شيخ ابو الاكبر

عشق

جانن البنات يشتغلن بالبيت وحضرن الاكل دخل علي  وصاح عله ندى اجت دخلت البنيه بنت ابو مصطفى شويه واجه خبر موافقتهم ع زواج والشيخ حجه السالفه بالديوان وي دخلت عمه ابو محمد وصل الخبر للنسوان وباركن الها وكلها فرحت بهالاثناء دخلت ليلى وامها استغربن شجاي يصير الكل تفاجئ هاي شجابها وضلت تسال
-شصاير شكو ومنو هاي البنيه
الحجيه جانت كاعده وبس تباوع عليها البنات مارادن يدخلن مايردن مشاكل ضلن ساكتات بس ليلي عصبيه وتريد تفهم شكو جاوبتها ندى
-هاي خطيبت علاوي اليوم اجت هيه وابوها حته يحددون كلشي والشيخ هسه كال الخبر
-شنو منو تزوجونه ومنو انتو وياشيخ يمشي هالسالفه
-احترمي نفسج ولا تعلين صوتج وادم بالمضيف
-مانصي صوتي وشتسوون اريد اشوف هالشيخ شيسوي وانتي تعالي هنا
لزمت البنيه تريد تاكلها وخلتها بالكاع البنات فاككنها ندى لزمت ليلي وجنه خذت البنيه ودخلتها لغرفت الحجيه وهاي اجت تركض وراهن عاطت عليها الحجيه صار الصوت عالي وصل الصوت طفر علي وعباس صاح ابو احمد الحجيه خاف تخربطت دخلو كبل لغرفت الحجيه ماكدرت اصبر هديت الوضع وكتلهم الحجيه مريضه حته اتلاحك الموقف وصحت عله الاكبر يشوف السالفه دخل علي وعباس والاكبر لكو ليلى تريد تفترس البنيه وتهدد واتصيح لزمها علي وعاط بيها ماترضه تسكت ضربها راشدي وكالها
- زلم بره قيامه تردبن تفشلينه.
-افشلكم انتو وشيخكم تريد تزوج هاي بنت الخدام
-اششش احجايه وحده عليها ماريد تشرفج هاي
اجه الاكبر وكالي باذني الي صار هذا الجنت خايفه منه اشويه والزلم اترخصو والديوان فرغ بقه بي بس العمام عاتبني عمي عله ساللت زواج علاوي شلون وافقت عليها
-عمي انت عله راسي بس الولد هاويها
اجه عباس وكال شيخ واصله للستار بين علي ومرته كام عمي ابو محمد حته يهديها اجه علاوي روحه طالعه كعد يمي شفته عصبي ماردت اساله كاعدين ودخلت ليلى تركض وضلت تحجي وتخربط علينه بس تجاوزت عليه كدام عمامي وحجت حجيجبير ماشفت اله علاوي كام وعاط صوت بيها والتفت عله عمي ابو محمد
-عمي الك الحشيمه بس وروح ابنك المات ماتصيرلي مره بعد اليوم هذا لو تنطبك السمه عله الارض وخلص الحجي لهنا عمي
عمي كاله حقك وره ماسمع حجي بنته وخذه اهله وطلع كعدنه نحجي بالسالفه طبعا ابو مصطفى موجود اعتذر منه علي وهوه جان متفهم الوضع واخذ بنته وطلع بعد ماحددنه كلشي بعد فتره لان ماباقي عله اربعين محمد بس ١٠ ايام ويخلص بس علاوي ماراد يزوج بسرعه راد البنيه تاخذ وقتها ناقشنه هواي امور والشباب دمهم حار سال عمي ابو احمد عن سالفت الولد الي صوبني عباس كال
-يومين او ثلاث ويطلع ونكعد وياه وي اهله ونحلها
-لا اريده هوه اول قبل اهله اريد افهم منه منو دازه
-اهدا شيخ يجي وكتها وتعرف بس خلي يطلع الولد
-الله كريم
بقو شويه وطلعو لان صار الليل بقيت اكلب بتلفوني وافكر بعصفورتي كل هالوكت ماشايفها طك كلبي عليها شلونها مادري كلبي ضل يدك حيل تاخر الوقت عباس راح لغرفته واني هم باقي بالمضيف لان باجر اروح للمستسفي وعلاوي مافاركني وباقي يمي ماقبل يصعد لغرفته بقه يمي دخل الاكبر يشوف اذا محتاج شي منه حته يروح ينام كتله يجيبلي ملابس لان تعبت بهالبس جابلي ملابسي بدلت بمساعدت علاوي وجابلي علاجي اخذته وتمددت لان تعبان بقه علاوي يراسل جماعته بس قبل لايطلع الاكبر سالته عن البنات وتطمنت عليهن طلع وتمددت ماجنت رايد انام بس من تعب نمت..
جانت جنه كاعده وي البنات كملن شغلهن بس جنه مامرتاحه لاليلها ليل ولا نهارها نهار ماتكدر ترتاح سالتها نور
-شبيج جنه
-ماكو شي بس مامرتاحه احس شي ضايع مني
-اتطمنه عليه الشيخ وهذيا بالمضيف والناس يمه وكلها تكول سطحيه السالفه لاتشيلين هم
-اذا سالفه بسيطه ليش ماجي بس بالمضيف وحته مادخل يمنه
-ههههه ها هيج الحجي كولي مشتاقه للشيخ. جنه احجيلي الصدك تحبين الشيخ لو لا
-شنو هالحجي يمعوده هوه وين واني وين هوه شيخ واله اسمه واني حي الله فصليه
-هسه عوفي هالحجي محد موجود قبل لاتجي فطم سالتج انتي تحبينه
-ماعرف بس روحي تستقر يمه من اخلي راسي يمه احس بامان الدنيه من كالو انصاب حيلي انهد وروحي فرفحت عليه الدنيه كلها راحت سلمت عليه بس اني راشتاقيتله بس اخجل اروح اسلم عليه
-كل هذا بكلبج وضامته
-نور احبه بس اخاف هوه اول ما حجيت وياه كلي انتي حالج حال فطم ماكدر اعترف بالي بداخلي حته وي نفسي لان اني فصليه وبس
-اذكري الله بس انه احس شيخنه هم عنده مشاعر الج بس مايريد يضلمج
دخلت فطم عليهن كالت لنور عباس يريدج طلعت نور لزوجها وبقيت تروح وترجع تفتر بالبيت رادت تنام وعينها ماتغفه ماكدرت تدخل للغرفه تختنك صارت بدونه راحت يم فطم لكتها تعبانه ونور يم زوجها راحت لغرفت الحجيه لكتها نايمه ماردت تزعجها ضلت تبجي اشتاقت الاهلها اتصلت عليهم حجت وي امها وباوعت الوقت تاخر كلش حاولت تنام صعدت للغرفه خذت ملابسها ودخلت للحمام سبحت وبدلت ورادت تنام مكدرت ضلت تبجي كامت فتحت الكنتور اخدت ملابسه وتشم عطره بيهن وتبجي حيل مشتاقتله ماكدرت تصبر بس تريد تطمن عليه اكيد هسه هوه نايم خلت غطه عله راسها ونزلت البيت خالي كلها نايمه راحت للمضيف فتحت الباب جان علاوي بعده كاعد سهران والشيخ نايم شافها علي  رادت تطلع كلها تفضلي كام اخذ اغراضه جكايره وتلفونه وطلع الغرفته حس بيها وراد يترك الهم خصوصيتهم طلع وسد الباب بدون كلام . خجلت هيه بقت ابمكانها تقدمت وعيونها تبجي بدون صوت نفس طبعها كعدت يمه ضلت صافنه عليه مدت ايدها عله لحيته الي جانت كلها سوده ماعدا المقدمه بيها خصلت بياض هيه تموت عليها خلت ايدها عليها وصافنه بوجها فجئه ولزم ايدها فزت هيه هوه فتح عيونه وبتسم ضل لازم ايدها وقربها عله شفايفه وباس باطن ايدها شاف دموعها تنزل كعد عله حيله وحضنها حيل وطمنها شافت اصوابه الي بصدره لزم ايدها وخله كصته عله كصتها وكال
-مااذاني جرحي وصوابي كد مااذني دموع عيونج ليش هيج تاذيهن
-شلون صرت ماخلوني اشوفك وناس يمك
-هسه ردت روحي. من شميت عطرج
-كوم بسرعه والله البيت يوحش محد يعرف شبيه واحس وحدي
-ليش سهرانه ومانايمه
-ماكدرت والغرفه تخنكني
-ههههه ليش كل هاي لان انه بالمضيف لو تخافين وحدج فطم موجوده
-اشتاقيتلك
-ها شنو ماسمعت
شمرت روحها بصدري وعادتها
- اشتاقيتلك اشتاقيت لريحت لسوالفك لدفو البيك حته لو بعيد حسك وياي اشتاقيت لعصبيتك
صلت تحجي وتبجي بصوت وتشهك انه مامصدك جنت فرحان حيل جاي تعترفلي ماعرف شاسوي اريد اكضها واراويها حرورت عشكها البيه شويه وهدات بعدت عني وعدلت شالها وكالت
-اني اسفه اعتذر شيخ ماعرف شحجيت وشلون هيج حجيت
-ليش شتشوفين الحجيتي بي شي
-ها مادري
رادت تكمل كلامها ماخليتها لزمتها من اخدودها وباوعت بعيونها واخذت شفتها بشفتي بقوه وخرت جانت مصدومه
-هاي حته ماتكولين اسفه بعد. جنه احبج واموت بيج
-ها  شنو صدك. قاسم
-يمه يبعد طوايف هلي يعيون قاسم
-اني هم 
-شنو انتي هم
- احبك
-يبو واخيرا بحلم بعلم واخيرا كلتيها مو شليتي حالي
-تاذيك
-ماحس بشي ماحس باي الم احس بس بدكات كلبي الي يريد يطلع من صدري ويركض عليج.
اخذتها وكعدتها بحضني جانت خايفه لا تلجم الجرح بس مانطيتها مجال حته تبعد عني وشميت عطرها افيش ردت روحي رفعت راسها وبتسمت حضنتها حيل شويه واطك اعظامها بعدت راسها حست بيه اريدها همست باذني
-قاسم مو هسه
-يروحي ليش
-اخاف عله صوابك لا ياذيك
-ههههههه فديت الي تخاف عليه لتخافين يبعد اعيوني اعرف احافظ عليه وماينلجم دتعالي ماصدكت تجين مشتاقلج..
فليت شالها ونحل شعرها نامت واني يمها صرت بستها براسها وخدها واخذت شفتها حاولت ماتضغط عله صدري او متني كلشي بيها ترف كلشي بيها ناعم حته صوت خجلها واخيرا صارت مرتي حلالي جانت احلا لليله عشتها بكل حياتي ملكتها بس تعبتها حيل لفيتها بحضني وبدقايق ماحسينه عله روحنه من التعب نمنه..
.
.
..
.
... مرحبا حبايب قلبي اعتذر عن الاخطاء الاملائيه
واتمنه يعجبكم البارت فديتكم
💓💕😘😘