شيخ ابو الاكبر

روتين

رجع عقله يفكر بمشاكل تزيد والعشيره بركبته وشغل وكل هذا وي لسان عماته شراح يخلصه منهن راح يبقن يومين اكيد يبقن ابيت الشيخ والبنيه المالها كل ذنب
حسيت اذا بقه افكر راح يصير بعقلي شي... اليوم ماكو راحه اجه عباس سالته كلشي جاهز لان ماريد اتفشل كدام العشاير
اتغدت الناس واخذو واجبهم راحو رجعت للبيت ولد عمي موجودين وهوسه رجعو اهلي وعماتي للبيت وبده الحجي الماحبه رحت للحمام وصحت على فطم تجيبلي ملابسي سالتها عن جنه
-بويه شنو صار بغيابي البنيه وين
-شيخ ماكو شي صار نضفنه البيت وصلينه وتغدينه ورتبنه الملابس وقبل لتجون صعدت ترتاح
-ماشافنها العمات
-لا الحجيه مخلتها تنزل من طلعتو يلا نزلت للبيت
-روحي هسه حضري الجاي وشوفي العمات واذا سالنج عليها انتي متعرفين شي من اجت لليوم محد يعرف عنها شي
-امرك شيخ
طلعت خذت جهازي وجكاير وكعدت بالصاله اكلب بالتلفون جابتلي نور الجاي
-تفضل شيخ
-تعبتج بويه
-تعبك راحه شيخ شعدنه غير ابو الاكبر
-نور بويه بلسانج حجي كولي تردين شي تعرفيني اني اسمع للكل واسمع كلشي حته لو مسبه ههه
-محشوم شيخ بس هوه شي مايخصني هوه بخصك انت شيخ
-ها اذا يخصني اكيد لازم اعرف شنو
-من بعد اذنك اكدر احجي
-اكيد بويه
-شيخ البنيه صارلها يومين من اجت مشفناها لان ليلى حبستها اعتذر عن كلامي شيخ وامس من صاحتها الحجيه يلا تعرفنه عليها بس امس بالمطبخ صار شي مافهمته وماعرفت شنو تقصد البنيه بي
-شنو صار
-حبيت اتعرف عليها امس وحجيتلها عن عاداتنه هنا بالبيت ومين عليها البنيه متعرف شي حقها مدلله عد اهلها بس شيخ شفتها منعزله ومتحجي ردت اخليها تتعود علينه فسالتها اذا تحب تعرف شي او تسال عن شي بس شيخ سوالها حيرني ومافهمت شتقصد
-شنو جان سوالها
-سالتني الشيخ ابو الاكبر الي عقد عليه كتلها اي كالت هوه هذا بيته جاوبتها فطم كالتها اكيد هذا بيته كالت لعد ليش يجي مثل الخطار ويروح اني هنا ستغربت شيخ ملحكت اكمل حجي وياها لان جفلت البنيه من صاحني عباس
-ماحاجيتنها بعد
-لا التهينه بالسابع. شيخ اني اعزك انت استقبلتني من اجيتكم وخليتني وحده من اهل البيت مو غريبه عنكم فكلت اكلك الصار لان جان غريب كلامها
-نور بويه انتي موجنه هنا انتي بنتي ولهذا اكلج بويه حالج حال فطم بس بويه صيحيلي فطم
-امرك شيخ
اجت فطم وانه نسيت بشنو ردتها جنت افكر بحجي نور ولازم اتاكد من شغله صارت ابالي
-ها بويه صحتني
-اي تعالي انتي ونور اريدجن بسالفه بس قبل كلشي فطم جنه تعرفني ابوج مو
-اس سولفتلها اول مااجت بس
-بس شنو كولي
-جانت من احجي عنك ونفتح موضوع تحجي باسمك قاسم ومن تدخل عله الحجيه تكلي اجه قاسم بس من تذكر اهلها والفصليه تكول ابو الاكبر
اني كتلها انتي بيج شي بس هيه متحجي هوايه
-تمام هسه فهمت البنيه ماتعرف منو ابو الاكبر وخايفه من الكل لان ليلى حبستها من اول يوم
بويه نور شوفيلي عمي ابو احمد وين
-عمي بقه ابيت ابو محمد
-والعمات
-دخلن لللاستقبال الجبير يرتاحن هنه وبناتهن والولد اخذهم علي للبستان
-فطم روحي صيحي جنه بويه نور مشكوره روحي ارتاحي الليله عزيمه عدنه
-امرك شيخ
نزلت جنه وفطم دخلن الصاله سلمت جنه ردبت عليها
-شلونج بويه ان شاء الله مرتاحه
-الحمدلله
-كالتلي فطم ماتحجين الحمدلله طلعتي مو خرسه ههه بويه البخاخ عندج اذا خلص كولي حته نجيبلج غيره
-اي فطم ماتخليني اتحرك اله البخاخ بيدي وَن انزل تخلي قريب عليها
-بويه راح اشدلهيا بركبتها حته متنساه
-لامو لهاي الدرجه فطم هههههه لاتضوجينها خليها براحتها البيت الها بعد مرت الشيخ صارت
اجت نور اخذت فطم وكالت الحجيه تريدها تنزل المخاد من فوك لان العمات يردن ينامن
-روحن بويه ولاتخلن الحجيه تتعب
طلعن بس شفت جنه متوتره وممرتاحه لان بقت وحدها يمي
-جنه اسمج مو
-اي
-اكيد ضايجه لان بعيده عن اهلج بس اذا احد ضوجج هنا تعالي كوليلي
من جبت طاري اهلها ضلت تفرك بديها ونزلت دموعها بس بدون صوت جنها تمثال ماتحركت ولا رمشت تبجي ابرود جنها تكلي اني قويه واتحمل بس هالشي جان يشك كلبي نصين معقوله وصلت مرحله من الوجع ماكام يطلعدها صوت بالبجي. حاجيتها
-جنه حجيتي وي اهلج من اجيتي طمنتيهم عنج
هزت راسها ب لا رديتها بسوال سريع
- ليش ماحاجيتهم لحد هسه
-ماعرف واخاف اكول اريد احجي وياهم لان بنت عمي كالت الفصليه ميصير تحجي بعد وي اهلها حته مخلتني اجيب تلفوني وياي كالت الفصليه ميصير عدها مبايل تصور حته مخلتني اجيب ملابسي ذبتهن كلهن خلتلي بس هاي الكلبيه وحده مثلها وشال كالتلي الفصليه ميصير تلبس بس هذني
.
اختنكت وهيه تحجي فسكتت حسيت بيها غصه ولو بيدها تصرخ هدات ودنكت راسها وكملت كلام
-اني اسفه ميصير احجيلك واني مالازم ابقه هنا يمك هالشي غلط ميصير نبقه وحدنه اكيد الشيخ ابو الاكبر مراح يقبل وماريد اسبب مشاكل اعتذر
-هوه اكيد مراح يقبل واذا يشوف مرته كاعده وي غيره يتخبل بس هوه مو هنا
-اي صح ومايدري بس اني ادري غلط ومايصير
عرفت هيه ماتعرفني اني الشيخ فكتلها نتفق
-جنه نتفق اتفاق شنو رايج انطيج جهازي تحجين وي اهلج وماراح اخلي احد يدري بس بالمقابل
-شنو المقابل
-شبيج خفتي اهدي. المقابل تحجيلي وتجاوبيني عله اسالتي واوعدج وعد ابو الاكبر مراح يسوي شي
-اموافقه اهم شي اطمن عله امي واهلي
-هسه صارت ساعه ٢ بعد نص ساعه والكل يجي مراح تكدرين تحجين هسه بليل احسن اتفقنه وهسه تجاوبيني عله كلشي اريد اعرف بنت عمج شنو حجتلج
-اني ماعرف بسوالف العشاير حته اسم عشيرتنه ماعرفه جنت ادرس باربيل وصارت السالفه اخوي جابلي مصاريف الكليه وكم شغله دزتهن ماما بيده وبعد فتره اتصلو عليه ماجنت متطمنه وخفت صادفت نهايه اسبوع متحملت ورجعت لبغداد لكيت والدتي متخربطه وعرفت السالفه من قررو اروح فصليه ماهمني شي جنت افكر باهلي..
طبعا تحجي وعيونها حمر من الزعل والبجي ماسكتن عيونها كل كلمه تحجيها تنزل وياها مليون دمعه احس نار بيه صارت
-اي كملي اني اسمعج
-بيوم الي رادو ياخذوني امي تخربطتت واجلوها الثاني يوم والدي جان خايف ميقبل الشيخ ياجل حجيت وي امي كتلها اجلوها مبينين طيبين ردت بس اطمنها انو راح اروح يم ناس طيبه
-من طيب اصلكم والدج رجال طيب وبسيط
-تعرف والدي
-اني جنت وياهم من رحنه وحجينه وياه
دنكت راسها واتنفست بسرعه حته تهدا كتلها اعرف البقيه لان وصلتي هنا بس بت عمج مكلتي ليش سوت هيج مخلتج تاخذين شي
-اجو عمامي وعماتي بيوم الي اجه الشيخ ابو الاكبر ياخذني رحت احضر نفسي اجتي بت عمي زهراء وياي ماعرف ليش تضوج مني اني اشوفها حبابه والدتي دوم تكلي خليج حذره بس اني احسها طيبه مهما كانت هيه من اهلي كتلها ساعديني بترتيب الاغراض اخذت كلشي احبه كلشي الي بي ذكره بس هيه ضلت تحجي(شتسوين تخبلتي جنه) كتلها احضر اغراضي لان بابا كال هسه اروح وياهم..
.. اي انتي رايحه فصليه مو عروس... كتلها وشنو ماخذ شي... كالت تعرفين شنو فصليه يعني لاتلفون ولالبس ولامكياج ولادراسه ولااهل ولاطلعه ولاطبه ولاكلام زايد ولا صوت عالي ولا ضحك كل هذني تنسيهن وتعيشين فصليه.. كتلها ادري مو بشر. كالت اي مو بشر وماطلعين هيج لازم عباتج وياج..
نزلت وي والدي جان الوضع متوتر كملو العقد واني افكر بكلامها جابتلي العبايه وكالتلي ادعي كون يخلوج عدله ميذبحوج هناك وانسي اسمج ماراح يصيحولج غير فصليه. اني متحملت اكثر وتخربطت وتعرف البقيه لحد ماوصلت هنا وشفت كلامها صحيح اول مادخلت اجتي وحده ضربتني وحبستني وانت تدري بعد انت الي طلعتني بس فطم ونور حبابات هذا كلشي...
جنت مندمج وي كلامها ومانتبهت على الوقت شفت خوفها من اسم ابو الاكبر ودموعها الي منشفن واني بهالحاله دك تلفوني جان علي
-الوو
-ها شيخ وينك
شفت الساعه صايره ب٣ كل هالوقت نحجي
-علي دقايق واجيكم خليك يم الجماعه جايك
سديت الخط كتلها لازم اطلع بليل اخليج تحجين وي اهلج وطلعت من الصاله صحت على فطم اجت كتلها اريد ملابسي بدلت وردت اطلع وصيتها متخلي جنه وحدها ومينزلن من الجناح الفوك لحد مارجع رحت للديوان هوسه ناس كلها جايه وذبايح بقينه هناك وحيل تاخرنه لحد ما كلها راحت بقيت يم ولد عمي شويه وكالو احنه نطلع وي علي مشتاقين نفتر وياه ساعه ونرجع اني وعمي ابو احمد رجعنه للبيت ويانه احمد ابن عمي وجعفر وعباس جان جعفر يمشي وي جبار كدامنه وكفو يم سيارت جبار واسمع جعفر يكله
-يمته تصير زلمه وتحاجي
اني اعرف شنو يقصد واعرف جبار شبي وشنو مشكلته بس ماكدر احجي لحد ماهوه يشجع ويحجيلي ويطلبها مني فخلي على راحته راح حبار لبيت اهله ودخلنه احنه لبيتنه البيت جان جبير كلش جدي الله يرحمه بنا للعايله كلها فمخلي بي اكثر من صالهروخله استقبال وديوان دخل البيت وخارج خله ديوان للغربه فمن ننجمع الشباب الهم قسم كامل يتحركون بي براحتهم وعماتي وبناتهن بالقسم الداخل والطابق الثاني النه والجناين البيت واسع كلش احنه ٣ اني وعلي وعباس كل واحد جناح اختنه المدلله فجناحها وي والدتي الحجيه بس والدتي تستخدم بس غرفه الصلالان متكدر تتحرك هواي الاكبر اله غرفه وحده وفطم وي عمتها ععلي وليلي صارلها ٤ سنوات ماعدهم اطفال وعباس ونور مصارلهم سنه من تزوجو بعدهم عرسان..
.
.
.
.
حبايب شنو رايكم بالبارت خليت البارت يكون اطول من البارتات السابقه والجايات كلهن راح يكونن مثل هذا البارت ان شاء الله