قضية انتحار دامية

بارت3

#قضية_انتحار_دامية

#بارت3

#بقلمي_سارة_المجيد

مساء النور والسرور ع اغلى متابعين

طارق ..اششششش فوتتها غصب وقفلت الباب وشلت المفتاح جنت مشتاق احضنها بكد رحمة الله اتقربت عليها ردت احضنها بعدتني عنها من صدك ضجت مسحت وجهي وسحبت نفس عميق حتى اهدء

عفتها ورحت كعدت جنت مسيطر لان الباب مقفولة والمفتاح بجيبي هيه ضلت واكفه يم الباب متقبل تفوت تكعد

اني اباوع الها واكفه متصنمه ومرات تجنب نظراتي وتباوع ع السقف او ع الحياطين

جانت عيني تمشي ع تفاصيل جسمها من فوك ليجوه شفتها متصركعه وخايفه من الي راح اسوي متدري اني بس ردت اخوفها لان خبلتني ..

كتلها لشوكت مقرره تضلين واكفه

سناء .. لما الله يفرجها وتفتح الباب

طارق ...بكيفج بس اذا متجين تكعدين ونحجي ما افتحه والدنيا تقريبا ليل هسه

ميكولون اهلج ليش هالكد تاخرتي تعمدت احجي وياها هيج شفتها تعصبت وتخبلت جت سريع وكعدت ..
كعدت وحده طافره روحها

سناء ..هفففففففف اللهم طولج ياروح هااااااشكو شتريد مني انته وليش جبتني هنا

طارق ..طكيت ضحك كتلها يعني متعرفين سناء ...

سناء ..حجيت بنفاذ صبر كتله لا ما اعرف

طارق ...انتي ليش تعامليني برسميه ومايعجبج المس ايدج مجبوره ع الزواج شي احجي يبنت الناس

اذا مجبوره حتى لانكمل وكلمن يروح بطريقة .. ترا هذا عمر لايوم ولايومين

باوعت عليه بنظره ماعرفت وكتها شنو معناها وراها فهمتها متأخر للاسف !!

سناء ..لا ممجبوره بس الوضع جديد عليه وممتعلمه عليك

طارق ..قربت منها وكتلها ليش احسج خايفه مني ترا اني مو بعبع لا اخوف ولا اكل اهدي وامسكي ايدي وراح اعيشج احلى عيشه

اتقربت عليها صار وجهي مقابيل وجها حسيتها ترجف حطيت ايدي ع وجها واتلمست بشرتها الناعمة

ونزلت ع شفايفها اتلمستهن بصابيعني هيه غمضت عينها ودفعتني بيدها اتنرفزت وحضنتها بحركه سريعة

حسيت بيها متوتره واني حاضنها وانفاسها سريعه خففت حضني الها جنت ضامها بقوه عبالك راح تطير مني

وحسيتها هدأت شوي ما اعرف شكد مر وقت على هاي اللحظة بس شو هيه طفرت من بين حضني وكالت

سناء ..تاخرنا يله رجعني

طارق ..اني انهبطت عبالي بيها شي من طفرت كمت اسب وانعل بابليس

ولج بابا ليش هيج طفرتي عبالي بيج شي انعل يومج صدك جذب هفففففف