شيخ ابو الاكبر

صدمه

بدايه اليوم رن جهاز ابو الاكبر
-الو السلام عليكم
-وعليكم السلام منو وياي
-انت شيخ ابو الاكبر
-اي اني تفضل
-اني ابو علي
-اهلا وسهلا اشلونك
-اني مستحي منك شيخ ادري اليوم المفروض تاخذون البنت بس تكدر تاجلها لباجر بس حته تجهز البنت
-لاتكول هالكلام ان شاءالله باجر نجي
اتصلت بالعمام وكتلهم انو تاجل الموعد لباجر ضلينه ابغداد طلعنه وخلصنه اليوم كله بره غيرو جو لان جانو كلش تعبانين رجعنه كل واحد ذب روحه ونام من تعب بس صدك غيرنه جو
ثاني يوم رحنه عله بيت ابو علي واخذنه شيخ ويانه لان عمي كال نعقدها يم اهلها احسن وصلنه وكان الجو حزن عدهم ابو علي كان مو طبيعي وعلي مموجود بس ابوه وعمامه اثنين عقدنه الشيخ طلعنه للباب دقايق وطلعت بنت شابه تصرخ عله ابو علي تكله الحك وكعت مكدر يوكف وطاح العمام الثنين ركضو دخلنه للحديقه وشفت والدتها تبجي وتصيح جيبوالها البخاخ حاجيت عبا ياخذون الجماعه ويرحون وانه وعمي ابو احمد نجيبها ونلحكهم بعد ساعه هدء الوضع وطلعت بنيه قصيره ولابسه عبايه مغطيه كل وجها صعدها ابو علي بالسياره و عمي صعد يمي سمعت ابو علي يكلي
-هاي وحيدتي ماعندي غيرها دير بالك عليها وهيه تختنك ربو عدها
-لاتخاف عمي بنتك بامان واذا مساها احد بشي تجي تشلع اعيوني وتاخذها
حركت السياره واسمعها بس تشهك وتبجي
-قاسم عمي راح انام من نوصل كلي حته انزلها
-تامر عمي
من سمعت هيج خلت ايدها عله حلكها وخنكت صوتها اباوع عليها ضلت تبجي لحد ماداخت ونامت صار المغرب طبكت السياره ونزلت جبت جكاير رجعت لكيت عمي نزل
-ها صلاه عبالي نوصل قبل الصلاه
-تاخرنه ياله تحركنه من يمهم ان شاله شويه ونوصل
راح عمي يصلي باوعت عليها نايمه صارلها هواي بعدها حركت وطلعت بالسياره وصلنه للبيت نزل عمي وصحت فاطمه انطيتها غراضها
-دخليها جوه ترتاح وكولي للحجيه وصلنه
-امرك شيخ
دخلنه للديوان الدنيه اجت باركتلي وكالو نسوي هوسه كتلهم كلشي ماتسوون هوه عشه وبس لتنسون عدنه ميت
جنت كلش تعبان بس ناس كلساع تجي صارت ساعه ١١فرغ الديوان بقه بي بس الاقارب شويه وراحو دخلت لكيت الكل نايم صعدت لفوك سبحت وبدلت ملابسي ونزلت للمطبخ جنت كلش جوعان شفت جنطتها الي دخلتها مشموره جوه الدرج داسوي اكل اجتي فطومه
-لسه كاعده بابا
-لابس سمعت صوتك كلت اشوفك محتاج شي
-اي جوعان كلش
-هسه اسويلك اكل
-بابا ليش عراض البنيه جوه الدرج وماكو حس الها وينها يم الحجيه مو
دنكت فاطمه ومحجت
-حاجيني بابا لتعصبيني تره تعبان كلش
صار شي واني بالديوان مو كولي
-اي
-احجي شنو صار
-من دخلنه الكل رحب بيها بس ليلى نزلت تركض عليها
-ليلى شجاباها مو رجلتا عافها يم اهلها
-هيه اجت عله البنيه كالت الفصليه حصتي ومحد يدخل وسحلتها وضربتها موتتها كتل البنيه حته صوت مايطلع منها وعمه ندئ واكفه وياها ماخلتنه نوخرها عن البنيه كضتها كضيان وسحلتها للمخزن وقفلته عليها وتصيح هاي جتالت اخوي
-هاي اكيد اتخبلت
-والبنيه لحد هسه محبوسه
من سمعت هالحجي احس كمت ماشوف بعيوني بس سواد ودمي يغلي لو ليلىكدامي اذبحها وادفع فصلها ركضت للمخزن وفاطمه بعدهي تحجي حته منتبهت الروحي طلعت حافي فتحت المخزن جان اضلم وبارد كلش ماشوف شي بس اسمع صوت اتقربت ع الصوت اجت فاطمه بيدها ضوه شفتها لافه رجليها والعبايه مغطيتها وصوت يطلع منها يخوف ماجاي تكدر تجر النفس صحت عليها اريدها تكوم ضلت تصرخ وترجف كلت بكلبي الله لايوفقج ليلى شمسويه بالبنيه تقربت عليها اريد اشيلها شهكت بصوت وكعت بيدي شلتها ودخلتها للبيت صحت عله فاطمه يمكن من صوتي البيت كله كعد
-جيبي بخاخ موجود بجنطتها
صعدت بيها لغرفتي اجت فاطمه بيدها البخاخ اخذته وخليتها تجر نفس منه ضلت تون متاذيه كلش
-فاطمه ساعديها تغير ملابسها وصيحي نور تساعدج وشوفيها حته اخذها للمستشفى
-ان شاء لله
شويه وصعدت اشوفها دخلت لكيتها نايمه
-شيخ متقبل تروح مستشفى بس بدلت ونامت وهيه تون متوجعه من الكتله
-خليج يمها اليوم اني راح انزل جوه خاف تحتاج شي كعديني
-ان شالله
نزلت نمت بالستقبال كعدت متاخر عله صوت الوالده
-يمه جسوم اخوك راح للمصنع قبلك كوم صرنه الضهر وانت نايم
-صباح الخير يمه يمه جهزولي لكمه خلي ابدل واطلع
صعدت للغرفه اريد ابدل شفت فاطمه كاعده يم البنبه يسولفن
-هاي انتي تحجين عبالي خرسه
-شتردين تعرفين مني حته احجي ليش بيوم وليله صرت فصليه اتمنه انام واكعد الكه كل هذا كابوس وارجع الحياتي
من سمعت حجيها صحت عله فاطمه حته متبدي تبجي وتتاذه كتلها تحضر ملابسي ماعرف ليش مردتها تشوفني بدلت وطلعت اتصلت عله جبار صديقي وطلعنه ان مخنوك
صار هواي ماطلعه سوه سالته عن مشكلته انحلت كالي بعدها وان شالله تنحل جان ويانه صديقنه ثالث يشاركنه همومنه جبار مقبل يحجيلي مشكلته ولا يرضه يهليني اساعده بيها وكل مره نفتح الموضوع يغيره حته ميتاذه واحنه كلناله اذا حتاج شي اخنه موجودين .
.
.
.
خلص البارت كلولي شنو رايكم بي حته اكمل البقيه لو ماكملها اذا متحمسين كولولي حبايب... 😘