳﺤﺒﻬﺎ ﻭﻃﻠﻊ ﻣﻨﻬﺎ ﻛﺎﺭﺗﻮﻧﻪ
ﻓﺘﺤﻬﺎ ﻭﻃﻠﻊ ﺟﻬﺎﺯ ﻣﻮﺑﺎﻳﻞ
ﻋﻠﻲ،،ﺳﻨﺘﺘﻴﻦ ﻧﺠﺤﺘﻲ ﻭﻣﺎﺟﺒﺘﻠﺞ ﻫﺪﻳﻪ ﺑﺲ ﺻﺎﺭ ﻻﺯﻡ ﻳﻜﻮﻥ ﻋﻨﺪﺝ ﻣﻮﺑﺎﻳﻞ ﻫﺎﻱ ﻫﺪﻳﺘﺞ ﻻﻥ ﺗﺴﺘﺎﻫﻠﻴﻬﺎ
ﻟﺠﻴﻦ،،ﻃﺮﺕ ﻣﻦ ﺍﻟﻔﺮﺡ ﻭﺍﺧﻴﺮﺍ ﺍﻛﻮ ﺷﻲ ﻳﻠﻬﻴﻨﻲ ﻣﺮﺍﺕ ﻛﻮﺛﺮ ﺗﺠﻴﺐ ﺍﻳﺒﺎﺩﻫﺎ ﺍﺗﻔﺮﺝ ﻭﻳﺎﻫﺎ
ﺻﺢ ﺭﺩﺕ ﺟﻬﺎﺯ ﺧﺎﺹ ﺑﻴﻪ ﺑﺲ ﻣﺎﻃﻠﺒﺖ ﻻﻥ ﻋﻴﺐ ﻓﻮﮒ ﻣﺎﻛﺎﻋﺪﺓ ﻋﺪﻫﻢ ﻭﻳﺼﺮﻓﻮﻥ ﻋﻠﻴﻪ
ﺍﺧﺬﺗﻪ ﻣﻨﻪ ﻭﺍﻧﻲ ﺍﻟﻔﺮﺣﻪ ﻣﺎﺳﺎﻳﻌﺘﻨﻲ ﺣﺘﺊ ﻫﻮ ﺍﺑﺘﺴﻢ ﺍﻟﻔﺮﺣﺘﻲ
ﮔﺎﻝ ﺳﻮﻳﺘﻠﺞ ﺣﺴﺎﺏ ﮔﻮﮔﻞ ﺣﺘﺊ ﺗﻔﺘﺢ ﺍﻟﺒﺮﺍﻣﺞ
ﺍﺧﺬﺗﻪ ﻣﻨﻪ ﻭﺍﺗﺸﻜﺮﺗﻪ ﺍﺧﺬﺕ ﺍﻟﺠﻬﺎﺯ ﻭﺭﻛﻀﺖ ﻟﻠﻐﺮﻓﻪ ﻋﺎﺍﺍﺍ ﺑﻲ ﺷﺒﻜﻪ
ﺍﻭﻝ ﻣﺎﺩﺧﻠﺖ ﻟﻠﻴﻮﺗﻴﻮﺏ ﮔﻌﺪﺕ ﺍﺗﻔﺮﺝ ﻭﻓﻴﺪﻳﻮ ﻳﺠﺮ ﻓﻴﺪﻳﻮ ﻣﺎﺩﺭﻳﺖ ﺣﺘﺊ ﺑﺎﻟﻮﻗﺖ
ﻟﻠﻤﻐﺮﺏ ﻳﻠﻪ ﻃﻠﻌﺖ ﻭﻧﺴﺮﻳﻦ ﺍﺗﮕﻮﻝ ﻟﻮ ﺍﺩﺭﻱ ﺟﺎﻥ ﻣﺎﺧﻠﻴﺘﻪ ﻳﺸﺘﺮﻳﻠﺞ ﺟﻬﺎﺯ ﺧﺘﻠﺘﻲ ﺑﺎﻟﻐﺮﻓﻪ ﻣﺎﮔﻠﺘﻲ ﺍﺟﻲ ﺍﺳﺎﻋﺪ ﻧﺴﺮﻳﻦ
ﻟﺠﻴﻦ،،ﺗﺤﺠﻲ ﻣﺴﻮﻳﻪ ﺭﻭﺣﻬﺎ ﺯﻋﻼﻧﻪ ﺣﻀﻨﺘﻬﺎ ﮔﺘﻠﻬﺎ ﺷﻨﻮ ﺳﺎﻟﻔﺘﺞ ﺑﺎﺟﻲ ﺍﻟﻴﻮﻡ ﺷﻴﻤﺎﺀ ﻣﺎﻛﻮ ﺷﺎﺩﺓ ﻭﻳﺎﻱ ﺍﻧﺘﻲ
ﻧﺴﺮﻳﻦ،،ﻋﺎﺑﺘﻠﺞ ﺍﻱ ﻭﺍﻟﻠﻪ ﻳﻌﻨﻲ ﺍﻧﻲ ﻃﻠﻌﺖ ﺷﺎﺩﺓ ﻭﻳﻪ ﺷﻴﻤﺎﺀ ??
ﻏﻴﺮ ﻣﻦ ﺳﻮﺍﻟﻔﻬﺎ ﻧﺎﻳﻤﻪ ﻭﺍﻟﻨﺎﺱ ﻋﺪﻫﺎ ﺧﺪﻡ ﻏﻴﺮ ﺗﺼﺮﻓﺎﺗﻬﺎ ﻭﻋﺪﻡ ﺍﺣﺘﺮﺍﻣﻬﺎ ﺍﺗﺨﻠﻲ ﺍﻟﻮﺍﺣﺪ ﻳﻄﻠﻊ ﻋﻦ ﻃﻮﺭﺓ
ﻟﺠﻴﻦ،،ﺍﻧﺘﻲ ﻟﻴﺶ ﺿﺎﻳﺠﻪ ?
ﻧﺴﺮﻳﻦ،،ﻭﺍﻟﻠﻪ ﻳﺎﻟﺠﻴﻦ ﻣﺸﺘﺎﻗﻪ ﻧﻜﻌﺪ ﺳﻮﺓ ﻭﻳﻪ ﺣﺴﻴﻦ ﺧﻄﻴﻪ ﺗﺸﻮﻓﻲ ﺣﺘﺊ ﺭﺟﻌﻠﻪ ﻟﻠﺒﻴﺖ ﻣﺎﻳﺮﺟﻊ ﻳﻨﺎﻡ ﺑﺎﻟﺪﻭﺍﻡ ﺍﻳﻜﻮﻝ ﺍﺭﺟﻊ ﺗﻌﺒﺎﻥ ﺍﻟﮕﻪ ﺷﻴﻤﺎﺀ ﺗﻔﺘﺮ ﻭﻟﺒﺴﻬﺎ ﻣﻔﻀﻮﺡ
ﻟﺬﺍﻟﻚ ﻣﺎﺍﻳﺮﺟﻊ ﻟﻠﺒﻴﺖ ﻭﺍﻟﺒﺎﺭﺣﻪ ﮔﺎﻝ ﻋﻨﺪﻱ ﺣﻞ ﻭﺍﻧﻲ ﺍﺧﺎﻑ ﻣﻦ ﺣﻠﻮﻝ ﺭﺟﻠﻲ ﻻﻧﻬﺎ ﻗﻨﺎﺑﻞ ﻣﻮﺣﻠﻮﻝ
ﻟﺠﻴﻦ،،ﺑﻌﺪ ﻣﺎﺧﻠﺼﻨﻪ ﻋﺸﻪ ﻭﮔﻌﺪﻧﻪ ﻧﺸﺮﺏ ﺟﺎﻱ ﺍﻟﻴﻮﻡ ﻋﻠﻲ ﻭﺣﺴﻴﻦ ﺍﺛﻨﻴﻨﻬﻢ ﻣﻮﺟﻮﺩﻳﻦ ﺣﺘﺊ ﺍﻣﻬﻢ ﻓﺮﺣﺎﻧﻪ ﺍﺗﮕﻮﻝ ﻣﻦ ﺯﻣﺎﻥ ﻣﺎﻟﺘﻤﻴﻨﻪ ﻫﻠﻠﻤﻪ
ﺣﺴﻴﻦ ﺟﻠﺊ ﺻﻮﺗﻪ ﻭﮔﺎﻝ ﻋﻨﺪﻱ ﻣﻮﺿﻮﻉ ﻭﻳﺎﻛﻢ ﻭﻳﺎﺭﻳﺖ ﺗﺘﻔﻬﻤﻮﻥ ﻭﺿﻌﻲ
ﻋﻠﻲ،،ﺧﻴﺮ ﺍﻧﺸﺎﺀﺍﻟﻠﻪ ﺍﺑﻮ ﻛﻮﺛﺮ
ﺣﺴﻴﻦ،،ﺧﻮﻳﻪ ﺍﻟﺒﻴﺖ ﺻﻐﻴﺮ ﻭﺍﻧﻲ ﺍﻭﻻﺩﻱ ﻛﺒﺎﺭ ﻭﺍﺛﻨﻴﻨﻬﻢ ﻧﺎﻳﻤﻴﻦ ﺑﻨﻔﺲ ﺍﻟﻐﺮﻓﻪ
ﻭﺍﻧﻲ ﻫﻢ ﺍﺭﻳﺪ ﺑﻴﺖ ﺍﺭﺗﺎﺡ ﺑﻲ ﻟﺬﺍﻟﻚ ﻗﺮﺭﺕ ﺍﻧﺘﻘﻞ ﻣﻨﺎ
ﻟﺠﻴﻦ، ،ﻛﻠﻨﻪ ﺍﻧﺼﺪﻣﻨﻪ ﻣﻦ ﻛﻼﻡ ﺣﺴﻴﻦ ﺻﺪﮒ ﻟﻮ ﮔﺎﻟﺖ ﻧﺴﺮﻳﻦ ﻗﻨﺒﻠﻪ
ﻋﻠﻲ،،ﻟﻴﺶ ﺧﻮﻳﻪ ﺷﺒﻴﻚ ﻣﺎﻣﺮﺗﺎﺡ ﻫﻨﺎ ﻭﺍﺷﻠﻮﻥ ﺗﻌﻮﻓﻨﻪ ﻭﺗﺮﻭﺡ
ﺍﻡ ﺣﺴﻴﻦ، ،ﻳﻤﻪ ﻋﻠﺊ ﺑﺨﺘﻚ ﺍﻣﻮﺕ ﺍﺫﺍ ﻃﻠﻌﺖ ﻣﺎﺍﺻﺪﮒ ﺍﻟﻴﻮﻡ ﻣﻨﺠﻤﻌﻴﻦ ﻭﺗﻀﺤﻜﻮﻥ ﺷﻤﺤﻼﺗﻜﻢ ﺗﺮﺩﻭﻥ ﺗﻐﺮﺑﻮﻥ ﻛﻞ ﻭﺍﺣﺪ ﺑﻜﺘﺮ
ﺣﺴﻴﻦ،،ﻳﻤﻪ ﺍﻧﻲ ﺍﺗﻔﻘﺖ ﻭﻳﻪ ﺻﺎﺣﺐ ﺍﻟﺒﻴﺖ ﻭﺍﻧﻄﻴﺘﻪ ﻣﻘﺪﻡ ﻣﻦ ﺍﻻﻳﺠﺎﺭ ﻣﺎﺍﮔﺪﺭ ﺑﻌﺪ ﺍﺗﺮﺍﺟﻊ ﻭﺍﻟﺒﻴﺖ ﻗﺮﻳﺐ ﺑﺮﺍﺱ ﺍﻟﺸﺎﺭﻉ ﻭﺩﺍﻋﺘﺞ ﺍﺧﺬﺝ ﻳﻤﻲ ﺗﻜﻌﺪﻳﻦ
ﻋﻮﺩ ﻣﻦ ﺗﺸﺘﺎﻗﻴﻦ ﺍﻟﺒﻴﺘﺞ ﺍﺟﻴﺒﺞ ﻟﻬﻨﺎ
ﻭﺍﺫﺍ ﻛﺎﻥ ﻫﻨﺎ ﺑﻴﺘﺞ ﺫﺍﻙ ﻫﻢ ﺑﻴﺘﺞ ﺍﻧﺸﻴﻠﺞ ﻋﻠﺊ ﺭﻭﺳﻨﻪ
ﺍﻡ ﺣﺴﻴﻦ، ،ﻫﺬﺍ ﻫﻮ ﻳﻤﻪ ﺳﻮﻱ ﺍﻟﻴﺮﻳﺤﻚ ﻫﻮ ﻛﻠﻪ ﻣﻨﻲ
ﻟﺠﻴﻦ، ،ﺣﺠﺘﻬﺎ ﻭﻛﺎﻣﺖ ﻭﺍﻟﺪﻣﻌﻪ ﻧﺰﻟﺖ ﻣﻦ ﻋﻴﻨﻬﺎ ﻣﺘﺖ ﻗﻬﺮ ﻋﻠﻴﻬﺎ ﻭﻋﺮﻓﺖ ﻫﻲ ﺍﺗﻠﻮﻡ ﻧﻔﺴﻬﺎ ﻻﻥ ﺧﻄﺒﺖ ﺷﻴﻤﺎﺀ
ﻣﺤﺪ ﺍﺩﺧﻞ ﺑﺎﻟﻤﻮﺿﻮﻉ ﻻﻥ ﻫﻠﺸﻲ ﻳﺨﺺ ﺣﺴﻴﻦ ﻭﺣﺪﺓ ﺍﺫﺍ ﻛﺎﻥ ﻫﺬﺍ ﻗﺮﺍﺭﺓ ﺑﺮﺍﺣﺘﻪ
ﺑﺲ ﻋﻠﻲ ﺻﺎﺭ ﻳﺸﺮﺏ ﺟﻜﺎﺭﺓ ﻭﺭﺓ ﺍﻟﺜﺎﻧﻴﻪ ﺍﺧﺮ ﺷﻲ ﻣﺎﺍﺗﺤﻤﻞ ﺍﺧﺬ ﺳﻮﻳﺠﻪ ﻭﻃﻠﻊ
ﺑﻌﺪ ﺷﻮﻳﻪ ﺭﺟﻌﺖ ﺷﻴﻤﺎﺀ ﻭﺍﻟﻮﺟﻪ ﻣﻐﻨﺪﺏ ﺻﻌﺪﺕ ﺍﻟﻐﺮﻓﺘﻬﺎ ﺑﺪﻭﻥ ﻻﺳﻼﻡ ﻭﻻﻛﻼﻡ
ﮔﻤﺖ ﺩﺧﻠﺖ ﻟﻠﻤﻄﺒﺦ ﺳﻮﻳﺖ ﻣﺎﻋﻮﻥ ﻓﻮﺍﻛﻪ
ﺣﺴﻴﺖ ﺍﺣﺪ ﻭﺍﻛﻒ ﻭﺭﺍﻱ ﺍﻟﺘﻔﺘﺖ ﺷﻔﺘﻪ ﻋﻠﻲ ﻣﻜﺘﻒ ﺍﺩﻱ ﻭﻣﻨﺘﺠﻲ ﻉ ﺍﻟﺒﺎﺏ ﻳﺒﺎﻭﻋﻠﻲ ﻭﺳﺮﺣﺎﻥ
ﺍﺣﺲ ﻧﻔﺴﻲ ﺍﻧﺨﺒﺼﺖ ﻭﻫﻮ ﻣﻦ ﺣﺲ ﻋﻠﻴﻪ ﻋﺪﻝ ﻧﻔﺴﻪ ﻭﮔﺎﻝ ﺳﻮﻳﻠﻲ ﺟﺎﻱ ﻭﺟﻴﺒﻲ ﻟﻼﺳﺘﻘﺒﺎﻝ
ﺧﺪﺭﺕ ﺍﻟﺠﺎﻱ ﻭﺻﺒﻴﺘﻪ ﺑﻜﻮﺏ ﻭﺍﺧﺬﺗﻪ ﺍﻟﻪ
ﻟﮕﻴﺘﻪ ﻭﺍﮔﻒ ﻳﺨﻠﻲ ﻣﻮﺑﺎﻳﻠﻪ ﻉ ﺍﻟﺸﺤﻦ
ﺣﻄﻴﺖ ﺍﻟﻜﻮﺏ ﻉ ﺍﻟﻤﻴﺰ
ﺳﻤﻌﺖ ﺍﻟﺒﺎﺏ ﺍﻧﺴﺪ ﺩﺭﺕ ﻭﺟﻬﻲ ﺷﻔﺘﻪ ﺳﺪ ﺍﻟﺒﺎﺏ ﻭﺍﺟﻪ ﻳﻤﺸﻲ ﺏ ﺍﺗﺠﺎﻫﻲ
ﺩﮔﺎﺕ ﮔﻠﺒﻲ ﺻﺎﺭﺕ ﻋﺒﺎﻟﻚ ﺑﺴﺒﺎﻕ ﺩﻧﮕﺖ ﻭﺭﺩﺕ ﺍﻛﻤﻞ ﻃﺮﻳﻘﻲ ﺣﺘﺊ ﺍﻃﻠﻊ
ﺑﻠﺤﻈﻪ ﻭﺣﺪﺓ ﺣﺴﻴﺖ ﻧﻔﺴﻲ ﺻﺮﺕ ﺑﺤﻀﻨﻪ ﻛﻠﻲ
ﺍﺩﻱ ﻣﺤﺎﻭﻃﻪ ﺧﺼﺮﻱ ﻭﺣﺎﺿﻨﻲ ﺑﻜﻞ ﻗﻮﺗﻪ ﻫﻤﺲ ﺍﺳﻤﻲ ﺑﺼﻮﺕ ﻧﺎﺻﻲ
ﻋﻠﻲ،،ﻟﺠﻴﻨﻲ
ﻟﺠﻴﻦ،،ﮔﻠﺒﻲ ﻳﺮﻳﺪ ﻳﻄﻠﻊ ﻣﻦ ﻣﻜﺎﻧﻪ ﺍﻭﻝ ﻣﺮﺓ ﺍﺷﻮﻓﻪ ﺑﻬﻠﺤﺎﻝ
ﺩﻓﻌﺘﻪ ﺑﻘﻮﺓ ﻭﮔﺘﻠﻪ ﻋﻤﻮ ﺍﺭﻳﺪ ﺍﻃﻠﻊ
ﻣﺜﻞ ﺍﻟﻜﺎﻥ ﺑﺤﻠﻢ ﻭﺻﺤﺊ ﻣﻨﻪ ﺑﺪﻓﻌﺘﻲ ﺍﻟﻪ
ﻓﺮﻙ ﻋﻴﻮﻧﻪ ﺑﻴﺪﺓ ﺟﻠﺊ ﺻﻮﺗﻪ ﻭﮔﺎﻝ ﺍﻃﻠﻌﻲ ﻟﺠﻴﻦ
ﻓﺘﺤﺖ ﺍﻟﺒﺎﺏ ﻭﻃﻠﻌﺖ ﺑﺴﺮﻋﻪ ﺍﺭﻛﺾ ﺍﻟﻐﺮﻓﺘﻲ ﻣﺴﺘﻐﺮﺑﻪ ﺗﺼﺮﻓﻪ ﻭﻳﺎﻱ ﻻﻥ ﺩﺍﺋﻤﺎ ﻳﺼﺪﻧﻲ
ﺑﻴﻮﻣﻬﺎ ﻣﺎﮔﺪﺭﺕ ﺍﻧﺎﻡ ﻛﻞ ﻣﺎﺍﺫﻛﺮ ﺗﺼﺮﻑ ﻋﻠﻲ ﮔﻠﺒﻲ ﻳﺮﺗﻌﺪ ﻣﻨﻪ
ﺑﺪﻭ ﺣﺴﻴﻦ ﻭﻧﺴﺮﻳﻦ ﻳﺠﻤﻌﻮﻥ ﺑﻐﺮﺍﺿﻬﻢ ﺣﺘﺊ ﻳﻨﺘﻘﻠﻮﻥ ﺑﻌﺪ ﻣﺎﺭﺍﺣﻮ ﻏﺴﻠﻮ ﺍﻟﺒﻴﺖ ﻋﻦ ﺍﻟﺘﺮﺍﺏ ﻭﻧﻀﻔﻮ
ﺍﻡ ﺣﺴﻴﻦ، ،ﺑﺲ ﺗﺒﺠﻲ ﺍﺗﮕﻮﻝ ﻭﻳﻼﺩﻱ ﺍﻃﺸﺮﻭ ﻣﻦ ﺗﺎﻟﻲ
ﻭﺍﻧﻲ ﻛﻞ ﻣﺎﺍﻓﻜﺮ ﻧﺴﺮﻳﻦ ﺭﺍﺡ ﺗﻌﻮﻓﻨﻲ ﺍﺑﺠﻲ ﻣﻦ ﻛﻞ ﮔﻠﺒﻲ
ﻣﺎﺍﺗﺤﻤﻞ ﺑﺪﻭﻧﻬﺎ ﺍﻟﻨﻬﺎﺭ ﻛﻠﻪ ﺍﻧﻲ ﻭﻳﺎﻫﺎ ﺳﻮﺓ ﺗﺎﻟﻲ ﻫﻢ ﻋﺎﻓﺘﻨﻲ
ﺷﺎﻟﻮ ﺍﻟﺒﻴﺘﻬﻢ ﻭﺍﻧﻲ ﻭﺍﻡ ﺣﺴﻴﻦ ﮔﺎﻟﺒﻴﻬﺎ ﻣﻨﺎﺣﻪ ﻋﻠﻴﻬﻢ ﺍﻟﺒﻴﺖ ﺻﺎﺭ ﻓﺎﺭﻍ ﺑﺪﻭﻧﻬﻢ
ﺗﺤﺲ ﺑﻴﺘﻨﻪ ﻣﻦ ﻳﻮﻡ ﺩﺧﻠﺖ ﺑﻲ ﺷﻴﻤﺎﺀ ﻣﺎﺑﻲ ﻓﺮﺣﻪ
ﺑﻌﺪ ﻣﺎﺭﺍﺣﺖ ﻧﺴﺮﻳﻦ ﺍﻟﺸﻐﻞ ﻛﻠﻪ ﺻﺎﺭ ﺑﺮﺍﺳﻲ
ﺷﻴﻤﺎﺀ ﺑﺲ ﺗﺘﺎﻣﺮ ﺍﻡ ﺣﺴﻴﻦ ﺗﺘﻌﺎﺭﻙ ﻭﻳﺎﻫﺎ ﻭﺍﺗﮕﺐ ﺍﻟﻌﺮﻛﻪ ﺑﻴﻨﻬﻦ ﺑﺲ ﻣﺎﺗﺤﺠﻲ ﻟﻮ ﺗﻮﺻﻞ ﺍﻟﺤﺠﻲ ﺍﻟﻌﻠﻲ ﺍﺗﮕﻮﻝ ﻣﺎﺍﺭﻳﺪ ﻣﺸﺎﻛﻞ
ﺑﻌﺪ ﻛﻢ ﻳﻮﻡ ﺷﻴﻤﺄﺀ ﮔﺎﻟﺖ ﺍﺭﻳﺪ ﺍﺭﻭﺡ ﻟﻬﻠﻲ ﻻﻥ ﻃﻔﻠﻲ ﻣﺎﻳﺘﺤﺮﻙ ﺍﺭﻳﺪ ﺍﻣﻲ ﺗﺎﺧﺬﻧﻲ ﻟﻠﺪﻛﺘﻮﺭﺓ
ﻭﻓﻌﻼ ﺛﺎﻧﻲ ﻳﻮﻡ ﺭﺍﺣﺖ ﻟﻬﻠﻬﺎ ﻭﻋﻠﻲ ﮔﺎﻟﻬﺎ ﺍﻧﻲ ﺍﺧﺬﺝ ﺍﻟﻌﺼﺮ ﺍﻧﺘﻲ ﻭﺍﻣﺞ
ﻟﻠﻤﻐﺮﺏ ﺭﺟﻊ ﻋﻠﻲ ﺑﺲ ﻭﺟﻬﺎ ﻣﺒﻴﻦ ﻣﻬﻤﻮﻡ ﻭﺗﻌﺒﺎﻥ
ﺑﺎﻭﻋﺘﻠﻪ ﻭﺭﺟﻌﺖ ﺍﻏﺴﻞ ﺑﺎﻟﻤﻮﺍﻋﻴﻦ
ﺍﻡ ﺣﺴﻴﻦ، ،ﻫﻠﻪ ﻳﻤﻪ ﻫﺎ ﺑﺸﺮ ﺍﺷﻠﻮﻧﻬﺎ ﻣﺮﺗﻚ ﻭﺍﻟﻄﻔﻞ ﺧﻮ ﻣﺎﺑﻲ ﺷﻲ ??
ﻟﺠﻴﻦ،،ﺷﻔﺘﻪ ﺟﺮ ﺣﺴﺮﺓ ﻭﻛﻌﺪ ﻉ ﺍﻟﻜﺮﺳﻲ ﮔﺎﻟﻬﺎ
ﻋﻠﻲ،،ﻳﻤﻪ ﺍﻟﻄﻔﻞ ﻣﻴﺖ
ﺍﻡ ﺣﺴﻴﻦ،،ﻳﻤﻤﻤﻪ ﻋﺰﺍﺍﺍ ﺍﻟﻌﺰﺍﺍﻧﻲ ﺍﺷﻠﻮﻭﻥ ﻣﻴﺘﺖ ﻭﻫﻲ ﻣﺎﺗﺘﺤﺮﻙ ﻭﻻ ﺍﺗﮕﻮﻡ ﻣﻦ ﻣﻜﺎﻧﻬﺎ
ﻋﻠﻲ،،ﻣﻮ ﺑﺴﺒﺐ ﺍﻟﺤﺮﻛﻪ ﻟﻮ ﺍﻟﺸﻐﻞ ﺣﺠﻴﻪ
ﺍﻟﻄﻔﻞ ﻣﺸﻮﻩ ﺗﻤﺎﻣﺎ ﻭﺍﻟﺪﻛﺘﻮﺭﺓ ﮔﺎﻟﺖ ﺣﺘﺊ ﺭﺟﻠﻲ ﻣﺜﻞ ﺭﺟﻠﻴﻦ ﺍﻟﻀﻔﺪﻉ ﻣﺄﺫﻱ ﺭﺣﻢ ﺍﻣﻪ
ﻭﺑﺎﺟﺮ ﻻﺯﻡ ﻋﻤﻠﻴﻪ ﻧﺴﻮﻳﻠﻬﺎ
ﻟﺠﻴﻦ،،ﺑﺎﻟﻠﻪ ﺍﻟﻌﻀﻴﻢ ﺍﻧﻘﻬﺮﺕ ﻋﻠﺊ ﺷﻴﻤﺎﺀ ﺑﻄﺒﻌﻲ ﻣﺎﺍﺣﻤﻞ ﺣﻘﺪ ﻋﻠﺊ ﺍﺣﺪ
ﺍﻧﺪﻋﻴﺘﻠﻬﺎ ﺭﺑﻲ ﻳﻜﻮﻣﻬﺎ ﺑﺴﻼﻣﻪ ﻭﻳﻌﻮﻇﻬﺎ ﺑﺎﻻﺣﺴﻦ
ﺛﺎﻧﻲ ﻳﻮﻡ ﻛﺎﻧﺖ ﻋﻤﻠﻴﺘﻬﺎ ﻭﺍﻟﺪﻛﺘﻮﺭﺓ ﻣﻨﻌﺘﻬﺎ ﻣﻦ ﺍﻟﺤﻤﻞ ﻟﻤﺪﺓ ﺳﻨﺘﻴﻦ ﺍﻭ ﺍﻛﺜﺮ
ﺑﻘﺖ ﺷﻴﻤﺎﺀ ﻳﻢ ﺍﻫﻠﻬﺎ ﻋﺸﺮﻳﻦ ﻳﻮﻡ ﻭﺑﻬﺎﻱ ﺍﻟﻔﺘﺮﺓ ﺭﺟﻌﺖ ﺍﻧﻲ ﺍﻫﺘﻢ ﺑﻜﻠﺸﻲ ﻳﺨﺺ ﻋﻠﻲ ﺍﻛﻠﻪ ﻭﻣﻼﺑﺴﻪ ﻭﻏﺮﻓﺘﻪ
ﻛﻠﺸﻲ ﻳﺮﻳﺪﺓ ﻳﻠﮕﺎﻩ ﻧﻈﻴﻒ ﻣﺮﺍﺕ ﻧﺴﺮﻳﻦ ﺗﺠﻲ ﺣﺘﺊ ﺗﺴﺎﻋﺪﻧﻲ ﺑﺘﻨﻀﻴﻒ ﺍﻟﺒﻴﺖ ﺑﺲ ﺗﻠﮕﺎﻩ ﻣﻨﻀﻒ ﻭﻛﻠﺸﻲ ﻣﺎﺑﻲ
ﺑﻠﻴﻞ ﺩﺧﻠﺖ ﺍﻟﻐﺮﻓﺘﻲ ﻟﮕﻴﺖ ﻭﺩﻕ ﻣﺘﺼﻠﻪ ﺑﻴﻪ ﺭﻗﻤﻬﺎ ﻛﻨﺖ ﻛﺎﺗﺒﺘﻪ ﺑﺪﻓﺘﺮﻱ ﺧﺎﻑ ﺍﺣﺘﺎﺟﻬﺎ ﻳﻮﻡ
ﻭﻣﻦ ﺟﺎﺑﻠﻲ ﻋﻠﻲ ﻣﻮﺑﺎﻳﻞ ﺍﺗﺼﻠﺖ ﺑﻴﻬﺎ ﺣﺘﺊ ﺗﺤﻔﺾ ﺭﻗﻤﻲ ﻳﻤﻬﺎ ﺭﺟﻌﺖ ﺍﺗﺼﻠﺖ ﻋﻠﻴﻬﺎ
ﻭﺩﻕ،،ﻫﻼ ﺑﺎﻟﺒﺬﺍﺗﻪ ﻻﺍﺗﻜﻮﻟﻴﻦ ﺻﺪﻳﻘﺘﻲ ﺍﺳﺄﻝ ﻋﻨﻬﺎ ﺍﺧﺎﺑﺮﻫﺎ
ﻟﺠﻴﻦ،،ﺍﻋﺬﺭﻳﻨﻲ ﻭﺍﻟﻠﻪ ﻣﻮﺑﻴﺪﻱ ﻭﻣﺎﻓﺎﺭﻏﻪ ﻭﻛﻌﺪﺕ ﺍﺣﺠﻴﻠﻬﺎ ﺍﻟﺼﺎﺭ
ﺍﺧﺮ ﺷﻲ ﮔﺎﻟﺖ
ﻭﺩﻕ،،ﻟﺠﻮﻧﻪ ﺑﺎﺟﺮ ﺍﻧﻲ ﻭﺍﻣﻲ ﻧﺠﻲ ﻳﻤﻜﻢ ﺑﻠﻴﻞ
ﻟﺠﻴﻦ،،ﻫﻠﻪ ﺑﻴﻜﻢ ﺣﺒﻲ ﻭﺍﻟﻠﻪ ﻟﻮ ﺗﺪﺭﻳﻦ ﺷﮕﺪ ﻣﺸﺘﺎﻗﺘﻠﺞ ﻣﺎﺍﺻﺪﮒ ﻳﺠﻲ ﺑﺎﺟﺮ ﻭﺍﺷﻮﻓﺞ
ﻳﻴﻴﻴﻴﻴﻴﺘﺒﻊ
