قضية انتحار دامية

بارت30

#قضية_انتحار_دامية

#بارت30

#بقلمي_سارة_المجيد

#تنويه ...حبايب الضاهر البعض مديقرون القصة بتركيز وديسألون امنين جابت ارادة السيم كارت وتين ذكرت بالبارتات القبلها انو ارادة كلفت صديقتها اتدبرلها سيم كارت ومثل مشفتوا الخط طلع بأسم قصي سالم مزعل وهل رجل يصير ابو صديقة ارادة والبنية ماخذه مستمسكات ابوها ومشتريه السيم كارت ان شاءالله هسه صار معلوم ..اتمنى من تقرأون شوية ركزوا وانتبهوا زين حتى لتضيع عليكم الاحداث مثل هل سالفه

وبالنسبة للي ماعدهم صبر ويجبروني اختصر القصة وديكولون (شوكت تصير الجريمة مو طلعت روحنة) احب اكولكم  الجريمة من تطلع معناها انتهت القصة واني كتلكم القصة طويلة يعني الكل تعرف قضية وصارت يم الشرطة ويم المحكمة وعدكم الحساب شكد تاخذ زمن حتى تنسد لازم تاخذ مجراها وتحقيق واعترافات وادلة وشهود ليش تخلوني اختصرها وتصير القصة باردة مابيها حماس ولاتشويق اترجاكم بس اريد منكم الصبرررررر حتى اسردلكم الاحداث بشكل ينطي حقها للقصة ...وللعلم اغلب الاحداث الي قريتوها والي راح تقروها بالمستقبل مأخوذه من ملف التحقيق مال الشرطة واني داسردها الكم

خلونه نرجع لاحداث القصة تعبت من الكلام 😤

.............

علي ...والله ياخويه اسالنا الجبير ليش معتكف عن الزواج شكد ردت منو ماقبل ذولي بنات الديره كلهم ادب واخلاق والافندي لا ماريد

ابو عثمان ...وانت هم يا ابو احمد مو الا من بنات عمو يجوز حاببلو وحده من كليتو ورايدها ومستحي يفاتحك

علي ...لا والله شتكول انت يمعود ماغاصبو على شي

كتلو البنت التريدها ازفها باجر الك ماشارط علي الا بنات عمو

عمي اني ابويه زوجني بلا شوري وكلت ما ازوج ولد غصب عنو

الي يريدها ياخذها اذا اكو قسمه ونصيب الا لا والله ما اغصب احد اني

ابو عثمان ...خير ماسويت ان شاء الله عقبال الجبير وتشوف احفادهم

علي ...تسلملي بعد اخوك انت كول شلون عثمان واركان شخبارهم مازوجوا

ابو عثمان ..بخير الحمدلله ..ابني عثمان هم باقي ولايزوج شكد لكينالو بنات عمو بنات خالاتو

ابد مايريد وهسه ملتهي بشغلو وميلحك يشوف حياتو والصغير  بعدو يدرس بالاعدادية

علي ... اهاا ربي يحفظهم الك وتشوف اطفالهم وتفرح بيهم

ابو عثمان ...اشكرك خوية يلا اني اترخص منك هسه هم الوكت متاخر سوولكم جيه ترا والله عتبان عليكم لاحس لاخبر منك

.....

وتين ...جنت اتنصت عليهم من الشباك اني وهاجر جان يلكطنا احمد