#النقيب_أبودرع_والقاصر_ج٢
⭐⭐⭐
علي الفتلاوي
#بارت٢٣
ﺷﻤﺎ ﻃﻮﻟﺖ ﻫﻢ ﺗﻨﺘﻬﻲ
ﻭﺑﺎﺟﺮ ﺍﻟﺸﺪﺓ ﺍﺟﺘﺎﺯﻫﺎ
ﻣﺎﺍﺭﻳﺪ ﺭﺣﻤﻪ ﻣﻦ ﺍﻟﺒﺸﺮ
ﺑﺲ ﺭﺣﻤﺔ ﺍﻟﻠﻪ ﺍﻋﺘﺎﺯﻫﺎ
ﻗﺼﺔ ﺍﻟﻨﻘﻴﺐ ﺍﺑﻮ ﺩﺭﻉ ﻭﺍﻟﻘﺎﺻﺮ
ﻟﻠﻜﺎﺗﺐ ﻋﻠﻲ ﺍﻟﻔﺘﻼﻭﻱ
ﺑﺪﺍﻋﺖ ﻧﺒﻊ ﺍﻟﺤﻨﺎﻥ ﺩﻭﺳﻮﻫﺎ 🌟👈
ﺣﺘﺊ ﺗﺮﺗﻔﻊ ﺍﻟﻘﺼﻪ
ﻭﺍﻟﻤﺎﻣﺘﺎﺑﻌﻨﻲ ﺧﻞ ﻳﻨﻄﻴﻨﻲ ﻣﺘﺎﺑﻌﻪ ﺣﺘﺊ ﻳﻮﺻﻠﻪ ﺍﺷﻌﺎﺭ ﻣﻦ ﺍﻧﺸﺮ ﺍﻟﻘﺼﻪ
،،،،،،،،،،،،،،
ﻟﺠﻴﻦ،،،ﻧﺰﻟﻨﻪ ﺍﻧﻲ ﻭﻳﺎﻩ ﻭﺭﺣﻨﻪ ﺻﻌﺪﻧﻪ ﺑﺎﻟﺴﻴﺎﺭﻩ ﺑﺪﺓ ﻳﺴﻮﻕ
ﺍﻟﺘﻔﺘﻠﻲ ﻭﻫﻮ ﻣﺒﺘﺴﻢ ﻭﺍﻧﻲ ﻣﺎﺩﺓ ﺍﻟﺒﻮﺯ ﻣﻦ ﺷﺎﻓﻨﻲ ﻃﮕﻬﺎ ﺿﺤﻜﻪ
ﻟﺰﻡ ﺍﻳﺪﻱ ﻭﺳﺤﺒﻬﺎ ﺍﻟﻪ ﺭﻓﻌﻬﺎ ﻭﺑﺎﺳﻬﺎ ﺑﻬﺪﻭﺀ ﻭﺑﻜﻞ ﺣﺐ
ﻋﻠﻲ،،ﻟﺠﻴﻦ،،ﺳﺆﺍﻝ
ﻟﺠﻴﻦ،،ﺟﻮﺍﺏ ﺭﺩﻳﺖ ﻋﻠﻲ ﺑﺪﻭﻥ ﻣﺎﺍﺑﺎﻭﻋﻠﻪ
ﻋﻠﻲ،،ﺍﻧﺘﻲ ﺯﻋﻼﻧﻪ ﻻﻥ ﻣﺴﺤﺖ ﻣﻜﻴﺎﺟﺞ ?
ﻟﺠﻴﻦ،،ﺍﻱ ﻻﻥ ﺟﺎﻥ ﺷﻜﻠﻲ ﻣﺮﺗﺐ ﻭﺣﻠﻮ
ﻋﻠﻲ،،ﺑﺲ ﺍﻧﻲ ﺍﺣﺐ ﺷﻜﻠﺞ ﻋﻠﺊ ﻃﺒﻴﻌﺘﻪ
ﻫﻮ ﺍﻧﺘﻲ ﺑﺪﻭﻥ ﻣﻜﻴﺎﺝ ﻭﻣﻄﻴﺮﺓ ﻋﻘﻠﻲ
ﻭﺍﻏﺎﺭ ﻋﻠﻴﺞ ﻣﻦ ﺍﻟﻬﻮﺉ
ﺍﻧﻮﺏ ﺗﺮﺩﻳﻦ ﺗﺮﺣﻴﻦ ﻭﻳﺎﻱ ﻭﺍﻧﺘﻲ ﻫﻠﺸﻜﻞ ﺯﻳﻦ ﺍﺣﻨﻪ ﻗﺒﻞ ﻣﻨﺮﻭﺡ ﺍﻟﺒﻴﺖ ﺧﺎﻟﺞ ﺭﺍﺡ ﻧﻤﺮ ﻉ ﻣﺤﻞ ﻧﺎﺧﺬﻟﻬﻢ ﻛﻢ ﺷﻐﻠﻪ ﻭﻳﺎﻧﻪ
ﺍﻧﻲ ﺍﺷﻠﻮﻥ ﺍﻗﺒﻠﻬﺎ ﺗﻨﺰﻟﻴﻦ ﺗﻤﺸﻴﻦ ﻭﻳﺎﻱ ﻭﺍﻧﺘﻲ ﻣﺤﻤﺮﺓ ﻭﻣﺘﻤﻜﻴﺠﻪ
ﺗﺪﺭﻳﻦ ﺍﺫﺍ ﺷﻔﺖ ﺍﺣﺪ ﺑﺎﻭﻋﻠﺞ ﺍﺑﺘﻠﻲ ﺑﻲ
ﺍﻧﺘﻲ ﻣﺎﺧﻔﺘﻲ ﻋﻠﻴﻪ ??
ﻟﺠﻴﻦ،،ﺧﻠﺺ ﻋﻠﻲ ﻣﺮﺓ ﺍﻟﺜﺎﻧﻴﻪ ﺣﺘﺊ ﺑﻐﺮﻓﺘﻲ ﻣﺎﺍﺣﻂ ﺷﻲ
ﻋﻠﻲ،،ﻫﻬﻬﻬﻬﻬﻬﺎﻱ ﻭﻟﺞ ﺑﺎﺑﺎ ﺷﻴﻠﻲ ﺍﻟﺠﻠﺐ ﺍﻻﺟﺮﺏ ﺍﻟﻨﺎﻳﻢ ﺑﺮﺍﺳﺞ
ﻳﻌﻨﻲ ﺍﻧﺘﻲ ﻟﻮ ﺍﻃﺨﻪ ﻟﻮ ﺍﻛﺴﺮ ﻣﺨﻪ
ﺍﺣﺒﺞ ﻭﺍﻏﺎﺭ ﻋﻠﻴﺞ ﺍﻓﻬﻤﻴﻬﺎﺍﺍ ﻳﺎﺍﺑﺸﺮ
ﻟﺠﻴﻦ،ﻭﮔﻒ ﺍﻟﺴﻴﺎﺭﺓ ﻗﺮﻳﺐ ﻉ ﻣﺤﻞ ﻓﻮﺍﻛﻪ ﺍﺧﺬ ﻛﻢ ﺻﻨﺪﻭﮒ ﺣﻄﻬﻦ ﺑﺠﻨﻄﺔ ﺍﻟﺴﻴﺎﺭﺓ
ﻛﻤﻞ ﻭﺭﺟﻊ ﺻﻌﺪ ﻛﻤﻠﻨﻪ ﻃﺮﻳﻘﻨﻪ ﺍﻟﺒﻴﺖ ﺧﺎﻟﻲ
ﻭﺻﻠﻨﻪ ﻧﺰﻟﺖ ﻭﻋﻠﻲ ﻧﺰﻝ ﻭﺭﺍﻱ
ﺩﮔﻴﻨﻪ ﺍﻟﺒﺎﺏ ﺍﺟﻪ ﺧﺎﻟﻲ ﻓﺘﺤﻪ ﺍﻟﻨﻪ ﺍﺳﺘﻘﺒﻠﻨﻪ ﻭﻫﻮ ﻓﺮﺣﺎﻥ
ﻋﻠﻲ ﺩﺧﻞ ﻟﻼﺳﺘﻘﺒﺎﻝ ﻭﺍﻧﻲ ﺩﺧﻠﺖ ﻣﻦ ﺑﺎﺏ ﺍﻟﻤﻄﺒﺦ
ﻣﺮﺕ ﺧﺎﻟﻲ ﻣﻦ ﺷﺎﻓﺘﻨﻲ ﺍﺑﺘﺴﻤﺖ ﻭﻓﺘﺤﺖ ﺍﺩﻳﻬﺎ
ﺍﺗﻘﺮﺑﺖ ﻣﻨﻬﺎ ﺣﻀﻨﺘﻨﻲ ﻭﺑﻮﺳﺘﻨﻲ ﻭﺑﻌﺪﻫﺎ ﺻﺮﺕ ﺍﺗﻨﻘﻞ ﺑﻴﻦ ﺍﻟﺒﻨﺎﺕ ﻣﻦ ﻭﺣﺪﺓ ﺍﻟﻮﺣﺪﺓ ﺍﺳﻠﻢ ﻋﻠﻴﻬﻦ
ﻟﮕﻴﺘﻬﻦ ﻣﺠﻬﺰﺍﺕ ﻛﻠﺸﻲ ﻣﻨﺘﻀﺮﺍﺕ ﺑﺲ ﻳﺄﺫﻥ ﺍﺫﺍﻥ ﺍﻟﻀﻬﺮ ﻭﺑﻌﺪﻫﺎ ﻳﺼﺒﻦ ﺍﻟﻐﺪﺓ
ﺍﺫﻥ ﻭﺻﻠﻴﻨﻪ ﺑﺲ ﻋﻠﻲ ﻣﺎﻗﺒﻞ ﻳﺪﺧﻞ ﻳﻤﻨﻪ ﺍﺻﺮ ﻳﺒﻘﻪ ﺏ ﺍﻻﺳﺘﻘﺒﺎﻝ
ﺻﺒﻮ ﺍﻟﻐﺪﺓ ﻟﻤﻦ ﺍﻧﺘﻬﺎ ﺗﺠﻬﻴﺰ ﺍﻟﺴﻔﺮﺓ
ﺧﺎﻟﻲ ﻃﻠﺐ ﻣﻦ ﻋﻠﻲ ﻳﺪﺧﻞ ﺣﺘﺊ ﻳﺘﻐﺪﺓ
ﮔﻌﺪﻧﻪ ﺑﺲ ﺍﻧﻲ ﻭﻋﻠﻲ ﻭﺧﺎﻟﻲ ﻭﻣﺮﺗﻪ ﻭﺍﻟﺒﻨﺎﺕ ﺑﻘﻦ ﺑﺎﻟﻤﻄﺒﺦ ﻣﺎﻗﺒﻠﻦ ﻳﺪﺧﻠﻦ ﻳﻤﻨﻪ
ﻛﻤﻠﻨﻪ ﻭﺑﺪﻳﻨﻪ ﻧﻨﻘﻞ ﺍﻟﻤﻮﺍﻋﻴﻦ ﻟﻠﻤﻄﺒﺦ ﺍﻧﻲ ﻭﻣﺮﺕ ﺧﺎﻟﻲ
ﻛﻞ ﻣﺎﺍﻧﺘﺒﻪ ﺍﻝ ﻋﻠﻲ ﺍﻟﮕﻪ ﻋﻴﻨﻪ ﻋﻠﻴﻪ ﺭﻏﻢ ﻛﻼﻣﻪ ﻭﻳﻪ ﺧﺎﻟﻲ ﺑﺲ ﻣﺎﺭﻓﻊ ﻋﻴﻨﻪ ﻣﻨﻲ ﺍﺑﺪ
ﻭﻛﻞ ﺷﻮﻳﻪ ﺑﺪﻭﻥ ﻣﻴﻨﺘﺒﻪ ﺧﺎﻟﻲ ﻳﻐﻤﺰﻟﻲ..بيج قصص عراقيه حقيقيه من واقعنا.روعه الطائي
ﺑﻘﻮ ﻳﺘﺒﺎﺩﻟﻮﻥ ﺍﻟﺤﺪﻳﺚ ﻓﺘﺮﺓ ﻭﺑﻌﺪﻫﺎ ﻋﻠﻲ ﺍﺳﺘﺎﺫﻥ ﻣﻨﻬﻢ ﻻﻥ ﻃﺮﻳﻖ ﻭﺭﺍﻧﻪ ﻃﻮﻳﻞ ﻻﺯﻡ ﻧﺮﺟﻊ
ﺍﺗﺸﻜﺮ ﻣﻨﻬﻢ ﻭﻃﻠﻌﻨﻪ
ﻃﻮﻝ ﺍﻟﻄﺮﻳﻖ ﻟﻠﺒﻴﺖ ﻋﻠﻲ ﻣﺸﻐﻞ ﺍﻏﻨﻴﺔ
ﻛﺎﺿﻢ ﺍﻟﺴﺎﻫﺮ
ﻃﻔﻠﻪ ﻭﻏﺎﺯﻟﺘﻨﻲ ﺍﺥ ﻳﺎﺷﻴﺐ
ﺍﻏﺎﺯﻟﻬﺎ ﺍﻧﻪ ﻳﺎﻧﺎﺱ ﻻﻋﻴﺐ
ﺍﺣﺬﺭﻟﻚ ﻳﺎﻟﺴﺎﻧﻲ
ﺿﻞ ﻳﺎﮔﻠﺒﻲ ﻋﺎﻧﻲ
ﻳﻐﻨﻲ ﻭﻳﺎﻩ ﻭﻣﻨﺪﻣﺞ ﻛﻞ ﺷﻮﻳﻪ ﻳﮕﺮﺻﻨﻲ ﻣﻦ ﺧﺪﻱ
ﺑﻌﺪﻫﺎ ﻭﻛﻔﻨﻪ ﻳﻢ ﺳﻮﺑﺮ ﻣﺎﺭﻛﺖ ﻧﺰﻟﺖ ﺑﻌﺪ ﻓﺘﺮﺓ ﺭﺟﻊ ﻣﺤﻤﻞ ﺑﺎﻟﻌﻼﻟﻴﮓ
ﻋﻠﻲ،،ﻃﻔﻠﺘﻲ ﺍﻟﺘﺮﻓﻪ
ﺍﻟﻐﺮﺍﺽ ﻧﺺ ﺍﻟﺞ ﻭﻧﺺ ﻟﺠﻬﺎﻝ ﺣﺴﻴﻦ ﺟﺒﺖ ﻧﻔﺲ ﺍﻻﺷﻴﺎﺀ ﺍﻟﺞ ﻭﺍﻟﻬﻢ
ﺭﺟﻌﻨﻪ ﻟﻠﺒﻴﺖ ﻭﻗﺖ ﻣﻐﺮﺏ ﺟﻨﺖ ﺣﻴﻞ ﺗﻌﺒﺎﻧﻪ
ﺩﺧﻠﻨﻪ ﺳﻠﻤﻨﻪ ﻋﻠﺊ ﺍﻡ ﺣﺴﻴﻦ ﻭﻧﺴﺮﻳﻦ ﺍﻧﻄﻴﺘﻬﺎ ﺍﻻﺷﻴﺎﺀ ﺍﻟﻲ ﺍﺷﺘﺮﺍﻫﻦ ﻋﻠﻲ ﻝ ﺍﻃﻔﺎﻟﻬﺎ ﺍﺧﺬﺍﻫﻦ ﻭﺭﻓﻌﺖ ﺍﻳﺪﻫﺎ
ﺗﻨﺪﻋﻲ ﺍﻝ ﻋﻠﻲ ﻫﻲ ﺩﻭﻡ ﺗﻨﺪﻋﻴﻠﻪ ﺗﻌﺰﺓ ﻭﺗﺤﺘﺮﻣﻪ ﻛﻠﺶ
ﺻﻌﺪﻧﻪ ﺍﻟﻐﺮﻓﺘﻨﻪ ﻏﻴﺮﺕ ﻣﻼﺑﺴﻲ ﻭﻋﻠﻲ ﻛﺬﺍﻟﻚ ﻟﺒﺲ ﺑﺠﺎﻣﻪ ﻭﻓﺎﻟﻴﻨﻪ ﻣﺪﺩ ﻭﻧﻴﻤﻨﻲ ﺑﺤﻀﻨﻪ ﻧﻤﻨﻪ ﺑﺴﺮﻋﻪ ﻻﻥ ﺗﻌﺒﺎﻧﻴﻦ ﻣﻦ ﺍﻟﻄﺮﻳﻖ
ﺑﻌﺪ ﻓﺘﺮﺓ ﺣﺴﻴﺖ ﺑﻌﻠﻲ ﻳﻮﺯﻉ ﺑﻮﺳﺎﺗﻪ ﻋﻠﺊ ﺧﺪﻭﺩﻱ
ﻓﺘﺤﺖ ﻋﻴﻮﻧﻲ ﻣﻨﻌﺴﻪ
ﻋﻠﻲ،،ﺻﺤﻲ ﺍﻟﻨﻮﻡ ﻳﺎﺣﻠﻮ
ﻣﺎﺟﻌﺘﻲ ?
ﺗﺮﺓ ﺍﻧﻲ ﻣﺘﺖ ﺟﻮﻉ ﻭﺷﻮﻓﻲ ﺍﻟﺴﺎﻋﻪ ﺻﺎﻳﺮﺓ ﺏ 11
ﻟﺠﻴﻦ،،ﻋﺰﺯﺍﺍ ﻛﻞ ﻫﺬﺍ ﺍﻟﻮﻗﺖ ﻧﻮﻡ ﻟﻌﺪ ﺷﻮﻛﺖ ﻧﺮﺟﻊ ﺍﻧﺎﻡ ﻣﺮﺓ ﺍﻟﺜﺎﻧﻴﺔ
ﮔﻌﺪﺕ ﻓﺮﻛﺖ ﻋﻴﻮﻧﻲ ﻛﻤﺖ ﺳﺤﺒﺖ ﺣﺠﺎﺑﻲ ﺧﻠﻴﺘﻪ ﻋﻠﺊ ﺭﺍﺳﻲ ﻭﻧﺰﻟﺖ ﻟﻠﻤﻄﺒﺦ
ﻓﺘﺤﺖ ﺍﻟﺜﻼﺟﻪ ﺷﻔﺖ ﺩﻭﻟﻤﻪ ﺑﮕﺪﺭ ﺻﻐﻴﺮ ﻃﻠﻌﺘﻪ ﺧﻠﻴﺘﻪ ﻉ ﺍﻟﻄﺒﺎﺥ ﻭﻋﻠﮕﺖ ﺍﻟﻨﺎﺭ ﺟﻮﺍﻩ
ﻃﻠﻌﺖ ﺑﺘﻴﺘﻪ ﻗﻠﻤﺘﻬﺎ ﻭﺑﺪﻳﺖ ﺍﮔﻠﻴﻬﺎ
ﻧﺰﻝ ﻋﻠﻲ ﻛﻌﺪ ﻳﻤﻲ ﻉ ﺍﻟﻜﺮﺳﻲ ﺍﻧﺘﭽﻪ ﻭﻋﻴﻨﻪ ﻣﻨﻲ ﻭﻳﻪ ﻛﻞ ﺣﺮﻛﻪ ﻋﻴﻮﻧﻪ ﺗﺮﺍﻗﺒﻨﻲ
ﻃﻠﻌﺖ ﻃﺮﺷﻲ ﻭﺯﻻﻃﻪ ﻭﺧﺒﺰ ﺧﻠﻴﺖ ﻳﻤﻪ ﻉ ﻣﻴﺰ ﺍﻟﻄﻌﺎﻡ
ﺭﺩﺕ ﺍﺭﺟﻊ ﺍﺻﺐ ﺍﻻﻛﻞ ﺑﺲ ﻫﻮ ﺳﺤﺒﻨﻲ ﺍﻟﻪ ﺑﺴﺮﻋﻪ
ﺣﻀﻨﻲ ﻭﺍﻧﻲ ﻭﺍﻛﻔﻪ ﻭﻫﻮ ﻋﻠﺊ ﻛﻌﺪﺗﻪ
ﺩﻧﻜﺖ ﺑﺴﺘﻪ ﺑﺮﺍﺳﻪ
ﻋﻠﻲ،،ﻟﺠﻴﻨﻲ ﺣﻴﻞ ﻓﺮﺣﺎﻥ ﺑﻴﺞ ﺍﺗﻤﻨﺊ ﻣﻦ ﺍﻟﻠﻪ ﻳﺪﻳﻢ ﺳﻌﺎﺩﺗﻲ ﻭﻳﺎﺝ ﻭﻣﺎﻳﺨﻠﻴﻨﻲ ﺍﻗﺼﺮ ﺑﺸﻲ ﻋﻨﺞ
ﻟﺠﻴﻦ،،ﺍﺑﺘﺴﻤﺘﻠﻪ ﻭﻧﺰﻟﺖ ﺑﺴﺘﻪ ﺑﺨﺪﺓ
ﺍﺑﺘﻌﺪ ﻣﻨﻲ ﻭﺍﻧﻲ ﺭﺣﺖ ﺍﺻﺐ ﺍﻟﺪﻭﻟﻤﻪ ﺑﻤﺎﻋﻮﻥ
ﻭﺍﻟﺒﺘﻴﺘﻪ ﻛﺬﺍﻟﻚ ﺍﺳﺘﻮﺕ ﻭﺧﻠﻴﺘﻬﺎ ﺑﻤﺎﻋﻮﻥ
ﺧﻠﻴﺘﻬﻦ ﻛﺪﺍﻣﻪ ﻭﺑﺪﻳﻨﻪ ﻧﺘﻌﺸﻪ ﺳﻮﺓ
ﻛﻞ ﺷﻮﻳﻪ ﻳﺸﻴﻞ ﺑﺨﺎﺷﻮﻛﺘﻪ ﺩﻭﻟﻤﻪ ﻭﻳﻮﻛﻠﻨﻲ
ﺍﺣﺲ ﻧﻔﺴﻲ ﺍﻣﻴﺮﺓ ﺑﺪﻻﻟﻪ ﻭﺣﺒﻪ
ﻛﻤﻠﻨﻪ ﻋﺸﻪ ﻫﻮ ﺻﻌﺪ ﻛﺪﺍﻣﻲ ﻟﻠﻐﺮﻓﻪ ﻭﺍﻧﻲ ﻏﺴﻠﺖ ﺍﻟﻤﻮﺍﻋﻴﻦ ﻭﻟﺤﻜﺘﻪ
ﻟﮕﻴﺘﻪ ﺍﻣﺪﺩ ﻉ ﺍﻟﺴﺮﻳﺮ ﻳﺘﺼﻔﺢ ﺑﻤﻮﺑﺎﻳﻠﻪ
ﻣﻦ ﺷﺎﻓﻨﻲ ﺗﺮﻛﻪ ﻉ ﺍﻟﻤﻴﺰ ﺍﺑﺘﺴﻤﻠﻲ ﻭﻓﺘﺢ ﺍﻳﺪﻩ
ﺭﺣﺖ ﺑﺴﺮﻋﻪ ﺩﺣﺴﺖ ﺭﻭﺣﻲ ﺑﺤﻀﻨﻪ
ﮔﺘﻠﻪ ﺍﻟﺴﺎﻋﻪ 12 ﻭﻧﺺ ﺷﻴﻨﻴﻤﻨﻪ ﺑﻌﺪ ﺍﺫﺍ ﻛﻌﺪﻧﻪ ﺷﺒﻌﺎﻧﻴﻦ ﻧﻮﻡ
ﻋﻠﻲ،،ﺧﻞ ﺍﺳﻮﻟﻔﻠﺞ ﻋﻠﻲ ﺍﻳﺎﻡ ﮔﺒﻞ ﻣﻨﺎ ﻟﻤﻦ ﺗﻨﻌﺴﻴﻦ
ﻟﺠﻴﻦ،،ﻫﻬﻬﻬﻪ ﻳﻠﻪ ﺍﺳﻤﻌﻚ
ﻋﻠﻲ،،ﻳﺎﻣﺤﻔﻮﺿﻪ ﺍﻟﺴﻼﻣﻪ ﻭﺍﻟﺒﮕﻪ ﻗﺒﻞ ﻣﻦ ﭼﻨﻪ ﺻﻐﺎﺭ ﺍﻣﻲ ﺗﺎﺧﺬﻧﻪ ﺍﻧﻲ ﻭﺣﺴﻴﻦ ﺍﻟﺒﻴﺖ ﺟﺪﻱ ﺑﺎﻟﺮﻳﻒ ﻛﻞ ﻋﻄﻠﻪ ﻧﻬﺎﻳﺔ ﺍﻟﺴﻨﻪ
ﻻﻥ ﻋﻤﺎﻣﻲ ﻳﺮﺩﻭﻥ ﻳﺸﻮﻓﻮﻧﻪ
ﺟﻨﺖ ﺻﻒ ﺛﺎﻟﺚ ﺍﺑﺘﺪﺍﺋﻲ ﻭﺣﺴﻴﻦ ﺑﺎﻟﻤﺘﻮﺳﻄﻪ ﻭﻫﻨﺎﺀ ﻭﺑﻴﺪﺃﺀ ﻳﻤﻜﻦ ﺻﻒ ﺳﺎﺩﺱ ﺍﺑﺘﺪﺍﺋﻲ
ﺍﻟﻤﻬﻢ ﺟﻨﺖ ﺍﻧﻲ ﺍﻟﻮﻛﺢ ﻣﺎﻟﺘﻬﻢ ﻣﻦ ﺍﻭﺻﻞ ﺍﻟﺒﻴﺖ ﻋﻤﻲ ﺍﺷﻦ ﻏﺎﺭﺓ ﻭﻳﻪ ﺍﻟﻤﺰﻋﻄﻪ ﺍﻧﻲ ﺍﻟﻘﺎﺋﺪ ﻣﺎﻟﺘﻬﻢ
ﻋﻤﻲ ﺟﺎﻥ ﻋﻨﺪﺓ ﺣﻼﻝ ﻫﻮﺍﻱ ﻫﻮﺵ ﻭﻏﻨﻢ
ﻑ ﻳﻄﻠﻌﻮﻥ ﻭﻟﺪﺓ ﻳﺴﺮﺣﻮﻥ ﺑﻴﻬﻦ ﺑﺎﻟﺒﺴﺘﺎﻥ ﺣﺘﺊ ﻳﺎﻛﻠﻦ
ﻟﻮ ﻳﻨﺰﻟﻮﻫﻦ ﻟﻠﮕﺎﻉ ﻳﺎﻛﻠﻦ ﺍﻟﺰﺭﻉ ﺍﻟﻤﺨﺼﺺ ﺍﻟﻬﻦ ﻣﻦ ﺍﻟﺒﺮﺳﻴﻢ
ﻑ ﺯﻭﺟﺞ ﺗﺪﺭﻳﻦ ﺷﺠﺎﻥ ﻳﺴﻮﻱ، ??
ﻟﺠﻴﻦ،،ﺍﻣﻢ ﺷﺠﻨﺖ ﺗﺴﻮﻱ ?
ﻋﻠﻲ،،ﻭﻟﺪ ﻋﻤﻲ ﻳﺼﻨﻌﻮﻥ ﻗﻮﺱ ﻭﺭﻣﺢ ﺳﻮﻭﻟﻲ ﻭﺍﺣﺪ ﺣﻄﻴﺘﻪ ﻋﻠﺊ ﻣﺘﻨﻲ ﻭﻛﺘﻠﻬﻢ ﺍﻧﺰﻝ ﻭﻳﺎﻛﻢ ﺍﺳﺮﺡ ﺑﺎﻟﻐﻨﻢ
ﺷﻔﺖ ﺍﻟﺸﻐﻠﻪ ﺣﻠﻮﺓ ﺭﻏﻢ ﻫﻤﻪ ﻳﺒﺠﻮﻥ ﻣﺎﻳﻄﻠﻌﻮﻥ ﻏﻴﺮ ﻟﻤﻦ ﻋﻤﻲ ﻳﺒﺴﻄﻬﻢ ﺑﺲ ﺍﻧﻲ ﺍﺑﻦ ﻭﻻﻳﻪ ﺟﺪﻳﺪﺓ ﻋﻠﻴﻪ ﺍﻟﺴﺎﻟﻔﻪ
ﻟﺬﺍﻟﻚ ﺍﺳﻮﻳﻠﻬﻢ ﻭﺍﻫﺲ ﺣﺘﺊ ﺍﻃﻠﻊ ﻭﻳﺎﻫﻢ
ﺍﻭﻝ ﻣﺎﺍﺧﺬﻧﻪ ﺍﻟﻄﻠﻴﺎﻥ ﻟﻠﺒﺴﺘﺎﻥ ﺧﻠﻴﺖ ﻋﻴﻨﻲ ﻋﻠﺊ ﺍﻛﺒﺮ ﻃﻠﻲ
ﻭﺭﺣﺖ ﺭﻛﺒﺘﻪ ﻭﺑﻴﺪﻱ ﺍﻟﺮﻣﺢ ﻫﻬﻬﻬﻬﻬﻬﻬﻪ
ﻟﺠﻴﻦ،،ﻫﻬﻬﻬﻬﻬﻬﻬﻪ ﺻﺎﻳﺮ ﻓﺎﺭﺱ
ﻋﻠﻲ،،ﻫﻬﻬﻬﻬﻬﻪ ﺍﻱ ﺧﻴﺎﻝ ﻭﺑﻴﺪﺓ ﺭﻣﺢ ﻣﻨﻮ ﮔﺪﻱ
ﺍﻟﻤﻬﻢ ﻭﻟﺪ ﻋﻤﻲ ﺑﺎﻟﺒﺪﺍﻳﻪ ﻣﺎﻗﺒﻠﻮ ﺑﺲ ﻣﻦ ﺷﺎﻓﻮﻧﻲ ﻣﺘﻮﻧﺲ ﻛﻞ ﻭﺍﺣﺪ ﺻﻌﺪﻟﻪ ﻃﻠﻲ
ﻫﻨﻪ ﻳﺮﻛﻀﻦ ﻭﺣﻨﻪ ﻓﻮﻛﻬﻦ ﺻﺎﻋﺪﻳﻦ ﻭﺭﺟﻠﻴﻨﻪ ﺗﺨﻂ ﺑﺎﻟﻜﺎﻉ
ﺷﺒﻌﻨﻪ ﻣﻄﺎﺭﺩ ﻋﻠﻴﻬﻦ ﻟﻤﻦ ﺗﻌﺒﻦ ﺧﻄﻴﻪ ﺟﻨﻪ ﺟﻬﺎﻝ ﻭﻣﺎﻧﻔﻬﻢ
ﻑ ﺭﺟﻌﻨﻪ ﻟﻠﺒﻴﺖ ﺍﻟﻤﻐﺮﺏ ﺍﺑﺎﻭﻉ ﻟﻠﺨﺮﻓﺎﻥ ﺍﻟﻜﺒﺎﺭ ﻳﺴﺤﻠﻦ ﺑﺮﻭﺣﻬﻦ ﺳﺤﻞ ﮔﻮﺓ ﻳﻤﺸﻦ
ﺍﺣﻨﻪ ﺑﺴﺮﻋﻪ ﺩﺧﻠﻨﺎﻫﻦ ﻟﻠﻤﺮﺍﺡ ( ﺑﻴﺖ ﻣﺨﺼﺺ ﻟﻠﻐﻨﻢ )
ﺑﺪﻭﻥ ﻣﺎﻳﺸﻮﻓﻬﻦ ﻋﻤﻲ
ﻏﺴﻠﻨﻪ ﻭﻛﻌﺪﻧﻪ ﻧﺘﻌﺸﻪ ﻋﻤﻲ ﺧﺎﻟﺪ ﮔﺎﻝ ﺍﻟﻴﻮﻡ ﺗﺎﺧﺮﺗﻮ ﻳﻮﻣﻴﻪ ﺍﺗﻮﺳﻞ ﺑﻴﻜﻢ ﺍﻃﻠﻌﻮﻥ ﺍﻟﺤﻼﻝ ﺣﺘﺊ ﻳﺎﻛﻞ ﻭﺍﻟﻴﻮﻡ ﺭﺍﺟﻌﻴﻦ ﻣﺘﺎﺧﺮﻳﻦ
ﺍﺣﻨﻪ ﺑﻘﻴﻨﻪ ﺳﺎﻛﺘﻴﻦ ﺍﺗﻔﻘﻨﻪ ﻣﺎﻧﺤﺠﻲ ﻻﻥ ﻣﻮﺑﺲ ﺍﻧﻲ ﺻﻌﺪﺕ ﻋﻠﻴﻬﻦ ﺣﺘﺊ ﻫﻤﻪ ﺧﻠﻴﺘﻬﻢ ﻳﺼﻌﺪﻭﻥ ﺣﺘﺊ ﻣﺤﺪ ﻳﻌﺘﺮﻑ ﻋﻠﻴﻪ ﻟﺬﺍﻟﻚ ﺧﻠﻴﺘﻬﻢ ﻳﺸﺎﺭﻛﻮﻧﻲ ﺍﻟﺠﺮﻳﻤﻪ
ﺛﺎﻧﻲ ﻳﻮﻡ ﻣﻦ ﻏﺒﺸﻪ ﮔﻌﺪﻧﻪ ﻋﻠﺊ ﺻﻮﺕ ﺻﺮﻳﺦ ﻋﻤﻲ
ﻛﻠﻨﻪ ﺍﻃﺎﻓﺮﻧﻪ ﻣﻦ ﻧﻮﻣﻨﻪ ﺷﻔﻨﺎ ﻻﺯﻡ ﺍﻟﺴﭽﻴﻨﻪ ﻭﺭﺍﺡ ﻳﺮﻛﺾ ﺩﺧﻞ ﻟﻠﻤﺮﺍﺡ ﻣﺎﻝ ﺍﻟﻐﻨﻢ
ﺭﺣﻨﻪ ﻭﺭﺍﻩ ﻭﭼﺎﻥ ﺍﻧﺸﻮﻑ ﺍﻟﺨﺮﻓﺎﻥ ﺍﻟﻜﺒﺎﺭ ﺛﻼﺛﻪ ﻣﺒﻄﺤﺎﺕ ﺑﺎﻟﮕﺎﻉ ﻳﺮﺩﻥ ﻳﻤﻮﺗﻦ
ﻋﻤﻲ ﺑﺴﺮﻋﻪ ﺫﺑﺤﻬﻦ ﺧﺎﻑ ﻳﻤﻮﺗﻦ ﻭﻳﺼﻴﺮ ﺍﻛﻠﻬﻦ ﺣﺮﺍﻡ
ﺍﻟﺘﻔﺖ ﺍﻝ ﺍﺑﻨﻪ ﺟﻌﻔﺮ ﮔﺎﻟﻪ ﻭﻟﻠﻠﻠﻚ ﺷﻮﻛﻠﺘﻬﻦ ﺍﻟﺒﺎﺭﺣﻪ ﺧﺎﻑ ﻣﻨﻄﻴﻬﻦ ﺧﺒﺰﺯﺯ ?
ﺑﺲ ﺟﻌﻔﺮ ﺳﻜﺖ ﻭﻣﺎﺣﺠﻪ
ﻋﻤﻲ ﺻﻠﺨﻬﻦ ﻭﻧﻀﻔﻬﻦ ﻛﺎﻧﻦ ﺛﻼﺛﻪ ﻛﻤﻞ ﻭﻗﻄﻌﻬﻦ ﻗﻄﻊ ﺻﻐﺎﺭ ﺗﺮﺱ ﺍﻟﻤﺠﻤﺪﺓ ﻭﺍﻟﺜﻼﺟﻪ ﻟﺤﻢ
ﺍﻟﻤﻬﻢ ﻻ ﺍﮔﻠﺞ ﻭﻻﺗﮕﻠﻴﻠﻲ ﻋﺸﺮ ﺍﻳﺎﻡ ﺍﺣﻨﻪ ﻳﻢ ﺑﻴﺖ ﻋﻤﻲ ﻧﺎﻛﻞ ﻟﺤﻢ ﻫﻬﻬﻬﻬﻬﻬﻪ
ﺍﻟﺼﺒﺢ ﻧﺴﻴﺦ ﺗﻜﻪ ﻭﻧﺸﻮﻱ ﺭﻳﻮﮒ
ﻭﺍﻟﻀﻬﺮ ﻳﺴﻮﻭﻥ ﻛﺒﺎﺏ ﻭﺑﺎﻟﻌﺸﻪ ﺗﺸﺮﻳﺐ ﻟﺤﻢ
ﻟﻤﻦ ﻃﻠﻊ ﺍﻟﻠﻠﺤﻢ ﻣﻦ ﺧﺸﻮﻣﻨﻪ ﻫﻬﻬﻬﻬﻬﻬﻬﻪ
ﻟﺠﻴﻦ،،ﻫﻬﻬﻬﻬﻬﻬﻬﻪ ﻋﺰﺍﺍ ﺧﻄﻴﻪ
ﻋﻠﻲ،،،ﻫﻬﻬﻬﻬﻬﻬﻪ ﺧﻞ ﻳﻨﺪﻋﻮﻟﻲ ﻣﻮ ﺯﻳﻦ ﺷﺒﻌﺘﻬﻢ ﺩﺳﻢ
ﺟﻨﺖ ﺣﻴﻞ ﻣﺸﺎﻏﺐ ﻛﻞ ﻣﺎﺍﺭﻭﺡ ﺍﻟﺒﻴﺖ ﺟﺪﻱ ﻻﺯﻡ ﺗﺼﻴﺮ ﻣﺼﻴﺒﻪ
ﻣﺮﺓ ﻣﻦ ﺍﻟﻤﺮﺍﺕ ﻛﺎﻥ ﻣﻮﺳﻢ ﺍﻟﻨﺒﮓ ﻭﺑﻴﺖ ﺟﺪﻱ ﻋﺪﻫﻢ ﺷﺠﺮﺗﻴﻦ ﻣﺎﻝ ﻧﺒﮓ ﻛﺒﺎﺭ ﺍﻟﻨﺒﮕﻪ ﻋﺒﺎﻟﻚ ﺗﻔﺎﺣﻪ ﺗﺨﺒﻞ
ﺻﻌﺪ ﺟﻌﻔﺮ ﻳﺤﻮﺵ ﻣﻨﻬﺎ ﻭﺍﻧﻲ ﺟﻮﻩ ﺍﺣﺎﺭﺏ ﺣﺠﺎﺭ ﻋﻠﻴﻬﺎ ﻻﻥ ﻣﺎﺍﮔﺪﺭ ﺍﺻﻌﺪﻫﺎ ﻣﺜﻠﻪ
ﮔﺘﻠﻪ ﻭﻟﻚ ﺍﻧﺰﻝ ﺭﺍﺡ ﺍﺷﻤﺮ ﺣﺠﺎﺭﺓ
ﺑﺲ ﻫﻮ ﻫﻮ ﺭﻓﺾ ﻛﺎﻝ ﺍﻧﻲ ﺟﺎﻱ ﺍﺣﻮﺷﻠﻚ ﻟﺘﺸﻤﺮ ﺣﺠﺎﺭ
ﺭﺟﻌﺖ ﮔﺘﻠﻪ ﺍﻧﺰﻝ ﻣﺎﻗﺒﻞ
ﻳﻤﻌﻮﺩ ﺍﻧﺰﻝ ﻳﺒﻮ ﺍﻟﻐﻴﺮﺓ ﺍﻧﺰﻝ
ﻫﻮ ﻋﺎﻧﺪ ﻭﺍﻧﻲ ﻫﻢ ﻋﺎﻧﺪﺕ
ﻫﻔﻴﺖ ﺍﻟﺤﺠﺎﺭﺓ ﻭﺟﺎﻥ ﺗﺠﻲ ﺗﺮﺱ ﮔﺼﺘﻪ
ﻣﻦ ﺷﻮﻏﻪ ﮔﻠﺒﻪ ﻟﺰﻡ ﮔﺼﺘﻪ ﻭﺗﺮﻙ ﺍﻟﺸﺠﺮﺓ ﻭﺟﺎﻥ ﻳﻮﮔﻊ ﻣﻦ ﻓﻮﮒ ﻟﺠﻮﺓ
ﻭﻓﻮﮒ ﻓﺸﺨﺔ ﮔﺼﺘﻪ ﺍﻧﻜﺴﺮﺕ ﺍﻳﺪﺓ ﻣﻦ ﺍﺛﺮ ﺍﻟﻮﮔﻌﻪ ﻫﻬﻬﻬﻬﻬﻬﻪ
ﻋﻔﺘﻪ ﻭﺭﺟﻌﺖ ﻟﻬﻠﻪ ﺍﺭﻛﺾ ﻛﺘﻠﻬﻢ ﺟﻌﻔﺮ ﻭﮔﻊ
ﺑﺲ ﺯﻭﺝ ﺍﻟﻴﻌﺘﺮﻑ ﻋﻠﺊ ﺭﻭﺣﻪ
ﺻﺮﺕ ﺫﻛﻲ ﺧﺎﻑ ﻋﻤﻲ ﻟﻮ ﺣﺴﻴﻦ ﺍﺧﻮﻱ ﻳﺒﺴﻄﻮﻧﻲ
ﻭﺍﻧﻲ ﻻﺑﺲ ﺑﺲ ﻓﺎﻟﻴﻨﻪ
ﺭﻛﻀﺖ ﻓﺘﺤﺖ ﺍﻟﺠﻨﻄﻪ ﻭﻟﺒﺴﺖ ﺷﻜﻮ ﻓﺎﻟﻴﻨﻪ ﻭﻗﻤﻴﺺ ﻋﻨﺪﻱ
ﺣﺘﺊ ﻣﻦ ﺍﻧﺒﺴﻂ ﺍﻟﻀﺮﺑﻪ ﺗﺼﻴﺮ ﺧﻔﻴﻔﻪ ﻣﻦ ﺍﻟﻤﻼﺑﺲ ﺍﻻﺑﺴﻬﺎ
ﺑﻠﻴﻞ ﮔﻌﺪﻭ ﻛﻠﻬﻢ ﻭﺟﻌﻔﺮ ﺣﺠﺎﻟﻬﻢ ﺍﺷﻠﻮﻥ ﻓﺸﺨﺘﻪ ﺑﺲ ﺍﻧﻲ ﻛﻨﺖ ﻣﺴﻴﻄﺮ ﻉ ﺍﻟﻮﺿﻊ ﻭﻣﺎﺧﺬ ﺍﺣﺘﻴﺎﻃﺎﺗﻲ
ﻛﻨﺖ ﻻﺑﺲ ﻣﻼﺑﺲ ﻣﺎﻝ ﺳﻨﻪ ﻟﮕﺪﺍﻡ ﻫﻬﻬﻬﻬﻪ
ﻧﻬﺾ ﺣﺴﻴﻦ ﻳﺮﻳﺪ ﻳﺒﺴﻄﻨﻲ ﻫﻮ ﺍﻟﺠﺒﻴﺮ ﻣﺎﻟﺘﻨﻪ ﻭﺍﻧﻲ ﺍﺧﺎﻑ ﻣﻨﻪ ﻭﺍﺣﺘﺮﻣﻪ
ﺑﺲ ﻋﻤﻲ ﻟﺰﻡ ﺣﺴﻴﻦ ﻭﻛﺎﻟﻪ ﺟﻬﺎﻝ ﺑﻴﻨﻬﻢ ﻭﺍﻛﻴﺪ ﺍﺧﻮﻙ ﻣﺎﻣﺘﻌﻤﺪ ﻳﻔﺸﺦ ﺍﺑﻦ ﻋﻤﻪ
ﺛﺎﻧﻲ ﻳﻮﻡ ﺭﺟﻌﻨﻪ ﺍﻟﺒﻴﺘﻨﻪ ﺑﺲ ﺍﻧﻲ ﻧﺎﻳﻢ ﺑﻤﻼﺑﺴﻲ ﺧﺎﻳﻒ ﻣﻦ ﺣﺴﻴﻦ
ﻣﻦ ﺩﺧﻠﻨﻪ ﺍﻟﺒﻴﺘﻨﻪ ﻭﺷﻔﺖ ﺣﺴﻴﻦ ﻭﺟﻬﺎ ﻃﺒﻴﻌﻲ ﻣﺎﺑﻲ ﺍﺛﺮ ﻣﺎﻝ ﻏﻀﺐ ﻟﻮ ﻋﺼﺒﻲ
ﺟﺮﻳﺖ ﻧﻔﺲ ﺑﺮﺍﺣﻪ
ﻭﺭﺣﺖ ﺑﺴﺮﻋﻪ ﻟﻠﻐﺮﻓﻪ ﻧﺰﻋﺖ ﻃﻦ ﺍﻟﻬﺪﻭﻡ ﺍﻻﺑﺴﻬﻦ
ﻣﺎﺑﻘﺖ ﻏﻴﺮ ﺑﺲ ﻓﺎﻟﻴﻨﻪ ﻻﺑﺴﻬﺎ
ﻧﺰﻋﺘﻬﺎ ﻭﺷﻤﺮﺗﻬﺎ ﺣﻴﻞ ﺑﺎﻟﮕﺎﻉ ﻭﻛﺘﻠﻬﺎ ﺣﺘﺊ ﺍﻧﺘﻲ ﻣﺎﺍﺭﻳﺪﺝ ﻛﺘﻠﻨﻲ ﺍﻟﺤﺮ ﻣﻦ ﺍﻟﺒﺎﺭﺣﻪ ﻻﺑﺲ ﻧﺺ ﺍﻟﻜﻨﺘﻮﺭ
ﻭﻫﻨﺎ ﻭﺟﺎﻥ ﺍﻧﺼﺪﻡ ﺑﺪﺧﻮﻝ ﺣﺴﻴﻦ ﻭﻛﺎﻥ ﻻﺯﻡ ﺑﻴﺪﺓ ﺻﻮﻧﺪﺓ
ﺍﺟﺎﻙ ﺍﻟﻤﻮﺕ ﻳﺎﺗﺎﺭﻙ ﺍﻟﺼﻼﻩ ﺻﺮﺕ ﻣﺜﻞ ﺍﻟﺠﺮﻳﺪﻱ
ﺍﻧﻬﺰﻡ ﻣﻦ ﻣﻜﺎﻥ ﺍﻟﻤﻜﺎﻥ ﻭﺍﻟﺼﻮﻧﺪﺓ ﺗﻠﻌﺐ ﻋﻠﺊ ﺿﻬﺮﻱ
ﺳﮕﻄﻨﻲ ﺣﺴﻴﻦ ﺑﻴﻮﻣﻬﺎ ﻭﺧﻼﻧﻲ ﺍﺗﻮﺏ ﻣﻦ ﺍﺭﻭﺡ ﺍﻟﻌﻤﺎﻣﻲ ﺍﺑﻘﻪ ﮔﺎﻋﺪ ﻳﻢ ﺍﻣﻲ ﻫﻬﻬﻬﻬﻬﻬﻪ
ﻟﺠﻴﻦ،،،ﻫﻮ ﻳﺤﺠﻲ ﻭﺍﻧﻲ ﺧﺮﺑﺎﻧﻪ ﺿﺤﻚ
ﺍﻟﺘﻔﺘﺖ ﻉ ﺍﻟﺴﺎﻋﻪ ﻛﺎﻧﺖ ﺏ ﺍﻻﺭﺑﻌﻪ ﺍﻟﻔﺠﺮ
ﺑﻌﺪﻫﺎ ﻧﻤﻨﻪ ﻣﺎﻛﻌﺪﻧﻪ ﻏﻴﺮ ﺳﺎﻋﻪ 10 ﺍﻟﺼﺒﺢ
ﺍﻭﻝ ﻣﺎﻓﺘﺤﺖ ﻋﻴﻮﻧﻲ ﺫﻛﺮﺕ ﺳﻮﺍﻟﻒ ﻋﻠﻲ ﺿﺤﻜﺖ
ﺍﺑﺎﻭﻋﻠﻪ ﺍﺷﻠﻮﻥ ﻧﺎﻳﻢ ﻋﻠﺊ ﻭﺟﻬﺎ ﻭﺷﻌﺮﺓ ﻧﺎﺯﻝ ﻋﻠﺊ ﻋﻴﻮﻧﻪ ﻣﺨﺮﺑﻂ
ﺑﻘﻴﺖ ﺷﻮﻳﻪ ﺍﺑﺎﻭﻉ ﻉ ﻣﻼﻣﺤﻪ ﻭﺭﻣﻮﺷﻪ ﺍﻻﻃﻮﺍﻝ ﺣﻮﺍﺟﺒﻪ ﺍﻟﻤﻌﻜﻮﺩﺓ ﺣﺘﺊ ﺑﻨﻮﻣﺘﻪ
ﻋﻠﻲ،،ﺍﻟﻬﺪﺭﺟﻪ ﺍﻧﻲ ﺣﻠﻮ
ﻟﺠﻴﻦ،،ﻧﺰﻳﺖ ﺧﺮﺭﺭﺏ ﻓﺰﺯﺗﻨﻲ ﻋﺒﺎﻟﻲ ﻧﺎﻳﻢ
ﻋﻠﻲ،،ﻫﻬﻬﻬﻪ ﺍﺳﻢ ﺍﻟﻠﻪ ﻋﻠﻴﺞ ﻣﻦ ﺍﻟﻨﺰﺓ ﻣﺮﺭﺗﻲ
ﻟﺠﻴﻦ،،ﮔﻮﻡ ﺍﺑﻮ ﺍﻟﻤﺸﺎﻛﻞ ﺣﺘﺊ ﺑﺰﻏﺮﻙ ﺍﻟﻨﺎﺱ ﺟﺰﻋﺎﻧﻪ ﻣﻦ ﻭﻛﺎﺣﺘﻚ ﻫﻬﻬﻬﻬﻬﻬﻪ
ﻋﻠﻲ،،ﺗﺮﺩﻳﻦ ﺍﺷﻮﻓﺞ ﺷﻲ ﻣﻦ ﻭﻛﺎﺣﺘﻲ ﻫﺴﻪ
ﻟﺠﻴﻦ،،ﺣﺠﺎﻫﺎ ﻭﻏﻤﺰﻟﻲ ﻛﻮﺓ ﺍﻧﻬﺰﻣﺖ ﻣﻦ ﺍﻳﺪﺓ ﮔﻤﺖ ﺳﺤﺒﺖ ﺩﺷﺪﺍﺷﺘﻲ ﻭﺣﺠﺎﺑﻲ ﻟﺒﺴﺘﻬﻦ ﺍﺭﻳﺪ ﺍﻃﻠﻊ
ﻭﻋﻠﻲ ﺳﺤﺐ ﺍﻟﻤﺨﺪﺓ ﺧﻼﻫﺎ ﻋﻠﺊ ﺭﺍﺳﻪ ﻭﺭﺟﻊ ﻧﺎﻡ
ﻧﺰﻟﺖ ﻟﮕﻴﺖ ﻧﺴﺮﻳﻦ ﺗﻄﺒﺦ ﺑﺎﻟﻐﺪﺓ ﻣﺴﻮﻳﻪ ﻣﺮﮒ ﺑﺎﻣﻴﻪ ﻭﻟﺤﻢ ﻭﺗﻤﻦ
ﺻﺒﺤﺖ ﻋﻠﺊ ﻧﺴﺮﻳﻦ ﻭﺳﺎﻟﺘﻬﺎ ﻋﻠﺊ ﺧﺎﻟﻪ ﺍﻡ ﺣﺴﻴﻦ
ﻧﺴﺮﻳﻦ،،ﺻﺒﺎﺡ ﺍﻟﻀﻬﺮ ﻳﺎﺑﻪ ﻫﻬﻬﻬﻬﻪ ﺍﻟﻨﺎﺱ ﺭﺍﺡ ﺗﺘﻐﺪﺓ ﻭﺍﻧﺘﻲ ﺗﺼﺒﺤﻴﻦ
ﻭﻋﻤﺘﻲ ﺭﺍﺣﺖ ﺍﻟﺒﻴﺖ ﺍﺧﺘﻬﺎ ﻣﻦ ﺍﻟﺼﺒﺢ ﻫﺴﻪ ﻋﻠﻪ ﺟﻴﻪ
ﻟﺠﻴﻦ،،ﺣﻤﻴﺖ ﺍﻟﺠﺎﻱ ﻭﺳﻮﻳﺖ ﻟﻔﻪ ﺟﺒﻦ ﺻﻐﻴﺮﺓ ﻣﺎﺍﺭﻳﺪ ﺍﻧﺤﺮﻡ ﻣﻦ ﺍﻟﻐﺪﺓ
ﺑﻌﺪﻫﺎ ﻧﺰﻝ ﻋﻠﻲ ﻛﺎﻥ ﻻﺑﺲ ﺍﺗﺮﺍﻙ ﺍﺳﻮﺩ ﻋﻀﻼﺕ ﺍﺩﻱ ﺑﺎﺭﺯﺓ
ﻫﻢ ﺻﺒﺢ ﻋﻠﻴﻨﻪ ﻭﻧﺴﺮﻳﻦ ﺍﺳﺘﻠﻤﺘﻪ ﻭﺗﻀﺤﻚ ﻭﻳﺎﻩ
ﺍﻗﺘﺮﺏ ﻣﻨﻲ ﺑﺎﺳﻨﻲ ﺑﺮﺍﺳﻲ ﻭﻧﺴﺮﻳﻦ ﺗﮕﻠﻪ
ﻧﺴﺮﻳﻦ،،ﻳﺎﺍﺑﻪ ﻣﻮﻭ ﮔﺪﺍﺍﻣﻨﻪ ﻓﻀﺤﺘﻮﻧﻪ ﻫﻬﻬﻬﻬﻪ
ﻋﻠﻲ،،ﻗﺎﺍﺑﻞ ﺑﺎﻳﮓ ﻏﻴﺮ ﻣﺮﺗﻲ ﻭﺣﻼﻟﻲ ﻫﻬﻬﻬﻬﻬﻪ
ﻟﺠﻴﻦ،،ﺻﺎﺭﺕ ﺍﻟﺴﺎﻋﻪ ﺏ 1 ﺭﺟﻊ ﺣﺴﻴﻦ ﻭﺟﺎﻳﺐ ﺍﻣﻪ ﻭﻳﺎﻩ
ﺧﻄﻴﻪ ﺣﺴﻴﻦ ﺑﻬﺎﻱ ﺍﻟﻔﺘﺮﺓ ﺍﺷﺘﺮﺓ ﻗﻄﻌﻪ ﺍﺭﺽ ﻗﺮﻳﺒﻪ ﻋﻠﻴﻨﻪ ﻭﺑﺪﺓ ﺑﺎﻟﺒﻨﺎﺀ ﻻﻥ ﺑﺎﻟﺒﺪﺍﻳﻪ ﻣﻦ ﺍﻧﺘﻘﻞ ﻛﺎﻥ ﻣﺎﺍﺟﺮ ﺍﻟﺒﻴﺖ ﺑﺲ ﻫﺴﻪ ﺻﺎﺭ ﻳﺒﻨﻲ ﻋﻠﺊ ﻛﻴﻔﻪ ﻛﻞ ﻣﺎﻳﺠﻤﻊ ﻣﺒﻠﻎ ﻳﻜﻤﻞ ﺍﻟﺒﻨﺎﺀ..بيج قصص عراقيه حقيقيه من واقعنا.روعه الطائي
ﺑﺪﻳﻨﻦ ﻧﺼﺐ ﺍﻟﻐﺪﺓ ﺍﻧﻲ ﻭﻧﺴﺮﻳﻦ ﺍﻧﻲ ﻻﺑﺴﻪ ﺩﺷﺪﺍﺷﻪ ﻋﺮﻳﻀﻪ ﻭﻃﻮﻳﻠﻪ ﻭﻻﻓﻪ ﺣﺠﺎﺑﻲ ﻻﻥ ﺍﺳﺘﺤﻲ ﻣﻦ ﺣﺴﻴﻦ ﻭﺛﺎﻧﻴﺎ ﺣﺮﺍﻡ
ﺍﺗﻐﺪﻳﻨﻪ ﻭﺑﻌﺪﻫﺎ ﺣﺴﻴﻦ ﺻﻌﺪ ﺍﻟﻐﺮﻓﺘﻪ ﻳﻨﺎﻡ
ﻭﻋﻠﻲ ﺍﺗﺼﻠﻮ ﺑﻲ ﺟﻤﺎﻋﺘﻪ ﻛﺎﻥ ﻓﺎﺗﺢ ﺳﺒﻴﻜﺮ ﻭﻳﺤﺠﻲ ﻭﻳﺎﻫﻢ ﻭﻳﻀﺤﻚ
ﻫﻤﺎﻡ،،ﻋﺮﻳﺴﻨﻪ ﻟﻮ ﻛﻞ ﺍﻟﻴﻌﺮﺳﻮﻥ ﻣﺜﻠﻚ ﺟﺎﻥ ﻣﺤﺪ ﻋﺮﺱ ﻫﻬﻬﻬﻬﻬﻬﻪ
ﻣﻼﺯﻡ ﻣﻴﺜﻢ،،ﻭﻟﻚ ﻋﻠﻴﻮﻱ ﻧﺴﻴﻨﻪ ﺟﻬﺮﺗﻚ ﺍﻟﺤﻠﻮﺓ
ﻋﻠﻲ،،ﻃﺎﻳﺤﻴﻦ ﺍﻟﺤﺾ ﻧﺴﻴﺘﻮ ﺍﻧﻲ ﺍﻋﻠﺊ ﻣﻨﻜﻢ ﺭﺗﺒﻪ ﺑﺲ ﺍﺟﻲ ﺍﻭﻛﻠﻜﻢ ﺗﺒﻦ ﻫﻬﻬﻬﻬﻬﻬﻪ
ﻣﻼﺯﻡ ﻣﻴﺜﻢ،،ﻫﻬﻬﻬﻬﻬﻬﻪ ﺧﻮﻳﻪ ﺷﻴﺠﻴﺒﻚ ﺍﻧﻲ ﻣﺘﺎﻛﺪ ﺑﻌﺪ ﺷﻬﺮ ﻣﺎﺗﺠﻲ ﻟﻠﺪﻭﺍﻡ ﻟﺬﺍﻟﻚ ﺍﺣﺠﻲ ﺑﺮﺍﺣﺘﻲ ﻭﻣﺄﻣﻦ
ﻫﻤﺎﻡ، ﻳﻠﻠﻪ ﺍﺑﻮ ﺍﻟﺸﺒﺎﺏ ﺗﻌﺎﻝ ﺍﺣﻨﻪ ﻣﻨﺠﻤﻌﻴﻦ ﺑﺎﻟﻤﻜﺎﻥ ﺍﻟﻔﻼﻧﻲ ﻣﻮ ﺗﺘﺎﺧﺮ
ﻟﺠﻴﻦ،،ﻧﻬﺊ ﺍﻻﺗﺼﺎﻝ ﻣﻨﻬﻢ ﻭﺍﻟﺘﻔﺘﻠﻲ ﻣﺒﺘﺴﻢ
ﻋﻠﻲ،،ﺭﺍﺡ ﺍﻃﻠﻊ ﻛﻢ ﺳﺎﻋﻪ ﺍﺫﺍ ﺍﺷﺘﺎﻗﻴﺘﻴﻠﻲ . ﻳﻤﺞ ﺻﻮﺭﺗﻲ ﺑﻮﺳﻴﻬﺎ ﻭﻫﻲ ﺗﻮﺻﻠﻨﻲ 😊
ﻟﺠﻴﻦ،،ﻫﻬﻬﻬﻬﻪ ﻣﻴﺨﺎﻟﻒ ﺑﺲ ﻣﻮﺗﺘﺎﺧﺮ
ﻋﺎﻓﻨﻲ ﻭﺻﻌﺪ ﺑﺪﻝ ﻭﻃﻠﻊ ﺭﺍﺡ ﺍﻟﺠﻤﺎﻋﺘﻪ
ﺑﻌﺪ ﻧﺺ ﺳﺎﻋﻪ ﺍﻧﺪﮒ ﺍﻟﺒﺎﺏ ﺭﺍﺡ ﻣﺤﻤﺪ ﻳﻔﺘﺤﻪ
ﺍﺟﻪ ﮔﺎﻝ ﺍﻟﺒﻴﺒﻴﺘﻪ ﺑﻴﺒﻲ ﺍﻛﻮ ﻧﺴﻮﺍﻥ ﺍﺛﻨﻴﻦ ﺑﺎﻟﺒﺎﺏ
ﻃﻠﻌﺖ ﺍﻡ ﺣﺴﻴﻦ ﺩﺧﻠﺘﻬﻦ ﻟﻼﺳﺘﻘﺒﺎﻝ ﺷﻮﻳﻪ ﻭﺍﺟﺖ ﻛﺎﻟﺖ ﺟﻴﺒﻲ ﻣﺎﻱ ﻭﺗﻌﺎﻱ
ﺣﻀﺮﺕ ﺻﻴﻨﻴﻪ ﺑﻴﻬﺎ ﻛﺎﺳﺎﺕ ﻣﺎﻱ ﺍﺧﺬﺗﻬﺎ ﻭﺭﺣﺖ ﺩﺧﻠﺖ ﻳﻤﻬﻦ
ﺟﺎﻧﺖ ﺍﻻﻡ ﻭﺑﻨﺘﻬﺎ ﺍﻻﻡ ﻋﻤﺮﻫﺎ ﻳﺠﻲ ﺑﮕﺪ ﺍﻡ ﺣﺴﻴﻦ
ﻭﺍﻟﺒﻨﺖ ﺗﻘﺮﻳﺒﺎ ﺑﻌﻤﺮ ﻫﻨﺎﺀ 34 ﺳﻨﻪ
ﻭﻳﺎﻫﻦ ﻃﻔﻞ ﺑﻌﻤﺮ ﺍﻝ ﺳﺖ ﺳﻨﻮﺍﺕ
ﺳﻠﻤﺖ ﻋﻠﻴﻬﻦ ﻭﻛﻌﺪﺕ ﻳﻤﻬﻦ
ﺍﻻﻡ ﻋﺮﻓﺖ ﻋﻦ ﻧﻔﺴﻬﺎ ﮔﺎﻟﺖ ﺍﻧﻲ ﺍﻡ ﺟﻮﺍﻥ ﻭﻫﺎﻱ ﺟﻮﺍﻥ ﺑﻨﺘﻲ ﺍﻟﻮﺣﻴﺪﺓ ﻣﺘﺰﻭﺟﻪ ﻭﻣﻄﻠﮕﻪ
ﻭﻫﺬﺍ ﺍﺑﻨﻬﺎ ﻭﻧﻘﻴﺐ ﻋﻠﻲ ﺻﺎﺣﺐ ﻭﺍﺟﺐ ﻋﻠﻴﻨﻪ ﻭﻫﻮﺍﻱ ﺍﻟﻪ ﻭﮔﻔﺎﺕ ﻭﻳﺎﻧﻪ
ﻣﻦ ﺳﻤﻌﻨﻪ ﺑﻲ ﻣﺘﺰﻭﺝ ﺣﺒﻴﻨﻪ ﻧﻘﻮﻡ ﺑﺎﻟﻮﺍﺟﺐ ﻭﻧﺮﺩﻟﻪ ﺍﻟﺠﻤﻴﻞ ﻭﺍﺟﻴﻨﻪ ﻧﺒﺎﺭﻛﻠﻪ
ﺍﻡ ﺣﺴﻴﻦ،،ﻛﺎﻟﺘﻠﻬﺎ ﻫﺎﻱ ﻟﺠﻴﻦ ﻣﺮﺕ ﻋﻠﻲ
ﻣﻦ ﺣﺠﺖ ﺍﻧﺘﺒﻬﺖ ﻟﻠﺒﻨﻴﻪ ﺑﺴﺮﻋﻪ ﺍﻟﺘﻔﺘﺘﻠﻲ ﻭﺻﺎﺭﺕ ﺗﺒﺎﻭﻋﻠﻲ ﻣﻦ ﻓﻮﮒ ﻟﺠﻮﻩ
ﻛﺎﻧﺖ ﻛﻠﺶ ﺣﻠﻮﺓ ﺑﻴﻀﻪ ﺻﺎﺣﺒﺖ ﻋﻴﻮﻥ ﺳﻮﺩ ﻭﻛﺒﺎﺭ
ﺷﻜﻠﻬﺎ ﺿﺨﻤﻪ ﻭﺟﺴﻤﻬﺎ ﻣﺘﺮﻭﺱ ﻣﻮ ﻣﺜﻠﻲ ﻧﺎﻋﻤﻪ
ﺣﻠﻮﺓ ﺑﻜﻞ ﻣﻌﻨﺊ ﺍﻟﻜﻠﻤﻪ ﻭﺟﻬﺎ ﻣﺪﻭﺭ ﻭﻋﺮﻳﺾ ﻭﺷﻔﺎﻳﻔﻬﺎ ﻋﺒﺎﻟﻚ ﻣﺴﻮﻳﺘﻬﻢ ﺑﻮﺗﻮﻛﺲ
ﺭﺟﻌﺖ ﺍﻧﺘﺒﻬﺖ ﻟﻠﻄﻔﻞ ﻣﻼﻣﺤﻪ ﻣﻮ ﻏﺮﻳﻴﻪ ﻋﺒﺎﻟﻚ ﺷﻜﻠﻪ ﻣﺄﻟﻮﻑ ﻳﺸﺒﻪ ﺍﺣﺪ ﺑﺲ ﻣﺎﺟﺎﻱ ﺍﻋﺮﻑ ﻳﺸﺒﻪ ﻣﻨﻮ
ﺑﻌﺪ ﻣﺎﺷﺮﺑﻦ ﺟﺎﻱ ﺍﺗﺮﺧﺼﻦ ﻭﺭﺍﺣﻦ ﻗﺒﻞ ﻣﺎﻳﺮﺣﻦ ﻣﺪﺕ ﺍﻳﺪﻫﺎ ﺍﻻﻡ ﺑﺠﻨﻄﺘﻬﺎ ﻃﻠﻌﺖ ﻛﻠﻨﺴﻪ ﻛﺎﻥ ﺑﻴﻬﺎ ﻣﺒﻠﻎ ﻣﻦ ﺍﻟﻤﺎﻝ ﻭﺍﺟﺐ ﮔﻮﺓ ﺍﺧﺬﺗﻬﺎ ﺍﻡ ﺣﺴﻴﻦ
ﺑﻌﺪﻫﺎ ﺭﺍﺣﻦ ﺑﺲ ﺑﻘﻪ ﺷﻜﻞ ﺍﻟﻄﻔﻞ ﺍﺑﺎﻟﻲ ﺍﺭﻳﺪ ﺍﻋﺮﻑ ﻳﻨﻄﻲ ﺷﺒﻪ ﺍﻟﻤﻨﻮ ﺑﺲ ﻣﺠﺎﻱ ﺍﻋﺮﻑ
ﺩﺧﻠﺖ ﺳﺒﺤﺖ ﻭﻃﻠﻌﺖ ﻧﺸﻔﺖ ﺷﻌﺮﻱ ﻭﺿﻔﺮﺗﻪ
ﻛﻨﺖ ﻻﺑﺴﻪ ﺩﺷﺪﺍﺷﻪ ﻟﻮﻧﻬﺎ ﺗﺮﻛﻮﺍﺯﻱ
ﺧﻠﻴﺖ ﻣﻜﻴﺎﺝ ﻛﻠﺶ ﺧﻔﻴﻒ
ﻟﺒﺴﺖ ﺣﺠﺎﺑﻲ ﻭﻧﺰﻟﺖ
ﺍﺣﻀﺮ ﺍﻟﻌﺸﻪ ﻭﻳﻪ ﻧﺴﺮﻳﻦ ﻟﮕﻴﺘﻬﺎ ﺑﻌﺪﻫﺎ ﻣﺎﻣﺴﻮﻳﻪ ﺷﻲ
ﮔﺘﻠﻬﺎ ﺍﻧﻲ ﺍﻟﻴﻮﻡ ﺍﺳﻮﻱ ﺍﻟﻌﺸﻪ
ﻃﻠﻌﺖ ﻛﺒﻪ ﻭﻋﺠﻴﻦ ﻛﺒﺎﺏ ﺑﺪﻳﺖ ﺍﮔﻠﻲ ﻭﻛﻞ ﻣﺎﺍﺣﻂ ﻭﺟﺒﻪ ﺟﺪﻳﺪﺓ ﺑﺎﻟﻄﺎﻭﺓ ﺍﺭﻭﺡ ﺍﺳﻮﻱ ﺷﻐﻠﻪ
ﺍﺛﺮﻡ ﺯﻻﻃﻪ ﻭﺍﺣﻀﺮ ﺍﺍﻟﺒﻦ ﻭﺍﻟﻄﺮﺷﻲ
ﻛﻤﻠﺖ ﻭﻏﻄﻴﺘﻪ ﺑﻴﻦ ﻣﺎﻳﺮﺟﻌﻮﻥ ﺍﻟﻮﻟﺪ
ﺍﺫﻥ ﺍﺫﺍﻥ ﺍﻟﻤﻐﺮﺏ ﺗﻮﺿﻴﺖ ﻭﺻﻠﻴﺖ ﻭﻋﻠﻲ ﺑﻌﺪﺓ ﻣﺎﺟﺎﻱ
ﻣﻮﺑﺎﻳﻠﻲ ﻓﻮﮒ ﺑﻐﺮﻓﺘﻲ ﺍﺗﺮﻛﻪ
ﺍﺟﻪ ﺣﺴﻴﻦ ﮔﺎﻝ ﺻﺒﻮ ﻋﺸﻪ ﻋﻠﻲ ﻳﺘﻌﺸﻪ ﻭﻳﻪ ﺍﺻﺪﻗﺎﺋﻪ
ﺍﻟﺘﻔﺘﻠﻲ ﻭﻛﻤﻞ ﻛﻼﻣﻪ
ﺣﺴﻴﻦ،،ﻋﻠﻲ ﻳﻜﻮﻝ ﻣﻦ ﺗﻨﺰﻝ ﺧﻞ ﺗﻨﺰﻝ ﻣﻮﺑﺎﻳﻠﻬﺎ ﻭﻳﺎﻫﺎ
ﻟﺠﻴﻦ،،ﻋﺮﻓﺘﻪ ﻣﺘﺼﻞ ﻫﻮﺍﻱ ﻭﺍﻧﻲ ﺟﻮﺓ
ﺑﻌﺪﻫﺎ ﻛﻤﻠﻨﻪ ﻋﺸﻪ ﻭﻏﺴﻠﺖ ﺍﻟﻤﻮﺍﻋﻴﻦ ﻭﻧﻀﻔﺖ ﺍﻟﻤﺒﻄﺒﺦ
ﻧﺴﺮﻳﻦ ﺗﺮﻳﺪ ﺗﺴﺎﻋﺪﻧﻲ ﺑﺲ ﺍﻧﻲ ﻣﺎﻗﺒﻠﺖ ﺧﻄﻴﻪ ﺻﺎﺭﻟﻨﻪ 8 ﺍﻳﺎﻡ ﻣﺘﺰﻭﺟﻴﻦ ﻭﻫﻲ ﺗﺮﻛﺾ ﻭﺣﺪﻫﺎ ﺑﺸﻐﻞ ﺍﻟﺒﻴﺖ
ﻛﻤﻠﺖ ﻛﻠﺸﻲ ﺑﻌﺪﻫﺎ ﺳﻤﻌﺖ ﺻﻮﺕ ﺳﻴﺎﺭﺓ ﻋﻠﻲ ﺩﺧﻠﻬﺎ ﻟﻠﮕﺮﺍﺝ
ﻣﻦ ﻳﻄﻠﻊ ﻭﻳﻐﻴﺐ ﺳﺎﻋﻪ ﻭﺣﺪﺓ ﺍﺣﺲ ﻧﻔﺴﻲ ﻃﻔﻠﻪ ﻭﺗﺎﻳﻬﺎ ﺑﺪﻭﻥ ﺍﺑﻮﻫﺎ
ﻓﺘﺤﺖ ﺑﺎﺏ ﺍﻟﻤﻄﺒﺦ ﻭﺭﺣﺘﻠﻪ ﺍﺭﻛﺾ ﻗﻔﻞ ﺍﻟﺴﻴﺎﺭﺓ ﻭﺍﻟﺘﻔﺘﻠﻲ ﻣﺒﺘﺴﻢ
ﺑﺴﺮﻋﻪ ﺗﻌﻠﮕﺖ ﺑﺮﻛﺒﺘﻪ ﻋﺒﺎﻟﻚ ﺳﻨﻪ ﻣﺎﺷﺎﻳﻔﺘﻪ ﻣﻮ ﻛﻢ ﺳﺎﻋﻪ ﻫﻮ ﺑﺎﺩﻟﻨﻲ ﺍﻟﺤﻀﻦ ﻭﻫﻤﺲ ﻳﻢ ﺍﺫﻧﻲ
ﻋﻠﻲ،،ﺍﻭﻳﻠﻲ ﮔﻠﺒﻲ ﻫﻠﮕﺪ ﻃﻔﻠﺘﻲ ﻣﺸﺘﺎﻗﺘﻠﻲ ?
ﻟﺠﻴﻦ، ،ﻫﺰﻳﺖ ﺭﺍﺳﻲ ﻭﺍﻧﻲ ﻣﻄﻮﮔﻪ ﻋﻠﺊ ﺭﻛﺒﺘﻪ
ﻋﻠﻲ،،ﻫﻬﻬﻬﻬﻬﻪ ﺗﻌﺎﻱ ﻧﺼﻌﺪ ﺍﻟﻐﺮﻓﺘﻨﻪ ﻭﺍﺣﻀﻨﻲ ﺑﺮﺍﺣﺘﺞ ﻓﺸﻠﻪ ﻻﻳﻄﻠﻊ ﺣﺴﻴﻦ ﻭﻳﺸﻮﻓﻨﻪ ﺑﻮﺿﻊ ﻣﺨﻞ ﻟﻼﺩﺍﺏ 😉
ﻟﺠﻴﻦ،،ﺩﺧﻠﻨﻪ ﻟﻠﺒﻴﺖ ﺳﻠﻢ ﻋﻠﺊ ﺍﻣﻪ ﻛﺎﻧﺖ ﮔﺎﻋﺪﺓ ﻫﻲ ﻭﺣﺴﻴﻦ ﻳﺘﺎﺑﻌﻮﻥ ﺍﺧﺒﺎﺭ
ﺩﺧﻞ ﻛﻌﺪ ﻳﻤﻬﻢ ﻭﻃﻠﺐ ﻣﻨﻲ ﺍﺳﻮﻳﻠﻪ ﺟﺎﻱ
ﺭﺣﺖ ﺣﻄﻴﺖ ﺍﻟﻘﻮﺭﻱ ﻉ ﺍﻟﻨﺎﺭ ﺧﺪﺭﺗﻪ ﺻﺒﻴﺘﻠﻪ ﺍﺳﺘﻜﺎﻥ ﻭﺟﺒﺘﻪ ﺍﻟﻪ
ﻛﺎﻥ ﻳﺤﺠﻲ ﻭﻳﺎﻫﻢ ﻭﻣﻨﻄﻠﻖ ﻗﺒﻞ ﻣﺎﺍﻣﻪ ﺗﺤﺠﻲ ﻭﺗﻜﻮﻝ
ﺍﻡ ﺣﺴﻴﻦ،،ﺻﺪﻙ ﻳﻤﻪ ﺍﻟﻴﻮﻡ ﺍﺟﺖ ﻣﺮﺕ ﺻﺎﺣﺒﻚ ﻫﻲ ﻭﺍﻣﻬﺎ ﻳﺒﺎﺭﻛﻮﻥ
ﻋﻠﻲ،،ﺻﺎﺣﺒﻲ ??
ﺻﺎﺣﺒﻲ ﻣﻨﻮ ?
ﺍﻡ ﺣﺴﻴﻦ،،ﻭﺍﻟﻠﻪ ﻳﺎﻳﻤﻪ ﻣﺎﺍﻋﺮﻑ ﻣﻨﻮ ﻭﺣﺘﺊ ﺍﺳﻤﻬﺎ ﻧﺴﻴﺘﻪ ﻣﺎﺟﺎﻱ ﺍﺫﻛﺮ ﺷﻨﻮ ﺍﺳﻤﻬﺎ
ﻟﺠﻴﻦ،،ﺟﺎﻭﺑﺘﻪ ﺍﻧﻲ ﻭﮔﺘﻠﻪ ﺍﺳﻤﻬﺎ ﺟﻮﺍﻥ
ﺍﻟﺘﻔﺘﻠﻲ ﺑﺴﺮﻋﻪ ﺍﺗﺴﻌﺖ ﻋﻴﻮﻧﻪ ﺑﺪﻫﺸﻪ
ﻭﮔﺎﻝ
ﻋﻠﻲ، ،ﺟﻮﺍﺍﻥ ??
ﻳﻴﻴﻴﻴﻴﻴﻴﺘﺒﻊ
