قضية انتحار دامية

بارت28

#قضية_انتحار_دامية

#بارت28

#بقلمي_سارة_المجيد

مساء النور والسرور ع اغلى متابعين

فرقد ...صحت بيها كومي اندفسي كعدي جدام اني مو شوفير الخلفوج

سابين ...لحظه شبيك وانت ليش عصبي عبالي يزن يجي وياك شمدريني مراح يجي

فرقد ...اييي سكتي هوه انتي عندج عقل تفكرين بي الي بدماغج هذا زبل مو عقل

سابين ...لاتغلط احسن لك

فرقد ...لا والله وشنو راح تسوين اذا غلطت ها بله

تصيحين حبيب الگلب يكتلني هااااا ياخانم احجي رديييي

سابين بصدمه هذا شديخربط كتلو ...طبعا انت داتلوص واني ما ارد على الي يلوصون بحجيهم

فرقد ...لاااا والله صرنا نلوص مو كد مقامج الكريم ست سابين

سابين ...انت شبيك ها شبيك بس كولي يصير توصلني البيت بدون مشاكل

كعدت لجدام وسديت الباب والطريق كلو سنطه بس عيونو تجدح شرار واني مبرده اعصابي

هذا الخبل جن على الاخر هوه اصلا شنو جنت متوقعه منو

واحد همجي هم يعرف يحجي هم عندو اسلوب لا والله

وانوب حتى اطمس بالوحل اكثر رحت و وافقت على الخطبه منو ..عفيه عليج سابين زين سويتي

خلصتي من سناء جاج فرقد برافو والله تفكيرج وين جان من خطيتي هالخطوه الغبيه ...اني والله بس اوصل البيت الا اشكيك لعمو

فرقد ...بشنو داتفكرين سابين انلصمي وسكتي

سابين ...اووووه هسه وين وصلنا الكعده وياك تفلج الكلب والله

فرقد ...كصري لسانج ولج لا ابتلي بيج والكعبة ترا كوه لازم نفسي عنج حيواااانه فوتي جوا طايحة الحظ

سابين ...هههه بكلبي منو هو الحيوان اسمك راهم عليك جاي عليك تفصال يا فرقد ياحيوان ..

فرقد ...فتت لغرفتي واني ابحث عن هالرقم بالفيس بوك والتلي وكل البرامج لان هل احداث صارت بسنة ٢٠٠٩

ماكو ماعندو اي حساب اخابرو مغلق اني شلون سمعت يزن وطفيت اعصابي عنها

والله لو لازمها راشديين منا ومنا جان كالت كل العدها بس ما افوتها الج

بدلت ملابسي وطلعت على صديقي اخو يشتغل بشركة الاتصالات كتلو عندي هالرقم اريد اعرف صاحبو

كال ادلل اخذو الولد ونطا لاخو وراها كعدت يمو شربنا جاي ورا نص ساعه خابرني اخو

كله الرقم مسجل باسم رجال اسمو قصي سالم

اني كبل استاذنت ورحت قصي سالم قصي سالم

وين سامع بيك والله ولا اعرف هيج ولد