شيخ ابو الاكبر

صدمه

سمعت ندى صوت عذراء تحجي بالتلفون جان الكلام صادم الها معرفت تسوي شي نزلت لجوه حته متحس عليها عذراء وصلت يم غرفت الحجيه وشافت علي دخل سلمت عليه وراحت تجهزله اكل لان جنه والبنات يم الحجيه سالها علي
-وين البنات
-يم الحجيه كاعدات وجنه حيل خايفه ماعرفت شبي الشيخ اول مره اشوف الشيخ هيج
-ماكو شي بس تعبان يجوز مضوجته البنيه
-يخوي شمضوجته هيه تسال شبي ماتعرف ليش هيج عصب
-خليها يم ربج تنحل الله كريم
كعد جبار كدامي وجعفر يمه وبلشو يستجوبوني شنو مخليني بهاي الحاله جنت حيل معصب فصحت
-لتلحون كلت مابيه شي شبيكم
-شيخ براحتك بس اهداء ولاتعصب كوم نروح نطلع بالمزرعه لو نروح انصيد
جهز جبار للطلعه وجهز جعفر ادوات صيد وطلعنه ضلينه للمغرب ورجعنه غيرت جو وهديت ونفسيتي ارتاحت جعفر ماكدر يبقه لان والده مريض بقينه اني وجبار تسامرنه اتصل عليه عباس يتطمن عليه طمنتهم بس كلي كلمه فرحتني وبنفس الوكت اذتني كلي مرتك كل شويه تسال عليك سديت التلفون وفتحت جهازها شفت الرسايل تخبلت بزياده جبار كعد يهديني بس النار بيه مشتعله ضل يحجي وياي ويشاقه وسولف عله مواقف مرينه بيها بعد ساعه نفتح موضوع الزواج ومواقف مرينه بيها بعرس عباس وطلايب هواي جبار شافني ارتاحيت سالني
-شيخ تقاسمنه الحلو والمر حته مصايب حلينه سوه واحنه مو اصدقاء احنه بينه زاد وملح شيخ ومحد يمنه بس الله وتدري بيه للموت وياك
-شرايد جبار
-احلفك بزاد الاكلناه هسه سوه كلي شبيك شيخ اني بضهرك وحزامك
-جبار شغله تاذي واتمس عرضي
-عرضك عرضي شيخ كلي وانحلها وناخذ حكنه
-السالفه جايده بس مو بيدي جبار نار بيه.
سولفت الجبار كلشي من ساعه وصلتني الرساله لحد هاي الحضه ومن حجيتله النار زاده بيه. شفته يفكر واخذله جكاره ضلينه نسولف حته اهدا وشربنه جاي صارت ساعه ١٢ باليل طلب جبار يشوف الرساله الي اجت المبايلي انطيته مبايلي شاف الرساله التفت اليه
-شيخ هاي الرساله دازها شخص واثق من الشي الراح تلكاع بجهاز البنيه وهالشي مريب مو طبيعي 
-شلون مافهمت
-شيخ ممكن اشوف جهازها
-هاك هذا الجهاز
شاف الجهاز وضحك نرفزني من ضحك بس هوه حجه السبب
-شيخ كلي شلون مالاحضت هالشي الرسايل الي دازتهن من الجهاز كلهن بنفس الوقت والطرف الثاني هم جاي منه الرسايل بنفس الدقايق ممعقوله اله يكون واكف يمها ويعرف شراح تكتب وهوه يرد لان ماكو فرق بالدقايق
-شو شلون وشنو يعني
-بس اريد اتاكد من شغله راح اخذ رقمه واشوف.
اتصل عله صديقه ودزله الرقم اجه خبر الرقم هذا مامسجل باسم احد الوضع جان كلش مو طبيعي وخلانه نرجع نفكر بس اكيد البنيه مامسويه هالشي لان مستحيل تكتب كل هالشي بهالوقت الي جانت بي اساسا موجوده يمي بالستقبال لان طلبت منها تحضر ملابسي لان عندي كعده وي شيخ الفخذ عشيره ال... جبار شافني بهيج وضعيه مصدوم حاول يهديني
-شيخ اذكر الله انت جبير بكل موقف وماخطيت خطوه غلط واكيد تعدي
-اريد اعرف السوه هيج منو ادفنه بمكانه ليش هيج ليش
-اهدا شيخ انت ماتهزك هيج ناس
-استغفر الله
شويه وكال جبار نرتاح انام باجر نرجع بس عيني ماخذت نوم للصبح بس طلع الفجر كمت حس عليه جبار حضر الجاي اكلنه وطلعنه مكدرت اتحمل اكثر
اريد ارجع اريد اشوفها اريد اشوف عيونها البجيتهن بسببي الطريق صار طويل كلش كل دقيقه واكل الجبار ماوصلنه زيد السرعه وصلت للبيت وجبار راح لاهله طلعت روحي يله وصلت للبيت بس جان الكل بعدهم نايمين دخلت يم الحجيه ملكيتها ودخلت للمطبخ ماكو صعدت لغرفتنه فتحت الباب لكيتها جاي تلف شالها عله راسها تريد تنزل دارت وجها شافتني رجعت خطوه لوره ماتحملت فقدت اجيت عليها حضنتها وشلتها وشميت عطرها لحد مانكطع النفس ضليت حاضنها وهيه ساكنه انتبهت لنفسي نزلتها وباوعت لعيونها جانت دموع مخربه عيونها مسختهن وبستها براسها
-ماريد هالعيون تبجي ماريدهن يذبلن ادري عصبت البارحه وصحت بس حقي ماتحملت انه رجال اغار عله عرضي
-بس اني ماسويت شي اني بس ردت اعرف شنو الغلط الغلطته وعصبت عليه هيج
-ماكو شي انه تسرعت ماكو غلط
-بويه جنه تره ميت تعب مانايم من البارحه
-ليش مانمت
-هههه ماكدرت انام وعطر جنه ماكو هه
-ها شيخ نام ارتاح مازعجك اني راح انزل اسوي اريوك
-ماشي بويه
جنت كلش تعبان بس خليت راسي عله مخده وشميت عطرها نمت وجنت مرتاح حيل كعدت باوعت للساعه لكيتها ب٣ العصر كعدت اخذت ملابسي وسبحت وبدلت ونزلت لكيت البيت هدوء شفت الحجيه سالت عن البنات كالت جنه وفطم بغرفت نور يساعدنها وندى نايمه وعمه سهام وبتها راحو بيت عمي احمد نزلن البنات صحت عله جنه تجهزلي اكل لان راح اطيح من جوعي بقيت يم الحجيه كملت اكل طلعت وشفت الشباب وكملت كم شغله رجعت لكيت صوت عمتي سهام تصيح وعذراء هم دخلت وانه اسمع الكلام واسمع الحجيه تهديهن وميهدن دخلت من شافتني عذراء ضلت تبجي وتحجي عله جنه وتشكي جنه جانت واكفه وي نور
-سمعت منج هسه اسمع منها
-شنو تسمع شيخ هاي وحده سحاره بت شوارع
-اسكتي لا اتخليني اتصرف غير تصرف
اجت جنه وكفت مقابيلي سالتها شنو سالفه
-شيخ ماعرف شي جنت اشتغل بالمطبخ وحدي اجت خذت الجاي وذبته بالكاع وكامت تعيط عليه بس انه ماجيت يمها
-اي تردين تحركيني شمرتي الجاي عليه بس الله ستر
- عذراء كلتي الله ستر خلص ماصار شي يلا سدو السالفه
صعدت لكيت ملابسي محضرتهن بدلت ونزلت يمهم اجت عذراء يمي ضلت تاخذ رايي بسوالف مالي خلكها بس شاسوي لازم اجاملها اجت كعدت يمي كلش وبلشت تحجي كالت مالك نيه تزوج اني استغربت اتقربت عليه وضلت تحجي
-يعني شيخ وزغير بالعمر وحلو ماشاءالله وماناقصك شي ليش ماتتزوج
-ليش مو مرتي هاي كدامج تفتر بالبيت
-لا اقصد تاخذ وحده تحبك وتدللك مو فصليه
هنا مرت جنه وشافتها وهيه هيج تحجي شفتها شلون انهضمت وطلعت انه كمت وراها شفتها معصبه سمعت نور تحجي وسالتها
-جنه شبيج
-مابيه شي شكو
-لا بس عصبيه ومو كلتي راح تحجين وي الشيخ شنو كال
-انسي ماريد شي
-جنه باوعيلي شبيج شنو صاير شكو الشيخ سوالج شي
-لا بس شفت عذراء كاعده يمه
-وهالشي ضوجج تدرين بعذراء ماتكعد
-اي بس مو جنها تمادت هواي ناقص بس تكعد بحضن الشيخ
اني من سمعتها متت ضحك حسيتها غارت عليه من عذراء انه ليش فرحان شبيك يشيخ حبيتها شنو والله شكلي حبيتها هالعصفوره مالتي فزيت من شرودي عله صوت نور
-يمه منج جنه تغارين عله الشيخ شكلج طحتي بالشيخ ولج حبيتي
-ها شنو لا هوه وين واني وين اني حي الله فصليه وبعدين هوه كال اني حالي حال فطم
-اعترفي كولي حبيتيه
-اهوووو كافي نور خليني اشتغل
طلعت نور تضحك دخلت عليها هيه دايره وجها متشوفني ردت احجي وهيه كالت
-نور كتلج اطلعي خليني بهمي الله ياهذني ولا اشوف عذراء يمه هيج كاعده.
التفتت علي وشافتني انصدمت وكع من ايدها الصحن الشايلته