شيخ ابو الاكبر

غدر

كعدت عله صوت عالي صوت عذراء وامها بس ماواضح شنو الحجي بس الظاهر صاير شي قوي فتحت اعيوني لكيت عصفورتي لافه روحها بحضني ومتغطين مطالع منها بس راسها وشعرها عله ايدي لفيت ايديه اثنينهن عليها وشميت شعرها انزعجت وتحركت رفعت واسها فتحت اعيونها جنت منتضر تفتحهن حته اصبح بيهن ضحكت عله شكلها شلون نعسانه
-صباح الخير عصفورتي
-صباح الخير
جانت خجلانه حيل ضمت روحها بيه اكثر واتغطت ضحكت عله تصرفها وحضنتها
-فديت الخجلان اموت عليه
-كافي شيخ وخر خلي اكوم متسمع صوتهم كلها بره هسه شلون تطلع كدامهم هيج
-واذا غير جنتي يم رجلج مابيها شي
-شلون لا اخجل
واحنه هيج دنحجي ماحسينه غير انفتح الباب ودخلت عذراء وامها هيه راسا تغطت كلها خافت واحد من الولد موجود اني اتخبلت شلون هيج تسوي عذراء
-هاي شكو شلون تسوين هيج منو كلج تجين للديوان  هيج
حجت عمتي سهام بعصبيه وجنها نار مشتعله وصوتها يجيب التايه بسابع سلف
-انت كلي شجاي يصير شيخ شنو عذراء تجي تكعدك تلكه مرتك نايمه بالديوان من يمته هيج يصير عدنه هنا.
-اي اني موجود واجت مرتي يمي ليش مكبرين السالفه هيج وشنو هالعياط
وخرت الغطه وكمت هيه اخذت شالها ولفت روحها كتلها
-جنه كومي ساعديني وسويلي اكل فطم وين علاوي خلي يغيرلي الضماد
ماهتميت للواكفات ومصدومات كامت ساعدتني صعدنه لغرفتنه وراحت حضرت ملابس الي حته اسبح اتدنيت عليها خطيه ترجع لورا واني اتقدم لحد مانضربت بالكنتور دنكت
-شيخ فوت اسبح حته تنزل راح يجي علي
-يابويه ولكم راح اموت من هالعصفوره كل حرف من هالشفايف يذوبني تردين اوخر بشرط
-شنو الشرط
اشرت عله شفتها دنكت خجلل رفعت راسها بيدي واخذت شفتها بالخير عضيتها ضاجت بس ارتاحيت سبحت وطلعت راحت هيه تسبح دك الباب علي حته يضمد جرحي كملت وساعدني البس ملابسي ونزلنه جان الكل موجودين كاعدين واجه اتصال عله عباس طلع بره يجاوب دقايق واجه
-شيخ خابروني الولد طلعو راح اروح اجيبه هوه واهله واجي
-لا اريده هوه واخو اول بعدين ندز عله اهله وعمامه
-تامر شيخ
اخذ علاوي وياه وجبار وراحو جان عمي ابو احمد موجود ويهدي بيه عباله راح افلش او اعصب واكسر جنت بارد لان اريد اعرف غريمي منو اريد اعرف منو السوه هاي السوالف كلها والكلام الوصلني صدك لو بس راد يخلص روحه بقيت افكر شاسوي وياه اذا جان كلامه مو صح انتقم منه انتقام ساعه ونص واتصلت عليهم اشوفهم وين وردو عليه بالطريق ارتاحيت اشويه واجو دخل علي ورا الولد مدنك واخو ودخل عباس بالاخير سلمو وكعدو ضيفوهم ادنه الولد وطاح عليه وضل يعتذر كدام الكل اعترف بغلطته وكال راح يسوي اي شي بس حته مايتورط بهاي السالفه ماهمني كل هذا اهم شي اعرف شديصير من وره ضهري
- اريد اعرف منو دزك تصوبني وشنو سالفه الرساله الاجتني وشدخل الصار بالرسايل بموضوعي وياك منو الي ابيتي ويطعني اريد اعرف بالتفصيل
-شيخ راح احجيلك كلشي بالتفصيل
-ولاتخاف احجي
-شيخ انه تعرفت عله ابنيه قبل كم شهر وحبيتها بس هيه طلعت وكحه وضلت تهددني تجي لاهلي وتتهمني مسوي الموزينه وياها جنتت مجبور انفذ كلشي تطلبه طلبت مني اجيبلها خط كالت تريد توكع بي ابنيه من يومين واجت حجتلي من عرفت السالفه بيها اسم شيخ ابو الاكبر خفت وسحبت نفسي وكتلها مادخل بعد انه ونقطعت كم يوم ورجعت تهدد وتكلي هالمره تروح هيه تكول للشيخ عليه طلبها جان غريب كالت اصوبك حته تتركني واتحرر منها سالتهها ليش كالت اذاني اختار وحده غيري وتدري بعد اشصار شيخ وانه كدامك وبكيفك
-منو هاي البنيه
-الي الامان شيخ
-احجي ولاتخاف
-عذراء تسمها
-شنو
هنا صارت الصدمه ليش هيج وين واصله ليامرحله هاي
-كتله روح طايحاتلك اخذ اخوك وروح
كمت عمي ابو احمد لزم جتفي باوعتله بنضره هد جتفي بيها ودخلت للبيت وكفت بنص البيت وصحت عذرااااااااااء البيت كله طلع الحجيه خافت اجت عذراء تتنغوص نزلت من فوك وكفت كبالي اول ماشفتها ضربتها راشدي افترت وطاحت بالكاع
-انتي ليادرجه واصله من الحقاره والنذاله تردين توصخين وحده اشرف منج واشرف من الرباج وماكتفيتي بهاي ردتي تكتليني ولج انتي شكد حقيره 
_شكو شصاير شبيك شيخ
-شبيه شبيه الحقيره دازه واحد يكتلني والولد حجه كلشي كدام الكل والله لو مابنت جان ذبحتج بس مو وياج الحجي وي الرباج هالتربيه علي اتصل عله ابوها يجي اليوم ايشيل هالزبايل من بيتي
-امرك شيخ تدلل
-هسه يجي ماريد اشوفها هنا دقيقه ماتبقه يلاااااا
صعدت لغرفتي ارتاح اعصابي ماسيطر عليها دخلت للغرفه واحت وراي تهديني بس سدت الباب حضنتها حيل اعصابي تهدا يمها
-تعبان حيل اريد انام بس خليني بحضنج ماطايق الدنيه هاي
-اهدا شيخ وبعدين انت اكبر من هالسالفه ماتهزك عذراء
-لا تكولين اسمها ماريده ينذكر تعبت عليهم هيج يجازوني ااااااخ
-اذكر الله شيخ ونام
.. مرت عله هاي السالفه اشهر وبيوم شفت جنه تعبانه ومالها خلك لحيت عليها تروح للطبيب ماقبلت جانت نور عد اهلها لان قربت موعد ولادتها والحجيه متكدر اخذتها انه للطبيب طلب تحاليل وامور بعد ماكملنه اجت الدكتوره وطمنتنه عليها وباركتلنه اني جنت ماعرف شكو لحد ماكالت
-شبيكم مبروك انتي حامل بشهر الثاني صارلج اسبوع من دخلتي بالثاني ارتاحي هالفتره واخذي فيتامينات لان هالفتره صعبه تكون وكل فتره راجعيني ونضم كلشي
-شكرا دكتوره
رجعت للبيت ماخليت شي ماسويته فرحت فرحه وشلتها من الكاع شيل حيل فرحان بيها رب العالمين شكد يحبني وانطانياها
.. بعد فتره صارت عدنه ايه واحله بنوته بالدنيه بعدها بكم اسبوع سمعت عذراء انخطبت وراح تزوج وجبار اتزوج ندى وصار عنده حمود علاوي جاب حبيبته ومريته بعد سنه من الخطوبه وماصار شي عدهم ان شاء الله بالمستقبل ربي يرزقهم ويرزق الجميع الذريه الصالحه..
.
.
.
.
مرحبا حبايب هذا اخر بارت لهنا وكملت الاحداث ان شاء الله تعجبكم
فديتكم 😘😘