#قضية_انتحار_دامية
#بارت32
#بقلمي_سارة_المجيد
مساءكم ورد جوري احبتي
طبعا جثيير اتونس ع تعليقاتكم وتوقعاتكم وشلون تحللون وتخمنون وشلون تحلون الالغاز وترتبون الاحداث عن جد فخوره بيكم ماشاءالله اذكياء متابعيني ع كاتبتكم طالعين 😁
والبعض وصلوا بتوقعاتهم الصحيحه لحل بعض غموض القصة بس ماكول منو ههههههههه
يله خلونه ندخل للاحداث المشوقة مال اليوم
يزن ...هيه ساكنه بحديثه هذا بس الاكدر اوضحو اخاف ماتصير قسمة ماريد يلحكها حجي مو زين
مصطفى ...شايف الخير ان شاء الله
فرقد ...تستاهل يزوني وان شاء الله انشوفك عريس
يزن ...اشكركم بعد اخوكم اني احبها من جت على الدنيا ومخلي عيني عليها
وبعدني صغير حيل على الزواج فاريد تكبر هيه شويه واني هم اكون نفسي
بعدها الشغله طويله حيييييييل ويجوز متصير كلشي وارد
تسريع الاحداث .....
وتين ...مرت الايام وفرقد ضل بمحاولاتو انو يحبب نفسو
بس طريقتو الي جانت غلط بدل ما يقرب سابين جان يبعدها بتصرفاتو
وبيوم من الايام جت اراده ويزن لبيت جدو وماجانت جيه خير ابد
من يومها قلبت حياتنه جحيم اسود ما الو مخرج ولا وسيله نطلع منها
جنت كاعده جوى اسوي واجباتي وفاتت اراده ويزن سلمو علينا وكعدوا
وراها اختفت اراده
اراده ...رحت لسابين وكتلها تعالي شوفينا شقة فرقد ماشايفيها
ناخذ نظره عليها ونطلع بعدها للبستان كالو حيل مرتبها
سابين ...لا عفيه اخاف مايقبل ويضوج وتعرفين فرقد نحس مايحب احد يخترق خصوصياتو
اراده ...لا مانسوي شي بيها بس نشوفها ونطلع ديلا حبابه انتي مو غريبه خطيبتو بعد ومنطول ومنخلي يشوفنا
وهم اريد احجي وياج على انفراد فدوه اريد استشيرج بشغله
سابين ...كلبي لعب منها مارتاحيت بهذيج العصريه كتلها اوك بس خليني اسبح واجيج
اراده ..اوك اني جوى (جنت متفقه ويه اخو صديقتي نفس جسم اخويه تقريبا
ويجوز شويه اضخم بس من بعيد يبين نفس يزن اتفقت ويا ان يجي للبستان ويحجي ويه سابين
وشوفتو صورتها ..صديقتي جانت تعرف كلشي عني وشلون احب فرقد بجنون ورادت اتساعدني بشتى الطرق
واخوها اعرفو نذل قبل يسوي هالشي شافها حلوه وكال يجوز احصل منها شي اكيد هيج فكر
فاتت سابين تسبح واني متفقه ويا ينتظرنا بالبستان
أنت تقرأ
قضية انتحار دامية
Mystery / Thriller#قضية_انتحار_دامية🔞🔞 تنويه القصه حقيقية فيها مشاهد لاتصلح للاصحاب القلوب الضعيفه قصة لتؤمتين تعيشان وسط عائلة متفككه وتملئها الحقد والكراهية يكبران ويتم التلاعب بأوراقهما الرسمية ويتم تزويرها لتأخذ واحده شخصية الاخت الثانية ويتم تعذيبها بابشع الطر...
