#قضية_انتحار_دامية
#بارت27
#بقلمي_سارة_المجيد
مساؤؤؤؤ ورد جوري حبايب گلبي
بما انو اليوم جمعة وماعندي شي كلت اكتبلكم بارت وانزلو الكم بس اهم شي اريد تتفاعلون ويه القصة حتى كل وكت اتشجع وانزللكم بارتات اضافية اذا شفتكم نايمين ابطل وارجع ع الجدول القديم 😴
يزن ...قز القرط اي والله عندي سالفه تدفع عمرك بس تسمعها وتبرد كلبك بس على عنادك ما احجيها
فرقد ...لا بربك كول شني هيه
يزن ...انت بالاول احجيلي حتى اني احجيلك
فرقد ...ول يابه ماصار شي لاحاجيتها ولا حاجتني كلمن بغرفتو ومحد يشوف الثاني بس ع وجبة الاكل
لان الست الهانم عايشه حياتها طبيعي واني الكاعد اتگلى وهيه ولاعبالك ..
دنعل ابوها لابو الساعه الجابتها يمي
لك لو حجر جان حس شنو هاي لو غبيه دنكول عنها غبيه
بس وربي مفتحه بالتيزاب هالبنت بس مبرده اعصابها وحاركه اعصابي
يزن ...شبيك يمعود اعصابك هاي اذا ماكو شي وهالكد ثردت لو اكو شسوي
فرقد ... يزن مو بمزاجك اني ترا ادفنك اسكت احسلك
يزن ...انت عيشتك مكضيها بس تدفن بهالعالم
فرقد ...اي مو طبيعيه هالبنت ماتحبني يا اخي احساسها تجاهي صفر
سمعتها مره تكول الجابو يجيب غيرو هيه على شنو رافعه خشمها ها
يزن ...يجوز تقصد غير شي وانت فسرتو غير شي يا اخي اسالها ليش كلتي هيج ..ليش كاعد تضرب اخماس باسداس براسك ها
فرقد ...اي وتروح تجاوبني جواب تفشلني بي مو
لا والله خليها مثل الجلبه اعاملها مو مال احترام ام لسان واهلها ما ربوها لا والله
يزن ...انته بس هدي ياعريس
فرقد ...ولك هم حاسبيني عريس ليش اشفت اني من الخطوبه
يزن ...هسه ما افتهمنا هيه خطوبه مصلحه لو قلبت خطوبه حب من طرف واحد
فرقد ...صفنت علي هم صدك خطوبتنا مصلحه ليش حارك اعصابي اني ختولي ..
كوم كوم نطلع ويه الولد لبين ميصير الغدا
يزن ...لا عيني تعبان مالي خلك تعال نلعب بالابتوب احسن
فرقد ...ابراحتك عجل
سابين ...ولج هاجر كملت كلشي ضلت غرفة هالمغضوب الاكشر لو يموت مادخلها
هاجر ...تفوو عليج لتحجين على اخويه
سابين ...عابت هالاخ وبلت
أنت تقرأ
قضية انتحار دامية
Mystery / Thriller#قضية_انتحار_دامية🔞🔞 تنويه القصه حقيقية فيها مشاهد لاتصلح للاصحاب القلوب الضعيفه قصة لتؤمتين تعيشان وسط عائلة متفككه وتملئها الحقد والكراهية يكبران ويتم التلاعب بأوراقهما الرسمية ويتم تزويرها لتأخذ واحده شخصية الاخت الثانية ويتم تعذيبها بابشع الطر...
